დაზუსტებით შემიძლია გითხრათ, რომ საქართველოს მასშტაბით ყველა სასტუმროში ფასები თითქმის განახევრებულია, - ამის შესახებ სასტუმროებისა და რესტორნების ფედერაციის დამფუძნებელმა, შალვა ალავერდაშვილმა განაცხადა. მისი ინფორმაციით, სასტუმროები 15 ივნისიდან შიდა ტურიზმის გახსნას შემცირებული ფასებით შეხვდნენ და რიგ ხუთვარსკვლავიან სასტუმროებში ნომრის ფასი 50 ლარამდეა. რაც შეეხება გახსნილი სასტუმროების რაოდენობას, როგორც შალვა ალავერდაშვილი აცხადებს, თბილისში სასტუმროები საერთოდ არ გახსნილა და ქვეყანაში არსებული სასტუმროების მხოლოდ 15%-მდე მუშაობს.ალავერდაშვილის თქმით, მიმდინარე წელი სასტუმროებისთვის „გადარჩენის წელი“ იქნება.შეგახსენებთ, 15 ივნისიდან საქართველოში შიდა ტურიზმი გაიხსნა. გუშინ ასევე სწორედ ბიმეჯისთან „აჭარა ჯგუფის“ მმართველმა დირექტორმა განაცხადა, რომ ფასები დააკორექტირეს, შემცირების მიმართულებით, დაახლოებით 50 % ის ფარგლებში.

სტუმარი: ლევან ბერულავა - აჭარა ჯგუფის მმართველი დირექტორი



#ახალიამბები #BusinessMediaGeorgia