დღეს ამერიკელ მილიარდერთა რეიტინგებში ტექნოლოგიური ლიდერები დომინირებენ, თუმცა ქვეყნის ინდუსტრიული ეპოქის მაგნატები კვლავ მყარ პოზიციებს ინარჩუნებენ. ისტორიაში უმდიდრესი პიროვნება ილონ მასკია, რომლის ქონება დღეს 744 მილიარდ დოლარს შეადგენს, მას მოსდევს ჯონ როკფელერი და ენდრიუ კარნეგი, რომლებმაც ინდუსტრიული ბიზნესებით საუკუნეების წინ კოლოსალური სიმდიდრე შექმნეს. სიაში ასევე ფიგურირებენ კორნელიუს ვანდერბილტი, გუგლის თანადამფუძნებელი ლარი პეიჯი და მრავალთაობიანი ოჯახები, როგორებიცაა უოლტონები და მელონები, რაც აჩვენებს, რომ ინდივიდუალურ ინოვაციებსა და ოჯახურ დინასტიებს ამერიკის ისტორიული სიმდიდრის შექმნაში უდიდესი როლი აქვთ. #ახალიამბები #BusinessMediaGeorgia
რა აწუხებთ მილიარდერებს ანუ ყველაზე მდიდრებს 2026 წელს? იცით, მსოფლიო მედია და ანალიტიკოსები არამხოლოდ მიმდინარე არამედ კვლევით მასალებსაც აგროვებენ და მათ შორის არის თემა, რომელიც პლანეტის ყველაზე შეძლებული ადამიანების წუხილებია. ვიდრე ამ პლანეტას პირველი ტრილიონერი ეყოლება და ეს დროც არ არის შორს, მოდი მანამდე გადავხედოთ თემებს და საკითხებს, რომელიც ყველაზე მეტად აწუხებთ და ეფიქრებათ მილიარდერებში. #ახალიამბები #BusinessMediaGeorgia
ამბასადორი აილენდ ბათუმი, 2025 წელს ახალ ეტაპზე გადავიდა. როგორც ამბასადორი აილენდ ბათუმის გასაჯაროებული ანგარიშგებიდან შევიტყვეთ, რაც მუდმივად ვრცელდება კომპანიის მხრიდან ყოველთვიურ რეჟიმში, პროექტი დაგეგმვის ფაზიდან აქტიური განხორციელების ეტაპზე გადავიდა. ზღვაში უკვე შევსებულია 48.3 ჰა ფართობი; 26 ჰა ტერიტორია მიღებულია ექსპლუატაციაში; კუნძულის მშენებლობაში ყოველდღიურად 52-ზე მეტი სპეციალიზებული ტექნიკური საშუალებაა ჩართული; ამბასადორის პირველი თაუერი - დაწყებულია პირველი ულტრათანამედროვე მულტიფუნქციური კომპლექსის მშენებლობა. მოწყობილია 158-ივე ხიმინჯი. რამდენიმე დღის წინ გახლდით ბათუმში, მქონდა საშუალება მენახა მიმდინარე პროექტის პროგრესი და შედეგები, ყოველგვარი მოლოდინს აჭარბებს. #ახალიამბები #BusinessMediaGeorgia
რას საქმიანობს Orbi Group & Block Group-ის პარტნიორი ამერიკული საინვესტიციო ფონდი Advent Allen International? #ახალიამბები #BusinessMediaGeorgia
#საქმიანიდილა - 28 იანვარი - პროლოგი #ახალიამბები #BusinessMediaGeorgia
2025 წელს ფულადი გზავნილები გლობალური ეკონომიკის ერთ-ერთ მთავარ საყრდენად რჩება - მილიონობით ოჯახისთვის ემიგრანტების მიერ გამოგზავნილი თანხა სტაბილური შემოსავლის წყაროა, განსაკუთრებით განვითარებად ქვეყნებში. მსოფლიო ბანკის მონაცემებით, ყველაზე მეტი რემიტენსი ინდოეთმა მიიღო - 125 მილიარდი დოლარი, მას მოსდევს მექსიკა, ჩინეთი, ფილიპინები და პაკისტანი. ამ პროცესში ჩართულია საქართველოც, რომელმაც გასულ წელს ემიგრანტებისგან 3.6 მილიარდი დოლარი მიიღო, რაც ქვეყნის ეკონომიკისთვის მნიშვნელოვან სავალუტო შემოდინებას წარმოადგენს. #ახალიამბები #BusinessMediaGeorgia
საქართველოს ფარგლებს გარეთ ცხოვრება და მუშაობა ემიგრანტებს ახალი გამოცდილებებისა და შესაძლებლობების პარალელურად არაერთ გამოწვევასაც უქმნის. ამ პროცესში განსაკუთრებულ მნიშვნელობას იძენს საბანკო სერვისებზე შეუფერხებელი წვდომა, ფაქტორი, რომელიც ყოველდღიურ კომფორტთან ერთად ფინანსურ უსაფრთხოებასაც უზრუნველყოფს. სწორედ ამ საჭიროებებზე დაყრდნობით, საქართველოს ბანკი წლებია ემიგრანტების ფინანსურ ქცევასა და მოთხოვნებს იკვლევს და მათთვის სანდო, მოქნილ და თანამედროვე საბანკო პროდუქტებს ქმნის. დღეს, მიუხედავად იმისა, თუ რომელ ქვეყანაში იმყოფება ემიგრანტი, საკუთარი ფინანსების მართვა საქართველოს ბანკთან ერთად გაცილებით მარტივი, უსაფრთხო და ხელმისაწვდომია. სტუმარი: ნატალია შათირიშვილი - ემიგრანტების საბანკო მომსახურების დეპარტამენტის დირექტორი, საქართველოს ბანკი #ახალიამბები #BusinessMediaGeorgia
მონაცემთა ცენტრებისა და ჩიპების გლობალურ ინდუსტრიაში მნიშვნელოვანი ძვრებია. ბოლო ხუთწლეულში ბაზრის სტრუქტურა სრულად შეიცვალა, სადაც ყოფილმა ჰეგემონმა, Intel-მა პოზიციები დათმო, ხოლო ხელოვნური ინტელექტის ბუმის ფონზე, უპირობო ლიდერად Nvidia ჩამოყალიბდა. როგორ გადაიბარა ჯენსენ ჰუანგის კომპანიამ დომინანტობა და რა სტრატეგიული შეცდომები დაუჯდა ყოფილ გიგანტს ბაზრის დაკარგვად? #ახალიამბები #BusinessMediaGeorgia
ხელოვნური ინტელექტის ბუმით ვაგრძელებთ საქმიან დილას, რადგან გლობალურ ტექნოლოგიურ რბოლაში ახალი ლიდერები გამოიკვეთნენ - Microsoft-ის უახლესი მონაცემებით, სანამ შეერთებული შტატები დაბალი საზოგადოებრივი ნდობის გამო პოზიციებს თმობს, პირველობას არაბთა გაერთიანებული საამიროები და სინგაპური იკავებენ. საინტერესო დინამიკაა ჩვენს რეგიონშიც, სადაც საქართველო ათვისების მაჩვენებლით მეზობელ სახელმწიფოებს, მათ შორის თურქეთსა და აზერბაიჯანს, მნიშვნელოვნად უსწრებს, თუმცა ანალიტიკოსები მთავარ გამოწვევად კვლავ ტექნოლოგიის ეკონომიკურ ეფექტიანობაში გარდაქმნას ასახელებენ #ახალიამბები #BusinessMediaGeorgia
დღეს, როცა ხელოვნური ინტელექტი უკვე ყოველდღიური პროცესების განუყოფელ ნაწილად იქცა, სულ უფრო აქტუალური ხდება კითხვა, როგორ ვიყენებთ AI-ს საქართველოში და რა პერსპექტივები აქვს ამ მიმართულებას? HR Solutions საქართველოში და რეგიონში ბიზნესისა და ტექნოლოგიების სინერგიაზე მუშაობს და ხელოვნური ინტელექტის პრაქტიკულ დანერგვაზე კონცენტრირდება. როგორ გამოიყენება AI რეალურ პროექტებში, რა ეტაპზეა ქართული ბაზარი და რას უნდა ელოდოს ბიზნესი უახლოეს წლებში? სტუმარი: ნინო გვაზავა - HT Solutions-ის მმართველი პარტნიორი #ახალიამბები #BusinessMediaGeorgia
საცალო ვაჭრობის ინდუსტრია ტრადიციული გაყიდვების მოდელიდან მომსახურების ეკოსისტემებზე გადადის. შესუსტებული მსყიდველობითი უნარის დასაბალანსებლად, გლობალური ლიდერები აქცენტს საოპერაციო ეფექტიანობასა და ტექნოლოგიურ დისციპლინაზე აკეთებენ. ბაზრის მთავარი ტენდენცია ახლა მონაცემთა მონეტიზაცია და პროცესების სრული ავტომატიზაციაა. რა ინსტრუმენტებს იყენებენ ბაზრის ლიდერები მომგებიანობის შესანარჩუნებლად? #ახალიამბები #BusinessMediaGeorgia
25 იანვარს „ნიკორამ“ ხორცპროდუქტების ახალი, თანამედროვე და მასშტაბური საწარმო ოფიციალურად გახსნა. 45 მილიონი ლარის ინვესტიციით შექმნილი, სრულად ავტომატიზებული ქარხანა უახლესი ტექნოლოგიებით არის აღჭურვილი, რაც წარმოების ზრდასა და ხარისხის კიდევ უფრო მაღალ სტანდარტს უზრუნველყოფს. სტუმარი: ირაკლი ბოქოლიშვილი - "ნიკორას" გენერალური დირექტორი #ახალიამბები #BusinessMediaGeorgia
გუშინ BIM განათლების განვითარებისთვის ტექნიკურ უნივერსიტეტსა და BIM Solutions Georgia-ს შორის მემორანდუმი გაფორმდა. BIM ტექნოლოგიებზე დაფუძნებული განათლების განვითარება, მნიშვნელოვნად ცვლის საინჟინრო და არქიტექტურული განათლების პრაქტიკას საქართველოში. თანამშრომლობის ფარგლებში სტუდენტები მიიღებენ წვდომას იმ ციფრულ ინსტრუმენტებსა და პროგრამულ უზრუნველყოფებზე, რომლებიც დღეს მსოფლიოს წამყვან სამშენებლო და საინჟინრო კომპანიებში გამოიყენება. #ახალიამბები #BusinessMediaGeorgia
ანალიტიკოსები ერთხმად თანხმდებიან, რომ ლათინური ამერიკა მრავალწლიანი ეკონომიკური სტაგნაციიდან გამოდის. 2026 წლის დასაწყისის მონაცემები მოწმობს, რომ რეგიონის ქვეყნებმა განვითარებულ ეკონომიკებს ზრდის ტემპით საგრძნობლად გადაასწრეს. ნედლეულზე ფასების მატებამ და შიდა სტრუქტურულმა რეფორმებმა სამხრეთ ამერიკას მსოფლიოში ერთ-ერთი ყველაზე სტაბილური ეკონომიკური პროგნოზი შეუქმნა. რა ფაქტორებმა განაპირობა ეს მკვეთრი ნახტომი და რამდენად მდგრადი იქნება ეს აღმავლობა? #ახალიამბები #BusinessMediaGeorgia
ისტორიული მაქსიმუმები საფონდო ბირჟებზე, ხელოვნური ინტელექტის ბუმი და ბიტკოინის საბოლოო აღიარება-ასეთი იყო 2025 წელი ფინანსური სამყაროსთვის. თუმცა, ანალიტიკოსები ამბობენ, რომ ეიფორიის დრო იწურება და 2026 წელი ბაზრებისთვის დიდ გამოწვევად იქცევა. სხვადასხვა ანალიტიკოსების უახლესი პროგნოზით, მომავალ წელს ინვესტორებს არა მხოლოდ ტექნოლოგიური პროგრესი, არამედ გეოპოლიტიკური ფრაგმენტაცია და ენერგეტიკული კრიზისიც დაუპირისპირდება. რა არის ის მთავარი 4 ფაქტორი რაც გლობალურ ბაზრებზე გავლენას მოახდენს? #ახალიამბები #BusinessMediaGeorgia
გლობალური ბირჟები - Galt & Taggart-ის მიმოხილვა / Global Markets Weekly Update სტუმარი: ნიკა მაზანაშვილი - Galt & Taggart-ის საბროკერო მიმართულების გაყიდვების დეპარტამენტის ხელმძღვანელი #ახალიამბები #BusinessMediaGeorgia
სურსათის ფასები დღეს მსოფლიო ეკონომიკის ერთ-ერთ ყველაზე მტკივნეულ საკითხად რჩება. რამდენი გვიჯდება ყოველდღიური კალათა სხვადასხვა ქვეყანაში და რა განაპირობებს ასეთ მკვეთრ სხვაობას - Numbeo-ს 2026 წლის სურსათის ინდექსი საინტერესო სურათს აჩვენებს. სად არის სურსათი ყველაზე ძვირი და მეორე მხრივ იაფი და რა ადგილი უჭირავს ამ რეიტინგში საქართველოს? #ახალიამბები #BusinessMediaGeorgia
რა აძვირებს სურსათს? - “ფრიქსის” პოზიცია სტუმარი: ირაკლი ქურდაძე - “ფრიქსის” კომერციული დირექტორი #ახალიამბები #BusinessMediaGeorgia
სასტუმრო “ამბასადორი გოდერძი“ გაფართოვდა. მიმდინარე ზამთრის სეზონზე სასტუმრომ ახალი შენობა გახსნა, რომელიც ევროპული სტანდარტების 89 ნომერს, სპას, აუზს, რესტორანს, ბარს, სატრენაჟორო დარბაზს, საკონფერენციო ოთახსა და ბავშვთა გასართობ სივრცეს აერთიანებს. ახალი ინვესტიციის შემდეგ მაღალმთიანი აჭარის უნიკალურ ბუნებაში, სასტუმროს ერთდროულად უკვე 450 სტუმრის მიღების შესაძლებლობა აქვს. რას ახვედრებს სასტუმრო და ზოგადად კურორტი დამსვენებელს? ქეთი ჩიგოშვილი - „ამბასადორი გოდერძი“ გენერალური მენეჯერი #ახალიამბები #BusinessMediaGeorgia
პოლ ნიუმენი - მსახიობი, მრბოლელი და ბიზნესმენი, რომელმაც დაამტკიცა, რომ ბიზნესი შეიძლება არსებობდეს არა მოგებისთვის, არამედ ადამიანებისთვის. სალათის სოუსით დაწყებული იდეა, რომელიც გლობალურ ქველმოქმედებად იქცა-მილიონები, რომელიც იხარჯებოდა ბავშვებისთვის, განათლებისთვის და ჯანმრთელობისთვის.როგორ შექმნა პოლ ნიუმენმა უნიკალური ბიზნესი, რომელიც მთლიანად ქველმოქმედებას ემსახურება - 25 იანვარს მსოფლიო კინემატოგრაფიის ლეგენდას 100 წელი შეუსრულდა. #ახალიამბები #BusinessMediaGeorgia
“წითელი ბარონი” - მიხაელ შუმახერის შთამაგონებელი ისტორია #ახალიამბები #BusinessMediaGeorgia
კანადის ოფიციალური დელეგაციის ვიზიტს ჩინეთის სახალხო რესპუბლიკაში და შეხვედრებს უმაღლეს დონეზე. კანადის პრემიერ მინისტრი მარკ კარნი ღიად აცხადებს რომ შეერთებული შტატები კანადის სტრატეგიული პარტნიორი რჩება, თუმცა იქვე გაკეთდა ძალიან საგულისხმო განცხადება რომ: მისი ქვეყნის ანუ კანადის ურთიერთობები ჩინეთთან უფრო პროგნოზირებადი გახდა, ვიდრე შეერთებულ შტატებთან. კანადა და ჩინეთი არ გეგმავენ თავისუფალი ვაჭრობის შესახებ ხელშეკრულების გაფორმებას, მაგრამ მათ შორის მიღწეული შეთანხმება ითვალისწინებს ჩინური ინვესტიციების განხორციელებას კანადის ენერგეტიკასა და სამომხმარებლო საქონლის სექტორში. თავის მხრივ, კანადა გეგმავს ინვესტიციებს ჩინეთის აეროკოსმოსურ ინდუსტრიასა და მაღალტექნოლოგიურ წარმოებაში. #ახალიამბები #BusinessMediaGeorgia
#საქმიანიდილა - 27 იანვარი - პროლოგი #ახალიამბები #BusinessMediaGeorgia
„კარაპს მედლაინია“ - „ვიან ჯგუფის“ წევრი და ქვეყნის ერთ-ერთი უმსხვილესი სამედიცინო ცენტრი, რომელიც 25-წლიანი ევოლუციის შედეგად, პლასტიკური ქირურგიის ნიშური კლინიკიდან მძლავრ მრავალპროფილურ ჰოსპიტლად ჩამოყალიბდა. დღეს კლინიკა ოპერირებს საერთაშორისო ხარისხის იმ ნიშნულით, რომელიც სწორედ და ზუსტად პასუხობს გლობალურ გამოწვევებს. ამერიკის აკრედიტაციის საერთაშორისო კომისიასთან, AACI-სთან თანამშრომლობა და მოპოვებული აკრედიტაცია მათთვის უკვე არა სიახლე, არამედ დამკვიდრებული სამუშაო სტანდარტია, რაც პაციენტის უსაფრთხოებისა და მომსახურების ხარისხის უწყვეტ კონტროლს გულისხმობს. მულტიდისციპლინარული მიდგომა, რაც თითოეული პაციენტის შემთხვევის კონსილიუმის წესით განხილვას ითვალისწინებს, კლინიკას საშუალებას აძლევს, წარმატებით მართოს ისეთი რთული მიმართულებები, როგორებიცაა ინ-ვიტრო განაყოფიერება, ონკო-ქირურგია, მამოლოგია, ორთოპედია-ტრავმატოლოგია თუ რეკონსტრუქციული ქირურგია. სერვისების ასეთი დივერსიფიკაცია და დასავლური სტანდარტის დამკვიდრება პირდაპირ ისახება სამედიცინო ტურიზმის დინამიკასა და პაციენტების გეოგრაფიული არეალის გაფართოვებაზე. როგორ ახერხებს მენეჯმენტი ამ კომპლექსური ორგანიზმის მართვას იმ რეალობაში, სადაც გლობალური ტრენდები, ტექნოლოგიური სიახლეები და ხარისხის მკაცრი მოთხოვნები ერთდროულ რეაგირებას ითხოვს? სტუმარი: ნინო კუტალაძე - "კარაპს მედლაინი", დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რითეილ სექტორის 2025 სტუმარი: რეზო მაღალაშვილი - "სინომი რითეილის” დირექტორი #ახალიამბები #BusinessMediaGeorgia
უძრავი ქონების მენეჯმენტ კომპანია "ლოკაცია" მომხმარებელსა და ბიზნესს ერთმანეთთან სწორ დროს აკავშირებს და მათზე მორგებული მომსახურებას სთავაზობს. კომპანია ბაზარზე 2024 წლიდან ოპერირებს და ამ პერიოდის განმავლობაში მოახერხეს წამყვან დეველოპერულ კომპანიებთან თანამშრომლობა და წარმატებული წელიც მიითვალეს. კიდევ უფრო საინტერესოა სამომავლო გეგმებიც, რომელიც გლობალურ ბაზრებზე გასვლას მოიაზრებს. სტუმარი: საბა აბაშიძე - "ლოკაციის" აღმასრულებელი დირექტორი #ახალიამბები #BusinessMediaGeorgia
2025 წლის ბოლო კვარტალში წინა კვარტალთან შედარებით საცხოვრებელი უძრავი ქონების ფასების ინდექსი 1.5 პროცენტით გაიზარდა, ხოლო ინდექსის წლიურმა ზრდამ 3.3 პროცენტი შეადგინა. მნიშვნელოვანია, რომ ბოლო 5 წელში ინდექსის ზრდამ 59.4% შეადგინა. ტრადიციულად ფასები იზრდება როგორც საცხოვრებელი ბინების(1.3 პროცენტი), ისე კერძო სახლების სეგმენტში (2.1 პროცენტი). საქსტატის განახლებული მონაცემებით, 2024 წლის მეოთხე კვარტალთან შედარებით ფასების ზრდა დაფიქსირდა ორივე სეგმენტში - ბინებზე 3.5 პროცენტით, ხოლო კერძო სახლებზე 2.5 პროცენტით. თბილისის უბნების მიხედვით, 2025 წლის მეოთხე კვარტალში ახალაშენებული საცხოვრებლების სეგმენტში 1მ2-ის მედიანური ღირებულება შემდეგნაირად გადანაწილდა: მთაწმინდა – 6 738 ლარი; ვაკე – 5 874 ლარი; ჩუღურეთი – 4 353 ლარი; საბურთალო – 4 313 ლარი; კრწანისი – 4 181ლარი; დიდუბე – 4 054 ლარი; ნაძალადევი – 3 978 ლარი; ისანი – 3 854 ლარი; გლდანი – 3 731 ლარი; სამგორი – 3 549 ლარი. კერძო სახლების სეგმენტის შემთხვევაში, ერთი კვადრატული მეტრის ღირებულება უბნების მიხედვით არის: მთაწმინდა – 4 594 ლარი; ვაკე – 4 311 ლარი; საბურთალო – 3 504 ლარი; დიდუბე – 3 369 ლარი; სამგორი – 3 121 ლარი; ისანი – 3 110 ლარი; ჩუღურეთი – 3 088 ლარი; გლდანი – 2 985 ლარი; კრწანისი - 2 830 ლარი; ნაძალადევი - 2 660 ლარი. რა მოლოდინები აქვს ბაზარს? სტუმარი: ვაჟა მებაღიშვილი - უძრავი ქონების კომპანია Noble Real Estate-ს თანადამფუძნებელი #ახალიამბები #BusinessMediaGeorgia
„მთის ფესტივალი / Mountain Fest“ კურორტ გოდერძიზე, კომპანია " კოკა-კოლა ბოთლერს ჯორჯიასა" და სასტუმრო "ამბასადორი გოდერძის" ორგანიზებით ჩატარდა. კოკა-კოლა მუდმივად ქმნის და ავითარებს ისეთ ფესტივალებსა და მასშტაბურ ღონისძიებებს, რომლებიც ადამიანებს აერთიანებს და დაუვიწყარ ემოციას ქმნის. მსოფლიო ბრენდის მიერ „Mountain Fest“-ის პარტნიორობა ფესტივალს უნიკალურს გახდის, რადგან ბრენდს ყველგან განსაკუთრებული ატმოსფერო და ენერგია მოაქვს. სამთო-სათხილამურო კურორტ გოდერძიზე ზამთრის სეზონი უკვე გახსნილია და ახლა საუკეთესო დროა სრიალისთვის, თოვლით დაფარული მთების, სუფთა ჰაერისა და ულამაზესი პეიზაჟების მოსანახულებლად. სწორედ ამ გამორჩეულ გარემოში, სასტუმრო „ამბასადორი - გოდერძი“ ერთდღიან ფესტივალს უმასპინძლა, რომელიც ზამთრის დასვენებას განსაკუთრებულ ემოცია და დაუვიწყარი გამოცდილება შესძინა. #ახალიამბები #BusinessMediaGeorgia
#ავიაციისსიახლეები:
“ინტერიერი დეტალებში” სტუმარი: სალომე დადუნაშვილი - “ინტერიერი სალომე დადუნაშვილთან ერთად” - ავტორი & წამყვანი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
შავი ოქრო იყო ომების, ეკონომიკური ბუმისა და გეოპოლიტიკური გავლენების მთავარი ღერძი. თუმცა, დღეს ენერგეტიკული ეპოქა იცვლება. ხელოვნური ინტელექტის ექსპანსიისა და ტოტალური ელექტრიფიკაციის ფონზე, მსოფლიო ახალი ტიპის დამოკიდებულების წინაშე დგება. იშვიათი მინერალები - ეს არის მომავლის რესურსი, რომლის გადამუშავების თითქმის 90%-ს ერთი ქვეყანა, ჩინეთი აკონტროლებს. რატომ იქცევა იშვიათი მინერალები ნავთობზე არანაკლებ მნიშვნელოვან რესურსად? #ახალიამბები #BusinessMediaGeorgia
ძვირფასი ლითონების ინდუსტრიისთვის 26 იანვარი გამორჩეული თარიღია. 1905 წლის 26 იანვარს, მსოფლიოში უდიდესი მაღალი ხარისხის ალმასი, კულინანის ბრილიანტი აღმოაჩინეს გოტენგში, სამხრეთი აფრიკაში. 3,106-კარატიანი „კულინანი“ დღემდე მსოფლიოს უდიდეს დაუმუშავებელ ალმასად რჩება. ბრიტანეთის მეფე ედუარდ VII-სთვის ნაჩუქარი ეს ძვირფასი ქვა რამდენიმე ნაწილად დაიჭრა; მათგან უდიდესი, „აფრიკის დიდი ვარსკვლავი“, დღეს სამეფო კვერთხს ამშვენებს, ხოლო მთლიანი კოლექციის ღირებულება 400 მილიონ დოლარს აჭარბებს. - კაცობრიობის ისტორიაში ძვირფასი ქვები ყოველთვის ძალაუფლების, სიმდიდრისა და მარადიული სილამაზის სიმბოლოდ მიიჩნეოდა. ეს დღესაც ასეა და სწორედ ამიტომ ცნობადი ადამიანები ხშირად ბრილიანტის კოლექციებსაც ფლობენ. #ახალიამბები #BusinessMediaGeorgia
26 იანვარი იტალიის რესპუბლიკად ჩამოყალიბების დღეა - თარიღი, რომელიც ქვეყნის ისტორიაში მეორე დაბადებად ითვლება: ანტიკური რომიდან დაწყებული, ქალაქ-სახელმწიფოების, კოლონიური გავლენისა და ფაშიზმის პერიოდების გავლით, იტალია დღემდე აძლიერებდა ეკონომიკას. 1950-1970-იან წლებში მარშალის გეგმა, ინდუსტრიალიზაცია, ჩრდილოეთის ინდუსტრიული რეგიონები და ძლიერი ოჯახური კომპანიები სწრაფი ზრდის საფუძველი გახდა, 1970-იანი წლების კრიზისების შემდეგ ხარისხზე და დიზაინზე ორიენტაციამ თანამედროვე ინდუსტრიულ კლასტერები შექმნა, ევროზონის წევრობამ სტაბილურობა მისცა, ხოლო ტურიზმი დღეს ქვეყნის მთავარი შემოსავლის წყაროა, რაც აჩვენებს, რომ რესპუბლიკად ჩამოყალიბება არა მხოლოდ პოლიტიკური, არამედ ეკონომიკური გარდატეხის სიმბოლოა. როგორ გამდიდრდა იტალია? #ახალიამბები #BusinessMediaGeorgia
26 იანვარი ინდოეთის დამოუკიდებლობის მოპოვების დღეა. ეს თარიღი ქვეყნის ისტორიაში ახალი ეპოქის დასაწყისს აღნიშნავს, როდესაც ათასწლეულების განმავლობაში დაკარგული ეკონომიკური ძალის აღდგენა დაიწყო; ინდუსის ველის ცივილიზაციიდან დაწყებული, რომისა და შუა საუკუნეების სავაჭრო ცენტრების გავლით, ბრიტანეთის კოლონიზაციის შედეგად შემცირებული ინდოეთი 1947 წელს დამოუკიდებელ, სუსტად ინდუსტრიალიზებულ სახელმწიფოდ აღიმართა, შემდეგ კი 1991 წლის რეფორმებით, ბაზრების გახსნითა და უცხოური ინვესტიციების მოზიდვით სწრაფი ეკონომიკური ზრდის გზაზე გადავიდა. XXI საუკუნეში ინდოეთი IT, ფარმაცევტიკასა და წარმოების სფეროებში გლობალურ მოთამაშედ ჩამოყალიბდა, ნომინალური მშპ-ს მიხედვით მეხუთე, მსყიდველუნარიანობის მიხედვით კი მესამე ადგილზეა, თუმცა სოციალურ უთანასწორობას, ინფრასტრუქტურის დეფიციტსა და განათლების პრობლემებს დღესაც ებრძვის. როგორი იყო ინდოეთის გზა დამოუკიდებლობიდან დღემდე? #ახალიამბები #BusinessMediaGeorgia
#საქმიანიდილა - 26 იანვარი - პროლოგი #ახალიამბები #BusinessMediaGeorgia
გუშინ გავიგეთ, რომ სადისტრიბუციო და სარეალიზაციო კომპანიებში ერთდროულად ორი უწყება – სახელმწიფო უსაფრთხოების სამსახური და ფინანსთა სამინისტროს საგამოძიებო სამსახური – შევიდა. ეს ირაკლი კობახიძის დაპირების გაგრძელებაა, რომლის მიხედვითაც სურსათზე ფასები უნდა გაიაფდეს. ამ მიზნით სასურსათო პროდუქციის ფასებთან დაკავშირებით სამთავრობო საკოორდინაციო კომისიაც შეიქმნა, რომლის ხელმძღვანელი თავად ირაკლი კობახიძეა. 2026 წლის 20 იანვარს, მთავრობის ადმინისტრაციაში "ფასების სამთავრობო კომისიის" პირველი სხდომა გაიმართა, რომელზედაც ირაკლი კობახიძის ხელმძღვანელობით მოქმედმა სამთავრობო საკოორდინაციო კომისიამ კონკრეტული სამოქმედო გეგმა შეიმუშავა. ეკონომიკის მინისტრმა მარიამ ქვრივიშვილმა განაცხადა, რომ კერძო სექტორთან აქტიური მუშაობა დაიგეგმა. 21 იანვარს "ფასების კომისიის" წარმომადგენლები პროდუქტის მაღალ ფასებთან დაკავშირებით სუპერმარკეტების წარმომადგენლებს შეხვდნენ. დასრულების შემდეგ მარიამ ქვრივიშვილმა აღნიშნა, რომ კერძო სექტორის ფასების შემცირების შესახებ სახელმწიფოს ხედვას იზიარებს. ირაკლი კობახიძის განცხადებით, მსგავსი ფორმატის შეხვედრები გაგრძელდება როგორც დისტრიბუტორებთან, ისე ადგილობრივ მწარმოებლებთან. ამასთან, სამთავრობო საკოორდინაციო კომისია იმუშავებს მედიკამენტებისა და საწვავის ფასებთან დაკავშირებულ საკითხებზეც. სამთავრობო კომისიის საქმიანობის შედეგები კი საზოგადოებისთვის ცნობილი აპრილის ბოლომდე გახდება. რითეილ ასოციაციის განცხადებით, გაერთიანების ყველა წევრი კომპანია სრულად და შეუფერხებლად თანამშრომლობს საგამოძიებო ორგანოსთან. შესაბამისი პროცედურები მიმდინარეობს მშვიდ გარემოში, სამართლებრივი ნორმებისა და დადგენილი პროცესუალური ჩარჩოების სრული დაცვით. სტუმარი: მიხეილ კუკავა - Stemscale Georgia-ს მთავარი აღმასრულებელი ოფიცერი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
დავოსის მსოფლიო ეკონომიკურ ფორუმზე დონალდ ტრამპი ახალი ეკონომიკური დღის წესრიგით წარსდგა. 18-ტრილიონიანი ინვესტიცია, დამარცხებული ინფლაცია და რეკორდულად შემცირებული ენერგოტარიფები - ეს ის მთავარი გზავნილებია, რომლითაც თეთრი სახლის ლიდერმა ინვესტორებს მიმართა. თუმცა, რამდენად ზუსტია პრეზიდენტის მიერ დასახელებული სტატისტიკა? ჩვენ მისი გამოსვლა დეტალურად გავაანალიზეთ და რეალურ ოფიციალურ მონაცემებს შევადარეთ. რა უზუსტობებს შეიცავს ტრამპის ეკონომიკური ანგარიში? #ახალიამბები #BusinessMediaGeorgia
დავოსის ეკონომიკურ ფორუმზე აზერბაიჯანისა და სომხეთის პრეზიდენტებმა ილჰამ ალიევმა და ვაჰაგნ ხაჩატურიანმა განაცხადეს, რომ ტვირთები სომხეთიდან აზერბაიჯანში და უკან, რაც ამჟამად საქართველოს ტერიტორიის გავლით მოძრაობს, მომავალში პირდაპირ ორ ქვეყანას შორის გადაიზიდება. ამჟამად ასეთი ტვირთების მოცულობა ძალიან მცირეა. ლიდერები ასევე საუბრობენ სამომავლოდ ტვირთების პირდაპირ ბრუნვაზე თურქეთიდან აზერბაიჯანის ნახიჩევანის ავტონომიურ რესპუბლიკასა და სომხეთს, სომხეთსა და დანარჩენ აზერბაიჯანს შორის. პრეზიდენტმა ალიევმა განაცხადა, რომ ახალი დერეფანი საქართველოზე გამავალ დერეფანს დაემატება. დავოსის ეკონომიკურ ფორუმზე საქართველო მიწვეული არ ყოფილა. ეს უკვე მეორე ფორუმია, რომელსაც ირაკლი კობახიძე არ ესწრება, რადგან მოსაწვევს არ უგზავნიან. ქართული ოცნების დეპუტატი ლევან მახაშვილი ამ ფაქტს შემდეგნაირად გამოეხმაურა – ციტატა – “თითოეული პლატფორმა ჩვენთვის არის რაღაც შედეგის მომტანი, უნდა იყოს შედეგის მომტანი და არა უბრალოდ, რომ ამა თუ იმ წითელ ხალიჩაზე გაიაროს ხელმძღვანელმა პირმა ჩვენი ხელისუფლების. ამიტომ, მოდი, ვიმსჯელოთ შედეგებით და შედეგები არის ძალიან მკაფიო, რომ საქართველოს ეკონომიკური ზრდა არის ერთ-ერთი საუკეთესო მსოფლიოში და ევროპაშიც. ამიტომ, ყველაფერი ამით, მე მგონი, ნათელია. დავოსის ეკონომიკური ფორუმი, როგორც ჩანს, არ არის ის ფორუმი, რომლის ფარგლებშიც წყდება საქართველოს ბედ-იღბალი და უკეთესი მომავალი” – ციტატის დასასრული. სტუმარი: ვანო მაჭავარიანი - უშიშროების საბჭოს მდივნის ყოფილი მოადგილე #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
BMG & MG Motor Georgia წარმოგიდგენთ #BMGDRIVE-ს:
24-25 იანვარს „თეგეტა მოტორსი“ ცენტრალური ფილიალის ტერიტორიაზე (დ. აღმაშენებლის ხეივანი №129) აუთლეტ-გაყიდვებს უმასპინძლებს. მხოლოდ ორი დღის განმავლობაში მომხმარებლებს საშუალება ექნებათ, მსოფლიოს წამყვანი ბრენდების საავტომობილო პროდუქტები სპეციალურ ფასად შეიძინონ. „თეგეტა აუთლეტისთვის“ ყველაზე მოთხოვნადი პროდუქტები შეირჩა, რომლებიც ნებისმიერი მძღოლის ყოველდღიურ საჭიროებებს პასუხობს. სტუმარი: ელენკა კოხრეიძე - „თეგეტა ჰოლდინგის“ მარკეტინგის მთავარი ოფიცერი #ახალიამბები #BusinessMediaGeorgia
„თეგეტა ჰოლდინგი“ თანამედროვე ტექნოლოგიურ და ციფრულ სერვისებს აფართოებს და კორპორაციული მომხმარებლებისთვის ავტოპარკის ფლობას კიდევ უფრო ამარტივებს. საავტომობილო ინდუსტრიის ლიდერ კომპანიას GPS ოპერატორი, GeoGPS შეემატა. ბაზრის ყველაზე მსხვილი მოთამაშე, „თეგეტასთან“ ერთად, ბიზნესს საერთაშორისო პრაქტიკაზე დაფუძნებულ მომსახურებას შესთავაზებს, რაც სისტემურ მიდგომასა და ფლიტის მართვაზე სრულ პასუხისმგებლობას ნიშნავს. გარიგება უკვე ძალაშია. მხარეთა ჩართულობით დოკუმენტს ხელი „თეგეტას“ გეზის ფილიალის ტერიტორიაზე მოეწერა. მხარეებს შორის მიღწეული შეთანხმება,მათივე თქმით, ვციტირებ:ეფუძნება საერთო ხედვას - შეიქმნას ახალი პლატფორმა, რომელიც როგორც მსხვილი, ისე მცირე და საშუალო ბიზნესის მზარდ მოთხოვნებს სათანადოდ უპასუხებს. ეს არის ავტოპარკის მართვის ახალი თაობის სერვისი, რომელიც კლასიკურ GPS მონიტორინგს მნიშვნელოვნად სცდება. საუბარია ისეთ ინტეგრირებულ გადაწყვეტილებებზე, როგორებიცაა: ავტომობილის ტექნიკური მდგომარეობის მუდმივი კონტროლი, საწვავისა და ექსპლუატაციის ხარჯების ანალიზი, მძღოლის ქცევის შეფასება, უსაფრთხოების გაუმჯობესება და ოპერაციული ეფექტიანობის ზრდა. სტუმარი: ნიკოლოზ ხიდურელი - „თეგეტა ჰოლდინგის“ მთავარი ფინანსური ოფიცერი #ახალიამბები #BusinessMediaGeorgia
ძვირფასმა ლითონმა 2025 წლიდან ზრდის განსაკუთრებული მაჩვენებლები დადო.. ერთწლიან პერიოდში ოქრო 77%-ით არის გაძვირებული, ხოლო ვერცხლის ზრდის მაჩვენებელი 210%-ს აღწევს. ბოლო პერიოდში, ბირჟაზე ოქროსა და ვერცხლის ფასების რეკორდული ზრდა რამდენიმე ფუნდამენტური ფაქტორის ერთობლიობამ გამოიწვია. ძვირფასი ლითონების ღირებულების მატება, პირველ რიგში, გეოპოლიტიკურ დაძაბულობასა და ეკონომიკურ გაურკვევლობას უკავშირდება, რის გამოც ინვესტორები ოქროს, როგორც უსაფრთხო აქტივს, სულ უფრო ხშირად ირჩევენ კაპიტალის დასაცავად და რისკების ჰეჯირების მიზნით. ოქროს გლობალურ ბაზარზე არასტაბილური ვითარების პარალელურად, ცხადია, საინტერესოა როგორ ვითარდება საიუველირო წარმოება და რამხელაა ეს ბაზარი ამჟამად? #ახალიამბები #BusinessMediaGeorgia
ჯერ თბილისის საიუველირო ფაბრიკა იყო, მერე ეროვნული ზარაფხანა, 2005 წლიდან კი უბრალოდ ზარაფხანა ეწოდება. კომპანია წარმატებულ ოპერირებას დღემდე აგრძელებს და თავის ასორტიმენტს წლიდან წლამდე ავითარებს. როგორია ზარაფხანას ისტორია და სამომავლო გეგმები? სტუმარი: თორნიკე სამხარაძე - “ზარაფხანა”, აღმასრულებელი დირექტორი თიკო ნატმელაძე - #მხოლოდქართული, ავტორი; #ახალიამბები #BusinessMediaGeorgia
ღვინის გლობალურ ბაზარზე შექმნილი ვითარება უკვე გასცდა ეკონომიკური ანალიზის ფარგლებს და ფართომასშტაბიან სოციალურ ფენომენად იქცა. ინდუსტრიის ისტორიული ვარდნა, რომელსაც ახლა ვხედავთ, არა მხოლოდ კლიმატური ცვლილებების ან ჯანსაღი ცხოვრების წესის პოპულარიზაციის შედეგია, არამედ პირდაპირი ინდიკატორი იმის, თუ როგორ ტრანსფორმირდება მომხმარებლის ქცევა. ანალიტიკოსები საგანგაშო კორელაციაზე მიუთითებენ - გაყიდვების კლება მსოფლიო მასშტაბით მზარდ მარტოობასა და სოციალური კავშირების რღვევას ემთხვევა, რაც ტრადიციულ ბიზნესს სრულიად ახალი, ეგზისტენციალური გამოწვევების წინაშე აყენებს #ახალიამბები #BusinessMediaGeorgia
#ბრენდისხმა - ალექსანდრე მარგველაშვილი - "თბილღვინო" & "THE WINE" ალექსანდრე მარგველაშვილი - "თბილღვინო", მარკეტინგის მიმართულების ხელმძღვანელი #BrandVoice #ახალიამბები #BusinessMediaGeorgia
სამშენებლო კომპანია „ოდა ჯგუფი“ უნდა გაგაცნოთ გადაცემის ამ ნაწილში. ეს კომპანია უკვე 6 წელია ბაზარზეა და ახორციელებს როგორც კერძო საცხოვრებელი სახლების, ისე მრავალბინიანი კორპუსების მშენებლობას. „ოდა ჯგუფი“ დამკვეთებს მომსახურების სრულ ციკლს სთავაზობს, რაც მოიცავს როგორც პროექტირებას და არქიტექტურულ დაგეგმარებას, ისე ინტერიერის დიზაინსა და სარემონტო სამუშაოებს. ამიკო წურწუმია - „ოდა ჯგუფი“ სამუშაოთა მწარმოებელი; #ახალიამბები #BusinessMediaGeorgia
კოკა-კოლას საახალწლო გათამაშება დასრულდა. გათამაშებამ სტარტი გასული წლის პირველ დეკემბერს აიღო და ახლახან, 14 იანვარს, კოკა-კოლას სოციალურ ქსელში მისი გამარჯვებულებიც გამოვლინდნენ. წლევანდელმა გათამაშებამ 6 პრიზი და 6 გამარჯვებული გააერთიანა. პროცესი საკმაოდ მარტივი იყო, ყველა ის ადამიანი, ვინც პირველი დეკემბრიდან 14 იანვრამდე პერიოდში, კოკა-კოლას ყვითელ თავსახურიან ბოთლზე სპეციალურ 10 ნიშნა კოდს აღმოაჩენდა და შემდეგ მას კოკა-Kოლას აპლიკაციაში დაასკანერებდა, გათამაშების ერთ ბილეთს იღებდა. მილიონზე მეტმა ადამიანმა მიიღო მონაწილეობა და იღბლიანებიც გამოვლინდნენ, რომლებსაც გუშინ, კოკა-კოლა ბოთლერს ჯორჯიას ქარხანაში თავისი კუთვნილი ჯილდოებიც გადაეცათ. #ახალიამბები #BusinessMediaGeorgia
ლონდონის სამეფო ბირჟა 455 წლის წინ, 1571 წელს დაარსდა. BMG დაინტერესდა მისი შექმნის ისტორიით, იდეით, რომელიც საბოლოოდ იქცა და ჩამოყალიბდა სავაჭრო სივრცედ და მსოფლიო ფინანსების სიმბოლოდ. ბირჟის არსებობის იდეა ეკუთვნის ჰოლანდიელ ვაჭარს, სერ თომას გრეშემს, რომლის ინსპირაციაც ანტვერპენის ბირჟა გახდა. 1571 წელს უკვე დედოფალმა ელისაბედ პირველმა ბირჟას სამეფო სტატუსი მიანიჭა და მალევე ლონდონი გლობალური კაპიტალის მთავარ კერადაც აქცია. სამეფო ბირჟა, ტრადიციულ ბირჟას დღეს არ წარმოადგენს, თუმცა არის და რჩება ლონდონის ფინანსური ცენტრის პირველ მერცხლად, რომელმაც საფუძველი ჩაუყარა დღეს არსებულ ლონდონის ბირჟას. BMG-ის გუნდის მიერ მომზადებულ ვიდეო ისტორიას გიზიარებთ, რომელიც ბრიტანეთის ფინანსური ძალაუფლების ისტორიულ მემკვიდრეობას ასახავს. #ახალიამბები #BusinessMediaGeorgia
დღეს ისტორიული თარიღია. 1719 წელს, სწორედ 23 იანვარს საღვთო რომის იმპერატორმა კარლ VI-მ ვადუცისა და შელენბერგის მიწები გააერთიანა და ლიხტენშტაინის სამთავრო დააარსა. თავის დროზე, მხოლოდ პრესტიჟისთვის ნაყიდი ეს პატარა მიწის ნაკვეთი, დღეს მსოფლიოს უმდიდრესი ოაზისია. როგორ გახდა 160 კვადრატული კილომეტრი გლობალური ეკონომიკის ლიდერი, სადაც ერთ მოსახლეზე შემოსავალი ასტრონომიულ - 231 000 დოლარს აღწევს და რა არის ამ ჯუჯა სახელმწიფოს გიგანტური წარმატების საიდუმლო? #ახალიამბები #BusinessMediaGeorgia