თურქეთში ევროპის მასშტაბით უმსხვილესი, მზის ელექტროსადგური იხსნება. თურქეთში მზის ენერგიის დადგმული სიმძლავრე 20 პროცენტით გაიზრდება. პროექტს აქტიურ ფინანსურ მხარდაჭერას უწევდა ბრიტანეთის მთავრობა. მისი ჯამური ღირებულება კი მილიარდი დოლარია. #ახალიამბები #BusinessMediaGeorgia
4 თვეში, საქართველოს 4 დაცულ ტერიტორიას თითქმის 50 000 ვიზიტორი ეწვია. დაცული ტერიტორიების სააგენტოს ინფორმაციით, ეს რიცხვი 2019 წლის მონაცემებთან შედარებით, 34%-ით არის გაზრდილი. დაცული ტერიტორიების გარდა, გასულ წელთან შედარებით, ტურიზმის გამოცოცხლებას გრძნობენ სხვადასხვა ტურისტულ ობიექტებზე მათ შორის, ახალციხის ციხეში, წალკის კანიონზე და საქმიან დილასთან საუბრისას აღნიშნავენ, რომ წელს ტურისტების რაოდენობა გასული წლისას ბევრად გადააჭარბებს. ასევე, როგორც დაცულ ტერიტორიებზე, ასევე სხვა ტურისტულ ობიექტებზე ფასები შენარჩუნებულია და ამ ეტაპზე ზრდა არ იგეგმება. სტუმარი: ეთი ბეკურაშვილი - “კასს ლენდ დაიმონდ რეზორტის” საზოგადოებასთან ურთიერთობის მენეჯერი #ახალიამბები #BusinessMediaGeorgia
25 წლიანი ისტორია სამშენებლო და დეველოპერულ სექტორში - ეს კომპანია „გუმბათი ჯგუფია,“ რომლის ბალანსზეც ამ დროისთვის 600 000 კვადრატულ მეტრზე მეტი კომერციული და საცხოვრებელი კომპლექსებია აშენებული, ჯამურად კი კომპანიას 500$ მლნ-ზე მეტი ინვესტიცია აქვთ განხორციელებული. „გუმბათი ჯგუფი“ დეველოპერულ საქმიანობას უმეტესად აჭარის რეგიონში ახორციელებს, თუმცა გეგმები და მიზნები გაცილებით მასშტაბური აქვთ. #ახალიამბები #BusinessMediaGeorgia
სოფლის მეურნეობაში ხელოვნური ინტელექტი ვითარდება. სოფლის მეურნეობაში გამოსაყენებელი დრონების ერთ-ერთი ცნობილი მწარმოებელი კომპანია Hylio-ა. კომპანიის დაახლოებით 700 დრონი ყოველწლიურად 700 000 ჰექტარ მიწას ამუშავებს. დრონების გამოყენების ზრდამ შესაძლოა საფრთხე შეუქმნას ტრაქტორების ინდუსტრიას სოფლის მეურნეობაში. მიუხედავად ამისა, აგროდრონების განვითარება დიდი წინგადადგმული ნაბიჯია პლანეტისთვის. #ახალიამბები #BusinessMediaGeorgia
რამდენიმე დღეა ჰოლივუდის სცენარისტები გაფიცულები არიან, მათი მთავარი მოთხოვნა ანაზღაურების გაზრდა და უკეთესი საკონტრაქტო პირობებია, ამასთან ერთად საინტერესოა, ვინ არიან ჰოლივუდის ყველაზე მაღალ ანაზღაურებადი სცენარისტები და რამდენია მათი შემოსავალი? #ახალიამბები #BusinessMediaGeorgia
#საქმიანიდილა - 10 მაისი - პროლოგი #ახალიამბები #BusinessMediaGeorgia
ავტორთა და კომპოზიტორთა საზოგადოებების საერთაშორისო კონფედერაციის (CISAC) ევროპის კომიტეტმა, აზერბაიჯანის, სომხეთის, საქართველოს, მოლდოვას და ყაზახეთის მხარდამჭერი რეზოლუცია ერთხმად მიიღო. რეზოლუციაში წერია, რომ ავტორთა და კომპოზიტორთა საზოგადოებების საერთაშორისო კონფედერაცია, შეშფოთებულია ამ ქვეყნებში რუსეთის ქმედებების გამო და დაჟინებით მოუწოდებს RAO-ს და რუსეთის სხვა კოლექტიური მართვის ორგანიზაციებს, თავი შეიკავონ და შეწყვიტონ ნებისმიერი ქმედება, რაც ძირს უთხრის CISAC-ის სხვა წევრების სუვერენიტეტს და ლეგიტიმურ ფუნქციონირებას, და რამაც, შესაძლოა, ამ ქვეყნებში უფლებების კოლექტიურად მართვის დესტაბილიზაცია გამოიწვიოს. ასევე, ამ პრობლემის დაძლევის მიზნით, გადაუდებელ აუცილებლობად მიიჩნევს, ამ ქვეყნებში, ერთი ფანჯრის პრინციპით ლიცენზირების ძლიერი სისტემის შენარჩუნებას და შემდგომ განვითარებას, საუკეთესო საერთაშორისო და ევროპული პრაქტიკის შესაბამისად. სტუმარი: გიგა კობალაძე - საქართველოს საავტორო უფლებათა ასოციაციის ხელმძღვანელი. #ახალიამბები #BusinessMediaGeorgia
ევროპის დღე თბილისში დიდი სახალხო ღონისძიებით აღინიშნა. საქართველოში ევროკავშირის წარმომადგენლობამ სადღესასწაულო ღონისძიებები, 6 მაისს, ექსპო ჯორჯიაში გამართა. ევროპის დღე ჩვენს ქვეყანაში 1993 წლიდან აღინიშნება. 30 წელზე მეტია, რაც ევროკავშირი საქართველოში სხვადასხვა პროგრამებსა და პროექტებს აფინანსებს. DCFTA-ის ამოქმედების შემდეგ საქართველოსა და ევროკავშირს შორის ორმხრივი ვაჭრობის მთლიანი მოცულობა 15%-ით გაიზარდა. მას შემდეგ ევროკავშირი საქართველოსთვის მნიშვნელოვანი სავაჭრო პარტნიორია, ევროკავშირის მიერ საქართველოსთვის 2021-2024 წლებისთვის განკუთვნილი გრანტების მოცულობა 340 მილიონ ევროს შეადგენს. ყოველწლიურად კი საქართველოს ამბიციური რეფორმების მხარდასაჭერად გრანტის სახით 100 მილიონი ევრო გამოიყოფა. საქართველოში დღეს ბევრი ბიზნესია, რომელთა წარმატება და განვითარებაც ევროკავშირის დახმარებით მოხდა. ერთ-ერთი გამორჩეული სექტორი სოფლის მეურნეობაა და განსაკუთრებული წვლილია თხილის ბიზნესში. სტუმარი: ბაია სალუქვაძე - შპს "ჯორჯიან პროდაქტს რენესანსის", შპს " აგრითრეიდის" თანადამფუძნებელი. #ახალიამბები #BusinessMediaGeorgia
საქართველოში 223 კერძო სკოლაა რეგისტრირებული. საქართველოში არსებული კერძო სკოლების წლიური გადასახადი 5000 ლარიდან - 25 000 დოლარამდე მერყეობს. კერძო სკოლების მიმართ მომხმარებლების და ინვესტორების დაინტერესებაზე, ბევრი გარემოება მეტყველებს, ამიტომ გადავწყვიტეთ თქვენთვის შედარებით დეტალურად მოვიკითხოთ ამ ბიზნესის განწყობები და შეფასებები. ვიდრე სტუმართან ერთად გავშლით თემას, გასულ კვირას, საქართველოს განათლებისა და მეცნიერების მინისტრი გიორგი ამილახვარი კერძო სკოლების დირექტორებს და ასოციაციების წარმომადგენლებს შეხვდა, რომლის ფარგლებშიც ზოგადსაგანმანათლებლო დაწესებულებებში არსებულ გამოწვევებსა და მათი გადაჭრის გზებზე იმსჯელეს. საუბრისას გიორგი ამილახვარმა აღნიშნა, რომ განათლების ნებისმიერ საფეხურზე, იქნება ეს საჯარო, თუ კერძო საგანმანათლებლო დაწესებულება, ხარისხის გაუმჯობესებაზე ზრუნვა სამინისტროსთვის უმთავრეს პრიორიტეტსა და პასუხისმგებლობას წარმოადგენს. როგორი მოლოდინები აქვთ სექტორში? სტუმარი: ბაკურ სულაკაური - "მწვანე სკოლის" დამფუძნებელი. #ახალიამბები #BusinessMediaGeorgia
2022 წელს სექტორის მთლიანმა გამოშვებამ 7.1 მლრდ ლარი შეადგინა, მშპ-ში შექმნილმა სიმდიდრემ კი 4.4 მლრდ ლარი. აღნიშნული, ქვეყნის მშპ-ის 7% იყო. ეკონომიკაში აგრარული სექტორის წილი მნიშვნელოვან ინფორმაციას იძლევა იმაზე, თუ განვითარების რა ეტაპზეა ქვეყანა. სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; ზვიად ხორგუაშვილი - Gnomon Wise-ის მკვლევარი #ახალიამბები #BusinessMediaGeorgia
მთავრობა საქალაქთაშორისო მგზავრთა გადაყვანის რეფორმას გეგმავს, რომელიც რამდენიმე ეტაპად განხორციელდება. დოკუმენტს პარლამენტი სავარაუდოდ საშემოდგომო სესიაზე დაამტკიცებს და სწორედ ამ პერიოდიდან შეიქმნება საჭიროება, რომ აღირიცხოს ყველა ის ოპერატორი და ავტოსადგური, რომელიც ბაზარზეა. #ახალიამბები #BusinessMediaGeorgia
საქართველოს კონკურენციის ეროვნულმა სააგენტომ ბოლო კვირებში რამდენიმე კომპანიის მისამართით მომხმარებლების სარჩელების განხილვის შედეგად პირობითი ვალდებულების ხელშეკრულებები გააფორმა. მცირე დეტალები შესაძლოა განსხვავებულია, თუმცა „მომხმარებლის უფლებების დაცვის შესახებ“ საქართველოს კანონის სავარაუდო დარღვევის ფაქტების დადასტურების შემდეგ გაიწერა კონკრეტული ვალდებულებები, რაც კომპანიებმა უნდა შეასრულონ. რა ტიპის დარღვევებზე დადგინდა კონკურენციის სააგენტოს მხრიდან კანონის დარღვევა და რა შეთანხმებები გაფორმდა სხვა და სხვა კომპანიებთან მიმართებით? სტუმარი: მარიამ შაიშმელაშვილი - "კონკურენციის სააგენტოს" მომხმარებლის უფლებების დაცვის დეპარტამენტის უფროსის მოადგილე; #ახალიამბები #BusinessMediaGeorgia
მიმდინარე კვირის პირველ სავაჭრო სესიაზე ენერგეტიკულ ბირჟაზე აღმასვლის ტენდენცია ფიქსირდება, ბირჟის გახსნიდან რამდენიმე საათში ბარელი Brent-ის მარკის ნავთობის ფასი 1.5%-ითაა გაზრდილი და ამჟამად 76 დოლარს აღწევს; WTI Crude-ის ღირებულებამაც 1.5%-ით მოიმატა და ის 72 დოლარს შეადგენს. რაც შეეხება რუსულ ნავთობს, ბირჟაზე ბარელი Urals-ის ფასი 56 დოლარს აჭარბებს, რაც ერთ დღეში თითქმის 4.5%-ით გაზრდილი მაჩვენებელია. მიუხედავად ამისა, უნდა აღინიშნოს, რომ ერთწლიან პერიოდში ბირჟაზე რუსული ნავთობი თითქმის 34%-ითაა გაიაფებული; Brent-ის ვარდნის მაჩვენებელი კი 27%-ს შეადგენს. ნავთობის ფასების ზრდა პირდაპირ კავშირშია ჩინეთის მასშტაბით კოვიდრეგულაციების სრულად გაუქმებასთან და ეკონომიკური აქტივობის აღდგენასთან. გარდა ამისა, აშშ-ში წლიური ინფლაციის დონე 6%-იან ნიშნულამდე შემცირდა. ინფლაციის შენელება ფედერალურ რეზერვს, სავარაუდოდ, მონეტარული პოლიტიკის შერბილებისკენ უბიძგებს, რასაც ინვესტორები და ტრეიდერები პოზიტიურ სიახლედ იღებენ, რადგან ის ხელს შეუწყობს ეკონომიკური აქტივობის აღდგენას და საწვავზე მაღალი მოთხოვნის შენარჩუნებას. აქვე უნდა აღინიშნოს ისიც, რომ FED-ის ხელმძღვანელობის განცხადებით, ივნისში დაგეგმილ შეხვედრაზე რეფინანსირების განაკვეთის დამატებით ზრდა აღარ არის დაგეგმილი. სტუმარი: რატი მესხიშვილი - Galt&Taggart;-ის უფროსი ასოცირებული ბროკერი #ახალიამბები #BusinessMediaGeorgia
როგორ უნდა გამოვიყენოთ სადაზღვევო პოლისი მოგზაურობისას და რამდენად მარტივია სერვისის მიღება რომელიც შეძენილი გაქვთ. კომპანია „ჯეოასისტანსი“ მსოფლიოს სხვადასხვა წერტილში წასულ საქართველოს მოქალაქეს ქართულ სადაზღვევო მომსახურებას სთავაზობს და რატომ არის მათი მომსახურება საჭირო? სტუმარი: კონსტანტინე გრძელიძე - „ჯეოასისტანსის“ დამფუძნებელი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს
თიბისი კაპიტალმა გასული კვირის მიწურულს ძალიან საინტერესო კვლევა წარადგინა, რომლის მიხედვითაც 2022 წელს ჯამური FMCG ბაზრის მოცულობა მოსალოდნელზე მეტად, წლიური 37%-ით გაიზარდა, რაც გაუთვალისწინებელი ფაქტორებით იყო გამოწვეული. ზრდა განპირობებული იყო მოსახლეობის დანახარჯების მატებით, მაღალი ინფლაციით, ტურიზმის სწრაფი აღდგენით და მიგრანტების დანახარჯებით. შარშან ორგანიზებული FMCG ბაზარი, ჯამური ბაზრის მსგავსად წლიური 37%-ით გაიზარდა და 5.9 მილიარდი ლარი შეადგინა. ამავე შედეგებით, დედაქალაქის ბაზარი საკმაოდ გაჯერებულია ორგანიზებული საცალო მოვაჭრეებით, ხოლო რეგიონული ბაზარი საკმაოდ დაბალი პენეტრაციით ხასიათდება. 2022 წელს ორგანიზებულ FMCG ბაზარზე უპირატესობა მცირე ფორმატის მაღაზიების გახსნას ენიჭებოდა. დანახარჯების მოცულობის მიხედვით ახალგაზრდა მომხმარებლების წილის ზრდა განსაკუთრებით მნიშვნელოვანია ელ-კომერციის ზრდის პოტენციალისთვის. სტუმარი: ია ნადირაშვილი - Store Next Georgia-ს გენერალური მენეჯერი, რიტეილ კონსულტანტი #ახალიამბები #BusinessMediaGeorgia
ბოსტნეულის მოსავლის აღების სეზონი ახლოვდება, საინტერესოა როგორ მოსავალს ელოდებიან მწარმოებლები და რა გამოწვევებს ხედავენ წლევანდელ სეზონზე, ასევე რამდენად მზარდია საქართველოში წარმოებული ბოსტნეულის საექსპორტო პოტენციალი და ვინ არიან ძირითადი მომხმარებლები? #ახალიამბები #BusinessMediaGeorgia
ევროპის დღე თბილისში დიდი სახალხო ღონისძიებით აღინიშნა. საქართველოში ევროკავშირის წარმომადგენლობამ სადღესასწაულო ღონისძიებები, 6 მაისს, ექსპო ჯორჯიაში გამართა. ევროპის დღე ჩვენს ქვეყანაში 1993 წლიდან აღინიშნება. 30 წელზე მეტია, რაც ევროკავშირი საქართველოში სხვადასხვა პროგრამებსა და პროექტებს აფინანსებს. DCFTA-ის ამოქმედების შემდეგ საქართველოსა და ევროკავშირს შორის ორმხრივი ვაჭრობის მთლიანი მოცულობა 15%-ით გაიზარდა. მას შემდეგ ევროკავშირი საქართველოსთვის მნიშვნელოვანი სავაჭრო პარტნიორია, ევროკავშირის მიერ საქართველოსთვის 2021-2024 წლებისთვის განკუთვნილი გრანტების მოცულობა 340 მილიონ ევროს შეადგენს. ყოველწლიურად კი საქართველოს ამბიციური რეფორმების მხარდასაჭერად გრანტის სახით 100 მილიონი ევრო გამოიყოფა. #ახალიამბები #BusinessMediaGeorgia
ბიზნესებს კადრების გადინების დინამიკა შეუმცირდათ. კომპანიების წარმომადგენლები ჩვენთან საუბრისას ამას რამდენიმე მიზეზით, მათ შორის ლარის კურსის გამყარებით, ხელფასების ზრდით და პანდემიური მძიმე ფონის შემცირებით ხსნიან. პანდემიამ ქვეყანაში ვითარება რადიკალურად შეცვალა და სამუშაო ძალის დიდი ნაწილი საქართველოს ფარგლებს გარეთ გავიდა, რამაც ბიზნესებს სამუშაო ძალის მოძიების პრობლემა შეუქმნა. ოფიციალური სტატისტიკის თანახმად, 2022 წელს საქართველოს 100 000-ზე მეტი მოქალაქე წავიდა ემიგრაციაში. ბიზნესები იმედოვნებენ, რომ მსგავსი სირთულის წინაშე 2023 წელს აღარ დადგებიან. #ახალიამბები #BusinessMediaGeorgia
#საქმიანიდილა - 9 მაისი - პროლოგი #ახალიამბები #BusinessMediaGeorgia
წელს სასკოლო ექსკურსიების გამართვისას 150 კმ-იანი შეზღუდვა მოიხსნება. შეზღუდვა გახსოვთ ალბათ გასულ წელს მოსწავლეთა უსაფრთხოების მოტივით დაწესდა, წელს კი სკოლებს ნებისმიერი მიმართულებით ექსკურსიის მოწყობის უფლება მიეცათ. ამასთანავე, ძალაში რჩება ყველა ის რეკომენდაცია, რაც აქამდე იყო შემუშავებული. კერძოდ:ექსკურსიის ორგანიზატორი პასუხისმგებელია მგზავრობის პროცესში და ექსკურსიის ლოკაციაზე მოსწავლეთა უსაფრთხოებაზე, რისთვისაც იგი გამოითხოვს და სკოლის დირექტორს ექსკურსიამდე არანაკლებ 10 დღის ადრე წარუდგენს ტრანსპორტის გამართულობის დამადასტურებელ დოკუმენტს, ასევე ინფორმაციას ექსკურსიის მიზნების, დაგეგმილი აქტივობების, მონაწილე პირების, პასუხისმგებელი პირების, ექსკურსიის თარიღისა და ლოკაციის შესახებ. მნიშვნელოვანია, რომ ექსკურსიის დროს არასრულწლოვანები არ მოხვდნენ მდინარისა და წყალსაცავების მიმდებარე ტერიტორიაზე, მეწყერსაშიშ და და სხვა დაუცველ ტერიტორიაზე. ახალი მინისტრი და 1 წელი იყო საჭირო ამ მასშტაბური ცვლილების მიღებისთვის საჭირო, თუმცა ამის გარდა 20 მარტიდან დღემდე, ანუ მას შემდეგ რაც უწყების ხელმძღვანელის პოსტზე გიორგი ამილახვარი დაინიშნა, ცვლილებები შეეხო სასკოლო ასაკსაც. მომდევნო სასწავლო წლიდან სკოლაში იმ ბავშვებსაც მიღებენ, რომლებსაც 6 წელი 31 დეკემბრამდე უსრულდებათ. აქამდე ეს ზღვარი 1 ოქტომბერი იყო და როგორც ჯერ კიდევ კომიტეტის ხელმძღვანელობის დროს ამილახვარი აცხადებდა, ასაკობრივი ზღვარი სავარაუდოდ კიდევ გადაიწევს. როგორ ფასდება მინისტრობიდან 1,5 თვე და ჰქონდა თუ არა ახალ მინისტრს კომუნიკაცია სექტორში მომუშავე ორგანიზაციებთან? სტუმარი: შალვა ტაბატაძე - სამოქალაქო ინტეგრაციისა და ეროვნებათშორისი ურთიერთობების ცენტრის ხელმძღვანელი, განათლების მკვლევარი; #ახალიამბები #BusinessMediaGeorgia
თაფლის მწარმოებლები ევროკავშირში ექსპორტისთვის ემზადებიან. ორთვიანი საექსპორტო ციკლის წყვეტის შემდეგ სექტორი განსაკუთრებულ სამზადისშია, თუმცა არსებობს რიგი გამოწვევები, რაშიც სახელმწიფოს მხარდაჭერას ითხოვენ. სტანდარტების დაცვა, სკების რაოდენობის გაზრდა, მწარმოებლების ბაზის გაუმჯობესება და ცოდნის ამაღლება, ეს ის მთავარი ფაქტორებია, რის გარეშეც დარგი ვერ განვითარდება და ევროკავშირის ბაზრებზე პოზიციებს ვერ გაიუმჯობესებს. ამის ერთ-ერთი წინაპირობა კი, მიმდინარე წლის 1-ელი იანვრიდან მეფუტკრეთა რეგისტრაციის ვალდებულებასთან ერთად ინსპექტირებაა, რაც წარმოებაში გარდამტეხ ცვლილებას შეიტანს. სტუმარი: ალეკო პაპავა - „თაფლის მწარმოებელთა ასოციაციის“ ხელმძღვანელი; #ახალიამბები #BusinessMediaGeorgia
გადაიარა თუ არა უძრავი ქონების გაძვირების პიკმა? - სააგენტოების წარმომადგენლები აცხადებენ, რომ გაქირავების ფასები ნელ-ნელა მცირდება, რისი მიზეზიც შემცირებული მოთხოვნა და მეორე მხრივ ლარის გამყარებაა. TBC Capital-ის ინფორმაციით კი მარტში საშუალო გასაქირავებელი ფასი 4.5%-ით გაიზარდა თებერვალთან შედარებით და 13.2$-ს მიაღწია. წლიურ ჭრილში ქირის ფასის ზრდამ 101% შეადგინა. საცხოვრებელი უძრავი ქონების ამონაგები 12.1%-ს გაუტოლდა, რაც 3.7 პროცენტული პუნქტით (პპ) აღემატება 2022 წლის მარტის მაჩვენებელს. მათივე პროგნოზით მიმდინარე წელს თბილისში ბინის გასაქირავებელი ფასის 53%-ით გაიზრდება, ხოლო ბინის გაყიდვის ღირებულება 21%-ით მოიმატებს. მათივე ინფორმაციითვე, 2023 წლის მარტში საცხოვრებელი უძრავი ქონების ბაზარზე გაყიდული ბინების რაოდენობა თებერვლის მაჩვენებელს 2%-ით ჩამორჩა. თბილისში სულ 3,328 ტრანზაქცია დაფიქსირდა, რაც 7%-ით ნაკლებია წინა წლის იმავე პერიოდთან შედარებით. რა ხდება ზაფხულის სეზონის მოახლოების პერიოდში გასაქირავებელი უძრავი ქონების ბაზარზე, დეტალებზე საუბარს ნინო გედევანიშვილთან - გედევანიშვილი და კომპანიის დამფუძნებელთან ერთად ვაგრძელებთ, რომელიც სტუდიაში გვსტუმრობს. სტუმარი: ნინო გედევანიშვილი - გედევანიშვილი და კომპანიის დამფუძნებელი; საქართველოს უძრავი ქონების ეროვნული ასოციაციის თანადამფუძნებელი. #ახალიამბები #BusinessMediaGeorgia
რა სთავაზობს მომხმარებლებს - "ჯიპისი კლუბი"? #ახალიამბები #BusinessMediaGeorgia
#ავიაციისსიახლეები: ✈USAID-ის კვლევამ აეროპორტებიდან საუკეთესო პოტენციური მიმართულებები გამოავლინა; ✈ინდოეთის უმსხვილესი ავიაკომპანია დელი-თბილისის მიმართულებით იფრენს; ✈თბილისიდან ტაშკენტის მიმართულებით ავიაკომპანია CENTRUM AIR-ი იწყებს ოპერირებას; ✈ბათუმი-დუბაის მიმართულებით, Flynas-ი და FLY DUBAI პირდაპირი რეისების სიხშირის გაზრდას გეგმავენ; ✈Air Baltic-მა რიგა-ბათუმის მიმართულებით ფრენები განაახლა; ✈ქუთაისის აეროპორტიდან საბერძნეთის მიმართულებით ფრენის სიხშირე იზრდება; ✈რამდენ მგზავრს მოემსახურა თბილისის და ბათუმის აეროპორტები? - აპრილის სტატისტიკა; ✈შიდა ფრენებზე "აკ-ეარ ჯორჯიას“ ხელშეკრულება გაუგრძელდა. #ავიაცია #ავიამიმოსვლა #საქმიანიდილა #ბიზნესმედია #საქმიანები
გასული კვირის მიწურულს მემარცვლე ფერმერებმა კახეთში აქცია გამართეს, მიზეზი მარცვლეულის გაყიდვის პრობლემაა რომელიც ამ დრომდე მოუგვარებელია. გასული წლის მოსავალი ფერმერებს ამ დრომდე დარჩენილი აქვთ და ფასი რომელიც ბაზარზეა მათთვის მიუღებელია, რის გამოც მთავრობისგან დახმარებას ითხოვენ. სტუმარი: ნიკოლოზ ბენიაიძე - მარცვლეულის მწარმოებელთა ასოციაციის თავმჯდომარე; #ახალიამბები #BusinessMediaGeorgia
საქართველოს ბანკის მხარდაჭერით, 5-7 მაისს ციფრული თამაშების ჰაკათონი Game Jam Georgia გაიმართა. საქართველოს ბანკი, როგორც ტექნოლოგიური ბანკი, აქტიურად განაგრძობს ინოვაციური ინიციატივების მხარდაჭერას და ახალგაზრდებისთვის ახალი შესაძლებლობების შექმნას. სწორედ ამ მიზნით, წელს საქართველოს ბანკის sCool და Student Card-ი სტარტაპ ბიუროს მიერ ორგანიზებული ყველაზე მასშტაბური ციფრული თამაშების ჰაკათონის „Game Jam Georgia-ს“ მთავარი პარტნიორია. ჰაკათონის ფარგლებში, მონაწილე გუნდებმა საინტერესო თამაშები შექმნეს. საუკეთესო პროექტის ავტორები ფულადი პრიზებით დაჯილდოვდნენ. #ახალიამბები #BusinessMediaGeorgia
ექსპორტის მაჩვენებლები იზრდება, თუმცა საინტერესოა რამდენად კონკურენტუნარიანია ქართული პროდუქცია საექსპორტო ბაზრებზე, რა გამოწვევების წინაშე დგანან ქართველი ექსპორტიორები და რა არის გასაკეთებელი იმისათვის, რომ ექსპორტში ვითარება გამოსწორდეს, ხოლო საქართველო განვითარებულ ბაზრებზე სასოფლო-სამეურნეო პროდუქტების მიმართულებით მეტად კონკურენტუნარიანი გახდეს? ექსპორტის განვითარების ასოციაციის ინფორმაციით, დღევანდელი მონაცემების საფუძველზე ჩანს, რომ ქართული პროდუქციის კონკურენტუნარიანობა საექსპორტო ბაზრებზე საკმაოდ შემცირებულია. სტუმარი: გვანცა მელაძე - ექსპორტის განვითარების ასოციაციის გამგეობის წევრი; #ახალიამბები #BusinessMediaGeorgia
საქართველოს ბიზნეს ასოციაციის აღმასრულებელმა დირექტორი ლევან ვეფხვაძე, ასოციაციის ერთ-ერთ წევრს, მეორადი საბურავების გადამამუშავებელ კომპანია რაბერტეკს, სამუშაო ვიზიტის ფარგლებში ეწვია, კომპანიის დამფუძნებელს შეხვდა და კომპანიის წარმომადგენლისგან, როგორც მიმდინარე სამუშაო პროცესისა თუ გამოწვევების, ასევე სამომავლო გეგმების შესახებ დეტალური ინფორმაცია მიიღო. ვიზიტის მიზანი კი, კომპანია და მისი საქმიანობის შესახებ, საზოგადოების მეტად ინფორმირებულობაა. რაც შეეხება კომპანია რაბერტეკს, ის ბაზარზე უკვე 6 წელის ოპერირებს და ამ დრომდე ერთადერთი კომპანიაა სამხრეთ კავკასიაში, რომელიც მეორად საბურავებს სრულ უტილიზაციას უტარებს და ყოველგვარი ნარჩენის გარეშე, მისგან სასარგებლო პროდუქტს იღებს. #ახალიამბები #BusinessMediaGeorgia
რა არის ფულადი ბაზრის ფონდი? ვეკო დოდაშვილი - Foresight Investment Group-ის სამართლებრივი და შესაბამისობის უფროსი ოფიცერი; The USAID Economic Governance Program #BMG #კაპიტალისბაზარი #ForesightInvestmentGroup #ახალიამბები #BusinessMediaGeorgia
20 მაისს, უნივერსიტეტ "ალტერბრიჯში" შტაინბაისის უნივერსიტეტის საერთაშორისო ბიზნესისა და მეწარმეობის სკოლის სამაგისტრო პროგრამის პრეზენტაციაა დაგეგმილი. სადაც დამსწრეებს ექნებათ შესაძლებლობა მიიღონ ინფორმაცია პროგრამის უნიკალურობაზე, სწავლების ინოვაციურ მეთოდებზე, საქართველოში გერმანული უმაღლესი განათლების დიპლომის მიღებისა და დაფინანსების შესაძლებლობებზე. სტუმარი: ნათია გოცაძე - უნივერსიტეტი ალტერბრიჯის რექტორი; #ახალიამბები #BusinessMediaGeorgia
70 ნომინანტი და 39 გამარჯვებული - ევექსი ჰოსპიტლების მასშტაბური პროექტის, სიცოცხლის ელჩების მორიგი, მეოთხე სეზონი დასრულდა. პროექტი მედპერსონალისადმი მადლიერების გამოხატვას ემსახურება და იმ ექიმებსა და ექთნებს გვაცნობს, რომელთაც სწორედ ადამიანების გადარჩენისთვის სიცოცხლის ელჩის წოდება მიიღეს. წელს პროექტმა 10 სხვადასხვა ნომინაცია, 24 ვიდეორგოლი და ამდენივე განსაკუთრებული სამედიცინო შემთხვევა გააერთიანა და 3 მილიონამდე ნახვა დააგროვა. 2022 წელს ვიდეორგოლებისთვის მიცემული ხმების რეკორდული რაოდენობა დაფიქსირდა და 33 371-ს მიაღწია. ხმის მიცემის პროცესში მონაწილეობა ევექსი ჰოსპიტლების თანამშრომლებმა მიიღეს და სხვადასხვა ნომინაციებში გამარჯვებულები, სწორედ მათ გამოავლინეს. სიცოცხლის ელჩების რიგით მეოთხე, საზეიმო ღონისძიება წელს შატო მუხრანში, თბილისის სიმფონიური ორკესტრის მუსიკალური თანხლებით გაიმართა. #ახალიამბები #BusinessMediaGeorgia
6 მაისს სტამბაში "კანის ლომების დაჯილდოების" ცერემონია გაიმართა. კანის ლომების საერთაშორისო ფესტივალი საქართველოში უკვე მერვე წელია ტარდება, წელს კი რეკორდული რაოდენობის, 201 გუნდი მონაწილეობდა, რომლებიც ოთხ კატეგორიაში - დიჯიტალი, ფილმი, პრინტი და მარკეტერი, ასევე ერთ რჩეულ კონკურსანტს გადაეცა ნიკა გუჯეჯიანის სახელობის მედალი. "თეგეტა ჰოლდინგი" კი, რომელიც უკვე მეორე წელია კონკურსის მხარდამჭერია, წელს "დიჯიტალის" კატეგორიის სპონსორი იყო, სადაც ოქროს მედალი "საქართველოს ბანკმა", ვერცხლის "ვინდფორსმა", ხოლო ბრინჯაო "მავერიკმა" მიიღო. სხვადასხვა კატეგორიაში გამარჯვებული გუნდები კი უკვე კანის საერთაშორისო კინო ფესტივალზე გაემგზავრებიან და ასპარეზობას იქ განაგრძობენ. #ახალიამბები #BusinessMediaGeorgia
თბილისში მერსედეს-ბენცის რიგით მეჩვიდმეტე სეზონი მიმდინარეობს, რომლის ფარგლებში დიზაინერმა თაკო მექვაბიძემ “ემ კვადრატის” ახალი სლოგანით შთაგონებული კოლექცია წარმოადგინა. კომპანიის სლოგანმა, “იცხოვრე შენი ცხოვრებით, ანუ იცხოვრე ისე, როგორც არავის უცხოვრია” საკუთარი თავი მაღალ მოდაში იპოვა. #ახალიამბები #BusinessMediaGeorgia
კომპანია „არქი“ თავის მობინადრეებს ონლაინ აკადემია „სქილვილში“ სწავლის საფასურის 50%-ს უფინანსებს. მათ ვისაც მომავლის პროფესიების -აიტი მიმართულების, ციფრული მარკეტინგისა თუ ინგლისური ენის ზოგადი კურსის გავლა სურთ, ამის შესაძლებლობა ნახევარ ფასად შეეძლებათ. მხარეებს შორის მემორანდუმი გასული კვირის ბოლოს გაფორმდა. #ახალიამბები #BusinessMediaGeorgia
#საქმიანიდილა - 8 მაისი - პროლოგი #ახალიამბები #BusinessMediaGeorgia
"გრანთ თორნთონ საქართველომ" ევროპის ბიზნეს ასოციაციასთან თანამშრომლობით, საჯარო-კერძო დიალოგი გამართა. საჯარო-კერძო დიალოგი დისტანციურად მომუშავე პირების საგადასახადო ვალდებულებების სწორად განსაზღვრას ეხებოდა. ტექნოლოგიების განვითარებასთან ერთად, განსაკუთრებით პანდემიის პერიოდში გაიზარდა დისტანციურად მომუშავე კადრების რიცხვი, თუმცა საგადასახადო კოდექსში რაიმე ცვლილების განხორციელება. ანუ გაურკვეველია შრომითი ხელშეკრულების ფარგლებში, დისტანციურად მომუშავე პირების საგადასახადო ვალდებულების შესრულების სწორად განსაზღვრის საკითხიც. სტუმრები: ქეთევან ღამბაშიძე - "გრანთ თორნთონ საქართველოს" საგადასახადო მიმართულების ხელმძღვანელი; ნათია ჩაგანავა - "გრანთ თორნთონ საქართველოს" საგადასახადო მიმართულების მენეჯერი. #ახალიამბები #BusinessMediaGeorgia
„თეგეტა ჰოლდინგმა” „გალტ & თაგარტის“ მხარდაჭერით, 30 მილიონი დოლარის ეკვივალენტი ობლიგაციების პირველი ტრანში - 20 მილიონი დოლარისა და 5 მილიონი ევროს ღირებულების 2 წლიანი ობლიგაციები წარმატებით განათავსა. დოლარში დენომინირებულ ობლიგაციებზე წლიური სარგებელი 8.5%-ია, ხოლო ევროში დენომინირებულ ობლიგაციებზე 7 %-ი. ეს არის ავტოინდუსტრიის ლიდერი კომპანიის მიერ უცხოურ ვალუტაში განხორციელებული პირველი საჯარო ემისია, რომელში ინვესტიციაც ფიზიკური პირებისთვისაც ხელმისაწვდომია. აღსანიშნია, რომ ინვესტორების მხრიდან დაინტერესება საკმაოდ მაღალია. მიმდინარე მდგომარეობით ობლიგაციები უკვე შეძენილი აქვს 150-მდე ქართველ და უცხოელ ფიზიკურ პირს, რაც ინვესტორთა ბაზის მაღალ დივერსიფიკაციაზე მიუთითებს. სტუმარი: მანანა ხინაშვილი - "თეგეტა ჰოლდინგის" ინვესტორებთან ურთიერთობის დეპარტამენტის ხელმძღვანელი; ნინი ჯოხაძე - "გალტ & თაგარტის" საკონსულტაციო სამსახურის უფროსი. #ახალიამბები #BusinessMediaGeorgia
BMG & Jeep Georgia წარმოგიდგენთ: #BMGDRIVE-ს „Payze - 800 მდე კომპანია, უზბეკეთის ბაზარი, განვითარების გეგმები“ BMGDRIVE-ის მგზავრი: გეგა წურწუმია - Payze-ის თანადამფუძნებელი; ავტორები: ბექა ბაციკაძე, გურამ ხუნდაძე, რევაზ ნასიძე; #ახალიამბები #BusinessMediaGeorgia
“ფარმადეპო” 14 წლისაა - რას სთავაზობს კომპანია მომხმარებელს? სტუმარი: ქეთი კოზმანაშვილი - "ფარმადეპოს" ქსელის ხელმძღვანელი; #ახალიამბები #BusinessMediaGeorgia
„ავტომფლობელთა მესამე პირის პასუხისმგებლობის სავალდებულო დაზღვევის“ შესახებ კანონის მიღებას რამდენიმე კვირაში ველოდებით. ერთი მხრივ სტანდარტის დანერგვას ქვეყანას ევროკავშირთან ასოცირების შეთანხმება ავალდებულებს, თუმცა კანონპროექტი წლებია საკანონმდებლო ორგანოში თაროზე ინახება. ბოლო დროს გაჩნდა მოლოდინი რომ წელს გადაწყვეტილება საკითხზე უკვე უნდა მიიღონ რაც სადაზღვევო ინდუსტრიის წარმომადგენელთა შეფასებით ბაზრის განვითარებისათვის მნიშვნელოვანი წინ გადადგმული ნაბიჯი იქნება. მოლოდინებზეც ვისაუბრებთ და გასული წლის შედეგებსაც გადავხედავთ. სადაზღვევო კომპანიებმა 2022 წლის განმავლობაში ტვირთების დაზღვევის მიმართულებით სულ 12 268 682 ლარის პრემია მოიზიდეს, რაც 2021 წლის შედეგზე დაახლოებით 20%-ით მეტია. ყველაზე მეტი „ალდაგმა“ მოიზიდა 3 963 193 ლარი, მეორეზე „ირაოა“ 2 464 936 ლარით, მესამეზე „ჯი პი აი ჰოლდინგი“ 2 098 024 ლარით, მეოთხე და მეხუთე ადგილს კი შესაბამისად „თიბისი დაზღვევა“ (1 492 426 ლარი) და „უნისონი“ (762 868 ლარი) ინაწილებენ. რაც შეეხება ანაზღაურებულ ზარალს, გასულ წელს ტვირთების დაზღვევის სახეობაში, 1 685 925 ლარის ზარალი ანაზღაურდა. ყველაზე მეტი ზარალი, „ალდაგმა“, „ჯი პი აი ჰოლდინგმა“ და „ირაომ“ აანაზღაურეს. სტუმარი: გიორგი ბარათაშვილი - "ალდაგის" გენერალური დირექტორი #ახალიამბები #BusinessMediaGeorgia
თიბისი კაპიტალმა პირველადი მოხმარების პროდუქციით ვაჭრობის - FMCG სექტორის განახლებული კვლევა წარადგინა, რომლის მიხედვითაც შარშან FMCG ბაზარი წლიურად 37%-ით გაიზარდა. მომდევნო 3 წლის განმავლობაში კი, ზრდის დასტაბილურებაა მოსალოდნელი. კვლევის მიხედვით, ზრდის განმაპირობებელი ერთ-ერთი ფაქტორი ნომინალური ხელფასის უფრო მეტად გაზრდაა, ვიდრე სამომხმარებლო ფასების, რამაც ადგილობრივი მოსახლეობის დანახარჯების ზრდას შეუწყო ხელი. კვლევის ავტორები მიუთითებენ ასევე, რომ მოსახლეობის მიერ FMCG პროდუქციაზე გაწეული დანახარჯების წილი მთლიან დანახარჯებში ჯერ კიდევ მზარდია, რაც გარკვეულწილად საშუალო კლასის გაძლიერებასთანაა დაკავშირებული. სტუმარი: ირინა კვახაძე - "თიბისი კაპიტალის" კვლევების სამსახურის უფროსი; #ახალიამბები #BusinessMediaGeorgia
საჯარო სამსახურიდან გათავისუფლებული "საქპატენტის" ყოფილი თანამშრომლები სასამართლოში დავას იწყებენ და საჯარო განცხადებაში უწყების მხრიდან გავრცელებულ ინფორმაციას არ ეთანხმებიან. სტუმრები: მარიამ კეპულაძე - "საქპატენტის" ყოფილი თანამშრომელი, ინტელექტუალური საკუთრების ექსპერტი; მანანა ფრუიძე - “საქპატენტის” თავმჯდომარის ყოფილი მოადგილე, ინტელექტუალური საკუთრების სპეციალისტი #ახალიამბები #BusinessMediaGeorgia
ფინტექ კომპანია BKN301 უკვე საქართველოშია. დიდ ბრიტანეთში დაფუძნებული კომპანია რამდენიმე ქვეყანაში ოპერირებს და ამ ქვეყნებს ციფრულ გადახდებთან დაკავშირებულ სერვისებს სთავაზობს. საქართველოს ბაზარზე კომპანია ფინანსურ 8ინსტიტუტებთან, განსაკუთრებით კი ბანკებთან თანამშრომლობას გეგმავს, რათა მათ მომხმარებელს გამარტივებული, კომფორტული გადახდის მეთოდები შესთავაზოს. აღსანიშნავია ისიც, რომ სწორედ BKN301 Georgia იმუშავებს თბილისის ტაქსებში QR კოდით გადახდის სისტემაზე. რატომ დაინტერესდა კომპანია საქართველოთი და რა გეგმები აქვს კომპანიას ქართულ ბაზარზე? #ახალიამბები #BusinessMediaGeorgia
გუშინ, IERI STORE-ის ორგანიზებით, Forbes Woman-თან პარტნიორობით, TBC Concept-ის, TBC WM-ის და ზარაფხანას მხარდაჭერით, სასტუმრო „თბილისი მარიოტმა გაელ მამინისას, Balenciaga Heritage- ის ყოფილი ხელმძღვანელს და ანია მარჩენკოს, Margiela-ს სცენოგრაფის უმასპინძლა. შეხვედრის თემას „მემკვიდრეობის ბრენდად გადაქცევა“ წარმოადგენდა. ინფორმაციისთვის: 2025 წლის გაზაფხულზე, გამოფენა სახელწოდებით “GEORGIAN INFUSION” ჩატარდება, რომელიც საქართველოს კულტურული მემკვიდრეობისა და საერთაშორისო ხელოვნებასთან ქვეყნის მრავალფეროვანი კავშირების წარმოჩენას გეგმავს. პროექტის მთავარი მიზანი ქართული მემკვიდრეობის ისტორიული და კულტურული მარშრუტების აღნიშვნაა.თუმცა, აქამდე - როგორ ჩაიარა გუშინდელმა ღონისძიებამ? #ახალიამბები #BusinessMediaGeorgia
#საქმიანიდილა - 5 მაისი - პროლოგი #ახალიამბები #BusinessMediaGeorgia
სულ უფრო ცოტა დრო რჩება ევროპის ჩემპიონატამდე რომელსაც საქართველო და რუმინეთი უმასპინძლებენ და ბიზნესიც აგრძელებს აქტიურობას. „მაკდონალდს საქართველოსა“ და „საქართველოს ფეხბურთის ფედერაციას“ შორის თანამშრომლობის მემორანდუმი გაფორმდა, რომლის მიხედვითაც მაკდონალდსი UEFA-ს 21 წლამდე ნაკრებთა 2023 წლის ევროპის ახალგაზრდული ჩემპიონატის ოფიციალური სპონსორი გახდა. მემორანდუმს ხელი გუშინ “მაკდონალდს საქართველოს” გენერალურმა დირექტორმა თენგიზ კაპანაძე და “საქართველოს ფეხბურთის ფედერაციის” გენერალურმა მდივანმა დავით მუჯირმა მოაწერეს. ჩემპიონატისთვის განსაკუთრებით ემზადება ყველასთვის საყვარელი „ქეთო“, რომელიც მომხმარებლებთან ტურნირის პერიოდში ფეხბურთელის ფორმით გამოჩნდება. გარდა ამისა, ტურნირისთვის შეიქმნება სპეციალური მენიუც. ასევე, მაკდონალდსის აპლიკაციაში ერთგულ მომხმარებლებს ჩემპიონატის თემატიკით სპეციალური თამაში დახვდებათ. #ახალიამბები #BusinessMediaGeorgia
საქართველოში ფინანსური განათლების განვითარების ხელშეწყობის მიზნით, გლობალური გადახდებისა და ტექნოლოგიების წამყვან კომპანია Mastercard-სა და საქართველოს პარლამენტის ეროვნულ ბიბლიოთეკას შორის თანამშრომლობის მემორანდუმი გაფორმდა. Პარტნიორობის ფარგლებში ეროვნულ ბიბლიოთეკაში ფინანსური ლიტერატურის კუთხის მოეწყობა, სადაც Mastercard-ი და ეროვნული ბიბლიოთეკა მკითხველებს ფინანსურ განათლებასთან დაკავშირებით საერთო ლექციებს, სემინარებსა და ვორქშოპებს შესთავაზებენ. გარდა ამისა, Mastercard-ი პირველი ქართული ინტერნეტ ბიბლიოთეკის, Lib.ge-ს პარტნიორი და მხარდამჭერიც გახდა, რომელიც, თავის მხრივ, ათი ათასზე მეტ ორიგინალ და ნათარგმნ ტექსტს აერთიანებს და სულ მალე საზოგადოებას ონლაინ სკოლისა და სალექციო კურსების განახლებულ პროექტს შესთავაზებს. #ახალიამბები #BusinessMediaGeorgia
გასაყიდად გამოტანილია A-კატეგორიის ტაქსის ნებართვების საფასური დაახლოებით 10 000 ლარია- ეს განცხადება გუშინ მედიასთან თბილისის ვიცე-მერმა ირაკლი ხმალაძემ გააკეთა. მისივე შეფასებით, რეფორმის შედეგად ტაქსის ბაზარზე საკმაოდ მსხვილი კაპიტალიზაცია მოხდა, ვინაიდან 35 000 ნებართვაა გაცემული. რამდენად შეიძლება ტაქსების ლიცენზია მომგებიან საინვესტიციო პროდუქტად განვიხილოთ? სტუმარი: ეკა ლალიაშვოლი - საქართველოს ალიანსი უსაფრთხო გზებისთვის“ თავმჯდომარე; #ახალიამბები #BusinessMediaGeorgia
5-6 მაისს კომპანია EVA ბრიტანულ-ქართული სავაჭრო პალატის მხარდაჭერით HR ღონისძიებას მასპინძლობს სადაც HCM metrics-ის დამფუძნებელსა და ხელმძღვანელს დევიდ სიმმონდსს ელოდებიან. დევიდ სიმმონდსი, HCM Metrics-ის და HR Analytics ჯგუფის თავმჯდომარე, პირველი HR პროფესიონალია, რომელმაც პროფესიული სერტიფიცირება ISO ადამიანური კაპიტალის მენეჯმენტის ანგარიშგების სტანდარტის შესაბამისად მიიღო. სტუმარი: სალომე არღვლიანი - HR საკონსულტაციო კომპანია EVA-ს დამფუძნებელი; #ახალიამბები #BusinessMediaGeorgia