კომპანია McDonald’s-ს საქართველოში არსებობის 25 წელი შესრულდა. კომპანიის მესვეურებმა დაბადების დღე თანამშრომლებთან და მოწვეულ სტუმრებთან ერთად მათ პირველ რესტორანში, რუსთაველის გამზირზე, ზემელზე აღნიშნეს. კომპანია დღემდე ორიათასამდე ახალგაზრდას ასაქმებს თავის რესტორნებში, შარშან ბიუჯეტში 33 მლნ ლარი, ხოლო წლევანდელი შენატანები სავარაუდოდო 40 მლნ ლარს მიუახლოვდება, რადგან კომპანია იზრდება და წლევანდელი საინვესტიციო გეგმა 30 მლნ ლარის ინვესტირებას ითვალისწინებს. ჯამურად, დაარსების დღიდან კომპანიამ საქართველოს ეკონომიკაში 150 მლნ ლარზე მეტი ინვესტირება განახორციელა და გადაჭარბების გარეშე, ეს არის დამოუკიდებელი საქართველოს არსებობის ისტორიაში ერთ-ერთი გამორჩეული ბიზნეს ისტორია. ➡️თემურ ჭყონია - “მაკდონალდს საქართველოს” პრეზიდენტი; #ახალიამბები #BusinessMediaGeorgia
ციფრული ლარის საპილოტე პროექტი ინტერვიუ: Ripple ვიცე-პრეზიდენტი, ჯეიმს უოლისი; ძალიან საინტერესოა პროცესი, რომელსაც საქართველოს ეროვნული ბანკი წარმართავს და მას ციფრული ლარის საპილოტე პროექტი ჰქვია. საქართველოს წამყვანმა ფინანსურმა უწყებამ პარტნიორად ამ საპილოტე პროექტში მსოფლიოში ცნობილი ციფრული ვალუტის პლატფორმა, Ripple აარჩია. კომპანიის წარმომადგენლები და ექსპერტები ხშირად სტუმრობენ საქართველოს, არიან მუდმივ კავშირზე ეროვნულ ბანკთან. ღირს აღნიშვნად, რომ ციფრული ვალუტის დამკვიდრება მსოფლიოს უმეტეს ქვეყანაში, ჯერჯერობით, საპილოტე ანუ სატესტო რეჟიმში რჩება. წარმოგიდგენთ, ინტერვიუს კომპანია Ripple-ის ერთ-ერთ მაღალჩინოსანთან, ცენტრალური ბანკებთან ჩართულობის მიმართულების ვიცე პრეზიდენტ ჯეიმს უოლისთან. ➡️ჯეიმს უოლისი - Ripple, ვიცე-პრეზიდენტი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
სტიქიური მოვლენები & საქართველო რა ვისწავლეთ წარსული ტრაგედიებიდან? ხაშურის მუნიციპალიტეტის სოფელ ტაშისკართან, მთის ფერდობიდან ღელეს მიმართულებით, მიწის მასა და ხეები ჩამოიშალა. ისმის კითხვა, რამდენად მზად ვართ სისტემურ დონეზე პრევენციებისთვის, ანუ შევძლოთ არსებული რეალობის პირობებში მაქსიმუმი და დავიცვათ თავი, სიცოცხლე შესაძლო ტრაგედიებისგან? ვისწავლეთ თუ არა შეცდომებზე ამ მიმართულებით? #ახალიამბები #BusinessMediaGeorgia
მინისტრების თანამდებობებზე დანიშვნის შემდეგ საკადრო ცვლილებები ორ სამინისტროში - თავდაცვის, ეკონომიკისა და მდგრადი განვითარებისა სამინისტროებში განხორციელდა. პირველი ვიცე-პრემიერის, ეკონომიკისა და მდგრადი განვითარების მინისტრის - ლევან დავითაშვილის პირველი მოადგილე, რომეო მიქაუტაძე, ნინო ენუქიძემ ჩაანაცვლა, რომელიც მანამდე მოადგილის თანამდებობას იკავებდა. ახლად დანიშნული თავდაცვის მინისტრის - ირაკლი ჩიქოვანის მოადგილე, გიორგი ხაინდრავა, სერგო ჯანელიძემ ჩაანაცვლა. თავდაცვის მინისტრის პირველი მოადგილის პოზიცია დატოვა ლელა ჩიქოვანმა და მოადგილემ - გიორგი ბუბუნაურმა. ირაკლი ჩიქოვანის მოადგილეების პოსტებზე მუშაობას განაგრძობენ - დავით სუჯაშვილი და გრიგოლ გიორგაძე. #ახალიამბები #BusinessMediaGeorgia
საქართველოს მთავრობა კვირის ბოლოს დამტკიცდა, და უმეტესწილად ძველი შემადგენლობის მინისტრთა კაბინეტს მმართველი პოლიტიკური პარტიის ყოფილი თავმჯდომარე, ირაკლი კობახიძე უხელმძღვანელებს. მას პოლიტიკური მემკვიდრის სტატუსი პარტიაში მისი დამფუძნებლისგან, ბიძინა ივანიშვილისგან ერგო, რომლის საპატიო თავმჯდომარედ არჩევას უკვე კობახიძის გაპრემიერებაც მოჰყვა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 11.02.2024 #ახალიამბები #BusinessMediaGeorgia
ყველაფერი გრემის 66-ე დაჯილდოების შესახებ #ახალიამბები #BusinessMediaGeorgia
სარეკლამო ინდუსტრიაში სატელევიზიო რეკლამები მნიშვნელობას არ კარგავს და მისი წილი კვლავაც დიდია. 2023 წელს, წინა წელთან შედარებით, ჯამურად სარეკლამო ბაზრის 16% -იანი ზრდა დაფიქსირდა. აქტიურობის კუთხით გამოირჩეოდნენ უძრავი ქონების, კვების, სილამაზისა და ჯანმრთელობის კატეგორიის ბრენდები. განსაკუთრებული ზრდა დაფიქსირდა სამშენებლო კომპანიების კატეგორიაში და მათ მთლიან სატელევიზიო სარეკლამო ბაზრის 8% დაიკავეს. დეველოპერულ კომპანიებს შორის ტოპ განმთავსებელი “არქი ჯგუფია”, რომელსაც შესაბამის კლასტერში 30%-იანი წილი უჭირავს. ტრადიციული მედიის მაყურებელი უფრო მაღალ ასაკობრივ ჯგუფებში შეიმჩნევა, თუმცა, შეინიშნება ახალგაზრდა აუდიტორიის ინტერესიც. ტელეყურებადობაში მნიშვნელოვან წილს, 43%-ს იკავებს სერიალები, რომელსაც 22%-იანი წილით საინფორმაციო გამოშვებები მოჰყვება. საქართველოში, ტელევიზიას ყველაზე დიდი აუდიტორია იანვარსა და თებერვალში ჰყავდა, ყველაზე მცირე კი – ივლისსა და აგვისტოში, რაც გლობალური ტრენდის ანალოგიურია. სტუმრები: რუსუდან ბერიანიძე - betterfly media-ს მედია დირექტორი; თემურ ბლიუმგარდტი - McCann group-ის გენერალური მენეჯერი; ელენე ბარათაშვილი - კომპანია "არქის" მარკეტინგის ხელმძღვანელი; #ახალიამბები #BusinessMediaGeorgia
ფასეული უძრავი ქონების კომპანია "სიმეტრიას" პრემიუმ კლასის პროექტის, "სიმეტრია პარკის" მშენებლობა დასკვნით ეტაპზეა. ოქროყანაში მდებარე უბნის 60% უკვე აშენებული, პროექტის 75% კი გაყიდულია. "სიმეტრია პარკი" 20 000 კვ/მ ფართობზეა განთავსებული და იგი 39 ბინასა და 31 კერძო, ინდივიდუალურ სახლს აერთიანებს. თითოეულ ინდივიდუალურ სახლს პარკინგი და დამოუკიდებელი შიდა ეზო აქვს. ბინები ადაპტირებულია შეზღუდული შესაძლებლობის მქონე პირებისთვის. გარდა ამისა, "სიმეტრია პარკის" მობინადრეებისთვის გათვალისწინებულია დამატებითი ინფრასტრუქტურა და სერვისები, მათ შორის სპორტული დარბაზი, სპა ცენტრი, მრავალფუნქციური ღია და დახურული საბავშვო მოედანი, ცენტრალური პარკი, გამწვანებული ქუჩები, საფეხმავლო და ველობილიკები, მისაღები სივრცე და კონსიერჟი, შეხვედრების ოთახი და ბიბლიოთეკა, ტერიტორიის 24 საათიანი დაცვა, ვიდეოუსაფრთხოების სისტემა, საერთო სივრცეების მოვლა და ტერიტორიაზე კომერციული ობიექტები. სტუმარი: დავით ბუაძე - "სიმეტრია პარკის" გაყიდვების ხელმძღვანელი #ახალიამბები #BusinessMediaGeorgia
კომპანია „ ორბი ჯგუფმა" ბახმაროში, 350 პრემიუმ კლასის ნომერზე გათვლილი, მრავალფუნქციური სასტუმროს მშენებლობა და გაყიდვები დაიწყო. აპარტამენტების მინიმალური ფასი კვადრატულ მეტრზე 1 500 დოლარიდან იწყება, მაქსიმალური ღირებულება კი, 5000 დოლარს აღწევს. მრავალფუნქციური კომპლექსი გააერთიანებს სპორტულ მოედნებს, რესტორნებს, კაფეებს, სპა და სპორტულ გამაჯანსაღებელ ცენტრებს, მოეწყობა ასევე დასასვენებელი პარკი, ატრაქციონები, რეკრეაციული ზონები, ბავშვთა გასართობი ცენტრი, კინო-თეატრი, საცურაო აუზი და პარკინგი, რაც კურორტს საშუალებას მისცემს ყოველწლიურად 300 000-ზე მეტ ტურისტს მოემსახუროს. ბახმაროში არსებული მკაცრი კლიმატური პირობებიდან გამომდინარე, მშენებლობის ხანგრძლივობა დაახლოებით 2 წლის ვადაზეა გათვლილი და 2025 წლის ბოლომდე დასრულდება. კომპანია "ორბიში" ირწმუნებიან, რომ სასტუმრო კომპლექსი ადაპტირებული იქნება ადგილობრივ ლანდშაფტთან, თუმცა პროექტის დღის სინათლეზე გამოტანისთანავე საზოგადოებაში მას დიდი ვნებათაღელვა მოჰყვა. ურბანისტები და არქიტექტორები აცხადებენ, რომ პროექტი წინააღმდეგობაშია გაეროს მდგრადი განვითარების მიზნებთან. სტუმარი: ანი ბიბილაშვილი - Urban Development Institute • ურბანული განვითარების ინსტიტუტი-ის დამფუძნებელი და ხელმძღვანელი; #ახალიამბები #BusinessMediaGeorgia
საუკუნის ტრანსფერი ფორმულა 1-ში - ლუის ჰამილტონი მომდევნო სეზონიდან “ფერარის” პილოტი იქნება #ახალიამბები #BusinessMediaGeorgia
რამდენადაც წარმატებული იქნება ქვეყნის მთავრობა, მით უფრო ბედნიერი იქნება იმ ქვეყნის მოსახლეობა, რომელსაც აღარც ხალხი დატოვებს და მათი შემოსავლებიც გაიზრდება. წარმატებული მთავრობა ვერასდროს იქნება მხოლოდ სტატისტიკური შედეგებით ამაყი, რადგან მთავრობა, რომელიც მისი მოსახლეობისთვისა და გადასახადის გადამხდელებისთვის მაგალითის მიმცემი უნდა იყოს, არ უნდა მიეცეს თვითკმაყოფილებას გარემოებებიდან გამოწვეული წარმატებით და რეალურად უნდა შეძლოს თავის მოქალაქეებსა და მათ შემოსავლებზე აისახოს ის სიკეთეები, რაც ჭარბად არის ჩვენს მანიპულირებად სტატისტიკაში და ადამიანამდე მისული ეს სიკეთე, იქნება იმ მთავრობის ყველაზე დიდი წარმატებაც და დაფასებაც. #ახალიამბები #BusinessMediaGeorgia
„ქართველი რომ იტყვის ქალაქს მივდივარ, ქალაქში ვიყავი, და ქალაქიდგან მოვდივარ, მხოლოდ ტფილისს იგულისხმებს და არა სხვა რომელსამე ქალაქს“ - წერდა გაზეთი „ივერია“ 1900 წელს. ოდითგან ასე ყოფილა, მით უფრო, რომ XIX საუკუნის მეორე ნახევრიდან მოყოლებული, საქართველოს სხვადასხვა კუთხის მოსახლეობა თბილისს დიდი იმედების ქალაქად ხედავდა, სადაც, მონდომების შემთხვევაში, ყველაფრის მიღწევა იყო შესაძლებელი. თუმცა, გამდიდრების იმედად ტფილისისკენ მომავალთ არ იცოდნენ, რომ ქალაქში არათუ „დიდი ფულების მოგება“, არამედ სულ უფრო საქმის შოვნაც კი დიდ სირთულეებთან და გამოწვევებთან იყო დაკავშირებული. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ორი წლის წინ, მაშინ, როცა პანდემიამ ადამიანების უმეტესობას დრო გამოუთავისუფლა და ახალი საქმის დაწყებაზეც დააფიქრა, ნუკი კოხოძემ თავისი ინტერესები სურნელოვანი სანთლების წარმოებისკენ მიმართა. სახელიც მარტივი და გასაგები შეარჩია, თან ისეთი, ყველას რომ დამახსოვრებოდა - "სანთელი". დროთა განმავლობაში გამოთავისუფლებული დროის ხარჯზე დაწყებული საქმე საყვარელ საქმიანობად იქცა. მომხმარებლების ყურადღებაც მალევე მოიპოვა, თან მაშინ ახალი ხილი იყო, ქართული ბაზარი მსგავსი პროდუქტით განებივრებული არ გახლდათ. "სანთელმა" თავი მარტივად დაიმკვიდრა. დღეს მრავალი თემატიკის და სახეობის პროდუქტი აქვთ. ➡️ნუკი კოხოძე - "სანთელი", დამფუძნებელი; #ახალიამბები #BusinessMediaGeorgia
ქვეყნის მთის კურორტებზე სეზონი მიმდინარეა, თუმცა განთავსების ობიექტებისთვის დატვირთულობით ყველაზე მნიშვნელოვანმა - იანვრის თვემ უკვე ჩაიარა. ვითარება კურორტებზე განსხვავებულია. ბაკურიანი-გუდაურის შემთხვევაში, სეზონმა შედარებით პოზიტიური მიმდინარე შედეგები აჩვენა, რასაც ვერ ვიტყვით - სვანეთსა და ყაზბეგზე. #ახალიამბები #BusinessMediaGeorgia
გავლენიანმა გამოცემა The Economist-მა, მსოფლიოს გამორჩეული ბიზნეს ლიტერატურის რეიტინგი შეადგინა, საუბარია წიგნებზე რომელიც 2023 წელს არის გამოსული და საქმიანი საზოგადოების ყველაზე დიდი ინტერესი დაიმსახურა. #ახალიამბები #BusinessMediaGeorgia
4 თებერვალს, 2004 წელს, ზუსტად 20 წლის წინ სრულად გაეშვა ოპერირებაში დღემდე ერთ-ერთი ყველაზე გავლენიანი და მოცვადი სოციალური ქსელი ფეისბუქის სახით, რომელსაც, მოგვიანებით, მისმა დამფუძნებელმა, მამა მარკ ცუკერბერგმა სახელი შეუცვალა და META -ს ბრენდით გახლავთ წარმოდგენილი. მას შემდეგ, აღნიშვნის ღირსი არა მხოლოდ ფეისბუქის შემოსვლაა ჩვენს ყოველდღიურობაში, არამედ ის ურცხვი სერვისები, რომელსაც ეს ქსელი მოხმარებულებს სთავაზობს და რომელთა, ალბათ არასრულ 10% თუ ვიყენებთ საქართველოში. ფეისბუქმა წლების განმავლობაში ბიზნესიც გააფართოვა, შეიძინა სხვა ქსელებიც და ახლა სრულად ვირტუალური რეალობის მიმართულებებზეა ორიენტირებული, არსებული სერვისების მუდმივი დახვეწის პარალელად. #ახალიამბები #BusinessMediaGeorgia
გასული წლის გარიგებებიდან ალბათ გამორჩეული იყო საქართველოსა და რეგიონის ერთ-ერთი გამორჩეული კომპანიის TEGETA HOLDING-ისა და მასში შემავალი კომპანიების აქტიურობა ბონდების ბაზარზე. აქედან, ერთ ერთი გამორჩეული მაინც "თეგეტას" აქციების მწვანე ემისია გახლდათ, რომლის ფარგლებშიც "თეგეტამ" აზიის განვითარების ბანკის ინვესტორებით 20 000 000 ლარის მწვანე ობლიგაციები გამოუშვა. შედეგად, ქართულმა კომპანიამ, რეგიონის მასშტაბით, საავტომობილო ინდუსტრიის ისტორიაში აქციების მწვანე ემისიის პრეცედენტი შექმნა. საერთაშორისო ბრენდები, განსაკუთრებით ავტოინდუსტრიაში,ერთმანეთის მიყოლებით აახლებენ და თანამედროვეობას არგებენ ბიზნესპროცესებს, მნიშვნელოვნად ცვლიან კონცეფციას წარმოებაშიც და რეალიზაციაში.ცალსახად,მთავარი აქცენტი - ინდუსტრიის ელექტრიფიცირებაზე კეთდება, ხოლო მომსახურების სფეროში ინდივიდუალურ მიდგომების სრულად დახვეწაზე. ამ მიმართულებითაც არ ჩამორჩა "თეგეტა" თანამედროვეობას და ამ ახალ სტანდარტებზე მორგებული პროექტებითა და გაყიდვების მკვეთრად გაზრდილი მაჩვენებლებით იწყებს "თეგეტა ქარსი" 2024 წელს.. ➡️პეტრე წაქაძე - Tegeta Cars, დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
Galt&Taggart; - 2023 წლის შეჯამება - ინტერვიუ ლევან შავკაციშვილთან რამდენიმე თვეა რაც, Galt & Taggart-ის გუნდს ლევან შავკაციშვილი შეუერთდა. რაც შეეხება, 2023-ს, ის ცალსახად მნიშვნელოვანი იყო მთლიანად, საქართველოს კაპიტალის ბაზრის განვითარებისთვის, როცა ბონდების რეკორდული მოცულობა განთავსდა და რაც მთავარია, მათი ნაწილი გაიხსნა ფიზიკური პირებისთვის, ინვესტორებისთვის, რომელთაც აქვთ სურვილი ჩადონ ფული იმ ქართულ კომპანიებში, ვისი ნდობაც აქვთ და შემდგომ განვითარებაშიც არ ეპარებათ ეჭვი. ➡️ლევან შავკაციშვილი - Galt & Taggart, მმართველი დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
სარეკლამო სააგენტო BetterFly 2023 წლის სატელევიზიო სარეკლამო ბაზრის მიმოხილვას აქვეყნებს. ანგარიშის თანახმად, გასულ წელს ყველაზე აქტიური სატელევიზიო მარკეტინგული კამპანია “კოკა-კოლას” ჰქონდა, მას შემდეგ მოდის გლობალური კომპანიის Procter & Gamble-ის სარეცხი საშუალება "არიელის" რეკლამები და ამავე კომპანიის კიდევ ერთი ბრენდის Head & Shoulders-ის შამპუნის რეკლამები. თუმცა, ჯამურად Procter & Gamble-ის ბრენდების სარეკლამო დროის მოცულობა “კოკა-კოლას” რეკლამების საეთერო დროზე მეტი იყო. მეოთხე ადგილზეა Lays-ის ჩიფსების რეკლამა, რომელიც, თავის მხრივ, Pepsico-ს ერთ-ერთ ბრენდს წარმოადგენს, მეხუთე პოზიციაზე კი “სილქნეტის” რეკლამები იმყოფება. რეიტინგში ასევე შედიან: McDonald's-ი, Oral B, PSP, არქი ჯგუფი, ყავა იაკობსი, ქოლგეითი, გლოვო, სელფი მობაილი, ფანტა, ფეირი, პანტენი, ნოვა და სხვა კომპანიები. #ახალიამბები #BusinessMediaGeorgia
"საქართველოს ბანკის" (BGEO) აქციების ფასი 0.26%-ით გაიზარდა და ამჟამად ერთი აქციის ღირებულება 37.90 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 1.86 მილიარდ სტერლინგს აღწევს. ბოლო ექვს თვეში "საქართველოს ბანკის" აქციების მატება 29.6%-ია. TBC PLC-ის აქციების ღირებულება ერთკვირიან ჭრილში 4.5%-ით შემცირდა. ბანკის ერთი აქცია 29.10 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.6 მილიარდ გირვანქა სტერლინგს შეადგენს. ბოლო ექვს თვეში "თიბისის" აქციების ფასი 18%-ითაა გაზრდილი. "საქართველოს კაპიტალის” (CGEO) აქციების ღირებულება 5.4%-ით გაიზარდა, შედეგად ერთი აქციის ფასი 11.30 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 526 მილიონ გირვანქა სტერლინგს შეადგენს. ბოლო ექვს თვეში კომპანიის აქციების ფასი 27%-ითაა გაზრდილი. #ახალიამბები #BusinessMediaGeorgia
საჯარო ხდება საქართველოს მომავალი პრემიერ მინისტრისა და მისი გუნდის ხედვები ეკონომიკის შემდგომ განვითარებასთან დაკავშირებით. წარმოგიდგენთ. 8 ინსტრუმენტს, რომელსაც მომავალი მთავრობა ბიზნესისა და ინვესტიციების ხელშესაწყობად მიმართავს. უზრუნველყოფილი იქნება საკუთრების უფლების განუხრელი დაცვა. ასევე, გაგრძელდება ბიზნესთან ინტენსიური კომუნიკაცია და ახალი რეგულაციების მიღება მოხდება მათთან კონსულტაციით. გაფართოვდება რეგულირების ზეგავლენის შეფასების ინსტრუმენტის დანერგვა. გაცხადებულია, რომ შენარჩუნდება ხელსაყრელი საგადასახადო გარემო და გაგრძელდება ელექტრონული სერვისების დანერგვა. #ახალიამბები #BusinessMediaGeorgia
სომხეთში - სტატისტიკის ეროვნული კომიტეტის წინასწარი მონაცემებით 2023 წლის იანვარ-დეკემბერში ქვეყნის ეკონომიკური ზრდის ტემპი 9.4%-ს შეადგენდა. ეს მონაცემი პირდაპირ ეკონომიკური ზრდის მაჩვენებელი არაა და მას ეკონომიკური აქტივობის ინდიკატორი ეწოდება. საერთაშორისო სავალუტო ფონდის (IMF) პროგნოზით კი 2023 წელს სომხეთის ეკონომიკა 7%-ით გაიზარდა. აზერბაიჯანის სტატისტიკის ეროვნული კომიტეტის ანგარიშის მიხედვით, 2023 წელს მიმდინარე ფასებში ქვეყნის მთლიანი შიდა პროდუქტის ზომამ 123 მილიარდ მანათს მიაღწია. თურქეთის სტატისტიკის სამსახურს 2023 წლის სრული შედეგები ჯერჯერობით გამოქვეყნებული არ აქვს, თუმცა მისი მიხედვით, წლის პირველ კვარტალში ზრდა 4% იყო, მეორე კვარტალში 3.9%, ხოლო მესამე კვარტალში კი ზრდამ 5.9% შეადგინა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 04.02.2024 #ახალიამბები #BusinessMediaGeorgia
რა მოთხოვნები აქვს კილიან მბაპეს მადრიდის "რეალთან"? სეზონის ბოლოს იურგენ კლოპი “ლივერპულის” მთავარი მწვრთნელის პოსტს დატოვებს; 2024 წლის ყველაზე ძვირად ღირებული სპორტული იმპერიები Forbes-ის შეფასებით; #ახალიამბები #BusinessMediaGeorgia
კიდევ ერთ საინტერესო პროექტი, რომელიც კურორტ მახინჯაურში შენდება პროექტი sea hills-ია, რომელსაც კომპანია "არსი ჯგუფი" აშენებს. პროექტი ორი 12 სართულიანი შენობისგან შედგება და ის სხვადასხვა ტიპის ინფრასტრუქტურას აერთიანებს, მათ შორის მიწისქვეშა პარკინგს, გარე აუზს, სპორტულ დარბაზს, სპა ცენტრს და ბავშვთა გასართობ სივრცეებს. პროექტი მომავალ ინვესტორებს ასევე შესთავაზებს გაქირავებისა და დაცვის სერვისებსაც. სი ჰილსში ბინების ფართობი 32-დან 101კვ,მ-მდე მერყეობს, შეთავაზებაშია როგორც შავი, თეთრი და მწვანე კარკასები, ასევე ბინები რემონტითა და ავეჯით. პროექტის დასრულება მიმდინარე წლის სექტემბერში იგეგმება. სტუმარი: კახა კახაძე - "არსი ჯგუფის" დირექტორი; #ახალიამბები #BusinessMediaGeorgia
Lemons Group-ის პროექტების შედეგები & მიმოხილვა(2023); Lemons Group-ის მიმდინარე პროექტები&გეგმები; სტუმარი: ირინე მელიმონაძე - „ლემონს ჯგუფის“ დამფუძნებელი & ბიზნესის განვითარების კონსულტანტი; #უძრავიქონებისპროსპექტი თათია ჩაფიჩაძესა და გუგა კობახიძესთან ერთად #ახალიამბები #BusinessMediaGeorgia
საქართველოში არსებული კურორტები უმეტესად ქაოტურად ვითარდება რაც ან გენგეგმის არარსებობას, ან არსებულის დარღვევებს უკავშირდება. არასწორი განაშენიანება კი თავის მხრივ ქვეყანაში განვითარებული, მდიდარი ტურისტების შემოსვლას აფერხებს. ასეთ პირობებში ნაკლებია ტურიზმის სფეროში უცხოური ინვესტიციების ჩადების სურვილიც. სპეციალისტები ამბობენ, რომ ამ მხრივ როგორც სახელმწიფოს, ისე ბიზნესის დანაკარგები გრძელვადიან პერსპექტივაში გაცილებით დიდი და საგრძნობი იქნება. #ახალიამბები #BusinessMediaGeorgia
ამ კვირაში, ჩვენი საზოგადოების გამორჩეულ წარმომადგენელს, ერთ-ერთ გამორჩეულ პიროვნებას, კინორეჟისორსა და საზოგადო მოღვაწეს, ელდარ შენგელაიას 91 წელიწადი შეუსრულდა. წარსულშიც და ახლაც, რთულია იპოვო პიროვნებები, რომლებიც გაამართლებენ საზოგადო მოღვაწის დამსახურებულ სტატუსს. ბატონი ელდარი, ამითაც გამორჩეული იყო და არის. რთულ და უმძიმეს კომუნისტურ პერიოდში, როცა სისტემას უდახვეწილესი სატირით თავის შემოქმედებაში ასახავდა. #ახალიამბები #BusinessMediaGeorgia
პანდემიის დასრულების შემდეგ, თეატრებზე მოთხოვნა მნიშვნელოვნად არის გაზრდილი. ამას თანამედროვე ქართული თეატრის კვლევის ცენტრის მიერ ჩატარებული, ქართული თეატრის სტატისტიკური ანგარიშიც მოწმობს. #ახალიამბები #BusinessMediaGeorgia
წარმოგიდგენთ, 2024 წლის ყველაზე ტრენდულ ტურისტულ მიმართულებებს Booking.com-ის მიხედვით. #ახალიამბები #BusinessMediaGeorgia
გავლენიანმა გამოცემა TIME-მა მორიგი საეტაპო რეიტინგი გამოაქვეყნა, სადაც თავი მოუყარა ყველაზე გავლენიან და საუკეთესო კომპანიებს მსოფლიოში. როგორც ყველა პასუხისგებლიანი და ავტორიტეტული გამოცემა, TIME ცხადია ამ რეიტინგს თან ურთავს მეთოდოლოგიასა და შეფასების კრიტერიუმებს, რომლის მიხედვითაც პუბლიკაცია გამორჩეულად მოთხოვნადი ხდება მსოფლიოში. #ახალიამბები #BusinessMediaGeorgia
დღევანდელ რუბრიკაში, კიდევ ერთ წარმატებულ ქალზე, 4hospitals”-ის დამფუძნებელზე, ნინო გამყრელიძეზე გვიყვება. საქმეს, რომელსაც ნინო 10 წლის წინ ჩაუდგა, სამედიცინო სექტორისთვის შეუფასებელია. მის მიერ დაფუძნებული კომპანია სექტორს უახლესი აპარატურით ამარაგებს. ნინო გამყრელიძე პროფესიით ექიმია, თბილისის სახელმწიფო სამედიცინო უნივერსიტეტში ჯერ პედიატრიული ფაკულტეტი დაამთავრა, შემდეგ რეზიდენტურა ონკოჰემატოლოგიის მიმართულებით დაიცვა. გავიდა დრო და მიხვდა, რომ ექიმობა მისი მოწოდება არ იყო, თუმცა სფეროდან შორს არ წასულა. იმუშავა სხვადასხვა ფარმაცევტულ კომპანიებში, საწყისი საფეხურიდან დაწყებული, მენეჯერული პოზიციებით გაგრძელებული, 2014 წელს კი თანამოაზრეებთან ერთად სამედიცინო კომპანია „4Hospitals“ დააფუძნა. ➡️ნინო გამყრელიძე - „4Hospitals“, მმართველი პარტნიორი; #ახალიამბები #BusinessMediaGeorgia
შეიქმნა საკმაოდ სასარგებლო საქმიანი ქსელი, კლუბი რომელიც ყველა დაინტერესებულ ინვესტორს მაქსიმალურ მხარდაჭერას და დახმარებას სთავაზობს შტატების თვალუწვდენელ ბაზრებსა და ინდუსტრიებში მაქსიმალურად ეფექტურად საქმიანობისთვის. #ახალიამბები #BusinessMediaGeorgia
VICTORY - ასე ჰქვია ბრენდს, რომელმაც რამდენიმე წლის წინ ოჯახის საქმიანობის გაგრძელება და ღვინის წარმოების დაწყება გადაწყვიტა. ტრადიციული მეთოდით, ქვევრში დამზადებულმა ღვინომ პოპულარობა მალევე მოიპოვა, თანაც არამხოლოდ საქართველოში. "ვიქტორის" წარმოებული ღვინოები ნიდერლანდებში, შვედეთსა და უკვე ავსტრიაშიც წარმატებით იყიდება. ღვინის წარმოებამ კიდევ ერთი ახალი იდეა გააჩნია - ახლახან, თბილისში ღვინის სალონიც გახსნეს, ამავე ბრენდის სახელით და გადაწყვიტეს, რომ საკუთრის გარდა, სხვა მცირე მარნების პოპულარიზაციაზეც ეზრუნათ. ➡️ ნინო ქორიძე - "Victory"-ის დამფუძნებელი; #ახალიამბები #BusinessMediaGeorgia
2023 წლის მონაცემებით, ქართული ღვინის ექსპორტის ღირებულება გაიზარდა, მოცულობა კი 2022 წელთან შედარებით შემცირებულია. ეს ნიშნავს იმას, რომ საერთაშორისო ბაზარზე პროდუქტის ფასი მომატებულია.ფასის ზრდასთან დაკავშირებული პოზიტიური ტენდენცია საკმარისი არ არის, რადგან ქართული ღვინო საექსპორტო ბაზრებზე მაღალ საფასო სეგმენტში არ იყიდება. #ახალიამბები #BusinessMediaGeorgia
მსოფლიოს ყურადღების ცენტრში ამერიკის შეერთებული შტატების ფედერალური რეზერვი იქნება, რომელმაც მონეტარულ პოლიტიკასთან დაკავშირებით 2024 წლის პირველი გადაწყვეტილება უნდა მიიღოს. ანალიტიკოსების პროგნოზით, FED-ის კომიტეტი რეფინანსირების განაკვეთს ისევ უცვლელად, 5.5%-იან ნიშნულზე დატოვებს. უშუალოდ FED-ის გადაწყვეტილებაზე საინტერესო იქნება უწყების ხელმძღვანელის, ჯერომ პაუელის სიტყვით გამოსვლა, რომელმაც სამომავლო სტრატეგიასთან დაკავშირებით კომენტარები უნდა გააკეთოს და ბაზარს FED-ის მოლოდინები უნდა გაუზიაროს. გარდა ამისა, მომავალ კვირას ცნობილი გახდება ამერიკის უმუშევრობის სტატისტიკაც. სავარაუდოდ, მაჩვენებელი 3.7%-ის ფარგლებში იქნება. #ახალიამბები #BusinessMediaGeorgia
ქართული კომპანიები ლონდონის საფონდო ბირჟებზე/მიმოხილვა; მსოფლიო საფონდო ბირჟებზე აღმასვლის ტენდენცია ისევ გრძელდება - მიმდინარე კვირას ამერიკულმა ბირჟამ თავისი არსებობის ისტორიაში რეკორდულ მაჩვენებელს მიაღწია, ანუ ამაზე უფრო მაღალი საბაზრო შეფასება ამერიკულ კომპანიებს არასოდეს ჰქონიათ. DOW JONES-ის ინდექსი ერთწლიან პერიოდში 13%-ითაა გაზრდილი, ხოლო ბოლო ხუთი წლის ზრდის მაჩვენებელი 54%-ს აღწევს. ამჟამინდელი მდგომარეობით, თამამად შეგვიძლია ვთქვათ, რომ Dow Jones-ის ინდექსი Bull Market-ის, ანუ ხარის ბაზრის ფაზაშია, რაც მკვეთრი აღმასვლის ტენდენციის ქონას გულისხმობს. ასევე მკვეთრად იზრდება S&P500;-ის ინდექსის ღირებულება, რომელიც 500 უმსხვილეს ამერიკულ კომპანიას აერთიანებს. ამ შემთხვევაში, ზრდის მაჩვენებელი ერთ წელიწადში 20%-ია, 5-წლიან პერიოდში ინდექსის მატება კი 82%-ს შეადგენს. საერთო ჯამში, ვხედავთ მკაფიო ტენდენციას, რომ თითქმის ყველა მსხვილი კომპანიის აქციების ღირებულება გაზრდილია, განსაკუთრებით კარგი შედეგი კი ტექნოლოგიურ გიგანტებს აქვთ, რომლებიც ბაზარზე ხელოვნური ინტელექტის გამოჩენით სარგებლობენ. რაც შეეხება ქართულ კომპანიებს ლონდონის საფონდო ბირჟაზე - "საქართველოს ბანკის" (BGEO) აქციების ფასი 0.13%-ით გაიზარდა და ამჟამად ერთი აქციის ღირებულება 37.80 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 1.86 მილიარდ სტერლინგს აღწევს. ბოლო ექვს თვეში "საქართველოს ბანკის" აქციების მატება 24.7%-ია. #ახალიამბები #BusinessMediaGeorgia
საქართველოს ეროვნული ბანკი გეგმავს, რომ კომერციულ ბანკებს, მომხმარებელთან გაფორმებულ სასესხო ხელშეკრულებებში შეაცვლევინოს მუხლები, რომლითაც კრედიტები რეფინანსირების განაკვეთზე არის მიბმული. სებ-ში შესაბამისი განხილვები უკვე დაწყებულია და იგეგმება, რომ ცვლადგანაკვეთიანი სესხები რეფინანსირების განაკვეთის ნაცვლად თბილისის ბანკთაშორის საპროცენტო განაკვეთს (TIBR-ის ინდექსს) მიებას. ეროვნულ ბანკში აღნიშნავენ, რომ TIBR ინდექსი მეტად საბაზრო და სამართლიანი ინსტრუმენტია, ის უფრო სწორი მექანიზმია, მობილურია და ზუსტად ასახავს ბაზრის დინამიკას. ახალ ინდექსზე გადასვლის პროცესი 2023 წლიდან დაიწყო და ის 2024 წელსაც გაგრძელდება. #ახალიამბები #BusinessMediaGeorgia
ევროპის ენერგეტიკული გაერთიანება საქართველოს მიერ სახელმწიფო ელექტროსისტემის გაყოფის ვალდებულების შეუსრულებლობას სწავლობს - ამის შესახებ თავად ევროპის ენერგეტიკული გაერთიანების მიერ გამოქვეყნებულ ანგარიშში არის აღნიშნული. უფრო დეტალურად ეს ნიშნავს, რომ საქართველომ ევროკავშირის ენერგეტიკულ გაერთიანებაში გაწევრიანებით ბაზრების ლიბერალიზაციის ვალდებულება აიღო, ეს კი თავის მხრივ ახალ საბაზრო მოწყობაზე გადასვლას გულისხმობს. #ახალიამბები #BusinessMediaGeorgia
✔️სომხეთის პრემიერ-მინისტრის ვიზიტი ✔️საქართველო - სომხეთის ეკონომიკური კავშირი რიცხვებში; #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 28.01.2024 #ახალიამბები #BusinessMediaGeorgia
ჟოზე მოურინიო “ნაპოლის” მომავალი მთავარი მწვრთნელი? #ახალიამბები #BusinessMediaGeorgia
“სოპრანოს კლანის” შექმნიდან 25 წელი გავიდა #ახალიამბები #BusinessMediaGeorgia
ფინანსთა სამინისტროს ხაზინამ 2023 წლის ბიუჯეტის 12 თვის შესრულების ანგარიში გამოაქვეყნა, რომლის მიხედვითაც, გასულ წელს ქონების გადასახადისგან თვითმმართველობებმა 648 მილიონი ლარის შემოსავალი მიიღეს, რაც 2022 წელთან შედარებით 45 მილიონი ლარით მეტია. მათ შორის ზრდა ფიზიკური პირების მიმართულებით 12.3 მილიონი ლარია, ხოლო იურიდიული პირების მხრივ ქონების გადასახადის აკრეფის მატება 32 მილიონი ლარია. გადამხდელების მიხედვით, ქონების გადასახადი ასე ნაწილდება: • იურიდიული პირების ქონების გადასახადი - 565 მილიონი ლარი; • მათ შორის - გადასახადი ქონებაზე გარდა მიწისა - 496 მილიონი ლარი; • მათ შორის - გადასახადი სასოფლო-სამეურნეო დანიშნულების მიწაზე - 8.7 მილიონი ლარი; • მათ შორის - გადასახადი არასასოფლო დანიშნულების მიწაზე - 60.8 მილიონი ლარი; ფიზიკური პირების ქონების გადასახადი - 82.6 მილიონი ლარი; • მათ შორის - არაეკონომიკური საქმიანობისთვის გამოყენებულ უძრავ ქონებაზე - 50.1 მილიონი ლარი; • მათ შორის - გადასახადი სასოფლო-სამეურნეო დანიშნულების მიწაზე - 20.2 მილიონი ლარი; • მათ შორის - არასასოფლო-სამეურნეო დანიშნულების მიწაზე ქონების გადასახადი - 12.3 მილიონი ლარი. ფინანსთა სამინისტროს შემოსავლების სამსახურის თანახმად, 2023 წელს ქონების გადასახადის დეკლარაცია 366,706-მა პირმა შეავსო, ერთი დეკლარაციის საშუალო ღირებულება 230 ლარს შეადგენდა. ფიზიკური პირების მიერ დეკლარირებული გადასახადის მოცულობა კი წინა წელთან შედარებით 17%-ით გაიზარდა. ➡️სტუმარი: ირაკლი ჟვანია - "ქუდოს ჯორჯიას" პარტნიორი #ახალიამბები #BusinessMediaGeorgia
ჩინეთიდან გაძვირებული საზღვაო ტრანსპორტირების ფონზე საქართველოში მოქმედი ბიზნესები სამშენებლო მასალების, ტექნიკის და ტანსაცმლის გაძვირებას აანონსებენ. სავაჭრო გემებზე, ჰუსიტების თავდასხმების გამო საზღვაო ხაზები წითელ ზღვას თავს არიდებენ, სანაცვლოდ, აფრიკის კონტინენტის შემოვლით გზას ირჩევენ, 6000 მილით გაზრდილი მარშრუტი კი საზღვაო გადაზიდვის ღირებულებას აძვირებს. ჩინელი ბიზნესმენის, ჰან ჩანგმინის თქმით, წითელი ზღვაში ტვირთების შეფერხება საფრთხეს უქმნის მისი და სხვა სავაჭრო კომპანიების გადარჩენას. ჰანი, რომელიც ჩინური წარმოების მანქანების აფრიკაში ექსპორტს ახორციელებს, Reuters-თან საუბარში ამბობს, რომ ევროპაში კონტეინერების მიწოდების ღირებულება, 3000 დოლარიდან, 7000 დოლარამდე გაიზარდა. რა ასახვა ექნება წითელი ზღვის კრიზისს საქართველოზე და მეორეს მხრივ, როგორ დაასრულეს საქართველოში მოქმედმა უმსხვიესმა სამშენებლო-სარემონტო მასალების კომპანიებმა 2023 წელი? სტუმრები: ნინო დვალიძე - "ზოდის" აღმასრულებელი დირექტორი; თორნიკე გურული - "გორგიას" ხელმძღვანელი. #უძრავიქონებისპროსპექტი თათია ჩაფიჩაძესა და გუგა კობახიძესთან ერთად; #ახალიამბები #BusinessMediaGeorgia
უძრავი ქონების კვირის მიმოხილვა - #უძრავიქონებისპროსპექტი
მნიშვნელოვანია საქმიანმა საზოგადოებამ იცოდეს 2024 წლის კალენდარი უფრო დეტალურად, მათ შორის, ჰქონდეს სრული ინფორმაცია წლევანდელ უქმე ანუ სადაგ დღეებზე, რომელიც არც გადაიხედება ისეა გაწერილი საქართველოს კანონმდებლობით. თუმცა, სხვადასხვა საერო, თუ მეტწილად სასულიერო დღესასწაულების გამო, რომელიც ასევე მრავლად არის ჩვენს წლიურ კალენდარში, მნიშვნელოვანია სხვადასხვა დეტალები ამ დღესასწაულების მოძრავი თარიღების გამო, რაც საშუალებას აძლევს საზოგადოებას შედარებით გრძელი დასვენების პერიოდები მოიწყოს. #ახალიამბები #BusinessMediaGeorgia
გასულ კვირაში, 16 იანვარს, მესტიაში ელექტროენერგიის მოხმარების ისტორიული რეკორდი დაფიქსირდა. პირველად, დღიურმა მოხმარებამ 500 ათასი კილოვატ/საათი შეადგინა. ინფორმაციას „ენერგო პრო ჯორჯია“ ავრცელებს. ხაზგასასმელია, რომ იმავე დღეს, სრულად „ენერგო-პროს“ აბონენტთა მოხმარებულმა ელექტროენერგიამ 14 მილიონი კილოვატსაათი შეადგინა. საგულისხმოა, რომ აღნიშნული 14 მილიონი კილოვატ/საათი მოიხმარეს ყველა კატეგორიის მომხმარებლებმა, მათ შორის, დიდმა კომერციულმა თუ საბიუჯეტო აბონენტებმა, ხოლო მხოლოდ მოსახლეობამ დაახლოებით 6 მილიონი კილოვატ/საათი მოიხმარა. #ახალიამბები #BusinessMediaGeorgia
წარმოგიდგენთ, სოციალურ პლატფორმა X-ზე ანუ "ტვიტერზე" არსებული გვერდის “Spotify Daily Data”-ს მონაცემებზე დაყრდნობით, წლევანდელი შობის და ახალი წლის გამორჩეულ მუსიკალურ ქმნილებებსა და მელოდიებს. #ახალიამბები #BusinessMediaGeorgia