დეკემბერში ეკონომიკა 4.7%-ით გაიზარდა, მეოთხე კვარტლის საშუალო ზრდამაც შეადგინა 4.7%. 2017 წელს კი საქართველოს ეკონომიკა, წინასწარი შეფასებით, 4,8 პროცენტით არის გაზრდილი. გასულ წელს ეკონომიკა 4.5%-ით უნდა გაზრდილიყო. საქართველოში 4.5%-იან ზრდას პროგნოზირებდა იბიარდიც. წინასწარი შეფასებით, წინა წლის შესაბამის პერიოდთან შედარებით, 2017 წლის დეკემბერში ზრდა აღინიშნებოდა შემდეგ დარგებში: კომუნალური, სოციალური და პერსონალური მომსახურების გაწევა, სასტუმროები და რესტორნები, დამამუშავებელი მრეწველობა, ოპერაციები უძრავი ქონებით, ხოლო კლება დაფიქსირდა ელექტროენერგიის, აირისა და წყლის წარმოებისა და განაწილების, კავშირგაბმულობის, ტრანსპორტისა და მშენებლობის სფეროებში.