უძრავი ქონების კვირის მიმოხილვა - #უძრავიქონებისპროსპექტი:
მისი გამოგონება ერთდროულად რამდენიმე პიროვნებას უკავშირდება, თუმცა ცნობებისა და მკვლევრების დიდი ნაწილი აღწერს, რომ ასანთი გამოიგონეს 1826 წელს და ის უკავშირდება აფთიაქარს, ჯონ უოკერს, რომელიც ინგლისელი იყო, სტოკტტონ ონ ტიზიდან. როგორც იტყვიან, შემოეკეთა ასანთი, რადგან სრულიად სხვა პროდუქტზე მუშაობდა, ეს იყო იოლად აალებადი მასალის ან გნებავთ ნივთიერების დამზადება მონადირეებისა და მათი იარაღებისთვის. პირველი ასანთი გახდა ხის ჯოხი, როცა აფთიაქარი ჯონ უოკერი ურევდა კალიუმს ანტიმონთან, ჯოხი აალდა მას შემდეგ, რაც აფთიაქარმა ის ქვის იატაკზე გაახახუნა, სრულიად სხვა მიზნით - ზედმეტი ნივთიერებების მოშორება უნდოდა და ჯოხიც აალდა. ჯონის დღიურის მიხედვით სწორედ 1827 წლის 7 აპრილს გაიყიდა პირველი ასანთი მსოფლიოში და ის 1 შილინგი ღირდა. #ახალიამბები #BusinessMediaGeorgia
სამყაროში მრავლად მოიძებნება ისეთი გამოგონებები, რომლებზეც თამამად შეგვიძლია ვთქვათ, რომ მსოფლიო შეცვალეს და კაცობრიობისთვის ნამდვილი გარდატეხაც მოიტანეს… ხშირად ამ გამოგონებებს შეცდომით სრულიად სხვა ადამიანების ქმნილებად ვიცნობთ და არა მათი, ვისაც მათი შექმნის იდეა პირველად გაუჩნდა… #ახალიამბები #BusinessMediaGeorgia
ძველ ქართულ პრესაში ხშირად შეხვდებოდით ქალების კერძოობით განცხადებებსაც, რითაც პოტენციური დამსაქმებლის პოვნას და პატიოსანი შრომით, სარჩო-საბადებლის მოპოვებას ცდილობდნენ. მკერავები, მასწავლებლები, მსახიობები - მაშინ, როდესაც ძველ თბილისში ქალებისათვის რიგ სფეროებში დასაქმების კარი მკვიდრად იყო დახშული, სხვადასხვა სფეროში მათი ჩართულობა ორმაგად მნიშვნელოვანი ამბავი გახლდათ. მაგრამ, როგორც ჩანს, ყველაფერთან ერთად, ზოგჯერ არც ტფილისელი ქალები თაკილობდნენ უკანონო გზებით ხელის მოთბობას. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ქართული ბაზრისთვის კარგად ნაცნობი ბრენდი "ლუკა პოლარე" საერთაშორისო ბრენდად ყალიბდება. 16 წლიანი ისტორიის მქონე კომპანიამ საზღვრებს გარეთ გაფართოება გასულ წელს დაიწყო და აზერბაიჯანში, კერძოდ ბაქოში გამოჩნდა. აზერბაიჯანულ ბაზარზე განვითარებასა და გაფართოებას არ წყვეტენ, სიახლეები აქვთ სხვა მიმართულებებითაც და ამავდროულად, ქართველ მომხმარებელსაც ბევრ საინტერესო ამბავს სთავაზობენ. ➡️ანი ციცქიშვილი - “ლუკა პოლარე”, საზოგადოებასთან ურთიერთობისა და მარკეტინგის ხელმძღვანელი; #ახალიამბები #BusinessMediaGeorgia
სემ ალტმანმა, ხელოვნური ინტელექტის მთავარმა შემოქმედმა, მსოფლიოში მიიღო გამოწვევა და ავტორიტეტული ბლინკისტის თხოვნით, წარმოადგინა თავისი გამორჩეული 9 წიგნი, რომელიც, მისი აზრით, მნიშვნელოვნად მოქმედებს დამწყები თუ უკვე ჩამოყალიბებული საქმიანი ადამიანების მსოფლმხედველობაზე. ალტმანის რჩეული ბიბლიოთეკა ძირითადად საქმიანი ლიტერატურით არის წარმოდგენილი, თუმცა საქმიან საზოგადოებას დააინტერესებს ხელოვნური ინტელექტის შემოქმედის რჩეული წიგნები. #ახალიამბები #BusinessMediaGeorgia
იმის გათვალისწინებით, რომ საქართველოში მცურავი სავალუტო რეჟიმი მოქმედებს და ეს ლამის ერთადერთი სწორი სავალუტო რეგულირების სისტემაა, გამოწვევად რჩება სავალუტო რყევების გადაზღვევა სხვადასხვა სერვისებითა და პროდუქტებით, რაც საქართველოში სამწუხაროდ ძვირიც, და შესაბამისად ხელმიუწვდომელია. სახელმწიფო აპირებს დააინიციროს ამასთან დაკავშირებით საკანონმდებლო და სხვა სახის ინიციატივები. აქედან გამომდინარე, გვინდა იცოდეთ, თუ რომელი ვალუტები რჩება მსოფლიოში ყველაზე მოთხოვნადად და როგორია ტენდენციები მსოფლიოში. #ახალიამბები #BusinessMediaGeorgia
IT სექტორისთვის 2023 წელი განსაკუთრებით გამორჩეული იყო. საგარეო შემოსავალი ისტორიულ მაქსიმუმამდე გაიზარდა და 784 მილიონი დოლარი შეადგინა, რაც 2022 წლის ანალოგიურ პერიოდთან შედარებით 53%-ით გაზრდილი მაჩვენებელია. შემოსავლების ასეთ მკვეთრ ზრდას ბიზნესის წარმომადგენლები უპირველესად საერთაშორისო კომპანიებისთვის შეთავაზებულ მოქნილ საგადასახადო სისტემას და მიგრაციის ეფექტს უკავშირებენ. სექტორში ფიქსირდება მზარდი ანაზღაურებაც, თუმცა ამის პარალელურად, ბიზნესი კვლავ კადრების დეფიციტზე საუბრობს. #ახალიამბები #BusinessMediaGeorgia
საქართველოში ავეჯის წარმოების ინდუსტრია ყოველწლიურად იზრდება. თუმცა, წარმოების მზარდი მაჩვენებლების მიუხედავად, ქვეყანა მაინც იმპორტდამოკიდებულია როგორც ნედლეულზე, ასევე მზა ავეჯზე. საინტერესოა, როგორც ვითარდება ადგილობრივი ავეჯის წარმოება, რა გამოწვევების წინაშე არიან სექტორის წარმომადგენლები, რა პოტენციალი აქვს ქართულ ნაწარმს საექსპორტო ბაზრებზე. #ახალიამბები #BusinessMediaGeorgia
ისტორია საქართველოს ბიზნესის ლიდერებს ეხებათ, მათ ვინც დამოუკიდებელი საქართველოს ბიზნესის სათავეებთან არიან ბოლო ათწლეულის მანძილზე. ჩვენი პირველი სტუმარია კომპანია "ავერსის" დამფუძნებელი, პაატა კურტანიძე. პროფესიით ექიმმა ბევრი მიზეზის თუ დილემური ფიქრის შემდეგ სწორედ ამ სფეროში გადაწყვიტა ეცადა ბედი. ➡️პაატა კურტანიძე - "ავერსი", დამფუძნებელი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 07.04.2024 #ახალიამბები #BusinessMediaGeorgia
წარმოგიდგენთ, თუ რას ფიქრობს რუსული კანონის შემობრუნებაზე საქართველოს ბიზნეს საზოგადოება. #ახალიამბები #BusinessMediaGeorgia
გთავაზობთ, რუსეთის საგარეო საქმეთა მინისტრის, სერგეი ლავროვის ინტერვიუ, პოლიტოლოგ დმიტრი საიმსთან. რუსეთის მთავარმა სახელმწიფო ტელევიზიამ ეს ინტერვიუ ჯერ კიდევ შარშან, 2023 წელს გაუშვა ეთერში 10 მარტს, რამდენიმე დღეში რაც საქართველოს მთავრობამ მიიღო გადაწყვეტილება რუსული კანონის უპირობო გახმობაზე. ამას ლავროვიც ადასტურებს, რომელიც ორაზროვნად მიანიშნებს საქართველოს ხელისუფლების საბოლოო გადაწყვეტილებაზე უარი ეთქვა საეჭვო დანიშნულების კანონზე. #ახალიამბები #BusinessMediaGeorgia
თიბისის და Space International-ის მხარდაჭერით AWS User Group-ის შეხვედრა ჩატარდა #ახალიამბები #BusinessMediaGeorgia
Amazon-მა სტარტაპ Anthropic AI-ში ინვესტიცია გაზარდა; #TECHINFORM #BMG #ახალიამბები #BusinessMediaGeorgia
თბილისიდან 10წთ-ის სავალზე, წავკისში, 12 ათასს კვ.მ-ზე ახალი საცხოვრებელი უბანი შენდება. "წავკისი პარკი“ - წავკისი ველის კიდევ ერთი ახალი პროექტია, რომელიც პირველ ეტაპზე 20 თანამედროვე თაუნჰაუზს გააერთიანებს და მობინადრეებს მწვანე კარკასის კონდიციით ჩაბარდება. პროექტის მთავარი მიზანია მობინადრეებს შეუქმნას გარემო, სადაც სახლი უფრო მეტია ვიდრე საცხოვრებელი. უნდა აღინიშნოს, რომ პროექტი შენდება დასრულებულ „წავკისი ველის“ ტერიტორიაზე, რაც ნიშნავს, უკვე მოწესრიგებულ ინფრასტრუქტურას და გამწვანებულ გარემოს. სტუმარი: გეგი ვასაძე - "ჰორიზონტ კაპიტალის” მმართველი პარტნიორი #ახალიამბები #BusinessMediaGeorgia
უძრავი ქონების ოსკარების დაჯილდოების საერთაშორისო ცერემონია საქართველოში წელს მეორედ ჩატარდება. უძრავი ქონების 50-მდე ლიდერი კომპანია გასულ თვეში 2024 წლის პირველი შეხვედრის ფარგლებში Schuchmann Wines Chateau-ში შეიკრიბა. FIABCI- Georgia-ს წევრებმა სექტორში არსებულ სიახლეებზე ისაუბრეს. ორგანიზაციის მენეჯმენტის განცხადებით, 2024 წლის მთავარი მოვლენა სექტემბერში დაგეგმილი უძრავი ქონების ოსკარებია. FIABCI-Georgia-ს პრეზიდენტის, ნუცა აბრამიშვილის თქმით, FIABCI-Georgia Prix d’Excellence-ის დაჯილდოება საგრძნობლად გაზრდის ქართული უძრავი ქონების ცნობადობას საერთაშორისო საინვესტიციო ბაზრებზე. გასული წლის მნიშვნელოვანი წარმატება მაიამიში ყველას გვახსოვს, რა იქნება წელს? სტუმარი: ნუცა აბრამიშვილი - FIABCI-Georgia-ს პრეზიდენტი; #უძრავიქონებისპროსპექტი თათია ჩაფიჩაძესა და გუგა კობახიძესთან ერთად #ახალიამბები #BusinessMediaGeorgia
TBC Capital-მა საცხოვრებელი უძრავი ქონების ბაზრის 2024 წლის თებერვლის მიმოხილვის თანახმად გასულ თვეს, 2023 წლის ანალოგიურ პერიოდთან შედარებით, თბილისში გაყიდული ბინების რაოდენობა 1%-ით შემცირდა, ტრანზაქციების ჯამური რაოდენობა 3 358 ბინით განისაზღვრა. ამავე პერიოდში, საცხოვრებელ უძრავ ქონებაზე ფასი 6%-იან ზრდას აჩვენებდა და კვადრატულის საშუალო ღირებულება $1 202-ს აღწევდა. ანგარიშში ვკითხულობთ, რომ გასულ თვეს 725 ახალ აშენებული და 2 633 ძველი ბინა გაიყიდა. შესაბამისად, ახალი ბინების გაყიდვების მაჩვენებელი 3%-ით შემცირდა, ძველი ბინების კი - უცვლელი დარჩა. ამასთან, ახალი ბინების გასაყიდი ფასი წლიურად 9%-ით გაიზარდა, ძველის კი - 5%-ით. მიმოხილვის თანახმად, 2024 წლის თებერვალში, გაყიდული ბინების რაოდენობით, უბნებს შორის, პირველ ადგილს კვლავ დიდი დიღომი იკავებს, რომელსაც მთლიან გაყიდვებში 24%-იანი წილი უჭირავს. მეორე ადგილზეა საბურთალო - 18%-იანი წილით. რაც შეეხება გასაქირავებელ ფასს, თებერვალში კვ-ზე ფასი $12.0-ს გაუტოლდა, რაც 2023 წლის ანალოგიურ პერიოდთან შედარებით, 5%-ით ნაკლებია. გასულ თვეს საცხოვრებელი უძრავი ქონების ბაზრის მოცულობამ $266 მილიონს მიაღწია, რაც წლიურ ჭრილში 2%-იანი ზრდაა. წლიურ ჭრილში რა ხდება საქართველოს უძრავი ქონების ბაზარზე? სტუმარი: ირინა კვახაძე - „თიბისი კაპიტალის“ კვლევების სამსახურის უფროსი; #უძრავიქონებისპროსპექტი თათია ჩაფიჩაძესა და გუგა კობახიძესთან ერთად #ახალიამბები #BusinessMediaGeorgia
რამდენიმე თვეა, რაც თბილისის ძველ უბანში, სოლოლაკში, ლერმონტოვის ქუჩაზე ახალი სასტუმრო - "მაქმანი" გაიხსნა. თუმცა სასტუმროს ისტორია რამდენიმე თვეს სულაც არ ითვლის. "მაქმანის" შენობას, ალბათ ისეთივე დიდი ისტორია აქვს, როგორც სოლოლაკს. ის 1847 წელს აშენდა, 1927 წელს კი დღევანდელი „მაქამანის“ სასტუმროს დამფუძნებლის წინაპრებმა შეიძინეს. შენობა დაზიანდა და აღდგენას საჭიროებდა. წლების შემდეგ, მამუკა ჯანგავაძეს გაუჩნდა იდეა, აღედგინა წინაპრების დანატოვარი, ოღონდ ისე, რომ მისი პირვანდელი სახე მაქსიმალურად შეენარჩუნებინათ. კვლევების, რამდენიმე წლის განმავლობაში სხვადასხვა ეტაპის გავლის შემდეგ, შენობა აღადგინეს. საქმეს საკმაოდ დიდი ინვესტიციაც დასჭირდა, თუმცა დღეს ის უკვე ერთ-ერთი გამორჩეული განთავსების ობიექტია, რომელიც რესტორანს, ტერასებს, ეზოსა და სხვა სივრცეებს აერთიანებს. უნდა აღინიშნოს ისიც, რომ ეს არის პირველი პრეცედენტი, როდესაც არქიტექტურული ძეგლის მატარებელ შენობას უფლება მიეცა ნაწილობრივი დემონტაჟისა და აღდგენის. წარმატებულ პროექტს შესაბამისი აღიარებაც მოჰყვა. ნამუშევარმა საერთაშორისო არქიტექტურული პრემია მიიღო, როგორც საუკეთესოდ აღდგენილი ძველი შენობა. ➡️მამუკა ჯანგავაძე - სასტუმრო „მაქმანი“, დამფუძნებელი; #ახალიამბები #BusinessMediaGeorgia
XIX საუკუნის მეორე ნახევარში, როგორც ტფილისში, ისე საქართველოს სხვადასხვა ქალაქებსა და სოფლებში, ქალ ექიმთა სიმცირის გამო, არაერთი უბედურება ხდებოდა, რადგან როგორც თავად სნეული ქალები, ისე მათი ოჯახის წევრები, მამაკაცი ექიმებისგან სამედიცინო მომსახურების მიღებას ერიდებოდნენ.შედეგად, სამედიცინო სფეროში დასაქმებულ ქალთა სიმცირის და არაპროფესიონალი, თვითმარქვია ექიმების გამოისობით, მკურნალობა უმეტესად სავალალოდ, ან სულაც ლეტალური შედეგით სრულდებოდა. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ფედერაცია "ქალები მომავავლისთვის” ეგიდით წარმოგიდგენთ ფედერაციის ბორდის წევრს, კიდევ ერთ წარმატებულ ქალს, AVON Georgia-ს დირექტორს - ანა ცხადაძეს. ანა ცხადაძე - "AVON საქართველო", დირექტორი; #ახალიამბები #BusinessMediaGeorgia
გათბობა-გაგრილებისა და ვენტილაციის ტექნოლოგიების მწარმოებელი კომპანია "Hisense HVAC" საქართველოს ბაზარზე ოფიციალურად შემოვიდა. ამის აღსანიშნად, პარასკევს კომპანიამ ბრენდ ლანჩ ღონისძიება გამართა, სადაც ბრენდის პრეზენტაცია, კონფერენცია, შემდეგ კი, გალა ვახშამი გაიმართა. სწორედ აქ დაანონსდა კომპანიის სამოქმედო გეგმები, რომელიც პარტნიორი კომპანიის წარმომადგენლებს გაუზიარეს. #ახალიამბები #BusinessMediaGeorgia
თანამედროვე სამყარო სერვისების გაციფრულებისკენ სწრაფი ტემპით მიიწევს. შესაბამისად, საქართველოც არ ჩამორჩება ამ ტენდენციას. საინტერესოა, რა პოტენციალი აქვს ქვეყანაში ელექტრონულ კომერციას და რა გამოწვევების წინაშე დგას სექტორი. #ახალიამბები #BusinessMediaGeorgia
უცხოელი სტუდენტების დაინტერესება ქართული უნივერსიტეტებისადმი სულ უფრო იზრდება. ოფიციალური მონაცემებით, 2023-2024 წლებში საგანმანათლებლო დაწესებულებებში მათმა რაოდენობამ 30.7 ათასი შეადგინა, რაც 22.5 პროცენტით მეტია წინა წლის ანალოგიურ პერიოდთან შედარებით. განსაკუთრებული მოთხოვნა ჯანდაცვის მიმართულებებზე ფიქსირდება. Galt & Taggar-ის კვლევის თანახმად, მიმდინარე წელს მათი დანახარჯები 800 მლნ ლარს გადააჭარბებს. გაზრდილი მოთხოვნის პარალელურად, სფეროში არსებულ გამოწვევებზე საუბრობენ სპეციალისტები, თუმცა აღნიშნავენ, რომ ქვეყანას აქვს რესურსი განათლების ექსპორტი გაზარდოს და მეტი შემოსავალი მიიღოს. #ახალიამბები #BusinessMediaGeorgia
მშენებლობა და დეველოპმენტი, ისევე როგორც ინფრასტრუქტურული განვითარება ზოგადად, რჩება ეკონომიკის ზრდის უმთავრესს ფაქტორად და ვიდრე, მშენებლობის ღირებულის განახლებული ინდექსი გამოქვეყნდება, წარმოგიდგენთ, ჩვენი პარტნიორი კომპანიის, "აპექს დეველოპმენტის" კომერციულ დირექტორ, გიორგი ბაქრაძეს. სტუმარი: ➡️გიორგი ბაქრაძე - „ აპექს დეველოპმენტი“ კომერციული დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ყველაზე მეტ სიახლეს რუსეთის ფედერაციის მხრიდან შევიტყობთ, რომელმაც ეკონომიკურ ზრდასთან დაკავშირებით დაზუსტებული მონაცემები უნდა გამოაქვეყნოს. ანალიტიკოსების პროგნოზით, წინა კვარტალთან მიმართებით რუსეთის მთლიანი შიდა პროდუქტის ზრდის მაჩვენებელი 5.5% იქნება, რაც მნიშვნელოვნად აჭარბებს თავად მთავრობის პროგნოზს და იმაზე მიუთითებს, რომ ქვეყნის ეკონომიკა სანქციების პირობებში მაინც იზრდება. გარდა ამისა, მომავალ კვირას ცნობილი გახდება რუსეთის მასშტაბით უმუშევრობის უახლეს სტატისტიკა. მომავალ კვირას ინვესტორების ყურადღების ცენტრში იქნება მეზობელი თურქეთიც. 3 აპრილს ცნობილი გახდება, თუ რა ბედი ეწია ქვეყანაში ინფლაციას. ალბათ, არავისთვის გასაკვირი არ იქნება, რომ სამომხმარებლო ფასების ზრდის ტემპი კიდევ უფრო მეტად დაჩქარდეს. ანალიტიკოსებსაც სწორედ ეს მოლოდინი აქვთ და ისინი ინფლაციის დონის 69%-მდე ზრდას პროგნოზირებენ. #ახალიამბები #BusinessMediaGeorgia
გარდა იმისა რომ ტრამპმა შეთანხმებას მიაღწია სასამართლოში ჯარიმის თანხის კორექციაზე, კაპიტოლიუმის შენობაზე მისი მხარდამჭერების მიტანილი იერიშის შემდეგ, ტექნოლოგიურმა გიგანტებმა პრეზიდენტი ტრამპი სოციალური ქსელებიდან ფაქტობრივად გააძევეს. ამგვარი ნაბიჯისა და მისდამი ცენზურის საპასუხოდ, ტრამპმა საკუთარი სოციალური ქსელი Truth Social-ი შექმნა, რომელიც გასულ კვირას საფონდო ბირჟაზე დაილისტა. IPO-ს წყალობით საპრეზიდენტო რბოლაში ჩართული ტრამპის ქონება რეკორდულ ნიშნულამდე გაიზარდა, რამაც, შესაძლოა, ამერიკაში საპრეზიდენტო არჩევნების ბედ-იღბალი შეცვალოს #ახალიამბები #BusinessMediaGeorgia
ერთ-ერთი ყველაზე რეიტინგული ამერიკული გამოცემა CNN მსოფლიოს საუკეთესო “დამპლინგების” რეიტინგს აქვეყნებს, რომელშიც 34 სხვა კერძთან ერთად, ხინკალიც მოხვდა. გამოცემა “დამპლინგს” განმარტავს, როგორც ცომს, რომელიც რამე ტიპის მარილიანი ან ტკბილი შიგთავსით მზადდება. “გასაკვირი არ არის, რომ აღმოსავლეთ ევროპით, რუსეთითა და ცენტრალური აზიით გარშემორტყმულ საქართველოს თავისი “დამპლინგი” აქვს. ხინკალი აზიურ სიაო-ლონგ-ბაოს ჰგავს. იგი ცომის კიდეებისთვის თავის მოკვრით, შენელებული საქონლისა და ღორის ხორცის შიგთავსით მზადდება. ხინკალს, როგორც წესი, შავ წიწაკასთან ერთად მიირთმევენ”, - წერს CNN. აღსანიშნავია, რომ “საუკეთესო დამპლინგების” ჩამონათვალში, აღმოსავლურ აზიურ კერძებთან ერთად, ასევე მოხვდა იტალიური ნიოკი და რავიოლი, რუსული პილმენი, სამხრეთ აზიური სამოსა, აზერბაიჯანული დუშბარა და გერმანული kartoffelknoedel (კარტოფილის დამპლინგი). #ახალიამბები #BusinessMediaGeorgia
უკრაინის სტატისტიკის სამსახურის მონაცემებით, ქვეყნის ეკონომიკა 2023 წელს 5.3%-ით გაიზარდა. აღნიშნული ზრდა ყურადსაღებია იმის ფონზე, რომ რუსეთის უკრაინაში შეჭრის პირველ წელს ქვეყნის ეკონომიკა თითქმის მესამედით შემცირდა. 2023 წელს უკრაინის მთლიანი შიდა პროდუქტის ზრდა დაგეგმილზე (5%) მცირედით მეტი აღმოჩნდა. უკრაინის სტატისტიკის სამსახური არ საუბრობს ზრდის განმაპირობებლებზე, გამოქვეყნებული განცხადება მხოლოდ ზრდის პროცენტს ასახავს. არაოფიციალური მონაცემებითა და უკრაინის ოფიციალურ პირებზე დაყრდნობით, 2022 წელს უკრაინის მშპ 28.8%-ით შემცირდა. წელს კი მშპ-ის 4.6%-იან ზრდას ვარაუდობენ. #ახალიამბები #BusinessMediaGeorgia
რატომ გაიზარდა საქართველოს ეკონომიკა ასეთი ვეებერთელა ციფრით, თან თებერვალში და რასთან გვაქვს საქმე, რით შეიძლება გამყარდეს ეს არაჩვეულებრივი სტატისტიკური მონაცემები, რომელიც ეკონომიკას რეგიონში ერთ-ერთ ყველაზე მზარდ ქვეყნად წარმოაჩენს? ამის ახსნა შეიძლება ორი მომენტით: პირველი უკავშირდება ემოციასა და ნდობას, ანუ როგორც ხშირად გაგვიგია ბიზნესის განწყობები, ანუ მოლოდინები და მისი მართვა. საქართველო სტაბილურობას ამ კუთხითაც ინარჩუნებს, და მიუხედავად, ე.წ მიგრანტების ეფექტის მილევისა, ანუ საუბარია, რუსეთიდან გადმოხვეწილი მიგრანტების გარკვეული ნაწილის რეკოლაციაზე ანუ გადაადგილებაზე და საქართველოს დატოვებაზე, ბაზისური პარამეტრები მაინც მწყობრშია. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 31.03.2024 #ახალიამბები #BusinessMediaGeorgia
ამერიკის შეერთებული შტატების გამორჩეული სიმაღლის საკულტო ნაგებობის, Empire State Building -ის ისტორიაზე მოგიყვებით. ამერიკის გამორჩეული არქიტექტურული ძეგლი გასული საუკუნის 30-იან წლებში, უფრო დაზუსტებით, 1931 წელს აშენდა და მშენებლობის ისტორია სრულად ამერიკის დიდ დეპრესიასა და მასთან დაპირისპირებას უკავშირდება. #ახალიამბები #BusinessMediaGeorgia
„ლაღიძის წყლების“ ისტორია საუკუნის უკან იწყება. 137 წლის წინ, მიტროფანე ლაღიძემ ნატურალური ნედლეულისგან ქართული ლიმონათი შექმნა, რომლის აღიარებაც მსოფლიო მასშტაბებს მისწვდა. კომპანიამ ძალიან საინტერესო, სირთულეებითა და წარმატებით სავსე გზა გაიარა და დღეს ჩვენამდე უცვლელი გემოთი და ხარისხით მოაღწია. საბოლოოდ, "ლაღიძის წყლები" საქართველოს სავიზიტო ბარათია. ბიზნესი ოპერირებას აგრძელებს და ახლა მას მიტროფანეს შვილთაშვილი, თინათინ ლაღიძე, ხელმძღვანელობს. ➡️თინათინ ლაღიძე - „ლაღიძის წყლები“, სამეთვალყურეო საბჭოს თავმჯდომარე; #ახალიამბები #BusinessMediaGeorgia
ძველ თბილისში ქალთა დასაქმების საკითხი რთული და კომპლექსური თემა გახლდათ, რომელსაც არაერთი თავისებურება ახასიათებდა. ამა თუ იმ სფეროში ქალთა დასაქმების მოწინააღმდეგეთა მთავარ არგუმენტს - „ქალი სუსტი არსებააო“ თავი რომ დავანებოთ, ტფილისელ, თუ ქალაქში დასაქმების იმედად ჩამოსულ ქალებს წინაღობა სხვაც ბევრი ხვდებოდათ. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
მსოფლიო ისეთ სამუშაო პრინციპზე გადადის, სადაც სრულიად უცხო, განსხვავებული პროფესიის ადამიანებს კედლები არ აშორებთ და ღია, გახსნილ სივრცეში უწევთ მუშაობა. პანდემიისა და მის შემდგომ პერიოდში საქართველოშიც აქტუალური იყო თანამუშაობის სივრცეებში მუშაობა, თუმცა გასულ წელს ქვეყანაში უკვე მოთხოვნის შემცირება შეინიშნებოდა. #ახალიამბები #BusinessMediaGeorgia
გამორჩეული შედეგები არის პოლიგრაფიის, ასევე ოფსეტური ბეჭდვის მიმართულებითაც. ქართული კომპანიების ნაწილი საკუთარი პროდუქციითა და სერვისებით უკვე არა მხოლოდ მზარდ ადგილობრივ მოთხოვნას აკმაყოფილებენ, არამედ, იწყებენ და ცალკეულ შემთხვევებშიც აწვდიან საქართველოში წარმოებულ პროდუქციას ჩვენს რეგიონს და მთლიანად მსოფლიოს. წარმოგიდგენთ, “კოლორ პაკსა” და “ფავორიტ სტილს”. საკუთარ მიმართულებებში ლიდერმა ამ კომპანიებმა, რამდენიმე ხნის წინ გააერთიანეს ძალები, მოიზიდეს ინვესტიციები, როგორც საკუთარი, ასევე სახელმწიფო რესურსების გამოყენებით, და სრულიად თანამედროვე მანქანა დანადგარების გარდა, ახერხებენ ახალი წარმოების აშენებასაც, რომელიც რამდენიმე თვეში გაეშვება. სტუმრები: ➡️სანდრო გახელაძე - ”ფავორიტი სტილი” ფინანსისტი & “კოლორ პაკი”, გენერალური დირექტორი; ➡️ნუცა ქავთარაძე - “ფავორიტი სტილი” & “კოლორ პაკი”, მარკეტინგის გუნდის ხელმძღვანელი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
კვირის მთავარი თემები - გიორგი ისაკაძის პროლოგი / 24.03.2024 #ახალიამბები #BusinessMediaGeorgia
"ეს აბსოლუტური არარაობა პუტინი!" - ვოლოდიმირ ზელენსკი რა კავშირი აქვს უკრაინას მოსკოვის ტერაქტთან? თავისი თემის,მრევლის,ტომის თუ მხარდაჭერებისგან განსხვავებით, ლამის მთელი დღე ღამე და მეორე დღე დასჭირდა რუსეთის პრეზიდენტს მიემართა ხალხისთვის. იდეაში, ვინც ვლადიმირ პუტინის ამ განცხადებას გაეცნო - მისი საჯარო გამოჩენის დაყოვნების მიზანიც იოლად იკითხება. თემის პრელუდიისა და რუსეთის იმპერიალისტური იდეოლოგიის ავტორების ხმას, ტერაქტიდან 19 საათში დაემატა რუსეთის მოქმედი პრეზიდენტიც, რომელმაც სიტყვა თქვა მას შემდეგ, რაც ოთხივე მსროლელი ტერორისტი დააკავეს და მათ გარდა კიდევ 7 პირი, რომელიც პრეზიდენტის ინფორმაციით, უკრაინის მიმართულებით მიმალვას ცდილობდნენ, სადაც მათ წინასწარი მონაცემებით, უკრაინის მხარე მათთვის სახელმწიფო საზღვრის გადასაკვეთად ფანჯარას ამზადებდა. სულ 11 ადამიანია დაკავებული, - განაცხადა ვლადიმერ პუტინმა. ცხადია, არ დააყოვნა აღნიშნულზე უკრაინის განცხადებებმაც. პუტინის საჯარო გამოჩენამდე, უკრაინამ უარყო აღნიშნული კავშირი ტერაქტთან, თუმცა საკმაოდ ემოციური და პირდაპირი იყო შაბათს ღამე პრეზიდენტი ზელენსკი. #ახალიამბები #BusinessMediaGeorgia
ტერაქტი მოსკოვში - ტრაგედიის დეტალები აღალაროვების ოჯახი , კავშირები ტრამპთან, რუსეთის პროპაგანდა პარასკევს საღამოს, მთელი მსოფლიოს ყურადღება მოსკოვისკენ იყო მიმართული, სადაც ადგილობრივი დროით საღამოს 8 საათზე, ერთ-ერთ ყველაზე პოპულარულ ცენტრში სროლის ხმები გაისმა. "კროკუს სითი ჰოლი", რომლის მხოლოდ საკონცერტო დარბაზი 6000 ადამიანს იტევს, ტერორისტების სამიზნე გახდა. ბოლო მონაცემებით, უფრო სწორად დახვრეტილია 133 და დაშავებულია 154 ადამიანი. ტერაქტზე პასუხისმგებლობა ტერორისტულმა ორგანიზაცია - ისლამურმა სახელმწიფომ აიღო. დაახლოებით 7-8 საათში ტრაგედიიდან, რუსეთის სპეცსამსახურებმა გამოაცხადეს ყველა ტერორისტის და ოპერაციის დაგეგმვაში ეჭვმიტანილის ვინაობა, სულ 11 ადამიანია დაკავებული. მათი უმრავლესობა, თუ ყველა არა, ტაჯიკეთის რესპუბლიკის მოქალაქეებს წარმოადგენენ. "კროკუს სითი ჰოლის" საკონცერტო დარბაზი სრულად დამწვარი და ჩამოშლილია. #ახალიამბები #BusinessMediaGeorgia
ქალთა უფლებებზე მომუშავე ორგანიზაციების წარმომადგენლები აცხადებენ, რომ სამუშაო პროცესში ხშირად არათანაბარი პირობები იკვეთება და ვლინდება დისკრიმინაციის ნიშნებიც. ისინი თვლიან, რომ ქალების შრომის ბაზარზე მეტად ჩართვისთვის, როგორც სახელმწიფოს, ისე ბიზნესის მხრიდან მეტი წამახალისებელი ღონისძიებების გატარებაა საჭირო. #ახალიამბები #BusinessMediaGeorgia
რუსული მედიის მითებსა და ლეგენდებს შორის, არის კიდევ ერთი რის ტირაჟირებასაც რუსულ პროპაგანდაში ბოლო თვეებია აქტიურად ცდილობენ, რომ ამერიკული დოლარის ჰეგემონია დასრულდა, ჩინეთმა და სხვა ვალუტებმა მასზე აიღეს ლიდერობა. მოკლედ, ეკონომიკური ნონსენსის კასკადი რაც თანმდევია რუსული პროპაგანდისთვის, არადა - რა რა, და ყველაფერი დათვლადია, მითუმეტეს რაც ეკონომიკასა და ფინანსებს ეხება. მიუხედავად იმისა, რომ როგორც მეცნიერება, ეკონომიკა ნამდვილად არ არის ზუსტი, და უფრო დაშვებებსა და ლოგიკაზე აგებული სამეცნიერო მიმართულებაა. #ახალიამბები #BusinessMediaGeorgia
უძრავი ქონებაზე გაზრდილი მოთხოვნიდან გამომდინარე ქართულ ბაზარზე არაერთი ახალი კომპანია გამოჩნდა, რომელთა შორის საკმაოდ ამბიციური გეგმებით და მასშტაბური ინვესტიციის წყალობით გამორჩეულია "ბიოგრაფი ლივინგი." კომპანია მომდევნო 5 წლის განმავლობაში, ვაჟა-ფშაველას, ქეთევან დედოფლისა და წერეთლის გამზირებზე სამ მრავალფუნქციურ კომპლექსს ააშენებს, რომლებიც საცხოვრებელ, კომერციულ და საოფისე სივრცეებს მოიცავს. „საკენი“, „მატიანი“, „ჰისნი“ მრავალსართულიანი, თანამედროვე არქიტექტურისა და დიზაინის მქონე კომპლექსები იქნება. როგორც კომპანიაში განმარტავენ, სამივე პროექტის ჯამური საინვესტიციო ღირებულება 300 მილიონი დოლარი იქნება. თითოეული პროექტი კი, მშენებლობის დაწყებიდან 42 თვეში დასრულდება. სტუმარი: ვასილ ფხაკაძე - “ბიოგრაფი ლივინგის” აღმასრულებელი დირექტორი; #ახალიამბები #BusinessMediaGeorgia
ეპილოგის თემა ბოლო წლების გამორჩეული ავტორის, საიმონ სინეკის წიგნი უსასრულო თამაშია (The Infinite Game) "თუ იმ სამყაროს არსებობას ვირწმუნებთ, სადაც ყოველდღე შთაგონებულად, დაცულად, და რეალიზებულად ვიგრძნობთ თავს-თუ ვირწმუნებთ, რომ ნამდვილი ლიდერები ისინი არიან, ვისაც ამ ხედვის ხორცშესხმა შეუძლია, მაშინ ჩვენი საერთო, კოლექტიური პასუხისმგებლობა იქნება სათანადო შემართების მქონე ადამიანები ვიპოვოთ, დავაკვალიანოთ და მხარი დავუჭიროთ მათ, გაგვიძღვნენ იმგვარად, რომ ამ ხედვის განხორციელების მეტი შანსი გვქონდეს. ხოლო, იმ ნაბიჯთაგან ერთ-ერთი, რომელიც უნდა გადავდგათ არის სწავლა." #ახალიამბები #BusinessMediaGeorgia
თბილისის სავიზიტო ბარათად ქცეული აბანოების ისტორია ყველასთვის ცნობილია, ბევრი ლეგენდაც გაგვიგია მათ შესახებ, თუმცა, საინტერესოა, როგორ ვითარდება ეს მიმდინარეობა, რა პოტენციალი აქვს და როგორია მიმართვიანობა. ჯაბა მამაცაშვილი - "ჭრელი აბანო & სპა", დირექტორი; #ახალიამბები #BusinessMediaGeorgia
ღვინის სამშობლოში, ქართული ლუდის ბაზარი ყოველწლიურად იზრდება და მისი წარმოებაც იხვეწება. კვლევებით, 2016-23 წლებში, საქართველოში ლუდის მოხმარება, წლიურად საშუალოდ 5.1%-ით გაიზარდა და მკვლევრების მოსაზრებით, ეს მაჩვენებლები, მიმდინარე წელს კიდევ უნდა გაიზარდოს. დღეის მდგომარეობით კი, ქვეყანაში 4 მსხვილი და 42 მცირე საწარმოა, რომლებიც ქართულ ლუდს აწარმოებენ. #ახალიამბები #BusinessMediaGeorgia
გიყვებით "გლობალ ბენეფიტს" საქართველოს სამეთვალყურეო საბჭოს თავმჯდომარის მოადგილეზე და თავად ბიზნეს ფედერაცია "ქალები მომავლისთვის" დამფუძნებელზე. ნინა კობახიძეს საქმიანი საზოგადოება კარგად იცნობს, მან საჯარო სამსახური წლების წინ დატოვა და სადაზღვევო ბიზნესში გააგრძელა კარიერა. #ახალიამბები #BusinessMediaGeorgia
საოცარ ზრდაც აჩვენებს ბოლო კვირები ბიტკოინი, რომელსაც ამ კვირაში მცირედი ჩავარდნები ჰქონდა, თუმცა ისევ მედგრად მიიწევს წინ. საკმაოდ წინააღმდეგობრივი კომენტარები ახლავს ბიტკოინის აღმასვლას თან, და მსოფლიოს ბიზნესმედია ნამდვილად არ რჩება მიმდევრებთან ვალში გააცნოს ცნობილი ადამიანების დამოკიდებულება ერთ-ერთი ყველაზე მოთხოვნადი აქტივის მიმართ, რომელმაც კაპიტალიზაციით წამყვან მსოფლიო კომპანიებსა და სახელმწიფოებსაც აჯობა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 17.03.2024 #ახალიამბები #BusinessMediaGeorgia
საინტერესოა, რას საქმიანობს და როგორ აჯამებს ოპერირების პირველ სამ თვეს BMG-ის ბაქოს ოფისი. #ახალიამბები #BusinessMediaGeorgia
გასული კვირეულის გამორჩეული ამბავი იყო "თიბისი კაპიტალის" მიერ დაორგანიზებული საერთაშორისო კონფერენცია, რომელიც ადგილობრივი კაპიტალის ბაზრის სწრაფ განვითარებას ეხმაურება. და ეს საქართველოში კაპიტალის ბაზრის პირველი საერთაშორისო კონფერენცია გახლდათ. მასში მონაწილეობა მიიღეს ადგილობრივი და საერთაშორისო კაპიტალის ბაზრის წამყვანმა მოთამაშეებმა: J.P. Morgan, Citi, Fidelity Investments, საქართველოს ეროვნულმა ბანკმა, საქართველოს ეკონომიკისა და მდგრადი განვითარების სამინისტრომ, Baker McKenzie, Dentons, BLC Law, Amundi, ADB, EBRD, IFC, ქართველი ემიტენტები და სხვა. კონფერენციის მონაწილე მსოფლიოში წამყვანმა ექსპერტებმა, "თიბისი კაპიტალის" გუნდთან ერთად, საკუთარი გამოცდილება, ბაზრის ტენდენციები და განვითარების პერსპექტივები გააზიარეს. წარმოგიდგენთ ინტერვიუს სტეფან ვალერთან . ბატონი ვაილერი ბევრ თემას შეეხო. მათ შორის, საქართველოს ფინანსურ ჰაბად ქცევის პერსპექტივებსაც, რაზედაც არანაირი ინფორმაცია არ გვაქვს საქართველოს მთავრობისგან, რომელმაც ამისთვის თავის დროზე ავტორიტეტული როტშილდების ფონდი დააკონტრაქტა. ➡️გიორგი არონია - “საქმიანი საღამო” & TECH INFORM-ის ავტორი; #ახალიამბები #BusinessMediaGeorgia