ევოლუციური იდეიდან გლობალურ ინდუსტრიამდე - კომპანია, რომელმაც ავტომობილი მდიდრების ფუფუნებიდან მასობრივი მოხმარების პროდუქტად აქცია. როგორ შეძლო ჰენრი ფორდმა ერთი პატარა ავტოსახელოსნოდან მსოფლიოს ერთ-ერთი უდიდესი ავტოკომპანიის შექმნა, რატომ იქცა კონვეიერი მეოცე საუკუნის ინდუსტრიული ეპოქის სიმბოლოდ და როგორ გადალახა „ფორდმა“ ეკონომიკური კრიზისები, მსოფლიო ომები და ელექტრომობილების ეპოქის გამოწვევები - ამერიკული ავტოგიგანტის 123-წლიან ისტორია #ახალიამბები #BusinessMediaGeorgia
#საქმიანიდილა - 16 ივნისი - პროლოგი #ახალიამბები #BusinessMediaGeorgia
რომელ ქვეყანას შეეძლო ჰქონოდა ყველაზე ძვირად ღირებული ორდენი? ყველაზე მდიდარს, იქნებოდა ლოგიკური პასუხი. ფაქტები კი ამბობენ რომ ერთ-ერთი ყველაზე ძვირადღირებული ორდენი პროლეტარების ქვეყანას ჰქონდა და დღემდე ასე რჩება. ვისი დიზაინით შეიქმნა? სტალინის. რამდენი? 22 ცალი. და რამდენ ხანს შეეძლო ჰქონოდა ის მფლობელს? პასუხს "1001 ამბავში" გაიგებთ მეორე მსოფლიო ომის დროს გამოშვებული გამარჯვების ორდენი დღემდე ყველაზე ძვირადღირებულ ორდენებს შორისაა. გარდა იმისა რომ ის ძვირფასი ოქროთი პლატინითა და ბრილიანტებითაა - ის შეზღუდული რაოდენობის იყო და ესეც განსაზღვრავდა და განსაზღვრავს მის ფასს რომელიც 10-დან 20 მილიონამდე მერყეობს. #ახალიამბები #BusinessMediaGeorgia
BMG-ის გადამღები ჯგუფი ამ უქმეებზე, რამდენიმე მიზეზით ვსტუმრობდით დასავლეთ საქართველოს და ერთ ვიზიტში რამდენიმე კუთხე და რეგიონიც ჩავატიეთ. აჭარიდან, გურიაში და კონკრეტულად ნაბეღლავში ჩვენ ვიზიტსაც თავის მიზეზი ჰქონდა. ვეწვიეთ წყალი მარგებელის საწარმოს, რომელიც უახლესი ტექნიკით სრულად განახლებულია და თან ბრენდების მრავალფეროვნებითაც გამოირჩევა, ამჯერად ჩვენი ვიზიტის და სიუჟეტის მომზადების მიზანს ავსტრიული რაუხი და მისი ფლაგმანი ბრენდი ჰეფი დეი წარმოადგენს, რომელსაც ქართველი მომხმარებელი კარგად იცნობს, თუმცა ცოტამ თუ იცის რომ ნატურალური წვენი ჰეფი დეი, საქართველოში, წყალი მარგებელის საწარმოში, კონკრეტულად სოფელ ნაბეღლავში იწარმოება. #ახალიამბები #BusinessMediaGeorgia
საქართველოს უნივერსიტეტში სკოლის მოსწავლეებისთვის შექმნილი ინოვაციური კონკურსის - „UG ინოვატორის“ ფინალური Demo Day გაიმართა, სადაც 10-მა ფინალისტმა გუნდმა საკუთარი პროექტები ჟიურის წინაშე წარადგინა. მრავალეტაპიანი კონკურსის შედეგად გამოვლინდნენ ის ახალგაზრდები და მასწავლებლები, რომლებმაც ყველაზე წარმატებით შეძლეს რეალური პრობლემების ინოვაციურ გადაწყვეტებად გარდაქმნა. გამარჯვებულ გუნდებს გადაეცათ ფულადი ჯილდოები - 5000, 3000 და 2000 ლარის ოდენობით. სპეციალური პრიზებით დაჯილდოვდნენ გამარჯვებული გუნდების მენტორ-მასწავლებლებიც, ხოლო გამარჯვებულ სკოლებს საპატიო სიგელები გადაეცათ. კონკურსის ყველა მონაწილემ მიიღო მონაწილეობის სერტიფიკატი. #ახალიამბები #BusinessMediaGeorgia
კინოპრემია „ელისო“ 2026 წლის გამარჯვებული კინემატოგრაფისტები, ტრადიციულად 14 ივნისს გურჯაანში, ნატო ვაჩნაძის სახლ-მუზეუმში გამოვლინდნენ. კინოდაჯილდოება „ელისო“ უკვე მესამედ გაიმართა. ღონისძიებაზე, რომლის მთავარი პარტნიორიც “კოკა-კოლა ბოთლერს ჯორჯიაა” 2025 წლის ქართულ მხატვრულ და დოკუმენტურ კინოში გამორჩეული ნამუშევრები გამოვლინდა. აღსანიშნავია, რომ „ელისო“, რომელიც 2024 წლიდან იმართება, საქართველოში ერთადერთი მოქმედი პროფესიული კინოდაჯილდოებაა და ქართული კინოს განვითარებასა და ახალი ავტორების მხარდაჭერას ემსახურება. წლევანდელ კონკურსზე 11 ფილმი იყო წარმოდგენილი, ხოლო ნამუშევრებს ქართველი და საერთაშორისო კინოპროფესიონალებისგან შემდგარი ჟიური აფასებდა. გამარჯვებულები 6 ნომინაციაში დაასახელა - საუკეთესო ფილმი, რეჟისორი, ოპერატორი, მსახიობი, მონტაჟი და წელს პირველად დამატებული კატეგორია - საუკეთესო კინომუსიკა. ცალკე გამოვლინდა ნატო ვაჩნაძის პრემიის ლაურეატი, რომელიც უკვე მეორე წელია კომპანია „კოკა-კოლა ბოთლერს ჯორჯიას“ მხარდაჭერით გაიცემა და ქალთა როლის გაძლიერებას ემსახურება. წლევანდელი ჯილდო ფოტოგრაფ ნათელა გრიგალაშვილს გადაეცა. გარდა ამისა, ღონისძიებაზე სტუმრებს ასევე Coca-Cola MIX ბარი და ბრენდირებული სივრცე დახვდათ, სპეციალური კოქტეილებითა და პროდუქციით. #ახალიამბები #BusinessMediaGeorgia
გლობალური ბირჟების მიმოხილვა / 16.06.2026 #ახალიამბები #BusinessMediaGeorgia
შვეიცარული მილიარდიანი საინვესტიციო ფონდი ქართული ფინტექ-კომპანიის პარტნიორი გახდა. ვალუტის ონლაინ კონვერტაციის პლატფორმა „კურსი.ჯი“-მ და შვეიცარულმა ფონდმა „სიმბიოტიკსმა“ სტრატეგიული თანამშრომლობა დაიწყეს. მოზიდული ევროპული კაპიტალი ქართულ კომპანიას საშუალებას აძლევს, გააფართოოს ოპერაციები და ბაზარს კიდევ უფრო მოქნილი, იაფი სერვისი შესთავაზოს. რა იცვლება მომხმარებლისთვის და რას ნიშნავს ეს გარიგება ადგილობრივი ფინანსური ბაზრისთვის? #ახალიამბები #BusinessMediaGeorgia
2026 წლის მაისში თბილისში ახალ პროექტებში ტრანზაქციების რაოდენობა გასული წლის მაისთან შედარებით 15.3%-ით გაიზარდა. ზრდა დაფიქსირდა ახალაშენებული ბინების როგორც პირველად (11.4%), ისე მეორეულ ბაზრებზე (20.7%). მეორეულ ბაზარზე ზრდის 40% სამგორის უბანზე მოდის. ტრანზაქციების რაოდენობა 5.1%-ით გაიზარდა ძველ პროექტებშიც. თბილისში, როგორც ძველ ისე ახალ პროექტებში ტრანზაქციების უმეტესობა საქართველოს მოქალაქეებზე ნაწილდება, უცხოეთის მოქალაქეების წილი კი 2026 წლის მაისში მხოლოდ 11.4% იყო. რაც შეეხება ბათუმს, 2026 წლის მაისში ბათუმში საცხოვრებელი ბინების ტრანზაქციების რაოდენობა გასული წლის მაისთან შედარებით მცირედით 2.5%-ით გაიზარდა და 1,324 ერთული შეადგინა, ბაზრის ზომა კი 22.2%-ით 87 მილიონ აშშ დოლარამდე ზრდას აჩვენებდა. სტუმარი: ლეო ჩიქავა - Colliers Georgia-ს კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
წისქვილკომბინატები ფქვილის სავალდებულო მარკირების დაწყებას ითხოვენ. მიზანი ბაზარზე ჩრდილოვანი სეგმენტის და ხორბლის არალეგალური გადამუშავების შემცირებაა. სექტორში არსებული ვითარების მოწესრიგების გარდა მოლოდინია, რომ მოსახლეობა უფრო ხარისხიან პროდუქტს მიიღებს. რა ეტაპზეა სამინისტროსთან სავალდებულო მარკირების შემოღებასთან დაწყებული მოლაპარაკებები? სტუმარი: ლევან სილაგავა - ხორბლისა და ფქვილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
საგზაო უსაფრთხოებისა და ადმინისტრაციული სანქციების სისტემის სრულყოფის მიზნით მომზადებულ საკანონმდებლო წინადადებას, რომელზეც ავტოიმპორტიორთა და ავტომფლობელთა ასოციაცია უკვე დიდი ხანია მუშაობს, პარლამენტს ვადაზე ადრე წარუდგენენ. როგორც ასოციაციის თავმჯდომარე ალექსი ნონიაძე აცხადებს, ინიციატივის ოფიციალური წარდგენა თავდაპირველად საშემოდგომო სესიისთვის იყო დაგეგმილი, თუმცა პრემიერ-მინისტრისა და პარლამენტის წევრების მიერ ბოლო პერიოდში გაკეთებული განცხადებების გათვალისწინებით, გადაწყვეტილება შეიცვალა. ნონიაძის შეფასებით, ადმინისტრაციული სანქციების ეფექტიანობა მხოლოდ მათი სიმკაცრით არ განისაზღვრება და მნიშვნელოვანი როლი ენიჭება სამართლიანობის, პროპორციულობისა და პრევენციული ფუნქციის პრინციპებს. მისი თქმით, მისასალმებელია მიდგომა, რომლის მიხედვითაც გარკვეული ტიპის სამართალდარღვევების შემთხვევაში, პირველ ეტაპზე პრიორიტეტი გაფრთხილებას ენიჭება და არა ფინანსურ სანქციას. რას ითხოვს ასოციაცია? სტუმარი: ალექსი ნონიაძე - ავტოიმპორტიორთა და ავტომფლობელთა ასოციაციის ხელმძღვანელი; #ახალიამბები #BusinessMediaGeorgia
შინაგან საქმეთა სამინისტრომ „მიგრაციული პროცესების მართვის მიზნით“ საკანონმდებლო ცვლილებათა ახალი პაკეტი მოამზადა, რაც უცხოელთა საქართველოში ყოფნისა და ბინადრობის წესებს მნიშვნელოვნად ამკაცრებს. აღნიშნული ცვლილებებით: სასწავლებლებს უცხოელი სტუდენტების მიღების მაქსიმალური კვოტები დაუწესდებათ, სტუდენტებს კი სასწავლებლებში მისასვლელად დამატებითი წინაპირობები. უნივერსიტეტებმა უცხოელი სტუდენტების შესახებ მთელი რიგი ინფორმაცია „ერთიან საინფორმაციო სისტემაში“ უნდა ასახონ. რამდენი იქნება ეს კვოტა ან რა პრინციპით განისაზღვრება, იქნება თუ არა განსხვავებული ფაკულტეტების მიხედვით, - კითხვებზე დადასტურებული პასუხები ჯერჯერობით უცნობია. უცხოელი სტუდენტების მიერ გადახდილი სწავლის გადასახადი არაერთი კერძო უნივერსიტეტისთვის, მნიშვნელოვან წყაროს წარმოადგენს. რიგ კერძო უნივერსიტეტებში ქართველი სტუდენტებისთვის განსაზღვრული დაბალი გადასახადს სწორედ უცხოელი სტუდენტები აბალანსებენ. რა გავლენას იქონიებს მომზადებული ცვლილებათა პაკეტი სასწავლო დაწესებულებებზე? სტუმარი: კოკა თოფურია - საქართველოს უნივერსიტეტის რექტორი #ახალიამბები #BusinessMediaGeorgia
სადაზღვევო კომპანია „ალდაგის“ მხარდაჭერით, თბილისში ელექტრომობილების ყველაზე მასშტაბური გამოფენა - EV EXPO 2026 გაიმართა, რომელიც 13-14 ივნისს „ექსპო ჯორჯიას“ მე-11 პავილიონში მოეწყო. წლევანდელი ღონისძიება, რომლის მთავარი თემაც იყო „მართე ცვლილებები“, ერთ სივრცეში აერთიანებდა წამყვანი საერთაშორისო ბრენდების პრემიუმ კლასის ელექტრომობილებსა და ჭკვიან ტექნოლოგიებს. სტუმრებს ასევე ჰქონდათ შესაძლებლობა ესარგებლათ ტესტ დრაივ ზონით და რეალურ პირობებში თავად გამოეცადათ სასურველი მოდელები. უფრო დეტალურად, რა სიახლეები და ინოვაციები იყო წარმოდგენილი გამოფენაზე? #ახალიამბები #BusinessMediaGeorgia
ნარჩენების მიმღები პირველი “ჭკვიანი” ავტომატი - დამზადებულია საქართველოში; თემურ ჭყონია - Coca-Cola Bottlers Georgia, დამფუძნებელი; ნიკოლოზ ძნელაძე - "კოკა-კოლა ბოთლერს ჯორჯია", ინოვაციური ტექნოლოგიებისა და გადახდების სისტემის სპეციალისტი; ლუკა ჯანჯღავა - "კოკა-კოლა ბოთლერს ჯორჯია", ინოვაციური ტექნოლოგიების ინჟინერი; გიორგი სიგუა - "კოკა-კოლა ბოთლერს ჯორჯია", ტექნოლოგიური განვითარების მენეჯერი; ანნა ლაპიაშვილი - BMG. #ახალიამბები #BusinessMediaGeorgia
#ავიაციისსიახლეები: ✈ 25 ივნისიდან, თბილისისა და ბათუმის საერთაშორისო აეროპორტებს შორის რეგულარული ფრენები იწყება ✈ Wizz Air-ი ქუთაისიდან ლიონის მიმართულებით ფრენებს აჩერებს|განცხადება ✈ რუმინული ავიაკომპანია თბილისიდან ბუქარესტამდე ფრენებს 1 ივლისს იწყებს ✈ 2027 წლიდან WizzAir-ის ფლოტი Starlink-ის ინტერნეტით აღიჭურვება ✈ „ჯერ სიცოცხლე, მერე ბარგი“ - IATA ევაკუაციის დროს მგზავრებს ხელბარგის დატოვებისკენ მოუწოდებს ✈ ევროპაში €100-მილიარდიანი ავიაგამანადგურებლების პროგრამა შეჩერდა – რა არის FCAS? კვირის ყველაზე მნიშვნელოვანი და საინტერესო სიახლეები საავიაციო სექტორიდან - თიკო ნატმელაძე მიმოხილვით; #ავიაცია #ავიამიმოსვლა #ახალიამბები #BusinessMediaGeorgia
“ისთ ფოინთში” “ლაბორატორია ჩემი სახლის” ახალი ფილიალი გაიხსნა #ახალიამბები #BusinessMediaGeorgia
“ინტერიერი დეტალებში” სტუმარი: სალომე დადუნაშვილი - “ინტერიერი სალომე დადუნაშვილთან ერთად” ავტორი&წამყვანი #ახალიამბები #BusinessMediaGeorgia
გასულ უქმეებზე, ექსპო ჯორჯიას მე-11 პავილიონში, EV EXPO 2026 ახალი, ორდღიანი ფორმატით დაბრუნდა. გამოფენა ელექტრომობილების ინდუსტრიის წამყვანი პლატფორმის, EVNEWS.GE-ს ორგანიზებით ჩატარდა. ღონისძიების მთავარი მიზანი ელექტრომობილების, თანამედროვე ტექნოლოგიებისა და ეკოლოგიურად სუფთა ტრანსპორტის პოპულარიზაცია იყო. #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
„ავერსი“ Spotlight-ის მხარდამჭერია - ღონისძიების, რომელმაც სხვადასხვა სფეროს პროფესიონალები, ინოვატორები და ახალგაზრდა ლიდერები ერთ სივრცეში შეკრიბა. ბიზნესის, ტექნოლოგიების, ხელოვნური ინტელექტის, მარკეტინგისა და კრეატიული ინდუსტრიების წარმომადგენლებმა დამსწრეებს საკუთარი გამოცდილება გაუზიარეს და თანამედროვე ტენდენციებზე ისაუბრეს. როგორ ჩაიარა დღემ და რა გზავნილები დატოვა წლევანდელმა Spotlight X-მა? #ახალიამბები #BusinessMediaGeorgia
საქართველოს ტურიზმის ინდუსტრია გლობალური ეკონომიკური ცვლილებების ფონზე ახალ გამოწვევებსა და შესაძლებლობებს აწყდება. რა ტენდენციები განსაზღვრავს საერთაშორისო მოგზაურობის ბაზარს, როგორ იცვლება ტურისტების ქცევა და რა ფაქტორები იქნება ქვეყნის კონკურენტუნარიანობის შენარჩუნებისთვის გადამწყვეტი - ამ საკითხებზე „მასტერქარდ ეკონომიკ ინსტიტუტის“ მიერ თბილისში გამართულ კონფერენციაზე იმსჯელეს. #ახალიამბები #BusinessMediaGeorgia
საინვესტიციო კომპანია გალტ ენდ თაგარტის ჩართულობით და საქართველოს ეკონომიკის განვითარების კორპორაციის მხარდაჭერით, კომპანია ნუტრიმაქსმა, წარმატებით დაასრულა სადებიუტო საჯარო ობლიგაციების განთავსება. ემისიის ჯამურმა ნომინალურმა ღირებულებამ 10,000,000 აშშ დოლარი შეადგინა. 2 წლიანი ვადის მქონე ობლიგაციების გამოშვების თარიღად 2026 წლის 29 მაისი განისაზღვრა, ხოლო საპროცენტო სარგებლის გადახდა განხორციელდება ნახევარწლიურად. საბოლოო საპროცენტო სარგებლის მაჩვენებელმა 8.5% შეადგინა. ობლიგაციებიდან მიღებულ სახსრებს ნუტრიმაქსი არსებული ვალდებულებების რეფინანსირებისა და კაპიტალური დანახარჯების დასაფინანსებლად მიმართავს. აღნიშნული ფასიანი ქაღალდების სს „თბილისის საფონდო ბირჟის“ სავაჭრო სისტემასა და ლისტინგში იქნება დაშვებული. #ახალიამბები #BusinessMediaGeorgia
უკვე ზედიზედ მე-5 წელია, რაც პლანეტა გაცილებით მეტ ვერცხლს მოიხმარს, ვიდრე მაღაროებიდან მისი ფიზიკური ამოღება ხერხდება, მთელი ინდუსტრიის მომავალი კი მხოლოდ რამდენიმე სახელმწიფოს ხელშია მოქცეული. რა ტენდენციები ვითარდება გლობალურ ბაზარზე დაროგორ იყენებენ წამყვანი მოთამაშეები საკუთარ სტრატეგიულ უპირატესობას? #ახალიამბები #BusinessMediaGeorgia
წლების განმავლობაში ექსპერტები ამერიკული ვალუტის ეპოქის დასასრულს და ახალი ფინანსური წესრიგის დამყარებას პროგნოზირებდნენ. მთავარ ალტერნატივად კი ჩინეთი განიხილებოდა. თუმცა, უახლესმა გლობალურმა მონაცემებმა ეს მოლოდინები სრულად გააქარწყლა. ხმაურიანი კამპანიების მიუხედავად, აღმოჩნდა, რომ მსოფლიო საკუთარ კაპიტალს ყველაზე საიმედოდ ისევ შეერთებული შტატების ეკონომიკას ანდობს. როგორ ჩავარდა იუანის ექსპანსია და რეალურად ვის სეიფებში ინახება პლანეტის მთავარი სიმდიდრე? #ახალიამბები #BusinessMediaGeorgia
#საქმიანიდილა - 15 ივნისი - პროლოგი #ახალიამბები #BusinessMediaGeorgia
ახლო აღმოსავლეთში მიმდინარე კონფლიქტის ფონზე, უსაფრთხოების მაძიებელმა მოგზაურებმა ესპანეთს უპრეცედენტო, 100 მილიონიანი ტურისტული ნაკადი მოუტანეს. თუმცა, მოულოდნელმა ეკონომიკურმა ბუმმა მწვავე სოციალური პრობლემები გამოიწვია. უცხოელებზე მორგებულმა ქირის ფასებმა ადგილობრივები საკუთარი ქალაქებიდან ფაქტობრივად გააძევა, რის გამოც ხელისუფლება იძულებულია, მრავალმილიარდიან ინდუსტრიას უმკაცრესი შეზღუდვებით დაუპირისპირდეს. რა ფასი უჯდება ესპანეთს ევროპის მთავარი მიმართულების სტატუსი და როგორ იქცა ეკონომიკის მთავარი ძრავა რიგითი მოქალაქეებისთვის საფრთხედ? #ახალიამბები #BusinessMediaGeorgia
#ბრენდისხმა - “კნაუფი” I Knauf Georgia გიორგი ჯაფარიძე - "კნაუფ გიპს თბილისის" გაყიდვების და მარკეტინგის დირექტორი #BrandVoice #საქმიანიდილა #ბიზნესმედია #საქმიანები #BMG
ათწლეულების განმავლობაში შეერთებული შტატები ევროპელებისთვის, და განსაკუთრებით ირლანდიელებისთვის, მთავარ საოცნებო დანიშნულებად რჩებოდა. თუმცა დღეს, გლობალური მიგრაციის რუკაზე უპრეცედენტო სურათი იხატება - ოფიციალური სტატისტიკით, ირლანდიაში საცხოვრებლად უკვე უფრო მეტი ამერიკელი გადადის, ვიდრე პირიქით. თავად შეერთებულ შტატებში კი მიგრაციული სალდო ბოლო ორმოცდაათი წლის განმავლობაში პირველად არის უარყოფითი. რატომ ტოვებს ასიათასობით ამერიკელი საკუთარ ქვეყანას ნებაყოფლობით, რა როლს თამაშობს ამ პროცესში ვაშინგტონის პოლიტიკა და როგორ იქცა ირლანდია სტაბილურობის ახალ ცენტრად? #ახალიამბები #BusinessMediaGeorgia
ბორჯომში მდებარე სასტუმრო ობიექტის - “ლენდჰაუს ბორჯომი” ოპერირების 4 წელს ითვლის. ძალიან საინტერესო თავგადასავალი დასაწყისი აღმოჩნდა ლენდჰაუს ბორჯომის შემქმნელებისთვის ამ ბიზნესის დაწყება. ამ წლების განმავლობაში ობიექტმა ბევრი ეტაპი და სირთულე გაიარა, თუმცა როგორც თავად ჰყვებიან, მათთვის მთავარი საერთაშორისო ვიზიტორებისთვის ბორჯომის მხარის სწორი კუთხით გაცნობაა, რაშიც თავის წვლილი შეაქვთ. როგორ გამოიყურება ლენდ ჰაუს ბორჯომის ისტორია და კონცეფცია? თიკო ნატმელაძე - #მხოლოდქართული, ავტორი&წამყვანი; სტუმარი: ეკა გეგეშიძე - „ლენდჰაუს ბორჯომი“-ს დამფუძნებელი #ახალიამბები #BusinessMediaGeorgia
მეცნიერება, ტექნოლოგიები, ინჟინერია და მათემატიკა - სფეროები, რომლებიც თანამედროვე ეკონომიკისა და მომავლის პროფესიების საფუძველს ქმნის. სწორედ ამ მიმართულებებისადმი ინტერესის გასაძლიერებლად უკვე მეოთხე წელია საქართველოს ბანკი და კომაროვის სკოლა STEM ოლიმპიადას ატარებენ. წელს კონკურსში საქართველოს სხვადასხვა რეგიონიდან 800-ზე მეტი მოსწავლე ჩაერთო, ფინალურ ეტაპზე კი მხოლოდ 10 საუკეთესო გუნდი გადავიდა. როგორ გამოვლინდა გამარჯვებული გუნდები და რა შესაძლებლობებს სთავაზობს ოლიმპიადა ახალგაზრდა ტალანტებს? #ახალიამბები #BusinessMediaGeorgia
ზედიზედ უკვე მეორედ „ტოიოტა ცენტრი თეგეტამ“ Toyota Ichiban-ის (იჩიბანის) ჯილდოს მფლობელი გახდა. იჩბანის თარგმანიც მოვძებნე სხვათა შორის და ნომერ პირველს ნიშნავს. პორტუგალიის ალგარვის რეგიონში გამართულ Toyota-ს ყოველწლიურ ცერემონიაზე ქართული კომპანია ევროპის საუკეთესო დილერებს შორის დაასახელეს. „ტოიოტა ცენტრი თეგეტა“ 2 200-ზე მეტ ევროპულ სადილეროს შორის გამოარჩიეს და 34 ქვეყნის 47 საუკეთესო დილერთან ერთად დაჯილდოვდა და ამ აღიარებას ბიზნესები ძირითადად მომხმარებლის განსაკუთრებულ კმაყოფილებაზე, გაყიდვების შესრულებაზე, ლოიალობასა და გრძელვადიანი, სანდო ურთიერთობების დამყარების უნარზე დაკვირვების შედეგებით გასცემენ. სტუმარი: მარიამ მელიაშვილი - „ტოიოტა ცენტრი თეგეტას“ გენერალური დირექტორი #ახალიამბები #BusinessMediaGeorgia
კრიპტოვალუტა, ვირტუალური ვალუტა, რომელიც ტრანზაქციების უსაფრთხოების უზრუნველსაყოფად კრიპტოგრაფიას იყენებს ერთი მხრივ დაცულობისთვის ძალიან მნიშვნელოვანი პროდუქტია და მეორე მხრივ თაღლითებისთვის ადვილად გამოსაყენებელი შესაძლებლობა, თუმცა სხვა და სხვა კრიპტოვალუტებში განსხვავებულია როგორც მის მიამრთ ინტერესის მოტივაცია ისე ფასი და დაცულობა. მიუხედავად იმისა, რომ კრიპტოვალუტების ბაზარზე ათასობით სხვადასხვა მონეტა არსებობს, ბიტკოინი კვლავ ინარჩუნებს თავის დომინანტურ, ნომერ პირველ პოზიციას. მას ხშირად უწოდებენ „ციფრულ ოქროს“, მაშინ როცა სხვა კრიპტოვალუტები უფრო ტექნოლოგიურ აქციებს ან პლატფორმებს ჰგვანან. მისი ფასი წლებია დომინაციაშია, მიუხედავად იმისა რომ ბიტკოინის ისტორიული მაქსიმუმიდან დღემდე, კრიპტობაზარმა 1 ტრილიონ დოლარზე მეტი დაკარგა. ციფრული ვალუტის ნაცვლად, ინვესტორები კაპიტალს ახლა ტექნოლოგიურ სექტორსა და ხელოვნურ ინტელექტში აბანდებენ. პარალელურად, გლობალური ეკონომიკური პოლიტიკა მკაცრდება და ტრადიციული ფინანსური ინსტიტუტების მხრიდან ინდუსტრიაზე წნეხი იზრდება. რა ფაქტორები განაპირობებს ბიტკოინის გაჭიანურებულ ვარდნას და რა ახალმა კანონმა შეიძლება შეცვალოს თამაშის წესები ბაზარზე? #ახალიამბები #BusinessMediaGeorgia
ციფრული ეკონომიკის განვითარებასთან ერთად, თაღლითობაც ახალ და გაცილებით დახვეწილ ფორმებს იძენს. ხელოვნური ინტელექტი, დიფფეიქ ტექნოლოგიები, სინთეზური იდენტობები და კრიპტოსივრცეზე მზარდი კიბერშეტევები უკვე მსოფლიოს წამყვანი კომპანიების ერთ-ერთ მთავარ გამოწვევად იქცა. როგორ იცვლება თაღლითობის მეთოდები, რატომ ვეღარ იცავს ბიზნესს მხოლოდ ტრადიციული უსაფრთხოების სისტემები და რა რისკებს ელოდებიან კომპანიები უახლოეს წლებში? #ახალიამბები #BusinessMediaGeorgia
#საქმიანიდილა - 12 ივნისი - პროლოგი #ახალიამბები #BusinessMediaGeorgia
"ჰესებსაც ავაშენებთ და კრიპტომაინინგიც აღმოიფხვრება“ - ასე პასუხობს პრემიერ-მინისტრი ირაკლი კობახიძე მესტიაში მაინინგის წინააღმდეგ დაწყებულ ბრძოლაზე დასმულ კითხვას. კერძოდ, BMG დაინტერესდა რატომ ვერ შეძლო ხელისუფლებამ სვანეთში უკანონო კრიპტომაინინგის პრობლემის მოგვარება 2020 წლიდან დღემდე, მიუხედავად იმისა, რომ ეს საკითხი კარგად იყო ცნობილი სახელმწიფო უწყებებისთვის და საქმე მოსახლეობის მიერ ხატზე დაფიცებამდეც კი მივიდა. ოცნების პრემიერი ამბობს, რომ მისი ჩართულობით განხილვა ორჯერ, დაახლოებით წელიწად-ნახევრისა და ორი-სამი თვის წინ დაიწყო. მაშინ ვერ მოხერხდა, ახლა კი ნებისმიერი ასეთი ინიციატივის „გატანისთვის“ მზად არიან. 2026 წლის პირველ ივნისს მთავრობამ განაცხადა, რომ კრიპტომაინინგის პრობლემის აღმოსაფხვრელად, მესტიაში მოსახლეობის გამრიცხველიანება მოხდება, თუმცა ადგილობრივებისთვის ელექტროენერგია საჭირო რაოდენობის ფარგლებში კვლავ უფასო იქნება, ხოლო გარკვეული რაოდენობის ზემოთ დაწესდება ლიმიტი და მათ ვინც ამ ლიმიტს გადააჭარბებს, ტარიფის გადახდა მოუწევთ. რას ფიქრობს ადგილობრივი ბიზნესი მთავრობის ახალ გადაწყვეტილებებზე? სტუმარი: ეკა გველესიანი - სასტუმრო "ფალიანი" დამფუძნებელი; #ახალიამბები #BusinessMediaGeorgia
“ვაზისა და ღვინის შესახებ“ კანონში დაგეგმილი ცვლილებები პარლამენტმა მესამე მოსმენით - 75 ხმით (1 - წინააღმდეგი) დაამტკიცა. მიღებული კანონის პროექტის თანახმად, “მცირე ზომის მარნის“ დეფინიცია იცვლება და მისი წლიური წარმადობის მაქსიმალური ზღვარი 40 000 ლიტრიდან 25 000 ლიტრამდე მცირდება. ამასთან, ტერმინი “სახლის ღვინო“ იცვლება ტერმინით - “ბუნებრივი ღვინო“, რომელიც ითვალისწინებს პროდუქციის წარმოებას სისტემური პესტიციდებისა თუ სხვა ქიმიური სინთეზური საშუალებების გამოყენების გარეშე. კანონპროექტით სავალდებულო ხდება სერტიფიცირებული ალკოჰოლიანი სასმელების ნიშანდება. ალკოჰოლიანი სასმლის ნიშანდებას ღვინის ეროვნული სააგენტო, გარემოს დაცვისა და სოფლის მეურნეობის მინისტრის მიერ დადგენილი წესით განახორციელებს. რას შეცვლის ბაზარზე მიღებული ცვლილება? სტუმარი: გიორგი სამანიშვილი – ღვინის ეროვნული სააგენტოს ყოფილი ხელმძღვანელი #ახალიამბები #BusinessMediaGeorgia
ტურისტული სეზონის პიკში სასტუმროებთან დაკავშირებული კითზხვები ბევრ მოგზაურს აწუხებს. რა დოკუმენტებია საჭირო ჩექინის დროს, შეუძლია თუ არა ერთმა ადამიანმა მთელი ჯგუფის ნაცვლად დაჩექინება, რა წესები მოქმედებს ოლ ინქლუზივ სასტუმროებში, რას ნიშნავს ნაადრევი ჩექინი და გვიანი ჩექაუთი, რატომ ითხოვენ სასტუმროები დეპოზიტს და რა შემთხვევაში შეიძლება მისი გამოყენება? რუბრიკის ავტორი&წამყვანი - ანა კირკიტაძე - “ვინგლეთი”, დამფუძნებელი; სტუმარი: სალომე ბერაია - “პეგას ტურისტიკის” საქართველოს და აზერბაიჯანის გენერალური დირექტორი #ახალიამბები #BusinessMediaGeorgia
საქართველოს ეროვნულმა ბანკმა საერთაშორისო რეზერვებისთვის დამატებით 100 მილიონი დოლარის ღირებულების მონეტარული ოქრო შეიძინა. შედეგად, სებ-ის ოქროს რეზერვები თითქმის 7.9 ტონამდე გაიზარდა და საერთაშორისო რეზერვებში მისმა წილმა 15.5%-ს მიაღწია. ეროვნული ბანკის განმარტებით, გადაწყვეტილების მიზანია რეზერვების დივერსიფიკაცია, ინფლაციური და გეოპოლიტიკური რისკებისგან დაცვა და ფინანსური სტაბილურობის გაძლიერება. „ საერთაშორისო ბაზრებზე ცენტრალური ბანკები კვლავ განაგრძობენ ოქროს შესყიდვის მიღებულ პრაქტიკას და მხოლოდ 2026 პირველ კვარტალში 970 ტონაზე მეტი შეისყიდეს, რაც მთელ 2025 წლის შესყიდვებთან მიმართებაში დაახლოებით 80%-ია. ცენტრალური ბანკების მთლიანი შესყიდვები ზედიზედ ოთხი წლის განმავლობაში 1000 ტონაზე მაღალ ნიშნულზე ნარჩუნდება. აღსანიშნავია, ისიც, რომ ცენტრალური ბანკების მხრიდან მოთხოვნა ოქროს ფასზე ნაკლებად არის დამოკიდებული, რაც ძირითადად ოქროს ფასის ქვედა ზღვრის სტაბილურობას უზრუნველყოფს. უკრაინაში კონფლიქტის გაგრძელება, შუა აღმოსავლეთში ესკალაცია, აშშ-ის და ჩინეთის სავაჭრო დაძაბულობა, ასევე 2026 წლის თებერვალში დაწყებული აშშ-ის და ირანის კონფლიქტი - ყველა ეს ფაქტორი თანმიმდევრულად ქმნიდა და აძლიერებდა სტრუქტურულ რისკის პრემიას ოქროს ფასში და ზრდიდა მისი, როგორც უსაფრთხო და დაცული აქტივის ღირებულებას",- აღნიშნულია სებ-ის მიერ გავრცელებულ ინფორმაციაში. ამასთან უნდა აღინიშნოს, რომ ეროვნული ბანკის პრეზიდენტმა, ნათია თურნავამ 27 მაისს პარლამენტში განაცხადა , რომ სებ-ი ოქროს ზრდას მთლიან რეზერვებში 25%-მდე წილით განიხილავდა. ეს კი ნიშნავს, რომ ახლა შესყიდული 100 მილიონი დოლარის ოქროს გარდა, მარეგულირებელი კიდევ აპირებს ოქროს შესყიდვას. რამდენად სწორი და დროული გადაწყვეტილებაა ეროვნული ბანკის მხრიდან ოქროს რეზერვების გაზრდა? სტუმარი: აკაკი ცომაია - ეკონომისტი #ახალიამბები #BusinessMediaGeorgia
ენ კოდი შატბერაშვილზე პრემიუმ კლასის საცხოვრებელი პროექტია და თბილისის ერთ-ერთ ყველაზე პრესტიჟულ უბანში მდებარეობს. ეს პროექტი შექმნილია მათთვის, ვინც ქალაქის ცენტრთან სიახლოვეს, მაგრამ მშვიდ და დაცულ გარემოში ცხოვრებას ანიჭებს უპირატესობას. კერძო სახლის კონცეფციით შექმნილი 5-სართულიანი საცხოვრებელი კომპლექსი აერთიანებს თანამედროვე არქიტექტურას, ენერგოეფექტურ სამშენებლო მასალებსა და მაღალი ხარისხის ინფრასტრუქტურას. სტუმარი: თამარ კანთელაძე - Salescomm-ის დამფუძნებელი; N Code-ის პარტნიორი გაყიდვებისა და მარკეტინგის მიმართულებით #ახალიამბები #BusinessMediaGeorgia
მალე ბორჯომში საერთაშორისო ბრენდი - ჰილტონი გამოჩნდება. სასტუმრო ბორჯომი ჰილტონ გარდენ ინის მშენებლობის პროცესი დასკვნით ეტაპზეა და ის პრემიუმ ხარისხზეა ორიენტირებული, რომელიც ისეთ სივრცეებს გააერთიანებს, სადაც დამსვენებლებს ყველა სახის სერვისის და მაქსიმალური კომფორტის გამოცდა შეეძლებათ. აღსანიშნავია ისიც, რომ ბორჯომის ჰილტონის საპროექტო და სამონტაჟო სამუშაოები სრულად კომპანია სმარტერმა ჩაიბარა, რომელიც წლებია, რაც საქართველოში საერთაშორისო ბრენდებს წარმოადგენს და საცხოვრებელ სახლებში ჭკვიანი სისტემების მონტაჟთან ერთად, საინჟინრო მომსახურებასაც ასრულებს. როგორ გამოიყურება ბორჯომი ჰილტონ გარდენ ინის პროექტი და როგორია მათი პარტნიორობა სმარტერთან? სტუმრები: დიმიტრი აბულაძე - "სმარტერის" მმართველი პარტნიორი; ვაკო საღირაშვილი - "ჰილტონ ბორჯომ გარდენ ინის" პროექტის ხელმძღვანელი “სმარტერის” საკონტაქტო ინფორმაცია: ჟ. შარტავას 39, 0322 224433 #ახალიამბები #BusinessMediaGeorgia
თბილისში, მტკვრის პირას, სრულიად დამოუკიდებელი, ევროპული ტიპის საცხოვრებელი უბანი შენდება. პრემიუმ კლასის კომპლექსი „პილარ პარკი“, რომელიც ქალაქის შიგნით დახურულ ეკოსისტემასა და მასშტაბურ ინფრასტრუქტურას ქმნის, განვითარების ახალ ფაზაში შედის. როგორია მშენებლობის ტემპი და რას სთავაზობს დეველოპერი ბაზარს? სტუმარი: ლევან ელიზბარაშვილი - "პილარ პარკის" გაყიდვებისა და მარკეტინგის ხელმძღვანელი #ახალიამბები #BusinessMediaGeorgia
ყოფილ ბავშვთა მეხუთე საავადმყოფოს ავარიულ შენობაში მცხოვრები ოჯახები ახალ ბინებში გადადიან. თბილისის მერიამ, კერძო სექტორთან თანამშრომლობით, მათთვის საცხოვრებელი ფართები Garden Hills-ის კომპლექსში უზრუნველყო. ახალი ბინების გასაღებები ბენეფიციარებს დედაქალაქის მერმა კახა კალაძემ და კომპანიის წარმომადგენლებმა გადასცეს. ამ ეტაპზე უკვე 65 ოჯახია დაკმაყოფილებული, ხოლო დარჩენილი ოჯახები ბინებს ეტაპობრივად მიიღებენ. #ახალიამბები #BusinessMediaGeorgia
გუშინ, საქართველოს ბიზნეს ასოციაციის წარმომადგენლები პირველი ქართული ვისკის, „ჯიმშერის“ საწარმოს ესტუმრნენ. ქვეყნის უმსხვილესი ბიზნეს გაერთიანების წევრი კომპანია, რომელმაც საერთაშორისო ბაზარზე უკვე დაამკვიდრა საკუთარი სტანდარტი, ახლა მასშტაბური ტექნოლოგიური გაფართოებისთვის ემზადება. #ახალიამბები #BusinessMediaGeorgia
ოქრო, ნავთობი, კრიპტო - გლობალური ბირჟების მიმოხილვა - 11/6/2026 #ახალიამბები #BusinessMediaGeorgia
ენერგოდამოუკიდებლობის ძიებაში ატომური ენერგია მსოფლიოსთვის სულ უფრო აქტუალური ხდება. მიუხედავად არაერთგვაროვანი დამოკიდებულებისა, წამყვანი სახელმწიფოები ატომურ რეაქტორებს მწვანე ენერგიის ერთ-ერთ მთავარ წყაროდ განიხილავენ. ვინ არიან გლობალური ლიდერები ამ სფეროში? #ახალიამბები #BusinessMediaGeorgia
ელექტროენერგიის ყველაზე დიდ მომხმარებელ ქვეყნებს თუ გადავხედავთ ვნახავთ რომ რეიტინგის ლიდერი ჩინეთია - ის სხვა ქვეყნებთან შედარებით თითქმის სამჯერ მეტ ელექტრო ენერგიას მოიხმარს. სურათი განსხვავებულია იმ შემთხვევაში თუ ელექტროენერგიის გამოყენების მაჩვენებელს ერთ სულ მოსახლეზე დავითვლით. რატომ უსწრებს ჩინეთი სხვა ქვეყნებს ასეთი თითქმის სამჯერ და რა ვითარებაა სხვა ქვეყნებში? #ახალიამბები #BusinessMediaGeorgia
#საქმიანიდილა - 11 ივნისი - პროლოგი #ახალიამბები #BusinessMediaGeorgia
საქართველოში ელექტრომობილების, მწვანე ტექნოლოგიებისა და მდგრადი მობილობის ყველაზე მასშტაბური გამოფენა EV EXPO 2026 იმართება. 13 და 14 ივნისს, მასშტაბურ გამოფენას, ტრადიციულად საგამოფენო ცენტრი ექსპო ჯორჯია უმასპინძლებს. გამოფენა წარმოადგენს ინოვაციური სატრანსპორტო საშუალებების, ეკოლოგიური გადაწყვეტილებებისა და ინდუსტრიის წამყვანი მოთამაშეების მთავარ თავშეყრის ადგილს. სტუმრები: სალომე ურდულაშვილი - Ad Geeks-ის ექაუნთ მენეჯერი და EVnews-ის პროექტის მთავარი მენეჯერი; დავით გოგოლაძე - კრედო ბანკი, ავტო დაკრედიტების დეპარტამენტის ხელმძღვანელი; ნიკა ხოდელი - Wissol E, ვისოლის ელექტრო დამტენების ქსელის განვითარების დირექტორი #ახალიამბები #BusinessMediaGeorgia