McHappy Day-ის საქველმოქმედო კამპანიის ფარგლებში „მაკდონალდს საქართველომ“, ერთგულ მომხმარებელთა ჩართულობით, ორგანიზაცია „პირველ ნაბიჯს“ 30 000 ლარი გადასცა. „პირველი ნაბიჯისთვის“ საქველმოქმედო კამპანიის ფარგლებში შეგროვილი თანხის ჩეკის გადაცემის ღონისძიება „მაკდონალდსის“ ახალ, ეკომეგობრულ რესტორანში გაიმართა, რომელიც სულ ცოტა ხნის წინ გაიხსნა და სტუმრებს კახეთის გზატკეცილზე, ორხევის დასახლებაში მასპინძლობს. #ახალიამბები #BusinessMediaGeorgia
კომპანია GDB-ის პარტნიორმა, ფერმერმა ივა ჭყონიამ საზამთროს მოყვანა დაიწყო. საუბარია ესპანური „სანდისიმას“ (sandissima) რამდენიმე სახეობაზე, რომელიც განსაკუთრებული გემოს მქონე, მცირე ზომის (portion size), თხელკანიანი, უკურკო პროდუქტია. როგორც bm.ge-ს ჭყონიებსი შორის ბარაქიანებიდან რიგით მეორემ, თემურ ჭყონიას შემდეგ,ივა ჭყონიამ უთხრა, საზამთრო ნახევარ ჰექტარზე აქვთ გაშენებული და მიმდინარე წელი წარმოებისთვის სატესტოა. მისივე თქმით, საწყისად 10 ტონამდე პროდუქტი მიიღეს, რომელიც საბურთალოსა და დიღმის „გუდვილში“ კილოგრამი, დაახლოებით, სამ ლარამდე ეღირება. „ჩვენ, საქართველოში, პარტნიორთან - Rijk Zwaan-თან ერთად, პირველებმა დავიწყეთ ესპანური ჯიშის "სანდისიმას" ჯიშების მოყვანა. ესენია ამალტეა (შავი, თხელი კანით), კონგიტა (შავი, portion size), მორგანი (მოგრძო ზომის), ვანიკაი (უკურკო). პირველი მოსავლის კრეფა დავასრულეთ და უკვე საბურთალოსა და დიღმის „გუდვილშიც“ შევიტანეთ. #ახალიამბები #BusinessMediaGeorgia
საქართველოში რეგისტრირებული კომპანიებისთვის ევროკავშირის საჯარო შესყიდვების ბაზარი გაიხსნა, რაც იმას ნიშნავს, რომ ქართული კომპანიები EU-ს წევრი სახელმწიფოების მიერ გამოცხადებულ ტენდერებში შეძლებენ მონაწილეობას. ევროკავშირის მასშტაბით ყოველწლიურად 250,000-მდე სუბიექტი (მთავრობა, სამინისტრო, სააგენტო და კომპანია) დაახლოებით, 2 ტრილიონი ევროს მოცულობის საქონლის, მომსახურებისა და სერვისის შესყიდვას ახორციელებს. ევროკომისიის ცნობით, უმსხვილეს შემსყიდველებს შორის არიან: გერმანია, საფრანგეთი, იტალია, ნიდერლანდები და ესპანეთი. საქართველო-ევროკავშირის ასოცირების საბჭოს გადაწყვეტილების შედეგად, საქართველოში რეგისტრირებულ ნებისმიერ ბიზნესს უფლება ექნება, მიიღოს მონაწილეობა ევროკავშირის 27 წევრი ქვეყნის ცენტრალური ხელისუფლების ორგანოების მიერ გამოცხადებულ შესყიდვებში და ამ ბაზარზე გაუწიონ ღია და სამართლიანი კონკურენცია მსოფლიოს სხვა მიმწოდებლებს. სტუმარი: გეგი ქელბაქიანი - "Reforma construction management company"-ის დამფუძნებელი; #ახალიამბები #BusinessMediaGeorgia
საქართველოში ბოლო პერიოდში ექსტრემალური ტურიზმის სხვადასხვა სახეობა ვითარდება. ერთ-ერთი ყველაზე პოპულარული ველო ტურიზმია. ჩვენი ქვეყნის რელიეფი და ბუნება ქართველ თუ უცხოელ ველომოყვარულებს სხვადასხვა სირთულის მარშრუტებს სთავაზობს. თბილისიც, მათ შორის, ნელი ტემპით, მაგრამ მაინც ველო მეგობრული ქალაქი ხდება, ამაზე მეტყველებს ველოსიპედებზე მაღალი მოთხოვნა, მიუხედავად ინფლაციისა და ლარის კურსის მერყეობისა, რომელიც ავტომატურად აისახება იმპორტირებულ პროდუქციის ფასზე, ზრდის მიუხედავად, მოთხოვნა წლიდან წლამდე მზარდია. როგორია ველო ტურებზე მოთხოვნა და რამდენად განვითარებულია შესაბამისი ინფრასტრუქტურა საქართველოში? სტუმრები: დანიელ დოინიცინი - “Skigeorgia”-ს დამფუძნებელი; მარ მიხელიძე - კავკასიის ველოქსელის თანადამფუძნებელი; #ახალიამბები #BusinessMediaGeorgia
2021 წლის 6 თვეში საქართველოდან 1,745 ტონა საზამთრო გავიდა, 2022 წლის ანალოგიურ პერიოდში კი, 819 ტონა, რაც სემცირების მაჩვენებელია. გასულ წელს პროდუქტი სომხეთსა და რუსეთში გაიყიდა, წელს კი, საექსპორტო ქვეყნებში რუსეთი აღარ არის. რამდენიმე კვირის წინ კახეთში საზამთროს იმპორტის აკრძალვის მოთხოვნით აქციები გაიმართა. საზამთროს ბაღების მფლობელი ფერმერები აცხადებდნენ, რომ იმპორტირებული საზამთროს ღირებულება უფრო დაბალი იყო, ვიდრე ადგილობრივის. სტუმარი: ნიკა ჩუგოშვილი - ფერმერი; #ახალიამბები #BusinessMediaGeorgia
“საქართველოს ევროპული ფორუმი“ წარმოადგენს არაპარტიზანულ, მრალვასექტორულ და არაფორმალური დიალოგის პლატფორმას, რომელიც შეიქმნა 2022 წლის 4 მარტს. ორასზე მეტმა სამოქალაქო ორგანიზაციამ, აქტივისტმა, პოლიტიკოსმა, ჟურნალისტმა და აკადემიური სფეროს წარმომადგენლებმა მხარი დაუჭირა ფორუმის საქმიანობას და გამოთქვეს მზაობა მონაწილეობა მიიღონ არაფორმალურ დიალოგში, რათა ჩაერთონ დემოკრატიისთვის მნიშვნელოვანი ეროვნული სამოქმედო გეგმის შემუშავებაში. სტუმრები: ნათია ზოიძე - სექტორი 3-ის აღმასრულებელი დირექტორი; ლევან ცუცქირიძე - EECMD-ის აღმასრულებელი დირექტორი. #ახალიამბები #BusinessMediaGeorgia
ყველაფერი კონტაქტებია - ალტე უნივერსიტეტის ბიზნეს ადმინისტრირების სამაგისტრო პროგრამა სტუმრები: ნანა მიქაშავიძე - "ალტე უნივერსიტეტის" ბიზნეს სკოლის დეკანი; ანი ამირანაშვილი -"ალტე უნივერსიტეტის" მარკეტინგისა და PR-დეპარტამენტის ხელმძღვანელი #ახალიამბები #BusinessMediaGeorgia
საქმის კეთება თანამედროვე ტექნოლოგიების დახმარებით გადაწყდა და დიგიტალიზაციის სერვისით PHARAO-ს გუნდის მიერ შექმნილი სტარტაპი ლაზერული სკანიერებით ადამიანის სუპერ რეალისტურ 3D სკანირებულ ფორმას ინახავს. როგორია ფარაოს ბიზნეს მოდელი და რა გეგმები აქვთ ფარაოს დამფუძნებლებს? სტუმარი: გივი გამყრელიძე - pharao-ს დამფუძნებელი; #ახალიამბები #BusinessMediaGeorgia
ფოთში დაფუძნებული სამშენებლო და მასალების კომპანია შპს ,,პრაიმ ბეტონი’’ „კორპორაცია ფოთის საზღვაო ნავსადგურისთვის’’ ფოთის პორტის გაფართოების პროექტს ახორციელებს. პროექტი ახალი ღრმაწყლოვანი მულტიფუნქციური პორტის მშენებლობას ითვალისწინებს, რის შედეგადაც, ყოველწლიურად პორტს 50 მილიონი ტონა ტვირთბრუნვის შესაძლებლობა ექნება. გეგმის მიხედვით, პროექტის მართვას საერთაშორისო ექსპერტთა გუნდი ოთხას ადგილობრივ კონტრაქტორთან ერთად უზრუნველყოფს. პროექტის განხორციელება შემდგომი სამი წლის განმავლობაშია გათვლილი. პროექტის მასშტაბიდან გამომდიანარე სამუშაო ძალაც შესაბამისად დიდი რაოდენობით დასჭირდა მის განხორციელებას, რისთვისაც იუსაიდის პროგრამის დამსაქმებლები პროფესიული განათლებისათვის ფარგლებში, საპილოტე რეჟიმში სამშენებლო კომპანიასა და ევროპის ბიზნეს ასოციაციას შორის შემუშავებული პროექტით შპს ,,პრაიმ ბეტონი’’ პირდაპირ იქნება ჩართული პრაქტიკული პროფესიული სასწავლო კურსის შექმნაში, რომლის მიზანიც იქნება სამშენებლო სექტორში დამსაქმებლების მიერ მოთხოვნილი პროფესიული უნარების გაუმჯობესება. როგორ შეიძლება სამუშაო ძალაზე მოთხოვნა მიწოდების დისბალანსის აღმოფხვრა და საჭირო კვალიფიკაციის კადრების მომზადება იუსაიდთან პარტნიორობით წარმოგიდგენთ კიდევ ერთ ამბავს და ისტორიას. სტუმარი: ალექსანდრე სოკოლოვსკი - „პრაიმ ბეტონის“ დირექტორი; #ახალიამბები #BusinessMediaGeorgia
ბოლო კვირების განმავლობაში ლარის კურსი მყარდება. 26 ივლისის ვაჭრობის შედეგად, საქართველოს ეროვნული ვალუტა აშშ დოლართან მიმართებით კიდევ 0.31 თეთრით გამყარდა, შედეგად ერთი დოლარის ოფიციალური ღირებულება 2.78 ლარი გახდა. კურსის მეტ-ნაკლებმა დასტაბილურებამ საზოგადოებაში გააჩინა მოლოდინები რომ პროდუქტებსა და მომსახურებაზე ფასები უნდა შემცირდეს. იძლევა თუ არა დღევანდელი ადგილობრივი თუ საერთაშორისო პირობები ფასების დაწევის საფუძველს? #ახალიამბები #BusinessMediaGeorgia
Azimut Yachts საქართველომ 2019 წლის შემდგომ საქართველოში ჯამში 17 მცურავი ობიექტი, მათ შორის იახტა და კატერი გაყიდა. როგორც Azimut Yachts საქართველოს წარმომადგენლობის ხელმძღვანელი გიორგი ჩიკვაიძე forbes-სთვის ჩაწერილ ინტერვიუში აღნიშნავს, ამ გაყიდვების მაჩვენებელმა კომპანიის მენეჯმენტის მოლოდინსაც კი გადააჭარბა. გიორგი ჩიკვაიძე საუბრისას განმარტავს, რომ საქართველოში სექტორის განვითარებისთვის პირველ რიგში საზღვაო ინფრასტრუქტურის აქტიური მოწესრიგება უნდა დაიწყოს, რათა ქვეყანაში საიახტო ინდუსტრიაზე მიბმული სხვადასხვა ბიზნესები მის პროპორციულად განვითარდეს. გიორგი ჩიკვაიძე - Azimut Yachts საქართველოს წარმომადგენლობის ხელმძღვანელი; #ახალიამბები #BusinessMediaGeorgia
2023 წლის 31 დეკემბრის შემდეგ იტალიის სანაპიროებზე მხოლოდ ის ბიზნესები შეძლებენ ოპერირებას, რომლებიც სახელმწიფო ტენდერში გაიმარჯვებენ. საუბარია სანაპირო კლუბებზე, კაფე-ბარებსა და რესტორნებზე, შეზლონგების ქირაობაზე თუ ნებისმიერ სხვა ბიზნეს საქმიანობაზე. სტუმარ-მასპინძლობის იტალიურ ინდუსტრიაში კი აცხადებენ, რომ “ცვლილება - Dolce Vita ცხოვრების წესს რისკის წინაშე აყენებს”. #ახალიამბები #BusinessMediaGeorgia
თეთრიწყაროს რაიონის სოფელი ასურეთი გამორჩეული სახლებითა და არქიტექტურული ნაგებობებით, საქართველოს ყველა სხვა სოფლისაგან განსხვავდება. სოფელი, ორი საუკუნის წინ, საქართველოში ჩამოსახლებულ გერმანელ კოლონისტებს აუშენებიათ. თეთრი ქვით, ცემენტისა და ლურსმნის გარეშე აგებული სახლებისა და მუხის აივნების გამძლეობა აქაურ მაცხოვრებლებს დღემდე აოცებთ. შემდეგ გერმანელები გადაასახლეს და ტერიტორიაზე რაჭველები დასახლდნენ, თუმცა წლებთან ერთად სოფელი ნანგრევებად იქცა და ადამიანებისგანაც დაიცალა. ბოლო ლწბეში კი ისევ გაჩნდა ინტერესი და დაიწყეს შენება-რეაბილიტაცია-აღდგენა. მიტოვებულ სახლებშიც შუქი აინთო და ადამიანებმა დაბრუნება დაიწყეს. #ახალიამბები #BusinessMediaGeorgia
#საქმიანიდილა - გიორგი ისაკაძის პროლოგი - 27 ივლისი #ახალიამბები #BusinessMediaGeorgia
ერევანს 07:00 საათიდან მუსიკა გააღვიძებს - მერის ინიციატივა #ახალიამბები #BusinessMediaGeorgia
ზაფხულის ის პერიოდი ახლოვდება, როცა ქალაქიდან დასაქმებულები გადიან და დასვენების ადგილად ზღვისპირა ქალაქს ირჩევენ. ბათუმის მიმართულება ამ სეზონზე ყოველთვის ყველაზე მაღალია, ამიტომ, მოვიკითხეთ ფასები, გაძვირებული საწვავის პირობებში, რა გვიჯდება ბათუმში ჩასვლა ნებისმიერი ალტერნატიული ტრანსპორტით. ჩვენი საქმიანი მაყურებლისთვის უკვე ცნობილია, რომ თბილისი ბათუმის მიმართულებით მატარებლით მგზავრობა გაძვირდა, თუმცა სხვა მიმაღტულებებზე ფასი უცვლელი დარჩა… რა თანხა გვჭრდება მგზავრობისთვის და რამდენად ინფორიმრებულები არიან მგზავრები განახლებულ ტარიფებთან დაკავშირებით. #ახალიამბები #BusinessMediaGeorgia
ალბათ შეგიმჩნევიათ, თუ არადა აუცილებლად შემაჩნევთ საქართველოს რამდენიმე ქალაქში უჩვეულო საგზაო ნისნები გამოჩნდა, რომელიც საგზაო მოძრაობის კულტურის ამაღლებას ემსახურება. კამპანია, რომლის მიზნებზეც და მნიშვნელობაზეც რამდენიმე წუთში ვისაუბრებთ, „თეგეტა ჰოლდინგმა“ წამოიწყო. რაც შეეხება სიმბოლოებს, ისინი როგორც მძღოლების, ისე ქვეითების მანკიერ ქმედებებს წარმოაჩენს და ერთი მხრივ, კონკრეტულ პრობლემებზე საზოგადოების ინფორმირებისა და ცნობიერების ამაღლების ფუნქციას ასრულებს, მეორე მხრივ კი, მოქალაქეებს ქცევის ცვლილებისკენ უბიძგებს. დათა ქაჯაია - ავტომრბოლელი; #ახალიამბები #BusinessMediaGeorgia
დღეს, ხსნადი ყავა ნატურალური ნივთიერებების მხოლოდ 15%-ს შეიცავს, დანარჩენი კი სხვა დანამატებზე მოდის, თუმცა იმის დადგენა, თუ რა დანამატებია ხსნად ყავაში, რომელიც ჩვენი ყოლველდღიურობის ნაწილია, რთულია. შესაბამისად, ხშირად არც ვიცით რა შემადგენლობის ყავას ვსვამთ. რა გავლენა შეიძლება ჰქონდეს უხარისხო და დაბალფასიან ყავას ჩვენს ჯანმრთელობაზე და რა უნდა ვიცოდეთ, როცა არჩევანს ყოველდღიურად ყავის მარტივ ალტერნატივაზე, ხსნად ყავაზე ვაკეთებთ? #ახალიამბები #BusinessMediaGeorgia
კომერციულ ფართებზე 2022 წლიდან მოთხოვნამ საგრძნობლად იმატა. მოთხოვნის ზრდასთან ერთად გაზრდილია ფასებიც. ზოგიერთ კომპანიაში 90%-იანია დატვირთვის მაჩვენებელი. მათი სივრცეები დატვირთულია, როგორც ქართული, ასევე საერთაშორისო კომპანიებით. ზოგგან გასული წლის იგივე პერიოდთან შედარებით წელს იჯარაზე ფასები 17%-ით გაზარდეს, რაც საოფისე ფართებზე მოთხოვნის ზრდით, ასევე გაძვირებული კომუნალური გადასახადებითაა განპირობებული. #ახალიამბები #BusinessMediaGeorgia
სასტუმრო ჰილტონმა მედია ჰოლდინგ The financial-ის მიერ ორგანიზებულ green business forum 2022-ს უმასპინძლა. შეხვედრაზე კომპანიებმა, სამთავრობო და არასამთავრობო სექტორის წარმომადგენლებმა, მწვანე ეკონომიკისა და ნარჩენების სწორი მართვის მნიშვნელობაზე ისაუბრეს. აღსანიშნავია, რომ კომპანია არემჯი green business forum-ის რიგით მეექვსე სპონსორია. არემჯიმ თანამშრომლობის ფარგლებში ღონისძიებაზე ბოლნისური ღვინოებიც წარადგინა, რითაც გაერთიანება ბოლნისურ ღვინოს კიდევ ერთხელ გაუწია პოპულარიზაცია. ინფორმაციისთვის გეტყვით იმას, რომ green business forum პრეზენტაციების ღონისძიებაა რომლის მიზანი კომპანიების გარემოსდაცვითი პოლიტიკის, პროექტებისა და მათი შედეგების წარმოჩენაა. #ახალიამბები #BusinessMediaGeorgia
მსოფლიოში ოქროს ფასი მცირდება. დღეისათვის ლონდონის საერთაშორისო ბირჟაზე 1 უნცია ძვირფასი ლითონის ღირებულება 1 724 დოლარი ღირს, რაც მარტთან შედარებით დაახლოებით 18%-ით შემცირებული მაჩვენებელია. ოქრო გაიაფდა საქართველოშიც, ოქროს ბირჟებზე აცხადებენ, რომ კლება 35-40ლარია, რაც საერთაშორისო დონეზე კლების მაჩვენებელს აღემატება. რის ხარჯზე მცირდება ფასი ადგილობრივ ბაზარზე? #ახალიამბები #BusinessMediaGeorgia
2022 წლის შშმ პირთა თანასწორობის ინდექსის მიხედვით, დღესდღეობით კომპანიები ლიდერობისა და თანამშრომელთა ინკლუზიურობისთვის, განსაკუთრებული საჭიროების მქონე დასაქმებულების მხარდაჭერას აგრძელებენ, რაც შშმ პირების სამუშაო ადგილზე ჩართულობას გულისხმობს. რომელი კომპანიები დასახელდა შშმ პირების საუკეთესო დამსაქმებლად? #ახალიამბები #BusinessMediaGeorgia
დუბაი მეტავერსში 40 000 სამუშაო ადგილის შექმნის შესახებ აანონსებს, რაც ადგილობრივ ბიუჯეტს დამატებით 4 მილიარდი დოლარის შემოსავალს მოუტანს. ამის შესახებ გამოცემა ბლუმბერგი წერს. პროექტის სტრატეგია უკვე შემუშავებული და ჩაშვებულია, რაც დამატებითი წაახალისებს ინოვაციებს ტექნოლოგიურ სფეროში. Dubai’s Metaverse უკვე შეუერთდა უმსხილესი კომპანიების წარმომადგენლები, მათ შორისაა დეველოპერული სექტორიც. შედეგად კი, უახლოეს მომავალში არაბეთის გაერთიანებული საემიროები მდიდარი ემიგრანტებისთვის მთავარი მიზიდულობის ცენტრი გახდება. რას გეგმავს დუბაი და ვინ დასაქმდება Dubai’s Metaverse-ში? #ახალიამბები #BusinessMediaGeorgia
თიბისი კონცეპტის მულტიფუნქციური სივრცე ფრანგი ფოტოგრაფის ნატალი ტუფენკჯიანის გამოფენას Women of Georgia, Pearls of The Caucasus მასპინძლობს. პროექტი ნატალი ტუფენკჯიანის ჟან-მარკ ჰოფმანთან კოლაბორაციას წარმოადგენს. ბოლო ორი წელია, ხელოვანი ბუნებრივი განათების პორტრეტული ფოტოგრაფიითაა დაკავებული და ცდილობს, საკუთარ ობიექტივში საქართველოში მცხოვრები ქალების მრავალფეროვნება და განსხვავებულობა ასახოს. მისი პორტფოლიო არაერთ მამაც, თავდადებულ, ძლიერ და გულისხმიერ ქალს მოიცავს. გარდა ამისა, ტუფენკჯიანს გადაღებული აქვს ხელოვანი ქალების პორტრეტებიც. Women of Georgia, Pearls of The Caucasus ფართომასშტაბიანი პროექტია და ავტორი მასზე მუშაობას კვლავ აგრძელებს. გამოფენაზე წარმოდგენილი პორტრეტები ამ პროექტის მხოლოდ პირველი ეტაპია. გამოფენა 4 აგვისტომდე გაგრძელდება. პროექტის მხარდამჭერები არიან თიბისი ბანკი და საქართველოს ფრანგული ინსტიტუტი. #ახალიამბები #BusinessMediaGeorgia
#საქმიანიდილა - 26 ივლისი - პროლოგი #ახალიამბები #BusinessMediaGeorgia
$1.1 მილიარდი დოლარი ექვს თვეში და 1.43 მილიონი საერთაშორისო ვიზიტორი ამავე პერიოდში - ასეთია საქართველოში ტურიზმის აღდგენის ოფიციალური დინამიკა რაც პანდემიამდელი პერიოდთან შედარებით 44%-იან აღდგენას ნიშნავს. წინასწარი პროგნოზით, მატება მომდევნო თვეები კიდევ უფრო მეტი იქნება რადგან საქართველო საერთაშორისო ტურიზმიდან ყველაზე მეტ შემოსავალს სწორედ ზაფხულის პერიოდში იღებს. ტურისტებს ელიან განმუხურსა და ანაკლიაშიც, მაგრამ საზღვაო კურორტები, ჯერჯერობით, ფაქტობრივად, ცარიელია. წელს კურორტზე არ გაიმართება არც ელექტრონული ფესტივალი - მიზეზი საორგანიზაციო საკითხების მოუგვარებლობაა. რა ხდება კურორტზე და რას ითხოვს ადგილობრივი ბიზნესი ამ თემაზე საუბარს Anaklia resort Pratap signature-ს მმართველი კომპანიის წარმომადგენელთან ნინა გაჩეჩილაძესთან ერთად გავაგრძელებთ საუბარს, რომელიც ჩაგვერთვება ანაკლიიდან. სტუმარი: ნინა გაჩეჩილაძე - Anaklia resort Pratap signature-ს მმართველი კომპანიის წარმოამდგენელი; #ახალიამბები #BusinessMediaGeorgia
ინტერვიუ TAV Georgia-ს გენერალურ მენეჯერთან, თეა ზაქარაძესთან
საინტერესო სიახლე უნდა გაგაცნოთ, რისი შესაძლებლობაც ამერიკის შეერთებული შტატების საერთაშორისო განვითარების სააგენტოს - USAID-ის მიერ გაწეული დახმარების შედეგად, კერძოდ USAID-ის პროგრამა „დამსაქმებლები პროფესიული განათლებისთვის“ თანამშრომლობის ფარგლებში გვეძლევა. საქართველოს აგრარული უნივერსიტეტის კულინარიის აკადემიამ და თავისუფალი უნივერსიტეტის ბიზნესის სკოლამ კერძო სექტორთან პარტნიორობით ახალი სასერტიფიკატო პროგრამა - კულინარია და რესტორნის მენეჯმენტის შემუშავება დაიწყო. პროგრამის შემუშავების მიზნით ურთიერთთანამშრომლობის მემორანდუმი გაფორმდა საქართველოს აგრარულ უნივერსიტეტს, თბილისის თავისუფალ უნივერსიტეტს, McDonald’s Georgia-ს, საერთაშორისო სავაჭრო პალატის საქართველოს ეროვნულ კომიტეტს და სტრადას ქსელს შორის. გარდა ამისა, პროექტში ჩართული იქნება 20-მდე კვების ობიექტი. პროექტის განხორციელება ამერიკის შეერთებული შტატების საერთაშორისო განვითარების სააგენტოს - USAID-ის მიერ გაწეული დახმარების შედეგად, კერძოდ USAID-ის პროგრამა „დამსაქმებლები პროფესიული განათლებისთვის“ თანამშრომლობის ფარგლებში გახდა შესაძლებელი. სტუმარი: ვატო ლეჟავა - თავისუფალი და აგრარული უნივერსიტეტების რექტორი; #ახალიამბები #BusinessMediaGeorgia
ზუსტად 3 თვის წინ ძალაში შევიდა ახალი ნორმატიული აქტი, რომლის მიხედვითაც მართვის მოწმობის აღება ორნაწილიანი გახდა და მომავალ მძღოლებს ცოდნის დამტკიცება დახურულ მოედანთან ერთად, ქალაქში მოძრაობითაც უწევთ. როგორ მუშაობს ცვლილება რეალობაში? სტუმარი: გიორგი ბერიშვილი - "არტ დრაივის" დამფუძნებელი; #ახალიამბები #BusinessMediaGeorgia
მიმდინარე წლის ოქტომბრიდან, ტაილანდიდან თბილისის მიმართულებით პირდაპირი ფრენები დაიწყება. ბანგკოკი-თბილისის რეისი ავიაკომპანია thai airasia x-ის მიერ კვირაში ორჯერ განხორციელდება. ამის შესახებ სამოქალაქო ავიაციის გადაყვანა-გადაზიდვების დეპარტამენტის უფროსმა, მინდია მინდიაშვილმა განაცხადა. პატალელურად, Eurowings-მა შტუტგარტი-თბილისი-შტუტგარტის მიმართულებაზე ოპერირებაც დაიწყო და იზრდება მგზართნაკადის რაოდენობაც საქართველოს აეროპორტებში. #ახალიამბები #BusinessMediaGeorgia
Galt&Taggart;-ის მხარდაჭერით, „კაპიტალის ბაზრის მხარდაჭერის პროგრამის“ საგანმანათლებლო სერიის ფარგლებში გარემოსდაცვითი, სოციალური და მმართველობითი ემისიების შესახებ მასტერკლასი ჩატარდა. ღონისძიება ევროპის რეკონსტრუქციისა და განვითარების ბანკის (EBRD) კაპიტალის და ფინანსური ბაზრების განვითარების გუნდის მიერ, ევროკავშირის ფინანსური მხარდაჭერით განხორციელდა. მწვანე ობლიგაციების ბაზარი მიზნად ისახავს განსაზღვროს და განავითაროს კაპიტალის ბაზრის როლი ისეთი პროექტების დაფინანსებაში, რომელთაც წვლილი შეაქვთ გარემოსდაცვითი მდგრადობის უზრუნველყოფაში. მწვანე ობლიგაციის პრინციპები (მოპ) ხელს უწყობს მწვანე ობლიგაციების ბაზრის მთლიანობას ისეთი გზამკვლევის საშუალებით, რომელიც რეკომენდაციას უწევს გამჭირვალობას, ინფორმაციის საჯაროობასა და ანგარიშგებას. მწვანე ობლიგაციის პრინციპები ბაზრის მონაწილეებისთვისაა განკუთვნილი და მიზნად ისახავს უზრუნველყოს ისინი მწვანე პროექტებში კაპიტალის განთავსებისათვის საჭირო ინფორმაციით. მწვანე ობლიგაციის პრინციპების მიზანია დაეხმაროს ემიტენტებს გახადონ თავიანთი ბიზნეს მოდელი გარემოსდაცვით მდგრადობაზე უფრო მეტად ორიენტირებული, ძირითადად, ობლიგაციებიდან მიღებული შემოსავლების კონკრეტულ პროექტებში მიზანმიმართვით. სტუმარი: ოთარ შარიქაძე - Galt&Taggart;-ის მმართველი დირექტორი; #ახალიამბები #BusinessMediaGeorgia
დაზღვევის ზედამხედველობის სამსახურის მიერ გამოქვეყნებული ანგარიშის თანახმად, 2022 წლის 3 თვის მონაცემებით, საქართველოში რეგისტრირებული ავტომობილების 7% დაზღვეულია. ფაქტია ავტომობილის დაზღვევა მოქალაქეებს გაუთვალისწინებელი ხარჯისგან იცავს. ქალაქში არსებული ქაოტური სიტუაციიდან გამომდინარე, რთულია იმის დაჯერება, რომ მანქანების დიდი ნაწილი დაზღვევის გარეშე მოძრაობს. საქართველოს ბაზარზე სადაზღვევო სექტორში მოქმედი ერთ-ერთი უმსხვილესი კომპანია ჯიპიაი ჰოლდინგი მომხმარებლებს ავტომობილის დაზღვევისთვის სხვადასხვა სახის, მათზე მორგებულ პაკეტს სთავაზობს. #ახალიამბები #BusinessMediaGeorgia
ნატურალმა კიდევ ერთი ფილიალი გახსნა. კომპანიისთვის ეს რიგით მეორე ობიექტია, რომელიც ცოტნე დადიანის 90 ნომერში მდებარეობს. ახალი სუპერმარკეტი მომხმარებლებს საკუთარი ფერმიდან მოყვანილ მაღალი ხარისხის პროდუქციას შესთავაზებს. ახლად გახსნილ ფილიალში ჯამში 50 ადამიანი დასაქმდება. სუპერმარკეტი მომხმარებლებს, 24 საათის განმავლობაში კვირაში 7 დღე მოემსახურება. კომპანიის დამფუძნებლის თქმით, მათი მიზანი ბაზრისთვის ისეთი ნატურალური პროდუქციის ყოველდღიურად მიწოდებაა, როგორიცაა ხორცი , რძის პროდუქტები და ხილ-ბოსტნეული. სუპერმარკეტ ნატურალის პირველი ფილიალი 2014 წელს გაიხსნა. #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
ვინ იყიდის დინამო თბილისს? #ახალიამბები #BusinessMediaGeorgia
#საქმიანიდილა - 25 ივლისი - პროლოგი #ახალიამბები #BusinessMediaGeorgia
ათასწლეულის ფონდი პროფესიული განათლების პროგრამების შესახებ საზოგადოების ინფორმირებას და მისი მნიშვნელობის და პოპულარიზაციის ხელშეწყობას აგრძელებს. ამჯერად პროფესიული განათლების ეროვნული ჯილდოს კანდიდატებთან ნახევარ ფინალი გაიმართა, რა დროსაც კანდიდატებსა და ჟიურის წევრებს შორის გასაუბრებები შედგა. #ახალიამბები #BusinessMediaGeorgia
ჯანმრთელობის მსოფლიო ორგანიზაციამ „მაიმუნის ყვავილთან“ დაკავშირებით, გლობალური საგანგებო მდგომარეობა გამოაცხადა. ჯანმო თავის გადაწყვეტილებას მსოფლიოში „მაიმუნის ყვავილით“ ინფიცირების შემთხვევების ზრდით ხსნის. WHO-ს ხელმძღვანელის ტედროს ადჰანომ გებრეისუსის თქმით, 75 ქვეყანაში 16 000-ზე მეტი შემთხვევაა რეგისტრირებული. მისივე ინფორმაციით, უკვე დაფიქსირდა ამ ვირუსით გარდაცვალების ხუთი ფაქტი. გებრეისუსის თქმითვე, საგანგებო კომიტეტმა ვერ მიაღწია კონსენსუსს რეჟიმის გამოცხადებასთან დაკავშირებით, თუმცა, აფეთქების სწრაფი გავრცელების გათვალისწინებით, WHO-ს გენერალურმა დირექტორმა გადაწყვიტა, რომ მაიმუნის ყვავილი საერთაშორისო შეშფოთების საგანია. WHO-ს ხელმძღვანელმა ასევე აღნიშნა, რომ დაავადების გადაცემის შესახებ ცნობილი ცოტა რამაა, რაც დაავადებას გავრცელების საშუალებას აძლევს. "ჯანდაცვის მსოფლიო ორგანიზაციის შეფასებით, მაიმუნის ყვავილის რისკი საშუალოა გლობალურად და ყველა რეგიონში, გარდა ევროპის რეგიონისა, სადაც ვაფასებთ რისკს, როგორც მაღალს", – განაცხადა გებრეისუსმა. მისივე თქმით, საგანგებო რეჟიმის გამოცხადება ხელს შეუწყობს ვაქცინებზე მუშაობის დაჩქარებას და ვირუსის გავრცელების შემაკავებელი ღონისძიებების განხორციელებას. WHO გამოსცემს რეკომენდაციებს, რომლებიც ქვეყნებს დაეხმარება მიიღონ ზომები ვირუსის შესაკავებლად და რისკის ჯგუფში შემავალი პირების დასაცავად. "ეს არის აფეთქება, რომელიც შეიძლება შეჩერდეს სწორ ჯგუფებში სწორი სტრატეგიების მეშვეობით", - თქვა გებრეისუსმა. #ახალიამბები #BusinessMediaGeorgia
ტარიფები და ხარისხი: არის თუ არა DRG გამოსავალი? სტუმრები: აკაკი ზოიძე - ჯანდაცვის სპეციალისტი; ზურაბ ჭიაბერაშვილი - ჯანდაცვის ყოფილი მინისტრი; ვახტანგ კალოიანი - "ევროპული საქართველო"-ს წევრი; #ახალიამბები #BusinessMediaGeorgia
შოტლანდიის ეროვნულმა გალერეამ ვინსენტ ვან გოგის აქამდე უცნობი ავტოპორტრეტი აღმოაჩინა. სპეციალისტებმა ხელოვნების ნიმუშს ვან გოგის ფერწერული ტილოს, „Head of a Peasant Woman“-ის რენტგენული გამოკვლევისას მიაგნეს. პროცედურა ნამუშევრის ედინბურგში, შოტლანდიის სამეფო აკადემიაში გამოფენის წინ ჩატარდა. ვან გოგის ავტოპორტრეტი, რომელიც „Head of a Peasant Woman“-ის უკანა მხარესაა დახატული, საუკუნეზე მეტი ხნის განმავლობაში ადამიანთა თვალისთვის შეუმჩნეველი რჩებოდა. ის წებოსა და მუყაოს ფენებით არის დაფარული. #ახალიამბები #BusinessMediaGeorgia
გაძვირებული საავიაციო საწვავი, თვითმფრინავების სერვისი და კადრების დეფიციტი, ეს არის პოსტ-პანდემიურ პერიოდში პრობლემების ნაწილი, რომელიც ავიაკომპანიებს აწუხებს. მათ შორის შიდა ფრენების განახორციელებელ „აკეარ ჯორჯიას“, რომელიც საქართველოს ოთხი საფრენოსნო მიმართულებით ფარავს. რა ღირს დღეს შიდა რეისების სუბსიდირებული ბილეთი, გაძვირდება თუ არა ის ოქტომბრის შემდეგ და რა გამოწვევები ავიაკომპანიას? BMGDRIVE-ის მგზავრი: ირინა მღებრიშვილი - ავიაკომპანია "აკეარ ჯორჯია"-ს ფინანსური და ადმინისტრაციული მენეჯერი; #ახალიამბები #BusinessMediaGeorgia
თეგეტა ზრუნვას აგრძელებს. საგზაო მოძრაობის წესების არც ისე მოყვარული ხალხის ქვეყანაში თეგეტა ჰოლდინგმა ახალი კამპანია დაიწყო, რომლის ფარგლებშიც მთელ საქართველოში უჩვეულო საგზაო ნიშნები გამოჩნდა. სიმბოლოები როგორც მძღოლების, ისე ქვეითების მანკიერ ქმედებებს წარმოაჩენს და ერთი მხრივ, კონკრეტულ პრობლემებზე საზოგადოების ინფორმირებისა და ცნობიერების ამაღლების ფუნქციას ასრულებს, მეორე მხრივ კი, მოქალაქეებს ქცევის ცვლილებისკენ უბიძგებს. სტუმრები: მარიამ კარკალაია - „თეგეტა ჰოლდინგის“ მარკეტინგის დირექტორი; ნათიკა ბერძული - „თეგეტა ჰოლდინგის“ სტრატეგიული კომუნიკაციების ხელმძღვანელი. #ახალიამბები #BusinessMediaGeorgia
გუშინ, თბილისში, IT-ინტეგრატორი კომპანიის, HT Solutions-ისა ორგანიზებით და თიბისის მხარდაჭერით რიგით მესამე საერთაშორისო ტექნოლოგიური კონფერენცია, DevSecOps Inspire-ი გაიმართა. კონფერენციის ფარგლებში დეველოპერებს, კიბერუსაფრთხოების სპეციალისტებსა და IT-მიმართულებით დასაქმებულ ადამიანებს მსხვილი საერთაშორისო ტექნოლოგიური კომპანიების უახლესი პრაქტიკების გაცნობის საშუალება ჰქონდათ. Axis Tower-ში მდებარე სასტუმრო Pullman-ში გამართულ ღონისძიებას 200-მდე ადამიანი დაესწრო, რომელთა წინაშე სიტყვით გამოვიდნენ Google Cloud-ის, HashiCorp-ის, Aqua Security-ის და სხვა მსხვილი ტექნოლოგიური კომპანიების წარმომადგენლები. #ახალიამბები #BusinessMediaGeorgia
ემ კვადრატს ბაზარზე სიახლე აქვს. კომპანია მომხმარებელს კომერციული ფართების შეძენას სთავაზობს, რაც იმას გულისხმობს, რომ დაინტერესებულ კლიენტებს სარფიანი შეტავაზებით სარგებლობის შემთხვევაში ფაქტობრიავდ საკუთარი ბიზნესის წამოწყება შეუძლიათ. ამ შეთავაზებით ემ კვადრატი ერთი მხრივ, ნებისმიერ მსურველს შესაძლებლობას აძლევს, თავისი პროდუქტის თუ მომსახურების შეთავაზების არეალი გააფართოვოს, მეორე მხრივ, კი - ემ კვადრატის კომპლექსებში მაცხოვრებლებს და ზოგადად ყველას, მათთვის სასურველი პროდუქტების და მომსახურბის ხელსაყრელ ადგილას მიღებას შეძლებენ. სტუმარი: ნიკოლოზ მეძმარიაშვილი - m² -ის გენერალური დირექტორი; სალომე ლაზიშვილი - m² -ის გაყიდვების სამსახურის ხელმძღვანელი. #ახალიამბები #BusinessMediaGeorgia
სმარტფონიდან კომპიუტერამდე, ავტომობილიდან თვითმფრინავამდე – ნახევარგამტარები და ჩიპები თანამედროვე სამყაროს უმნიშვნელოვანესი რესურსებია, რომელთა გარეშეც ტექნოლოგიური წარმოება და ახალი პროდუქციის შექმნა არათუ უბრალოდ რთული, არამედ შეუძლებელია. ყოველდღიურ ცხოვრებაში ნახევარგამტარების კოლოსალური მნიშვნელობის შესახებ ფართო საზოგადოებამ 2020 წელს, პანდემიის დადგომისთანავე შეიტყო. აქამდე ყველასათვის შეუმჩნეველი და, ერთი შეხედვით, არაფრით გამორჩეული დეტალი პლანეტის ერთ-ერთ ყველაზე მოთხოვნად რესურსად იქცა. მისი წარმოებისთვის შესაბამისი ადამიანური და მატერიალური რესურსები კი ევროპისა და აშშ-ის მასშტაბითაც კი ვერ მოიძებნა. რასთან გვაქვს საქმე, რატომ არის და რა არის ასეთი მნიშვნელოვანი ჩიპების და ნახევარგამტარების წარმოებაში, რომელმაც შექმნა დეფიციტი დაწყებული ავტომობილების მიწოდებიდან, დასრულებული რიგითი საყოფაცხოვრებო ნივთებით? #ახალიამბები #BusinessMediaGeorgia
მიგრაცია და ტურისტული ნაკადების მატება მზარდი ბაზრებიდან აჭარაში არარეზიდენტების უნაღდო დანახარჯებზეც აისახება. თიბისი კაპიტალის განახლებული ანგარიშით არარეზიდენტების უნაღდო დანახარჯების ნახევარი წელს თურქეთზე, ისრაელზე და უკრაინაზე მოდის. სტუმრების ხარჯვითი ქცევა ქვეყნების მიხედვით განსხვავებულია, თუმცა, გარეთ კვება არარეზიდენტების დანახარჯების სტრუქტურაში 2022 წელსაც მოზრდილ ადგილს იკავებს. სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
კომპანია ,,აგრონომი“ საქართველოში პესტიციდების, მინერალური სასუქების, სათესლე მასალის და სოფლის მეურნეობაში გამოსაყენებელი მცირე ტექნიკის ერთ-ერთი მსხვილი იმპორტიორია. ის საქართველოს ბაზარზე 2008 წელს გამოჩნდა და სოფლის მეურნეობაში ჩართულ მომხმარებელთა ერთ-ერთ პირველ მხარდამჭერად იქცა. კომპანია საქართველოს სხვადასხვა რეგიონში 11 მომსახურების ცენტრითაა წარმოდგენილი. აგრონომის მომხმარებლებს შორის განვითარებასა და ინოვაციებზე ორიენტირებული ფერმერები, მცირე დილერები და სოფლის მეურნეობის დარგში მოღვაწე მსხვილი მწარმოებლები არიან. #ახალიამბები #BusinessMediaGeorgia
თბილისში „მაკდონალდსის“ ახალი, ეკომეგობრული რესტორანი გაიხსნა. ახალი რესტორანი, რომელიც თიბისი ბანკის მხარდაჭერითა და ხელშეწყობით გაიხსნა, მომხმარებლებს კახეთის გზატკეცილზე დღეიდან მასპინძლობს. ქვეყნის მასშტაბით ეს „მაკდონალდსის“ რიგით მე-19 რესტორანია. ახალ საინვესტიციო პროექტში კომპანიამ 11 მილიონ ლარამდე ინვესტიცია განახორციელა და 60-მდე ადამიანი დაასაქმა. კახეთის გზატკეცილზე მდებარე რესტორანი გამორჩეულია იმით, რომ ეკომეგობრული კონცეფციისაა. რესტორნის სახურავი მზის მიკროელექტროსადგურის პანელებით არის აღჭურვილი, ხოლო პარკინგზე მომხმარებელს შესაძლებლობა ექნება ელექტრომობილებისთვის განკუთვნილი დამტენებით ისარგებლოს. აღსანიშნავია, რომ „მაკდონალდს საქართველო“ როგორც მაღალი სოციალური პასუხისმგებლობის მქონე კომპანია, ზრუნავს გარემოზე და მუდმივად შეაქვს საკუთარი წვლილი გარემოს დაცვის მიმართულებით. რესტორნის ტერიტორიის მხოლოდ 30% მოიცავს სარესტორნე სივრცეს, უდიდესი ნაწილი - 70% კი სრულად ეთმობა რეკრეაციულ ზონას, რაც საბოლოო ჯამში, ქალაქის იერ-სახის შენარჩუნებასა და მწვანე ზონების განვითარებას უწყობს ხელს. #ახალიამბები #BusinessMediaGeorgia
საქპატენტის, USAID-ის ეკონომიკური უსაფრთხოების და USAID-ის ეკონომიკური მმართველობის პროგრამების ფარგლებში ონლაინ მეკობრეობის წინააღმდეგ დიალოგის სერია გაიმართა. დიალოგში მონაწილეობას კერძო და საჯარო სექტორის წარმომადგენლები, საერთაშორისო ორგანიზაციები და ექსპერტები იღებდნენ. მხარეებმა კრეატიული ინდუსტრიების სექტორში არსებული გამოწვევები და ინტელექტუალური საკუთრების უფლებების აღსრულების ახალი ე.წ. „შეტყობინება-აღების” (Notice-and-Takedown) მექანიზმი განიხილლეს. USAID-ისა და საქპატენტის ერთობლივი პროგრამა მიზნად კრეატიული ინდუსტრიის ბიზნეს გარემოს გაჯანსაღებას ისახავს მიზნად, ამ პროცესში კი მთავარ პრობლმად მეკობრობა გამოვლინდა. გეტყვით იმასაც, რომ 2020 წლიდან, USAID-ის ეკონომიკური მმართველობის პროგრამასთან და საქპატენტთან ერთად, მეკობრეობის წინააღმდეგ პოლიტიკის ჩარჩოს გაუმჯობესებისა და ონლაინ სივრცეში ინტელექტუალური საკუთრების უფლებების დაცვის ხელშეწყობისთვის მთელი რიგი ინიციატივები ხორციელდება. #ახალიამბები #BusinessMediaGeorgia