კიდევ ერთი წარმატებული პროექტი კომპანია „კომუნიკომის“ და „მოტოროლა სოლუშენსისგან“ საქართველოში. გარემოს დაცვისა და სოფლის მეურნეობის სამინისტროს სატყეო და სურათის ეროვნულ სააგენტოებში Motorola Solutions-ის უახლესი, VB400 მოდელის სამხრე ვიდეოკამერები ინერგება.აღსანიშნავია, რომ „კომუნიკომი“, როგორც „მოტოროლა სოლუშენსის“ ოფიციალური პარტნიორი საქართველოში, პროექტს საერთაშორისო სტანდარტების სრული დაცვით ახორციელებს. ქართულმა ქეისმა Motorola Solutions-ის განსაკუთრებული ყურადღება მიიპყრო: კომპანიამ პროექტის შესახებ სპეციალური ბროშურა გამოსცა, ინფორმაცია თავის ოფიციალურ გვერდზე განათავსა და როგორც ეფექტური მართვის წარმატებული მაგალითი, მსოფლიოს 105 ქვეყანაში გაუზიარა პარტნიორებს.როგორც „კომუნიკომის“ დირექტორი, გიორგი შვანგირაძე აღნიშნავს, ეს გადაწყვეტილება სააგენტოების მუშაობას უფრო გამჭვირვალეს და ეფექტურს გახდის. მაღალი ხარისხის ვიდეოჩაწერა და მართვის თანამედროვე სისტემები დაეხმარება თანამშრომლებს მოვალეობების შესრულებაში, რაც საბოლოოდ გარემოსა და მომხმარებელთა ინტერესების უკეთ დაცვას უზრუნველყოფს.“ #ახალიამბები #BusinessMediaGeorgia
ქართველი ბიზნესმენი ლევან პაპიაშვილი და მის მიერ დაფუძნებული ვალკო ჰოლდინგი ამერიკულ ბაზარზე შედის . პირველ ეტაპზე ბიზნესმენი სერვისების დანერგვას განიხილავს . საწყისი კაპიტალიც უკვე განსაზღვრულია, თუმცა ბიზნესმენი ამ მომენტამდე შეერთებულ შტატებში პოტენციურ პარტნიორებს ხვდება და დამატებითი ფინანსური რესურსების მოძიებას ცდილობს . #ახალიამბები #BusinessMediaGeorgia
"ხარისხი" ანუკა ჯოხაძესთან ერთად - #BMG-ის ახალი პროექტი, ყოველ კვირას #BMGTV-ზე 14:30-ზე #ახალიამბები #BusinessMediaGeorgia
ახლო აღმოსავლეთში მიმდინარე სამხედრო დაპირისპირება მასშტაბურ ეკონომიკურ კრიზისში გადაიზარდა, რომელმაც მსოფლიოს უმდიდრესი სახელმწიფოები ფინანსური კოლაფსის საფრთხის წინაშე დააყენა. ირანთან ესკალაციამ სპარსეთის ყურეში მხოლოდ ენერგომატარებლების მიწოდების გლობალური ჯაჭვი კი არ გაარღვია, არამედ წლების განმავლობაში აშენებული ტურისტული იმპერია და ტექნოლოგიური მეგა-პროექტებიც გააჩერა. მილიარდობით დოლარის ზარალი, ცარიელი სასტუმროები დუბაიში და გადარჩენის რეჟიმზე გადასული არაბული ეკონომიკა - როგორ აზიანებს მოუგვარებელი კონფლიქტი რეგიონის სიმდიდრეს და რატომ რჩებიან მეზობელი ქვეყნები სასიცოცხლო დახმარების გარეშე? #ახალიამბები #BusinessMediaGeorgia
როგორია კავკასიის რეგიონის ეკონომიკური მდგომარეობა?
კონკურენციისა და მომხმარებლის დაცვის სააგენტოს შუალედური ანგარიშის მიხედვით, საქართველოში აგროქიმიკატებისა და პესტიციდების ბაზარზე მაღალი ფასნამატები და კონკურენციის პრობლემები გამოიკვეთა. 2022-2025 წლებში, ათეულობით შემთხვევაში, პროდუქციის იმპორტიდან საცალო გაყიდვამდე ფასნამატი 100%-ს აჭარბებდა. სააგენტო მიუთითებს, რომ ბაზრები მაღალკონცენტრირებულია და რიგ შემთხვევებში კომპანიები დომინანტურ პოზიციებს ფლობენ. ანგარიშში ასევე აღნიშნულია, რომ აგროქიმიკატებისა და პესტიციდების გაყიდვასთან დაკავშირებული კონსულტაციები არ არის რეგულირებული, რაც ინტერესთა კონფლიქტის რისკს ზრდის და შესაძლოა ფასების ზრდასაც უწყობდეს ხელს. მათი განმარტებით, ნაკლები ფასნამატი ფიქსირდება იმ პროდუქტებზე, რომელთა შესახებაც ფერმერებს მეტი ინფორმაცია აქვთ. სტუმარი: გიორგი ქედელიძე - GCCA -ს სტრატეგიული ბაზრების მონიტორინგის უფროსი #ახალიამბები #BusinessMediaGeorgia
ეროვნული ბანკის მონეტარული პოლიტიკის კომიტეტმა რეფინანსირების განაკვეთი 0.25 პროცენტული პუნქტით 8,25%-მდე გაზარდა. სებ-ი ამ გადაწყვეტილებას ახლო აღმოსავლეთში დაწყებულ ომს და მისგან გამომდინარე ინფლაციურ წნეხს უკავშირებს. სებ-ის მიერ გავრცელებულ რელიზში ნათქვამია, რომ გლობალურად გაზრდილი რისკები უკვე ასახულია ენერგორესურსების გაძვირებასა და საქართველოს ბაზარზე საწვავის ფასების ზრდაში. შედეგად აპრილში ინფლაციამ 5.9 პროცენტი შეადგინა რითაც ის 2 წლიან მაქსიმუმზეა. მიუხედავად ამისა, საქართველოს ეკონომიკა ზრდას ინარჩუნებს, 2026 წლის პირველ კვარტალში ეკონომიკური აქტივობა 9.1 პროცენტით გაიზარდა. ეროვნულ ბანკში აცხადებენ, რომ გადაწყვეტილება მიზნად ისახავს ფასების სტაბილურობის შენარჩუნებას. საჭიროების შემთხვევაში, რეგულატორი მზად არის განაკვეთის დამატებით გაზრდისთვის, ხოლო რისკების შემცირების შემთხვევაში ეტაპობრივი შერბილებისთვის. სტუმარი: ირაკლი მაკალათია - ეკონომისტი #ახალიამბები #BusinessMediaGeorgia
საკრუიზო ტურიზმის უპირატესობები - როგორია COSTA-ს ბიზნეს მოდელი? ლუიზა ბორდეა - Costa Crociere ბიზნეს განვითარების მენეჯერი გიორგი ისაკაძე - BMG გენერალური პროდიუსერი; #ახალიამბები #BusinessMediaGeorgia
საკრუიზო ტურიზმის უპირატესობები ➡️ რუბრიკის წამყვანი: ანა კირკიტაძე - "ვინგლეთი", დამფუძნებელი; ➡️ სტუმარი: ელენე ქრისტესაშვილი - "ვინგლეთი", სამოგზაურო მრჩეველი; #ახალიამბები #BusinessMediaGeorgia
7 მაისი ევროსაბჭო-ს შექმნის თარიღია - ორგანიზაციის, რომელიც 1949 წელს მეორე მსოფლიო ომის შემდგომ ევროპაში მშვიდობის, დემოკრატიისა და ადამიანის უფლებების დაცვის უზრუნველსაყოფად ჩამოყალიბდა და დღემდე ამ პრინციპებზე დაფუძნებულ ერთ-ერთ მთავარ საერთაშორისო ინსტიტუტად რჩება. მისი შექმნა ომის მძიმე გამოცდილებამ და ტოტალიტარული რეჟიმების შედეგებმა განაპირობა, ხოლო სამართლებრივ საფუძვლად 1950 წელს მიღებული ადამიანის უფლებათა ევროპული კონვენცია იქცა. ორგანიზაცია თავდაპირველად 10 სახელმწიფოს აერთიანებდა და განსაკუთრებით 1990-იანი წლებიდან მნიშვნელოვნად გაფართოვდა, მათ შორის, 1999 წელს მას საქართველოც შეუერთდა. დღეს ევროსაბჭო 46 ქვეყანას აერთიანებს და, მიუხედავად ახალი გამოწვევებისა, კვლავ ინარჩუნებს მთავარ მისიას - ევროპაში ადამიანის უფლებების, დემოკრატიისა და კანონის უზენაესობის დაცვას. #ახალიამბები #BusinessMediaGeorgia
საქართველოს ბიზნეს ასოციაცია კიდევ ერთი წევრით გაიზარდა. ქვეყნის უმსხვილესი ბიზნეს გაერთიანების რიგებს სადაზღვევო კომპანია „ალდაგი“ შეუერთდა. კომპანია 35 წლიანი გამოცდილებით, ბაზრის მონაცემებს თუ ჩავხედავთ წამყვან პოზიციებს დღესაც ინარჩუნებს, მათ შორის MSME და კორპორატიულ და ასევე საცალო დაზღვევის სეგმენტებში. კომპანიის პორტფელი 150,000-მდე დაზღვეულ მომხმარებელს აერთიანებს, რომელთაც 80-ზე მეტ მრავალფეროვან პროდუქტს სთავაზობს. რა შენაძენია ასოციაციისთვის ალდაგის წევრობა და რა გეგმა და ხედვა აქვს თავად კომპანიას ბიზნესგაერთიანებაში სამუშაო მიმართულებით? სტუმრები: მარიანა მორგოშია - საქართველოს ბიზნეს ასოციაცია, აღმასრულებელი დირექტორის მოადგილე; ქეთევან მაღალაშვილი - "ალდაგი", მარკეტინგისა და კომუნიკაციების დირექტორი #ახალიამბები #BusinessMediaGeorgia
ჰეშბანკისა და Visa-ს სტრატეგიული კოლაბორაცია ფინანსურ სექტორში. პროექტი მიზნად Modern Money Relations-ის დამკვიდრებას ისახავს და მისი მთავარი ფილოსოფია ტრადიციული საბანკო ბიუროკრატიისა და სტრესის ჩანაცვლებაა ციფრული ეკოსისტემით, სადაც მომხმარებელი თავად ხდება საკუთარი ფინანსური თავისუფლების მმართველი. სტუმრები: გოგა ჩანადირი - "ჰეშბანკის" გენერალური დირექტორი; დიანა კიღურაძე - Visa-ს რეგიონული მენეჯერი კავკასიაში და მოლდოვაში #ახალიამბები #BusinessMediaGeorgia
როგორც გუშინ გახდა ცნობილი პროექტ სტარ რინგ ჯორჯიას ფარგლებში 12 ივნისს დინამო არენაზე კონცერტს ლეგენდარული ჰიპ ჰოპ არტისტი კანიე ვესტი გამართავს, რომელსაც მსოფლიოს მასშტაბით მილიონობით გულშემატკივარი ჰყავს. ის არის არტისტი, რომლის კარიერა ისეთივე ხმაურიანი და მრავალფეროვანია, როგორც მისი პიროვნება. კარიერა კანიე ვესტმა მუსიკალური პროდიუსერობით დაიწყო, თუმცა მსოფლიომ ის როგორც რეპერმა გაიცნო. ერთ პერიოდში კანიე ვესტი ოფიციალურად მილიარდერადაც კი იყო აღიარებული, თუმცა ბიზნეს პარტნიორობების შეწყვეტისა და სკანდალების ფონზე მისი ქონება მნიშვნელოვნად შემცირდა. მიუხედავად ამისა, ის კვლავ რჩება ერთ-ერთ ყველაზე გავლენიან, სკანდალურ და განხილვად ფიგურად თანამედროვე პოპ კულტურაში. სასცენო წარმატებიდან სკანდალამდე კანიე ვესტი არის ფენომენი, რომელიც მუდმივად ყურადღების ცენტრშია და საკუთარ წესებს თავად წერს. #ახალიამბები #BusinessMediaGeorgia
SpaceX - სტარტაპი, რომელიც 2002 წელს დააფუძნა ილონ მასკმა, დღეს უკვე ერთ-ერთ ყველაზე გავლენიან მოთამაშედ იქცა კოსმოსურ ინდუსტრიაში. კომპანია, რომელმაც არაერთი წარუმატებელი გაშვების შემდეგ შეძლო ისტორიის დაწერა - რაკეტების მრავალჯერადი გამოყენება რეალობად აქცია და კოსმოსში გაფრენის ღირებულება მნიშვნელოვნად შეამცირა. დღეს SpaceX უკვე აღარ არის უბრალოდ სტარტაპი, ეს არის მრავალმილიარდიანი კომპანია, რომელიც ტრილიონიანი შეფასებისკენ მიისწრაფვის და კოსმოსური ეკონომიკის მომავალს ქმნის. როგორ შეძლო ერთმა იდეამ შეეცვალა ინდუსტრია და სადამდე მიდის ეს ამბიცია? #ახალიამბები #BusinessMediaGeorgia
„თეგეტა ჰოლდინგმა“ სადისტრიბუციო სექტორისთვის ფლიტ მენეჯმენტის ახალი, მაღალი სტანდარტი დაამკვიდრა, რაც ბიზნესს საოპერაციო ხარჯების ოპტიმიზაციაში ეხმარება. ამ პროცესის მთავარი მამოძრავებელი ძალა „თეგეტა ლიზინგია“, რომელიც 2024 წლიდან ბაზარზე დინამიკური ზრდით გამოირჩევა. კომპანია ბიზნეს სექტორს სთავაზობს უნიკალურ ეკოსისტემას, სადაც ავტომობილის შეძენა, დაფინანსება და სრული ტექნიკური მომსახურება ერთ სივრცეშია გაერთიანებული. როგორ ცვლის ლიზინგის მიმართულება ქართულ ბიზნესგარემოს და რა უპირატესობებს ქმნის ჰოლდინგური სინერგია ეფექტიანობისთვის? სტუმარი: დავით ჭეიშვილი - „თეგეტა ლიზინგის“ დირექტორი #ახალიამბები #BusinessMediaGeorgia
მოდის კვირეულები - წლის მთავარი მოვლენაა, რომელიც მომავალი სეზონის ტენდენციებთან ერთად, მსოფლიო ეკონომიკის მრავალმილიარდიან ბრუნვას განსაზღვრავს. ღონისძიება, რომლის ორგანიზებაც ათობით მილიონი ჯდება, მასპინძელი ქალაქების კოლოსალურ შემოსავლებს განსაზღვრავს. თუმცა, ცოტამ თუ იცის, რომ ეს მასშტაბური ინდუსტრია 1943 წელს, ნიუ-იორკში შექმნილი კრიზისის შედეგად დაიბადა. #ახალიამბები #BusinessMediaGeorgia
თბილისი კვლავ მსოფლიო მოდის ინდუსტრიის ყურადღების ცენტრშია. დღეიდან, 7 მაისიდან, დედაქალაქი წლის ერთ-ერთ მთავარ კულტურულ მოვლენას - Mercedes-Benz Fashion Week-ს უმასპინძლებს. პლატფორმა, რომელმაც გასული ათწლეულის განმავლობაში ქართული მოდა გლობალურ ასპარეზზე გაიტანა, ამ სეზონზე 11 დიზაინერის კოლექციას აერთიანებს. ტრადიციული პოდიუმის მიღმა, წელს მაყურებელს მოდის, ხელოვნებისა და მუსიკის უნიკალური სინთეზი ელოდება, საერთაშორისო კონკურს BENEXT-თან ერთად. რა სიახლეებით ხვდება "ფექთორი თბილისი" ქართველ და უცხოელ სტუმრებს? #ახალიამბები #BusinessMediaGeorgia
ახლო აღმოსავლეთში მიმდინარე გეოპოლიტიკური დაძაბულობა მხოლოდ რეგიონალური პრობლემა აღარ არის და ის პირდაპირ ჩვენს საზაფხულო გეგმებზე ისახება. ევროპის დიდ აეროპორტებში საავიაციო საწვავის კრიტიკული დეფიციტის საფრთხე ყოველდღიურად იზრდება, რამაც საერთაშორისო ბაზარზე ბილეთების ფასის მკვეთრი ნახტომი და ავიაკომპანიების მხრიდან რეისების მასობრივი შეკვეცა უკვე გამოიწვია. რატომ აღმოჩნდა ინდუსტრია სპარსეთის ყურეზე ასე მძიმედ დამოკიდებული, რამდენ კვირაში შეიძლება ამოიწუროს სასიცოცხლო მარაგი ევროპაში და რა ალტერნატივები რჩებათ გადამზიდავებს მოახლოებული კოლაფსის თავიდან ასაცილებლად? #ახალიამბები #BusinessMediaGeorgia
გლობალურ ფინანსურ ბაზრებზე იაფი ფულის ეპოქა სრულდება. ამერიკის შეერთებული შტატების სახელმწიფო ობლიგაციების შემოსავლიანობამ კრიტიკულ, მრავალწლიან მაქსიმუმს მიაღწია, რაც იმის სიგნალია, რომ მაღალი საპროცენტო განაკვეთები ჩვენს ყოველდღიურობაში კიდევ დიდხანს დარჩება. გეოპოლიტიკური დაძაბულობითა და ტექნოლოგიური ბუმით გამოწვეული ჯიუტი ინფლაციის ფონზე, ინვესტორები სტრატეგიას კარდინალურად ცვლიან - კაპიტალი სარისკო საფონდო ბირჟებიდან ახლა უკვე სტაბილური, სახელმწიფო ვალისკენ მიედინება. რა საფრთხეს უქმნის მსოფლიო ეკონომიკას ამერიკის მრავალტრილიონიანი ვალი და რატომ გაქრა სესხების გაიაფების მოლოდინი? #ახალიამბები #BusinessMediaGeorgia
ახლო აღმოსავლეთში განვითარებული მოვლენები მსოფლიო ეკონომიკას ახალ, უპრეცედენტო გამოწვევებს უქმნის. ჰორმუზის სრუტეში საზღვაო კრიზისის ფონზე, საწვავზე ფასების არასტაბილურობამ, წამყვანი ქვეყნების ცენტრალური ბანკები სრული გაურკვევლობის წინაშე დააყენა. ამერიკის, ევროპისა და დიდი ბრიტანეთის მთავარი საფინანსო ინსტიტუტები იძულებულები არიან, უარი თქვან ძველ პროგნოზებზე და მზარდი ინფლაციის შესაჩერებლად საგანგებო, არასტანდარტულ სტრატეგიებზე გადავიდნენ. რა გავლენას ახდენს ენერგეტიკული შოკი ფინანსურ სტაბილურობაზე, რატომ შევიდა ჩიხში დასავლეთის მონეტარული პოლიტიკა და რისთვის ემზადება გლობალური ბაზარი? #ახალიამბები #BusinessMediaGeorgia
#საქმიანიდილა - 7 მაისი - პროლოგი #ახალიამბები #BusinessMediaGeorgia
რეგიონში ერთ-ერთ ყველაზე მასშტაბურ და გამორჩეულ ალკოჰოლური სასმელების ინდუსტრიულ ღონისძიებაზე Tbilisi’s Whisky Festival 2026-ზე ვისაუბრებთ მომდევნო რამდენიმე წუთი, რომელიც თბილისში, Sheraton Grand Tbilisi Metechi Palace-ში გაიმართება. ფესტივალი უკვე წლებია აერთიანებს ასობით საერთაშორისო ბრენდს და ათასობით სტუმარს, მათ შორის ინდუსტრიის პროფესიონალებს და მედიის წარმომადგენლებს. წელსაც სტუმრებს დახვდებათ ვისკის, ჯინის, კონიაკისა და სხვა პრემიუმ კატეგორიის სასმელების მრავალფეროვანი არჩევანი, ხოლო პირველად დაემატება პრემიუმ ღვინის ხაზიც, რაც ღონისძიებას კიდევ უფრო მრავალფეროვანს გახდის. სტუმრები: ლაშა რიჟამაძე - საქართველოს დისტრიბუტორთა ბიზნეს ასოციაცია, პრეზიდენტი; ვლადიმერ თიბილაშვილი - "თბილისის ვისკის ფესტივალის" თანადამფუძნებელი #ახალიამბები #BusinessMediaGeorgia
მოგიყვებით პროექტზე, რომელიც ქართული კვების ინდუსტრიის მომავალს და მის უფრო მდგრად, ეფექტიან განვითარებას ეხება. მწვანე რესტორნები ასე ჰქვია პროექტს, რომელიც ევროკავშირისა და CARE International-ის მხარდაჭერით ხორციელდება.ხშირად მწვანე რესტორანი მხოლოდ მენიუს ტიპად აღიქმება, თუმცა რეალურად ეს არის სრული ოპერაციული მართვის სისტემა, რომელიც ბიზნესს ხარჯების შემცირებას და ეფექტიანობის გაზრდაში ეხმარება. სტუმრები: ქეთი კვიჭიძე - გასტრონომიული მრჩეველი; მანუელ ფაუნდეს ბარანდა - შეფი #ახალიამბები #BusinessMediaGeorgia
ნონა გაფრინდაშვილი 3 მაისს 85 წლის გახდა. ის არის პირველი ქალი, რომელმაც ჭადრაკის მსოფლიო ჩემპიონობა მოიპოვა და ამით არა მხოლოდ საკუთარი სახელი, არამედ მთელი ქვეყნის ღირსება ოქროს ასოებით ჩაწერა სპორტის ისტორიაში. 1962 წელი ეს არის გარდამტეხი მომენტი, როდესაც ახალგაზრდა ქართველი მოჭადრაკე მსოფლიოს მწვერვალზე ავიდა და ახალი ეპოქა დაიწყო.ისე კი, მისი თითოეული პარტია იყო ბრძოლა არა მხოლოდ დაფაზე, არამედ ჩამოყალიბებულ საზოგადოებრივ შეხედულებებთანაც. დღეს, როცა მის სახელს ვახსენებთ, მხოლოდ ჩემპიონს კი არა, ეპოქას ვიხსენებთ. ეპოქას, რომელმაც შეცვალა ქალის როლი სპორტში და მსოფლიო ჭადრაკის ისტორია. #ახალიამბები #BusinessMediaGeorgia
National Geographic საქართველო უკვე 13 წელია სილქნეტთან პარტნიორობით ქმნის უნიკალურ ვიზუალურ და საგანმანათლებლო კონტენტს და ამ თანამშრომლობის ერთგვარი შეჯამებაა ახალი ფოტოგამოფენა, რომელიც ფოტოფესტივალ ქოლგას ფარგლებში გაიხსნა. ექსპოზიციის ფოკუსში საქართველოა და წარმოდგენილია როგორც ქართველი, ისე საერთაშორისო ფოტოგრაფების ნამუშევრები, რომლებიც წლების განმავლობაში ქმნიდნენ იმ მდიდარ ვიზუალურ არქივს, რასაც ქართული National Geographic მკითხველს სთავაზობდა. რა მნიშვნელობა აქვს ამგვარ თანამშრომლობას კულტურისა და განათლებისთვის, როგორ იქმნება ასეთი მასშტაბის ვიზუალური პროექტები და რას სთავაზობს გამოფენა დამთვალიერებელს? სტუმრები: ანი ცაბაძე - National Geographic საქართველო, გამომცემელი; ეკატერინე ხარაბაძე - "სილქნეტის" საზოგადოებასთან ურთიერთობის სამსახურის ხელმძღვანელი #ახალიამბები #BusinessMediaGeorgia
თიბისი ბანკის მობაილბანკმა The Digital Banker-ის პრესტიჟულ Digital CX Awards 2026-ზე ერთდროულად 5 ჯილდო მოიპოვა. მათ შორისაა როგორც მსოფლიოს მასშტაბით საუკეთესო ციფრული გამოცდილება გადახდებში, ისე აღმოსავლეთ ევროპისა და საქართველოს მასშტაბით ლიდერობა მომხმარებლის ციფრულ გამოცდილებაში. რა დგას ამ წარმატების უკან, როგორ იქმნება თანამედროვე ციფრული ბანკინგის სტანდარტები და რა იცვლება მომხმარებლისთვის ყოველდღიურ ცხოვრებაში გადახდებიდან რეგისტრაციამდე და საბანკო სერვისების მიღებამდე? სტუმრები: ეკატერინე ნადირაშვილი - თიბისი, პროდუქტის მფლობელი, ციფრული ბიზნესის განვითარების ლიგა; ანა ტატიშვილი - თიბისი, პროდუქტის მფლობელი, ციფრული ბიზნესის განვითარების ლიგა #ახალიამბები #BusinessMediaGeorgia
ბოლო სამი ათწლეულის განმავლობაში გლობალური მიგრაცია მკვეთრად გაიზარდა და დღეს უკვე 280 მილიონზე მეტი ადამიანი საკუთარი ქვეყნის ფარგლებს გარეთ ცხოვრობს. ჩვენს შემდეგ სიუჟეტში ნახავთ, რომ მიგრანტების მთავარი მიზიდულობის ცენტრად კვლავ ამერიკის შეერთებული შტატები რჩება, თუმცა ევროპაში – განსაკუთრებით გერმანიაში, ესპანეთში, იტალიასა და გაერთიანებულ სამეფოში – მიგრაციის მასშტაბი სწრაფად იზრდება. პარალელურად, ახლო აღმოსავლეთის ქვეყნები, მათ შორის საუდის არაბეთი და არაბთა გაერთიანებული საამიროები, უცხოელ მუშახელს დროებით ეკონომიკურ რესურსად იყენებენ. რა განსაზღვრავს ქვეყნების მიმზიდველობას და როგორ განსხვავდება მიგრანტების ცხოვრების პერსპექტივა რეგიონების მიხედვით? #ახალიამბები #BusinessMediaGeorgia
2026 წლის 2 აპრილიდან საქართველოს მოქალაქეებისთვის აშშ-ის ვიზების გაცემის წესის ცვლილებაზე და სავიზო საგარანტიო საპილოტე პროგრამაზე. რა შეიცვალა რეალურად, როგორ მუშაობს ახალი სისტემა პრაქტიკაში და რას ნიშნავს ფინანსური დეპოზიტის მოთხოვნა აპლიკანტებისთვის? სტუმარი: თინათინ გოგუაძე - e-Consul-ის დამფუძნებელი #ახალიამბები #BusinessMediaGeorgia
საფონდო&სასაქონლო მსოფლიო ბირჟები - სავალუტო&კრიპტო მიმოხილვა 6/05/26 #ახალიამბები #BusinessMediaGeorgia
მსოფლიო სარკინიგზო ინფრასტრუქტურა დღეს ერთ-ერთ ყველაზე მასშტაბურ და სტრატეგიულ ქსელს წარმოადგენს, რომელიც გლობალური ვაჭრობისა და ადამიანების გადაადგილების დინამიკას განსაზღვრავს; მისი საერთო სიგრძე მთელს მსოფლიოში დაახლოებით 1.1-დან 1.2 მილიონ კილომეტრამდეა და ინდუსტრიული რევოლუციიდან დღემდე განვითარებული რკინიგზა დღეს უკვე მაღალსიჩქარიან, ციფრულად მართულ და ეკოლოგიურად ეფექტიან სისტემად არის ჩამოყალიბებული, სადაც ლიდერობენ აშშ ტვირთბრუნვის ქსელით, ჩინეთი მაღალსიჩქარიანი ინფრასტრუქტურით და ევროპა ბალანსირებული მგზავრობა-ტვირთის მოდელით, ხოლო ქვეყნები მუდმივად ინვესტირებენ მის მოდერნიზაციაში, ელექტრიფიკაციისა და ავტომატიზაციის მიმართულებით, რაც რკინიგზას გლობალური ეკონომიკის ერთ-ერთ მთავარ საყრდენად ტოვებს. როგორ გამოიყურება სარკინიგზო ქსელი მსოფლიოში? #ახალიამბები #BusinessMediaGeorgia
მსოფლიოს ქვეყნები ეკლესიების დაბეგვრას სამი ძირითადი მოდელით არეგულირებენ - უმეტესობაში ეკლესიები არაკომერციული სტატუსის გამო გადასახადებისგან გათავისუფლებულია, ევროპის ნაწილში ისინი პირდაპირ მოქალაქეების მიერ გადახდილი სპეციალური „საეკლესიო გადასახადით“ ფინანსდებიან, ხოლო შედარებით მცირე ჯგუფში -ჩვეულებრივი იურიდიული პირის მსგავსად იბეგრებიან. მიუხედავად შეღავათებისა, პრაქტიკაში ეკლესიებს ხშირად მაინც უწევთ გადასახადების გადახდა კომერციულ საქმიანობაზე, ქონებაზე ან დასაქმებაზე, ხოლო მათი შემოსავლები - შემოწირულებებიდან, სახელმწიფო დაფინანსებიდან და ბიზნეს აქტივობებიდან - ქვეყნებს შორის მკვეთრად განსხვავდება. #ახალიამბები #BusinessMediaGeorgia
სიმღერა, სეირნობა, სამზარეულო… საფრანგეთის პრეზიდენტი ერევანში #ახალიამბები #BusinessMediaGeorgia
#საქმიანიდილა - 6 მაისი - პროლოგი #ახალიამბები #BusinessMediaGeorgia
გლობალური გადაზიდვების ერთ-ერთი უმსხვილესი კომპანია - Mediterranean Shipping Company - ახლო აღმოსავლეთში დაძაბული გეოპოლიტიკური ვითარების ფონზე ახალ სავაჭრო რეალობას ქმნის: ევროპა–წითელი ზღვა–ახლო აღმოსავლეთის მიმართულებით ამოქმედებული ექსპრეს სერვისი, რომელიც სუეცის არხის გავლით ევროპულ პორტებს საუდის არაბეთსა და რეგიონის სხვა ჰაბებს აკავშირებს, კომპანიას საშუალებას აძლევს გვერდი აუაროს ჰორმუზის სრუტეს და მომხმარებლებს უფრო სწრაფი და მოქნილი ლოგისტიკური ალტერნატივა შესთავაზოს — ნაბიჯი, რომელიც ერთდროულად პასუხობს ამერიკის შეერთებული შტატებისა და ირანის კონფლიქტით გამოწვეულ შეფერხებებს და აჩვენებს, როგორ გადადის გლობალური ვაჭრობა დივერსიფიცირებულ, ნაკლებად რისკიან მარშრუტებზე. #ახალიამბები #BusinessMediaGeorgia
სტაბილური ფინანსური მომავლის და დანაზოგების ზრდისთვის, სწორი ფინანსური ინსტრუმენტის შერჩევას გადამწყვეტი მნიშვნელობა აქვს. მიკრობანკი ემბისი კი ქართულ საფინანსო ბაზარზე უნიკალური შეთავაზებით შემოდის, რომელიც აერთიანებს უპრეცედენტო სარგებელს, სრულ უსაფრთხოებას, მოქნილობას და დანაზოგის ნებისმიერ დროს დამატების შესაძლებლობას, როგორც ფიზიკური, ისე იურიდიული პირებისთვის. რას გულისხმობს უნიკალური ანაბარი და რა უპირატესობით გამოირჩევა? სტუმარი: გია პეტრიაშვილი - "ემბისის" გენერალური დირექტორი #ახალიამბები #BusinessMediaGeorgia
მსოფლიო ეკონომიკის პულსი, დიდწილად, რამდენიმე გიგანტური ფინანსური ინსტიტუტის ხელშია. ტრილიონობით დოლარი, რომელიც გლობალური მთლიანი შიდა პროდუქტის უზარმაზარ ნაწილს შეადგენს, სულ რამდენიმე ათეული ბანკის კონტროლქვეშაა. ვინ მართავს პლანეტის მთავარ ფინანსურ არტერიებს, როგორია ძალთა ბალანსი ამერიკის შეერთებულ შტატებსა და ჩინეთს შორის და რატომ ინარჩუნებენ ტრადიციული ბანკები დომინანტის სტატუსს ახალი ტექნოლოგიების ეპოქაშიც კი? #ახალიამბები #BusinessMediaGeorgia
დღევანდელ შრომის ბაზარზე პროფესიულ განათლებას აქვს ფუნდამენტური მნიშვნელობა. ის სტუდენტებს აძლევს შესაძლებლობას, შეიძინონ ისეთი მოთხოვნადი უნარები, რაც წარმატებული კარიერის საფუძველი გახდება მომავალში. სწორედ ამიტომ, წელს განსაკუთრებით საყურადღებოა სიახლე, რომელიც ერთიანი ეროვნული გამოცდების პროცესს უკავშირდება, 2026-ში პირველად მოხდა მეხუთე დონის პროფესიული სწავლების ინტეგრაცია. აბიტურიენტების საყურადღებოდ კი გეტყვით, რომ რომელ კურსდამთავრებულსაც სურს მიიღოს მონაწილეობა გამოცდებში და შეძლოს მეხუთე დონის პროფესიული განათლების მიღება, აუცილებელია რეგისტრაციის საფასურის გადახდა, რომელიც 10 ლარს შეადგენს მოხდეს 6 მაისამდე. რით განსხვავდება ერთმანეთისგან მეოთხე და მეხუთე დონის პროფესიული სწავლება და რა უპირატესობები გააჩნია თითოეულ მათგანს? სტუმარი: ზურაბ ოშხნელი - თსუ-ს მედიისა და ტელეხელოვნების კოლეჯის დირექტორის მოვალეობის შემსრულებელი #ახალიამბები #BusinessMediaGeorgia
ხელოვნური ინტელექტი უკვე აღარ არის მხოლოდ ტექნოლოგიური სექტორის საზრუნავი - ის გლობალური ეკონომიკისა და მონეტარული პოლიტიკის ეპიცენტრში ინაცვლებს. თუ წლების განმავლობაში მსოფლიოს წამყვანი ცენტრალური ბანკები AI-ს მხოლოდ შორეულ პერსპექტივად განიხილავდნენ, დღეს ის ინფლაციასთან ბრძოლისა და საპროცენტო განაკვეთების განსაზღვრის ახალ ინსტრუმენტად იქცა. ევროპის ცენტრალური ბანკი უკვე პრაქტიკულ ნაბიჯებს დგამს, თუმცა სანამ მარეგულირებლები ტექნოლოგიის გავლენის მასშტაბებს აფასებენ, უოლ-სტრიტი უკვე მოქმედებს. რა გავლენას მოახდენს ხელოვნური ინტელექტი ფასების საერთო დონეზე და რატომ უწევთ ცენტრალურ ბანკებს თამაშის წესების შეცვლა? #ახალიამბები #BusinessMediaGeorgia
დღეს ფინანსური სერვისები სულ უფრო მეტად ერგება მომხმარებლის ცხოვრების წესს. მთავარი მიზანი ბიუროკრატიული ბარიერების მოხსნა და პროცესების მაქსიმალურად გამარტივებაა. სწორედ ამის დასტურია ევროკრედიტის ინოვაციური პროდუქტი. ქვეყნის ისტორიაში პირველი სრულად ციფრული ავტო სესხი, რომელიც მომხმარებელს ათავისუფლებს ზედმეტი დროისა და რესურსების ხარჯვისგან და სესხის აღებას ცხრა მთის გადალახვის გარეშე მარტივ, სახლიდან გაუსვლელ პროცესად აქცევს. სტუმარი: სალომე გიორგბერიძე - "ევროკრედიტის" საოპერაციო დირექტორი #ახალიამბები #BusinessMediaGeorgia
ბიზნესისა და კაპიტალის გადაკვეთის წერტილი - SelectUSA Investment Summit ლევან პაპიაშვილი - VALLKO GROUP; დამფუძნებელი თამუნა ქემერტელიძე - #BMG-ის აშშ-ის ბიუროს ხელმძღვანელი #ახალიამბები #BusinessMediaGeorgia
გლობალური ბირჟები - Galt & Taggart-ის მიმოხილვა სტუმარი: მარიამ ზურაბაშვილი - Galt & Taggart-ის პორტფოლიო მენეჯერი #ახალიამბები #BusinessMediaGeorgia
საქართველოს ეკონომიკის უახლეს მაჩვენებლებს მიმოვიხილავთ. მიუხედავად იმისა, რომ 2026 წლის პირველ კვარტალში ეკონომიკა მოსალოდნელზე ძლიერად, 9.1%-ით გაიზარდა, გარე ფაქტორების გათვალისწინებით საინტერესოა პროგნოზები და მოლოდინები. მათ შორის რა გავლენას ახდენს ქვეყნის ეკონომიკაზე ახლო აღმოსავლეთში მიმდინარე ომი და დაკეტილი ჰორმუზი, რაც იწვევს ნავთობის გაძვირებას და ინფლაციურ პროცესებს. სტუმარი: ლაშა ქავთარაძე - Galt & Taggart-ის ეკონომისტი #ახალიამბები #BusinessMediaGeorgia
რა გავლენას ახდენს ჩვენს ჯანმრთელობაზე ცხიმოვანი მჟავები. დავიწყოთ თავის ტვინით. თავის ტვინი ადამიანის ნერვული სისტემის ცენტრალური ორგანოა. ის აკონტროლებს ფიზიოლოგიურ თუ ემოციურ პროცესებს და მიუხედავად იმისა, რომ სხეულის მასის მხოლოდ 2%-ს შეადგენს, მოიხმარს ენერგიის დაახლოებით 20%-ს. კვლევებით დადასტურებულია, რომ მისი ოპტიმალური ფუნქციონირებისთვის აუცილებელია ცხიმოვანი მჟავები, განსაკუთრებით კი ომეგა-3. მეცნიერები ერთხმად აღიარებენ, რომ ომეგა-3 ცხიმოვანი მჟავების საკმარისი რაოდენობით მიღება ნიშნავს კარგ მეხსიერებას, ყურადღების მაღალ კონცენტრაციას, სწავლის უნარის გაუმჯობესებას და ნეიროდეგენერაციული დაავადებების თავიდან აცილებას. DHA აუცილებელია თავის ტვინის ზრდისა და განვითარებისთვის ბავშვობის ასაკში და მისი ნორმალური ფუნქციის შესანარჩუნებლად მოზრდილებთან. ის აუმჯობესებს კოგნიტიურ ფუნქციებს (აღქმას, დასწავლას, მეხსიერებას, ყურადღებას, პრობლემის გადაჭრისა და გადაწყვეტილების მიღების უნარებს, ენობრივ შესაძლებლობებს). ომეგა-3-ს კრიტიკული მნიშვნელობა აქვს ორგანიზმის სწორი ფუნქციობისთვის, მაგრამ დამოუკიდებლად მისი სინთეზირება ჩვენს ორგანიზმს არ შეუძლია, ამიტომ ეს მჟავები საკვების საშუალებით ან საკვები დანამატების სახით უნდა მივიღოთ. გარდა ამისა, ომეგა-3 აძლიერებს იმუნურ სისტემას და ამცირებს ანთებით პროცესებს, აუმჯობესებს მხედველობას, აიშვიათებს გულ-სისხლძარღვთა დაავადებებს, ზრდის ძილის ხანგრძლივობას და ამაღლებს მის ხარისხს, უზრუნველყოფს ძვლებისა და სახსრების ნორმალურ ფუნქციონირებას, ანელებს ორგანიზმის დაბერების პროცესს. და ეს მხოლოდ ნაწილია იმ სიკეთისა, რომლის მოტანაც შეუძლია ომეგა-3-ს. რუბრიკის ავტორი&წამყვანი; ლალი ბრეგვაძე - „ავერსის“ საზოგადოებასთან ურთიერთობის სამსახურის ხელმძღვანელი; სტუმარი: ნინო პეტრიაშვილი - „ავერსის კლინიკის“ ექიმი, გინეკოლოგი #ახალიამბები #BusinessMediaGeorgia
გუშინ რეფაბლიქ ივენთ ჰოლში კანის მოვლის საშუალებების ესპანური ბრენდის, ბაბეს ღონისძიება გაიმართა, რომლის ორგანიზატორიც ავერსი ფარმა იყო, სადაც აღნიშნული ბრენდი წლებია, რაც წარმოდგენილია. ღონისძიებაზე საქართველოს წამყვანი დერმატოლოგები, კოსმეტოლოგები და ბრენდის ესპანელი წარმომადგენლები იმყოფებოდნენ და მისი მთავარი თემა UV ევოლუცია - მზისგან დამცავი საშუალებების წარმოებაში უახლესი მიდგომები იყოს. ბაბეს წარმომადგენლებმა ბრენდის მიერ გამოყენებულ ინოვაციურ ფორმულებზე, მათ სამეცნიერო საფუძვლებსა და კლინიკურ გეგებზე ისაუბრეს. ღონისძიების დამსწრეებს კი შესაძლებლობა მიეცათ, პროდუქცია ადგილზე დაეტესტათ. #ახალიამბები #BusinessMediaGeorgia
კარაპს მედლაინი რობოტული ქირურგიის მიმართულების განვითარებას საერთაშორისო პარტნიორებთან ერთად იწყებს. კლინიკა , რომელიც სამედიცინო ხარისხის 25-წლიან მემკვიდრეობას ითვლის, განვითარების ახალ, მაღალტექნოლოგიურ ეტაპზე გადადის. ამ მიზნით, კარაპს მედლაინმა თანამშრომლობა თურქეთის „მემორიალის“ კლინიკების ქსელთან დაიწყო. პარტნიორობის ფარგლებში, თბილისს სამუშაო ვიზიტით თურქეთის წამყვანი სპეციალისტები სტუმრობდნენ და პაციენტებს კონსულტაციის შესაძლებლობაც მისცეს. #ახალიამბები #BusinessMediaGeorgia
საქალაქთაშორისო გადაყვანები ძვირდება. როგორც ავტოსადგურებში აცხადებენ ზოგიერთ მიმართულებაზე ფასები დაახლოებით 10%-ით უკვე გაიზარდა, ნაწილი კი ფასების დაკორექტირებას უახლოეს მომავალში განიხილავს. მგზავრობის გაძვირება ცხადია საწვავის ფასის ზრდამ განაპირობა, რაც აპრილში დაფიქსირებულ 5.9%-იან ინფლაციაში წამყვანი ფაქტორი იყო. რომელ სატრანსპორტო ჯგუფში რამდენით გაიზარდა ტარიფები? #ახალიამბები #BusinessMediaGeorgia
სანამ თითქმის მთელი მსოფლიოს ყურადღება ერთ-ერთი ყველაზე პოპულარული და მოდის სამყაროსთვის გავლენიანი მოვლენისკენ - მეტ გალასკენაა მიმართული - მიმოვიხილოთ ღონისძიებების რეალური ეკონომიკური მხარე. გლამურული ღონისძიებების ეკონომიკა მხოლოდ წითელი ხალიჩითა და ძვირადღირებული სამოსით არ შემოიფარგლება, ის გლობალური ფინანსური სისტემის მნიშვნელოვან ნაწილს ქმნის. ისეთი ღონისძიებები როგორიც მაგალითად მეტგალა ან ოსკარების დაჯილდოებაა - მილიონობით დოლარის შემოსავალს აგენერირებს. რა რეალური სარგებელი აქვთ მათ რიცხვებში? #ახალიამბები #BusinessMediaGeorgia
შეუდარებელი ენერგია, გამორჩეული ხმა და სცენაზე მაგიური ქარიზმა - ეს არის ისტორია არტისტზე, რომელმაც ლათინური მუსიკა გლობალურ ფენომენად აქცია. შაკირა — გოგონა კოლუმბიიდან, რომელმაც ბავშვობიდანვე იცოდა, რომ მისი ადგილი სცენაზე იყო. მისი კარიერა ადგილობრივი პოპულარობიდან მსოფლიო აღიარებამდე განვითარდა და საბოლოოდ, შოუბიზნესის ერთ-ერთ ყველაზე გავლენიან ფიგურად იქცა. რასაც მოწმობს ახლახან რიო დე ჟანეიროს კოპა კაბანას სანაპიროზე ჩატარებული კონცერტი, რომელსაც 2 მილიონზე მეტი მსმენელი დაესწრო. მოკლედ დღევანდელ სიუჟეტში გიყვებით არტისტზე, რომელმაც მსოფლიოს მუსიკალურ რუკაზე ახალი სტანდარტები შექმნა. #ახალიამბები #BusinessMediaGeorgia
გლობალური კაპიტალის მოძრაობის მარშრუტი ახლა ისტორიულ ტრანსფორმაციას განიცდის. ტრადიციული დასავლური პარტნიორობის ნაცვლად, სპარსეთის ყურის უმდიდრესი სახელმწიფოები სტრატეგიულ კავშირებს აზიის ტექნოლოგიურ გიგანტებთან აქტიურად ამყარებენ. სანამ ევროპა და შეერთებული შტატები საკუთარი ბაზრების დაცვაზე ფიქრობენ, არაბეთის გაერთიანებული საემიროები და კატარი სამხრეთ კორეასთან უპრეცედენტო სავაჭრო ალიანსებს ოფიციალურად აფორმებენ. კონკრეტულად რა ინტერესები ამოძრავებს ახლო აღმოსავლეთს და როგორ კარგავს დასავლეთი გავლენებს აზიის სასარგებლოდ? #ახალიამბები #BusinessMediaGeorgia