„თეგეტა ჰოლდინგი“ იაპონური კომერციული ავტომობილების წამყვანი მწარმოებლის, UD Trucks-ის, ოფიციალური იმპორტიორი გახდა საქართველოში, სომხეთსა და აზერბაიჯანში. პარტნიორობის შესახებ შეთანხმება თბილისში „თეგეტას“ გეზის ფილიალში, გაფორმდა და UD Trucks-ისთვის კავკასიის რეგიონში ახალი ეტაპის დასაწყისი გახდა. თანამშრომლობის ფარგლებში „თეგეტა“ სამივე ბაზარზე შესთავაზებს UD Trucks-ის ავტომობილებს, სათადარიგო ნაწილებსა და სერვისს. შედეგად, მომხმარებლისთვის ხელმისაწვდომი იქნება ისეთი სატრანსპორტო გადაწყვეტილებები, რომლებიც ხარისხს, საიმედოობასა და გრძელვადიან ღირებულებას ეფუძნება. ხელმოწერის ცერემონიაზე კომპანიების წარმომადგენლებმა სამომავლო თანამშრომლობის გეგმებზე, ბაზრის შესაძლებლობებსა და რეგიონში UD Trucks-ის ბრენდის შემდგომ განვითარებაზე იმსჯელეს.


#ახალიამბები #BusinessMediaGeorgia