პურის წარმოებაში კადრების სიმცირეა, მიზეზი კი მოსახლეობის გადინებას უკავშირდება. მწარმოებლებს ჩანაცვლება ნაკლებად კვალიფიციური კადრით ან სულაც უცხო ქვეყნის მოქალაქეებით ხდება. როგორც „პურის მწარმოებელთა კავშირის" თავმჯდომარე მალხაზ დოლიძე აცხადებს, სექტორმა თანამშრომლების დაახლოებით 25% დაკარგა. რაც შეეხება ფასებს, ამ დროისთვის პურზე ფასი დაახლოებით 10 თეთრით შემცირდა და ეს საკითხი ამ ეტაპზე გადახედვას აღარ ექვემდებარება. სტუმარი: მალხაზ დოლიძე - „პურის მწარმოებელთა კავშირის" თავმჯდომარე. #ახალიამბები #BusinessMediaGeorgia
საქსტატის მიერ გაეროს ბავშვთა ფონდის მხარდაჭერით ჩატარებული ბავშვთა კეთილდღეობის კვლევის თანახმად, საქართველოში ბავშვების 38% მატერიალურ და სოციალურ დანაკლისს განიცდის. მიუხედავად ბოლო წლებში საქართველოს მთავრობის მიერ გაფართოებული ბავშვის დახმარების პროგრამებისა ის 2022 წელს საქართველოში მაცხოვრებელი 16 წლამდე ასაკის ყველა ბავშვის მხოლოდ 29%_ს ფარავს. თუმცა, მატერიალური და სოციალური დანაკლისის მქონე ბავშვების თითქმის ნახევარი (47%) არ იღებს დახმარებებს პროგრამიდან, სავარაუდოდ იმ მიზეზით, რომ მათი ოჯახები არ აკმაყოფილებენ ბავშვის მიზნობრივი დახმარების პროგრამის კრიტერიუმებს. კვლევის მიზანი საქართველოში მაცხოვრებელ ბავშვთა კეთილდღეობის რამდენიმე საკვანძო ასპექტის გაზომვა იყო რომელთა შორისაცაა: განათლების, ჯანდაცვის სერვისებისა და სოციალური დახმარების ხელმისაწვდომობა; სასკოლო კვება; უსაფრთხოება სახლში; მატერიალური და სოციალური დანაკლისი; ფუნქციური სირთულეები და შეზღუდულ შესაძლებლობასთან ასოცირებული სტიგმა. სტუმარი: ქეთევან მელიქაძე - UNICEF-ის სოციალური პოლიტიკის და ეკონომიკის სპეციალისტი; #ახალიამბები #BusinessMediaGeorgia
„ფასების კონტროლი ხშირად იწვევს საქონლისა თუ მომსახურების დეფიციტს, რადგან ფასი ხელოვნურად ეცემა საბაზრო წონასწორობის წერტილს ქვემოთ, რაც ქმნის ჭარბ მოთხოვნას,“ – ამის შესახებ აღნიშნულია კვლევაში, რომელიც კვლევითმა ორგანიზაცია ISET-მა გასულ თვეში გამოაქვეყნა. კვლევის მიხედვით, ფასების მაქსიმალური ზღვრის დაწესებამ შეიძლება გამოიწვიოს საქონლის ან მომსახურების ხარისხის შემცირება, რადგან მწარმოებლებმა შესაძლოა დაიწყონ ხარჯების შემცირების გზების ძიება. გამყიდველებს შეუძლიათ ფასის გაზრდის ნაცვლად კანონს თავი ხარისხის შემცირებით აარიდონ. რა გავლენა შეიძლება ჰქონდეს ფასების რეგულირებას პროდუქტებზე და რა სიახლეები ამ მხრივ ადგილობრივ ბაზარზე? სტუმრები: სალომე გელაშვილი - ISET-ის კვლევითი ინსტიტუტის წამყვანი ეკონომისტი; სოფიო ქაშაკაშვილი - რითეილ ასოციაციის გამგეობის თავმჯდომარე #ახალიამბები #BusinessMediaGeorgia
დღეიდან წერეთლის გამზირის რეაბილიტაცია დაიწყო. პირველ ეტაპზე სამუშაოები წერეთლის გამზირისა და შოთა შალიკაშვილის სახელობის ხიდზე დაიწყება. აღნიშნულის გათვალისწინებით, გუშინ 23:00 საათიდან ნაწილობრივ შეიზღუდა საავტომობილო გადაადგილება. რეაბილიტაციის პერიოდში, ავტომობილებისა და საზოგადოებრივი ტრანსპორტის გადაადგილებისთვის წერეთლის გამზირზე მოძრაობა დარჩება ორმხრივი, თითო მიმართულებისთვის კი გამოყოფილი იქნება მხოლოდ ერთი სამოძრაო ზოლი. სტუმარი: გიორგი აბუთიძე - თბილისის მერიის ინფრასტრუქტურის განვითარების საქალაქო სამსახურის უფროსი #ახალიამბები #BusinessMediaGeorgia
საქართველოს ბიზნეს ასოციაციის წევრთა რიგებს კომპანია „ელპლუსი“ შემოუერთდა, რომელიც 2005 წელს დაფუძნდა და დივერსიფიცირებული პორტფელით ბოლო 18 წლის განმავლობაში უამრავი პროექტი განახორციელა. კომპანია „ელპლუსი“ მუშაობს როგორც დეველოპმენტის, წარმოების, ჰოსფითალითის, ენერგეტიკისა და ჯანდაცვის მიმართულებით. კომპანიას განხორციელებული აქვს არაერთი სახელმწიფო, თუ სტრატეგიული პროექტი ქვეყნის მასშტაბით. სტუმარი: აკაკი საღირაშვილი - "საქართველოს ბიზნეს ასოციაცის" აღმასრულებელი დირექტორის პირველი მოადგილე; პაატა ჭუმბურიძე - "ელპლუსის" დამფუძნებელი; #ახალიამბები #BusinessMediaGeorgia
"მარილისის" სამკაულის სახლის დიასახლისი ნათია გოცირიძე - ქართული საიუველირო სახლი "მარილისის" დამფუძნებელი; ავტორები: მანანა მანჯგალაძე; ედგარ ყაზახაშვილი; ლადო ცხადაია. #ახალიამბები #BusinessMediaGeorgia
22 აპრილის სტამბაში თიბისისა და Forbes Woman-ის თანამშრომლობით სამიტი იმართება. რა ძალა აქვს არას? საქმიან წრეებში და ნებისმიერი ადამიანისათვის ვისაც რამე გაუკეთებია, ვისაც რამე ჩაუფიქრებია სკოლაშიც, ალბათ ბაღშიც, უმაღლესშიც და საქმეში მითუმეტეს ბევრია - არა. და ეს ბევრი კიდევ უფრო მნიშვნელოვანს ხდის მას თან მოყოლილ დიახ, რომელიც აუცილებლად დგება და საქმე რომელიც ყველა არას შემდეგ კონტექსტს უცვლის ძალას. სწორედ ასეთი გამოცდილების მქონე ადამიანებისთვის საინტერესო შეხვედრაა დაგეგმილი შაბათს სტამბაში. ანუ ყველასთვის პრინციპში. სტუმრები: მარიამ სპარსიაშვილი, Forbes Woman-ის აღმასრულებელი რედაქტორი; ქეთა ლომიძე, Forbes Woman-ის კრეატიული დირექტორი; თამთა კუპრაძე, "თიბისის" სტრატეგიული კომუნიკაციების ლიდერი. #ახალიამბები #BusinessMediaGeorgia
პანდემიურმა წლებმა განსაკუთრებული ზარალი ავიაკომპანიებს მოუტანა. სხვადასხვა შეზღუდვის ფონზე ავიამიმოსვლა შეფერხებულად ხორციელდებოდა. ამის მიუხედავად კომპანიები ზრდას მაინც განაგრძობენ. გააქტიურებული ფრენების ფონზე მატულობს ავიაკომპანიების ღირებულებაც. Visual capitalist-მა BRAND finance-ს მონაცემებზე დაყრდნობით ყველაზე ძვირადღირებული ავიაკომპანიების რეიტინგი გამოაქვეყნა. რომელი კომპანიები მოხვდნენ ამ ათეულში? #ახალიამბები #BusinessMediaGeorgia
ამბროლაურის “ძველი” და “ახალი” ცხოვრება #ახალიამბები #BusinessMediaGeorgia
ადამიანური რესურსების მართვა, როგორც ბიზნესის წარმოების განუყოფელი და უმნიშვნელოვანესი ნაწილი, ბოლო წლებია სულ უფრო აქტუალური ხდება, რაც თავის მხრივ გამოწვეულია შრომის ბაზარზე შექმნილი მოცემულობით, ასევე, ბიზნესის მართვის და ადმინისტრირების დახვეწითა და განვითარებით. HR საკითხების აქტუალობის ზრდასთან ერთად გაიზარდა HRM სააგენტოების მომსახურებაზე მოთხოვნა. HRM სააგენტო Hiro აუდიტორული და საკონსულტაციო კომპანია Loialte-ს შვილობილი ბრენდია. კომპანია ბაზარზე 3 წელია არსებობს და ამ ხნის განმავლობაში საკმაოდ საინტერესო გამოცდილება და მოზრდილ პორტფელიც დააგროვა. სტუმარი: მარიამ მეტონიძე - HRM სააგენტო Hiro-ს ხელმძღვანელი; #ახალიამბები #BusinessMediaGeorgia
ხელოვნური ინტელექტის მქონე ახალმა ჩეთბოტმა, ChatGPT-მ, მთელი ინტერნეტ-საზოგადოება აალაპარაკა. ადამიანები მას კითხვებს უსვამენ, ესაუბრებიან და ეს პროცესი იმდენად ბუნებრივი და საინტერესოა, რომ მომხმარებლებს ადამიანთან კომუნიკაციის განცდა უჩნდებათ. თუმცა, ეს ყველაფერი არ არის. ბოლო პერიოდში ChatGpt-ის გამოყენება წყვილებმა, საქორწინო ფიცის დასადებად აქტიურად დაიწყეს. სწორედ ამიტომ, ChatGPT-იმ Writer’s Block Assistant-ის ხელსაწყო დაამატა, რომელიც მომხმარებლებს საქორწინო ფიცის, მეჯვარეების სიტყვით გამოსვლის ტექსტების, სამადლობელი ბარათებისა და საქორწინო ვებგვერდისთვის About Us გვერდის შედგენაში ეხმარება. როგორ იგეგმება CHATGPT-ის დახმარებით საქორწინო ცერემონიები? #ახალიამბები #BusinessMediaGeorgia
წერეთლის გამზირის რეაბილიტაცია - სავაჭრო ობიექტების მოლოდინები #ახალიამბები #BusinessMediaGeorgia
ორბი ჯგუფსა და საერთაშორისო სასტუმრო ოპერატორ - რედისონ ბლუს შორის საპარტნიორო ხელშეკრულება გაფორმდა, რომლის ფარგლებშიც, თბილისში, ყაზბეგის გამზირზე, ინოვაციური ჰოტელ ჰაბი - ცენტრალ პარკ თაუერსი აშენდება. ცენტრალ პარკ თაუერსი, 1500 ნომრიანი 25 ხუთ ვარსკვლავიანი სასტუმროების ჰაბია, სადაც 150 ნომერზე ოპერირებას რედისონ ბლუ განახორციელებს. კომპლექსში ძვირადღირებულ პენტჰაუზებთან ერთად, პრემიუმ კლასის სპა და საოფისე სივრცეები, პრემიუმ კლასის რესტორნები, ძვირადღირებული ბრენდების სავაჭრო ცენტრი და სამორინე იქნება წარმოდგენილი. ინფრასტრუქტურის მართვაში კი, მსოფლიოში წამყვანი კომპანიები ჩაერთვებიან. ცენტრალ პარკ თაუერსის ჯამური საინვესტიციო ღირებულება კი, 300 მილიონ დოლარს შეადგენს. პროექტის სამშენებლო სამუშაოები 2 წლის განმავლობაში გაგრძელდება და ჰოტელ ჰაბი ოფიციალურად 2025 წელს მაისში გაიხსნება. #ახალიამბები #BusinessMediaGeorgia
ჯიპისის ქსელში, მომხმარებლებს უკვე შესაძლებლობა აქვთ განახლებული კალათის პირობით ისარგებლონ და მუდმივი მოხმარების მედიკამენტები უკეთეს ფასად შეიძინონ. უკეთესი კალათა უკეთესი ფასებით - ეს არის ჯიპისის განახლებული პროექტი, რომლის ფარგლებში მომხმარებლებს შესაძლებლობა აქვთ ყოველდღიურად 30% -იანი და მეტი ფასდაკლებით ქრონიკული მოხმარების მედიკამენტების შეძენისას ისარგებლონ. ჯიპისი ბაზარზე 26 წელია ოპერირებს. სააფთიაქო ქსელი, მუდმივი ინოვაციებითა და საინტერესო პროექტებით, ცდილობს მომხმარებელს დაუმტკიცოს, რომ არის აფთიაქი და მეტი. თეა ჯავახიშვილი - GPC-ის მარკეტინგის მენეჯერი; #ახალიამბები #BusinessMediaGeorgia
ავტომფლობელთა პასუხისმგებლობის სავალდებულო დაზღვევა, სავარაუდოდ, 2024 წლიდან ამოქმედდება. დაზღვევის განახლებულ პროექტზე ეკონომიკის სამინისტროსთან ერთად მიმდინარეობს მუშაობა. როგორ აფასებს სადაზღვევო სექტორი კანონპროექტს და რას ამბობენ მოქალაქეები სავალდებულო დაზღვევის შესახებ? #ახალიამბები #BusinessMediaGeorgia
#საქმიანიდილა - 20 აპრილი - პროლოგი #ახალიამბები #BusinessMediaGeorgia
ხვიჩა კვარაცხელიას მიმართვა გულშემატკივრებისადმი; Goal.com-მა „ოქროს ბურთის“ პრეტენდენტთა რეიტინგი განაახლა; #ახალიამბები #BusinessMediaGeorgia
აქვს კონკურენციის სააგენტოს ახალი მანდატის აღსრულებიდან 5 თვის თავზე. როგორც ცნობილია, 2022 წლის 1 ნოემბრიდან, „მომხმარებელთა უფლებების დაცვის შესახებ“ კანონის აღსრულებას სწორედ კონკურენციის სააგენტო უზრუნველყოფს. კანონის თანახმად, თითოეული მოვაჭრე, როგორც ფიზიკურ, ასევე ონლაინ სივრცეში ვალდებულია მომხმარებელს სრული ინსტრუქცია მიაწოდოს ქართულ ენაზე, სადაც პროდუქტზე ნაკლის აღმოჩენის შემთხვევაში დაბრუნების პირობები და სხვა დეტალები იქნება გაწერილი. ასევე, კანონის თანახმად ონლაინ ვაჭრობის შემთხვევაში მაღაზია ვალდებულია გაყიდული პროდუქცია 14 დღის ვადაში უპირობოდ დაიბრუნოს. რა შედეგები აქვს მომხმარებლის უფლებების დაცვის შესახებ კანონის ძალაში შესვლიდან 5 თვის თავზე სააგენტოს, ძირითადად რა ტიპის უფლებების დარღვევისთვის მიმართავენ და რამდენი მიმდინარე საქმე აქვს უწყებას? სტუმარი: მარიამ შაიშმელაშვილი - "კონკურენციის სააგენტოს" მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
მიმდინარე წლის 1 ივლისიდან ქვეყანაში ახალი რეგულაცია შევა ძალაში. საუბარია კერძო და საჯარო სექტორისთვის შენობების ენერგოეფექტიანობის შესახებ კანონზე, რომლის მიხედვითაც, განურჩევლად საკუთრების ფორმისა, ყველა ახალმა შენობამ ენერგო ეფექტიანობის მინიმალური მოთხოვნები უნდა დააკმაყოფილოს. კანონქვემდებარე აქტმა უნდა განსაზღვროს, როგორი უნდა იყოს მაგალითად, შენობის სახურავი, კედლები და იატაკი. კანონის მოქმედება გავრცელდება უკვე არსებულ შენობებზეც, რომელიც რეკონსტრუქციას საჭიროებს. ენერგოეფექტიანობის შესახებ კანონი ჯერ კიდევ გასული წლის ივნისიდან უნდა შესულიყო ძალაში, თუმცა მშენებლობის ნებართვის გამცემ რგოლში პანდემიის გამო შესაბამისი კადრების მომზადება ვერ მოესწრო და ცვლილებების ამოქმედება ერთი წლით გადავადდა, რამდენად მზად არის დღეს მთავრობა და ბიზნესი რეგულაციის აღსრულებისთვის? სტუმარი: ვახტანგ ბეგაშვილი - ინტეკის უფროსი მრჩეველი; #ახალიამბები #BusinessMediaGeorgia
რა გავლენა აქვს რუსულ მიგრაციას საქართველოს ეკონომიკაზე? რუსეთის მიერ უკრაინაში დაწყებული საომარი მოქმედებების შემდეგ, გასულ წელს საქართველოს საზღვარი 1,4 მილიონმა რუსეთის მოქალაქემ გადმოკვეთა. თიბისი კაპიტალის ინფორმაციით, 2022 წლის მსგავსად, 2023-შიც საქართველოში რუსეთის 115 000 მოქალაქე იმყოფება. სტუმრები: დავით კეშელავა - ISET-ის კვლევითი ინსტიტუტის უფროსი მკვლევარი; მიხეილ კუკავა - IDFI-ის ეკონომიკური და სოციალური პოლიტიკის მიმართულების ხელმძღვანელი; #ახალიამბები #BusinessMediaGeorgia
საქართველოში ნატურალური წვენების ბიზნესი წლიდან წლამდე ვითარდება და როგორც წარმოების, ექსპორტის მაჩვენებელიც იზრდება. 2022 წელი კომპანიებისთვის საექსპორტო მიმართულების თვალსაზრისით საკმაოდ წარმატებული იყო და ბაზრების დივერსიფიკაციისთვის საკმაოდ ქმედითი ნაბიჯებიც გადადგეს, თუმცა, როგორც ადგილობრივი მწარმოებლები ამბობენ, ეს საკმარისი არ არის. ინდუსტრიას საკმაოდ დიდი საექსპორტო პოტენციალი აქვს, რისი სრულად ათვისებაც ჯერ-ჯერობით ვერ ხერხდება. რა გამოწვევები აფერხებს ექსპორტს და რა სჭირდება ინდუსტრიას მეტად განვითარებისთვის? #ახალიამბები #BusinessMediaGeorgia
ტურიზმის ეროვნული ადმინისტრაციის ბოლო მონაცემებსაც, რომლის მიხედვითაც მიმდინარე წლის იანვარ-მარტში, საქართველოში 1 208 462 საერთაშორისო მოგზაურის ვიზიტი განხორციელდა. აქედან სხვა ვიზიტები (არატურისტული) – 142 783, ხოლო საერთაშორისო ვიზიტორების მიერ განხორციელებული ვიზიტები 1 065 679. მიმდინარე წლის 1-ელ კვარტალში საერთაშორისო მოგზაურების ვიზიტები 2022 წლის ანალოგიურ პერიოდთან შედარებით, 109,6%-ით გაიზარდა, პანდემიამდელ 2019 წლის ანალოგიურ მაჩვენებელს კი -25,3%-ით ჩამორჩება. მოლოდინი წელს ტურისტების და შემოსავლების მხრივაც ამ სეგმენტზე დადებითია. გასული კვირის ბოლოს განახლებული მაჩვენებლები გამოაქვეყნა Galt & Taggart-მა, რომლის მიხედვითაც ტურიზმიდან მიღებული შემოსავლები 2019 წელთან შედარებით, 2022 წლის ბოლოს 167%-ით გაიზარდა, ტურისტული ვიზიტების ზრდამ კი 98% შეადგინა, რაც იმას ნიშნავს, რომ ტურიზმი თითქმის სრულად აღდგა. მათი მოლოდინია, რომ მიმდინარე სეზონზე ტურისტული ვიზიტები 100%-ით აღდგენა 2019 წელთან შედარებით, ხოლო ტურიზმიდან მიღებული შემოსავლები 15%-იან წლიურ ზრდას აჩვენებს 4მლრდ აშშ დოლარამდე. ცხადია მოლოდინს, შესაბამის რიცხვებს და შემოსავლებს მიგრანტების წვლილიც განაპირობებს. საინვესტიციო ბანკების პროგნოზებში მოქმედ ფაქტორებშია მიგრანტების შემოსვლის დინამიკა. მეტი ტურისტის მოსაზიდად მთავრობამ სახელმწიფო პროგრამა დააანონსა. 1 მილიარდი 5 წელში - თანხა და დრო როცა პროექტები უნდა განხორციელდეს ცნობილია, კონკრეტული ხედვა ჯერ არა. რა და როგორ უნდა გაკეთდეს ტურისტული ქალაქები სტუმრებისათვის უფრო მიმზიდველი? სტუმარი: მაია სიდამონიძე - ტურიზმის ადმინისტრაციის ყოფილი ხელმძღვანელი; #ახალიამბები #BusinessMediaGeorgia
რა შედეგები აქვს “მაკდონალდს საქართველოს” და “ბრედფილდს”? სტუმარი: თენგიზ კაპანაძე - "მაკდონალდს საქართველოს" დირექტორი; #ახალიამბები #BusinessMediaGeorgia
თიბისი სტარტაპერის რუბრიკაში დღეს ნეო აკადემიას ამბებს გიყვებით.საქართველოში დაფუძნებული ნეო აკადემიას მიზანი მოზარდებში მომავლის ტექნოლოგიების შესახებ ცნობიერების ამაღლებაა და მოსწავლეებს თანამედროვე ტექნოლოგიების იმ მიმართულებებს, აცნობენ რომელთა ცოდნაც აუცილებელია, იმისათვის რომ ადამიანი მზად იყოს უკვე დაწყებული ტექნოლოგიური რევოლუციისათვის და იმ საზოგადოებრივი და ეკონომიკური მოდელისათვის, რომელიც გარდაუვალად გახდება ჩვენი ყოველდღიურობა. სტუმარი: ნია სიბაშვილი - შპს "ნეო აკადემიის" დამფუძნებელი; #ახალიამბები #BusinessMediaGeorgia
კიბერუსაფრთხოება როგორც გამოწვევა უცვლელად ყველაზე მნიშვნელოვან და ამავე დროს მუდმივ გამოწვევად რჩება. საქართველოს საბანკო ასოციაციამ ჩაატარა კვლევა რომლის ერთ ერთი საკითხი - კიბერუსაფრთხოება - ახალი გამოწვევებია. კვლევა ჩაატარეს საბანკო სექტორში აღქმებზე, რომლის პრეზენტაციაა ხუთშაბათს გაიმართება. სტუმრები: ალექსანდრე ძნელაძე - საქართველოს საბანკო ასოციაციის პრეზიდენტი; ინგა ქარჩავა - საქართველოს საბანკო ასოციაციის კიბერუსაფრთხოების მიმართულების კოორდინატორი. #ახალიამბები #BusinessMediaGeorgia
ევროპა ნამდვილად გამორჩეული ადგილია მათთვის, ვისაც მოგზაურობა უყვარს. მრავალფეროვანი კულტურა, მდიდარი ისტორია, შესანიშნავი სამზარეულო, ეს მხოლოდ მცირე ნაწილია იმ ყველაფრის, რაც ამ კონტინენტს. Რაც შეეხება ბიუჯეტს, ევროპის ზოგიერთ ქალაქში მოგზაურობა, ცხოვრება, გართობა თუ კვება, საკმაოდ ბიუჯეტურ ფასად არის შესაძლებელი. #ახალიამბები #BusinessMediaGeorgia
როგორ ემზადებიან თბილისის სასტუმროები ზაფხულის ტურისტული სეზონისთვის? #ახალიამბები #BusinessMediaGeorgia
სავაჭრო კომერციულ ფართებზე მოთხოვნა იზრდება და ამას თავად მეიჯარეებიც ადასტურებენ. როგორც bmg-სთან მსხვილი, თუ საშუალო ზომის სავაჭრო ცენტრების წარმომადგენლები აღნიშნავენ, 2023 წელი კარგად დაიწყო და მათ მიერ გასაქირავებელი კომერციული ფართები უკვე თითქმის სრულად ათვისებულია. თუმცა, მაგალითად, კომერციულ ფართებზე დატვირთულობა იგივე დარჩა დიდუბე პლაზაში. ამ ეტაპზე კომპანიის კომერციული ფართების 90% დატვირთულია. 1 კვ.მ იჯარის საშუალო ფასი დიდუბე პლაზაში 2019 წელს 7-8 დოლარის ეკვივალენტი ლარში იყო, ხოლო დღეს 10 $-ის ეკვივალენტი ლარშია. #ახალიამბები #BusinessMediaGeorgia
BMG-იმ რაჭაში რაჭველი მეფუტკრეები და თაფლის წარმოების ტენდენციებიც მოიკითხა. ზოგიერთმა მეფუტკრემ რაჭაში თაფლის სრულად რეალიზაცია ვერ შეძლო, რადგან გასულ წელეს ექსპორტიორების მხრიდან მოთხოვნა აკაციის თაფლზე იყო, როგორც მეფუტკრეები ამბობენ აკაციის თაფლის წარმოება საკმაოდ რთული პროცესია. რა გამოწვევებია რაჭაში თაფლის წარმოების კუთხით და რა კეთდება ამ მხრივ რეგიონში? #ახალიამბები #BusinessMediaGeorgia
#საქმიანიდილა - 19 აპრილი - პროლოგი #ახალიამბები #BusinessMediaGeorgia
აშშ-ში მდებარე ვირჯინიის უნივერსიტეტში მომუშავე მეცნიერებმა გამოავლინეს ფერმენტი, რომელიც დაბერების პროცესს ანელებს. ამის შესახებ მკვლევართა ნაშრომი ჟურნალ Current Biology-ში გამოქვეყნდა - მეცნიერები ხაზს უსვამენ, რომ აღნიშნული ფერმენტი სხვა კუთხით აქამდეც კარგად იყო შესწავლილი, რამაც შესაძლოა, უფრო მალე მიგვიყვანოს დაბერების საწინააღმდეგო თერაპიის შექმნასთან. #ახალიამბები #BusinessMediaGeorgia
ხელნაკეთი შოკოლადების მწარმოებელი კომპანია „შოკოტელა“ წლის ბოლომდე ბრენდული მაღაზიების ქსელის განვითარებას გეგმავს. კომპანიის წლევანდელ გეგმებში გუნდის და საწარმოს გაფართოება, ასევე ახალი პროდუქტების შექმნა შედის. აღსანიშნავია, რომ პროდუქციის საკუთარ ბრენდულ მაღაზიაში რეალიზაციის გარდა, „შოკოტელა“ ადგილობრივ ბაზარზე არსებულ კომპანიებთანაც თანამშრომლობს და მათთვის სასაჩუქრე ნაკრებებს ქმნის. როგორი სააღდგომო პერიოდი ჰქონდა შოკოტელას ვაჭრობის კუთხით და როგორია მათი გაფართოების დეტალები? სტუმარი: მარიამ კაპანაძე - "შოკოტელას" დამფუძნებელი. #ახალიამბები #BusinessMediaGeorgia
ზაფხულის ცხელ სეზონამდე თვეზე მეტია დარჩენილი თუმცა,ახლა არის ის პერიოდი, როცა თადარიგი უნდა დავიჭიროთ, საზაფხულო ბანაკებში რეგისტრაციასთან დაკავშირებით. ბოლო წლებში საკმაოდ ბევრი ბანაკი გამოჩნდა ბაზარზე, ისინი როგორც საზაფხულო, ასევე საზამთრო აქტივობებსაც გვთავაზობენ. რაოდენობის ზრდასთან ერთად მოთხოვნაც ყოველწლიურად იზრდება. ფასები კი ცვლადია. რა შეთავაზებები აქვთ წელს ბანაკებს, როგორია მიმართვიანობა და რა ღირს ბანაკში ბავშვის გაშვება? სტუმარი: მაკუნა გოჩიაშვილი - "მწვანე ბანაკის" დამფუძნებელი; #ახალიამბები #BusinessMediaGeorgia
2023 წლის იანვარ-თებერვალში საქართველოში 457 480 დოლარის ღირებულების კვერცხის იმპორტი განხორციელდა. საიდანაც 189 780 დოლარის ღირებულების იანვარში, ხოლო 267 700 დოლარის ღირებულების თებერვალში შემოვიდა. მეფრინველეობის ასოციაციაში ამბობენ, რომ იმპორტიორი ქვეყანა თურქეთია, რამ განაპირობა ზრდა და როგორია ადგილობრივი ფერმერული მეურნეობების წილი ბაზარზე. სტუმარი: ზურაბ უჩუმბეგაშვილი, მეფრინველეობის ასოციაციის ხელმძღვანელი; #ახალიამბები #BusinessMediaGeorgia
საქართველოს ეკონომიკური განვითარების მთავარი მასტიმულირებელი ინსტრუმენტი და როგორია საქართველოს უმაღლესი საგანმანათლებლო დაწესებულებების პოტენციალი განათლების დისტრიბუციაში? სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; კონსტანტინე თოფურია - საქართველოს უნივერსიტეტის რექტორი, Gnomon Wise-ის აფილირებული მკვლევარი. #ახალიამბები #BusinessMediaGeorgia
ბათუმში ზაფხულის ტურისტული სეზონის სამზადისთან და სეზონის გახსნის ღონისძიებასთან დაკავშირებით, ტურისტული სექტორის წარმომადგენლებთან შეხვედრები მიმდინარეობს. გასული კვირის ბოლოს სამუშაო შეხვედრას აჭარის მთავრობის თავმჯდომარე თორნიკე რიჟვაძეც ესწრებოდა, სადაც რეგიონში ტურიზმის კუთხით მიმდინარე პროექტებზე, განახლებულ ტურისტულ პროდუქტებსა და ტურისტული სეზონის მოლოდინზე ისაუბრეს. რა სიახლეებით ხვდება აჭარა ზაფხულს და როდის გაიხსნება ტურისტული სეზონი? #ახალიამბები #BusinessMediaGeorgia
SoftBank-მა ჩინურ ტექნოლოგიურ გიგანტ Alibaba-ში ინვესტიციის მკვეთრად შემცირების გადაწყვეტილება მიიღო. Financial Times-ის ინფორმაციით, ბანკმა ერთი კვირის განმავლობაში Alibaba-ს დაახლოებით 7.2 მილიარდი დოლარის ღირებულების აქციები გაყიდა, თუმცა ამ გადაწყვეტილების მიღების მიზეზები SoftBank-ს ინვესტორებისთვის ჯერაც არ განუმარტავს. იაპონური ფირმა Sega Sammy ფინურ კომპანია Rovio-ს, რომელიც ყველასათვის ცნობილი თამაშის, Angry Birds-ის, შემქმნელია, $776 მილიონად შეიძენს. Sega Sammy-ის განცხადებით, კომპანიას მობილური თამაშების ბიზნესში გაძლიერება სურს. სტუმარი: რატი მესხიშვილი - Galt & Taggart-ის უფროსი ასოცირებული ბროკერი; #ახალიამბები #BusinessMediaGeorgia
სადაზღვევო სექტორმა 2022 წელი 39,2 მილიონი ლარის წმინდა მოგებით დახურა. 18 სადაზღვევო კომპანიის კონსოლიდირებული მონაცემებით ირკვევა, რომ 2022 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 909,6 მილიონი ლარი შეადგინა, რაც 17.7%-იანი ზრდას აჩვენებს. სადაზღვევო პრემია არის თანხა, რომელსაც დაზღვეული იხდის დაზღვევის სანაცვლოდ. ამავე პერიოდის შედეგებით მზღვეველების სადაზღვევო მოგება 210,3 მილიონი ლარი იყო. სადაზღვევო მოგება 38 მილიონით გაიზარდა, წმინდა მოგება კი, 40 მილიონიდან 39.2 მლნ ლარამდე შემცირდა. სადაზღვევო კომპანიების აქტივების ჯამური მოცულობა შეადგენს 1.105 მლრდ ლარს, ხოლო კაპიტალი 343,2 მილიონ ლარს შეადგენდა. კომპანიების რეიტინგში ყველაზე მეტი მოზიდული პრემიით პირველ პოზიციაზე "ჯიპიაი ჰოლდინგია" - 165 მლნ ლარით. სტუმარი: პაატა ლომაძე - "ჯიპიაი ჰოლდინგის" გენერალური დირექტორი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს
პროგრამირება დღეს ყველაზე პოპულარული, შემოსავლიანი და საინტერესო სფეროა და მიუხედავად იმისა, რომ მოთხოვნიდან გამომდინარე საკმაოდ მაღალია კადრებით შევსების დინამიკა არსებული და თუნდაც მზარდი რესურსი საკმარისი მაინც არ არის. მილიონამდე დეველოპერის ნაკლებობა აქვს მხოლოდ შტატების ბაზარს და საქართველოსთან პარალელები ამ მხრივ რა მოსატანია, თუმცა საკადრო შევსება საქართველოშიც მუდმივად საჭიროა. ვინ არის "დიჯითალ ინსტიტუტი"? რა მიზანს ემსახურება? რატომ არის მოწინავე IT აკადემია ამიერკავკასიაში? სტუმრები: ნინო ქიმაძე - "დიჯითალ ინსტიტუტის" აღმასრულებელი დირექტორი; ანნა ჯალაღანია - "დიჯითალ ინსტიტუტის" კარიერული განვითარების მენეჯერი. #ახალიამბები #BusinessMediaGeorgia
ბეჭდების მბრძანებელი, კინ კონგი, ჰობიტი … ეს იმ ფილმების მხოლოდ მცირე ჩამონათვალია, რომელიც პიტერ ჯექსონის სახელის უკავშირდება. ახალ ზელანდიელმა რეჟისორმა კინოს სამყაროში ცნობადობა და აღიარება ჯერ კიდევ საუკუნის დასაწყისში მოიპოვა და მას შემდეგ მისი პოპულარობა მოღებულ შემოსავალთან ერთად მუდმივად მზარდია. ჯექსონის ტრილოგიებმა მსოფლიოს მასშტაბით 6 მილიარდ დოლარზე მეტი გამოიმუშავა, საიდანაც რეჟისორმა ასობით მილიონი დოლარი მიიღო. სულ რაღაც ორი წლის წინ კი, ჯექსონმა მის მიერ თანადაფუძნებული ვიზუალური ეფექტების კომპანია Weta Digital-ის გარკვეული ნაწილი ცნობილ ვიდეოთამაშების პროგრამული უზრუნველყოფის კომპანია Unity-ს 1.6 მილიარდ დოლარად მიჰყიდა. ამ გარიგებამ რეჟისორს მილიარდერის ტიტულიც მოუტანა და ამჟამად მისი ქონება, ფორბსის შეფასებით 1.5 მილიარდ დოლარს შეადგენს. რა გზა გაიარა პიტერ ჯექსონმა წარმატებამდე და როგორ მოიპოვა მსოფლიოში მეოთხე ყველაზე მაღალანაზღაურებადი რეჟისორის სტატუსი? #ახალიამბები #BusinessMediaGeorgia
2022 წელს ქვეყნიდან 8.5 მილიონი დოლარის ღირებულების კენკრა გავიდა, რომლის ძირითადი ნაწილი (97%) სწორედ მოცვი იყო. ექსპორტირებული მოცვის მოცულობამ 1 390 ტონას გადააჭარბა. პროდუქციის 89% კი რუსეთის ბაზარზე გავიდა. როგორც ხედავთ ქვეყნისთვის ნომერი პირველ ბაზრად კვლავ რუსეთი რჩება, თუმცა უკვე ბევრი კომპანია სწორებას ევროპის ბაზარზე აქტიურად აკეთებს. საქართველოში მოცვის მოსავლის აღება ძირითადად ივნისიდან იწყება. შესაბამისად, სეზონი ახლოვდება. რა მოცულობის მოსავალს ელოდებიან და სად და რა ფასად გაყიდიან მწარმოებელი კომპანიები პროდუქტს BMG-იმ გაარკვია. #ახალიამბები #BusinessMediaGeorgia
სააღდგომო შოპინგი საქართველოში ყოველწლიურად ვითარდება, თუმცა გაყიდვები ძირითადად საკვებ პროდუქციაზე, სააღდგომო დეკორაციებზე და სახლის აქსესუარებზე მოდის, ხოლო მაგალითად, როგორც BMG-იმ სხვადასხვა მაღაზიების წარმომადგენლებთან გაარკვია სამოსი ამ პერიოდში ნაკლებად მოთხოვნადია. BMG-სთან კომპანიებში აღნიშნავენ, რომ ზოგადად, 2022 წლის პირველ კვარტალთან შედარებით, 2023 წლის იგივე პერიოდში მცირედი გაუმჯობესება გაყიდვებში შეინიშნება. თუმცა, ახალი წლის დღესასწაულის გარდა, სხვა დღესასწაულებზე გაყიდვები ნაკლებად მზარდია. #ახალიამბები #BusinessMediaGeorgia
#საქმიანიდილა - 18 აპრილი - პროლოგი #ახალიამბები #BusinessMediaGeorgia
#ახალიამბები #BusinessMediaGeorgia
#საქმიანისაღამო: გლობალური საფონდო ბირჟების მიმოხილვით გიორგი თოლორდავა; გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
სამოქალაქო საზოგადოების 100–ზე მეტი ორგანიზაცია საქართველოს ხელისუფლებას მიმართავს და აღნიშნავს, რომ სხვადასხვა ინფორმაციით, ევროკომისიამ შესაძლოა 2023 წლის ოქტომბერში გასცეს საქართველოსთვის ევროკავშირის წევრობის კანდიდატის სტატუსის მინიჭების რეკომენდაცია, თუ საქართველო მომდევნო პერიოდში გააგრძელებს რეფორმებზე მუშაობას და არ გააუარესებს ქვეყანაში ადამიანის უფლებებისა და დემოკრატიის მდგომარეობას. განცხადებაში ხაზგასმულია, რომ ევროკავშირში გაწევრიანების, როგორც ეროვნული იდეის ირგვლივ ფართო საზოგადოებრივი კონსოლიდაციით საზოგადოებამ უკვე მერამდენედ დაამტკიცა, რომ ქართველი ხალხი ვიმსახურებთ კანდიდატის სტატუსს. სტუმარი: გიორგი კლდიაშვილი - IDFI-ის აღმასრულებელი დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
Hotel HUB - მომავლის პროექტი ალ.ყაზბეგის გამზირზე, რომელიც 100 მილიონ დოლარზე მეტი ინვეტიით შენდება უნიკალურ და ინოვაციურ მიდგომებს აერთიანებს. ეს კომპანია „ორბი ჯგუფისა“ და „ბლოკ ჯგუფის“ ერთობლივი საინვესტიციო პროექტია, რომელსაც პროექტის განმახორციელებელთა თქმით, მოგებიანობის გათვალისწინებით უძრავი ქონების სექტორში ანალოგი არ გააჩნია. პროექტის პრეზენტაცია „ფორბს კვირაში შედგა. BMGDRIVE-ის მგზავრი: თორნიკე ჯანაშვილი - „ბლოქ ჯგუფის“ გენერალური დირექტორი ავტორები: ბექა ბაციკაძე, რევაზ ნასიძე; #ახალიამბები #BusinessMediaGeorgia
"ავტომფლობელთა მესამე პირის პასუხისმგებლობის სავალდებულო დაზღვევის“ პროექტი მთავრობას დასამტკიცებლად რამდენიმე კვირაში წარედგინება. ჯერ კონკრეტული ვადები კვლავ გაურკვეველია, თუმცა არის ვარაუდი რომ მისი ამოქმედება 2024 წლიდან მოხდება. სადაზღვევო სექტორმა 2022 წელი 39,2 მილიონი ლარის წმინდა მოგებით დახურა. 18 სადაზღვევო კომპანიის კონსოლიდირებული მონაცემებით ირკვევა, რომ 2022 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან 909,6 მილიონი ლარი შეადგინა, რაც 17.7%-იანი ზრდას აჩვენებს. სადაზღვევო პრემია არის თანხა, რომელსაც დაზღვეული იხდის დაზღვევის სანაცვლოდ. როგორია აი ჯი ჯი -ს შედეგები 2022-ში და როგორი იყო სექტორის ჭრილში ზოგადად გასული წელს? სტუმარი: არჩილ მორჩილაძე - "საქართველოს სადაზღვევო ჯგუფის" დამფუძნებელი; #ახალიამბები #BusinessMediaGeorgia
ადგილობრივ ბაზარზე თაფლის დეფიციტის გამო საქართველოდან ევროკავშირში თაფლის ექსპორტი შეჩერდა. მაისამდე საქართველოდან ევროპაში თაფლი ვერ გაიგზავნება და ამის მიზეზებს შორის ფერმერი მეწარმეები რამდენიმე ფაქტორს ასახელებენ. მარაგები ამოწურულია და შესაბამისად, ევროპიდან წამოსული მოთხოვნის დაკმაყოფილება ვერ ხერხდება. მწარმოებლები გამოწვევებს შორის და უწყვეტი ექსპორტის შენარჩუნებისათვის აუცილებელ პირობად მეწარმეების და ფუტკრის რეგისტრაციას ასახელებენ. მეფუტკრეების ნაწილს რეგისტრაცია უკვე გავლილიც აქვს. პროცედურა სავალდებულო მიმდინარე წლის 1-ელი იანვრიდან გახდა. რეგისტრაციის გარეშე იკრძალება ფუტკრის ოჯახების გადაადგილება, ყიდვა-გაყიდვა და პროდუქტის რეალიზაცია. რატომ არის რეგისტრაცია მნიშვნელოვანი და რაში დაეხმარება ფერმერებს FAO-ს იდენტიფიკაცია? სტუმარი: მიხეილ სოხაძე - FAO-ს იდენტიფიკაცია-რეგისტრაციის ხელმძღვანელი; #ახალიამბები #BusinessMediaGeorgia