თბილისმა ხელოვნების საერთაშორისო რუკაზე თავისი ადგილი ოფიციალურად დაიმკვიდრა. „ჰესინკის“ სააუქციონო სახლის პირველმა მასშტაბურმა აუქციონმა მოლოდინს გადააჭარბა. 100%-ით გაყიდული ლოტები, მილიონ ევროზე მეტი ჯამური ბრუნვა და რეკორდი, რომელიც ალექსანდრე ბანძელაძის ტილომ დაამყარა. ეს აღარ არის მხოლოდ კულტურული მოვლენა, ეს არის ქართული ხელოვნების საერთაშორისო საინვესტიციო სივრცეში ინტეგრაციის დასაწყისი. როგორ ჩაიარა თბილისში პირველმა საერთაშორისო აუქციონმა და რა პერსპექტივას უხსნის გლობალური ბაზარი ქართველ ხელოვანებს? #ახალიამბები #BusinessMediaGeorgia
#საქმიანიდილა - 29 აპრილი - პროლოგი #ახალიამბები #BusinessMediaGeorgia
კანის მოვლის გლობალური ბაზარი სწრაფი ზრდის ფაზაშია - 2026 წელს მისი მოცულობა 165 მილიარდ დოლარს აღწევს და 2033 წლისთვის 235 მილიარდამდე გაიზრდება, რასაც როგორც მომხმარებელთა გაზრდილი ცნობიერება, ისე ახალი ტრენდები და ტექნოლოგიები განაპირობებს. ბაზარზე დომინირებს სახის საცხებისა და დამატენიანებლების სეგმენტი, მაშინ როცა ონლაინ გაყიდვები ლიდერ პოზიციას იკავებს. მოთხოვნას აძლიერებს ნატურალურ და პერსონალიზებულ პროდუქტებზე გადასვლა, კორეული სილამაზის ტენდენციების გავლენა და სოციალური მედიის როლი, სადაც ინფლუენსერები მომხმარებლების ქცევას აქტიურად ცვლიან. პარალელურად, ინდუსტრიაში სულ უფრო დიდ როლს იკავებს ხელოვნური ინტელექტი, რაც ბაზარს დამატებით დინამიკას აძლევს და მას ერთ-ერთ ყველაზე სწრაფად განვითარებად მიმართულებად აქცევს. #ახალიამბები #BusinessMediaGeorgia
გლობალურ ფინანსურ ბაზრებზე უპრეცედენტო და საგანგაშო ტენდენცია იკვეთება. უოლ-სტრიტის საინვესტიციო გიგანტები, რომლებმაც წლების განმავლობაში მილიარდობით დოლარის გაუფასურებული და რისკიანი აქტივები დააგროვეს, მოსალოდნელი კრიზისიდან გამოსავალს რიგითი მოქალაქეების ხარჯზე პოულობენ. ამერიკის შეერთებული შტატების მთავრობის ახალი რეგულაციით, მსხვილ საფინანსო კორპორაციებს მიეცათ მწვანე შუქი, რომ საკუთარი ტოქსიკური ვალები პირდაპირ 90 მილიონი ამერიკელის საპენსიო ანგარიშებზე გადაამისამართონ. როგორ მუშაობს ფინანსური გადარჩენის ეს სქემა და რატომ მოუწევთ ელიტების შეცდომების საფასურის გადახდა რიგით მასწავლებლებსა და მეხანძრეებს? #ახალიამბები #BusinessMediaGeorgia
საქართველოს ბიზნეს ასოციაციაში შეხვედრა გაიმართა, რომელიც კერძო საპენსიო სქემების დანერგვასა და მის პრაქტიკულ მნიშვნელობას დაეთმო. შეხვედრაზე, სადაც „საქაერონავიგაციამ“ პიონერი კომპანიის გამოცდილება გააზიარა, ექსპერტებმა კერძო საპენსიო მოდელების გავლენა განიხილეს როგორც ცალკეულ ბიზნესებზე, ისე ქვეყნის ეკონომიკაზე. სტუმარი: რატი მორჩილაძე - "ფორსაითის" დირექტორი #ახალიამბები #BusinessMediaGeorgia
სტუდენტები და ხელოვნური ინტელექტი (AI) - სად იყენებენ AI-ს ყველაზე აქტიურად? #ახალიამბები #BusinessMediaGeorgia
Global Finance-მა თიბისი ცენტრალურ და აღმოსავლეთ ევროპაში ყველაზე ინოვაციურ ბანკად დაასახელა. ამჯერად საერთაშორისო ფინანსურმა გამოცემამ საერთაშორისო ჯილდო თიბისის ინოვაციური სიახლეების დანერგვისთვის გადაეცა. როგორც ბანკში განმარტავენ, თიბისის მიერ ხელოვნური ინტელექტის, ციფრული გადახდებისა და სხვა ინოვაციური სიახლეების დანერგვით, მომხმარებელი მასზე მორგებულ, პერსონალიზებულ გამოცდილებას იღებს, უფრო სწრაფად შეუძლია ტრანზაქციების განხორციელება, რაც მას უზოგავს დროს და ცხოვრებას უმარტივებს. სტუმარი: კონსტანტინე ხოფერია - თიბისი/AI & მონაცემთა მართვის დირექტორი #ახალიამბები #BusinessMediaGeorgia
გლობალური ფინანსური სექტორი უპრეცედენტო ტექნოლოგიური ტრანსფორმაციის ეტაპზეა. ხელოვნური ინტელექტი ტრადიციულ საბანკო სისტემებს სრულად ცვლის - რთული ბიუროკრატიის ავტომატიზაციიდან დაწყებული, თაღლითობის პრევენციითა და სესხების მომენტალური დამტკიცებით დასრულებული. ინოვაციების დანერგვისა და ციფრული ტრანსფორმაციის კუთხით ბაზარზე სინგაპური ლიდერობს, თუმცა პროცესში აქტიურად არიან ჩართული სხვა წამყვანი ეკონომიკებიც. როგორ ცვლის AI საბანკო გამოცდილებას? #ახალიამბები #BusinessMediaGeorgia
პანდემიის დროს დაჩქარებული დიგიტალიზაცია დღეს უკვე გლობალური ჯანდაცვის სტანდარტია. ტელემედიცინამ ექიმისა და პაციენტის ურთიერთობის მრავალსაუკუნოვანი სტრუქტურა შეცვალა და გეოგრაფიული ბარიერები სრულად გააქრო. სექტორში მილიარდობით დოლარის ინვესტიციამ, საკანონმდებლო ცვლილებებმა და ინოვაციური პლატფორმების დანერგვამ სამედიცინო მომსახურება ბევრად უფრო ხელმისაწვდომი და უსაფრთხო გახადა. რა ეკონომიკური და პრაქტიკული შედეგები მოიტანა ციფრულმა რევოლუციამ მედიცინაში? #ახალიამბები #BusinessMediaGeorgia
Medveritas Global ესაა პლატფორმა, რომელიც ქართველ პაციენტებს და მათი ოჯახის წევრებს გაუმარტივებს წვდომას მსოფლიოში ყველაზე თანამედროვე, ამერიკულ სამედიცინო ექსპერტიზაზე. თუ გაქვთ განსაკუთრებით რთული დიაგნოზი და გსურთ მისი გადამოწმება, ან გსურთ ყველაზე თანამედროვე მკურნალობის სქემების განხილვა, ახლა უკვე შეგიძლიათ საქართველოში ჩატარებულ კვლევებზე დაყრდნობით მოისმინოთ წამყვანი ამერიკელი ექიმების მეორე აზრი. ასეთ დროს ყოველთვის საინტერესოა ვინ დგას პროექტის უკან. "საქმიანი დილის” სტუმრები არიან Medveritas Global-ის დამფუძნებლები:
სანამ თანამედროვე ბიზნესი ტექნოლოგიურ პროგრესსა და ციფრულ აქტივებზეა ფოკუსირებული, გლობალურ ეკონომიკაში არსებობს დახურული, ექსკლუზიური ბაზარი, სადაც ყველაზე ძვირად თავად დრო იყიდება. ევროპული ანტიკვარიატი - ას წელს გადაცილებული ნივთები, დახვეწილი ავეჯი თუ ხელოვნების ნიმუშები - დღეს მულტიმილიონიან ინდუსტრიას და ერთ-ერთ ყველაზე სანდო საინვესტიციო იარაღს წარმოადგენს. უახლესი საერთაშორისო სტატისტიკა აჩვენებს, რომ ძველი კონტინენტი საკუთარ ისტორიას მასშტაბურად ყიდის, მსყიდველობითი ძალა კი ოკეანის მიღმა და აზიის ფინანსურ ცენტრებშია კონცენტრირებული. ვინ აკონტროლებს წარსულის ექსპორტს, რატომ ფლობს ამ მიმართულებით უპირობო მონოპოლიას საფრანგეთი და სად მიედინება ისტორიაში გადახდილი ასეულობით მილიონი დოლარი? #ახალიამბები #BusinessMediaGeorgia
გლობალური ბირჟები&ბაზრები - Galt&Taggart;-ის ყოველკვირეული მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
მგრძნობიარე კანი - “ავერსის” რუბრიკა “საქმიან დილაში”
დღევანდელ დღეს 1916 წელს ლეგენდარული ფერუჩიო ლამბორგინის დაბადების დღეა, რომლის ფერარით უკმაყოფილებამ ავტოინდუსტრიის ისტორია შეცვალა. ამბობენ, რომ ტრაქტორების წარმატებულმა მწარმოებელმა სწორედ ფერარის უკმაყოფილებით გადაწყვიტა შეექმნა უფრო სრულყოფილი, უფრო ძლიერი და უფრო კომფორტული სპორტული ავტომობილი. ასე დაიწყო ისტორია, რომელმაც მსოფლიოს ერთ-ერთი ყველაზე ლეგენდარული ბრენდი აჩუქა. 1963 წელს იტალიაში დაარსებული Lamborghini მალევე იქცა სიჩქარის, დიზაინისა და ფუფუნების სიმბოლოდ. ლამბორგინის ავტომობილები მხოლოდ ტრანსპორტი არასოდეს ყოფილა - ისინი ძალის, სტატუსისა და ოცნების განსახიერებად იქცნენ. მათი მკვეთრი ხაზები, გამაყრუებელი ძრავის ხმა და გამორჩეული სტილი ავტომოყვარულებისთვის განსაკუთრებულ ემოციას ქმნის. დღეს Lamborghini მსოფლიოს ერთ-ერთი ყველაზე სასურველი ბრენდია, რომელიც ტრადიციას ინოვაციებთან აერთიანებს. როგორ დაიბადა კომპანია, რომელმაც ავტომობილების სამყარო შეცვალა და რატომ რჩება ის ოცნების მანქანად მილიონებისთვის? #ახალიამბები #BusinessMediaGeorgia
კასპიის რეგიონი დღეს გლობალური ენერგოგეოპოლიტიკის ერთ-ერთ მთავარ კვანძად ყალიბდება - მაშინ, როცა ტრადიციული მარშრუტები ომებისა და არასტაბილურობის ფონზე ირღვევა, მთავრობები და კომპანიები ალტერნატიულ დერეფნებზე გადადიან, სადაც „შუა დერეფანი“ განსაკუთრებულ მნიშვნელობას იძენს. ბაქოში გამართულ ფორუმზე გაირკვა, რომ რეგიონს არა მხოლოდ ახალი ინფრასტრუქტურა და მილსადენები სჭირდება, არამედ კოორდინირებული თანამშრომლობაც, რათა ევროპასა და აზიას შორის ენერგომომარაგება სტაბილურად შენარჩუნდეს. აზერბაიჯანი ამ პროცესში საკვანძო მოთამაშეა, ხოლო ცენტრალური აზია აქტიურად ეძებს დივერსიფიცირებულ გზებს - ფონზე, როცა ჰორმუზის სრუტესა და უკრაინის ომმა გლობალური ენერგოუსაფრთხოების დღის წესრიგი მნიშვნელოვნად შეცვალა. #ახალიამბები #BusinessMediaGeorgia
გალფის ქვეყნების ეკონომიკების მიმოხილვა ომის დაწყებიდან დღემდე... #ახალიამბები #BusinessMediaGeorgia
#საქმიანიდილა - 28 აპრილი - პროლოგი #ახალიამბები #BusinessMediaGeorgia
#საუბრებიავიაციაზე - ევროპის აეროპორტები ცვლილებების პერიოდში გიორგი მოლოდინაშვილი - "საუბრები ავიაციაზე" ავტორი&წამყვანი; სტუმარი: დეა მაჭავარიანი - ჰერაკლიონის საერთაშორისო აეროპორტის საავიაციო განვითარების დირექტორი #ახალიამბები #BusinessMediaGeorgia
2026 წლის პირველ კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი 1.8 პროცენტით გაიზარდა, ხოლო ინდექსის წლიურმა ზრდამ 3.0 პროცენტი შეადგინა. 2020 წლის საშუალოსთან შედარებით ინდექსი 62.3%-იან ზრდას აფიქსირებს. მიმდინარე წლის პირველ კვარტალში, წინა კვარტალთან შედარებით ფასების ზრდა დაფიქსირდა, როგორც საცხოვრებელი ბინების სეგმენტში (2.0 პროცენტი), ისე კერძო სახლების სეგმენტში (1.1 პროცენტი). 2025 წლის პირველ კვარტალთან შედარებით ფასების ზრდა დაფიქსირდა ორივე სეგმენტში - ბინებზე 3.3 პროცენტით, ხოლო კერძო სახლებზე 1.8 პროცენტით. უფრო დეტალურ მონაცემებსაც თუ ჩავხედავთ, ვნახავთ, რომ კერძო სახლები ყველაზე ძვირი კვლავ მთაწმინდაზე ღირდა, სადაც ფასი 1 კვ.მ-ზე საშუალოდ 4 835 ლარს შეადგენდა. ამავე პერიოდში 1 კვ.მ კერძო სახლის ფასი ყველაზე დაბალი ნაძალადევში იყო და ის 2 594 ლარით განისაზღვრებოდა. თითქმის ყ7ველა უიბანში ზრდა ფიქსირდება, გამონაკლისია ისანი, გლდანი და ნაძალადევი. კერძოდ, „საქსტატის“ მონაცემები აჩვენებს, რომ ისანში 1 კვ.მ-ის კერძო სახლის ფასი წლიურად უცვლელი დარჩა. გლდანის შემთხვევაში ფიქსირდება ფასების 6.2%-იანი, ხოლო ნაძალადევში 6.3%-იანი კლება. მიმდინარე წლის პირველ კვარტალში 1 კვ.მ კერძო სახლის საშუალო ფასები ასე გამოიყურებოდა: მთაწმინდა - 4 835 ლარი; ვაკე - 4 500 ლარი; დიდუბე - 4 242 ლარი; საბურთალო - 3 471 ლარი; ჩუღურეთი - 3 249 ლარი; ისანი - 3 172 ლარი; სამგორი - 3 164 ლარი; კრწანისი - 3 164 ლარი; გლდანი - 2 596 ლარი; ნაძალადევი - 2 594 ლარი. ფასები იზრდება მრავალსართულიან ბინებზეც და ახლო აღმოსავლეთში არსებული კრიზისის და გართულებული ლოგისტიკის ხარჯზე მოსალოდნელია, რომ წლის მოერ ეკვარტალში დაგეგმილზე მეტად გაირზდება. სხვადასხვა კვლევითი ორგანიზაციების მიერ დათვლილი შედეგებით წლის 3 თვეში მოთხოვნის 15-20%-იანი და ფასის 5%-იანი ზრდა გვქონდა. რა მონაცემები აქვს კოლიერს ჯორჯიას? სტუმარი: ეთუნა მუნჯიშვილი - "კოლიერს ჯორჯიას" დეველოპმენტ კონსალტინგის ხელმძღვანელი #ახალიამბები #BusinessMediaGeorgia
გასული კვირის ბოლოს ოცნების მთავრობამ ახალი პროგრამა - „აგროთანადაფინანსების სახელმწიფო პროგრამა“ წარადგინა, რომელიც მათი თქმით, აგროსექტორის მხარდაჭერის განახლებულ და თანამედროვე მიდგომას ეფუძნება. პროგრამის პრეზენტაციაზე დავით სონღულაშვილმა ბოლო ათწლეულში სახელმწიფოს პოლიტიკის შედეგებზე გაამახვილა ყურადღება და აღნიშნა, რომ ამ პერიოდში მნიშვნელოვნად გაფართოვდა აგროსექტორის მხარდაჭერის ინსტიტუციური, ინფრასტრუქტურული, ფინანსური და ტექნიკური მექანიზმები, რაც უკვე ნათლად აისახა როგორც წარმოების, ისე ექსპორტის ზრდაზე. ახლა კი მთავრობა ცალკეული პროგრამებიდან ერთიან მოდელზე გადადის, განისაზღვრება პრიორიტეტული სექტორები, სადაც სახელმწიფო მაქსიმუმ 2 მილიონი ლარის თანადაფინანსებაში შევა. ბევრი დეტალი ამ დროისთვის ცნობილი არ არის, ამიტომ დღეს გადავწყვიტეთ სექტორულად ფერმერების აზრი მოვისმინოთ, პირველ რიგში რა გაიგეს შეხვედრიდან და მერე მხრივ რა სჭირდებათ დარგებს რეალური განვითარებისთვის? სტუმარი: მერაბ ჭითანავა - „თხილის მწარმოებელთა ასოციაციის“ აღმასრულებელი საბჭოს თავმჯდომარე #ახალიამბები #BusinessMediaGeorgia
გარემოს დაცვისა და სოფლის მეურნეობის მინისტრმა დავით სონღულაშვილი ხორბლის სექტორის წარმომადგენლებთან დარგობრივი საბჭოს ფორმატში შეხვედრა გამართა, სადაც სექტორში არსებული გამოწვევები და განვითარების მიმართულებები განიხილეს. შეხვედრის მიზანი სექტორსა და სახელმწიფოს შორის კოორდინაციის გაძლიერება და ხორბლის წარმოების მდგრადი განვითარების ხელშეწყობა იყო - ინფორმაციას ამის შესახებ სამინისტრო ავრცელებს. მინისტრის განცხადებით, ხორბლის სექტორი სახელმწიფოსთვის ერთ-ერთ პრიორიტეტულ მიმართულებად რჩება და ამ მიმართულებით დამატებითი მხარდაჭერის მექანიზმების შემუშავება იგეგმება. უწყების ცნობით, შეხვედრაზე განსაკუთრებული ყურადღება სერტიფიცირებული თესლის ხელმისაწვდომობაზე, თანამედროვე ტექნიკისა და ტექნოლოგიების დანერგვის აუცილებლობაზე და მცირე და საშუალო ფერმერებისთვის სასაწყობე ინფრასტრუქტურის უზრუნველყოფაზე გამახვილდა. დისკუსიის ფარგლებში ასევე გამოიკვეთა კვალიფიციური სპეციალისტების დეფიციტი, რაც პირდაპირ აისახება პროდუქციის ხარისხსა და კონკურენტუნარიანობაზე. შეხვედრაზე აქცენტი გაკეთდა სარწყავი წყლის ხელმისაწვდომობასა და მართვაზე, მათ შორის საირიგაციო ტარიფების საკითხზე და სახელმწიფო სუბსიდირების მექანიზმების ეფექტიანობაზე. როგორ აფასებენ ფერმერები შეხვედრას და რა აწუხებთ მათ? სტუმარი: ელიზბარ იმერლიშვილი - ფერმერი #ახალიამბები #BusinessMediaGeorgia
ახლო აღმოსავლეთში მიმდინარე მოვლენების გამო, ევროპის საავიაციო სექტორი ბოლო ათწლეულის უმწვავესი კრიზისის წინაშეა. საწვავზე ფასების რეკორდული ზრდის ფონზე, წამყვანი ავიაკომპანიები მოკლე დისტანციის ათიათასობით ფრენას აუქმებენ, ავიაბილეთების ღირებულება კი ორმაგდება და სამმაგდება. როგორ აისახება გლობალური არასტაბილურობა რიგით მოგზაურებზე, რა ალტერნატივებს გვთავაზობენ სპეციალისტები და როგორ უნდა დავგეგმოთ ევროპაში მოგზაურობა გაუთვალისწინებელი ფინანსური ზარალის თავიდან ასაცილებლად? #ახალიამბები #BusinessMediaGeorgia
#ავიაციისსიახლეები: ✈️ საწვავის დაზოგვის მიზნით, Lufthansa-მ 20 ათასამდე რეისი გააუქმა ✈️ Air Canada რიგ ფრენებს აჩერებს ✈️ წინა კვირასთან შედარებით საავიაციო საწვავი გაიაფდა, მაგრამ წლიურ ჭრილში ფასი გაორმაგებულია ✈️ თბილისის და ბათუმის აეროპორტებიდან ახლო აღმოსავლეთში ფრენები 8 მიმართულებით არ სრულდება ✈️ Pegasus-ი ქუთაისიდან ოპერირებას აგრძელებს, ფრენები მაისში გაუქმდა - GASA-ს განმარტება ✈️ Condor-ი საქართველოს მიმართულებით რეგულარულ ფრენებს აახლებს ✈️ ტრამპის ადმინისტრაცია Spirit Airlines-ის $500-მილიონიანი ფინანსური დახმარების პაკეტს ამზადებს #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - "ინტერიერი სალომე დადუნაშვილთან ერთად", ავტორი&წამყვანი #ახალიამბები #BusinessMediaGeorgia
მსოფლიოში ერთ-ერთი ყველაზე მასშტაბური და გავლენიანი მუსიკალური ფესტივალი Coachella ყოველწლიურად არა მხოლოდ მუსიკალური შოუს, არამედ უზარმაზარი ფინანსური პროექტის სახეს იღებს. 2026 წელს ფესტივალმა რეკორდული მასშტაბები აჩვენა: საერთო შემოსავალმა 200 მილიონ დოლარს გადააჭარბა, რაც იმას ნიშნავს, რომ მისი ორგანიზებაც კოლოსალურ რესურსებს მოითხოვდა. ფესტივალის ეკონომიკური გავლენა კიდევ უფრო ფართოა, მხოლოდ ტურისტების ხარჯვით ადგილობრივ ეკონომიკაში 20 მილიონ დოლარზე მეტი გენერირდება. ამ ყველაფერს თუ დავუმატებთ სპონსორებს, ბრენდების აქტივაციებსა და ინფრასტრუქტურულ ხარჯებს, ნათელია, რომ Coachella უკვე დიდი ხანია აღარ არის უბრალოდ მუსიკალური ღონისძიება - ეს არის მრავალმილიონიანი ინდუსტრია, სადაც შოუს უკან უზარმაზარი ფინანსური მანქანა დგას. #ახალიამბები #BusinessMediaGeorgia
Tbilisi Open Air 2026-ის ლაინაფი ცნობილია, ამაზე უფრო დეტალურად ჩვენი სტუმარი მოგვახსენებს, იქამდე კი მე გეტყვით, რომ ფესტივალი 4 და 5 ივლისს ტრადიციულ ლოკაციაზე, Lisi Wonderland-ში გაიმართება, სადაც 3 სცენა იქნება წარმოდგენილი. ასევე, ადგილზე ფეხბურთის გულშემატკივრებისთვის მოეწყობა სპეციალური სივრცე, სადაც დიდ ეკრანზე მსოფლიო ჩემპიონატის ოთხი მერვედფინალის ჩვენება გაიმართება. გარდა ამისა, იქნება ღვინის ფესტივალი და მოეწყობა არაერთი გასართობი სივრცე. სტუმარი: სოფო ებრალიძე - Tbilisi Open Air, წარმომადგენელი #ახალიამბები #BusinessMediaGeorgia
„თეგეტა ჰოლდინგმა“ სადისტრიბუციო და საცალო ბიზნესს ფლიტ მენეჯმენტის ახალი, კომპლექსური მოდელი წარუდგინა - სერვისი, რომელიც ავტოპარკის მართვას სრულად ერთ ეკოსისტემაში აერთიანებს. ღონისძიებაზე 70-ზე მეტი კომპანიის წარმომადგენელს 360-გრადუსიანი მომსახურება გააცნეს, რომელიც ავტოპარკის შერჩევას , ოპერაციულ მართვას, ტექნიკურ მხარდაჭერას, დაზღვევას, ტელემატიკურ კონტროლსა და საჭიროების შემთხვევაში ჩანაცვლების სერვისსაც მოიცავს. აქცენტი გაკეთდა იმაზე, რომ ფლიტ მენეჯმენტი მხოლოდ ტექნიკური მომსახურება აღარ არის და ბიზნესის ეფექტიანობის მართვის ინსტრუმენტად ყალიბდება. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
26 აპრილს „ავერსი-ფარმას“ თანამშრომლებისთვის პადელის ტურნირი გაიმართა. ინიციატივა კომპანიის კორპორაციული სოციალური პასუხისმგებლობის ფარგლებში ხორციელდება და მიზნად ჯანსაღი ცხოვრების წესის პოპულარიზაციასა და თანამშრომლებს შორის გუნდური სულისკვეთების გაძლიერებას ისახავს. #ახალიამბები #BusinessMediaGeorgia
25 აპრილს, „გრანდ ავენიუს“ სივრცეში „არქი იასამნების“ დიდი ფასდაკლების დღე გაიმართა. ერთ დღეში გაყიდული 291 ბინა - ასეთია ღონისძიების შედეგი, რომლის მიმართაც ინტერესი უპრეცედენტოდ მაღალი იყო. წინასწარი რეგისტრაცია 20 ათასზე მეტმა ადამიანმა გაიარა, მომხმარებლებმა კი ბინები სპეციალური პირობებით შეიძინეს. როგორ ჩაიარა დიდმა ფასდაკლების დღემ და რა შეთავაზებები დახვდათ მომხმარებლებს #ახალიამბები #BusinessMediaGeorgia
ძველ თბილისში, ჩუღურეთში, საცხოვრებელი კომპლექსის Garden Hills-ის მშენებლობა დასკვნით ეტაპზეა. 30 ათას კვადრატულ მეტრზე განვითარებულ პროექტში, რომელიც ერთ-ერთ მსხვილ ურბანულ განახლებად განიხილება, კომპანიის ინფორმაციით, ბინების 90%-ზე მეტი უკვე გაყიდულია. პროექტის დასკვნით ეტაპზე კომპლექსის ტერიტორიაზე სიმბოლური ღონისძიებაც გაიმართა - სივრცეში აღიმართა ჯვარი, როგორც სულიერი ერთიანობის სიმბოლო, ღონისძიებას კი მუსიკალურად ანსამბლი „ერისიონი“ აფორმებდა. როგორ მიმდინარეობს პროექტის ბოლო ეტაპი? #ახალიამბები #BusinessMediaGeorgia
#საქმიანიდილა - 27 აპრილი - პროლოგი #ახალიამბები #BusinessMediaGeorgia
ხელოვნება, როგორც მაღალმოგებიანი საინვესტიციო აქტივი - რატომ ირჩევენ მსოფლიოს უმდიდრესი ადამიანები კაპიტალის დასაბანდებლად ტრადიციული ბაზრების ნაცვლად უნიკალურ შედევრებს. გაიცანით მილიარდერი კოლექციონერები, რომელთა პორტფელებში კულტურული მემკვიდრეობა მრავალმილიარდიან ფინანსურ ინსტრუმენტად იქცა. ვინ ფლობს მსოფლიოს ყველაზე ძვირადღირებულ კერძო კოლექციებს? #ახალიამბები #BusinessMediaGeorgia
ხელოვნების აუქციონების ბაზარი - პირველი კვარტლის მიმოხილვა სალომე ზაალიშვილი - BMG, რეპორტიორი #ახალიამბები #BusinessMediaGeorgia
პაშა ბანკი საქართველომ 3 წლის წინ სტრატეგიული ცვლილება განახორციელა და სრულად კორპორატიულ საბანკო მომსახურებაზე გადავიდა. როგორ აისახა ეს ცვლილება ფინანსური ინსტიტუტის შედეგებზე, როგორი იყო მისთვის განვლილი წელი და როგორია სამომავლო გეგმები? ინტერვიუ: რამილ იმამოვი - "პაშა ბანკი საქართველო", გენერალური დირექტორი; ინტერვიუერი: ერეკლე ფოლადიშვილი - BMG, ჟურნალისტი #ახალიამბები #BusinessMediaGeorgia
თითქმის ორი თვის შემდეგ, რაც ირანთან დაკავშირებული ესკალაცია დაიწყო, საქართველოს ეკონომიკაზე მისი გავლენა თავდაპირველ მოლოდინებთან შედარებით უფრო მსუბუქი აღმოჩნდა- ასეთია Galt & Taggart-ის შეფასება, რომელსაც განახლებულ პუბლიკაციაში სახელწოდებით ,,ირანის ესკალაცია: 50 დღის შემდეგ - საქართველოს მდგრადობის შეფასება” - აქვეყნებს. საინვესტიციო ბანკის მონაცემებით, მარტში საქონლის ექსპორტი და ფულადი გზავნილები წლიურად კვლავ გაიზარდა; საგადასახადო შემოსავლები და დღგ-ის ბრუნვა მაღალ ნიშნულზე ნარჩუნდება, ხოლო ლარი მარტის შუა პერიოდიდან კვლავ გამყარების ტენდენციას დაუბრუნდა. ამ ინდიკატორებზე და ეკონომიკური ზრდის მაჩვენებლების გათვალისწინებით პირველი კვარტალი ძლიერი გამოვიდა და საინვესტიციო ბანკის პროგნოზია, რომ რომელ წელს ეკონომიკა 6.0%-იან ზრდას დააფიქსირებს. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
ევროპა უპრეცედენტო გეოეკონომიკური გამოწვევის წინაშეა - კონტინენტს ჩინური ინვესტიციების 12-მილიარდიანი ტალღა დაატყდა თავს. მიუხედავად იმისა, რომ ევროკავშირის ქვეყნებს საკუთარი წარმოების სტიმულირებისთვის აზიური ფინანსები და ტექნოლოგიები სასიცოცხლოდ სჭირდებათ, ბრიუსელში ფიქრობენ, რომ ეკონომიკური ხსნის უკან რეალური პოლიტიკური ხაფანგი იმალება. ევროპული ელიტა შიშობს, რომ კონტინენტი პეკინისთვის მხოლოდ რიგით ამწყობ საამქროდ არ გადაიქცეს და საპასუხოდ, ჩინურ ექსპანსიას სრულიად ახალ, ხისტ საკანონმდებლო სტრატეგიას უპირისპირებს. როგორ ცდილობს ევროკავშირი უცხოური მილიარდების მოთოკვას და რა ბედი ელით დასავლურ ბაზარზე შესულ აზიურ გიგანტებს? #ახალიამბები #BusinessMediaGeorgia
ჩინეთის გლობალური დომინაცია ელექტრომობილების ბაზარზე შემთხვევით არ მომხდარა, ეს მკაცრად გათვლილი სტრატეგიის შედეგია. ნედლეულის კონტროლიდან უმსხვილეს მეგაქარხნებამდე: როგორ შეცვალა აზიურმა სახელმწიფომ გლობალური წარმოების წესები და რა უპირატესობებს სთავაზობს ის მსოფლიო ბრენდებს? #ახალიამბები #BusinessMediaGeorgia
თვითმფრინავის საკვები წლების განმავლობაში იძულებით კომპრომისად აღიქმებოდა, რადგან ფრენის სპეციფიკური კლიმატი და დაბალი წნევა გემოს რეცეპტორებს ბლოკავს, ლოგისტიკა კი ახლადმომზადებული კერძის მიწოდებას გამორიცხავს. თუმცა, დღეს გლობალური ავიაციის ლიდერები ამ მოცემულობას სრულიად ცვლიან და მგზავრებს ცაში უმაღლესი კლასის გასტრონომიას სთავაზობენ. ექსპერტების შეფასებით, რომელი კომპანიები ლიდერობენ გლობალურ რეიტინგში და როგორ გადაიქცა ურთულესი ლოგისტიკური გამოწვევა ექსკლუზიურ სერვისად? #ახალიამბები #BusinessMediaGeorgia
1948 წლის 16 აპრილს ევროპის ეკონომიკური თანამშრომლობის ორგანიზაცია დაფუძნდა, რომლის მთავარი მიზანიც მეორე მსოფლიო ომისგან განადგურებული რეგიონის აღდგენა, მარშალის გეგმით გათვალისწინებული ფინანსური დახმარების ქვეყნებს შორის გადანაწილება და კოორდინაცია, ევროპული ქვეყნების სავაჭრო ურთიერთობების ერთმანეთთან თანხვედრა და არსებულ გამოწვევებთან ბრძოლის ერთობლივი გზების შემუშავება იყო. წლების შემდეგ, როდესაც ორგანიზაციამ და მარშალის გეგმამ თავისი მისია შეასრულეს, ევროპის ქვეყნების ეკონომიკებმა აღდგენა და განვითარება დაიწყო, უფრო მასშტაბური და გლობალური ორგანიზაციის შექმნის აუცილებლობაც დადგა და ევროპის ეკონომიკური თანამშრომლობის ორგანიზაცია ეკონომიკური თანამშრომლობისა და განვითარების ორგანიზაციად გარდაიქმნა, რომელიც დღემდე ფუნქციონირებს და მსოფლიოს 38 ქვეყანას აერთიანებს. #ახალიამბები #BusinessMediaGeorgia
ამერიკული საზღვაო ბლოკადა სპარსეთის ყურეში გლობალური ეკონომიკისთვის უმძიმეს მოცემულობას ქმნის. ჰორმუზის სრუტის ჩაკეტვით ვაშინგტონმა თეირანი ფინანსური კოლაფსის პირას მიიყვანა, რამაც პაკისტანში დაგეგმილი ისტორიული სამშვიდობო დიალოგიც საბოლოოდ ჩაშალა. სატრანზიტო კრიზისი უკვე პირდაპირ ურტყამს ჩინეთის ენერგოუსაფრთხოებას და ახლო აღმოსავლეთის ქვეყნებს ალტერნატიული მარშრუტების სასწრაფო ძიებას აიძულებს. თუმცა, სანამ შავი ოქროს ფასი იზრდება და რეგიონი ლოგისტიკურ კრიზისშია, ამერიკული საფონდო ბირჟები ომის რისკებს არ იმჩნევენ და ინდექსების ისტორიულ მაქსიმუმებზე ვაჭრობენ. რა უჯდება ირანს ყოველდღიურად დაწესებული შეზღუდვები, როგორ კარგავს თეირანი მთავარ სატრანზიტო კოზირს და რატომ რჩება ფინანსური ელიტა სრულიად გულგრილი გლობალური საფრთხეების მიმართ? #ახალიამბები #BusinessMediaGeorgia
#საქმიანიდილა - 24 აპრილი - პროლოგი #ახალიამბები #BusinessMediaGeorgia
ირანში მიმდინარე მოვლენების გამო მიმდინარე წელს სამშენებლო მასალები სავარაუდოდ გაძვირდება - ამის შესახებ Galt & Taggart-ის მიერ გამოქვეყნებული ანგარიშში წერია.არსებული პროგნოზით, 2026 წელს სამშენებლო მასალების ფასები 8%-ით გაიზრდება, მაშინ როდესაც 2025 წელს ეს მაჩვენებელი მხოლოდ 1% იყო. კონფლიქტის ფონზე, გაძვირება შეეხება ძირითად სამშენებლო მასალებს. ცემენტი: 2025 წელს ფასების სტაბილიზაციის შემდეგ, 2026 წელს მოსალოდნელია მისი 7%-იანი გაძვირება. ბეტონი: ფასის ზრდა პროგნოზირებულია 10%-ის ფარგლებში. არმატურა: მოსალოდნელია ღირებულების 6%-იანი მატება. ირანთან ვაჭრობის შედეგებს თუ შევხედავთ, ვნახავთ რომ 2025 წლის მონაცემებით, ირანზე მოდის სამშენებლო და სარემონტო მასალების მთლიანი იმპორტის 5.0%. ხოლო სარემონტო მასალების მიმართულებით, ირანის წილი იმპორტში 4.1%-ს შეადგენს. რა გავლენა აქვს მიმდინარე მოვლენებს ადგილობრივ ბაზარზე? სტუმარი: ზუკა თავყელიშვილი - Galt & Taggart-ის ასოცირებული მკვლევარი #ახალიამბები #BusinessMediaGeorgia
12 ივნისი, ბათუმი, სასტუმრო COURTYARD BY MARRIOTT- ეს არის კონფერენცია გრემოს ჩატარების მორიგი დრო და ადგილი. BMG და გაყიდვების კომპანია PROSOECT ერთობლივი გადაცემა „უძრავი ქონების პროსპექტის“ ქვეშ, მეოთხე სექტორულ შეხვედრას გამართავს. თუმცა თავად კონფერენცია 2021 წლიდან არსებობს და უკვე მეშვიდედ გააერთიანებს დეველოპერებს, ინვესტორებსა და ინდუსტრიის ექსპერტებს, რათა ერთად იმსჯელონ საქართველოს უძრავი ქონების ბაზრის განვითარების სტრატეგიულ მიმართულებებზე. წლევანდელ თემად შერჩეულია მაღალი კლასის კურორტების შექმნა საქართველოში. განსაკუთრებული ყურადღება დაეთმობა აჭარისა და საქართველოს ზღვისპირეთის გარდაქმნას პრემიუმ ტურისტულ მიმართულებად, რაც მოიაზრებს მაღალი შემოსავლის მქონე ტურისტების მოზიდვის სტრატეგიებს, საერთაშორისო გამოცდილებას გაზიარებას და თანამედროვე დეველოპერულ ტენდენციებსა და ინოვაციებს. სტუმარი: გუგა კობახიძე - Prospect, დამფუძნებელი, GREMO თანაორგანიზატორი #ახალიამბები #BusinessMediaGeorgia
საკრუიზო ტურიზმის უპირატესობები - როგორია COSTA-ს ფილოსოფია? ➡️ ინტერვიუ: მირკო ვასალო - Costa Crociere-ის საერთაშორისო გაყიდვების დირექტორი; ➡️ ინტერვიუერი: გიორგი ისაკაძე - BMG, გენერალური პროდიუსერი #ახალიამბები #BusinessMediaGeorgia
✈️ მოგზაურობა და ჯანმრთელობა - რა უნდა ვიცოდეთ გზაში? რუბრიკის ავტორი&წამყვანი: ანა კირკიტაძე - "ვინგლეთი", დამფუძნებელი; სტუმარი: მაკა ღუჭაშვილი - თოდუას კლინიკა, თერაპევტი; #ახალიამბები #BusinessMediaGeorgia
გლობალური სადაზღვევო ინდუსტრია დღეს ერთდროულად ორ ძლიერ წნეხს შორის ოპერირებს - ერთი მხრივ, ციფრული რევოლუცია, რომელიც თამაშის წესებს თავიდან წერს და ხელოვნური ინტელექტის, პერსონალიზებული პროდუქტებისა და სრულად ციფრული სერვისების ეპოქას ქმნის, ხოლო მეორე მხრივ, ახლო აღმოსავლეთში მიმდინარე ესკალაცია, რომელმაც გლობალური რისკები მნიშვნელოვნად გაზარდა, გააძვირა საზღვაო და საავიაციო დაზღვევა და გაზარდა მოთხოვნა ომისა და კიბერრისკების სპეციალიზებულ პოლისებზე; მიუხედავად ამისა, სექტორი ჯერ კიდევ ინარჩუნებს მდგრადობას და ცდილობს ახალ რეალობას ტექნოლოგიური და ფინანსური რესურსებით უპასუხოს. #ახალიამბები #BusinessMediaGeorgia