უნებართვო გარე ვაჭრობისთვის პარლამენტი ჯარიმებს ამკაცრებს სტუმარი: გიორგი შარაშიძ - თბილისის საკრებულოს წევრი, ფრაქცია „თბილისი საქართველოსთვის“; #ახალიამბები #BusinessMediaGeorgia
საქართველოს პარლამენტი განიხილავს მთავრობის მიერ ინიციირებულ კანონპროექტს, რომლითაც უნებართვო გარე ვაჭრობისთვის ჯარიმების გამკაცრებაა გადაწყვეტილი. "ადმინისტრაციულ სამართალდარღვევათა კოდექსში" შესატან ამ ცვლილებებს პარლამენტმა პირველი მოსმენით მხარი გუშინ დაუჭირა. გარე ვაჭრობის წესების დარღვევისთვის უცვლელი რჩება ზოგიერთი სახის ჯარიმა: უნებართვო გარე ვაჭრობისთვის ჯარიმა 20-დან 50 ლარამდეა;უნებართვო გარე ვაჭრობასთან დაკავშირებით უფლებამოსილი პირის დაუმორჩილებლობისთვის გათვალისწინებულია 50-დან 100 ლარამდე ჯარიმა ან 7 დღემდე პატიმრობა. კანონის მიღების შემდეგ: განმეორებით უნებართვო ვაჭრობისთვის ჯარიმა იქნება 100-დან 200 ლარამდე; სატრანსპორტო საშუალებით გარე ვაჭრობა 500 ლარით დაჯარიმდება; იგივე სამართალდარღვევების დროს უფლებამოსილი პირის დაუმორჩილებლობისთვის 1000-ლარიანი ჯარიმა ან 7 დღემდე პატიმრობა იქნება გათვალისწინებული. დოკუმენტში დაკონკრეტებულია, რომ სიტყვიერი გაფრთხილების შემთხვევაშიც კი გარე მოვაჭრეს გასაყიდ ნივთებს ჩამოართმევენ. კანონპროექტის მისაღებად აუცილებელია პარლამენტმა მას მხარი სამი მოსმენით დაუჭიროს, შემდეგ კი პრეზიდენტმა მოაწეროს ხელი. ეს ცვლილებები, მიღების შემთხვევაში, ამოქმედდება მესამე მოსმენიდან 15 დღეში. სტუმარი: ანა ნაცვლიშვილი - "ლელო" დეპუტატი #ახალიამბები #BusinessMediaGeorgia
გაეროს სურსათისა და სოფლის მეურნეობის ორგანიზაციის ბოლო ანგარიშის მიხედვით, ზედიზედ 11 თვეა საკვები პროდუქტების საერთაშორისო ფასების საორიენტაციო ინდექსი მცირდება. FAO-ს სურსათის ფასების ინდექსი თებერვალში საშუალოდ 129.8 პუნქტს შეადგენდა, რაც 0,6 პროცენტით ნაკლებია 2023 წლის იანვართან შედარებით და 18.7%-ითაა შემცირებული 2022 წლის მარტის შემდეგ. ფაო საქართველოში ამბობენ, რომ გასული წლის ანალოგიურ პერიოდის შემდეგ გლობალურად ფასები ყოველთვიურად მცირდება როგორც მარცვლეულის, ისე ზეთის, რძისა თუ ხორცპროდუქტების შემთხვევაში. გამოშვების ნაწილში პოზიტიური მოლოდინია მიმდინარე წლისთვისაც. რა პერიოდი სჭირდება პროდუქტებზე ფასების გაიაფებას საქართველოში და რას უნდა ელოდოს მომხმარებელი? სტუმარი: დავით კეშელავა - ISET-ის მაკროეკონომიკური პოლიტიკის კვლევითი ცენტრის ხელმძღვანელის მოადგილე; #ახალიამბები #BusinessMediaGeorgia
საქართველოს ბანკის, USAID-ის ეკონომიკური უსაფრთხოების პროგრამის, „ჯეპრას» და „ქუდოს ჯორჯიას“ ერთობლივი მხარდაჭერით 27 აპრილს, მცირე და საშუალო მეწარმეებისთვის B2B ფორუმი გაიმართება. ფორუმის მიზანს საქართველოში მცირე და საშუალო ზომის ბიზნესის მხარდაჭერა და წახალისება წარმოადგენს. B2B ფორუმში მეწარმეების გარდა მონაწილეობას მიიღებენ ტურიზმის, მსუბუქი მრეწველობის, ინტელექტუალური მომსახურების, კრეატიული ინდუსტრიებისა და მყარი ნარჩენების მართვის სექტორის შემსყიდველი კომპანიები. სტუმრები: ოლიკო ნაკაშიძე- საქართველოს ბანკის დამატებითი ღირებულების სერვისების განვითარების პროექტის მენეჯერი; რატი ანჯაფარიძე - USAID-ის ეკონომიკური უსაფრთხოების პროგრამა, ბიზნესის განვითარების სერვისების ლიდი. #ახალიამბები #BusinessMediaGeorgia
კახა შენგელიას ბიოგრაფიული ტრაექტორია კახა შენგელია - კავკასიის უნივერსიტეტის დამფუძნებელი; ავტორები: მანანა მანჯგალაძე, ედგარ ყაზახაშვილი, ლადო ცხადაია #ახალიამბები #BusinessMediaGeorgia
2017 წელს დაარსებული "ჯეო სქაი" საქართველოს ბიზნეს ასოციაციის წევრი გახდა. სტუმრები: აკაკი საღირაშვილი - "საქართველოს ბიზნეს ასოციაციის" აღმასრულებელი დირექტორის პირველი მოადგილე; შალვა კიკნაძე, ,,ჯეო სქაი”, ვიცე-პრეზიდენტი #ახალიამბები #BusinessMediaGeorgia
10 წლიანი გამოცდილება ბაზარზე და პორტფელი, რომელიც 11 დასრულებულ და 2 მიმდინარე პროექტს აერთიანებს - “აპექს ლისი” და “აპექს ნუცუბიძე”-ს კომპანიის მიმდინარე პროექტებს მალე “აპექს ისანი” დაემატება. სტუმარი: გიორგი ბაქრაძე - Apex Development-ის კომერციული დირექტორი; ნინა ნიქაბაძე - Apex Development-ის მარკეტინგის დეპარტამენტის უფროსი. #ახალიამბები #BusinessMediaGeorgia
საქართველოში, პროფესიონალური სადეზინფექციო, სარეცხი და ჰიგიენური საშუალებების მწარმოებელი კომპანია "კლინტექი" . კომპანია 2009 წლიდან აწარმოებს ფართო სპექტრის ჰიგიენურ ქაღალდს, ხოლო 2019 წლიდან სარეცხ-სადეზინფექციო პროფესიონალურ ხსნარებს. "კლინტექი" დისტრიბუტორთა ბიზნეს ასოციაციის წევრი გახდა. სტუმრები: ივა ჭყონია - საქართველოს დისტრიბუტორთა ასოციაციის პრეზიდენტი; ვლადიმერ ჭელიძე - “კლინტექის” დამფუძნებელი, დირექტორი #ახალიამბები #BusinessMediaGeorgia
ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებას (DCFTA) საქართველომ ხელი 2014 წელს მოაწერა, თუმცა 8 წლის თავზე, სავაჭრო ბრუნვის მაჩვენებლები არც თუ ისე სახარბიელოა. ამავეს მოწმობს სტატისტიკური მონაცემები, სადაც ნათლად ჩანს, რომ 2014 წლიდან ადგილობრივი ექსპორტი ან მცირედით იზრდებოდა, ან ზოგიერთ წელს, წინა წელთან შედარებით, პირიქით იკლებდა. თუმცა, საერთო ჯამში, 2022 წელს, 2014 წელთან შედარებით ადგილობრივი ექსპორტი ევროკავშირში 81%-ით არის გაზრდილი. რა არის მიზეზი იმის, რომ ადგილობრივი ექსპორტით საქართველომ ჯერ კიდევ ვერ დადო ის შედეგი, რა მოლოდინიც DCFTA-ს ამოქმედებისას იყო. #ახალიამბები #BusinessMediaGeorgia
USAID-ის მხარდაჭერით, შვეიცარიული აგრარული სკოლა კავკასია, დმანისის მუნიციპალიტეტის სოფელ სარკინეთში ახალ სასოფლო სამეურნეო ტრენინგ ცენტრის აფუძნებს. ტრენინგ ცენტრის სასწავლო კურსები სტუდენტებს ცხოველთა მოვლის, კვებისა და ჯანმრთელობის დაცვის, ასევე რძის გადამუშავების; მემცენარეობა- აგრომექანიზაციის, საძოვრების მართვისა და საკვების კონსერვაციის შესახებ დეტალური ინფორმაციის მიღების შესაძლებლობას მისცემს. სასწავლო კურსების გავლა ჯამში 170-მდე დაინტერესებულ პირს შეეძლება, რომლებსაც მოქნილი სასწავლო გრაფიკით, საერთო საცხოვრებლითა სარგებლობისა და დისტანციური სწავლების შესაძლებლობა ექნებათ. USAID -ისა და შვეიცარიული აგრარული სკოლა კავკასიის პარტნიორობა, მიზნად ისახავს ფერმერებსა და რძის გადამამუშავებლებისთვის თეორიული ცოდნის გაღრმავებასა და მათი პრაქტიკული უნარების გაუმჯობესების. #ახალიამბები #BusinessMediaGeorgia
#საქმიანიდილა - 6 აპრილი - პროლოგი #ახალიამბები #BusinessMediaGeorgia
,,ოლ-პი ჯგუფი“ უზბეკეთის ბაზარზე გავიდა. “ოლ-პი ჯგუფი“ ქართული სამშენებლო სექტორის ერთ-ერთი ყველაზე მასშტაბური წარმომადგენლის ,,ელემენტ ჰოლდინგის“ შვილობილი კომპანიაა. ოლ-პი უზბეკეთი“ ადგილობრივ კომპანიასთან ,,ბელტერა ჰოლდინგი“ პარტნიორობით დაფუძნდა. #ახალიამბები #BusinessMediaGeorgia
კომპანია Making Science Sweeft-ს სხვადასხვა ქვეყნების ლოკაციების კონსულტანტები ესტუმრნენ. საერთაშორისო სტუმრები საქართველოში "აწარმოე საქართველოში" ორგანიზებით იმყოფებიან და ქვეყნის საინვესტიციო პოტენციალს ეცნობიან. Making Science Sweeft-თვის კი ეს დამატებით შესაძლებლობაა, რათა საერთაშორისო ბაზარზე უფრო მეტად შეძლონ გაფართოება.აღსანიშნავია, რომ კომპანიას საერთაშორისო კონსულტანტები უკვე მეორედ სტუმრობდნენ. #ახალიამბები #BusinessMediaGeorgia
GMP სტანდარტის ძალაში შესვლიდან 1 წლის თავზე, ბაზარზე მოქმედი 50 ფარმაცევტული საწარმოდან მოთხოვნილ სტანდარტს მხოლოდ 3 კომპანია აკმაყოფილებს. საუბარია ავერსი რაციონალზე, ჯი ემ ფარმაზე და ანტიბიოტიკების მწარმოებელ აბიფარმზე, სტანდარტის მისაღებად პროცედურებს გადის ასევე ფაგების მწარმოებელი კომპაბია ბიოქიმფარმი. იმ კომპანიებს, რომელთაც მოთხოვნილი სტანდარტი ვერ დააკმაყოფილეს, ადგილობრივ ბაზარზე ფარმაცევტული პროდუქტების რეალიზაცია აეკრძალათ. აღნიშნული შეზღუდვა არ ვრცელდება იმ კომპანიებზე, რომლებიც ექსპორტს ახორციელებენ. მათ GMP სტანდარტზე გადასვლისთვის დრო 2025 წლამდე აქვთ. რა ბედი ეწიათ იმ კომპანიებს, რომლებმაც ჯიემპი სტანდარტი ვერ დააკმაყოფილეს? სტუმარი: ლევან გოგიბერიძე - საქართველოს ფარმაცევტთა ასოციაციის პრეზიდენტი; #ახალიამბები #BusinessMediaGeorgia
ტურიზმის აღდგენამ დღის წესრიგში დააბრუნა სექტორში წლების განმავლობაში დაგროვილი პრობლემები, მათ შორის, ბაზარზე კიდევ უფრო აქტიურად გამოჩნდნენ უცხოელები, რომლებიც ტურისტულ ბიზნესს საქართველოში აწარმოებენ. როგორც კერძო სექტორში განმარტავენ, უმეტეს შემთხვევაში აღნიშნული ბიზნესი ჩრდილოვანია. ქართულ ტურისტულ კომპანიებს და გიდებს, რომლებსაც ფაქტია მიგრანტები შემოსავლებს ართმევენ, ვერც კანონი იცავს, რადგან ნებისმიერ პირს, მათ შორის უცხოელს ყოველგვარი შეზღუდვების გარეშე შეუძლია დღეს საქართველოში ტურისტული საქმიანობა დაიწყოს. რამდენად მოხსნის ამ პრობლემას ტურიზმის შესახებ ახალი კანონი, რაზეც წლებია მუშაობა მიდის, ჯერ ამის თქმა რთულია, თუმცა კანონპროექტის არსებულ რედაქციაში ნამდვილად არის მუხლი, რომელიც ტურისტულ ბიზნესში მოქმედი კომპანიების ეკონომიკურ საქმიანობათა რეესტრში რეგისტრაციას და გიდების სერტიფიცირებას ითვალისწინებს. რაში ხედავს ტურისტული სექტორი გამოსავალს და რა ეტაპზეა ტურიზმის შესახებ ახალ კანონპროექტზე მუშაობის პროცესი? სტუმრები: ნატალია ბახტაძე, საქართველოს ეკოტურიზმის ასოციაციის თანადამფუძნებელი; ვანო ვაშაყმაძე, ტურიზმის ექსპერტი #ახალიამბები #BusinessMediaGeorgia
სარკინიგზო სექტორს ახალი ზედამხედველი ეყოლება. მთავრობა ახალ სსიპ-ს , სარკინიგზო ტრანსპორტის სააგენტოს ქმნის, რომელიც ეკონომიკის სამინისტროს ქოლგის ქვეშ იმუშავებს და სარკინიგზო სექტორს ზედამხედველობას და მონიტორინგს გაუწევს. სარკინიგზო კოდექსში ცვლილებების განმარტებით ბარათში წერია, რომ საქართველოში სარკინიგზო ტრანსპორტი თითქმის სრულად დაურეგულირებელ დარგს წარმოადგენს, „საქართველოს რკინიგზას კი აქვს ფუნქციები“, რომელიც თავისი შინაარსით სახელმწიფოს ვალდებულებას წარმოადგენს და კომპანიას თავისი კომერციული ინტერესების სრულად რეალიზებაში ხელს უშლის. გარდა იმისა, რომ დღეს სარკინიგზო ტრანსპორტის დარგის რეგულირებასა და ზედამხედველობაზე პასუხისმგებელი სუბიექტი არ არის განსაზღვრული, მემანქანეთა მართვის მოწმობების გაცემა და სერტიფიცირებაც საქართველოს რკინიგზის მიერ ხორციელდება. ეკონომიკის მინისტრის მოადგილის გურამ გურამიშვილის განმარტებით, ამ მიმართულებას ახალი სააგენტო სრულად დაფარავს. სარკინიგზო კოდექსში ცვლილებებში მნიშვნელოვანია გარემოებაა ისიც, რომ სარკინიგზო ტრანსპორტის სააგენტოს სარკინიგზო სუბიექტების შემოწმება მოსამართლის ბრძანების გარეშე შეეძლება. კანონპროექტის თანახმად, სააგენტო ფუნქციონირებას დაახლოებით 1,5 წელიწადში დაიწყებს. ამ ეტაპზე სააგენტოში 12 საშტატო ერთეულია გაწერილი. მომდევნო რამდენიმე წლის განმავლობაში სააგენტოს ბიუჯეტი 1,5 მილიონი ლარი იქნება. ეკონომიკის სამინისტრო, რომელიც წარმოდგენილი კანონპროექტის ავტორია, განმარტავს, რომ ცვლილებები ევროკავშირთან ასოცირების შეთანხმების დღის წესრიგს წარმოადგენს. ჯამში 8 ევროდირექტივა არსებობს სარკინიგზო მიმართულებით, საიდანაც სამი უკვე შესრულებულია. სტუმარი: პაატა ცაგარეიშვილი, სატრანსპორტო დერეფნის კვლევის ცენტრის ხელმძღვანელი #ახალიამბები #BusinessMediaGeorgia
CNBC-ის ინფორმაციით, ბაზარზე ახალი მედიკამენტები გამოჩნდა, რომლებიც ჭარბწონიანებს წონის კლებაში ეხმარება, თანაც იმაზე ეფექტურად, ვიდრე აქამდე არსებული სხვა პრეპარატები. საერთაშორისო მედიების ინფორმაციით, ეს პრეპარატები უამრავ კითხვის ნიშანს აჩენს, თუმცა ამის მიუხედავად, ისინი ზოგიერთ ქვეყანაში უკვე ნებადართულია. ერთ-ერთი ასეთი პრეპარატი wegovy-ია, რომელსაც აქტიურად იყენებენ აშშ-სა და დიდ ბრიტანეთში. ფარმაცევტული ინდუსტრიის წარმომადგენლები ამბობენ, რომ ეს მედიკამენტი ყველა სხვა წონის კლების საშუალებას ჩაანაცვლებს. #ახალიამბები #BusinessMediaGeorgia
ვიდრე ჯანდაცვის მინისტრი პირობას შეასრულებს და სამუშაო კვირის ბოლოს რესპუბლიკური საავადმყოფოს თანამშრომლებს შეხვდება პროტესტში მონაწილეებს მისი მოადგილე ილია ღუდუშაური და „რესპუბლიკური საავადმყოფოს“ დირექტორი, ზაზა ავალიანი შეხვდნენ. კონკრეტული შედეგები არ არის. „რესპუბლიკური საავადმყოფოს“ მედიკოსები შენობის დემონტაჟს აპროტესტებენ. ისინი უნდობლობას უცხადებენ ჯანდაცვის სამინისტროს და აღნიშნავენ, რომ კლინიკა დემონტაჟს არ საჭიროებს. რას ითხოვენ და რას ელიან სამინისტროსგან რესპუბლიკური საავადმყოფოს თანამშრომლები? სტუმარი: გიორგი დუნდუა - რესპუბლიკური საავადმყოფოს ინტენსიური თერაპიის განყოფილების ხელმძღვანელი; #ახალიამბები #BusinessMediaGeorgia
მსოფლიოს მასშტაბით თითქმის ყველა ქვეყანაში იმ მუშახელს, რომელიც კვირაში საშუალოდ 40 საათი მუშაობს ანაზღაურებადი შვებულების გამოყენების უფლება აქვს. რა თქმა უნდა, შვებულების დღეების რაოდენობა თითოეულ ქვეყანაში განსხვავებულია და ეს სხვადასხვა ფაქტორზეა დამოკიდებული. რომელ ქვეყნებში სარგებლობენ ყველაზე ხანგრძლივი ანაზღაურებადი შვებულებით, ამასთან რომელ სახელმწიფოებს აქვთ დღესასწაულებთან დაკავშირებული ყველაზე მეტი უქმე დღე? #ახალიამბები #BusinessMediaGeorgia
Euromoney, თიბისი პირველად საქართველოში საუკეთესო პერსონალური საბანკო მომსახურებისთვის დააჯილდოვა. Euromoney მსოფლიოს ერთ-ერთი წამყვანი გამოცემაა, რომელიც 50 წელია საერთაშორისო ფინანსურ მიმოხილვებს აქვეყნებს. დაჯილდოება, რომელიც 1992 წლიდან იმართება, ერთ-ერთი ყველაზე ავტორიტეტული ღონისძიებაა საბანკო-საფინანსო ინდუსტრიაში. პერსონალურ საბანკო მომსახურებასა და დაგროვილი კაპიტალი მართვის მიმართულებით, Euromoney უკვე 20 წელია საერთაშორისო საბანკო სექტორს იკვლევს. Euromoney-ის ჯილდო ისეთ კომპანიებსა და ადამიანებს გადაეცემათ, რომლებიც ლიდერობითა და ინოვაციური მიდგომებით გამოირჩევიან. სტუმარი: ნატა ხურციძე - თიბისის პერსონალური საბანკო მომსახურების ხელმძღვანელი #ახალიამბები #BusinessMediaGeorgia
GeParts-ის ახალი პროდუქტი - chatbot-ის მომსახურება სტუმარი: პაატა ბერიაშვილი - GeParts-ის დამფუძნებელი და დირექტორი; #ახალიამბები #BusinessMediaGeorgia
საგაზაფხულო მიღება კონსტრუქტ2-ში და ახალი ფილიალი კახეთში სტუმარი: შოთა ბერეკაშვილი - "ბიქეი ჰოლდინგის" მმართველი პარტნიორი; თამარ ზაქარაშვილი - სამშენებლო კოლეჯ „კონსტრუქტ2“-ის დირექტორი. #ახალიამბები #BusinessMediaGeorgia
ფინეთი უკვე ოფიციალურად ნატო-ს 31-ე წევრი სახელმწიფოა. ფინეთის საგარეო საქმეთა მინისტრმა, პეკა ჰავისტომ გაწევრიანების ოფიციალური პროცესი გუშინ შედგა. დროშა აღმართული, ბრიუსელში ახლა 31 სახელმწიფოს დროშა ფრიალებს. ალიანსში გაწევრიანება „ფინეთს უფრო უსაფრთხოს და ნატო-ს უფრო ძლიერს გახდის“- ასეთი იყო მისასალმებელი სიტყვა ნატო-ს გენერალური მდივნის იენს სტოლტენბერგის. მისი თქმით, რუსეთის პრეზიდენტს, ვლადიმერ პუტინს უკრაინაში შეჭრის გაცხადებული მიზანი ჰქონდა - “მიეღო ნაკლები ნატო მის საზღვრებთან, მაგრამ ის ზუსტად საპირისპიროს იღებს“.ფინეთი რუსეთთან 1340 კმ სიგრძის აღმოსავლეთ საზღვარს იზიარებს, რაც ნიშნავს, რომ ფინეთის ალიანში გაწევრიანებით, ნატოს წევრ სახელმწიფოებთან რუსეთის საზღვრის სიგრძე გაორმაგდა. ფინეთმა, შვედეთთან ერთად, ნატოში გაწევრიანების განაცხადი გასული წლის მაისში, რუსეთის მიერ უკრაინაში ომის დაწყების გამო, განაცხადა და ამ ნაბიჯით უარი თქვა, მრავალწლიან პოზიციაზე, რომლის მიხედვითაც, სამხედრო ალიანსის გარეთ ყოფნა რუსეთისგან საფრთხეების თავიდან არიდების საუკეთესო გზად განიხილებოდა. უკრაინაში განვითარებული მოვლენების შემდეგ, მათ არჩიეს ნატოს მეხუთე მუხლის დაცვა, რომელიც ამბობს, რომ ერთ წევრზე თავდასხმა არის თავდასხმა ყველაზე. ფაქტობრივად, ეს ნიშნავს, რომ თუ ფინეთს თავს დაესხნენ, ნატოს ყველა წევრი, მათ შორის აშშ, მას დაეხმარება. ფინეთს მისალოცი აქვს და ეს პირველი ეტაპია ქვეყნის ახალი რეალობისთვის. რუსეთისთვის ნაკლებად. #ახალიამბები #BusinessMediaGeorgia
Visual Capitalist-ი საერთაშორისო სავალუტო ფონდის განახლებულ მონაცემებზე დაყრდნობით, მსოფლიოს უმდიდრესი ქვეყნების რეიტინგს აქვეყნებს. ის, მოსახლეობის ცხოვრების პირობების შესახებ სრულყოფილი სურათის წარმოსადგენად ითვლის მთლიან შიდა პროდუქტს ერთ სულ მოსახლეზე, განსაზღვრავს თუ როგორ ცხოვრობს ხალხი, როგორია სავალუტო რყევები, რა ღირებულება აქვს ისეთ აუცილებელ ნივთებს, როგორიცაა საკვები და ტანსაცმელი. რომელია მსოფლიოში ყველაზე მდიდარი ქვეყნები ერთ მოსახლეზე მთლიანი შიდა პროდუქტის რაოდენობის მიხედვით? #ახალიამბები #BusinessMediaGeorgia
“გრინვეიმ“ რუსთავის გზატკეცილზე რიგით მეთორმეტე ფილიალი გახსნა, ჯამურად კი ქვეყნის მასშტაბით კომპანია 31 ობიექტით არის წარმოდგენილი. 2019 წლიდან დღემდე გრინვეის ტექინსპექტირების ცენტრებში 1 400 000 მანქანაა გატარებული, უნიკალური ტექინსპექტირება კი 1 070 000-ზე მეტ ავტომობილს აქვს გავლილი. როგორია კომპანიის გეოგრაფიული დაფარვა და რა გეგმები აქვს მომსახურების გაუმჯობესების მიზნით? #ახალიამბები #BusinessMediaGeorgia
მსოფლიო ბრინჯის კრიზის წინაშეა. პროდუქტზე გლობალური მოთხოვნა მკვეთრი ზრდის პარალელურად, ბრინჯის წარმოება მკვეთრად იკლებს. მოსავლიანობა სტაგნაციაშია, წარმოებისთვის საჭირო მიწა, წყალი და მუშახელი სულ უფრო მწირი ხდება, კლიმატის ცვლილება კი პრობლემას კიდევ უფრო ართულებს. ტემპერატურის მატება ნათესებს მასობრივად აფუჭებს, ხშირი წყალდიდობა კი - ანადგურებს.როგორ შემცირდა ბოლო ათწლეულის განმავლობაში ბრინჯის მოსავლიანობა და რა გზებს ხედავენ ექსპერტები კრიზისისგან თავის დასაღწევად? #ახალიამბები #BusinessMediaGeorgia
ლარი ყოველდღიურად გამყარების ახალ რეკორდებს ამყარებს. კურსის გამყარება კი ექსპორტიორ კომპანიებზე გავლენას ახდენს და ამის შესახებ ბიემჯის ეთერებში არაერთმა ბიზნესმენმა ისაუბრა. თემაზე სასაუბროდ, კიდევ რამდენიმე ექსპორტიორი კომპანიის დამფუძნებელი და წარმომადგენელი ჩავწერეთ. ბიზნესმენები აღნიშნავენ, რომ ლარის ასეთი გამყარების ფონზე ექსპორტი უკვე ნაკლებად აკომპენსირებს შიდა დანახარჯებს, მათ შორის ელექტრომატარებლებზე გაზრდილ ფასებს. ხოლო იმ შემთხვევაში თუ გამყარების ტენდენცია დიდხანს შენარჩუნდება მათ ფასების კორექტირებაც მოუწევთ. #ახალიამბები #BusinessMediaGeorgia
დინამოს აკადემიის ბაზაზე რამდენიმე წლიანი პაუზის შემდეგ განახლდა ,,ვიტალი დარასელიას’’ სახელობის ტურნირი, რომელიც კოვიდ პანდემიის გამო რამდენიმე წელი შეჩერებული იყო და ახლა მეხუთედ გაიმართება. ჩემპიონატი 16 წლამდე ასაკობრივ გუნდებს შორის ტარდება და „დინამო თბილისის“ ხელმძღვანელობამ 4 ქვეყნის 5 გუნდია მიიწვია - იტალიური „ჯენოას“ და „მონცას“ აკადემიები, ესპანური „სევილია“, თურქული „ბაშაქ-შეჰირი“ და აზერბაიჯანული „ყარაბაღი“. ამ ტურნირის მთავარი ხიბლი მდგომარეობს იმაში, რომ ბევრი ტალანტისა და მომავალი ვარსკვლავის აღმოჩენაა შესაძლებელი, რადგან არაერთი პრეცედენტი ყოფილა, როდესაც ვიტალი დარასელიას სახელობის ტურნირზე გაბრწყინებულ მოთამაშეს მომავალშიც დიდი წარმატებისთვის მიუღწევია. #ახალიამბები #BusinessMediaGeorgia
ხვიჩა კვარაცხელია მსოფლიოში ყველაზე გაძვირებული ფეხბურთელია #ახალიამბები #BusinessMediaGeorgia
საქართველოში Tbilisi Jazz Festival გამართვის ისტორია Eastern Promotions-მა 1998 წლიდან დაიწყო და სულ მალე რეგიონში ჯაზ ფესტივალების წამყვანი ორგანიზატორი გახდა. Tbilisi Jazz Festival-ის, Black Sea Jazz Festival-ის და Jazz & Wine Kakheti-ს ორგანიზატორი კომპანია Eastern Promotions-ის დამფუძნებლების თქმით, ფესტივალის დღეებში რეგიონებში ეკონომიკაში, თითქმის 2-3-ჯერ მეტი შემოსავალი შედის, ვიდრე ჩვეულებრივ დღეებში. წმინდა ეკონომიკური კუთხით კი, ფინანსთა სამინისტროს შემოსავლების სამსახურის ოფიციალური ცნობით, მაგალითისთვის ბათუმი ზაფხულის განმავლობაში ჩვეულებრივ დღეებში, საცალო ვაჭრობაში 3-4 მლნ ლარს ვაჭრობს, ეს 2017-2018 წლების მონაცემებია და ამაში სასტუმროების დატვირთულობა არ შედის. ფესტივალის დღეებში, მისი დაწყებიდან ორი დღით ადრე და ორი დღის შემდეგ ეს რიცხვი 10-12 მლნ ლარზე ადის და ფესტივალი რომ სრულდება, შემდეგ თავის ნიშნულს უბრუნდება. ზაფხულამდე სულ ცოტა დრო რჩება და ჯაზ ფესტივალების ჩატარების დროც ახლოვდება. როგორია Eastern promotion-ის გეგმები 2023 წლისთვის და რას უნდა ველოდოთ მიმდინარე წელს? სტუმარი: გიორგი კერესელიძე - Eastern promotion-ის თანადამფუძნებელი. #ახალიამბები #BusinessMediaGeorgia
ლანდშაფტის დიზაინსა და ეზოს გამწვანების სერვისზე მომსახურე კომპანიების ნაწილი ფასების ზრდაზე საუბრობს. გასულ წელთან შედარებით ფასი 15-25%ით არის გაზრდილი. ამასთან მომატებულია შიდა და გარე მცენარეების ღირებულებაც, როგორც იმპორტირებული ხე-მცენარეების, ასევე ადგილობრივი სანერგეებში. რა ღირს დღეს ლანდშაფტის დიზაინის პროექტირება და საიდან იწყება ფასი მცენარეებზე? როგორ აისახა ინფლაცია შიდა და გარე მცენარეების ფასებზე, მათ შორის როგორც იმპორტირებულ ასევე ადგილობრივი სანერგეების პროდუქციაზე? სტუმარი: სოფო ჯორბენაძე - “გრატოს სათბურების” გენერალური დირექტორი. #ახალიამბები #BusinessMediaGeorgia
საქართველოს ბაზარზე ახალი ავიაკომპანია, Air Iveria ოპერირებას 2024 წლიდან დაიწყებს. უკვე ცნობილია, რომ ავიაკომპანიასთან კომერციული ხასიათის თანამშრომლობის სურვილი გლობალურმა კომპანია, Airbus-მა გამოთქვა, რომელთან ერთად სტრატეგიული განვითარების გეგმა შემუშავდება, რაც საოპერაციო მოდელსაც მოიცავს. რაც შეეხება ფრენებს, ავიაკომპანია მომხმარებლებს დედაქალაქიდან, დღის უფრო ოპტიმალურ საათებში, დასავლეთ საქართველოში გადაადგილების გარეშე პირდაპირი რეისებს შესთავაზებს. დამფუძნებლები აანონსებენ, რომ ფრენები არ იქნება ბიუჯეტური, თუმცა ლოიალური მომხმარებლები შეძლებენ საკმაოდ დაბალ ფასად ფრენას. სტუმარი: ირაკლი გიორგობიანი - ქართული ავიაკომპანია AIR IVERIA-ს თანადამფუძნებელი. #ახალიამბები #BusinessMediaGeorgia
საქართველოს დამოუკიდებელი კვლევითი ინსტიტუტის, Gnomon Wise-ის რუბრიკის თემა შეეხება, ქართულ საპენსიო რეფორმას და მის მომავალს. „ინფორმაციის თავისუფლების განვითარების ინსტიტუტმა“ მიმდინარე წლის 31 მარტს გამოაქვეყნა კვლევა: სადაც მიმოხილულია, საპენსიო რეფორმის დღეისთვის არსებული მდგომარეობა, შედეგები და მის წინაშე არსებული გამოწვევები. დოკუმენტში იდენტიფიცირებულია ის რისკები, რომელიც შესაძლოა ქართულ საპენსიო რეფორმას ჰქონდეს და შემოთავაზებულია შესაბამისი რეკომენდაციები. კვლევაში მნიშვნელოვანი ნაწილი ეთმობა საპენსიო აქტივების განთავსების რისკიანობის საერთაშორისო პრაქტიკის შეფასებას. რა რისკის წინაშე დგას საპენსიო აქტივები და რა გამოწვევების წინაშე დგას რეფორმა? სტუმრები: ირინა გურგენაშვილი - Gnomon Wise-ის აღმასრულებელი დირექტორი, საერთაშორისო ურთიერთობების სპეციალისტი; მიხეილ კუკავა - IDFI-ის ეკონომიკური და სოციალური პოლიტიკის მიმართულების ხელმძღვანელი. #ახალიამბები #BusinessMediaGeorgia
იაპონელებს მიაჩნიათ, რომ გაზაფხული საკურას ყვავილობით იწყება. იაპონური ალუბალი დაახლოებით ორი კვირის განმავლობაში ყვავის და მთელ მსოფლიოში ერთ-ერთ ყველაზე შთამბეჭდავ სეზონურ დღესასწაულად მიიჩნევა. გარდა კულტურული მნიშვნელობისა, საკურას ყვავილობას იაპონიისთვის, არანაკლები მნიშვნელობა აქვს ეკონომიკური თვალსაზრისითაც. რაც როგორც ერთი მხრივ ადგილობრივი მოსახლეობის გააქტიურებას, ასევე ქვეყანაში ტურისტების გაზრდილ ნაკადს უკავშირდება. უჩვეულოდ თბილი ამინდების გამო საკურას ყვავილობა წელს შედარებით ადრე, 15 მარტს დაიწყო და როგორც ნავარაუდევია, წლევანდელი დღესასწაული იაპონიის ბიუჯეტს დამატებით 5 მილიარდი დოლარით გაამდიდრებს. #ახალიამბები #BusinessMediaGeorgia
გაეროს ქალთა ორგანიზაციისა და საერთაშორისო საფინანსო კორპორაციის ორგანიზებულ ინიციატივაში, სახელწოდებით “დარეკე ზარი გენდერული თანასწორობისთვის” საქართველოს საფონდო ბირჟა წელს მეექვსედ მონაწილეობს. საქართველოში, ისევე როგორც მსოფლიოში, ქალები ფინანსებზე ხელმისაწვდომობის პროცესში არაერთ ბარიერს აწყდებიან, რადგან ხშირად, მათ არც ქონებაზე მიუწვდებათ ხელი და არც ბიზნესის დაწყებისა და განვითარებისთვის საჭირო ცოდნა აქვთ. თავისთავად ეს, სისტემურ პრობლემებთანაა დაკავშირებული. რა მდგომარეობაა ქართულ ეკონომიკაში? რამდენად დიდია სხვაობა ქალებისა და კაცების ანაზღაურებას შორის და როგორ აფასებენ საერთაშორისო ფინანსური ინსტიტუტების წარმომადგენლები საქართველოს მიერ ბოლო წლებში განვლილ პროგრესს? #ახალიამბები #BusinessMediaGeorgia
Galt&Taggart;: გლობალური ბაზრების ყოველკვირეული მიმოხილვით რატი მესხიშვილი სტუმარი: რატი მესხიშვილი - Galt & Taggart-ის უფროსი ასოცირებული ბროკერი #ახალიამბები #BusinessMediaGeorgia
საქართველოს ეკონომიკის მიმოხილვა Galt&Taggart;-ისგან - ლაშა ქავთარაძე სტუმარი: ლაშა ქავთარაძე - Galt&Taggart;-ის ეკონომისტი; #ახალიამბები #BusinessMediaGeorgia
Forbes Georgia & BMG და Tegeta Holding-ი წარმოგიდგენთ: #ForbesAuto-ს ფასების შემცირების ფონზე Tesla-ს გაყიდვები მცირედით გაიზარდა; #Volkswagen Golf პენსიაზე გადის - მეცხრე თაობა აღარ იქნება; Chery iCar GT - ჩინური სპორტული კუპე; Geely Zeekr X ელექტრო ქროსოვერს წარადგენს; საუდის არაბეთის პრინცის უნიკალური MINI აუქციონზე გაიყიდება. #ახალიამბები #BusinessMediaGeorgia
საქართველოს მთავრობა ხორბლის ექსპორტის აკრძალვას ვადაზე ადრე აუქმებს. აღნიშნული გადაწყვეტილების შესახებ დღეს მთავრობის სხდომის დასრულების შემდეგ სოფლის მეურნეობის მინისტრმა ოთარ შამუგიამ ისაუბრა. მისი განმარტებით, გასულ წელს ხორბლისა და ქერის ექსპორტის აკრძალვის გადაწყვეტილება, სასურსათო უსაფრთხოების რისკებიდან გამომდინარე მიიღეს, წელს კი ეს რისკები ამოწურულია და ქვეყანაში ხორბლის და ფქვილის სათანადო რაოდენობის მარაგებია. შამუგიამ აღნიშნა, რომ ქერთან მიმართებით ექსპორტის აკრძალვა გასულ წელსვე გაუქმდა. მინისტრის ამ განცხადებამდე რამდენიმე საათით ადრე 7 ფერმერის ვიდეო გავრცელდა, რომლების საუბრობენ, რომ გასული წლის დასაწყობებული მოსავალი უფუჭდებათ, რადგან ამ ეტაპზე ქვეყანაში არცერთი წისქვილკომბინატი არ მუშაობს. ფერმერები პრობლემურ საკითხად ასახელებენ ადგილობრივ ბაზარზე ფასსაც. როგორ არის შესაძლებელი გაფუჭების ზღვარზე მყოფი ხორბლის რეალიზაცია ექსპორტის დაშვების შემთხვევაში და რა გამოსავალს ხედავენ ფერმერები? სტუმარი: ზურა ხიზანიშვილი - ფერმერი; #ახალიამბები #BusinessMediaGeorgia
სახლები ხშირ შემთხვევაში არა მხოლოდ საცხოვრებელი, არამედ შემოსავლის მნიშვნელოვანი წყაროცაა და სულ უფრო მეტი ადამიანი ცდილობს, საცხოვრებელი სახლი საინვესტიციო ინსტრუმენტად გამოიყენოს. მსოფლიოში მზარდი მოთხოვნა, კი თავისთავად საცხოვრებელი სახლების ფასებზე აისახება და ისინი ყოველწლიურად იზრდება. როგორ შეიცვალა ბოლო 12 წლის განმავლობაში მსოფლიოში საცხოვრებელი უძრავი ქონების ფასები? #ახალიამბები #BusinessMediaGeorgia
2023 წლის პირველ სამ თვეში საქართველოს მასშტაბით კერძო სახლებისა და მიწის ნაკვეთების შეძენაზე მოთხოვნა გაზრდილია. ss.ge წერს, რომ მიწის ნაკვეთებზე საშუალოდ ზრდა არის 66%, ხოლო კერძო სახლებზე 70%. 3 თვეში საიტზე კერძო სახლის შეძენით საშუალოდ 1 მილიონ ადამიანამდე ინტერესდებოდა, ხოლო მიწის ნაკვეთით 550 000. უძრავი ქონების ეროვნული ასოციაციის მმართველი საბჭოს წევრი კი განმარტავს, რომ თბილისის შემოგარენში სახლის, ან მიწის ყიდვაზე მოთხოვნა აპრილის ბოლოდან კიდევ უფრო გააქტიურდება. ბაზარზე მოთხოვნამ გავლენა ფასზეც იქონია. #ახალიამბები #BusinessMediaGeorgia
#საქმიანიდილა - 4 აპრილი - პროლოგი #ახალიამბები #BusinessMediaGeorgia
ერთ თვეში გაზაფხულის ბოსტნეულის - სატაცურის მოსავლის აღების პერიოდი დაიწყება. პროდუქტი წელსაც მაღალ ფასს ინარჩუნებს და ზოგიერთ ქსელში სატაცურის ფასი 40 ლარამდეც ადის. ადგილობრივი წარმოება ჯერჯერობით ბაზარზე არსებულ მოთხოვნას ვერ აკმაყოფილებს, თუმცა იზრდება იმ ფერმერების რაოდენობა, რომლებიც საქართველოსთვის ამ ახალი კულტურით ინტერესდებიან და ბაღებსაც აფართოებენ. როგორ მოსავალს ელოდებიან ფერმერები და რა ეღირება წელს სატაცური? #ახალიამბები #BusinessMediaGeorgia
სოფლის მეურნეობის სახელმწიფო ლაბორატორია საქართველოში პირველია, რომელსაც რეფერენს ლაბორატორიის სტატუსი მიენიჭა. 8 წლიანი მუშაობის შემდეგ ლაბორატორიის ქსელში რეფერენს კვლევების ჩატარება სამი ძირითადი მიმართულებითაა შესაძლებელი, ესენია სურსათის კვლევა, ცხოველთ დაავადებებისა და მცენარეთა მავნე ორგანიზმების დიაგნოსტიკა. რეფერენს ლაბორატორიის სტატუსის ქვეშ მოიაზრება იმ უფლებამოსილების მქონე ლაბორატორია, რომელიც სახელმწიფო კონტროლის ფარგლებში აღებული ნიმუშის რეფერენტულ ლაბორატორიულ გამოცდას ატარებს. რას ცვლის რეფერენს სტატუსის ლაბორატორიის ქონა ბიზნესისთვის და რა გავლენა ექნება მას ექსპორტის ზრდაში? სტუმარი: სოლომონ პავლიაშვილი - საქართველოს გარემოს დაცვისა და სოფლის მეურნეობის მინისტრის მოადგილე; #ახალიამბები #BusinessMediaGeorgia
საქართველოში, ზამთრის საკურორტო სეზონი, რომელიც დაგვიანებით გაიხსნა, ფაქტობრივად, დასრულებულია და ბიზნესის დიდი ნაწილის შეფასებით, არც ისე სახარბიელო შედეგებით. წლის მთავარი მოლოდინები ფრისტაილისა და სნოუბორდის მსოფლიო ჩემპიონატს უკავშირდებდოა, თუმცა უამინდობის გამო სასტუმროების მფლობელები როგორც ბაკურიანის, ისე გუდაურისა და სვანეთის მიმართულებით ამბობენ, რომ სეზონი ფაქტობრივად ჩავარდა. რა იყო მოლოდინები და რა მაჩვენებლებზე გასვლა მოხერხდა 2022-2023 წლის სეზონისთვის? სტუმარი: ერეკლე კოკაია - "ინნ ჯგუფის" აღმასრულებელი დირექტორი #ახალიამბები #BusinessMediaGeorgia
გასული კვირის ბოლოს თბილისში, შავთელის ქუჩაზე მდებარე სასტუმრო „ამბასადორში“ ხანძარი გაჩნდა. გავრცელებული ვიდეო კადრებით, სასტუმროს ბოლო ორი სართული იწვოდა, ადმინისტრაციის მიერ გაკეთებული განცხადების მიხედვით ცეცხლი მესამე სართულზე ერთ-ერთ ოთახში გაჩნდა, შედეგად დაიწვა ეს კონკრეტული, ასევე მის გვერდით არსებული ოთახები და დერეფანი. როგორც განცხადებაშია აღნიშნული სრულად დაიწვა მეოთხე სართული, სადაც ლაუნჯ-ტერასა „მოზაიკო“ იყო განთავსებული.რა ზარალი მიადგა სასტუმროს ხანძრის შედეგად ჯერ უცნობია, როგორც ბმჯის „ამბასადორი ჯგუფში“ უპასუხეს, ხანძრის შედეგად დაზიანებული ფართობის და ზარალის დათვლა ჯერ კიდევ გრძელდება. ხანძრის, სტიქიური თუ ბუნებრივი უბედურების შედეგად დაზიანებული შენობების შემდეგ ერთ-ერთი მთავარი კითხვა რაც ჩნდება, ეხება იმას, იყო თუ არა ობიექტი დაზღვეული? სტუმარი: დევი ხეჩინაშვილი - "სადაზღვევო ასოციაციის" ხელმძღვანელი; #ახალიამბები #BusinessMediaGeorgia
პირველი აპრილიდან მომხმარებელს რამდენიმე ფინანსური ორგანიზაციის მიერ შეთავაზებული საფინანსო პროდუქტის შედარება შეეძლება. ეროვნული ბანკის პრეზიდენტის 6 იანვრის ბრძანების მიხედვით, საფინანსო პროდუქტების კომბინირებულად შეთავაზებისას, ფინანსურმა ორგანიზაციამ უნდა უზრუნველყოს თითოეული საფინანსო პროდუქტის ფასის გამჭვირვალედ მითითება და მომხმარებლებისთვის სათანადო გამჟღავნება, რათა მომხმარებლისთვის შესაძლებელი იყოს მისთვის ერთი ან რამდენიმე ფინანსური ორგანიზაციის მიერ შეთავაზებული საფინანსო პროდუქტ(ებ)ის შედარება. ფასის მითითება არ არის სავალდებულო ისეთი საფინანსო პროდუქტის შემთხვევაში, რომელსაც ფინანსური ორგანიზაცია მომხმარებელს სთავაზობს მხოლოდ სხვა საფინანსო პროდუქტებთან კომბინაციაში და რომელიც მომხმარებლისთვის არ არის ხელმისაწვდომი როგორც დამოუკიდებელი საფინანსო პროდუქტი. სტუმარი: ლაშა გზირიშვილი - მომხმარებელთა უფლებების დაცვისა და ფინანსური განათლების დეპარტამენტის უფროსი; #ახალიამბები #BusinessMediaGeorgia
#ავიაციისსიახლეები: საქართველოს ავიაბაზარს #Flyadeal-ი უბრუნდება; Air Astana ზაფხულიდან თბილისსა და ალმაათს შორის ფრენებს ყოველდღიურად შეასრულებს; ევროპაში კერძო თვითმფრინავებით ფრენების რაოდენობა 64%-ით გაიზარდა; #Lufthansa ITA Airways-ის წილის შეძენაზე მოლაპარაკებებს განაახლებს; #Boeing-ი ახალ თანამშრომლებს დაიქირავებს. #ახალიამბები #BusinessMediaGeorgia
სამშენებლო კომპანია დაგიმ ფოტო კონკურსი გამართა. კონკურსის ფარგლებში მონაწილეებმა კომპანიის მიმდინარე პროექტების ფოტოსურათები გადაიღეს. შემდგომ კი ჟიურის, კომპანიისა და ხალხის ჩართულობით კონკურსის გამარჯვებულები გამოვლინდა და მათ ფულადი პრიზები გადაეცათ. დაჯილდოება დაგის ერთ-ერთ სამშენებლო ობიექტზე გაიმართა. გარდა დაჯილდოებისა, ადგილზე კონკურსანტების ფოტოების გამოფენაც მოეწყო და კონკურსის ჟიურის წევრმა გოგა ჩანადირმა მონაწილეებს მასტერკლასიც ჩაუტარა. #ახალიამბები #BusinessMediaGeorgia
ხანძარსაწინააღმდეგო სისტემები და საშუალებები - კომპანია მეხანძრე უნდა გავიცნოთ საქმიანი დილას ამ ნაწილში, რომელიც 2017 წელს შეიქმნა და ქვეყანაში ევროპელი მწარმოებლის მობიაკის და OLYMPIA ELECTRONICS-ის წარმომადგენელი და პარტნიორია. ამ დროისთვის კომპანიის მომსახურების სპექტრი საკმაოდ ფართოა და მოიცავს პროექტის ექსპერტიზას და რეკომენდაციებს, საინჟინრო გადაწყვეტილებებს და პროექტირებას, საევაკუაციო გეგმებს, ხანძრის აღმოჩენის, განგაშის, ქრობის და დამხმარე სისტემების მონტაჟსა და მომსახურებას, უმაღლესი ხარიხის ცეცხლმაქრების დისტრიბუციას, ინსპექტირებას და მომსახურებას. სტუმარი: გივი პეტრიაშვილი - მეხანძრე.ge-ს დამფუძნებელი და პარტნიორი; #ახალიამბები #BusinessMediaGeorgia