საქართველოს ბანკმა ევროპის რეკონსტრუქციისა და განვითარების ბანკისგან 20 მლნ დოლარის ფინანსური რესურსი მოიზიდა. მოზიდული თანხით საქართველოს ბანკი ხელს შეუწყობს ადგილობრივ საწარმოებს, რათა ქვეყნის მასშტაბით კონკურენტუნარიანობა კიდევ უფრო გაზარდონ და საწარმოს მოდერნიზაციაში, მათ შორის მწვანე ტექნოლოგიების დანერგვაში, ინვესტიციები განახორციელონ. აღნიშნული დაფინანსება უზრუნველყოფილია EU4Business-EBRD- ის საკრედიტო ხაზით, რომელიც ერთ-ერთი ყველაზე წარმატებული დაფინანსების ინსტრუმენტია აღმოსავლეთ პარტნიორობის ქვეყნებში, ასევე საქართველოში, მიკრო, მცირე და საშუალო საწარმოებს შორის. ინფორმაციისთვის: დღეისათვის EBRD-ს ფინანსურ, კორპორატიულ, ინფრასტრუქტურულ და ენერგეტიკულ სექტორებში, 270 პროექტში, 5 მილიარდი ევროს ინვესტიცია აქვს განხორციელებული. ამ ინვესტიციების 81 პროცენტი კი კერძო სექტორზე მოდის.


#ახალიამბები #BusinessMediaGeorgia