წლის დასრულებამდე 2 თვით ადრე მთავრობა ორნიშნა ეკონომიკური ზრდის პროგნოზს მედიასთან კომენტარებში არ ცვლის. 10 -ზე მაღალი მაჩვენებელი არც ერთ საერთაშორისო ორგანიზაციის პროგნოზსში ჯერ არ არის და მიმდინარე წლის ბიუჯეტის პროექტშიც მთლად 2 ნიშნა მაჩვენებელი ვერ მოხვდა, თუმცა ოპტიმისტურ მოლოდინებს საფუძველი ჯერ ისევ აქვს, აგვისტოს მშპს ზრდა უფრო მეტი იყო, ვიდრე ეს თიბისი კაპიტალის ბოლო ანგარიშში ხვდებოდა და მაშინ 10.5%-ი იყო ნავარაუდევი. სტუმარი: ანა მჟავანაძე - თიბისის მაკრო-ფინანსური ანალიზის განყოფილების უფროსი; #ახალიამბები #BusinessMediaGeorgia
რიყეზე სეირნობისას ალბათ ყველას შეგვიმჩნევია საჰაერო ბურთი, რომელიც პერიოდულად თბილისის თავზე დაფრინავს და ადგილობრივი თუ უცხოელი ტურისტებისთვის, ერთ-ერთ საყვარელ ადგილად იქცა. air balloon tbilisi არის კომპანია, რომელმაც გადაწყვიტა თბილისს კიდევ ერთი ტურისტულად მიმზიდველი ატრაქცია შეთავაზოს და დედაქალაქი იმ ქვეყნების რიგებში მოახვედროს, სადაც საჰაერო ბურთს ტურიზმის განვითარებაში მნიშვნელოვანი როლი აქვს. როგორია კომპანიის შემოსავალი, გაამართლა თუ არა იდეამ, რომელიც თავის დროზე ორლანდოს დისნეილენდში დაიბადა. #ახალიამბები #BusinessMediaGeorgia
Netflix-ის მომხმარებლების რაოდენობამ სოფლიოში 214 მილიონს გადააჭარბა. მატება, რომელსაც ბოლოს გამოქვეყნებული ანგარიში ცხადყოფს, დაკავშირებულია ახალ კონტენტთან. შესაბამისად, ვიდეოსერვისის მოგებამაც 7,48 მილიარდი დოლარი შეადგინა, რაც ანალიტიკოსების წინასწარ პროგნოზებს ემთხვევა. გარდა ამისა, მალე ნეტფლიქსი ახალი ფილმებისა და სერიალების მიღმა მომხმარებლებს შესთავაზებს დათვლილ მონაცემს, მაგალითად იმასთან დაკავშირებით, თუ რამდენი საათი გაატარეს ფილმის ყურებაში და ამბობენ რომ ეს მხოლოდ დასაწყისია. #ახალიამბები #BusinessMediaGeorgia
#საქმიანიდილა - 22 ოქტომბერი - პროლოგი #ახალიამბები #BusinessMediaGeorgia
21 ოქტომბერს "ელიტ ელექტრინიქსის" ფოთის განახლებული ფილიალი და სერვისცენტრი გაიხსნა, სადაც მომხმარებელს ბაზრის ყველა ლიდერი ბრენდი ერთ სივრცეში დახვდება. ამასთანავე, შესაძლებლობა ექნებათ მათ რჩეულ ბრენდებზე მაღალხარისხიანი და კვალიფიციური სერვისი მიიღონ. მაღაზიათა ქსელი "ელიტ ელექტრონიქსი" უკვე 25 წელზე მეტია სამომხმარებლო ტექნიკის ბაზარზეა და ყველაზე დიდი სავაჭრო ქსელია, რომელიც მრავალფეროვანი პროდუქციითა და ასორტიმენტითაა წარმოდგენილი.ამ დროის განმავლობაში ბრენდმა და თავად კომპანიამ დიდი ცვლილებები განიცადა, შეიქმნა ახალი კონცეფციის მაღაზიები, დაინერგა მომსახურების თანამედროვე სტანდარტები, ბაზრის ათვისება მოხდა თითქმის მთელი ქვეყნის მასშტაბით და კომპანია გახდა მსოფლიო მოწინავე ბრენდების ექსკლუზიური და ოფიციალური პარტნიორი საქართველოში. რას სთავაზობენ და რა ტიპის აქციებით ისარგებლებენ მომხმარებლები? #ახალიამბები #BusinessMediaGeorgia
დღეს, პოსტ-პანდემიურ პერიოდში, როდესაც სავალდებულოა, ადამიანების რაოდენობის კონტროლი და რიგი რეგულაციების დაცვა, ამსტერდამში ადგილობრივმა ხელისუფლებამ გადაწყვიტა, ტექნოლოგიებისა და ხელოვნური ინტელექტის გამოყენებით, გააკონტროლოს მასობრივი თავშეყრის ადგილები და ჯერჯერობით ორ ლოკაციაზე სპეციალური კამერები დამონტაჟდა, რომელიც ანიშნებს შესაბამის უწყებებს, ტერიტორიებს, სადაც ხალხმრავლობის გამო უსაფრთხოება ირღვევა და სადაც ვირუსის გავრცელების კერა ჩნდება. მიღებული ინფორმაციის საფუძნელზე კი, პასუხისმგებელი პირები, მოქალაქეებსა და ტურისტებს სხვაგან ამისამართებენ. როგორია ე.წ. “ჭკვიანი ქალაქის” პერსპექტივები და რას გულისხმობს ამსტერდამის ინოვაციური მიდგომა, რომელიც საბოლოოდ გადაჭრის ქალაქში ოვერ-ტურიზმის პრობლემას? #ახალიამბები #BusinessMediaGeorgia
JAM news-ის ცნობით და მადლობა კოლეგებს მუდამ საინტერრსო მასალებისთვის, აზერბაიჯანის ტერიტორიაზე პირველი „ჭკვიანი სოფლის“ მშენებლობა იწყება. „ჭკვიანი სოფელი“ მწვანე, ალტერნატიულ ენერგიასა და დაგეგმვის ჭკვიან სისტემას გამოიყენებს. საწყის ეტაპზე ჯამში 450, სამ-, ოთხ- და ხუთოთახიანი სახლების მშენებლობა იგეგმება. ეკონომისტ ელმირ საფარლის განცხადებით, „ჭკვიანი ქალაქისა“ და „ჭკვიანი სოფლის“ მეშვეობით, რეგიონში ყველა საწარმო თუ მომსახურების ობიექტი ერთიანი ფორმით იქნება მართული. #ახალიამბები #BusinessMediaGeorgia
Sony-ს წყალზე მოტივტივე სახლის დიზაინი #ახალიამბები #BusinessMediaGeorgia
T Aero-ს მფრინავი ტაქსები ბაზარზე 2024 წლიდან გამოჩნდება #ახალიამბები #BusinessMediaGeorgia
კახა კალაძემ აღნიშნა, რომ 4 წელიწადში 10 000-მდე შენობა-ნაგებობის განახლება შეუძლებელია, თუმცა ეს პროგრამა, რომელიც მისი თქმით მზად არის შემდგომ ხელისუფლებასაც დარჩება. მერიაში პროგრამის დეტალებზე არ საუბრობენ, როგოროც ბმ.გე-ს მერიაში განუმარტეს ზუსტი დეტალები წლის ბოლოს გახდება ცნობილი. მერის თქმით, სრულ ხარჯს მერია აიღებს და მოქალაქეები ქირით გაყვანიდან საშუალოდ 2 წლიან ვადაში ახალ სახლებში დაბრუნდებიან. ვიცე-მერმა გასულ კვირას ასევე განაცხადა რომ ეს არ იქნება დეველოპერების პროგრამა და მერია საბჭოთა ავარიულ შენობა-ნაგებობებს, ქართული ახალი შენობა-ნაგებობებით ჩაანაცვლებს. როგორ უნდა ჩავანაცვლოთ ავარიული შენობები? სტუმარი: კობა ყალიჩავა - ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის პროფესორი #ახალიამბები #BusinessMediaGeorgia
რას სთხოვს ხელისუფლებას ბიზნესი? სტუმრები: სოფო სოლოღაშვილი - SNEP-ის ხელმძღვანელი; გიორგი მთიულიშვილი - გასართობი ცენტრების ასოციაციის ხელმძღვანელი; იონა ჯიქია - ესთეტიკური ცენტრი "არტ სტუდიოს" დირექტორი. #ახალიამბები #BusinessMediaGeorgia
ბოლო რამდენიმე თვეა მთავრობა აცრილი მოქალაქეების წახალისებასა და აუცრელებისთვის დისკომფორტის შექმნაზე საუბრობს, თუმცა კონკრეტულ გადაწვეტილებებს მეხუთე ტალღის დაწყების მიუხედავად ვერ იღებს. დაავადებათა კონტროლის ეროვნული ცენტრის დირექტორი ამირან გამყრელიძემ გუშინ განაცხადა რომ ე.წ. მწვანე პასპორტები ამოქმედდება, თუმცა როდის არ ვიცით. ჯანდაცვის მინისტრის მოადგილე თამარ გაბუნია კი მსგავსი მოდელის არჩევამდე, საფუძვლიან ანალიზზე საუბრობს, რათა ამან საზოგადოებაში გარკვეული უკმაყოფილება არ გამოიწვიოს, მითუფრო მაშინ, როცა წინ არჩევნებია. სტუმარი: პაატა იმნაძე - NCDC-ის დირექტორის მოადგილე #ახალიამბები #BusinessMediaGeorgia
ინფიცირების ამჩვენებელები საგანგაშო სიგნალებს იძლევა. ხელისუფლება თუნდაც ირიბაც ვაქცინაციის სავალდებულოობის შემოღებაზე ჯერ არ ფიქრობს. გაზრდილი ავადობის პარალელურად მცირდება აცრებიც. საქართველოს ბიზნეს ასოციაცია კოვიდპანდემიის მხრივ არსებულ მდგომარეობას ეხმიანება და მას, როგორც თითოეული მოქალაქისა და ქვეყნისთვის, ასევე ბიზნეს სექტორისთვის საგანგაშოდ მიიჩნევს. კერძო სექტორი გამოწვევის წინაშეა - სად არის გამოსავალი? სტუმარი: ლევან ვეფხვაძე - "საქართველოს ბიზნეს ასოციაცია", აღმასრულებელი დირექტორი; #ახალიამბები #BusinessMediaGeorgia
მსოფლიო ბაზარზე სიცოცხლის დაზღვაზე მოთხოვნა მზარდია, წინასწარი მოლოდინით ზრდა 16% ს მიაღწევს. მიუხედავად იმისა, რომ საქართვლოს სადაზღვეო ბაზარი განვითარების ტემპებით მოწინავეთა რიგებში არ არის და ეს პროდუქტი საქართველოსთვის სიახლეა, სათავეებს როგორ დათმობდნენ და თიბისი დაზღვევამ სიცოცხლის დაზღვევა საცალო ბაზარზე გაიატანა. სიცოცხლის დაზღვევა მომხმარებლისთვის თიბისი დაზღვევისგან სიახლე არ არის, თუმცა ეს სერვისი იყიდებოდა სხვადასხვა პროდუქტებთან ერთად, როგორიც არის საბანკო დეპოზიტი, სესხი ან ჯანმრთელობის დაზღვევა. კომპანიის ხედვით სიცოცხლის დაზღვევას დიდი პოტენციალი აქვს საცალო გაყიდვების კუთხითაც. სტუმარი: პაატა ღაძაძე - "თიბისი დაზღვევა", გენერალური დირექტორი #ახალიამბები #BusinessMediaGeorgia
#საქმიანები: "აუგუსტის" რეცეპტი ქრისტინე მორჩილაძე - "აუგუსტი"-ს დამფუძნებელი; ავტორები:მანანა მანჯგალაძე; ედგარ ყაზახაშვილი; ლადო ცხადაია #ბენჟი #August #აუგუსტი საქმიანები მანანა მანჯგალაძესთან ერთად #ახალიამბები #BusinessMediaGeorgia
BMG , Forbes Georgia და Tegeta Motors წარმოგიდგენთ: #BMGAUTO-ს ✔Audi S4, Mercedes S-Class, Mazda MX30 ✔როგორ მოვამზადოთ ავტომობილი ზამთრის სეზონისთვის? ავტორები: ნიკა შელია, ირაკლი წვერავა, გიორგი დანელია; #ახალიამბები #BusinessMediaGeorgia
შრომის ბაზრის ცვლილებებისთვის, ახალი პროფესიების შესახებ ინფორმაციის მიწოდებისთვის და ადამიანების პროფესიული მხარდაჭერისთვის საქართველოს ბანკი პროექტ „მომავლის პროფესიების“ ფარგლებში იმ ადამიანების მხარდაჭერას აგრძელებს, რომლებსაც პანდემიის პერიოდში შეცვლილი რეალობისა და დიდი გამოწვევების საპასუხოდ, საკუთარი პოტენციალის მაქსიმალურად ათვისება და ახალი შესაძლებლობების აღმოჩენა სურს. სწორედ ამ მიზნით, საქართველოს ბანკი კარიერულ განვითარებასა და ტექნოლოგიებზე ორიენტირებული YouTube არხის – Fennec Tech Studio-ს მხარდამჭერი რამდენიმე თვის წინ გახდა. სტუმრები: თამარ გოჩაშვილი - საქართველოს ბანკის CSR მიმართულების ხელმძღვანელი; მარიამ გაგუა - Fennec Tech Studio-ს YouTube არხის შემქმნელი. #ახალიამბები #BusinessMediaGeorgia
თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიც აშშ-ის საერთაშორისო განვითარების საფინანსო კორპორაციის მხარდაჭერით და საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება. პროექტის “ამერიკული ჰოსპიტალი თბილისი” მხარდამჭერია თიბისი ლიზინგი. #ახალიამბები #BusinessMediaGeorgia
#საქმიანიდილა - 21 ოქტომბერი - პროლოგი #ახალიამბები #BusinessMediaGeorgia
2021 წლის სექტემბერში წმინდა ექსპორტი წლიურად 10%-ით არის გაზრდილი და 270 მლნ დოლარს აღემატება. ექსპორტის განვითარების ასოციაციის ხელმძღვანელი აღნიშნავს, რომ ზრდა მოსალოდნელი იყო, ამავე აზრზე არიან ბიზნესის წარმომადგენლებიც. რას ასახელებენ კომპანიების ხელმძღვანელები ექსპორტის ზრდის მიზეზად და როგორია მათი გეგმები წლის ბოლომდე? #ახალიამბები #BusinessMediaGeorgia
„პურის ფესტივალი“ საქართველოში წელს მესამედ ტარდება. რომლის ინიციატორიც ბიოლოგიურ მეურნეობათა ასოციაცია „ელკანა“ გახლავთ. ფესტივალი ახალციხეში იმართება და ღონისძიების მიზანია ხორბლის ადგილობრივი ჯიშების გადარჩენა და პოპულარიზაცია, ამ საქმიანობაში რაც შეიძლება მეტი ფერმერის ჩართვა და გაყიდვების მოკლე, თანამშრომლობითი ჯაჭვების წახალისება. ფესტივალი ფართო საზოგადოებას რეგიონის კულტურულ და ეთნოლოგიურ მემკვიდრეობას გააცნობს, ამასთან ადგილობრივი პურისა და ტრადიციული კერძების დაგემოვნება და რეგიონის აგროტურისტული პოტენციალის გაცნობა საინტერესო გამოცდილებებისა და შთაბეჭდილებების მიღების საშუალებას მისცემს როგორც რეგიონის მაცხოვრებლებს, ასევე ფესტივალზე ჩასულ სტუმრებს. სტუმარი: მაკა ჯორჯაძე - “ელკანა” დირექტორი. #ახალიამბები #BusinessMediaGeorgia
არსებული მძიმე ეპიდემიოლოგიური ვითარებიდან გამომდინარე, უკვე მეორე წელია, ჯანდაცვის სამინისტროს მიერ დადგენილი რეგულაციებისა და რეკომენდაციების გათვალისწინებით მუშაობენ თბილისის კერძო და საჯარო ბაღები. რეგულაციები დეტალურად არის გაწერილი და მათი დაკმაყოფილებისთვის გასულ წელს საბავშვო ბაგა-ბაღების მართვის სააგენტომ არაერთი პროექტი განახორციელა. ერთ-ერთი ასეთი რეკომენდაცია ითვალისწინებს დაწესებულებაში კოვიდ-19-ით ინფიცირების ერთი ფაქტის გამოვლენის შემთხვევაშიც კი, საბავშვო ბაღის დახურვას საკარანტინე ვადით, კონტაქტში მყოფი პირები კი გადადიან იზოლაციაში. ბოლო მონაცემით, ამ მიზეზით უკვე 15-მდე საბავშვო ბაღი დაიხურა. რა ვითარებაა ამ მხრივ კერძო საბავშვო ბაღებში და ემუქრებათ თუ არა მათ დახურვა? სტუმარი: პავლე კალიაშვილი - “კერძო ბაღების ასოციაცია” დამფუძნებელი #ახალიამბები #BusinessMediaGeorgia
აზიის განვითარების ბანკმა და შპს „ოპტიმამ“ ხელი მოაწერეს 10 მილიონი აშშ დოლარის ოდენობის სესხს საქართველოს დედაქალაქში ხელმისაწვდომი და მდგრადი საცხოვრებელი სახლების განვითარების მიზნით. აზიის განვითარების ბანკის ინფორმაციით, სესხი დააფინანსებს დაბალი და საშუალო შემოსავლის მქონე მოსახლეობაზე გათვლილ 3 700 ხელმისაწვდომი და ენერგოეფექტური სახლისგან შემდგარ ორ საცხოვრებელ კომპლექსს. სტუმრები: ნიკოლოზ მეძმარიაშვილი - m²-ის გენერალური დირექტორი; გივი კობერიძე - m²-ის ფინანსური დირექტორი #ახალიამბები #BusinessMediaGeorgia
თიბისის აპლიკაციების კონკურსის ფინალისტები: Unisoft, kikliko.com, Theneo. ყიყლიყოს შემქმნელები აპლიკაციის მომხმარებლებს ტრენდული ხმოვანი გიფების იგივე მემეების დათვალიერების შესაძლებლობას მისცემენ. UniSoft ღრუბლოვანი ტექნოლოგიებზე დაფუძნებული საგანმანათლებლო მართვის სისტემა სადაც ონლაინ სწავლებასთან დაკავშირებული ყველა საჭირო ფუნქციონალია ინტეგრირებული. კომპანია Theneo-ს მიზანია , ნებისმიერ კომპანიასა თუ ინდივიდუალურ დეველოპერს შეეძლოს, აწარმოოს მაღალი ხარისხის API-ის დოკუმენტაცია. ის რაც აქამდე მხოლოდ ტექნიკურ გიგანტებს შეეძლოთ Theneo-ს დახმარებით ხელმისაწვდომია. სტუმრები: გიორგი ტურაშვილი - #Unisoft, თანადამფუძნებელი; გივი ბერიძე - kikliko.com, თანადამფუძნებელი; ანა რობაქიძე - #Theneo, თანადამფუძნებელი. #ახალიამბები #BusinessMediaGeorgia
Facebook ევროკავშირში სამუშაოდ 10,000 ადამიანს დაიქირავებს. ეს ადამიანები ე.წ. “მეტავერსის” განვითარებაზე იმუშავებენ. რა არის ფეისბუქის მეტავერსი და როგორ აფასებენ გიგანტი კომპანიის სიახლეს მისი კრიტიკოსები? #ახალიამბები #BusinessMediaGeorgia
საუკეთესო ბანკი ქვეყანაში მცირე და საშუალო ბიზნესისთვის- ასეთია საქართველოს ბანკის შფასება წელს საერთაშორისო გამოცემა Global Finance-ისგან, რომელმას სისტემური ბანკი საუკეთესობეს შორის ალგორითმის გამოყენებით მოხდა. გამარჯვებულად ის ბანკები დასახელდნენ, რომლებმაც საუკეთესოდ შეძლეს მათ ბაზრებზე არსებული მცირე და საშუალო ბიზნესის საჭიროებების დაკმაყოფილება. გამარჯვებულები მსოფლიოს 66 ქვეყნიდან, მათ შორის ცენტრალური და აღმოსავლეთ ევროპის, ლათინური ამერიკის, ახლო აღმოსავლეთის, ჩრდილოეთ ამერიკისა და დასავლეთ ევროპის რეგიონებიდან დასახელდნენ. სხვა 66 ქვეყნის ბანკების რა გითხრათ, მაგრამ საქართველოს ბანკს ბიზნეს მედიისგან ნამდვილად ეკუთვნის. სტუმარი: ზურაბ მასურაშვილი - საქართველოს ბანკის მცირე და საშუალო ბიზნესის მიმართულების ხელმძღვანელი #ახალიამბები #BusinessMediaGeorgia
ბარსელონას ჩრდილოეთით არსებულ სოფლებში ენერგეტიკული სიღარიბე თვიდან-თვემდე უარესდება და ოჯახების 11%-თვის, ანუ 5 მილიონ 100 ათასი ადამიანისთვის, შუქის ანთება სახლში ფუფუნების საგანია. დიდარ ლუქსემბურგში კი, მოსახლეობის 3% ზოგავს კომუნალურ გადასახადებს, ხოლო ბულგარეთში - 30%. გარდა ამისა, ყოველწლიურად 100,000 -მდე ევროპელი იღუპება სახლში სიცივისგან. როგორია ევროკავშირში ენერგეტიკული სიღარიბის მაჩვენებლები და როგორ აპირებენ ამ პრობლემის გადაჭრას, რომელიც კორონავირუსული პანდემიის შემდეგ კიდევ უფრო დამძიმდა? #ახალიამბები #BusinessMediaGeorgia
სპეციალისტები კოვიდსაწინააღმდეგო ვაქცინასთან ერთად, რისკჯგუფებს, გრიპზე აცრისკენაც მოუწოდებენ. ივანე ჩხაიძის განმარტებით, გრიპისა და კოვიდის საწინააღმდეგო ვაქცინების გაკეთება ერთდროულადაც შესაძლებელია და გართულებას არ გამოიწვევს. მეხუთე ტალღა დაწყებულია და სეზონური გრიპებიც გააქტიურებულია. კლინიკებში ამბობენ, რომ წლევანდელი ზამთრის სეზონი გასულ წელთან შედარებით გაცილებით მძიმე იქნება. მიზეზი წესების დაუცველობა და ვაქცინირებული მოსახლეობის დაბალი მაჩვენებლებია. რა ვირუსები ცირკულირებს ამ ეტაპზე და როგორ გავარჩიოთ ისინი ერთმანეთისგან? #ახალიამბები #BusinessMediaGeorgia
#საქმიანიდილა - 20 ოქტომბერი - პროლოგი #ახალიამბები #BusinessMediaGeorgia
როცა სახლი ტურისტული ღირსშესანიშნაობაა #ახალიამბები #BusinessMediaGeorgia
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს. „ჯი ეს ემ ტრანსის“ გადამზიდავის პასუხისმგებლობას და ტვირთებს „ჯიპიაი ჰოლდინგი“ დააზღვევს. „ჯიპიაი ჰოლდინგმა“ სატვირთო, საზღვაო, სატრანსპორტო დაზღვევა 2021 წლის ერთ-ერთ ძირითად სტრატეგიულ მიმართულებად გამოაცხადა და გადამზიდავებს სრულიად განახლებული და მათ საჭიროებებზე მორგებული პროდუქტები შესთავაზა. #ახალიამბები #BusinessMediaGeorgia
მსოფლიოში, არსებობს ქალაქები, სადაც ავტომანქანით გადაადგილება კანონით აკრძალულია და არ გეგონოთ ვსაუბრობდე უკაცრიელ კუნძულებზე, ან რომელიმე შორეულ, დაუსახლებელ ქვეყნებზე. მსგავსი ადგილები მოიძებნება ევროპაშიც, ამერიკაშიც და ჩვენს მეზობელ ქვეყნებშიც. უბრალოდ ადგილიბრივები შეთახმდნენ რომ დაეცვათ ეკოლოგია და აკრძალეს ყველაფერი, რაც მათ ჰაერს დააბინძურებდა. ისეთი ქალაქებიც ხვდება ჩამონათვალში, სადაც ბორბლებზე, მხოლოდ ჩემოდნები გადაადგილდებიან და ველოსიპედით მოძრაობაც ჯარიმით ისჯება. გაინტერესებთ ალბათ ეს ქალაქები, სადაც ძრავიანი ტრანსპორტით მოძრაობა ფაქტობრივად შეუძლებელია, სადაც არ გამოუცდიათ რას ნიშნავს გადატვირთული მოძრაობა, საათობით საცობში დგომა ან თუნდაც საავტომობილო შემთხვევა, თანაც ეს ხდება 21 საუკუნეში, ავტომობილების ეპოქაში. #ახალიამბები #BusinessMediaGeorgia
პანდემიის პერიოდში, განსაკუთრებით 2020 წელს, როგორც მსოფლიოში, ასევე საქართველოში, ეკოტურიზმი ერთ-ერთი ყველაზე მოთხოვნადი მიმართულება გახდა და ის ტურიზმის ყველაზე მზარდ სეგმენტად გადაიქცა. ბუნებრივი რესურსების მდგრადი გამოყენება და ეკოსისტემის შენარჩუნება მნიშვნელოვანია როგორც მიმდინარე, ასევე მომავალი თაობების მოთხოვნების დასაკმაყოფილებლად. ამისათვის აუცილებელია ბუნებასთან ურთიერთობის კულტურის ამაღლება და ბუნებრივ გარემოში ქცევის ეთიკური ნორმების გამომუშავება. დღესდღეობით საქართველოში ეკოლოგიური ტურიზმი წინ მიიწევს, მაგრამ ჯერ კიდევ ბევრია გასაკეთებელი. ჯერ კიდევ ბევრი არასწორი სტერეოტიპია მის ირგვლივ დამკვიდრებული და ზოგადად ტერმინიც ხშირად არასწორად გვესმის. ამიტომ საქართველოს ეკონომიკისა და მდგრადი განვითარების მინისტრმა, ნათია თურნავამ და საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა ეკოტურიზმის სტრატეგიას მოაწერეს ხელი, რომლის მიზანი ქვეყნის მასშტაბით კონკურენტუნარიანი ეკოტურისტული სერვისებისა და პროდუქტების შექმნა, დივერსიფიცირება, ხარისხის გაუმჯობესება და განვითარება სახელდება. სტრატეგიის მიხედვით 2030 წლისათვის საქართველო კავკასიის რეგიონში წამყვანი ეკოტურისტული ქვეყანა უნდა გახდეს, რომელიც მდიდარი ცოცხალი კულტურისა და ბუნების, აგრეთვე მაღალი ხარისხის მომსახურების გათვალისწინებით ოთხივე სეზონის ეკოტურისტულ შეთავაზებებს უზრუნველყოფს. ვნახოთ რა გამოგვივა, თუმცა მანამდე მოგიყვებით, რას გულისხმობს აღნიშნული სტრატეგია და რა სარგებელს მოუტანს ქვეყანას? #ახალიამბები #BusinessMediaGeorgia
საქართველოში მეცნიერებას მეტი ყურადღება უნდა დავუთმოთ - ეს ფრაზა ისმის თითქმის ყველა ადამიანისგან, რომელიც კონკრეტულდ ამ სფეროშია დასაქმებული, თუმცა შედეგი არ დგება. რამდენად ვასრულებთ და ვდგამთ ქმედით ნაბიჯებს, ეს საკითხიც სადაოა. არადა ყველამ ვიცით, რომ მეცნიერება უმნიშვნელოვანესია სამყაროში და ამის დასტური და მტკიცებულება კორონავირუსი, პანდემია და საჭირო და რეკორდულ დროში, მეცნიერების მიერ შექმნილი კორონავირუსის ვაქცინა შეგვიძლია დავასახელოთ. საქართველოში კი, მეცნიერებას ნაკლებ ყურადღებას ვუთმობთ, ისევე როგორც ზოგადად განათლების სისტემას. ფორბსის 30 წლამდელთა რუბრიკა და ამ სიაში მოხვედრილი წარმატებული და ნიჭიერი ახალგაზრდები კი, იძლევა იმის საშუალებას, რომ გავიგოთ რა ხდება ქვეყნის მთავარ და წამყვან სფეროებში. რა ხდება და ვინ არიან ქართველი მეცნიერები? სტუმარი: ანა გოგოლაშვილი - სან დიეგოს სახელმწიფო უნივერსიტეტი - ბირთვულ-მაგნიტური რეზონანსის ლაბორატორიის მენეჯერი, ქიმიის აკადემიური დირექტორი
“პანდემიამ კუდი თუ არ მოიქნია, 2022 წელს ტურიზმი, 2019 წელთან შედარებით, თითქმის აღდგება“ - ამის შესახებ Galt & Taggart-ის უფროსმა ანალიტიკოსმა, კახა სამყურაშვილმა bmg-სთან მიმდინარე წლის ზაფხულის პერიოდში ისაუბრა და აღნიშნა, რომ 2021 წელს ტურიზმის აღდგენა 2019 წელთან შედარებით 36%-ით იყო მოსალოდნელი. საინტერესოა რა ხდება დღეს. როგორია განახლებული სტატისტიკა და პროგნოზები, იმ დროს როდესაც ქვეყანაში ვაქცინაციის ტემპი არაა სახარბიელო და პანდემიის მომდევნო ტალღაზეც ალაპარაკდა უკვე ჯანდაცვის სექტორი. რას უნდა ველოდოთ, იქნება თუ არა 2022 აღდგენის წელი? სტუმარი: კახა სამყურაშვილი - Galt & Taggart-ის უფროსი ანალიტიკოსი #ახალიამბები #BusinessMediaGeorgia
აშშ – ის საცალო გაყიდვებმა მნიშვნელოვანი ზრდა აჩვენა. სექტემბრის თვის მონაცემები პროდუქციაზე სტაბილურ მოთხოვნაზე მიუთითებს, მიუხედავად იმისა, რომ პანდემიის გამო შეზღუდულია წარმოება, რაც მიწოდებასაც აფერხებს. საერთო საცალო შესყიდვების ღირებულება სექტემბერში 0.7% გაიზარდა, მას შემდეგ რაც აგვისტოში ზრდამ 0.9% აჩვენა. რა ხდება ამ მხრივ მსოფლიოში და მათ შორის საქართველოში? #ახალიამბები #BusinessMediaGeorgia
მზადება BARTA 2021-სთვის გრძელდება. ევროკავშირი და მსოფლიო ბანკი ბუღალტრული აღრიცხვის, ანგარიშგების და აუდიტის რეფორმების მხარდაჭერის ეროვნულ ფონდთან თანამშრომლობით (RSF) 2021 წლის კონკურსს საუკეთესო წლიური ანგარიშის და გამჭვირვალობის ჯილდოს (BARTA) გამარჯვებულების გამოვლენამდე ჯერ შორია, იქამდე კონკურსში მონაწილეობის მსურველებმა განაცხადები უნდა შეავსონ და ამისთვის დრო ბევრი არ დარჩა. თავის მხრივ ამ კონკურსის მიზანია ქართული კომპანიების ანგარიშგების და გამჭვირვალობის ხარისხის ამაღლება. წელს აპრილში ევროკომისიამ კორპორაციული მდგრადობის ანგარიშგების დირექტივის (CSRD) ინიცირება განახორციელა ევროკავშირის მდგრად ეკონომიკაზე გადასვლის ღონისძიებების მხარდასაჭერად. 2021 ის ბარტაც ძალიან საინტერესო შედეგებს გვპირდება და დეკემბრამდე რისთვის უნდა ემზადებოდნენ ბიზნესები და რა მნიშვნელობა აქვს ფინანსურ გამჭვირვალობას კერძო სექტორისთვის? სტუმარი: დავით მჭედლიძე - ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ხელმძღვანელის მოვალეობის შემსრულებელი; #ახალიამბები #BusinessMediaGeorgia
კომპანია "ნეოკნი" ბაზარზე 2008 წლიდან ოპერირებს. სამშენებლო კომპანიის პორტფელი კერძო სახლების, აგარაკების, მრავალბინიანი საცხოვრებელი სახლების, საოფისე და კომერციული ფართების, ინდუსტრიული და საწარმოო დანიშნულების ფართების, სასტუმრო კომპლექსების და სამედიცინო დაწესებულებების სამშენებლო პროექტებს მოიცავს. რაშიც მათ შორის იგულისხმება: პროექტები და დიზაინი,ზედამხედველობა,მშენებლობა და ინვესტიცია. მეტს კომპანია ნეოკონზე მისი გენერალური დირექტორი მიხეილ ონიაშვილი გვეტყვის, რომელის საქმიანი დილას სტუდიას უერთდება. სტუმარი: მიხეილ ონიაშვილი, "ნეოკონის" გენერალური დირექტორი, ტექნიკურ მეცნიერებათა დოქტორი #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი; #ახალიამბები #BusinessMediaGeorgia
#ForbesAuto: „ნამდვილი იაპონელი“ ელექტროძრავით - MAZDA MX30 საქართველოშია სტუმარი: პეტრე წაქაძე - Tegeta Premium Vehicles , დირექტორი #ახალიამბები #BusinessMediaGeorgia
ლატარიებმა ვაქცინაციის მაჩვენებლები თითქმის არ შეცვალა #ახალიამბები #BusinessMediaGeorgia
„უფლება აქვთ ობიექტის შიგნით გარკვეული რეგულაციები შემოიღონ“ - ასე უპასუხა ეკონომიკის მინისტრნა ნათია თურნავამ სარესტორნე ბიზნესს შეთავაზებაზე, რომელიც ობიექტებში მხოლოდ აცრილი ან პსრ ტესტების საფუძველზე მომსახურების გაწევას გულისხმობს. მეხუთე ტალღის დაწყების მიუხედავად მთავრობა სავალდებულო ვაქცინაციის საკითხს არ განიხილავს. რა რისკებს ხედავენ სექტორის წარმომადგენლები და როგორ მუშაობენ კვების ობიექტები სხვადასხვა ქვეყნებში? #ახალიამბები #BusinessMediaGeorgia
#საქმიანიდილა - 19 ოქტომბერი - პროლოგი #ახალიამბები #BusinessMediaGeorgia
მსოფლიო ბანკი დაბალშემოსავლიან ქვეყნებს აფრთხილებს, რადგან ამ ქვეყნების ვალი 2020 წელს COVID-19-ის პანდემიის შედეგად 12%–ით გაიზრდა და $860 მილიარდს მიაღწია. მსოფლიო ბანკი მათ ვალის შემცირებისათვის ეფექტიანი ნაბიჯების გადადგმისაკენ მოუწოდებს. მსოფლიო ბანკში ამბობენ, რომ მსოფლიოს უღარიბესი ქვეყნების უმეტესობა საგარეო ვალის ნიშნულის მაღალი რისკის ქვეშაა. #ახალიამბები #BusinessMediaGeorgia
თბილისში მოქმედი უმსხვილესი სასტუმროების წარმომადგენლები აღნიშნავენ, რომ ტურისტული ნაკადები გაიზარდა, რაზეც საერთაშორისო მოგზაურების გამოჩენამ იმოქმედა. თითქმის ყველა მსხვილ სასტუმროში ვითარება გაუმჯობესდა. სასტუმროებში 2021 წელს მოგებაზე გასვლას არა, თუმცა მაჩვენებლების სტაბილურად შენარჩუნებას ვარაუდობენ. #ახალიამბები #BusinessMediaGeorgia
ბოლოდროინდელი კვლევები აჩვენებს, რომ სმარტფონები ჩვენს ნდობას არ იმსახურებს, რადგან მობილური აპარატები მფლობელებზე ბევრ მნიშვნელოვან ინფორმაციას გასცემს. კვლევამ მობილური ტელეფონით კონფიდენციალობის დარღვევის უამრავი შემთხვევა გამოავლინა, ე.წ. “დამნაშავეებად” კი, ძირითადად, ანდროიდ ბრენდების მოდელები დასახელდა. #ახალიამბები #BusinessMediaGeorgia
გასულ წელს Toyota-მ 9.53 მილიონზე მეტი მანქანა გაყიდა და პირველად ხუთი წლის განმავლობაში მსოფლიოში ავტომობილების გაყიდვებში ლიდერი გახდა, მან “ფოლკსვაგენის” გაყიდვებსაც გადაუსწრო. იაპონური ავტოკონცერნის მთავარმა კონკურენტმა დაახლოებით 9.3 მილიონი მანქანა გაყიდა. როგორი იყო კომპაანის განვითარების გზა მეოცე საუკუნიდან დღემდე? #ახალიამბები #BusinessMediaGeorgia
2022 წლის გაზაფხულიდან, რომ მილანის ინტერის ბავშვთა საფეხბურთო აკადემია საქართველოში დაიწყებს ფუნქციონირებას, ფეხბურთის გულშემეტკივარმა და არამარტო მათ, ალბათ კარგად იციან. ამ მოლაპარაკებების სათავეში კი ანა წერეთელი იდგა, რომელმაც იტალიური მხარე დაარწმუნა, რომ გლობალური პანდემიის პირობებშიც კი ძალიან საპატიო და მნიშვნელოვანი სტატუსი სწორედ ჩვენთვის მოენიჭაბინათ. სტუმრები: დავით კერესელიძე - "ნიუ ვიჟენ უნივერსიტეტი", აკადემიური საბჭოს თავმჯდომარე და ქუთაისის "ტორპედოს" მეპატრონე; ანა წერეთელი - "ინტერის აკადემიის" დირექტორი და ქუთაისის "ტორპედოს" სამეთვალყურეო საბჭოს წევრი; #ახალიამბები #BusinessMediaGeorgia
რომელი ავიაკომპანიები ლიდერობენ საქართველოს ავიაბაზარზე? ვინ არის Georgian Airways-ის ახალი გენერალური დირექტორი. როგორია მგზავრთნაკადის განახლებული სტატისტიკა საქართველოს აეროპორტებში. როგორ უმკლავდენიან დაბალბიუჯეტური ავიაკომპანიები კრიზისს და როდის დაუბრინდებიან პანდემიამდელ არსებულ მდგომარეობას?
#საუბრებიავიაციაზე: როგორ დავიცვათ მგზავრების უფლებები? გიორგი მოლოდინაშვილი - " საავიაციო საკონსულტაციო ჯგუფი"-ს მმართველი პარტნიორი; მიხეილ ჭანტურია - ჰელფ.ჯი-ს დამფუძნებელი #ახალიამბები #BusinessMediaGeorgia