სადაზღვევო კომპანია „ჯიპიაი ჰოლდინგმა“ ქუთაისში ფილიალი განაახლა, სადაც მომხმარებლებს როგორც პირადი, ისე ბიზნესის საჭიროებებზე მორგებული სადაზღვევო პროდუქტებისა და მომსახურების მიღება შეუძლიათ. რა სერვისებია ხელმისაწვდომი განახლებულ ოფისში და როგორ აპირებს კომპანია რეგიონში საქმიანობის განვითარებას? #ახალიამბები #BusinessMediaGeorgia
16 ოქტომბერს, წისქვილის თეატრში, ქართული ესტრადის ერთ-ერთი გამორჩეული მომღერლის, მერაბ სეფაშვილის 65 წლის იუბილე მუსიკალური საღამოთი აღინიშნა. კონცერტზე გაცოცხლდა მისი მრავალწლიანი შემოქმედებითი გზა და ცნობილი ჰიტები, რომლებიც წლების განმავლობაში არაერთი თაობის საყვარელ სიმღერებად იქცა. მერაბ სეფაშვილს სცენაზე ქართველი მომღერლები და მუსიკოსები შეუერთდნენ, რომლებთან ერთადაც საიუბილეო კონცერტმა განსაკუთრებული მუსიკალური განწყობა შექმნა. საიუბილეო საღამოს წარმდგენი და მხარდამჭერი კი „კოკა-კოლა ბოთლერს ჯორჯია“ იყო. კომპანიისთვის ქართული მუსიკისა და კულტურული ღონისძიებების მხარდაჭერა იმ არტისტების დაფასების ნაწილია, რომელთა შემოქმედებაც ქართული კულტურის განუყოფელ ნაწილად იქცა. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
საინტერესო ქართულ, ოჯახურ წარმოებაზე უნდა გიამბოთ, რომელიც მიზნად 100%-ით უსაფრთხო და ადგილობრივი პროდუქტის შექმნას ისახავს. ეს ქათმის ხორცის მწარმოებელი კომპანია „მწვანე ქვეყანაა“, რომელიც წეროვანში, ორ-ნახევარ ჰექტარ მიწაზე ფერმას, ინკუბატორს, საკუთარ სასაკლაოს აერთიანებს. მწვანე ქვეყნის დამფუძნებელმა მიზნად ხარისხიანი ქათმის ხორცის წარმოება დაისახა და ერთ-ერთი მთავარი რაშიც ინვესტიციის დიდი ნაწილი მიმართა ფრინველის საკვების ადგილობრივი წარმოებაა. ანუ მწვანე ქვეყნის ქათამი ნატურალური, ბიო საკვებს მიირთმევს. ბევრი შრომით, ოჯახური ძალისხმევით ნაშენები ბიზნესი დღეს ქართულ ბაზარს ხარისხიანი და უსაფრთხო ქათმის ხორცით ამარაგებს - წინ ბევრი გეგმა და მიზანია. #ახალიამბები #BusinessMediaGeorgia
10 წელი ბაზარზე და 3000-ზე მეტი გაციფრულებული კომპანია - ქართული ბიზნესის მართვის სისტემა „ბალანსი“ იუბილეს აღნიშნავს. ლოკალური საბუღალტრო პროგრამიდან სრულფასოვან ERP ეკოსისტემამდე განვლილი გზა და ახალი ტექნოლოგიური გეგმები - როგორ აღნიშნეს 10 წლის იუბილე და რას სთავაზობს „ბალანსი“ ბიზნესს? #ახალიამბები #BusinessMediaGeorgia
როგორი იქნება მოგზაურობა 2027 წელს და რა ახალი ტენდენციები შეცვლის ტურისტების არჩევანს? „ექსპედია ჯგუფის“ კვლევის მიხედვით, მომდევნო წელს სულ უფრო პოპულარული გახდება ბავშვობის ემოციების ხელახლა განცდა, ხანმოკლე მოგზაურობები, გოთიკური სტილის სასტუმროები და საყვარელი ჰობისთვის დაგეგმილი დასვენება. რას ეძებენ მოგზაურები და როგორ იცვლება მათი პრიორიტეტები? #ახალიამბები #BusinessMediaGeorgia
გლობალურ ფინანსურ ბაზარზე ახლა ორ სრულიად განსხვავებულ სტრატეგიას ვადევნებთ თვალს, რაც მსოფლიოს უდიდესი ბანკების ახალ რეიტინგშიც ზუსტად ისახება. ერთ მხარესაა აზიური ბაზარი უპრეცედენტო მოცულობის აქტივებით, მეორე მხარეს კი უოლ-სტრიტი, რომელიც მოქნილი კაპიტალის ბაზრებითა და რეკორდული მოგებით პოზიციონირებს. S&P Global-ის მონაცემები კიდევ ერთხელ ადასტურებს, რომ ბანკის ფიზიკური ზომა და რეალური ფინანსური უკუგება ყოველთვის ერთი და იგივე არ არის. როგორ ნაწილდება ტრილიონები პლანეტის 30 მთავარ საფინანსო ინსტიტუტს შორის და რა უდევს საფუძვლად ამ ფინანსურ განლაგებას? #ახალიამბები #BusinessMediaGeorgia
საიდუმლო ბრძანება 00447 - მანანა მანჯგალაძის #1001ამბავი #საქმიანიდილა #ბიზნესმედია #საქმიანები #BMG
#საქმიანიდილა - 19 ოქტომბერი - პროლოგი #ახალიამბები #BusinessMediaGeorgia
სარეზერვო ფონდიდან გამოყოფილი მილიონები და გამჭვირვალე ხარჯები -„საერთაშორისო გამჭვირვალობა - საქართველო“ კათოლიკოს-პატრიარქის დაკრძალვის ორგანიზებისთვის დახარჯული სახელმწიფო თანხების გასაჯაროებას ითხოვს. საქმე ის არის, რომ თავდაპირველად მთავრობამ სარეზერვო ფონდიდან ექვს უწყებას ჯამში 5 მილიონ 600 ათასი ლარი გამოუყო, საიდანაც ყველაზე დიდი ლიმიტი - 3 მილიონი ლარი - კულტურის სამინისტროს შეხვდა. მოგვიანებით, როდესაც ღონისძიება დასრულდა, მთავრობამ განკარგულება შეცვალა და გამოყოფილი თანხა რეალურად დახარჯულ ბიუჯეტს მიუსადაგა. საბოლოო ანგარიშებით ირკვევა, რომ კულტურის სამინისტრომ ფაქტობრივად 722 ათასზე მეტი დახარჯა. აუთვისებელი თანხის ბიუჯეტში დაბრუნება სტანდარტული პროცედურაა, თუმცა მთავარი კითხვები სწორედ რეალურად დახარჯულ 722 ათას ლარს უკავშირდება: ვის და რაში გადაუხადა სახელმწიფომ ეს ფული? უწყებას დღემდე არ გაუსაჯაროებია ინფორმაცია, რომელმა კომპანიებმა მიიღეს კონტრაქტები და რა კრიტერიუმებით შეირჩნენ ისინი. რატომ ინახება საბიუჯეტო ხარჯები საიდუმლოდ, რა ინტერესთა კონფლიქტის რისკები იკვეთება ამ პროცესში და რა პასუხები აქვს არასამთავრობო სექტორს? სტუმარი: გიგი ჩიხლაძე - საერთაშორისო გამჭვირვალობა - საქართველო, უფროსი ანალიტიკოსი #ახალიამბები #BusinessMediaGeorgia
დიზელის ფასების ზრდა და მისი პირდაპირი გავლენა სოფლის მეურნეობაზე დღეს გლობალური ეკონომიკის ერთ-ერთი ცენტრალური გამოწვევაა. ვინაიდან საწვავი სასოფლო-სამეურნეო ტექნიკის, ლოგისტიკისა და პროდუქციის გადაზიდვის მთავარი არტერიაა, დიზელის გაძვირება ჯაჭვურ რეაქციას იწვევს: იზრდება თვითღირებულება, მცირდება ფერმერთა მარჟა და საბოლოოდ ძვირდება სურსათი მომხმარებლისთვის. მეორე მხრივ, დიზელის გაძვირება აგროსექტორში ტექნოლოგიური და სტრუქტურული ტრანსფორმაციის მთავარ კატალიზატორადაც ყალიბდება - ტრადიციული, საწვავი ტევადი მეთოდებიდან სექტორი, განსაკუთრებით, განვითარებულ ქვეყნებში დაჩქარებული ტემპით გადადის ენერგოეფექტურ და ციფრულ აგრო-ტექნოლოგიებზე. გაეროს სურსათისა და სოფლის მეურნეობის ორგანიზაცია (FAO) და მსოფლიო ბანკი დიზელის ფასს განიხილავენ როგორც გლობალური ინფლაციის და სურსათის დეფიციტის პირდაპირ რისკ-ფაქტორს.სამთავრობო მხარდაჭერის დონეზე ძირითადად გავრცელებულია ორი მიდგომა: საგადასახადო შეღავათები ან აქციზის ნაწილობრივი დაბრუნება ფერმერებისთვის; და/ ან სუბსიდიები იმ ფერმერთათვის, რომლებიც ძველ, დიდი ოდენობით საწვავზე მომუშავე ტექნიკას თანამედროვე, ეკონომიური მოდელებით ან ელექტრო-ტექნიკით ანაცვლებენ. როგორია ან როგორი უნდა იყოს ამ კუთხით საქართველოს მიდგომა და არის თუ არა დღეს დიზელის გაძვირება მწვავე პრობლემა სოფლის მეურნეობის სექტორისთვის? სტუმარი: რატი კოჭლამაზაშვილი - საქართველოს ფერმერთა ასოციაცია, თავმჯდომარის მოადგილე #ახალიამბები #BusinessMediaGeorgia
საქართველოს დეველოპერულ ბაზარზე საერთაშორისო სტანდარტებისა და მაღალი საინვესტიციო ამონაგების მკვიდრი მოთხოვნა სულ უფრო აქტუალურია. სწორედ ამ სტანდარტებზე მორგებაზე აცხადებს პრეტენზიას კომპანია SEMIRA, რომლის პორტფელიც დღეს 7 მასშტაბურ პროექტს, აჭარაში 4 მიმდინარე მშენებლობასა და 1,100-ზე მეტ საინვესტიციო ერთეულს აერთიანებს. ჩვენს ბოლო შეხვედრაზე კომპანიის კომერციულმა დირექტორმა, დუბაის საერთაშორისო ვიზიტი და გლობალურ ბრენდ WorldHotels-თან ოფიციალური თანამშრომლობა დააანონსა. რა შეთანხმებები შედგა დუბაიში საერთაშორისო ინვესტორებთან, როგორ აისახება WorldHotels-ის სტანდარტი რა ზრდა აჩვენა პროექტების ღირებულებამ საწყისი ფაზიდან დღემდე? სტუმარი: საბა სოზაშვილი - SEMIRA-ს კომერციული დირექტორი #ახალიამბები #BusinessMediaGeorgia
სულ ცოტა ხნის წინ, ბაზარზე გამოჩენილმა ახალმა ბრენდმა JAMBO-მ ყავის მოყვარულებს განსხვავებული გამოცდილება შესთავაზა. ნიკორას 300-მდე სუპერმარკეტში განთავსებული ყავის თვითმომსახურების ბოქსების საშუალებით მომხმარებლებს შესაძლებლობა მიეცათ, ახლად მოხალული მარცვლებით მომზადებული, მაღალი ხარისხის ყავა ხელმისაწვდომ ფასად მიეღოთ. ბრენდის მომხმარებელთა რაოდენობა ყოველთვიურად იზრდება, რაც გაყიდვების მაჩვენებლებზეც აისახება — დღემდე JAMBO-ს მილიონზე მეტი ჭიქა ყავა აქვს გაყიდული. ბოლო პერიოდში ბრენდი განვითარების ახალ ეტაპზე გადავიდა და მომხმარებლებს ყავის სახლში მომზადების შესაძლებლობაც შესთავაზა. ნიკორას სუპერმარკეტებში უკვე ხელმისაწვდომია JAMBO-ს ახლად მოხალული ყავის მარცვლები 250-გრამიან და 1-კილოგრამიან შეფუთვებში, ასევე თურქულად დაფქული ყავა 80-გრამიან შეფუთვაში. რა დგას JAMBO-ს სწრაფი ზრდის უკან, როგორ შეძლო ბრენდმა ხარისხიანი ყავის ხელმისაწვდომობის გაზრდა და რა სიახლეებს გეგმავს განვითარების ახალ ეტაპზე? სტუმრები: თათია ზარქუა - ჯამბოს გენერალური დირექტორი; ცოტნე ჟამუტაშვილი - ყავის მთავარი ტექნოლოგი #ახალიამბები #BusinessMediaGeorgia
ბიოგრაფი ლივინგის ერთ ერთ პროექტი "ჰისნი" თბილისის დეველოპერულ რუკაზე ისანი ერთ-ერთი ყველაზე სწრაფად მზარდი და საინვესტიციოდ მიმზიდველი ლოკაციაზეა. პროექტის პირველმა ფაზამ ინვესტორებისთვის კონკრეტული შედეგები უკვე მოიტანა და ამავე მიმართულებით სიახლეების მოლოდინი კიდევ უფრო გაიზარდა იმ ფონზე რომ II ფაზისა და III ბლოკის გაყიდვების ანონსით, ბაზარს ემატება ლიმიტირებული ბინები ექსკლუზიური პრისეილის პირობებით, რეგისტრაციის სპეციალური შესაძლებლობით. რა ეტაპზეა მშენებლობა, როგორია გაყიდვების დინამიკა და რა შესაძლებლობებს უხსნის „ჰისნი“ ინვესტორებს? სტუმარი: თათია გელაშვილი - ბიოგრაფი ლივინგი, გაყიდვების დეპარტამენტის ხელმძღვანელი #ახალიამბები #BusinessMediaGeorgia
საქართველოში ფსიქოტროპული მედიკამენტების გამოწერის წესები შესაძლოა ნაწილობრივ შემსუბუქდეს. ჯანდაცვის სამინისტრო ორკვირიანი მარაგით გამოწერის რეგულაციაში ცვლილებებს ამზადებს, თუმცა კონტროლის სრულ ლიბერალიზაციას არ გეგმავს. უწყების განმარტებით, გამკაცრებული რეგულაციების შედეგად ქვეყანაში ფსიქოტროპული პრეპარატების მოხმარება შემცირდა და დასტაბილურდა. რა შედეგი გამოიღო შეზღუდვებმა, როგორია ფსიქოტროპული საშუალებების არადანიშნულებისამებრ მოხმარების სტატისტიკა საქართველოში და რა ცვლილებებია თუ სიახლეებია ამ მიმართულებით მსოფლიოში? #ახალიამბები #BusinessMediaGeorgia
საქართველოს ბიზნეს ასოციაცია წევრ კომპანიებთან ინდუსტრიულ შეხვედრებს აგრძელებს. ამჯერად, BAG-ის მენეჯმენტი დეველოპერული ბაზრის ერთ-ერთ ყველაზე მსხვილ და საერთაშორისო მოთამაშეს - კომპანია „ნექსთს“ ესტუმრა. ლოკალური რეალობიდან დაწყებული ისტორია, დღეს უკვე ევროპის, აზიისა თუ აფრიკის კონტინენტებზე მიმდინარე გლობალურ პროექტებს აერთიანებს. როგორ გამოიყურება „ნექსთის“ მზარდი საინვესტიციო პორტფელი და როგორ ხდება ქართული დეველოპერული სტანდარტების ექსპორტი საერთაშორისო ბაზარზე? #ახალიამბები #BusinessMediaGeorgia
პარტიების აკრძალვის ფასი - რა უჯდება სახელმწიფოს პოლიტიკური მართლმსაჯულება? #ახალიამბები #BusinessMediaGeorgia
საერთაშორისო სავალუტო ფონდის დახმარება ქვეყნებისთვის ფინანსური კრიზისის დაძლევის ერთ-ერთი მნიშვნელოვანი მექანიზმია, თუმცა ზოგჯერ ეს დახმარება მილიარდობით დოლარის ვალდებულებად იქცევა. 2026 წლის ოქტომბრის მონაცემებით, ფონდის უმსხვილეს მოვალეებს შორის პირველ ადგილზე არგენტინაა, დაახლოებით 57 მილიარდი დოლარის დავალიანებით, მეორე ადგილზე კი ომით დაზარალებული უკრაინაა. რატომ უწევთ ქვეყნებს საერთაშორისო სავალუტო ფონდისთვის განმეორებით მიმართვა, როგორ განსხვავდება მათი ფინანსური გამოწვევები და რა გავლენას ახდენს მიღებული სესხები ეკონომიკაზე? #ახალიამბები #BusinessMediaGeorgia
17-18 ოქტომბერს საქართველოს ეროვნულ ბოტანიკურ ბაღში ტრადიციული „პურის ფესტივალი“ გაიმართება, რომელიც ქართული ხორბლის მრავალსაუკუნოვან ისტორიასა და პურის ცხობის ტრადიციებს ეძღვნება. წელს ფესტივალმა საერთაშორისო გაერთიანება „ევროპის ისტორიული ბაღების მარშრუტისგან“ უმაღლესი ოქროს ჯილდო მოიპოვა საზოგადოებრივი ჩართულობისა და ცნობიერების ამაღლების კატეგორიაში. ღონისძიების სტუმრებს საშუალება ექნებათ გაეცნონ ენდემური ხორბლის ჯიშებს, დაესწრონ მასტერკლასებს, ისიამოვნონ ცოცხალი მუსიკითა და საბავშვო აქტივობებით. ფესტივალი, რომელსაც მხარს უჭერს თბილისის მერია, კულტურული მემკვიდრეობის დაცვის ეროვნული სააგენტო და ქართული ხორბლის მწარმოებელთა გაერთიანება, მიზნად ისახავს ადგილობრივი მცირე მეწარმეების მხარდაჭერასა და აგროკულტურული მემკვიდრეობის დაცვას. სტუმარი: სოფიო მეტრეველი - ეროვნული ბოტანიკური ბაღის საზოგადოებასთან ურთიერთობისა და ღონისძიებების მენეჯერი #ახალიამბები #BusinessMediaGeorgia
გივი ზალდასტანიშვილის სახელობის ამერიკული აკადემიის მოსწავლეებმა დააფუძნეს ორი უპრეცედენტო პროექტი: კავკასიის კომპიუტერული მეცნიერების კონკურსი, რომელმაც პირველივე წელს 55-ზე მეტი სკოლის 150-მდე მოსწავლე გააერთიანა და მოსწავლეთა კვლევითი ცენტრი - სრულიად უფასო სამეცნიერო-კვლევითი პროგრამა IX-XII კლასელებისთვის. ამ ინიციატივების მთავარი ღირებულება იმაშია, რომ ის სრულიად ხელმისაწვდომია საქართველოს ნებისმიერი სკოლის მოსწავლისთვის. რა როლს ასრულებს ახალგაზრდების ასეთი აქტიური ჩართულობა აკადემიურ და სამეცნიერო პროცესებში? როგორ შეძლეს სკოლის მოსწავლეებმა რეგიონული მასშტაბის კონკურსისა და კვლევითი ცენტრის შექმნა? სტუმრები: ნიკოლოზ კილაძე - გივი ზალდასტანიშვილის სახელობის ამერიკული აკადემიის მოსწავლე ნია ჯანაშია - გივი ზალდასტანიშვილის სახელობის ამერიკული აკადემიის მოსწავლე მიხეილ შარვაშიძე - გივი ზალდასტანიშვილის სახელობის ამერიკული აკადემიის მოსწავლე #ახალიამბები #BusinessMediaGeorgia
დღეს გლობალური ეკონომიკა მორიგი სერიოზული გამოწვევის წინაშეა,- მსოფლიო პრაქტიკულად დიზელის მასშტაბურ კრიზისში შესვლას იწყებს. 1 ბარელი დიზელის გლობალურმა ფასმა 200 დოლარს უკვე გადააჭარბა, ანალიტიკოსები კი არ გამორიცხავენ, რომ ნიშნულმა 250 დოლარსაც მიაღწიოს. ახლო აღმოსავლეთში მიმდინარე კონფლიქტი, ჰორმუზის სრუტის შეზღუდული გამტარუნარიანობა, რუსულ ნავთობგადამამუშავებელ ქარხნებზე დარტყმები და მოსკოვის მიერ დაწესებული ექსპორტის აკრძალვა, - ეს იმ მიზეზების არასრული ჩამონათვალია, რამაც საერთაშორისო ბაზრები შოკურ მდგომარეობაში ჩააგდო. საერთაშორისო ენერგეტიკული სააგენტოს პროგნოზით, დეფიციტი შესაძლოა 2027 წლამდეც კი შენარჩუნდეს. რა ხდება ამჟამად ნედლეულის ბირჟებზე, რამდენად შორს შეიძლება წავიდეს ფასების ზრდა და რა გავლენა ექნება ამ ყველაფერს საქართველოს ეკონომიკაზე? სტუმარი: რატი მესხიშვილი - „მატიოს“ დამფუძნებელი #ახალიამბები #BusinessMediaGeorgia
პირველი იანვრიდან 70 წლამდე ასაკის პენსიონერებისთვის პენსია არა დაგეგმილი 20 ლარით, არამედ 45 ლარით გაიზრდება, შედეგად მათი პენსია 415 ლარი გახდება. 2026 წლის აგვისტოს მდგომარეობით ასაკობრივ პენსიას 905 ათასი ადამიანი იღებდა, საიდანაც 420 ათასი 70 წლამდე ასაკის, 485 ათასი კი 70 წელს ზემოთ იყო. 2027 წლის ბიუჯეტის პირველადი პროექტის მიხედვით საპენსიო უზრუნველყოფაზე 5.6 მლრდ ლარამდე იყო გამოყოფილი. დაანონსებული ცვლილება მას 128 მლნ-ით ₾5.7 მლრდ-მდე გაზრდის. როგორც თავად პრემიერმა აღნიშნა, სოციალური ხარჯები ბიუჯეტის 33%-ს აღემატება, რაც საერთაშორისო ფინანსური ინსტიტუტების მიერ დაშვებული ზღვრის პირასაა და ამ ნიშნულის გადაბიჯებამ შესაძლოა შეანელოს ეკონომიკური ზრდა და წაახალისოს ინფლაცია. შეგახსენებთ, 2027 წლის ბიუჯეტის პირველადი პროექტის განხილვა 12 ოქტომბერს დასრულდა. საფინანსო საბიუჯეტო კომიტეტზე პენსიის 400 ლარამდე ზრდის საკითხი დააყენეს. მომხსენებელმა, ფინანსთა მინისტრის მოადგილე გიორგი კაკაურიძემ, კობახიძის განცხადებამდე დაახლოებით 40 წუთით ადრე თქვა, რომ ზრდის რესურსი არსებობს, თუმცა "ზუსტი ციფრები მას შემდეგ გახდებოდა ცნობილი, რაც ფინანსთა სამინისტრო არსებულ რესურსებსა და მოსალოდნელ შემოსავლებს საბოლოოდ გააანალიზებდა. საიდან იპოვა მთავრობამ 40 წთ-ში დამატებითი რესურსი და რა გავლენას იქონიებს პენსიების ასეთი ზრდა ინფლაციაზე? სტუმარი: გიორგი ხიშტოვანი - ეკონომისტი; #ახალიამბები #BusinessMediaGeorgia
საქართველოს ბიზნეს ასოციაციას დეველოპერული კომპანია მონოლით ჯგუფი შეუერთდა. კომპანია უკვე 13 წელია თბილისში საცხოვრებელ პროექტებს ახორციელებს და ამ ეტაპზე მის პორტფელში 10 დასრულებული და ექსპლუატაციაში შესული პროექტია. რას ნიშნავს BAG-ში გაწევრიანება კომპანიისთვის და რა განვითარების გეგმა აქვს კომპანიას სამშენებლო-დეველოპერულ სექტორში? სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; ლევან არქანია - მონოლითი, გენერალური დირექტორი #ახალიამბები #BusinessMediaGeorgia
ახლახანს ბრიტანული INEOS Automotive-ის ოფიციალური და ექსკლუზიური წარმომადგენლობა მოიპოვა საქართველოში და სულ მალე ბრენდის ფლაგმანი Grenadier, კლასიკური 4x4-ის კონცეფციაზე აგებული ავტომობილი „ავტო გალერის“ შოურუმში იქნება ხელმისაწვდომი. პარალელურად მიმდინარეობს რეგიონული ექსპანსია: ბათუმის შემდეგ „ავტო გალერიმ“ მულტიბრენდული შოურუმი ქუთაისშიც გახსნა. აღნიშნულ სივრცეებში „თეგეტა ქარსი“ ბრენდების ფართო სპექტრს აერთიანებს — ბიუჯეტურიდან პრემიუმ და ლუქს სეგმენტამდე. INEOS „თეგეტა ქარსის“ მრავალფეროვანი პორტფელის მხოლოდ ერთი ნაწილია. ასორტიმენტი მუდმივად ფართოვდება ახალი ბრენდებითა და მოდელებით. ამასთან, ძლიერდება ელექტრომობილების ხაზი, რაც ბაზრის მზარდ მოთხოვნას პასუხობს. სტუმარი: გაგა კოხრეიძე - „თეგეტა ქარსის“ ბიზნესის განვითარების ხელმძღვანელი #ახალიამბები #BusinessMediaGeorgia
ევროპაში საწვავზე ფასების რეკორდული ზრდის ფონზე, საფრანგეთის მთავრობა კრიზისის შესამსუბუქებლად უპრეცედენტო ზომებს იღებს. ქვეყანაში, სადაც დიზელისა და ბენზინის ღირებულება ევროკავშირის საშუალო მაჩვენებელს საგრძნობლად აღემატება, პირველი ნოემბრიდან საწვავი გაიაფდება. ფასდაკლების უზრუნველსაყოფად, სახელმწიფო სტრატეგიული რეზერვების გახსნას და 10 მილიონი ბარელი დიზელის თვითღირებულებით გაყიდვას გეგმავს. #ახალიამბები #BusinessMediaGeorgia
ელექტრომობილების რაოდენობის ზრდასთან ერთად, ლოგიკურად მოთხოვნა ორმაგად იზრდება დამტენი ინფრასტრუქტურის განვითარებაზე. მზარდ მოთხოვნას ვისოლი Wissol E-ის ქსელის გაფართოებით პასუხობს. კომპანია ზრდის დამტენების რაოდენობას, აფართოებს გეოგრაფიულ არეალს და ახალ ლოკაციებზე შესვლას გეგმავს. რა მასშტაბის ქსელს ქმნის კომპანია, როგორ პასუხობს მომხმარებლის საჭიროებებს და რა გეგმები აქვს ელექტრომობილების მიმართულებით? სტუმრები: ვასილ ხორავა - ვისოლის გენერალური დირექტორი; ნიკა ხოდელი - Wissol E- მიმართულების ხელმძღვანელი #ახალიამბები #BusinessMediaGeorgia
#საუბრები ბიზნესსა და ევროკავშირზე - ქართული ბიზნესი გლობალურ დღის წესრიგში რუბრიკის ავტორი&წამყვანი: თამარ ღუნაშვილი, გაეროს გლობალური შეთანხმების საქართველოს ქსელის სტრატეგიული კომუნიკაციების ხელმძღვანელი; სტუმრები: ილია რევია - მიკრობანკ „კრისტალის“ გენერალური დირექტორი; გიორგი გულიაშვილი - WASTELESS-ის თავმჯდომარე #ახალიამბები #BusinessMediaGeorgia
„ჯიპიაი ჰოლდინგი“ და VISA ახალ სტრატეგიულ პარტნიორობას იწყებენ . სადაზღვევო კომპანიამ და საერთაშორისო საგადამხდელო სისტემამ მემორანდუმი გააფორმეს, რომელიც Visa-ს პრემიუმ ბარათების მფლობელებისთვის ექსკლუზიურ სადაზღვევო კამპანიას ითვალისწინებს. ერთობლივი პროექტი ავტოდაზღვევის მიმართულებით იწყება და მომხმარებლებს საშუალებას აძლევს, Visa Signature-ით ან Visa Infinite-ით გადახდისას, ლოიალობის პროგრამის გაზრდილი ქულებით, ავტომობილის მოვლის სპეციალური სერვისებითა და საწვავზე ფასდაკლებით ისარგებლონ. რა სარგებელს იღებენ მძღოლები და რას გულისხმობს ახალი შეთავაზება? #ახალიამბები #BusinessMediaGeorgia
რესპუბლიკური საავადმყოფოს რეაბილიტაციის ფარგლებში ახალი, მაღალტექნოლოგიური კორპუსი აშენდება, სადაც თანამედროვე სამედიცინო სერვისები განთავსდება. ახალი შენობის არქიტექტურული და საინჟინრო პროექტზე ICME Healthcare- იმუშავებს. შერჩეულ საერთაშორისო კომპანიას სამედიცინო ინფრასტრუქტურის დაგეგმვის მრავალწლიანი გამოცდილება აქვს. შესყიდვის დოკუმენტების მიხედვით, პროექტი ითვალისწინებს ახალი, მაღალტექნოლოგიური კორპუსის მშენებლობასა და მის ინტეგრაციას არსებულ 12-სართულიან შენობასთან, სადაც საოპერაციო, რეანიმაციული, რადიოლოგიური და გადაუდებელი დახმარების ბლოკები განთავსდება. რეაბილიტაციის კონცეფციის თანახმად, პარალელურად იგეგმება რესპუბლიკური საავადმყოფოს არსებული შენობების განახლებაც. #ახალიამბები #BusinessMediaGeorgia
ქართული კომპანია "პანექსი", რომელიც პოლიურეთანის PIR და PUR სენდვიჩპანელებს, სამაცივრე კამერებსა და სამაცივრე კარებებს აწარმოებს, გერმანიის ქალაქ ნიურნბერგში მიმდინარე ერთ-ერთ წამყვან საერთაშორისო გამოფენაში - "ჩილვენტა 2026" -ში მონაწილეობს. ღონისძიება სამაცივრე ტექნოლოგიებს, კონდიცირების სისტემებსა და თბოიზოლაციის თანამედროვე გადაწყვეტილებებს ეძღვნება. ასეთი მასშტაბის გამოფენაში მონაწილეობა კომპანიის განვითარებისათვის მნიშვნელოვანი ნაბიჯია. "პანექსს" ეს შესაძლებლობას აძლევს, გააძლიეროს საერთაშორისო საქმიანი ურთიერთობები, საკუთარი პროდუქცია პოტენციურ პარტნიორებს წარუდგინოს, დარგის წამყვან წარმომადგენლებთან გამოცდილება გაცვალოს და ქართული პროდუქციის ექსპორტის განვითარების ახალი შესაძლებლობები აღმოაჩინოს. აღსანიშნავია, რომ "პანექსი" თანმიმდევრულად ახორციელებს ინვესტიციებს წარმოების განვითარებასა და თანამედროვე ტექნოლოგიების დანერგვაში. კომპანიამ ახლახან დაასრულა საწარმოო ხაზის განახლება და გახდა პირველი მწარმოებელი საქართველოში, რომელმაც PIR სენდვიჩპანელების წარმოება დაიწყო. შესაბამისად, ბაზარს უკვე წარედგინა ახალი პროდუქტი -1190 მმ სიგანის PIR სენდვიჩპანელი, ახალი TrueFix საკეტით. პროდუქცია მაღალი თბოიზოლაციური მახასიათებლებით გამოირჩევა და ენერგოეფექტური გადაწყვეტილებების შექმნის შესაძლებლობას იძლევა სამრეწველო შენობების, საწყობების, სამაცივრე და საყინულე კამერების, ასევე კომერციული ობიექტებისთვის.ახალი პროდუქტის წარმოების დაწყება კომპანიის განვითარების მნიშვნელოვანი ეტაპია, რომელმაც საწარმოო შესაძლებლობები და პროდუქციის ასორტიმენტი მნიშვნელოვნად გააფართოვა. #ახალიამბები #BusinessMediaGeorgia
იაპონიაში მან იმპერატორის თასი მოიგო, ოძეკის წოდება მოიპოვა და ქართული სპორტის ისტორიაში განსაკუთრებული ადგილი დაიკავა. ლევან გორგაძე, იგივე ტოჩინოშინი, ქართველი სუმოისტი, რომელმაც იაპონიის ერთ-ერთ ყველაზე ტრადიციულ და კონკურენტულ სპორტში უმაღლეს დონეს მიაღწია. წლების განმავლობაში მიღებული ტრავმების გამო სპორტული კარიერის დასრულება მოუწია, თუმცა იაპონიასთან კავშირი არ გაუწყვეტია. დღეს მისი საქმიანობა ქართული პროდუქციის პოპულარიზაციასა და საქართველოსა და იაპონიას შორის ბიზნესურთიერთობების განვითარებას უკავშირდება. როგორ გაიარა გზა ძეგვიდან იაპონიის სუმოს არენამდე, რა წარმატებებს მიაღწია და რას საქმიანობს სპორტიდან წასვლის შემდეგ? #ახალიამბები #BusinessMediaGeorgia
რა უჯდებათ ფულის მოზიდვა სახელმწიფოებსა თუ გიგანტურ კორპორაციებს? - პასუხი მარტივია, მსოფლიო ეკონომიკის ამ მთავარ არტერიას სულ 3 კომპანია აკონტროლებს. S&P, Moody's და Fitch - ეს ის ტრიუმვირატია, რომლის მიერ გაცემულ შეფასებებზე პირდაპირაა დამოკიდებული ტრილიონობით დოლარის ბედი. როგორ მუშაობს ფინანსური სამყაროს ყველაზე გავლენიანი და დახურული მონოპოლია, რატომაა ბაზარი ახალი მოთამაშეებისთვის მიუწვდომელი და რა საფრთხეს მალავს სისტემა? #ახალიამბები #BusinessMediaGeorgia
#საქმიანიდილა - 15 ოქტომბერი - პროლოგი #ახალიამბები #BusinessMediaGeorgia
ბიზნესის ციფრული ტრანსფორმაცია და ტექნოლოგიური განვითარება BMG-ის და BDO Digital-ის ერთობლივი ახალი პროექტის მთავარი მიმართულებაა. BDO Digital-თან პარტნიორობით, BMG B2B ღონისძიებების ახალ სერიას Industry Talks-ს იწყებს, რომელიც ბიზნეს ლიდერებსა და ტექნოლოგიურ ექსპერტებს აქტუალური გამოწვევების განსახილველად მრგვალ მაგიდასთან გააერთიანებს. პროექტის პირველი ღონისძიება 6 ნოემბერს გაიმართება და რითეილ სექტორის გაციფრულებას დაეთმობა. Industry Talks-ის დაწყება იმ პარტნიორების მხარდაჭერით გახდა შესაძლებელი, რომლებიც ბიზნესის ციფრული ტრანსფორმაციისა და ტექნოლოგიური განვითარების მნიშვნელობას ჩვენთან ერთად ხედავენ. მადლობა მინდა გადავუხადო თითოეულ კომპანიას და მათ გუნდს ნდობისთვის და იმისთვის, რომ ამ ამბავს ჩვენთან ერთად იწყებენ. პროექტის გენერალური პარტნიორები არიან ლიბერთი-ბაზისბანკის ჯგუფი და ავერსი, ტრანსფორმაციის პარტნიორები - ჯიპიაი ჰოლდინგი და ვისოლი, ხოლო ინგეიჯმენტ პარტნიორი - ბრენდჰენდი. სტუმრები: თორნიკე გურული - CEO, გორგია; თამარ ბოჭორიშვილი - პარტნიორი, ERP დეპარტამენტი, BDO Digital; ანანო ციცვიძე - მარკეტინგის და ბრენდის რეგიონალური ხელმძღვანელი, BDO კავკასიასა და ცენტრალურ აზიაში #ახალიამბები #BusinessMediaGeorgia
2012 წელს დაარსებული „კლინიკური ონკოლოგიის ინსტიტუტი“, რომელიც წელიწადში 70 000-ზე მეტ პაციენტს ემსახურება, განვითარების სრულიად ახალ ეტაპზე გადადის და ვიწრო ონკოლოგიური პროფილიდან კლინიკა მრავალპროფილურ სამედიცინო ცენტრად ყალიბდება. ეს ცალკე აღნიშვნის ღირსი და მნიშვნელოვანი გამსხვილებაა საქართველოს სამედიცინო ინდუსტრიაში რომელზეც სხვა დროსაც მოგახსენებთ. ორიოდ წლის წინ “კოი” პირველი ონკოლოგიური პროფილის დაწესებულება გახდა რეგიონში, რომელმაც ამერიკის საერთაშორისო აკრედიტაცია (AACI) მოიპოვა. საქმიანი დილას მაყურებლები ახლა იხილავთ, როგორ მუშაობს თაობათა სინერგია მედიცინაში, სადაც უფროსი თაობის უმნიშვნელოვანესი და ფასდაუდებელი პრაქტიკული გამოცდილება და ახალგაზრდა ექიმების მიერ დანერგილი უახლესი გლობალური სტანდარტები ერთმანეთს ავსებს. პრაქტიკულ სამედიცინო გამოცდილებას ქირურგიაში კი ემატება გუნდის წევრების საერთაშორისო განათლება და მმართველობითი უნარები, რომელიც აქამდე წარმოდგენილ ინფრასტრუქტურულ პროექტებს რეალობად აქცევენ. ინტერვიუ: გია ნემსაძე - ონკოქირურგი, პროფესორი, მედიცინის დოქტორი, კლინიკური ონკოლოგიის ინსტიტუტის დამფუძნებელი; ივანე ნემსაძე - კლინიკის მმართველი პარტნიორი #ახალიამბები #BusinessMediaGeorgia
McKinsey-ის 2025 წლის კვლევის მიხედვით, გამოკითხული ორგანიზაციების 88% ხელოვნურ ინტელექტს სულ მცირე ერთ ბიზნეს ფუნქციაში იყენებს. თუმცა ტექნოლოგიის გამოყენების მასშტაბსა და მის რეალურ ფინანსურ შედეგებს შორის მნიშვნელოვანი განსხვავებაა. ბიზნესის წინაშე რთული გადაწყვეტილება დგას: რა თანხა უნდა დახარჯოს ტექნოლოგიაზე, რომლის ეკონომიკური შედეგი წინასწარ გარანტირებული არ არის? ამავე დროს, რამდენად უსაფრთხოა საქმიანობის ტრადიციული მეთოდებით გაგრძელება, როდესაც კონკურენტები ახალ ტექნოლოგიებს ნერგავენ? როგორ უნდა შეაფასოს კომპანიამ ხელოვნური ინტელექტის დანერგვის საჭიროება, საიდან უნდა დაიწყოს და როგორ განსაზღვროს, გაამართლებს თუ არა ინვესტიცია? სტუმარი: თამარ კერძაია - განათლების ტრანსფორმაციის ექსპერტი და ასოცირებული პროფესორი #ახალიამბები #BusinessMediaGeorgia
ქართული ჩირის მწარმოებელი კომპანია - "პომონა" მცხეთის რაიონის სოფელ მუხრანში უკვე ოთხი წელია, რაც წარმატებით ოპერირებს. თუმცა ისტორია ბევრად ადრე იწყება, ვიდრე თავად წარმოება ითვლის. 2017 წელს, როდესაც მისმა დამფუძნებელმა მცხეთის რაიონის სოფელ მუხრანში საკუთარი ხეხილის ბაღები გააშენა, თან გადაწყვიტა, რომ ის მოსავალი, რომელსაც ბაღებიდან მიიღებდა, ისე უნდა გამოეყენებინა, რომ ბაზრისთვის რაღაც საინტერესო პროდუქტი მიეწოდებინა. მარიამი პროფესიით აგრონომია და ამანაც მნიშვნელოვანი ბიძგი მისცა და ასე, 2022 წელს შეიქმნა ბრენდი, რომლის სახელიც - "პომონა" რომაული მითოლოგიითაა შთაგონებული, ყოველწლიურად იზრდება, ვითარდება და წინ საინტერესო სამომავლო გეგმებიც აქვს. თიკო ნატმელაძე - #მხოლოდქართული, ავტორი&წამყვანი; სტუმარი: მარიამ ტატიშვილი - “პომონას” დამფუძნებელი #ახალიამბები #BusinessMediaGeorgia
ფიზიკურ ჯანმრთელობაზე ზრუნვასთან ერთად, არანაკლებ მნიშვნელოვანია საკუთარ ემოციებზე ზრუნვა და შინაგანი მდგომარეობის გააზრება. როგორ ვისწავლოთ საკუთარ თავთან ჯანსაღი ურთიერთობა და რატომ იწყება თვითზრუნვა საკუთარი საჭიროებების მოსმენით? ამ თემაზე „ავერსი-ფარმასა“ და აზროვნების აკადემიის ერთობლივი პროექტის ფარგლებში შეხვედრა გაიმართა. ფსიქოლოგმა ნათია ფანჯიკიძემ მონაწილეებთან მენტალური ჯანმრთელობის, ემოციური კეთილდღეობისა და თვითზრუნვის მნიშვნელობაზე ისაუბრა. შეხვედრა ოქტომბრის მნიშვნელოვან გზავნილებსაც ეხმიანებოდა, ძუძუს კიბოს შესახებ ცნობიერების ამაღლების კამპანიასა და მენტალური ჯანმრთელობის მსოფლიო დღეს. #ახალიამბები #BusinessMediaGeorgia
ადგილობრივ ბაზარზე კომპანია “კერხერ საქართველო” მასშტაბურ განვითარებას განაგრძობს. აღმაშენებლის ხეივანზე ახალი კერხერ ცენტრი, სათავო ოფისი და თანამედროვე სერვისცენტრი ერთ სივრცეში გაიხსნა. ახალი ლოკაციის გახსნის ოფიციალურ ცერემონიას ადგილობრივ წარმომადგენლებთან ერთად კორპორაციის რეგიონული ხელმძღვანელებიც ესწრებოდნენ, რომლებიც თბილისში სპეციალურად ამ ღონისძიებისთვის ჩამოვიდნენ. რა კონცეფციას ატარებს ახალი მრავალფუნქციური სივრცე და რას სთავაზობს ბრენდი მომხმარებელს? #ახალიამბები #BusinessMediaGeorgia
ბრენდების ცნობადობის გაზრდა, საქმიანი კავშირების გაღრმავება და სამომავლო თანამშრომლობების სტიმულირება - ეს ის მთავარი ამოცანებია, რის გარშემოც Eventoryx-მა სხვადასხვა სფეროს წარმომადგენლები გააერთიანა. ღონისძიება, რომელსაც სასტუმრო Wyndham Grand თბილისმა უმასპინძლა საქმიანი და არაფორმალური ნაწილით დატვირთული აღმოჩნდა. დამსწრე აუდიტორიამ ოფიციალურად გაიცნო „Eventoryx-ის კლუბიც, რომელიც კომპანიის ახალი პროექტია. #ახალიამბები #BusinessMediaGeorgia
#საქმიანიდილა - 14 ოქტომბერი - პროლოგი #ახალიამბები #BusinessMediaGeorgia
მასწავლებლების არაკონკურენტული ხელფასები დღეს მსოფლიო დასაქმების ბაზრის ერთ-ერთი დიდი გამოწვევაა. მეტიც ეკონომიკური თანამშრომლობისა და განვითარების ორგანიზაციის მონაცემები ადასტურებს, რომ მასწავლებლები, იმაზე ნაკლებს გამოიმუშავებენ, ვიდრე მათივე დონის განათლების მქონე სხვა პროფესიონალები. სად აქვთ ყველაზე მაღალი და დაბალი ხელფასები მასწავლებლებს? #ახალიამბები #BusinessMediaGeorgia
თიბისი კამპუსში სტუდენტების მიღება დაიწყო. 18-დან 24 წლამდე ახალგაზრდებს 15 ოქტომბრის ჩათვლით შეუძლიათ სხვადასხვა პროდუქტის მოდულზე დარეგისტრირება, საინტერესოა, რომ პროგრამა უფასოა და მონაწილეებს ციფრული პროდუქტების შექმნის პროცესის გაცნობას, პრაქტიკულ დავალებებზე მუშაობას და დარგის პროფესიონალებისგან სწავლას სთავაზობს. კამპუსში მონაწილეობისთვის წინასწარი გამოცდილება საჭირო არ არის და სწავლა საქართველოს ნებისმიერი რეგიონიდან არის შესაძლებელი. ვისთვის არის განკუთვნილი პროგრამა, რას ისწავლიან მონაწილეები და როგორ უნდა გაიარონ რეგისტრაცია? სტუმრები: მარიამ თევზაძე - თიბისის საგანმანათლებლო პროექტების ლიდერი; ნიკა ბულისკერია - პროექტის ხელმძღვანელი, კოლაბი #ახალიამბები #BusinessMediaGeorgia
გაიხსენეთ, რა მობილურს იყენებდით ზუსტად თხუთმეტი წლის წინ და მიხვდებით, რომ მაშინდელი ინდუსტრიის ლიდერები დღეს თითქმის აღარავის ახსოვს. სანამ ჩვენ ყოველდღიურად ახალ და უფრო ჭკვიან მოდელებზე გადავდიოდით, კულისებში მილიარდიანი ბიზნესების კრახი და სრული ტექნოლოგიური გადაწყობა მიმდინარეობდა. ერთ დროს ხელშეუხებელი იმპერიები ჩამოიშალა, მათ ადგილას კი სრულიად უცნობმა სახელებმა გადმოინაცვლეს და მსოფლიო წარმოუდგენელი სისწრაფით დაიპყრეს. როგორ შეიცვალა ძალთა ბალანსი გლობალურად და ვინ იბრძვის დღეს ჩვენი ყურადღებისთვის? #ახალიამბები #BusinessMediaGeorgia
საქართველოს ბანკმა მომხმარებლებისთვის ახალი საბანკო ნაკრები SUPER წარადგინა, რომელიც ყოველდღიურ გადახდებთან ერთად დამატებითი სარგებლის მიღების შესაძლებლობასაც აერთიანებს. სიახლე განსაკუთრებით საინტერესოა მათთვის, ვინც Visa ბარათით ხშირად იხდის. SUPER ნაკრების ფარგლებში შექმნილი სუპერ PLUS Visa ბარათით საქართველოს ბანკის ტერმინალებზე გადახდისას ყოველ დახარჯულ ლარზე 2.1 PLUS ქულა გროვდება, სუპერმარკეტებსა და ბენზინგასამართ სადგურებზე კი ქულების დაგროვება ორმაგდება, დადგენილი ყოველთვიური ლიმიტის ფარგლებში. რას მოიცავს ახალი შეთავაზება, რა სარგებელს იღებენ მომხმარებლები ყოველდღიური გადახდებისას და როგორ მუშაობს სუპერ PLUS Visa ბარათი? სტუმარი: ნეკა სტეფნაძე - საქართველოს ბანკის სეგმენტის მმართველი #ახალიამბები #BusinessMediaGeorgia
16–17 ოქტომბერს თბილისში, ექსპოჯორჯიას ორგანიზებით, უძრავი ქონების გამოფენა გაიმართება, რომელიც საქართველოს საერთაშორისო ბაზრებთან დააკავშირებს. ღონისძიებაში მონაწილეობას მიიღებენ უცხოური საბროკერო კომპანიებისა და უძრავი ქონების პროფესიონალები, მათ შორის დუბაიდან, რომლებიც ქართულ პროექტებს გაეცნობიან და საერთაშორისო კლიენტებისთვის მათი შეთავაზების შესაძლებლობებს განიხილავენ. რა შესაძლებლობებს ქმნის გამოფენა ქართული უძრავი ქონების ბაზრისთვის, რამდენად იზრდება საერთაშორისო ინტერესი საქართველოზე და რა მნიშვნელობა აქვს მსგავსი ღონისძიებების ფარგლებში ბიზნესკავშირების გაღრმავებას? სტუმრები: მარიამ ცაიშვილი - ექსპოჯორჯია, პროექტების განვითარების დეპარტამენტის ხელმძღვანელი; ვაჟა მებაღიშვილი - GNARE, მმართველთა საბჭოს წევრი #ახალიამბები #BusinessMediaGeorgia
თეგეტა აკადემია 12–14 წლის მოზარდებისთვის ავტოინჟინერიის კურსს იწყებს. ეს არის ახალგაზრდა ინჟინერთა საშაბათო სკოლა, სადაც ბავშვები მხოლოდ თეორიული სწავლების ნაცვლად, რეალურ ტექნიკასთან იმუშავებენ. დღეს ვისაუბრებთ, რით განსხვავდება ეს პროგრამა სხვა აქტივობებისგან, რომლებითაც ამ ასაკის მოზარდები ინტერესდებიან და რა ტიპის ცოდნას მიიღებენ საშაბათო სკოლის მოსწავლეები? სტუმრები: ირინა წეროძე - „თეგეტა აკადემიის“ დირექტორი; ლაშა ჯუღელი - „ექსელენს ჰაბის“ დირექტორი #ახალიამბები #BusinessMediaGeorgia