მსოფლიოს მასშტაბით ტვირთის გადაზიდვის ხარჯები რეკორდულად მცირდება. პანდემიის შედეგად 2021 წლის სექტემბერში კონტეინერით სარგებლობის საფასურმა 11,000-დოლარიან ნიშნულს გადააჭარბა, მიმდინარე წელს კი ფასები მკვეთრად დაეცა და ბოლო მონაცემებით, გადაზიდვის გლობალური ინდექსი დამატებით 5%-ით შემცირდა, კონტეინერის გამოყენების საფასურმა კი 4,862 დოლარი შეადგინა. საკონტეინერო გადაზიდვების ფასები რეკორდული ზრდისკენ გზას პოსტ-პანდემიურ, ეკონომიკური აღდგენის პერიოდში დაადგა და ისტორიულ მაქსიმუმს 2021 წლის სექტემბერში მიაღწია. ზრდის ძირითადი მიზეზები, ერთი მხრივ, სავაჭრო ბუმი და მეორე მხრივ, პანდემიის შედეგად ქვეყნებს შორის სავაჭრო მარშრუტების გადანაცვლება იყო, რამაც გადაზიდვები უფრო რთული და ძვირი გახადა. რა ასახვას ჰპოვებს ტვირთების გადაზიდვების ხარჯის კლება გასაყიდი პროდუქციის? სტუმარი: ედიშერ ხიმშიაშვილი - "ნოვას" გენერალური დირექტორი; #ახალიამბები #BusinessMediaGeorgia
სურსათის ეროვნული სააგენტო დარჩენილი ბიზნეს სუბიექტებისთვის საფრთხის ანალიზისა და კრიტიკული საკონტროლო წერტილების (HACCP) სისტემის დანერგვის გადავადებას ითხოვს. მიზეზი ინფრასტრუქტურული, პრაქტიკული და ფინანსური პრობლემების არსებობაა. სეს-ში თვლიან, რომ ბიზნეს ოპერატორებს ვადა კიდევ 2 წლით, 2025 წლის 1 ივნისამდე უნდა მიეცეთ. HACCP-ის დანერგვის მოთხოვნა საქართველოს კანონმდებლობაში 2006 წელს შევიდა. ვალდებულება, ასევე, გათვალისწინებულია ასოცირების შეთანხმების ფარგლებში, როგორც ერთ-ერთი პირველი, საბაზისო ნაბიჯი სურსათის უვნებლობის სისტემის რეფორმირებისათვის. ევროკავშირის შესაბამის ნორმატიულ აქტებთან საქართველოს კანონმდებლობის დაახლოება ჯერ კიდევ 2015 წელს იყო დაგეგმილი. მიუხედავად ამისა, საქართველოს კანონმდებლობა აღნიშნული მოთხოვნის დარღვევისათვის სანქციებს არ ითვალისწინებდა და ეს მხოლოდ ნაბიჯ-ნაბიჯ, 2015 წლიდან სხვადასხვა ტიპის ბიზნესოპერატორებისათვის დგინდებოდა, რომელიც ჯერ ისევ არ დასრულდებულა. ამჟამად HACCP-ის დანერგვის ვალდებულება მეწარმეთა შემდეგ ჯგუფებზე ვრცელდება: ბიზნესოპერატორები, რომლებიც ახორციელებენ ცხოველური წარმოშობის სურსათის წარმოებას ან/და გადამუშავებას; ბიზნესოპერატორები, რომლებიც საცალო ვაჭრობის პუნქტში ახორციელებენ სურსათის წარმოებას/გადამუშავებას; ბიზნესოპერატორები, რომლებიც ახორციელებენ ექსპორტისთვის განკუთვნილი თხილის გულისა და გადამუშავებული თხილის გულის დამზადებას. ყველა სხვა ბიზნესოპერატორისათვის კი HACCP 2023 წლის 1 ივნისიდან უნდა გამხდარიყო სავალდებულო, ესენია მაგალითად შემდეგი პროდუქციის მწარმოებლები: პურ-ფუნთუშეულის და საკონდიტრო ნაწარმის; ნატურალური და მინერალური წყლის; უალკოჰოლო სასმელების; მცენარეული პროდუქტებიდან დამზადებული კონსერვების; მცენარეული ნედლეულიდან მზა სურსათის წარმოების და სხვა. არასამთავრობო ორგანზიაცია მომხმარებელი.გე აცხადებს, რომ 16 წლის შემდეგ პროცესის კიდევ გადავადება საქართველოში სურსათის უვნებლობის სფეროში მიმდინარე რეფორმასა და ამ მიმართულებით ევროკავშირთან დაახლოების პროცესს დიდ ზიანს მიაყენებს. შესაბამისი მოთხოვნით მათ მთავრობას 1 თვის წინ მიმართეს. სტუმარი: ვახტანგ კო #ახალიამბები #BusinessMediaGeorgia
უკვე წლებია გლდანის მოსახლეობა ტოქსიკური ნამწვით იწამლება, რომლის ძირითადი წყარო გლდანში არსებული არასაყოფაცხოვრებო ნარჩენების ნაგავსაყრელი და მიმდებარე ტერიტორიაზე ნარჩენების უკანონო წვაა. რამდენად მძიმეა ადგილზე სურათი, მითუფრო ზაფხულში, როცა მაცხოვრებლებს არსებული მძიმე სუნის გამო ფანჯრის გაღებაც კი არ შეუძლიათ, ამ თემაზე ვრცელი სტატია ნეტგაზეთმა მოამზადა. მასალაში მაცხოვრებლები ჰყვებიან ჯანმრთელობის მდგომარეობის გაუარესების შესახებ და ამბობენ, რომ ხშირად რეზინის თუ პლასტმასის ნამწვის გამო საცხოვრებლის დატოვებაც უწევთ. პრობლემის შესახებ იცის როგორც თბილისის მერიამ, ისე რაიონულმა გამგეობამ, დედაქალაქის საკრებულომ, გარემოს დაცვის სამინისტრომ თუმცა მიუხედავად ამისა მისი გადაჭრის გზა ამ დრომდე ვერ გამოინახა. ნეტგაზეთისთვის მიწოდებული ინფორმაციიდან ირკვევა, რომ სახელმწიფო უწყებები გლდანში საერთოდ ჰაერის დაბინძურების დონეს საერთოდ არ ზომავენ. გარემოს სააგენტოსა და გარემოს ზედამხედველობის დეპარტამენტში ამბობენ, რომ ჰაერის გაზომვა აქ იმ შემთხვევაში დაიგეგმება, თუ ამ მოთხოვნით მათ ვინმე მიმართავს. ორგანიზაცია „ჩემი ქალაქი მკლავს“ დამფუძნებელი გიორგი ჯაფარიძე კი რომელიც ორგანიზაციის წევრებთან ერთად ტერიტორიაზე პერიოდულად ჰაერს ზომავს აცხადებს, რომ აქ ჰაერის დაბინძურება ზოგჯერ ნორმას 10-20-ჯერ აღემატება. სტუმარი: კონსტანტინე ზარნაძე - თბილისის საკრებულოში გლდანის მაჟორიტარი; #ახალიამბები #BusinessMediaGeorgia
პარლამენტი სახელმწიფო შესყიდვების კანონში შესატან ცვლილებებს განიხილავს, რომელთა მიზანიც ქართული კანონმდებლობის EU-ს ნორმებთან დაახლოებაა. ვრცელ საკანონმდებლო პაკეტში საუბარია გამარტივებული შესყიდვების შესახებაც, რომლეთაც მთავრობა სხვადასხვა მიზეზით საკმაოდ აქტიურად იყენებს. ახალ კანონპროექტში გამარტივებული შესყიდვის პროცედურას ეცვლება სახელი და მას “წინასწარი გამოქვეყნების გარეშე მოლაპარაკების პროცედურა” ერქმევა. ასევე ცვლილებები შედის ამ შესყიდვების გამოცხადების და არგუმენტირების წესებში. ძირითადი წინაპირობა, რომლითაც ასეთი შესყიდვები უნდა ჩატარდეს, არის “გადაუდებელი აუცილებლობა”, რაც ამჟამად არსებულ არსებულ წესთან შედარებით უფრო ვიწროა. თუმცა, უცნობია რა სახით იმოქმედებს ეს ამ შესყიდვების რაოდენობაზე. გამარტივებული შეტყიდვის პროცედურის გამოყენება საქართველოში უცხო ნამდვილად არ არის, პირიქით ზოგჯერ არასაჭიროდ ხშირადაც გამოიყენება. გამარტივებული შესყიდვებით მთავრობა როგორც საჩქარო, ასევე მიმდინარე პროექტებს ახორციელებს. მაგალითად, თბილისობის ან ახალი წლების კონცერტების ორგანიზება, სპორტული ღონისძიებების მასპინძლობისთვის ახალი სტადიონების და ინფრასტრუქტურის მშენებლობა და ამ მიმართულებით უტენდეროდ ასობით მილიონს ხარჯავს. რას შეცვლის სახელის ცვლილების გარდა კანონში კორექტივები? სტუმარი: ბადრი ნიაური - შპს “ნიაური და კომპანია”, გენერალური დირექტორი #ახალიამბები #BusinessMediaGeorgia
#ავიაციისსიახლეები: საქართველოს აეროპორტების გაერთიანება სტამბოლის აეროპორტების სამუშაო შეხვედრაზე; საჰაერო სატვირთო გადაზიდვების ბაზარზე Geo Sky ლიდერობს; აგვისტოში EU-ში კომერციული ფრენები 86%-ით აღდგა; 24 თებერვლის შემდეგ უკრაინიდან სამოქალაქო თვითმფრინავი პირველად აფრინდა; ნიდერლანდებში საჰაერო ტრანსპორტით მგზავრობის გადასახადი სამმაგდება. კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები
სასტუმროების მმართველი კომპანია Inn Group-ი უძრავი ქონების ბიზნესში შედის. ჯგუფში შემავალმა კომპანია Inn Development-მა პირველი ენერგოეფექტური საცხოვრებელი კომპლექსის მშენებლობა დიდ დიღომში უკვე დაიწყო. 14 000 კვადრატულ მეტრზე გაშლილი „დიდი დიღომი ინნ“-ის პროექტის საინვესტიციო ღირებულება 60 მლნ ლარია და ის საცხოვრებელ ბინებთან ერთად კომერციულ ფართებსაც მოიცავს. სტუმარი: ერეკლე კოკაია - Inn Group-ის აღმასრულებელი დირექტორი; #ახალიამბები #BusinessMediaGeorgia
პროკრედიტმა მწვანე პარტნიორებთან ერთად დასუფთავების დღე აღნიშნა #ახალიამბები #BusinessMediaGeorgia
ბათუმის ტურისტული სეზონი - 2022 წლის ზაფხულის შეჯამება #ახალიამბები #BusinessMediaGeorgia
რუბრიკა “#SMEDA ბიზნესისთვის” - ქალთა მეწარმეობის განვითარების მიმართულება SMEDA-ში სტუმრები: გიგა ფაიქიძე - SMEDA-ს აღმასრულებელი დირექტორი და დამფუძნებელი; ანა ლაცაბიძე - SMEDA-ს ქალთა მეწარმეობის განვითარების მიმართულების ხელმძღვანელი; #ახალიამბები #BusinessMediaGeorgia
არქიმ არქელებისთვის მეორე საზეიმო ღონისძიება გამართა, სადაც მაცხოვრებლებისთვის სხვადასხვა გასართობი აქტივობა და კონცერტი მოეწყო. ღონისძიების სტუმრებს ფურშეტით და ბარბექიუთი გაუმასპინძლდნენ, ფოიეერვერკის ფონზე კი სადღესასწაულო ტორტიც დაიჭრა. ინფორმაციისთვის, არქის დიდი ოჯახი უკვე 25 000-ზე მეტ წევრს აერთიანებს. კომპანია მომხმარებელთან ბინის შეძენის შემდეგაც აგრძელებს ურთიერთობას, რადგან არქისთვის არქელების კმაყოფილება პრიორიტეტია. #ახალიამბები #BusinessMediaGeorgia
როჯერ ფედერერმა კარიერა დაასრულა #ახალიამბები #BusinessMediaGeorgia
ყველაზე მოთხოვნადი მედიკამენტების ფასები #ახალიამბები #BusinessMediaGeorgia
#საქმიანიდილა - 19 სექტემბერი - პროლოგი #ახალიამბები #BusinessMediaGeorgia
Ad Black Sea 2022 დასრულდა და მონაგარი ქართულ კომპანიებს მშვენიერი აქვთ, 451 ნამუშევარიდან რომელიც სულ 7 ქვეყნიდან იყო წარმოდგენილი ქართულმა სააგენტოებმა 11 კატეგორიაში ჯამში 21 ჯილდო მიიღეს. ფესტივალის გრან პრი JWT Metro-მ მოიპოვა, საუკეთესო ადგილობრივ სააგენტოდ Windfor’s დასახელდა, საუკეთესო Network-ის ტიტული – JWT Metro-მ მოიპოვა. ფესტივალზე გამოავლინეს საუკეთესო ადგილობრივი დამკვეთიც – ჯილდოს მფლობელი საქართველოს ბანკი გახდა. ამას გარდა, შორთლისთში ქართული ნამუშევრები 15 ქვეკატეგორიაში მოხვდნენ. წელს სხვათა შორის პირველად იყო Ad Black Sea-ს პარტნიორი ახალი თაობის საინვესტიციო ფონდი “კეტარი”, რომელიც კრეატიულ ადამიანებსა და, ზოგადად, ინდუსტრიის პროდუქტების აღმოჩენაზეა ორიენტირებული. #ახალიამბები #BusinessMediaGeorgia
გასულ წელთან შედარებით მიმდინარე წლის პირველ 6 თვეში დაბადების მაჩვენებელმა დაიკლო, ხოლო გარდაცვალებამ მოიმატა. საქსტატის წინასწარი მონაცემებით, 2022 წლის იანვარ-ივნისში საქართველოში 20 195 ბავშვი დაიბადა. 26 681 ადამიანი კი გარდაიცვალა. რა გავლენას ახდენს უარყოფითი სალდო ქვეყნის ეკონომიკაზე და როგორ უნდა გაიზარდოს ქვეყანაში სამუშაო ძალა? #ახალიამბები #BusinessMediaGeorgia
მიმდინარე პროცესების ფონზე, ენერგოდამოუკიდებლობის გაზრდა ძალიან მნიშვნელოვანია. ენერგოეფექტიანობა კი, ის სფეროა, სადაც საქართველოს უფრო მეტის გაკეთება და პარტნიორების მხარდაჭერა სჭირდება, - ამის შესახებ საქართველოს პრეზიდენტმა, სალომე ზურაბიშვილმა ევროპის რეკონსტრუქციისა და განვითარების ბანკის (EBRD) პრეზიდენტთან ოდილ რენო-ბასოსთან შეხვედრისას განაცხადა. EBRD-ის პრეზიდენტს შეხვედრა ეკონომიკის სამინისტროშიც ჰქონდა და კერძო სექტორის წარმომადგენლებთანაც. ქალბატონი რნო ბასო აღნიშნავს, რომ EBRD - მა საქართველოში 270 პროექტში 4,9 მლრდ ევროს ინვესტიცია განახორციელა, მათ შორის საქართველოში ვიზიტისას შეთანხმემები შედგა ლონდონის საფონდო ბირჯაზე დალისტული 3ვე კომპანიასთან. ევროპის რეკონსტრუქციისა და განვითარების ბანკის წვლილი საქართველოში ბიზნესისათვის ფინანსებზე ხელმისაწვომობის გაზრდის კუთხით მნიშვნელოვანია და თანხაში გამოხატულ მნიშვნელოვან მოცულობებთან ერთად კიდევ უფრო დიდია იმ კომპანიების რიცხვი ვისთვისაც ეს დახმარებები კრიტიკულად მნიშვნელოვანი იყო და არის. გიორგი ისაკაძე - Forbes Georgia-ს მთავარი რედაქტორი; ოდილ რენო-ბასო, EBRD, პრეზიდენტი #ახალიამბები #BusinessMediaGeorgia
საქართველოს პარლამენტში საფინანსო საბიუჯეტო კომიტეტის სხდომაზე უკვე განხილულია და მხარდაჭერილია კანონორიექტი რომელიც ახალ ფინანსურ დოკუმენტს ქმნის და რომელიც "იპოთეკით უზრუნველყოფილი ობლიგაციების" შექმნას გულისხმობს. საქართველოში მოქმედ ბანკებს 9 მილიარდი ლარის მოცულობის იპოთეკური კრედიტები აქვთ გაცემული. მთავრობის მიერ მომზადებული კანონპროექტის მიღების შემთხვევაში ბანკებს ამ სასესხო პორტფელიდან ახალი ფინანსური ინსტრუმენტის - "იპოთეკით უზრუნველყოფილი ობლიგაციების" შექმნა შეეძლებათ. ეს ნიშნავს, რომ ბანკები მათში არსებული 139,000-ზე მეტი იპოთეკური კრედიტიდან შეძლებენ თავად ამ სესხების ნაწილი ჩადონ უზრუნველყოფაში და მის სანაცვლოდ ახალი ობლიგაციები გამოუშვან. შედეგად, ქართულ ბანკებს საკუთარი საქმიანობისთვის დამატებითი ფინანსური რესურსის მოზიდვის შესაძლებლობა გაუჩნდებათ. ახალი კანონის მიღების შემდეგ, ბანკს შეეძლება გამოუშვას 100 მილიონი ლარის იპოთეკით უზრუნველყოფილი ობლიგაცია, რომელიც შესაბამისი იპოთეკებით იქნება გამყარებული. შესაბამისად, ამ ობლიგაციის მომსახურების უკან იდგება პირობითად 2000-3000 მომხმარებლის მიერ აღებული იპოთეკური სესხი. ეროვნული ბანკის მოლოდინით, რამდენიმე წელში ამ ფასიანი ქაღალდების ბაზარი 2 მილიარდ ლარს მიაღწევს. სტუმარი: ნიკოლოზ გაგუა - "ეროვნული ბანკის" ვიცე-პრეზიდენტი; #ახალიამბები #BusinessMediaGeorgia
მთავრობის ვალის შემცირება და ახალი პროექტების დაფინანსება - ორნიშნა ეკონომიკური ზრდის ფონზე საქართველოს პარლამენტი სახელმწიფო ბიუჯეტში ცვლილებებს განიხილავს. კორექტირებული ვერსია დეპუტატებმა ოქტომბრის პირველ სასესიო კვირაში უნდა დაამტკიცოს. 2022 წელს მთლიან შიდა პროდუქტთან შედარებით, ქვეყანა საგარეო ვალის გადახდას 51-ის ნაცვლად, 40 %-ით დაასრულებს. ბიუჯეტის დეფიციტისა და ვალის შემცირება სახელმწიფო პრიორიტეტებში ნომერ პირველი საკითხია. ამავე დროს ჯანდაცვა, თავდაცვა, განათლება, სოციალური პროგრამები, სოფლის მეურნეობა და ინფრასტრუქტურა - ეს სხვადასხვა უწყების იმ პროგრამების ჩამონათვალია, რომლის თანახარჯებსაც მთავრობა მიღებული შემოსავლის მიხედვით, რამდენიმე მილიონით გაზრდის. სტუმარი: გიორგი კაკაურიძე - ფინანსთა მინისტრის მოადგილე; #ახალიამბები #BusinessMediaGeorgia
ევროკავშირი და მსოფლიო ბანკი ბუღალტრული აღრიცხვის, ანგარიშგების და აუდიტის რეფორმების მხარდაჭერის ეროვნულ ფონდთან პარტნიორობით 2022 წლის კონკურსს საუკეთესო წლიური ანგარიშის და გამჭვირვალობის ჯილდოსთვის რეგისტრაცია დაწყებულია და 31 ოქტომბრამდე გაგრძელდება. წლევანდელი BARTA ღიაა საზოგადოებრივი დაინტერესების მქონე ყველა პირისთვის, რომელთა შორის არიან A და B სალისტინგო კატეგორიებში შემავალი კომპანიები, ბანკები თუ სადაზღვევო კომპანიები. როგორც კონკურსის ორგანიზატორები აცხადებენ, ამ კონკურსის მიზანია ქართული კომპანიების ანგარიშგების და გამჭვირვალობის ხარისხის ამაღლება. ევროპული და გლობალური მოვლენების გათვალისწინებით, კერძოდ კი, მდგრადი ანგარიშგების დანერგვის მიმართულებით გადადგმული ნაბიჯების პირობებში, ამ ჯილდოს კიდევ უფრო მნიშვნელოვანი როლი ენიჭება. 2022 წლის კონკურსში მდგრადი ანგარიშის ორი ნომინაციის დაემატა. სტუმარი: ირინა გორდელაძე - "მსოფლიო ბანკი"-ს უფროსი კონსულტანტი მართვის სფეროში; ~ #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს ✔ხარისხიანი განათლება და მისი ხელმისაწვდომობა საქართველოში? ✔ახალი სასწავლო წელი - რა სიახლეებია ნიუტონის სკოლაში? ✔რამდენად შეესაბამება ონლაინ სწავლების ხარისხი ფასს, რომელსაც ჩვენ განათლებაში ვიხდით? ✔როგორია ხარისხიანი განათლება? ✔„საგანმანათლებლო დაწესებულებას მეტი თავისუფლება უნდა ჰქონდეს“ ✔"კახა ბენდუქიძის როლი საქართველოს უახლეს ისტორიაში - გიორგი მელაძის მოსაზრება" BMGDRIVE-ის მგზავრი: გიორგი მელაძე - "ნიუტონის თავისუფალი სკოლის" დირექტორი და დამფუძნებელი; ➡ავტორები: ავტორები: ბექა ბაციკაძე; დადუ დვალი; რევაზ ნასიძე #განათლება #სწავლება #ხარისხიანიგანათლება #სკოლა #კერძოსკოლა
მეორე კვარტალში პირდაპირი უცხოური ინვესტიციების შემოდინებამ 351.8 მილიონი აშშ დოლარი შეადგინა, რაც თიბისი კაპიტალის მოლოდინებთან შედარებით დაბალი ნიშნულია. როგორც მთავარი ეკონომისტი აღნიშნავს, ამის მიუხედავად შეფასება საინვესტიციო აქტივობის მოსალოდნელ ზრდასთან დაკავშირებით უცვლელია, რასაც მეორე კვარტლის საინვესტიციო იმპორტის მონაცემებიც ადასტურებს. სტუმარი: ოთარ ნადარაია - თიბისის მთავარი ეკონომისტი; #ახალიამბები #BusinessMediaGeorgia
საქართველოს ეროვნულმა ბანკმა პარლამენტს კრიპტო და ციფრული აქტივების რეგულირების შესახებ ახალი კანონპროექტი წარუდგინა, რომელიც ამ სრულად ახალ და დაურეგულირებელ საფინანსო ინდუსტრიას პირველ საკანონმდებლო ჩარჩოს შეუქმნის. სტუმარი: ლუკა ლომსაძე - eMoney / MyCoins-ის კომერციული დირექტორი; #ახალიამბები #BusinessMediaGeorgia
საქართველოში წარმოებული ავეჯი გაძვირდა. ამის მიზეზი, იმპორტირებულ ნედლეულზე ფასების ზრდა და რუსეთ-უკრაინის ომია. რამდენითაა მომატებული ფასები და როგორ ვითარდება დღეს ეს ინდუსტრია? #ახალიამბები #BusinessMediaGeorgia
მსოფლიო დასუფთავების დღე 16 სექტემბერს აღინიშნება. დღევანდელი მსოფლიოს ერთ-ერთი მთავარი პრიორიტეტი სწორედ ნარჩენების სწორად მართვაა. დასუფთავების საერთაშორისო დღე და მისი აღნიშვნა მიზნად ისახავს მსოფლიო მოსახლეობის ცნობიერების ამაღლებას ნარჩენების მართვის სისტემის გაუმჯობესებისა და კლიმატის ცვლილების პროცესზე მისი ზეგავლენის მნიშვნელობაზე. #ახალიამბები #BusinessMediaGeorgia
“მოუარე საქართველოს”- Gulf-ის დასუფთავების აქცია ანანურში #ახალიამბები #BusinessMediaGeorgia
მეტალოპლასტმასის კარ-ფანჯრების, აივნის მოაჯირების, აბაზანის სისტემის და მინის მწარმოებელი კომპანია LGG-მ 7.5 მილიონი ლარის ინვესტიციით, წეროვანში ახალი საწარმო გახსნა. კომპანია თანამედროვე დანადგარებით აღჭურვილი საწარმოს ხარჯზე წარმადობას გაზრდის და ბაზარს განსხვავებული ფორმატის მინებითაც მოამარაგებს. მნიშვნელოვანია ისიც, ელჯიჯის წეროვანში წარმოებული პროდუქციის ექსპორტზე გატანის გეგმაც აქვს. ამასთან, გეგმებში საწარმოს ლოგისტიკური ცენტრის გაფართოება და ჯამში 7 მილიონი დოლარის ინვესტიცია შედის. #ახალიამბები #BusinessMediaGeorgia
საქართველოს ტურისტული სექტორი ავიაბილეთებზე ფასების მკვეთრ მატებას 2023 წლიდან ვარაუდობს, იგივე პროგნოზს აკეთებენ გლობალური ბიზნეს მოგზაურობის ასოციაციაში. Global Business Travel Forecast-ის ექსპერტების თქმით, მოსალოდნელია, რომ გლობალური მოგზაურობის ტარიფები 2023 წლის განმავლობაშიც ზრდას გააგრძელებს, რაც გამოწვეულია საწვავის მაღალი ფასებით, მუშახელის დეფიციტით და ზოგადად ყველაფერზე ფასების მატებით. საქართველოს გამყვანი ტურიზმის სექტორი ავიაბილეთებზე ფასების დასტაბილურებას შემოდგომაზე ელოდება და ამბობენ, რომ ევროპის მიმართულებით ბილეთები 400 ლარიდანაც კი იწყება. #ახალიამბები #BusinessMediaGeorgia
#საქმიანიდილა - 16 სექტემბერი - პროლოგი #ახალიამბები #BusinessMediaGeorgia
მუნიციპალიტეტებში სანებართვო მოსაკრებელი შესაძლოა გაიზარდოს. აღნიშნულს „ადგილობრივი მოსაკრებლების შესახებ“ კანონში შესატანი ცვლილები გულისხმობს, რომელზეც რეგიონული პოლიტიკისა და თვითმმართველობის კომიტეტის სხდომაზე იმსჯელეს და მხარი დაუჭირეს. დღეის მდგომარეობით, მოსაკრებელი მშენებლობის ნებართვისათვის ახალ ასაშენებელი ობიექტის პროექტით გათვალისწინებული განაშენიანების ინტენსივობის კოეფიციენტის (კ-2) საანგარიშო ფართობის თითოეული კვადრატული მეტრისათვის არ უნდა აღემატებოდეს 4 ლარს, ხოლო საკურორტო ზონაში სამრეწველო ობიექტის მშენებლობისათვის – 5 ლარს. წარმოდგენილი კანონპროექტით კი ტარიფი 4-დან 10 ლარამდე, ხოლო საკურორტო ზონისთვის 5-დან 11 ლარამდე იზრდება. მოსაკრებლის ოდენობის გაზრდა არ ეხება ინდივიდუალური საცხოვრებელი სახლის მშენებლობებს, რა დროსაც მოსაკრებლის ოდენობა ისევ დარჩება არაუმეტეს 4 ლარის ოდენობით. ამასთანავე, იმის გათვალისწინებით რომ მოსაკრებლის გადამხდელისათვის ეს ზრდა არ იყოს დაუგეგმავი ფინანსური ხარჯის ზრდა, კანონპროექტში ვკითხულობთ, რომ მოსაკრებლის ოდენობის გაზრდა გათვალისწინებულია ეტაპობრივად, კერძოდ: 2023 წლის 1 იანვრიდან 6 ლარამდე, 2024 წლის 1 იანვრიდან 8 ლარამდე და 2025 წლის 1 იანვრიდან 10 ლარამდე. რაც შეეხება საკურორტო ზონაში სამრეწველო ობიექტის მშენებლობისათვის 2023 წლის 1 იანვრიდან 7 ლარამდე, 2024 წლის 1 იანვრიდან 9 ლარამდე და 2025 წლის 1 იანვრიდან 11 ლარამდე. რას ემსახურება ტარიფის ზრდა? რას გამოიწვევს სამშენებლო ბაზარზე ცვლილებები? სტუმარი: კობა ყალიჩავა - იურისტი; #ახალიამბები #BusinessMediaGeorgia
გერმანიის მთავრობის მხარდაჭერით თბილისში ჭკვიანი სატრანსპორტო სისტემის და სატრანზიტო დერეფნის განვითარება იწყება - შესაბამის სასესხო და საგრანტო შეთანხმებებს პროექტისთვის „მდგრადი ურბანული მობილობა“ რეკონსტრუქციის საკრედიტო ბანკსა (KfW) და ფინანსთა სამინისტროს შორის მოეწერა ხელი. ფინანსთა სამინისტროს ინფორმაციით, შეთანხმებებით გათვალისწინებულია რეკონსტრუქციის საკრედიტო ბანკის მიერ, 47 მილიონი ევროს ოდენობის შეღავათიანი სესხის, ასევე, 1.5 მლნ ევროს ოდენობის გრანტის გამოყოფა. რა ტიპის ინფრასტრუქტურის განვითარებას ითვალისწინებს პროექტი? სტუმარი: თამარ კვანტალიანი - გერმანიის განვითარების ბანკის (kfw) პროექტების კოორდინატორი; #ახალიამბები #BusinessMediaGeorgia
ქართველი დამსაქმებლების 88% პროფესიულ სასწავლებლებთან არ თანამშრომლობს, ხოლო 31% მსგავსი პარტნიორობის უპირატესობებსაც კი ვერ ხედავს. დამსაქმებელთა მხოლოდ 24% აქვს გამოცდილება პროფესიულ საგანმანათლებლო დაწესებულებებთან თანამშრომლობის მხრივ, რაც უმეტესწილად სტუდენტების სტაჟირებასა და პრაქტიკული სწავლების შეთავაზებაში გამოიხატება. ეს შედეგები ევროკავშირმა (EU) და გაეროს განვითარების პროგრამამ წარადგინა, რომელიც ტურიზმის სექტორში არსებულ შრომის ბაზარს შეისწავლის. ამავე მონაცემების მიხედვით, დამსაქმებლების 17% ფიქრობს, რომ კოლეჯებთან თანამშრომლობა მათთვის სარგებლის მომტანი ვერ იქნება, 13 %-ის აზრით კი სისტემა კვალიფიციურ კადრს ვერ ამზადებს. არადა კადრების დეფიციტის პრობლემა მწვავედ დგას როგორც კვლევის შედეგად გამოკითხულ 5 რეგიონში, ისე მთელ ქვეყანაში და არა მხოლოდ ტურიზმის, არამედ ყველა სექტორში იქნება ეს მშენებლობა, ტექნოლოგიები, სამედიცინო საქმე თუ სხვა. როგორ უნდა მოახერხოს კოლეჯებმა შრომის ბაზრისთვის შესაბამისი კვალიფიკაციის კადრის გამოშვება? სტუმარი: თამარ ზაქარაშვილი - სამშენებლო კოლეჯის „კონსტრუქტ2“ დირექტორი; #ახალიამბები #BusinessMediaGeorgia
საქართველოს ბიზნეს ასოციაციის რიგებს ფინბიურო შეემატა. კოკმპანია, რომელის 2015 წლიდან ბაზარზეა და ემსახურება მათ, რომლებიც წარსულში დაგროვებულ სასესხო ვალდებულებებს ვერ უმკლავდებიან. სტუმრები: ლევან ვეფხვაძე - "საქართველოს ბიზნეს ასოციაციის" აღმასრულებელი დირექტორი; სოფო ვარამაშვილი - "ფინბიურო"-ს დირექტორი. #ახალიამბები #BusinessMediaGeorgia
გულის უკმარისობის ფორუმი 16-17 სექტემბერს თბილისში გაიმართება და რომელსაც საკმაოდ წარმომადგენლობითი სტუმრები ჰყავს მსოფლიოს მრავალი ქვეყნიდან. სტუმრები: ზვიად ყიფიანი - საქართველოს გულის უკმარისობის ასოციაციის პრეზიდენტი; ჰადი ნ. სკური - შეიხ საჰბუტის სამედიცინო ცენტრი - კლინიკა მაიო; მანდიპ რ. მერა - ჰარვარდის სამედიცინო სკოლის პროფესორი. #ახალიამბები #BusinessMediaGeorgia
რამდენიმე კვირის წინ დასრულდა და დარეგისტრირდა ცვლილები იუსტიციის სამინისტროს რეესტრში რაც ითვალისწინებს ბუღალტრული აღრიცხვის, ანგარიშგებისა და აუდიტის რეფორმების მხარდაჭერის ფონდის რეორგანიზაციას. ეს ფონდი, ცნობილია ჩართულობით სხვადასხვა მიმართულებებით, როგორიცაა საუკეთესო წლიური ანგარიშის და გამჭვირვალობის ჯილდო ბარტა თანაორგანიზატორი, და ფონდის წევრების ჩართულობა სხვადასხვა კვლევით საქმიანობაში, უცვლელია ფონდის მისია აქტუირად იყოს ჩართული პროფესიულ განათლებაში და ეკონომიკური ჟურნალისტიკის მხარდაჭერაში. სტუმრები: იური დოლიძე - ბუღალტრული რეფორმის ბენეფიციართა ფონდის დირექტორი; გიორგი თაბუაშვილი - ბუღალტრული აღრიცხვის, ანგარიშგებისა და აუდიტის რეფორმების მხარდაჭერის ფონდის საბჭოს აღმასრულებელი თავმჯდომარე; #ახალიამბები #BusinessMediaGeorgia
#საქმიანები: “ჭამე, ილოცე, შეიყვარე“ - ბერიკას თავგადასავალი ავტორები: მანანა მანჯგალაძე; ედგარ ყაზახაშვილი; ლადო ცხადაია. #საქმიანიდილა #ბიზნესმედია #BMG #ახალიამბები #BusinessMediaGeorgia
მომავალი წლიდან კრეატორები YouTube-ზე ფასიანი ვიდეოგაკვეთილების გაყიდვას შეძლებენ.ეს იმას ნიშნავს, რომ ვიდეოგაკვეთილების ავტორებს და შემქმნელებს სხვა ვებგვერდებზე გადამისამართება აღარ დასჭირდებათ. საკუთარ გადაწყვეტილებას YouTube-ი ღრმა და სტრუქტურირებული საგანმანათლებლო გამოცდილებების შექმნის აუცილებლობით ხნის და თან, კრეატორებს ფულის შოვნის ახალ გზას სთავაზობს. საინტერესოა, რომ პროგრამის ფარგლებში ატვირთულ ფასიან ვიდეოგაკვეთილებს არ ექნება რეკლამა და თან, მომხმარებლები მათ მოსმენას ჩაკეცილი აპლიკაციითაც შეძლებენ. აღნიშნული ფუნქციონალი, თავდაპირველად, სამხრეთ კორეასა და ამერიკის შეერთებულ შტატებში გამოჩნდება, მაგრამ კომპანიას სურს, რომ ეს შესაძლებლობა გლობალურად იყოს ხელმისაწვდომი. ფასიანი ვიდეოგაკვეთილების გარდა, YouTube-ის კრეატორები გამოცდებისა და ტესტების ჩასატარებლად საჭირო ფუნქციონალსაც მიღებენ, სახელწოდებით YouTube Quizzes-ს. თუმცა ეს ყველაფერი როდია: საქმე ისაა, რომ საგანმანათლებლო აპლიკაციებისთვის YouTube-ი ცალკე პლატფორმას შექმნის, სახელწოდებით Player for Education-ს, რომელშიც არ იქნება რეკლამები, მაგრამ იქნება რეკომენდაციები და განათლების მისაღებად საჭირო დამატებითი მასალები. როგორც კომპანიაში აცხადებენ, ეს პლატფორმა Google Classroom-ზე გაცილებით უფრო დახვეწილი იქნება. ადამიანები, ციფრული არხების დახმარებით ფულს რომ გამოიმუშავებენ ეს ახალი არ არის, არც ჩვენი მაყურებლებისთვის, რადგან ამ ეთერებიდან არაერთხელ მოგვიყოლია ისტორია, ინფლუენსერებზე, პოდკასტებიდან თანხების გამომუშავებაზე, ტიკტოკზე საკუთარი პროდუქტის განთავსებით შემოსავლების ზრდაზე და ასე შემდეგ. მაგრამ თითქმის არაფერი გვითქვამს კიდევ ახალ პროფესიაზე - კონტენტის შემქმნელზე. კრეატორებზე ამერიკული ფორბსი წერს, რომ მათი შემოსავლები კონტენტის საუკეთესო შექმნისთვის 60 მილიონ დოლარსაც კი აჭარბებს, და ასეთი ადამიანები მსოფლიოს ყველა წერტილშია.. ვინ არიან პლანეტის უმდიდრესი კრეატორები და როგორ ახერხებენ მილიონების გამომუშავებას? #ახალიამბები #BusinessMediaGeorgia
ნიდერლანდების განვითარების ბანკსა და კრედო ბანკს შორის 100 მილიონი ლარის მოცულობის ხელშეკრულება გაფორმდა. ადგილობრივ ვალუტაში დენომინირებული ტრანზაქცია ქართული მიკრო, მცირე და საშუალო ბიზნესების ხელშეწყობასა და ახალგაზრდა მეწარმეების მხარდაჭერას მოხმარდება. კრედო ბანკი საქართველოს მასშტაბით 81 სერვისცენტრით 430 ათასზე მეტ მომხმარებელს ემსახურება. ბანკის მისიაა მიკრო, მცირე და საშუალო ბიზნესებისთვის მდგრადი ფინანსური სერვისების მიწოდება, განსაკუთრებით შემოსავლისა და დასაქმების შესაძლებლობის მქონე სასოფლო-სამეურნეო სექტორებში. #ახალიამბები #BusinessMediaGeorgia
BMG-ს EBRD-ის პრეზიდენტი საქმიანი ვიზიტით ეწვია #ახალიამბები #BusinessMediaGeorgia
#საქმიანიდილა - 15 სექტემბერი - პროლოგი #ახალიამბები #BusinessMediaGeorgia
კანადაში სასტუმროდან ჩერჩილის ფოტო მოიპარეს. #ახალიამბები #BusinessMediaGeorgia
30 სექტემბერსა და 1-ელ ოქტომბერს თბილისში სოციალური საწარმოების B2B გამოფენა გაიმართება. ღონისძიება „საქართველოს სტრატეგიული კვლევებისა და განვითარების ცენტრის" (CSRDG) ევროკავშირისა და პური მსოფლიოსთვის მხარდაჭერით დაიგეგმა. სტუმრები შეძლებენ ერთ სივრცეში გაეცნონ 47 სოციალურ საწარმოს პროდუქციასა და სერვისს, შეხვდნენ ინდივიდუალურად სოციალურ მეწარმეებს და გამართონ მოლაპარაკებები. რა აქტივობებით არის დატვირთული რიგით მესამე მასშტაბური გამოფენა? სტუმრები: გიგა ჩიტიშვილი - B2B პარტნიორობის პროექტის მენეჯერი, CSRDG; მარიამ ჯაფარიძე - სოციალური მეწარმეობის განვითარების პროგრამის კომუნიკაციების მენეჯერი, CSRDG #ახალიამბები #BusinessMediaGeorgia
ტექსტილის ინდუსტრია არ არის გამონაკლისი, სადაც ბოლო პერიოდში წარმოებისთვის საჭირო ნედლეულზე ფასი გაორმაგდა. ამას ემატება გართულებული ლოგისტიკაც, რაც ბუნებრივია საბოლოო პროდუქტის ღირებულებაზე პირდაპირ აისახება. მწარმოებლების ნაწილი არ გამორიცხავს, ფასების ზრდამ და მოსახლეობის დაბალმა მსყიდველუნარიანობამ ბიზნესების გაკოტრება და სამუშაო ადგილების შემცირება გამოიწვიოს. რა გავლენა აქვს, გაზრდილ ხარჯებს ტექსტილის ინდუსტრიაზე? სტუმარი: ლაკო ბუკია -LAKO BUKIA-ს დამფუძნებელი; #ახალიამბები #BusinessMediaGeorgia
ჯანდაცვის სამინისტრო სამედიცინო და ფარმაცევტულ სექტორში მნიშვნელოვან რეფორმებს აანონსებს. რეფორმების დიზაინი და სამოქმედო გეგმა ჯერ ფართო საზოგადოებისთვის უცნობია. ის, რაც ვიცით არის ის, რომ სამედიცინო სერვისის ხარისხის გაუმჯობესების მიზნით, 2025 წლიდან, საყოველთაო ჯანმრთელობის დაცვის სახელმწიფო პროგრამაში ჩართული კლინიკებისთვის, საერთაშორისო სტანდარტების დანერგვა სავალდებულო გახდება, ამასთან სამედიცინო პერსონალის ღირსეული ანაზღაურებისთვის, სახელმწიფო პროგრამებში ჩართულ კლინიკებს მინიმალური ხელფასის განსაზღვრა მოეთხოვებათ. როგორც ცობილია, სამინისტრო ასევე მუშაობს შეიცვალოს კლინიკების დაფინანსების სისტემა და ე.წ DRG დაინერგოს. დაანონსებულია ცვლილებები ფარმაცევტულ სექტორშიც, კერძოდ, წამლის ფასის კიდევ უფრო შემცირების მიზნით, მომდევნო წლიდან, მედიკამენტებზე რეფერენტული ფასები განისაზღვრება, რაც ფარმაცევტული პროდუქტის ღირებულებაზე ზედა ზღვრის დაწესებას გულისხმობს. რეფორმებზე მომუშავე ჯგუფმა სამუშაო პროცესი დაასრულა და სამინისტრო კერძო სექტორთან შეხვედრებს იწყებს. BM.GE-ს ინფორმაციით, ასეთი შეხვედრა გუშინ ჯანდაცვის ასოციაციის წევრებთან დღის ბოლოს შედგა. რა საკითხებზე იყო მსჯელობა და რა პოზიცია აქვს დაანონსებულ ცვლილებებზე სამედიცინო სექტორს? სტუმრები: მაია მახარაშვილი - ჯანდაცვის ასოციაციის სამეთვალყურეო საბჭოს თავმჯდომარე; ნიკოლოზ ფრუიძე - “კონსილიუმ მედულას” დირექტორი. #ახალიამბები #BusinessMediaGeorgia
ფარმაცევტულ ბაზარზე გარკვეული ტიპის სამედიცინო პროდუქტებზე დეფიციტი შეიქმნა. ბაზარზე მოქმედი 49 ფარმაცევტული საწარმოდან 32-ში ერთ თვეზე მეტია საწარმოო პროცესი გაჩერებულია. ჯანდაცვის სამინისტროს რეგულირების სააგენტომ GMP და GDP სტანდარტის დაუკმაყოფილებლობის გამო როგორც ფარმაცევტულ საწარმოებს, ისე ავტორიზებულ აფთიაქებსა და საბითუმო რეალიზატორებს საქმიანობა აგვისტოს დასაწყისში შეუზღუდა. აღსანიშნია, რომ რეგულაცია, რომელიც მიმდინარე წლის იანვრიდან არის ძალაში, GMP სერთიფიკატის გარეშე საქმიანობას 2025 წლამდე არ უზღუდავს იმ 10-მდე კომპანიას, რომლებიც ექსპორტს ახორციელებენ. ამ დროისთვის ფარმაბაზრის 49 მოთამაშიდან მოთხოვნილ სტანდარტს მხოლოდ ორი საწარმო, „ავერსი ფარმა“ და „ჯი ემ ფარმა“ აკმაყოფილებს. შექმნა, თუ არა ათეულობით საწარმოს გაჩერებამ ბაზარზე სამედიცინო პროდუქციის დეფიციტი, როგორც ამაზე მოქალაქეები მიუთითებენ და რას აკეთებენ ეს საწარმოები იმისთვის, რომ მოთხოვნილი სტანდარტები დროულად დანერგონ და საწარმოო პროცესები აღადგინონ? სტუმარი: ლევან გოგიბერიძე - საქართველოს ფარმაცევტთა ასოციაციის პრეზიდენტი; #ახალიამბები #BusinessMediaGeorgia
24 ივნისის ევროპული საბჭოს გადაწყვეტილებით საქართველომ ევროკავშირის წევრობის კანდიდატის სტატუსის მისაღებად 12 რეკომენდაცია უნდა შეასრულოს. სტუმრები: ნათია ზოიძე - "სექტორი 3" - ის აღმასრულებელი დირექტორი; ვანო ჩხიკვაძე - ღია საზოგადოების ფონდის ევროინტეგრაციის პროგრამის ხელმძღვანელი; #ახალიამბები #BusinessMediaGeorgia
ჯორჯიან მანგანზის ორგანიზებითა და სრული ფინანსური მხარდაჭერით ჭიათურა 16, 17 და 18 სექტემბერს სათავგადასავლო ტურიზმის საერთაშორისო ფესტივალისთვის Adventure 2022 -ის მასპინძლობის სამზადისშია. იმისთვის, რომ მაღაროს ქალაქად ცნობილი და სინამდვილეში ძალიან საინტერესო, ისტორიული და სანახაობრივად გამორჩეული ჭიათურის შესახებ უფრო მეტმა უფრო მეტი გაიგოს ჭიათურაში სათავგადასავლო ფესტივალი გაიმართება და მასში მონაწილეობა ყველა მსურველს შეუძლია. სტუმარი: ნატალია პატარიძე - ფესტივალის Adventure 2022-ის ორგანიზატორი; #ახალიამბები #BusinessMediaGeorgia
რესტორანი "სახლში" - ქუთაისში ისტორიულ უბანში, რუსთაველის ქუჩასა და თეთრ ხიდს შორის, თამაზ ნიკიტინის 7 ნომერში მდებარეობს და ძველი იმერული ყაიდით სტუმრების მასპინძლობა ქუთაისელმა ცოლ-ქმარმა პანდემიის ცხელ სეზონზე, 2021 წელს გადაწყვიტა. როგორც სახლის ხშირი სტუმრები ამბობენ, ამ ადგილზე მისულ სტუმარს ყველაფერი გარემოც, გემოც და ემოციაც სახლური ხვდება. სტუმარი: გიზო ბანძელაძე - რესტორანი "სახლში"-ს თანადამფუძნებელი; #ახალიამბები #BusinessMediaGeorgia
თიბისის ბიზნესდაჯილდოება 2022 იწყება და თან გაანხლებული ნომინაციებით. გასულ კვირის ბოლოს, თიბისის სათაო ოფისში თიბისი ბანკის ერთ-ერთი მასშტაბური ღონისძიების გახსნის ცერემონია გაიმართა. თიბისის ბიზნეს დაჯილდოება საქართველოში ბიზნესის კეთების პოპულარიზაციასა და ბიზნესსოციუმის განვითარებას ემსახურება. ბიზნეს დაჯილდოება წელს უკვე მეშვიდედ იმართება და 3000-ზე მეტ წევრს აერთიანებს. #ახალიამბები #BusinessMediaGeorgia
„რა შეგვიძლია გავაკეთოთ თანამშრომელთა მაღალი ჩართულობის და ერთად მუშაობის კულტურის შესაქმნელად“ - ამ თემაზე გასულ კვირაში საქართველოს საბანკო ასოციაციისა და ლეო ინსტიტუტის ერთობლივი ვორქშოპი გაიმართა, რომელშიც კომერციული ბანკების ადამიანურ რესურსების და მენეჯმენტის სხვა მიმართულებების წარმომადგენლები იღებდნენ მონაწილეობას. თანამშრომლების მიერ სამუშაო ადგილების მასობრივად დატოვების პრობლემა არა მხოლოდ საქართველოში, არამედ მთელი მსოფლიოში მნიშვნელოვანი პრობლემა წარმოადგენს და ვორქშოპის მიზანი, სწორედ ამ პრობლემის გამომწვევი მიზეზების შესწავლა და მისი გადაჭრის გზების მოძიებაა. როგორც საბანკო სექტორის წარმომადგენლები ამბობენ, მსოფლიოში შეცვლილი დასაქმების ტენდენციების გათვალისწინებით, მნიშვნელოვანია ისეთი სისტემების შექმნა, რომელებიც ახალ რეალობას იქნება მორგებული. სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; გიორგი ბურჭულაძე - "ლეო ინსტიტუტის" დირექტორი; #ახალიამბები #BusinessMediaGeorgia