ანაკლიის პროექტი საქართველოს ეკონომიკური ზრდის ორ ძალიან მნიშვნელოვან გამოწვევას უპასუხებს - საქართველოს გეოგრაფიული მდებარეობის გამოყენებასა და ლოგისტიკურ ჰაბად გარდაქმნას, ასევე საზღვაო ქვეყნად ჩამოყალიბებას,- ამის შესახებ ეკონომიკისა და მდგრადი განვითარების მინისტრმა, გიორგი ქუბულიამ ანაკლიაში ღრმაწყლოვანი პორტის საზღვაო სამშენებლო სამუშაოების დაწყების ოფიციალურ ღონისძიებაზე. გიორგი ქობულიას განცხადებით, ანაკლიის პროექტი საქართველოს კონკურენტუნარიანობის გაზრდაში ძალიან მნიშვნელოვან წვლილს შეიტანს და მისი მეშვეობით შესაძლებელი გახდება კონკურენტული მარშრუტებიდან საქართველოს დერეფანში სხვა ტვირთებისა და მოცულობების გადმოტანა.
ადგილზე საზღვაო სამუშაოების დაწყების ოფიციალურ ღონისძიებას ანაკლიის პორტის პროექტის დამფუძნებელი და მენეჯმენტი, სამთავრობო უწყებების და საერთაშორისო კომპანია „ვან ოორდის“ წარმომადგენლები დაესწრნენ. როგორც პროექტის ავტორები აცხადებენ, პორტის მშენებლობისას დაგეგმილი საზღვაო სამუშაოები, მთლიანობაში, თავისი მასშტაბითა და საინჟინრო გადაწყვეტით, საქართველოსთვის უპრეცედენტოა.

სტუმარი: ქეთი ბოჭორიშვილი - “ანაკლია სითის” დირექტორი

17.09.2018