2022 წელს არასტანდარტულ ვაშლზე სახელმწიფო სუბსიდიამ 10 მილიონ ლარს გადააჭარბა. სოფლის მეურნეობის სამინისტროს ინფორმაციით, ხილის გადამმუშავებელმა საწარმოებმა 73 ათას ტონაზე მეტი არასტანდარტული ვაშლი ჩაიბარეს. შედეგად, ფერმერებმა 17.7 მილიონ ლარზე მეტი შემოსავალი მიიღეს. არასტანდარტული ვაშლის ორგანიზებულად ჩაბარების უზრუნველსაყოფად, საკოორდინაციო შტაბი ფუნქციონირებდა. სახელმწიფო პროგრამის ფარგლებში, სუბსიდია 1 კგ არასტანდარტულ ვაშლზე 10 თეთრს შეადგენდა. პროგრამაში ჩართვა შეეძლო ხილის გადამმუშავებელ ყველა იმ საწარმოს, რომლებიც მეხილეობის სფეროში დასაქმებული ფიზიკური პირებისგან 1 კგ არასტანდარტულ ვაშლს არანაკლებ 24 თეთრად შეისყიდდნენ. სახელმწიფო პროგრამის ფარგლებში, არასტანდარტულ ვაშლს იბარებდა ხილის გადამმუშავებელი 15 საწარმო შიდა ქართლის, ქვემო ქართლის, კახეთის, მცხეთა-მთიანეთისა და რაჭა-ლეჩხუმის რეგიონიდან. აღსანიშნავია, რომ მთავრობის გადაწყვეტილებით, არასტანდარტული ვაშლი 2020 და 2021 წლებშიც დასუბსიდირდა. ამასთან, ბოლო ათი წლის განმავლობაში, საქართველოს მთავრობა მუდმივად ასუბსიდირებდა ყურძნის, ვაშლისა და მანდარინის წარმოებას ქვეყნის მასშტაბით. გასულ წელს კი ახალი სუბსიდირების პროგრამა დაიწყო, რომელიც თხილის წარმოების ხელშეწყობასა და ფერმერების დახმარებას ითვალისწინებს. გვჭირდება თუ არა ხილის სუბსიდირება და როგორია პროგრამის ეფექტიანობა? სტუმარი: ვანო გოგლიძე - კომპანია "კულას" დირექტორი #ახალიამბები #BusinessMediaGeorgia
2022 წლიდან დაწყებული მსოფლიოს უმსხვილესი კომპანიები თანამშრომლობის მასიურად გათავისუფლების შესახებ აცხადებენ. მომდევნო თვეების განმავლობაში 11 ათასამდე დასაქმებულის დათხოვნას გეგმავს კომპანია მაიკროსოფტი, რაც მთლიანი სამუშაო ძალის 5%-ია. წლის დასაწყისში 18 ათასამდე თანამშრომლის დათხოვნის შესახებ განაცხადა ამაზონმაც. კომპანიის გენერალური დირექტორის, ენდი ჯესის განცხადებით, თავდაპირველად დასაქმებულთა რაოდენობის შემცირება ნაკლები მასშტაბებით იყო დაგეგმილი, თუმცა ვითარების ცვლილებამ Amazon-ის მენეჯმენტს უბიძგა, ასეთი რთული გადაწყვეტილება მიეღო. ტექნოლოგიური გიგანტის ეს ქმედება პირდაპირ კავშირშია მსოფლიო მასშტაბით ეკონომიკური მდგომარეობის გაუარესებასთან და კოვიდრეგულაციების გაუქმების ფონზე, ელექტრონულ კომერციაზე მოთხოვნის შემცირებასთან. 3 200-მდე აპირებს სამუშაო ძალის შემცირებას კომპანია ფორდიც. ამ შემთხვევაში მიზეზი ფორდის სტრატეგიული მიზანი- ელექტრომანქანებზე სრულად გადართვაა. სტუმარი: მედეა ტაბატაძე - საკონსულტაციო და რეკრუტინგული კომპანია “Insource”-ის მმართველი პარტნიორი; #ახალიამბები #BusinessMediaGeorgia
მეწარმეებისთვის კვერცხის საწარმოების ავტორიზაცია სავალდებულო გახდება. მთავრობამ მეკვერცხული მიმართულების საწარმოს ავტორიზაციის წესი განსაზღვრა, რომელიც ძალაში 2025 წლის 1-ელი იანვრიდან შევა, წესის ნაწილი კი 1-ელი ივნისიდან. მთავრობის ახალი დადგენილებით, წესის შესრულებაზე კონტროლს სურსათის ეროვნული სააგენტო აიღებს. სააგენტომ უნდა შექმნას საწარმოების რეესტრი, თუმცა როგორც სექტორში აცხადებენ, მხოლოდ რეესტრის შექმნა არსებითად არაფერს შეცვლის და აუცილებელია, ე.წ. საოჯახო ფერმების კონტროლი, რომელიც ყველგან არის გახსნილი და რეალურად მომხმარებელმა არ იცის, რამდენად სანდო და ჯანსაღ პროდუქტს ყიდულობს. რა იცის ბიზნესმა ავტორიზაციაზე? სტუმარი: ზურაბ უჩუმბეგაშვილი - "მეფრინველეობის განვითარების ასოციაციის" თავმჯდომარე; #ახალიამბები #BusinessMediaGeorgia
ბიზნეს ასოციაციის გასული წლის შედეგი 20 ახალი კომპანიაა. ზრდას 2023-შიც აპირებენ და ტრადიციას არც ჩვენ ვღალატობთ, უმსხვილესი ბიზნეს გაერთიანების სიახლეებზე უნდა მოგიყვეთ. საქართველოს ბიზნეს ასოციაციას 2019 წელს დაფუძნებული გენეტიკური კვლევის ცენტრი „მედ დიაგნოსტიკა“ შეუერთდა, რომელიც მიზნად საქართველოში საერთაშორისო სტანდარტის მაღალტექნოლოგიური კვლევების დანერგვას ისახავს, რისი საშუალებითაც ექიმებმა ზუსტი და ოპერატიულ ინფორმაცია უნდა მიიღონ ანალიზების საზღვარგარეთ გაგზავნის გარეშე. „მედ-დიაგნოსტიკაში“ 500-ზე მეტი გენეტიკური კვლევა ხორციელდება, წერტილოვანი მუტაციიდან გენის სრულ სეკვენირებამდე. სტუმრები: ლევან ვეფხვაძე - საქართველოს ბიზნეს ასოციაციის აღმასრულებელი დირექტორი; ნათია ცაბუტაშვილი - "მედ დიაგნოსტიკას" დირექტორი. #ახალიამბები #BusinessMediaGeorgia
#საქმიანები: 89 წლის არქიტექტორი და XXI საუკუნის თბილისი ვახტანგ დავითაია - არქიტექტორი; ავტორები: მანანა მანჯგალაძე; ედგარ ყაზახაშვილი; ლადო ცხადაია; #ახალიამბები #BusinessMediaGeorgia
Marketing Hub-ის ამბები უნდა მოგიყვეთ საქმიანი დილას ეთერში და მისი თანადამფუძნებლები ნანკა კიკალია და მაკო ზაქარეიშვილი შემოგვიერთდნენ ამისთვის სტუდიაში. 4 წლის წინ დაფუძნებული კომპანიის გუნდს გამოცდილება იმაზე მეტი აქვს ვიდრე თავად Marketing Hub-ის ასაკია და პორტფელიც შესაბამისი მოაგროვეს. მერსედესის მოდის კვირეული, რაგბის კავშირი, სხვა და სხვა ბრენდები, დაჯილდოებები თუ ღონისძიებები. მარკეტინგ ჰაბის შვილობილი კომპანიაა The Diary - ონლაინ ჟურნალი, რომელიც კომუნიკაციის დამატებითი ინსტრუმენტია. სტუმარი: ნანკა კიკალია - Marketin Hub-ის თანადამფუძნებელი; მაკო ზაქარეიშვილი - Marketin Hub-ის თანადამფუძნებელი. #ახალიამბები #BusinessMediaGeorgia
სამედიცინო კომპანია „ჯანჰელსმა“ სამედიცინო სფეროს წარმომადგენლები ევროკავშირის მიერ აღიარებული ჰემოსტატის — „სტარსილის“ პრეზენტაციაზე მიიწვია. საქმე ისაა, რომ ჯანჰელსი საქართველოში, სომხეთსა და აზერბაიჯანში სტარსილის ექსკლუზიური დისტრიბუტორი გახდა. ღონისძიება სასტუმრო „რუმსში” გაიმართა და ქართველი ექიმების წინაშე პროდუქტს პრეზენტაცია გერმანელმა კარდიოქირურგმა ჰელმუტ მაირიმ გაუწია. სამედიცინო კომპანია „ჯანჰელსი“ სამედიცინო სფეროს წარმომადგენლებისთვის სიახლის პრეზენტაცია გუშინ გამართა. კომპანია „ჯანჰელსი“ აშშ-ში დაარსებული გლობალური კომპანია OraSure Technologies-სა და ბრიტანული Prestige Diagnostics-ის ოფიციალური წარმომადგენელია საქართველოში; ქართულ ფარმაცევტულ ბაზარს სთავაზობს სხვადასხვა სამედიცინო მოწყობილობას და მედიკამენტებს. სტუმარი: რუსუდან ლაგვილავა - სამედიცინო კომპანია "ჯანჰელსის" გენერალური დირექტორი; #ახალიამბები #BusinessMediaGeorgia
აშშ-ის შრომის სტატისტიკის ბიუროს თანახმად, 2028 წლისთვის პროფესიების რაოდენობა 11%-ით შემცირდება, რის შედეგადაც 203 300 სამუშაო ადგილი დაიკარგება. ტექნოლოგიურ პროგრესს რიგი საქმიანობების ავტომატიზაცია თან სდევს და დღეს ბევრი სამუშაო ადგილი უკვე მოძველებულად ითვლება. 2030 წლისთვის, კი სავარაუდოდ, ეს რიცხვი კიდევ უფრო გაიზრდება და პროფესიების ნაწილი აღარც იარსებებს. Financeonline-მა და Careeraddict-მა, აშშ-ს შრომის ბაზრის სტატისტიკის მონაცემები გაანალიზა და ის პროფესიები განიხილა,რომელიც მომდევნო წლებში შესაძლოა გაქრეს. კონკრეტულად, რა პროფესიებზეა საუბარი? #ახალიამბები #BusinessMediaGeorgia
South China Morning Post-ის მოხსენების თანახმად, ჩინეთის ახალი უსწრაფესი „ჰიპერლუპი“ მატარებლის პირველმა გამოცდამ წარმატებით ჩაიარა. სამი სატესტო რეისი დატონგში, სუპერგამტარ მაგნიტურ საცდელ ხაზზე შესრულდა, მატარებლის სიჩქარემ კი 50 კმ/სთ-ს მიაღწია. არსებული მიზნით, მომავალი თაობის მატარებელმა მგზავრებისა და ტვირთის გადაადგილება 1,000 კმ/სთ სიჩქარით უნდა შეძლოს. პროექტის გეგმის მიხედვით განხორციელების შემთხვევაში, მატარებელი მსოფლიოში ყველაზე სწრაფი სახმელეთო სატრანსპორტო ტექნოლოგია გახდება. ობიექტი, სადაც მატარებლის ტესტირება მიმდინარეობს, ქვეყნის თავდაცვის უწყების კონტრაქტორ China Aerospace Science and Industry Corporation-ის (CASIC) მიერ აშენდა და იმართება. ამჟამად საცდელად ხელმისაწვდომი მიწისქვეშა რკინიგზის სიგრძე მხოლოდ 2 კილომეტრია, თუმცა უახლოეს წლებში მისი 60 კმ-მდე გაზრდა იგეგმება. ჩინეთში მოცემული დროისთვის ყველაზე დიდი ჩქაროსნული სარკინიგზო ქსელი ოპერირებს, რომლის საერთო სიგრძე 42,000 კილომეტრს აღემატება. მთავრობის ამბიციური გეგმით, ქვეყანაში არსებული მატარებლების მაქსიმალური სიჩქარე მომდევნო ორი წლის განმავლობაში 400 კმ/სთ-მდე გაიზრდება. #ახალიამბები #BusinessMediaGeorgia
საქართველოს შიდა აეროპორტებში პანდემიამდე პერიოდთან შედარებით მნიშვნელოვანი ზრდა იყო. საერთო ჯამში საქართველოს შიდა აეროპორტები 2022 წელს 22 ათას მგზავრს მოემსახურნენ, თუმცა ზრდის მიუხედავად შიდა ფრენების განმახორციელებელი კომპანია აკეარ ჯორჯია ზარალზეა. რა თანხაზეა საუბარი და როგორია სტატისტიკა? #ახალიამბები #BusinessMediaGeorgia
მსოფლიო ბანკის მონაცემებით, 2022 წელს გლობალურად ფულადი გზავნილების მოცულობამ 794 მილიარდი დოლარი შეადგინა. ეს მაჩვენებელი კი რეკორდულია და წინა წლებთან შედარებით მნიშვნელოვან ზრდას აჩვენებს. რომელ ქვეყნებში გადაირიცხა შარშან ყველაზე მეტი ფულადი გზავნილი და ამ რეიტინგში სადაა საქართველო? #ახალიამბები #BusinessMediaGeorgia
მსოფლიოში ყველაზე ხშირად მონახულებადი ვებ-გვერდი Google-ია, სადაც მომხმარებლები ყოველდღიურად საშუალოდ 3.5 მილიარდზე მეტ ინფორმაციას იძიებენ. სწორედ ეს ფაქტორი აქცევს მას ინტერნეტში ინფორმაციის მიწოდების პირველ წყაროდ. გარდა გუგლისა, რომელიც წლებია, პირველობას არ თმობს, რომელია 2022 წლის ყველაზე პოპულარული ვებ-გვერდები მსოფლიოში, #ახალიამბები #BusinessMediaGeorgia
2023 წლის 1-ლი კვარტლისთვის ბიზნესის განწყობის ინდექსი 8.4 პუნქტით გაიზარდა და 20.1-ს გაუტოლდა. ამის შესახებ მონაცემებს „აისეტის“ კვლევითი ინსტიტუტი ავრცელებს. bm.ge-სთან ბიზნესის თითქმის ყველა სექტორის წარმომადგენელი აცხადებს, რომ პანდემიის შემდგომ ვითარება რადიკალურად შეცვლილია. ამ თემაზე მუშაობისას სხვადასხვა ბიზნესის წარმომადგენელს ვკითხეთ, განწყობის ინდექსის ზრდა მათ შემთხვევაში რამ გამოიწვია? #ახალიამბები #BusinessMediaGeorgia
ქართული ღვინის პოპულარიზაციისთვის 2023 წელს ბიუჯეტიდან 14 მლნ ლარი დაიხარჯება. ქართული ღვინის საექსპორტო ბაზრების დივერსიფიცირების მიზნით, მიმდინარე წელს ქართული ღვინო ამერიკის შეერთებულ შტატებში, დიდ ბრიტანეთში, გერმანიაში, პოლონეთში, ბალტიისპირეთის ქვეყნებში, ჩინეთში, სამხრეთ კორეასა და იაპონიაში აქტიურად იქნება წარმოდგენილი. აღნიშნულ სტრატეგიულ ბაზრებზე სხვადასხვა მიზნობრივ ღონისძიებას ღვინის ეროვნული სააგენტოს კონტრაქტორი ორგანიზაციები განახორციელებენ. რომელია ქართული ღვინისთვის სტრატეგიული ბაზრები და რა ეფექტი მოაქვს, ბაზრების დივერსიფიცირებისთვის ბიუჯეტიდან გამოყოფილ თანხებს? სტუმარი: ლევან მეხუზლა - "ღვინის ეროვნული სააგენტოს" თავმჯდომარე;
მთავრობას 2022 წლის პრივატიზაციის გეგმა ჩავარდა. ფინანსთა სამინისტროს მიერ გამოქვეყნებული 2022 წლის ბიუჯეტის შესრულების ანგარიშის თანახმად, გასულ წელს სახელმწიფო ბიუჯეტის შემოსავალი არაფინანსური აქტივების კლებიდან 202.8 მილიონი ლარი იყო. ეს თანხა ბიუჯეტით დამტკიცებულ პრივატიზაციის 300-მილიონიან გეგმაზე 92.2 მილიონი ლარით ნაკლები და პრივატიზაციის გეგმის მხოლოდ 67.6%-ს შეადგენს. რატომ ვერ შესრულდა მთავრობის საპრივატიზაციო გეგმა და რატომ არ აქტიურობს ბიზნესი? სტუმარი: თაზო დათუნაშვილი - „ლელოს“ პოლიტსაბჭოს წევრი; #ახალიამბები #BusinessMediaGeorgia
2023 წლის I კვარტლისთვის ბიზნესის განწყობის ინდექსი გაუმჯობესდა. ISET-ის ინფორმაციით, ინდექსი 8.4 პუნქტით გაიზარდა და 20.1-ს გაუტოლდა. შესაბამისად, მიმდინარე წლის პირველ კვარტალთან დაკავშირებით საქართველოში ბიზნესს პოზიტიური მოლოდინები აქვს. ორგანიზაციის მიერ მომზადებულ კვლევაში ჯამში 33 მსხვილი და 139 მცირე და საშუალო კომპანია მონაწილეობდა. რამდენად ოპტიმისტურად არის განწყობილი ბიზნესსექტორი მომავლის მიმართ და რა რჩება კერძო სექტორისთვის მთავარ გამოწვევად? სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი; #ახალიამბები #BusinessMediaGeorgia
საქართველოს ევროინტეგრაციის დღის წესრიგით გათვალისწინებული ვალდებულებიდან გამომდინარე ნავთობიმპორტიორებისათვის ახალი რეგულაციები ამოქმედდება. კერძოდ, ბენზინის შენახვისა და დისტრიბუციის დროს აქროლადი ორგანული ნაერთების გაფრქვევების შემცირების მიზნით მთავრობამ ნორმატიული აქტი უნდა მიიღოს. აქტის პროექტი უკვე არსებობს, გარემოს დაცვისა და სოფლის მეურნეობის სამინისტრომ რეგულირების გავლენის შეფასების დოკუმენტიც მოამზადა, რაც იყო ერთ-ერთი მთავარი საკითხი, რას სამინისტროს წარმომადგენლებმა საქართველოს ბიზნეს ასოციაციის წევრ კომპანიებთან განიხილეს. რა ტიპის ვალდებულება უჩნდებათ ნავთობიმპორტიორებს და როდიდან? სტუმარი: აკაკი საღირაშვილი, საქართველოს ბიზნეს ასოციაციის აღმასრულებელი დირექტორის მოადგილე; #ახალიამბები #BusinessMediaGeorgia
მალე ერთი წელი შესრულდება რაც ბიზნესომბუდსმენის პოსტზე ირაკლი ღარიბაშვილმა ოთარ დანელია დანიშნა. პოსტი ყველაზე რთული, პანდემიური 2 წლის განმავლობაში ვაკანტური იყო. შეიცვალა თუ არა რაიმე ბიზნესისთვის, მას შემდეგ რაც უწყება ოთარ დანელიამ ჩაიბარა და რა არის დღეს ის პრობლემური საკითხები, რომელთა გადაწყვეტაშიც ისურვებდნენ კერძო სექტორის წარმომადგენლები ბიზნესომბუდსმენის ჩართულობას? #ახალიამბები #BusinessMediaGeorgia
2022 წლის განმავლობაში წინა წელთან შედარებით, აზარტული თამაშებიდან მოსაკრებლის სახით ბიუჯეტში შესული თანხა გაიზარდა. კერძოდ, წლიურად მოსაკრებელი თითქმის 46%-ით არის გაზრდილი. ნაერთი ბიუჯეტის შემოსულობების მიხედვით, სათამაშო ბიზნესის მოსაკრებელი გასულ წელს 114 392 795 ლარს, წინა წლის განმავლობაში კი - 78 406 677 ლარს შეადგენდა; 2022 წელს ბიუჯეტში სათამაშო აპარატებიდან - 54 243 248 ლარი შევიდა, წამახალისებელი გათამაშებიდან - 6 336 147 ლარი; სისტემურ-ელექტრონული ფორმის თამაშობიდან (ონლაინ კაზინოები) – 15 237 518 ლარი, სამორინეს მაგიდიდან - 37 574 855 ლარი, სხვა არაკლასიფიცირებული სათამაშო ბიზნესის მოსაკრებელი კი - 38 575 760 ლარი იყო; სტუმარი: გიორგი მამულაიშვილი, სათამაშო ბიზნესის ასოციაცია, ადმინისტრაციის ხელმძღვანელი; #ახალიამბები #BusinessMediaGeorgia
თურქეთ-საქართველოს საგარეო ეკონომიკური ბიზნესსაბჭოს 2022 და 2023-ის გეგმები სტუმარი: ოსმან ჩალიშქან-მჟავანაძე - თურქეთ-საქართველოს საგარეო ეკონომიკური ბიზნეს საბჭოს თავმჯდომარე #ახალიამბები #BusinessMediaGeorgia
„პორშე ცენტრი თბილისი“ მომხმარებელს საშუალებას აძლევს, პრემიუმ კლასის ავტომობილთან ერთად, პორშეს აქციების მფლობელი გახდეს. განსაკუთრებულ სტატუსთან ერთად, ეს ნიშნავს, რომ ისინი მიიღებენ ფინანსურ სარგებელს, რადგან საფონდო ბირჟაზე წარმატებული სტარტის შემდეგ კომპანიის აქციების ფასი მუდმივად იზრდება. ქართველი მომხმარებლისთვის, ისევე როგორც ათასობით ინვესტორისთვის მთელ მსოფლიოში, „პორშეს“ აქციები მას შემდეგ გახდა ხელმისაწვდომი, რაც კომპანიამ ფრანკფურტის საფონდო ბირჟაზე აქციების ნაწილის განთავსების გადაწყვეტილება მიიღო. კომპანიის ცნობით, პორშემ ფრანკფურტის საფონდო ბირჟაზე აქციების განთავსებით 9.1 მილიარდი დოლარი მოიზიდა, რაც ევროპის საფონდო ბირჟებზე 2011 წლის შემდეგ ყველაზე დიდი ტრანზაქციაა. სტუმრები: თამარ ხოსროშვილი - „პორშე ცენტრი თბილისის“ მარკეტინგის ხელმძღვანელი; ნიკა მაღლაფერიძე - „თეგეტა ჰოლდინგის” სტრატეგიული დაგეგმვისა და ინვესტორებთან ურთიერთობის დეპარტამენტის ხელმძღვანელი; #ახალიამბები #BusinessMediaGeorgia
Making Science Sweeft-მა USAID-ის ეკონომიკური უსაფრთხოების პროგრამის ფარგლებში 2-წლიანი გრანტი მოიპოვა, რომლის განხორციელებაც 2022 წლის 16 ნოემბრიდან დაიწყო. USAID-თან თანამშრომლობის ფარგლებში, დაიგეგმა სვიფტის კარიერული აქსელერაციის პროგრამის გაძლიერება, რომლის ძირითადი მიზანი საქართველოს ტექნოლოგიურ სფეროში არსებული კადრების კვალიფიკაციის ამაღლებაა. საგრანტო პროექტი გულისხმობს აქტიურ თანამშრომლობას ისეთ სტრატეგიულ პარტნიორებთან, როგორიცაა ჯიტა, საქართველოს ბიზნესისა და ტექნოლოგიების უნივერსიტეტი, თიმბოუთი და განათლებისა და მეცნიერების სამინისტრო. #ახალიამბები #BusinessMediaGeorgia
საფრანგეთი და გერმანია სარკინიგზო კავშირების გაძლიერებას გეგმავენ. ქვეყნები მხარს უჭერენ პარიზსა და ბერლინს შორის მაღალსიჩქარიანი მატარებლის მარშრუტის, ასევე ღამის მატარებლის ამოქმედებას. ორივე მათგანი 2024 წლისთვის იგეგმება. ამჟამად პარიზსა და ბერლინს შორის მატარებლით მგზავრობას მინიმუმ 8 საათი სჭირდება. #ახალიამბები #BusinessMediaGeorgia
ეროვნული ბანკის მიერ გამოქვეყნებული ანგარიშის თანახმად, 2022 წლის განმავლობაში საერთაშორისო ვიზიტორებმა ქვეყანაში 3.5 მილიარდი დოლარი დახარჯეს, რაც 2021 წელთან შედარებით 182%-ით მეტი იყო. ეს შემოსავალი პანდემიამდელ პერიოდსაც აღემატება. აქამდე საქართველოს ტურიზმის სექტორის მიერ მაქსიმალური გენერირებული შემოსავალი 2019 წელს იყო და ის 3.2 მილიარდ დოლარს შეადგენდა. როგორ აისახა სექტორზე ტურიზმიდან მიღებული $3.5 მილიარდის შემოსავალი? - ეს იყო ის კითხვა, რაც bm.ge-მ სხვადასხვა ტურისტული სექტორის წარმომადგენლებს დაუსვა. ტურისტული სექტორის წარმომადგენლების მოსაზრებები ორად გაიყო. ნაწილი გასულ წელს წარმატებულად, ხოლო ნაწილიც მოლოდინის შესაბამისად, ნაკლებად წარმატებულად მიიჩნევს. #ახალიამბები #BusinessMediaGeorgia
გასულ წელთან შედარებით, 2023 წელს შტატებში კვერცხის ღირებულება გაორმაგდა. ქვეყნის მასშტაბით პროდუქტზე არსებული დეფიციტი მწარმოებლებს აზიანებს, ხოლო ბიზნესებს და მომხმარებლებს მეტ სტრესს აყენებს. რატომ გაძვირდა კვერცხი აშშ-ში? #ახალიამბები #BusinessMediaGeorgia
#საქმიანიდილა - 25 იანვარი - პროლოგი #ახალიამბები #BusinessMediaGeorgia
ამერიკის დაავადებათა კონტროლისა და პრევენციის ცენტრის თანახმად, შტატებში 6-დან 17 წლამდე ასაკის ბავშვების მხოლოდ 24% მონაწილეობს ყოველდღიურ ფიზიკურ აქტივობაში მინიმუმ 60 წუთის განმავლობაში. ხოლო 18 წელზე უფროსი ასაკის მოზარდების მხოლოდ 25%-ია ფიზიკურად საკმარისად დატვირთული. ეს კი იმ ფონზე, როცა კვლევით დასტურდება, რომ ბავშვებს, რომლებიც ვარჯიშობენ, რესპირატორული ინფექციები ნაკლებად ემართებათ. #ახალიამბები #BusinessMediaGeorgia
მართალია, გასულ წელს ქვეყანაში ტურიზმი პანდემიამდელ დონესთან შედარებით, თითქმის სრულად აღდგა, თუმცა - ქართველი გალერისტები ამბობენ, რომ გაყიდვებზე ეს მაინცდამაინც სახარბიელოდ არ ასახულა. ხელოვანების ნაწილი საკუთარი ნამუშევრების რეალიზებას კვლავ ძველი კონტაქტების, ძირითადად, კოლექციონერების ხარჯზე ახერხებს, ნაწილი კი ნახატებზე მოთხოვნას უძრავი ქონების ბაზარზე არსებულ მდგომარეობას უკავშირებს და ამბობს, რომ გასულ წლებთან შედარებით, მოთხოვნა მცირედად, თითქმის 20%-ით გაზრდილია, თუმცა მოლოდინი გაცილებით უფრო მაღალი იყო. როგორ დაიწყო 2023 წელი სამხატვრო ინდუსტრიამ? #ახალიამბები #BusinessMediaGeorgia
გაერთიანებულ სამეფოში დაფუძნებული სტარტაპის, ZeroAvia-ს წყალბადზე მომუშავე 19-ადგილიანი თვითმფრინავის სატესტო ფრენამ წარმატებით ჩაიარა. ZeroAvia-ს თვითმფრინავის გამოცდა მთავრობის მიერ მხარდაჭერილი გეგმის ნაწილია, რომელიც ქვეყანაში წმინდა ნულოვანი ემისიის თვითმფრინავების განვითარებას ისახავს მიზნად. ZeroAvia-ს განცხადებით, თვითმფრინავმა Dornier 228-მა, რომლის ერთ-ერთი ძრავა წყალბადის ელექტროძრავითაა შეცვლილი, 19 იანვარს Cotswold-ის აეროპორტიდან 10-წუთიანი სატესტო ფრენა განახორციელა. მართალია, ამ შემთხვევაში, საცდელი ფრენისას ავზები და საწვავი გენერატორები კაბინაში იყო მოთავსებული, იმავე რეისზე მგზავრების განთავსებისთვის შესაძლებელი იქნება გარეგანი სათავსო ავზების გამოყენებაც. სტარტაპის ინფორმაციით, სატესტო ფრენისას ყველა სისტემამ ზუსტად ისე იმუშავა, როგორც დაგეგმილი იყო. სატესტო ფრენისას თვითმფრინავი ასრულებდა კონფიგურაციას, რომელიც აღნიშნული ტექნოლოგიის გამოყენებით, 2025 წლისთვის კომერციული მარშრუტების შესრულების უფლების მოსაპოვებლად საჭირო სერტიფიკატის მიღებისთვის იქნება წარდგენილი. სერტიფიცირების გავლას კომპანია მიმდინარე წელს შეეცდება. საავიაციო სისტემა ბოლო პერიოდში განსაკუთრებით აქტიურად ცდილობს წიაღისეულ საწვავზე დამოკიდებულების შემცირებას, მის ჩასანაცვლებლად კი ერთ-ერთი ყველაზე კარგი ალტერნატივა წყალბადის საწვავია. ZeroAvia განაგრძობს ტესტირებებს და Do228 თვითმფრინავის გამოყენებით საცდელ ფრენებს Cotswold-თან ერთად სხვა აეროპორტებიდანაც განახორციელებს. #ახალიამბები #BusinessMediaGeorgia
მიზანდასახული და წარმატებული 17 წლის ახალგაზრდა ხვიჩა ფარსადანაშვილი, რომელმაც დაიმსახურა ფორბსის რედაქციის ყურადღება და ფორბსის რჩეულთა კატეგორიაში მოხვდა. ხვიჩა გეიმინგ-პლატფორმა “აუთფლეის“ თანადამფუძნებელი და გენერალური დირექტორია. ქართული ბაზრისთვის უნიკალური პროექტის შექმნის იდეა 2020 წელს, ძმასთან და მეგობრებთან ერთად დაებადა, სრულყოფაშიც მოიყვანა და ახლა უკვე სამომავლოდ, საქართველოში სოციალური ქსელების ინდუსტრიასთან ერთად, გეიმინგ-ინდუსტრიის განვითარებასაც გეგმავს. სტუმრები: ლიზა ხაბაზაშვილი,"კონსიერჟ თბილისის" მმართველი პარტნიორი; ხვიჩა ფარსადანაშვილი, გეიმინგ-პლატფორმა OutPlay-ის თანადამფუძნებელი; #30under30-ის გამარჯვებული კატეგორიაში #Forbes-ის რჩეული;
ქვეყანაში ფისტას, როგორც კაკლოვანი კულტურის ცნობადობა ყოველდღიურად იზრდება. საქართველოს ფისტას ასოციაციაში ვარაუდობენ, რომ 1-დან 3 წლამდე პერიოდში, ადგილობრივ ბაზარზე, სავსებით შესაძლებელი იქნება, იმპორტირებული პროდუქტი ჩანაცვლდეს და დიდი რაოდენობით იყოს წარმოდგენილი ქართული ფისტას ნაწარმი. 2015-2021 წლებში, „დანერგე მომავლის“ პროექტის ფარგლებში კაკლოვანი კულტურებზე გაცემულია 33 734 380 ლარის თანადაფინანსება. დაფინანსების დიდი წილი მოდის კაკალსა (45%) და ნუშზე (44%). შედარებით მცირეა თხილის და ფისტას თანადაფინანსება, 7% და 4%-ს შეადგენს. ფისტას წარმოებაში მსოფლიო ლიდერები აშშ, ირანი და თურქეთი არიან. შეერთებულმა შტატებმა 2021-2022 წლებში მსოფლიოში არსებული ფისტას დაახლოებით ორი მესამედი აწარმოა. მისი წილი 67% იყო. მეორე პოზიციაზეა ირანი 17 პროცენტით, მესამეზე კი - თურქეთი ბაზრის 11 პროცენტიანი წილით. აღსანიშნავია, რომ ჯამში, მსოფლიოში ფისტას წარმოება რეკორდულ, 1 მლნ ტონას უახლოვდება. სტუმრები: ოთარ ანგურიძე - საქართველოს ფისტას ასოციაციის თავმჯდომარე; გიორგი მეურნიშვილი - ფისტის მწარმოებელი, ფერმერი. #ახალიამბები #BusinessMediaGeorgia
ბიზნესი ახალი რეგულაციის მოლოდინშია - სურსათის მწარმოებელ ყველა ბიზნესოპერატორს ეკისრება ვალდებულება, საფრთხის ანალიზისა და კრიტიკული საკონტროლო წერტილების სისტემა, ანუ HACCP 2023 წლის 1-ელ ივნისამდე დანერგოს. სურსათის ეროვნული სააგენტოს ცნობით, HACCP-ის სისტემა ბიზნესოპერატორს საშუალებას აძლევს, წინასწარ განსაზღვროს და თავიდან აიცილოს სურსათის უვნებლობის პოტენციური საფრთხეები, რაც ხელს შეუწყობს, როგორც მომხმარებლის უვნებელი სურსათით უზრუნველყოფას, ასევე რისკების პრევენციის შედეგად ეკონომიკური ზიანის თავიდან აცილებას და კონკურენტუნარიანობის გაზრდას. რამდენად მზად არის კერძო სექტორი ახალი ვალდებულებისთვის და გაუზრდის თუ არა მათ ხარჯებს HACCP-ის სტანდარტის დანერგვის პროცესი? სტუმრებო: ივა ჭყონია - "საქართველოს დისტრიბუტორთა ბიზნეს ასოციაციის" პრეზიდენტი; ვასილ კვერნაძე - "სურსათის ეროვნული სააგენტოს" სურსათის უვნებლობის დეპარტამენტის უფროსი. #ახალიამბები #BusinessMediaGeorgia
2011 წელს პირველად ქობულეთში გახსნილ საწარმოს 2019 წლიდან თბილისში კიდევ ერთი შეემატა. ევროპული სტანდარტით და აღჭურვილობით შექმნილი საწარმო ორი და მეტი ფერის ნარევი ფილის შექმნის საშუალებას იძლევა შესაბამისად კომპანიას კიდევ უფრო მრავალფეროვანი დაკვეთების შესრულება შეუძლია. კომპანია ლეგის პორტფელში მსხვილი პროექტების ჩამონათვალიც იზრდება და შესაბამისად მისი შესაძლებლობებიც. სტუმარი: სერგო ლექვინაძე, "ლეგის" განვითარებისა და მარკეტინგის დირექტორი #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით ნიკა მაზანაშვილი სტუმარი: ნიკა მაზანაშვილი - Galt&Taggart;-ის საბროკერო დეპარტამენტის უფროსი ანალიტიკოსი #ახალიამბები #BusinessMediaGeorgia
საქართველოს ეკონომიკის მიმოხილვა Galt&Taggart;-ისგან - ლაშა ქავთარაძე სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
#ForbesAuto: დეკემბერში ევროპაში ახალი ავტომობილების გაყიდვები გაიზარდა; GM-მა ახალი ჰიბრიდული Chevy Corvette წარადგინა; Toyota წელს 10.6 მილიონი ავტომობილის წარმოებას გეგმავს; ვიეტნამური VinFast-ი Tesla-სთვის კონკურენციის გასაწევად ფასებს ამცირებს; #ახალიამბები #BusinessMediaGeorgia
გასულ წელს საქართველოს დერეფანში ყოველდღიურად 1300-ზე მეტი ტრაილერის გატარება ხდებოდა, მათ შორის, მხოლოდ დეკემბერში საქართველოს გზებით 45 560 ტრაილერმა ისარგებლა. სახელმწიფო ხაზინის მონაცემებით, დეკემბერში, სატვირთო ავტომობილების მფლობელებმა გზის სარგებლობისთვის ბიუჯეტში 15.9 მლნ ლარის გადასახადი გადაიხადეს. ერთი მხრივ, შუა დერეფანში ტვირთების გაზრდილი ნაკადის და მეორე მხრივ, ივნისიდან გადასახადის 200-დან 350 ლარამდე გაზრდამ, გზათსარგებლობიდან შემოსავლები ისტორიულ ნიშნულამდე - 128 მლნ ლარამდე გაზარდა. სწორედ ამ მოცულობის თანხა შევიდა ბიუჯეტში ტრაილერების გატარებიდან. 2021 წელს ეს მაჩვენებელი თითქმის 2-ჯერ ნაკლები, მხოლოდ 66,4 მლნ ლარს შეადგენდა. სტუმარი: ირაკლი ცანკაშვილი - Logistics Solutions-ის დამფუძნებელი და გენერალური დირექტორი;
მოგზაურობისას სამოგზაურო კომფორტს თავისი წილი და წვლილი აქვს ტურისტების არჩევანში და შესაძლოა განსაზღვრული სწორედ ჩქაროსნული მატარებელი ან სულაც საზოგადოებრივი ტრანსპორტით მგზავრობის ფასი იყო იყო როცა ტურისტებმა არჩევანი ამა თუ იმ ქვეყნის სასარგებლოდ გააკეთეს. მეტი ტურისტი მეტ შემოსავალს ნიშნავს. მოგზაურობის და ტურიზმის მსოფლიო საბჭომ (WTTC) ყველაზე შემოსავლიანი ტურისტული ქალაქების რეიტინგი გამოავლინა - ანუ ამ რეიტინგში მოხვდნენ ქალაქები, რომლებშიც გასულ 2022 წელს ტურისტებმა ყველაზე მეტი თანხა დახარჯეს. მოგზაურობისა და ტურიზმის მსოფლიო საბჭოს ინფორმაციით, რეიტინგის ლიდერი საფრანგეთის დედაქალაქი - პარიზია. კიდევ რომელმა ქალაქებმა მიიღეს ტურიზმიდან მაღალი შემოსავლები და რა მდგომარეობა იყო ამ მხრივ საქართველოში? #ახალიამბები #BusinessMediaGeorgia
საქართველოში ქსელური სუპერმარკეტების რაოდენობა ყოველწლიურად იზრდება– ამ პროცესის შედეგად, ბაზარზე უკვე წარმატებით დამკვიდრდნენ ერთმანეთისგან საკმაოდ განსხვავებული ბიზნესმოდელების ქსელები. ზოგიერთი მათგანი მეტ ყურადღებას სარეალიზაციო პროდუქციის ფართო არჩევანზე ამახვილებს, ზოგიც – მიმზიდველ ფასსა და ქსელის სწრაფ ექსპანსიაზე. Როგორ აფასებენ 2022 წელს საქართველოში ქსელური სუპერმარკეტების წარმომადგენლები და რა გეგმები აქვთ მათ 2023 წელს? #ახალიამბები #BusinessMediaGeorgia
თებერვლის დასაწყისიდან ფასები რძეზე და რძის პროდუქტებზე სავარაუდოდ კიდევ გაიზრდება. როგორც BMG-სთან სექტორის წარმომადგენლები აცხადებენ, მწარმოებელ კომპანიებთან დადებულ კონტრაქტების ნაწილს ვადა სწორედ იანვრის ბოლოს გადის, რის შემდეგაც ფერმერები ფასის მატებას აპირებენ. რძის მწარმოებელთა ასოციაციაში კი თავის მხრივ აცხადებენ, რომ საქართველოში რძის ფასი პიკზეა, რაც გაზრდილმა მიგრაციამ და მოთხოვნამ განაპირობა. გაზრდილი მოთხოვნის ფონზე დეფიციტური გახდა ნედლი რძეც.რომელი ქვეყნებიდან ვახორციელებთ პროდუქციის იმპორტს და კიდევ რამდენით შეიძლება გაძვირდეს პროდუქტი? #ახალიამბები #BusinessMediaGeorgia
თიბისი კაპიტალის კვლევის მიხედვით, 2022 წელს ბიზნეს ცენტრებზე მოთხოვნა მნიშვნელოვნად აღდგა. სექტორის მიმოხილვაში ნათქვამია, რომ ზრდა განსაკუთრებით A კლასის ბიზნეს ცენტრებზე მოდის, სადაც ფასი 26$-ია, შედარებისთვის B კლასში ფასი 13$-ის ფარგლებში მერყეობს. bm.ge-სთან ბიზნეს ცენტრების წარმომადგენლები მოთხოვნის ზრდაზე საუბრობენ. მათი უმეტესობა 80-90%-ით დატვირთულია. კომპანიის წარმომადგენლები აღნიშნავენ, რომ მოთხოვნის ზრდის დინამიკა 2 წლიანმა დაპაუზებამ გამოიწვია. კომპანიები 2023 წლიდან საოფისე ფართების დატვირთულობის ზრდას ვარაუდობენ. რაც შეეხება ფასებს, ბიზნესების მხრიდან ამ ეტაპზე ამის პროგნოზირება რთულია. #ახალიამბები #BusinessMediaGeorgia
ფეხბურთის კვირის სიახლეები: ვინ არის დაინტერესებული ხვიჩა კვარაცხელიას შეძენით? - მედია; “იუვენტუსი” ფინანსური აღრიცხვის გაყალბებისთვის დააჯარიმეს; დანი ალვეში სექსუალური შევიწროების ბრალდებით დააკავეს; Ineos-ის მოლაპარაკებები „მანჩესტერ იუნაიტედის“ შესაძენად; „ჩელსიმ“ დონეცკის „შახტარის“ ფეხბურთელი შეიძინა; #ახალიამბები #BusinessMediaGeorgia
#საქმიანიდილა - 24 იანვარი - პროლოგი თურქეთი არჩევნებისთვის ემზადება; რას ვყიდით თურქეთში? რას ვყიდულობთ თურქეთში? #ახალიამბები #BusinessMediaGeorgia
მეგრული სულგუნი Taste Atlas-ის სიაში; ჯორჯიის რაგბის გუნდი საქართველოს ნაკრებს უგულშემატკივრებს; მოსკოვში ჰაერსაწინააღმდეგო სისტემები დაამონტაჟეს; #ახალიამბები #BusinessMediaGeorgia
ციტრუსის ექსპორტიორი კომპანია „აჭარა ტრეიდინგ გრუპის“ დამფუძნებელმა კახა შავაძემ BMG-სთან საუბრისას განაცხადა, რომ წელს ქვეყანაში 25 ათასს ტონამდე მოსავალი მოვიდა, რაც გასული წლის მაჩვენებელზე თითქმის 2-ჯერ ნაკლები იყო. მნიშვნელოვან პრობლემებად რჩება ციტრუსის ხარისხიც, სწორედ დაბალი ხარისხის გამო კომპანიამ ვერ შეძლო ექსპორტი უზბეკეთში და მისი რეალიზაცია თითქმის სრულად რუსეთის ბაზარზე განხორციელდა. "10-დან 5კგ უვარგისია, ციტრუსის ინდუსტრია ქირურგიულ ჩარევას საჭიროებს"-ამბობს ბიზნესი. როგორია აჭარის სოფლის მეურნეობის სამინისტროს პოზიცია და შეფასებები? სტუმარი: ირაკლი ონიანი - აჭარის სოფლის მეურნეობის სამინისტროს ციტრუსის საკოორდინაციო შტაბის ხელმძღვანელი; #ახალიამბები #BusinessMediaGeorgia
გუშინ ქვეყნის მასშტაბით 49 საგამოცდო ცენტრში საჯარო სკოლის დირექტორობის მსურველთა ტესტირება გაიმართება. ტესტირება ელექტრონული ფორმით ერთ სესიად ჩატარდება და მასში მონაწილეობას 3 200-ზე მეტი მსურველი იღებდა. ტესტირების წარმატებით გავლის შემთხვევაში დირექტორობის მსურველები სერტიფიცირების მომდევნო ეტაპზე - გასაუბრებაზე გადავლენ. სამინისტროს მიერ გავრცელებული ინფორმაციით მსურველებისთვის ხელმისაწვდომი იყო უფასო ვებინარები, საინფორმაციო შეხვედრები და შესაბამისი კონსულტაციები. 2020-2022 წლებში მიმდინარეობდა აქტიური მზადება სერტიფიცირების პროცესის დაწყებისთვის და საერთაშორისო პარტნიორებთან თანამშრომლობით, დირექტორობისა და სკოლების მართვის ახალი კონცეფციაც შემუშავდა. ახალი კონცეფციის საფუძველზე 2022 წელს სკოლის დირექტორის განახლებული სტანდარტი მომზადდა, რომელიც სრულიად განსხვავდება აქამდე არსებული მიდგომებისგან – ის ორიენტირებული უნდა იყოს სკოლის დირექტორის, როგორც საგანმანათლებლო ლიდერის ფუნქციების გაძლიერებაზე. რამდენად მიღწევადია დასახული მიზანი და რა უნდა გაკეთდეს იმისთვის, რომ სკოლა პოლიტიკური გავლენებისგან თავისუფალი გახდეს? სტუმარი: შალვა ტაბატაძე - განათლების მკვლევარი #ახალიამბები #BusinessMediaGeorgia
უძრავი ქონების ფასი საქართველოში შეუჩერებლად იზრდება. დედაქალაქში ალბათ შეუძლებელია ბინის ნახვა 30 ათასი დოლარის ფარგლებშიც კი. მინიმალური ფასი მინიმალური ფართით და გარეუბანში საშუალოდ 40 ათასი დოლარიდან იწყება, მაშინ როცა არც კი 1 წლის წინ ღირებულება 10ათასი დოლარით ნაკლები იყო. დარგის სპეციალისტები პროგნოზირებენ, რომ მიმდინარე წელს ტენდენცია უცვლელი დარჩება და გაზაფხულიდან ფასები კიდევ გაიზრდება, მთავარი მიზეზი რუსეთის მოქალაქეების მხრიდან ბინების შეძენა იქნება. თუ მათი დიდი ნაწილი გასულ წელს ქირით ცხოვრობდა და საერთო გაყიდვებში თიბისი კაპატალის მონაცემებით წილი მხოლოდ 5.5.% იყო, წელს მოსალოდნელია რომ რაოდენობა მკვეთრად გაიზარდოს. სადამდე შეიძლება ველოდოთ ფასის ზრდას, რამდენად ჯანსაღია ბაზარზე მდგომარეობა და ხომ არ არსებობს ე.წ. ბუშტის გახეთქვის საშიშროება? სტუმარი: ირინე კვახაძე - “თიბისი კაპიტალის“ კვლევების უფროსი; #ახალიამბები #BusinessMediaGeorgia
რამდენი მილიონის შემოსავალი აქვთ ქართულ პორტებს? #ახალიამბები #BusinessMediaGeorgia
სტატისტიკის მიხედვით 2012 წლიდან მოყოლებული ექსპორტირებული ღვინის რაოდენობა წლიურად, საშუალოდ, 21%-ით იზრდებოდა, ღირებულება კი – 22%-ით. ოფიციალური რიცხვების მიხედვით ერთი ტონა ექსპორტირებული ქართული ღვინის საშუალო ფასი 3 ათასი აშშ დოლარიდან 3,9 ათას აშშ დოლარამდე მერყეობს. ქართული ღვინის მთავარ საექსპორტო ბაზარს დამოუკიდებელ სახელმწიფოთა თანამეგობრობის (დსთ) ქვეყნები წარმოადგენს, სადაც, საშუალოდ, ექსპორტირებული ღვინის 78% გადის (2012-2021 წწ). 2021 წელს ღვინის ექსპორტი საქართველოს სოფლის მეურნეობის მთლიანი საექსპორტო ღირებულების 21%-ს შეადგენდა. რუსეთში ქართული ღვინის საექსპორტო ფასი შემცირდა, მიუხედავად იმისა, რომ გასულ წელს მნიშვნელოვანი ზრდა დაფიქსირდა ქართული ღვინის რუსეთში ექსპორტის კუთხით. რუსეთი ქართული ღვინის მთავარი საექსპორტო ბაზარია სადაც გასულ წელს 160 მილიონი დოლარის ღვინო გავიდა - 30 მილიონით მეტი ვიდრე 2021 წელს. რაც შეეხება მოცულობას - თუკი მეღვინეებმა 2021 წელს რუსეთს 47.3 ტონა ღვინო მიაწოდეს, გასულ წელს ეს მაჩვენებელი 73.1 ტონამდე გაიზარდა. გამოდის რომ თუკი 2021-ში თითო ტონის საექსპორტო ფასი 2761 დოლარი იყო, ეს მაჩვენებელი მიმდინარე წელს 2199 დოლარამდე შემცირდა. სავარაუდოა რომ ზრდა ძირითადად დაბალი ფასის ღვინოზე მოდიოდა. ამასთან, აღსანიშნავია რომ რუსეთში ღვინის საშუალო საექსპორტო ფასი მნიშვნელოვნად ჩამორჩება ევროკავშირის ბაზრისგან, რადგან ევროკავშირში მოთხოვნას და სტანდარტებს უმეტესად მაღალფასიანი ღვინო აკმაყოფილებს. სტუმარი: დავით მაცაბერიძე - "ჩინის" დირექტორი; #ახალიამბები #BusinessMediaGeorgia
#ავიაციისსიახლეები: “ჩვენი მიზანია, ქუთაისის აეროპორტი იყოს დიდი ეკონომიკური ფონის შემქმნელი” - ირაკლი ქარქაშაძე; “ქართულ ავიაკომპანიებს უჭირთ საერთაშორისო ავიაკომპანიებთან კონკურენცია” – ირაკლი ქარქაშაძე; თბილისის საერთაშორისო აეროპორტში ვაკანსიებია; ავიაკომპანიები საქართველოს საჰაერო სატვირთო გადაზიდვების ბაზარზე ყველაზე მეტი რეისით; გლობალური საჰაერო მოგზაურობა პანდემიამდელ დონეს 2023 წელს ჩინეთის წყალობით დაუბრუნდება; კვირის ყველაზე მნიშვნელოვანი და საინტერესო სიახლეები საავიაციო სექტორიდან - თათია კაკიაშვილი მიმოხილვით #ავიაცია #ავიამიმოსვლა #საქმიანიდილა #ბიზნესმედია #საქმიანები