თუ ბიტკოინის დაგროვება უკვე თქვენი ყოველდღიურობა გახდა, ახლა დროა ფინანსური საზღვრები საერთოდ წაშალოთ და მოარღვიოთ. ჰეშბანკმა Mastercard-თან პარტნიორობით Mastercard Move წარადგინა. ეს არის გადარიცხვების ახალი თაობა, რომელიც საერთაშორისო გზავნილებს უმარტივესს ხდის. #ახალიამბები #BusinessMediaGeorgia
რუსეთში ინტერნეტზე კონტროლი კიდევ უფრო მკაცრდება - ვოლოდიმირ ზელენსკი ამას „100 წლით უკან გადადგმულ ნაბიჯს“ უწოდებს, მაშინ როცა როსკომნადზორი უკვე აქტიურად ზღუდავს Telegram-ზე წვდომას და მოსახლეობას სახელმწიფო კონტროლირებად პლატფორმაზე გადასვლისკენ უბიძგებს. შედეგად, მომხმარებლები კომუნიკაციისთვის ალტერნატიულ გზებს - ონლაინ თამაშებს, საოფისე დოკუმენტებსა და საყოფაცხოვრებო ტექნიკასაც კი იყენებენ, ამავდროულად ექსპერტები ვარაუდობენ, რომ ეს მხოლოდ დასაწყისია და ქვეყანაში ინტერნეტიზოლაცია შესაძლოა კიდევ უფრო გაღრმავდეს. #ახალიამბები #BusinessMediaGeorgia
#საქმიანიდილა - 7 აპრილი - პროლოგი #ახალიამბები #BusinessMediaGeorgia
#საუბრებიავიაციაზე: საავიაციო განათლება გიორგი მოლოდინაშვილი - "საუბრები ავიაციაზე", ავტორი & წამყვანი სტუმარი: დავით ტეფნაძე - საქართველოს საავიაციო უნივერსიტეტის რექტორის მოადგილე #ახალიამბები #BusinessMediaGeorgia
თბილისის ზღვის ტერიტორიაზე უახლოეს მომავალში ახალი ზოოპარკი გაიხსნება. პირველ ვიზიტორებს ის სავარაუდოდ ზაფხულში, ივლისში უმასპინძლებს. როგორც ზოოპარკში აცხადებენ ამჟამად ინფრასტრუქტურის მოწესრიგების სამუშაოები, მათ შორის ტერიტორიების გამწვანება მიმდინარეობს ახალი ზოოპარკი არსებულისგან ბევრად განსხვავებული იქნება, გაცილებით დიდი ვოლიერებითა და განახლებული ექსპოზიციებით. როგორც მოგეხსენებათ თბილისის ზოოპარკის ახალი ადგილი თბილისის ზღვის ტერიტორიაზე 2015 წლის 13 ივნისის ტრაგედიის შემდეგ აირჩიეს. ახალი ზოოპარკის ფართობი 48 ჰექტარს შეადგენს და მისი სრულად აღჭურვა დაახლოებით $50 მილიონი დოლარის ინვესტიციას მოითხოვდა რა გაკეთდა ამ დრომდე, რა დახვდებათ პირველ ვიზიტორებს ტერიტორიაზე? სტუმარი: ზურაბ გურიელიძე - თბილისის ზოოპარკი, დირექტორი #ახალიამბები #BusinessMediaGeorgia
Eco Adventure Georgia - ახალი ტურისტული კომპანიაა ქართულ ბაზარზე, რომელიც 2025 წლის დეკემბერში დაფუძნდა და როგორც გამყვან, ისე შემომყვან მიმართულებაზე მუშაობს. კომპანიის მიზნებს პასუხისმგებლობიანი საერთაშორისო ვიზიტორების მოზიდვა, მდგრადი პრინციპებით შიდა ტურიზმის განვითარება, გარემოსდაცვითი პასუხისმგებლობის ამაღლება, ადგილობრივი თემების გაძლიერება და ახალი სამუშაო ადგილების შექმნა წარმოადგენს. კომპანიაში ფიქრობენ, რომ ეკონომიკური სარგებელი შესაძლოა მხოლოდ მაშინ იყოს რეალური, როცა ის ეკოლოგიურად უსაფრთხოა. სტუმრები: მაია გოგიბერიძე - Eco Adventure Georgia, დამფუძნებელი გიორგი კეკელიძე - მწერალი, Eco Adventure Georgia, პარტნიორი #ახალიამბები #BusinessMediaGeorgia
ახლო აღმოსავლეთში არსებული კონფლიქტის ფონზე, საქართველოზე გამავალ „შუა დერეფანს“ ტვირთების მოზიდვის ახალი შესაძლებლობა უჩნდება. ირანის ბენდერ-აბასის პორტის შეფერხება და ჰორმუზის სრუტეში რისკები ტვირთნაკადებს ალტერნატიულ მარშრუტებზე ამისამართებს. პოზიტიური ტენდენცია უკვე შეინიშნება ოფიციალურ სტატისტიკაშიც. მცირე ზრდა აქვს ფოთის პორტიც, თუმცა კონფლიქტის საბოლოო შედეგები მომავალ თვეებში გახდება ცნობილი. რაც შეეხება პირველი კვარტლის მონაცემებს ფოთის პორტისთვის, „ეიპიემ ტერმინალს ფოთის“ მონაცემებით, საანგარიშო პერიოდში 153 462 ტეუ დამუშავდა, 2025 წელს - 146 468, 2024 წლის ანალოგიურ პერიოდში კი - 126 512 ტეუ. ამავდროულად გაზრდილია საკონტეინერო გემების მიღებაც. „ეიპიემ ტერმინალს ფოთმა“ წლის დასაწყისიდან დღემდე 94 საკონტეინერო გემი მიიღო, 2025 წელს - 81, ხოლო 2024 წლის იგივე პერიოდში - 74. კომპანიის მიერ 2026 წელს 63 758 ტონა ტვირთი დამუშავდა, 2025-ში 82 369 ტონა, ხოლო 2024-ში ეს რაოდენობა 37 281 ტონა იყო. აღსანიშნავია, რომ 2026 წლის პირველ კვარტალში დამუშავებული კონტეინერების ყველაზე მაღალი მაჩვენებელი წელს დაფიქსირდა, ისევე როგორც მიღებული საკონტეინერო გემების რაოდენობა. სტუმარი: ზვიად ჩხარტიშვილი - ფოთის საზღვაო ნავსადგურის ადმინისტრაციის ხელმძღვანელი #ახალიამბები #BusinessMediaGeorgia
ახლო აღმოსავლეთში არსებული ვითარება ყველაზე დიდ დარტყმას ავიაციის სექტორს აყენებს. ავიაკომპანიები კრიზს სხვადასხვა გზით ებრძვიან - გაზრდილი საოპერაციო ხარჯები ავიაბილეთების გაძვირების აუცილებლობას ქმნის. ავიაკომპანიებმა ნაწილობრივ უკვე დააკორექტირეს ფასები თუმცა აცნობიერებენ იმასაც, კიდევ უფრო მეტი ფასთა ზრდა მოგზაურობაზე მოთხოვნის შემცირებას გამოიწვევს. რა რეალობის წინაშე დგანან ავიაკომპანიები და გაიზარდა თუ არა ავიაბილეთების ღირებულება? #ახალიამბები #BusinessMediaGeorgia
#ავიაციისსიახლეები: ✈ რა მიმართულებებით შეჩერდა/სრულდება ფრენები ახლო აღმოსავლეთში თბილისის და ბათუმის აეროპორტებიდან? ✈ Sky Express-ი თბილისიდან ჰერაკლიონის მიმართულებით პირდაპირ ფრენებს იწყებს ✈ თბილისში აშშ-ის სამხედრო სატვირთო თვითმფრინავი დაეშვა ✈ არაბთა გაერთიანებულმა საამიროებმა ირანელებისთვის ქვეყანაში შესვლა და ტრანზიტი აკრძალა ✈ რატომ უთხრა უარი იტალიამ აშშ-ს სიცილიის ავიაბაზის გამოყენებაზე? #ავიაცია #ავიამიმოსვლა #ახალიამბები #BusinessMediaGeorgia
ინტერიერი დეტალებში სტუმარი: სალომე დადუნაშვილი - “ინტერიერი სალომე დადუნაშვილთან ერთად”, ავტორი & წამყვანი #ახალიამბები #BusinessMediaGeorgia
კომპანია „კოკა-კოლა ბოთლერს ჯორჯიამ“ 3 აპრილს, „წლის თანამშრომლის“ დაჯილდოების ცერემონია გამართა. კოკა-კოლაში თანამშრომლების ყოველწლიური დაჯილდოება უკვე ტრადიციად იქცა და წელს მეოთხედ ჩატარდა. პროფესიონალი, გამოცდილი და საუკეთესო შედეგის მქონე თანამშრომლების დაფასება „კოკა-კოლა ბოთლერს ჯორჯიასთვის“ მხოლოდ ფორმალური ღონისძიება არ არის. ეს არის გულწრფელი მადლიერების გამოხატვა იმ ადამიანების მიმართ, რომელთაც პროფესიონალიზმითა და პასუხისმგებლობით მნიშვნელოვანი წვლილი შეაქვთ კომპანიის ზრდასა და განვითარებაში. როგორ ჩაიარა წლევანდელმა დაჯილდოებამ? #ახალიამბები #BusinessMediaGeorgia
თუ ოდესმე ელექტრომობილით გიმგზავრიათ ქალაქგარეთ, ალბათ კარგად გეცნობათ შიში იმისა, რომ მაგისტრალზე დამტენის გარეშე დარჩებით. მიუხედავად იმისა, რომ ეკო-ტრანსპორტზე გლობალური და ადგილობრივი მოთხოვნა სტაბილურად იზრდება, შესაბამისი ინფრასტრუქტურის განვითარება ხშირად გამოწვევად რჩება. თუმცა, როგორც ჩანს, ბაზარზე მოცემულობა იცვლება. „ვისოლმა“ ავტომაგისტრალის არგვეთას მონაკვეთზე საქართველოში ელექტრომობილების ყველაზე დიდი დამტენი სადგური გახსნა. ახალი ულტრა-სწრაფი ტექნოლოგია, რომელიც შვეიცარიულ და ჩინურ სისტემებს აერთიანებს, ერთდროულად 12 ავტომობილის საშუალოდ 15 წუთში დამუხტვის საშუალებას იძლევა, თანაც მზის პანელებიდან გენერირებული ენერგიით. იმისათვის, რომ მშრალი რიცხვების მიღმა, პრაქტიკაში შეგვემოწმებინა, რამდენად მზადაა საქართველოს ინფრასტრუქტურა შორ მანძილზე უსტრესო ეკო-მგზავრობისთვის, ჩვენმა გუნდმა ერთგვარი ექსპერიმენტი ჩაატარა. ელეგანტური Porsche Taycan-ით თბილისიდან დასავლეთის მიმართულებით გავემგზავრეთ. დასრულდა თუ არა ე.წ. „დამუხტვის შიში“ და რა ხდებოდა არგვეთას მეგა-სადგურის გახსნაზე? #ახალიამბები #BusinessMediaGeorgia
„გაიარე მეტი“ - ამ გზავნილით შეიქმნა „თეგეტა მოტორსის“ ახალი კამპანია, რომელიც ავტომობილის მოვლის რუტინულ პროცესს მარტივ გამოცდილებად აქცევს. სახელწოდების ქვეშ მოქცეულ აქტივობებს ერთი პრინციპი და მესიჯი აერთიანებს: მეტი გზის გასავლელად ჯერ შენი ავტომობილი უნდა იყოს მზად. კამპანია კიდევ ერთხელ ახსენებს ავტომფლობელებს, რომ მეტის გავლა მხოლოდ ფიზიკურ დისტანციას სულაც არ ნიშნავს - ეს არის თავისუფლება, ახალი გეგმები და თავგადასავლები, სადაც გადამწყვეტი როლი გამართულ ტრანსპორტს აქვს. მასშტაბური კამპანია ანიმაციური ვიდეორგოლით გაიხსნა, რომელშიც მთავარი გმირი ავტომობილია. ვიდეო სრულად ხელოვნური ინტელექტის ტექნოლოგიით შეიქმნა, რომელზეც „თეგეტა მოტორსის“ მარკეტინგის გუნდმა AI კონტენტის სტუდიასთან, Buff Labs-თან ერთად იმუშავა. სტუმარი: ელენე კოხრეიძე - „თეგეტა ჰოლდინგი“ მარკეტინგის მთავარი ოფიცერი #ახალიამბები #BusinessMediaGeorgia
BMG და Tegeta Holding-ი წარმოგიდგენთ: #BMGAuto-ს
საქართველოს უნივერსიტეტმა მასშტაბურ მასწავლებელთა ფორუმს უმასპინძლა, რომელმაც განათლების სფეროს წარმომადგენლები, პრაქტიკოსები და ექსპერტები ერთ სივრცეში გააერთიანა. ფორუმის მიზანია სხვადასხვა საფეხურზე მომუშავე მასწავლებლების გაერთიანება პროფესიულ დიალოგში, რათა ჩამოყალიბდეს ერთიანი ხედვა მოსწავლის განვითარების უწყვეტ გზაზე. ღონისძიების მთავარი აქცენტი დიალოგსა და გამოცდილების გაზიარებაზე იყო, რაც საშუალებას აძლევს პროფესიონალებს ერთობლივად იმუშაონ მოსწავლის განვითარების სხვადასხვა ეტაპზე. #ახალიამბები #BusinessMediaGeorgia
საქართველოს ბანკის მხარდაჭერით შექმნილი სივრცე, გალერეა ვერე, 3 აპრილიდან 19 აპრილის ჩათვლით წარმოგვიდგენს გამოფენას „დიუბუა დე მონპერეს კვალდაკვალ”. ექსპოზიცია აერთიანებს ორ ახლადგამოვლენილ სამოგზაურო ალბომს — „Mon Voyage En Asie“ და „Mon Voyage En Russie“, რომლებიც 1830-იან წლებში სამხრეთ კავკასიაში ჩატარებული სამეცნიერო ექსპედიციის ფარგლებში შესრულებულ 62 აკვარელსა და გრაფიკულ ჩანახატს მოიცავს. გალერეა ვერე თანამედროვე ქართველი მხატვრების ნამუშევრებს აერთიანებს. იგი დამთვალიერებელს სთავაზობს შერჩეულ ხელოვნების ნიმუშებს გამოფენა-გაყიდვის ფორმატში. საქართველოს ბანკი კი, როგორც კულტურისა და შემოქმედებითი ინიციატივების მხარდამჭერი, აგრძელებს მსგავსი პროექტების ხელშეწყობას და კულტურული მემკვიდრეობის პოპულარიზაციას. #ახალიამბები #BusinessMediaGeorgia
რატომ არ ძვირდება სურსათი ენერგოკრიზისის მიუხედავად? #ახალიამბები #BusinessMediaGeorgia
#საქმიანიდილა - 6 აპრილი - პროლოგი #ახალიამბები #BusinessMediaGeorgia
ბაზარზე წყალი მთის 2026 წლის მასშტაბური კამპანია დაიწყო, მთავარი გზავნილით: დაიხარჯე - შეივსე. კამპანიაში მსოფლიო ფეხბურთის ვარსკვლავები - 2025 წლის საუკეთესო ფეხბურთელი უსმან დემბელე, მსოფლიო საუკეთესო ფეხბურთელების მესამე ადგილოსანი ვიტინია, ხვიჩა კვარაცხელია, დეზირე დუე და გონსალო რამოსი მონაწილეობენ. სარეკლამო კამპანიაში წყალი მთის როგორც ბრენდი წარმოადგენს ბუნებრივი სისუფთავის, ხარისხის, განახლებისა და ენერგიის სიმბოლოს. წყალი მთის ბრომატის გარეშე შექმნილია აქტიური ადამიანებისთვის, რომლებიც მუდმივად მოძრაობაში არიან და იციან, რომ ენერგიის სრულად დახარჯვის შემდეგ აუცილებელია მისი შევსება. სწორედ ამ ფილოსოფიას იზიარებს ეს კამპანიაც. #ახალიამბები #BusinessMediaGeorgia
"რა ქაოსზე ვსაუბრობთ?! სად არის ქაოტური განაშენიანება?!" - ასეთი განცხადება გააკეთა კახა კალაძემ თბილისში არსებულ მშენებლობებზე და განაშენიანებაზე, რომელიც წლების ურბანისტების კრიტიკის საგანია. როგორც კალაძემ აღნიშნა, საცობებს აქვს თავისი გამომწვევი მიზეზები, რასთანაც მშენებლობა კავშირში არ არის. მისი შეფასებით, ქალაქის განვითარება ხდება გენ. გეგმის მიხედვით, რომელიც 2019 წელს იქნა მიღებული, ხოლო პროექტები, რომელიც ურბანულად საერთო ხედვას ეწინააღმდეგება არ ხორციელდება. როგორ ვითარდება ქალაქი ბოლო წლებში, რამდენად ვუშვებთ ამ მიმართულებით ურბანულ შეცდომებს და რას არ ან ვერ ხედავს ქალაქის მერი? სტუმარი: ანა ბიბილეიშვილი - ურბანისტი #ახალიამბები #BusinessMediaGeorgia
ახლო აღმოსავლეთის კონფლიქტის ფონზე, ქართულ ფეროშენადნობებზე მოთხოვნის ზრდის მოლოდინი გაჩნდა. როგორც ფეროშენადნობთა საწარმოების ნაწილში აცხადებენ, ჰორმუზის სრუტის ჩაკეტვამ ინდოეთს, რომელიც გლობალურად პროდუქციის ერთ-ერთი უმსხვილესი მიმწოდებელია, ლოგისტიკური პრობლემები შეუქმნა. ამ ფონზე, კი მოსალოდნელია, რომ ერთი მხრივ, ბაზარზე ფასები გაიზრდება, მეორე მხრივ, კი ქართული ფეროშენადნობების ექსპორტი გააქტიურდება. აღსანიშნავია, რომ მიუხედავად, წლის პირველ 2 თვეში ფეროშენადნობების ექსპორტის 93%-იანი ზრდისა, დარგის საწარმოების დიდი ნაწილი ამ დროისთვის კლავ გაჩერებულია, გლობალურ ბაზარზე არსებული შედარებით დაბალი ფასებისა, ადგილობრივი საწარმოებისთვის გამოწვევაა ელექტროენერგიაზე არსებული მაღალი ფასებიც. რა ტენდენციებია ფეროშენადნობების დარგში და როგორია მოლოდინები? #ახალიამბები #BusinessMediaGeorgia
სტრასბურგის სასამართლომ დაიწყო საქართველოს უცხოეთის აგენტების რეგისტრაციის აქტის – FARA-ს – არსებითი განხილვა და სახელმწიფოს კითხვები გამოუგზავნა. ქართული „FARA“ ერთ-ერთია იმ კანონებს შორის, რომლის გაუქმების რეკომენდაციაც გასცა ეუთოს „მოსკოვის მექანიზმის“ ფარგლებში მომზადებულმა ანგარიშმა. ანგარიშის მიხედვით, „უცხოური გავლენის გამჭვირვალობის“, FARA-სა და უცხოურ გრანტებთან დაკავშირებული კანონები „უნდა გაუქმდეს ან, სულ მცირე, შეიცვალოს ვენეციის კომისიის რეკომენდაციების შესაბამისად“. სტუმარი: ლევან ნატროშვილი - ISFED-ის აღმასრულებელი დირექტორი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
ახლო აღმოსავლეთში მიმდინარე ესკალაციამ და ენერგორესურსების მკვეთრმა გაძვირებამ მსოფლიო ეკონომიკა ახალი, სერიოზული გამოწვევების წინაშე დააყენა. ეროვნული ვალუტების გასამყარებლად და შიდა ბაზრებზე ინფლაციის შესაჩერებლად, არაერთი ქვეყნის მთავრობა იძულებული გახდა, რადიკალური ფინანსური ნაბიჯები გადაედგა და თავიანთი უმთავრესი სარეზერვო აქტივის - ამერიკული დოლარისა და ფასიანი ქაღალდების მასობრივი გაყიდვა დაეწყო. როგორ ცდილობენ სახელმწიფოები საკუთარი ეკონომიკების გადარჩენას და რა საფრთხეს უქმნის დაგროვილი ფონდების მკვეთრი შემცირება გლობალურ სასესხო ბაზარს? #ახალიამბები #BusinessMediaGeorgia
ირანში განვითარებულმა მოვლენებმა სებ–ის სცენარი შეცვალა. მონეტარული პოლიტიკის კომიტეტის შეფასებით, მიმდინარე მდგომარეობა ბოლო გამოქვეყნებული ცენტრალური სცენარიდან, 23 მარტის მდგომარეობით, მაღალინფლაციური სცენარისკენ გადაიხარა. ამის მიზეზი ის არის, რომ ჰორმუზის სრუტის გავლით ტრანსპორტირების შეფერხებების შედეგად, ტრადიციული მიწოდების ჯაჭვები დროებით დაირღვა. ამ პროცესებმა საერთაშორისო ბაზრებზე უკვე მნიშვნელოვნად გაზარდა ენერგომატარებლებისა და ტრანსპორტირების ფასები. იმ შემთხვევაში, თუ გეოპოლიტიკური ვითარების შედეგად გამოწვეული ინფლაციური შოკები ხანგრძლივი იქნება მონეტარული პოლიტიკის კომიტეტი გამოთქვამს მზაობას, არსებული მკაცრი პოზიცია მოსალოდნელზე ხანგრძლივად შეინარჩუნოს და საჭიროების შემთხვევაში დამატებით გაამკაცროს. სტუმარი: ოთარ ნადარაია - "თიბისი ჯგუფი", მთავარი ეკონომისტი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
2 აპრილი აუტიზმის შესახებ ცნობადობის ამაღლების მსოფლიო დღე აღინიშნა, რომელიც გაეროს გენერალურმა ასამბლეამ 2007 წელს დააწესა. წელიწადში ერთხელ, კონკრეტულ დღეს ამ საკითხზე ფოკუსირება და საზოგადოების ინფორმირება, აუტიზმის მქონე ადამიანების უფლებების დაცვას, მათი ინტეგრაციას და მხარდაჭერას ემსახურება თუმცა ეს მხოლოდ ერთი დღის საქმე ცალსახად არ არის. ამ დღეს ტრადიციულად უერთდება საქართველოც და სხვა და სხვა ორგანიზაციები სხვა და სხვა ფორმით ერთვებიან კამპანიაში. გუშინ ვექსის ბავშვთა ნეიროგანვითარების ცენტრ „კარავში“ აუტიზმის ცნობადობის ამაღლების დღე აღინიშნა, სადაც მომხსენებლებმა აუტიზმი და მასთან ასოცირებული სამედიცინო მდგომარეობები განიხილეს. სტუმარი: ტატა ბაზღაძე - “ევექსის” ბავშვთა ნეიროგანვითარების ცენტრი „კარავის“ დირექტორი, ბავშვთა და მოზარდთა ფსიქიატრი #ახალიამბები #BusinessMediaGeorgia
თანამედროვე ურბანულ გარემოში ბინის შერჩევის სტანდარტები მნიშვნელოვნად შეიცვალა - დღეს მომხმარებელი არა მხოლოდ საცხოვრებელ სივრცეს, არამედ სრულფასოვან ეკოსისტემას ეძებს, რაც დაცულ ეზოს, რეკრეაციულ სივრცეებს, ენერგოეფექტურობასა და, რა თქმა უნდა, ურბანულ ქაოსში სიმშვიდეს გულისხმობს. სწორედ ამ მოთხოვნებს პასუხობს დეველოპერული კომპანია X2 დეველოპმენტის პროექტები, თავად ეს კომპანია კი იცის საქმიანმა საზოგადოებმა, და თუ არ იცის გეტყვით რომ 2014 წლიდან საქართველოს სამშენებლო ინდუსტრიაში ერთ-ერთ წამყვან პოზიციას ინარჩუნებს . ეს არის გუნდი, რომელმაც უკან არ დაიხია რთული ტექნიკური გამოწვევების წინაშე და ერთ-ერთმა პირველმა შესთავაზა მომხმარებელს საცხოვრებელი კომპლექსის სახურავზე საცურაო აუზების კონცეფცია.ჯამში, შეიძლება ითქვას რომ კომპანიამ ამ და სხვა უამრავ გამოწვევასაც გაუძლო და გააგრძელა მდგრადი განვითარებას. დღეს კომპანიის ანგარიშზე, ქვეყნის მასშტაბით, 6 დასრულებული და 5 მიმდინარე პროექტია. მათი მთავარი ფილოსოფია თარგმნილი კომპანიის მისიაში არის:იყვნენ არა უბრალოდ დეველოპერები, არამედ მომხმარებლის სანდო კომპანიონები ბინის შერჩევის პროცესში, რაც კომპანიის ახალ საგაზაფხულო კამპანიაშიც ნათლად აისახა. რა შეიცვალა დეველოპერულ ინდუსტრიაში, როგორია დედაქალაქის ურბანული მოთხოვნები და რა ახალ პროექტებს სთავაზობს კომპანია მომხმარებლებს? სტუმარი: მარიამ მახარაძე - X2 დეველოპმენტის მარკეტინგის მენეჯერი #ახალიამბები #BusinessMediaGeorgia
კომპანია არქი ერთ-ერთი წამყვანი და უმსხვილესი დეველოპერია სამშობლო საქართველოში და მთლიანად, ჩვენს რეგიონშიც. კომპანია თავად პოზიციონირებს როგორც #1 დეველოპერი საქართველოში და ამ სტატუსისთვის კომპანია უძრავი ქონების ბაზარზე დამკვიდრებულ ტრადიციას, როგორიც “არქის ფასდაკლების დღეა” არ ღალატობს. „არქი“ ჩვენთან არის სტუმრად, რომ უფრო ვრცლად გვიამბოს ამ კამპანიისა და იმ საინვესტიციო შესაძლებლობის შესახებ, რომლის უკანაც წლების გამოცდილება და სტატისტიკა დგას. სტუმარი: თალალო ძავაშვილი - "არქის" პერსონალური მრჩეველი; #ახალიამბები #BusinessMediaGeorgia
გუდვილის მეთერთმეტე ფილიალი კრწანისში, გრანდე კრწანისის ტერიტორიაზე გაიხსნა. ბრენდის ახალი ფილიალი სრულად იმ კონცეფციას ერგება, რასაც ფრეშ სუპერმარკეტების იდეა მოიაზრებს - პრემიუმ ბრენდები, ადგილობრივი წარმოების მაღალი ხარისხის პროდუქცია, ადგილზე დამზადებული კერძები, საკვები სივრცე და სხვა ყველა ის დეტალი, რომელსაც გუდვილი თავის ყველა ფილიალში აერთიანებს. მნიშვნელოვანია, რომ უშუალოდ ამ ახალ ობიექტში მიტანის სერვისიც იმოქმედებს და გარდა ამისა, ობიექტის დიზაინი სრულად მის კონცეფციას ერგება. #ახალიამბები #BusinessMediaGeorgia
აპრილის დადგომასთან ერთად “ჯიპისი” მომხმარებელს სიახლეებით ელის. კომპანიის ყველა ფილიალში, ასევე ონლაინ შეძენისას - ფასდაკლებები მოქმედებს. ჯიპისი გაციფრულებასაც აგრძელებს და მომხმარებლისთვის ონლაინ შოპინგი უფრო კომფორტული გახდა. #ახალიამბები #BusinessMediaGeorgia
ბაქოში Entrée-ს მეათე კაფე ბაკიხანოვის პროსპექტზე გაიხსნა. როგორც BM.GE-ის კომპანიაში განუცხადეს, აზერბაიჯანში ქსელის განვითარებისთვის 300 000 ევროს ინვესტიცია განახორციელეს და დამატებით 7 ადამიანი დაასაქმეს. დღეისათვის ბაქოში, Entrée-ს 147 თანამშრომელი ჰყავს. Entrée-ს თანადამფუძნებელი ჟან მიშელ შარლი აღნიშნავს, რომ ქსელის გაფართოება მოთხოვნის ზრდით არის განპირობებული. არტიზანული საცხობი და კაფეს ქართული ბრენდი აზერბაიჯანის და დიდი ბრიტანეთის შემდეგ აშშ-ში შესვლასაც გეგმავს. რესტორნების ქართულმა ბრენდმა Entrée-მ საერთაშორისო გაფართოება დიდი ბრიტანეთის ბაზრით, 2021 წელს დაიწყო. მას შემდეგ ქსელი საქართველოში, დიდ ბრიტანეთსა და აზერბაიჯანში ვითარდება. დღეისათვის Entrée 3 ქვეყანაში 30 ფილიალს მართავს: თბილისში - 16, ბაქოში - 10, ხოლო ლონდონში 4 ობიექტითა არის წარმოდგენილი. #ახალიამბები #BusinessMediaGeorgia
მსოფლიო შეიარაღების ბაზარზე სარეკორდო თანხები ბრუნავს. გასულ წელს უმსხვილესი სამხედრო კონტრაქტორების ჯამურმა შემოსავალმა თითქმის ნახევარ ტრილიონ დოლარს მიაღწია. გეოპოლიტიკური დაძაბულობის ფონზე, იარაღის წარმოება ერთ-ერთ ყველაზე მომგებიან სფეროდ რჩება, თუმცა ამ უზარმაზარ კაპიტალს მხოლოდ რამდენიმე მთავარი მოთამაშე ინაწილებს. ბაზარზე კვლავ შეერთებული შტატების აბსოლუტური დომინაცია ნარჩუნდება, რომლის მთავარ კონკურენტადაც თანდათან ჩინეთი ყალიბდება. ვის ხელშია მსოფლიო სამხედრო ინდუსტრია და სად მიდის ასეულობით მილიარდი დოლარი? #ახალიამბები #BusinessMediaGeorgia
მსოფლიო შეიარაღების ბაზარზე სარეკორდო თანხები ბრუნავს. გასულ წელს უმსხვილესი სამხედრო კონტრაქტორების ჯამურმა შემოსავალმა თითქმის ნახევარ ტრილიონ დოლარს მიაღწია. გეოპოლიტიკური დაძაბულობის ფონზე, იარაღის წარმოება ერთ-ერთ ყველაზე მომგებიან სფეროდ რჩება, თუმცა ამ უზარმაზარ კაპიტალს მხოლოდ რამდენიმე მთავარი მოთამაშე ინაწილებს. ბაზარზე კვლავ შეერთებული შტატების აბსოლუტური დომინაცია ნარჩუნდება, რომლის მთავარ კონკურენტადაც თანდათან ჩინეთი ყალიბდება. ვის ხელშია მსოფლიო სამხედრო ინდუსტრია და სად მიდის ასეულობით მილიარდი დოლარი? #ახალიამბები #BusinessMediaGeorgia
საფრანგეთის ქალაქ ნომექსის არჩევნებში 19 წლის ახალგაზრდამ გაიმარჯვა #ახალიამბები #BusinessMediaGeorgia
რამ გამოიწვია Microsoft-ის 35%-იან ვარდნა? #ახალიამბები #BusinessMediaGeorgia
ნაძალადევში მდებარე მე-14 საჯარო სკოლის მშენებლობაზე ტენდერი ჯერ კიდევ არ გამოცხადებულა. საუბარია სკოლაზე, სადაც სასწავლო პროცესი უკვე 4 წელია შეწყვეტილია, 4 წლის განმავლობაში სკოლის მოსწავლეები მეორე და მესამე ცვლაში სამარშრუტო ტაქსებით, კილომეტრების მოშორებით დადიან, განათლების სამინისტრო კი წლებია საკითხზე არ რეაგირებს. არაერთი პროტესტის მიუხედავად ათობით სკოლის და ათასობით ბავშვის ბედი წლებია გაურკვეველია. რა იციან მოსწავლეებმა და მშობლებმა? სტუმრები: ნიკა ჩერქეზიშვილი - “ლელოს” წევრი; ელენე კერესელიძე - მოსწავლის მშობელი #ახალიამბები #BusinessMediaGeorgia
ბოლო დღეების განმავლობაში სოციალურ ქსელებში მიუსაფარ ცხოველებთან მიმართებით არაერთი შემზარავი ფოტო და ვიდეო მასალა გავრცელდა. ცხოველთა დამცველების ინფორმაციით, მაგ. 30 მარტს ზუგდიდიდან სურსათის ეროვნული სააგენტოს წარმომადგენლებმა გასტერილებული და აცრილი ძაღლები დაიჭირეს, გალიებში ჩაკეტეს და ქუთაისის სახელმწიფო თავშესაფარში გადაიყვანეს. მოქალაქეების ინფორმაციით, დაგეგმილია ცხოველების ევთანაზია რასაც როგორც თავშესაფრის, ისე სურსათის ეროვნული სააგენტოს თანამშრომლები პირად საუბარში ადასტურებენ. სავარაუდოდ მათ დაუსახლებელ ადგილებში გაუშვებენ, რაც ცხოველისთვის ნელი, მტანჯველი სიკვდილის ტოლფასია. ინფორმაციას გუშინ სურსათის ეროვნული სააგენტო გამოეხმაურა. სეს-ი ირწმუნება, რომ მიუსაფარი ცხოველების ევთანაზიის შესახებ გავრცელებული ცნობები სიმართლეს არ შეესაბამება.უწყების განმარტებით, ძაღლების გადაყვანა ხდება მხოლოდ ვეტერინარული ღონისძიებების ჩასატარებლად, რაც მოიცავს ვაქცინაციას, ჩიპირებასა და სტერილიზაციას. სააგენტოში ასევე აღნიშნავენ, რომ მიუსაფარი ცხოველები პროცედურების დასრულების შემდეგ უბრუნდებიან გარემოს, გარდა იმ ადგილებისა, სადაც მათი ყოფნა უსაფრთხოების რისკებს ქმნის. უწყება ხაზს უსვამს, რომ ჰიპერპოპულაციის ერთ-ერთი მთავარი მიზეზი ცხოველების ქუჩაში მიტოვებაა და მოუწოდებს მოსახლეობას, თავი შეიკავონ დაუზუსტებელი ინფორმაციის გავრცელებისგან. სტუმარი: ნათია ჩიქოვანი - Animal Project-ის თანადამფუძნებელი #ახალიამბები #BusinessMediaGeorgia
მესტიაში მოქმედი სასტუმრო ბიზნესისთვის ელექტროენერგიის ტარიფის ზრდა სერიოზულ პრობლემად სახელდება. როგორც ადგილობრივი ინდუსტრიის წარმომადგენლები აცხადებენ, არაგაზიფიცირებულ რეგიონში, სადაც გათბობის ერთადერთი წყარო ელექტროენერგიაა, ტარიფის გაძვირება ხარჯების მკვეთრ ზრდას იწვევს, მით უფრო იმ ფონზე, რომ გლობალურად შექმნილი ვითარების გამო, რეგიონი ისედაც ტურისტების სიმცირეს განიცდის. სასტუმრო სექტორის ნაწილი ამბობს, რომ სვანეთში ტურისტული ობიექტები უკვე გადარჩენის რეჟიმში მუშაობენ და შესაბამისად გაზრდილი ხარჯები მათ ოპერირებას კიდევ უფრო ართულებს. რა გავლენას ახდენს ბიზნესზე სემეკ-ის გადაწყვეტილება, რომელმაც საქართველოში ელექტროენერგიის ტარიფი გაიზარდა? სტუმარი: ეკატერინე გველესიანი - სასტუმრო „ფალიანი“, დამფუძნებელი #ახალიამბები #BusinessMediaGeorgia
ჩვენი სამოგზაურო რუბრიკის მხარდამჭერია ციფრული გადახდების გლობალური ლიდერი VISA. ამ რამოდენიმე წუთში კი გაიგებთ პასუხს იმ კითხვებზე რომელზეც მოგზაურობის დაგეგმვისას მუდამ გეფიქრებათ. შევეცდებით განვიხილოთ ყველა ის აქტუალური საკითხი რომელიც წლების მანძილზე მუდმივად გვხვდება სამუშაო პროცესში. ჩემი დღევანდელი სტუმარი არის ძალიან საინტერესო ადამიანი, ვისი გამოცდილებაც ტურისტულ ინდუსტრიაში მრავალ წელს ითვლის. თითქმის 20 წლის წინ როცა მეც შევუერთდი ტურიზმის ოჯახს გიორგი იყო ერთ-ერთი პირველი ადამიანი ვისგანაც უამრავი რამ ვისწავლე. რუბრიკის ავტორი&წამყვანი: ანა კირკიტაძე - Winglet, დამფუძნებელი; სტუმარი: გიორგი შენგელია - “კავკასიის ტურისტული ჰოლდინგის” გენერალური დირექტორი; #ახალიამბები #BusinessMediaGeorgia
საქართველოს ბიზნეს ასოციაციას, კიდევ ერთი მსხვილი და ტექნოლოგიური ლიდერი კომპანია შეუერთდა. ენ ჯი თი ჯგუფი, რომელიც უკვე 19 წელია ქართულ ბაზარზე ინოვაციური ბიზნეს გადაწყვეტილებების მთავარი პროვაიდერია, ოფიციალურად გახდა BAG-ის წევრი. NGT დღეს 25-ზე მეტ საერთაშორისო ბრენდს წარმოადგენს და ისეთ ცნობილ მიმართულებებს აერთიანებს, როგორიცაა სიგნიფაი, ელვარე, დოქტრა და სხვა. კომპანიის პორტფელში 1000-ზე მეტი წარმატებული პროექტია, საქმიან დილაში მეტს მოვიკითხავთ ენ ჯი თი ჯგუფზე და პარტნიორობაზე ბიზნეს ასოციაციასთან. სტუმრები: ლევან ვეფხვაძე - საქართველოს ბიზნეს ასოციაცია, აღმასრულებელი დირექტორი; დავით ხოსიაშვილი - NGT, თანადამფუძნებელი და გენერალური დირექტორი; ზვიად წოწკოლაური - SIgnify-ის თანადამფუძნებელი და მმართველი პარტნიორი #ახალიამბები #BusinessMediaGeorgia
ცენტრალური აზია სულ უფრო მზარდი და საინტერესო ბაზარი ხდება ქართული ბიზნესისთვის. 2026 წლის 28-30 აპრილს, ტაშკენტი რეგიონის უმსხვილეს სამედიცინო ფორუმს Tashkent International Healthcare Exhibition უმასპინძლებს. ეს არის გამოფენა, რომელიც 1995 წლიდან განსაზღვრავს ჯანდაცვის ინდუსტრიის ტრენდებს და აღიარებულია მსოფლიო საგამოფენო ინდუსტრიის ასოციაციის მიერ. წლევანდელი გამოფენა ჩვენთვის განსაკუთრებულია და ასეთივე ყურადღებას დავუთმობთ. საქართველოდან BMG და მისი სამედიცინო გადაცემები სტენდით იქნება წარმოდგენილი. ეს კი იმას ნიშნავს, რომ ქართული სამედიცინო სექტორი, ფარმაცია და ესთეტიკური მედიცინა უზბეკეთის მასშტაბურ და ზრდად ბაზარზე გაშუქდება BMG-ის გუნდის მიერ. აღსანიშნავია, რომ ამ პროცესის ორგანიზატორი და გამოფენების ექსკლუზიური წარმომადგენელი საქართველოში კომპანია ლოიალტეა. რაც მთავარია, BMG-ის მაყურებელი საერთაშორისო სამედიცინო ფორუმიდან არაფერს გამოტოვებს და ტაშკენტიდან პირდაპირ რეჟიმში გაგაცნობთ ყველა სიახლეს. სტუმრები: გიგა ფაიქიძე - Loialte-ს დამფუძნებელი და მმართველი პარტნიორი; ბაჩანა შელია - Loialte უზბეკეთის მმართველი პარტნიორი; მარიამ ხელაძე - პროექტების ხელმძღვანელი, შპს "რემარტინი" #ახალიამბები #BusinessMediaGeorgia
წარმოების აუთსორსინგი მსოფლიოში დამკვიდრებული პრაქტიკაა, რომელსაც წლებთან ერთად კიდევ უფრო მეტი ბიზნესის ითვისებს. მეტიც, ბევრი ქვეყანა ამ კუთხით ნამდვილ ჰაბადაც ჩამოყალიბდა. რა უპირატესობას აძლევს ეს ბიზნესს და როგორ იზრდება ბაზარი გლობალურად? #ახალიამბები #BusinessMediaGeorgia
მხოლოდ ქართულის რუბრიკის ფარგლებში კომპანია სთარ ენთერპრაისი უნდა გაგაცნოთ, რომელიც ჯამში 12 სახეობის სოუსებს აწარმოებს. კომპანია ბითუბი და რითეილ მომხმარებელზე კონცენტრირდება, მიზანი კი იმპორტის ჩანაცვლებაა. სთარ ენთერფრაისი - საკუთარ ბრენდს ტორჩის აერთიანებს, თუმცა ამ ეტაპისთვის კომპანია ინტენსიურად მუშაობს „პრაივეტ ლეიბლის“ წარმოების მიმართულებით და პარტნიორებს სწორედ ამ მოდელით ემსახურება. კომპანია მომხმარებელს წარმოების სრულ ციკლს სთავაზობს - რეცეპტისა და ბრენდის შერჩევიდან დაწყებული, მზა პროდუქციის სტაბილური მიწოდებით დასრულებული. სტუმრები: ვაჩე ჩინჩალაძე - “სტარ ენთერფრაის”, დამფუძნებელი; ალექსანდრე ჩხეიძე - “სტარ ენთერფრაის”, დამფუძნებელი და კომერციული დირექტორი მარიამ იზორია - #მხოლოდქართული, ავტორი; #ახალიამბები #BusinessMediaGeorgia
პროკრედიტ ბანკმა და საფრანგეთის განვითარების სააგენტოს ჯგუფის წევრმა „პროპარკო”-მ ხელი მოაწერეს ხელშეკრულებას ARIZ პორტფელის თანამონაწილეობაზე, რომლის მიზანია საქართველოში მოქმედი მიკრო, მცირე და საშუალო საწარმოებისთვის ფინანსებზე ხელმისაწვდომობის გაზრდა. “პროპარკო”, პროკრედიტ ბანკთან ერთად გარკვეულ სესხებზე საკრედიტო რისკის ნაწილს იზიარებს. #ახალიამბები #BusinessMediaGeorgia
საქართველოს სატრანზიტო ფუნქციის გაძლიერება პირდაპირპროპორციულია იმ ტექნოლოგიური ინფრასტრუქტურის განვითარებისა, რომელიც ქვეყნის მთავარ ლოგისტიკურ დერეფნებს ემსახურება. 2025 წლის ოქტომბრიდან, თბილისის შემოვლით გზაზე — სატვირთო გადაზიდვების მთავარ არტერიაზე — ოპერირება დაიწყო შვედური ბრენდის, Scania-ს ოფიციალურმა სერვის ცენტრმა. ბიზნესისთვის, სადაც დრო პირდაპირ კონვერტირდება ფულში, ავტორიზებული სერვისი აღარ არის ფუფუნება — ეს არის ოპერაციული ეფექტურობის გარანტია. ლიცენზირებული პროგრამული დიაგნოსტიკა, ორიგინალი სათადარიგო ნაწილების სრული საწყობი და მობილური ჯგუფები, რომლებიც ადგილზე მომსახურებას უზრუნველყოფენ — ეს იმ სერვისების მცირე ჩამონათვალია, რაც რეგიონულ გადამზიდველებს სამუშაო პროცესის ოპტიმიზაციაში ეხმარება. როგორია სერვისის სტანდარტი, რატომ არის კრიტიკული ორიგინალი კომპონენტების გამოყენება ავტოპარკის „ჯანმრთელობისთვის“ და რა ეკონომიკურ რენტაბელობას სთავაზობს ბრენდი მომხმარებლებს? #ახალიამბები #BusinessMediaGeorgia
გლობალური ფინანსური სიმძლავრეების გადანაწილების ფონზე, ტრადიციული დასავლური ჰეგემონია პოზიციებს თმობს. უახლესი მაკროეკონომიკური მაჩვენებლების მიხედვით, ამერიკისა და ევროპის წამყვანი სახელმწიფოების ზრდის ტემპის შენელების პარალელურად, ძირითადი ინდუსტრიული და საინვესტიციო ნაკადები მზარდი ბაზრებისკენ მიემართება. რა სტრუქტურულმა ფაქტორებმა განაპირობა მოწინავე ქვეყნების მკვეთრი ჩამორჩენა და როგორ ყალიბდება ინდოეთი მსოფლიოს ახალ ეკონომიკურ ავანგარდად? #ახალიამბები #BusinessMediaGeorgia
#საქმიანიდილა - 2 აპრილი - პროლოგი #ახალიამბები #BusinessMediaGeorgia
NASA-მ მთვარისკენ ადამიანები წარმატებით გაუშვა - Artemis II-ის ისტორიული მისია დაიწყო #ახალიამბები #BusinessMediaGeorgia
ინტერვიუ CNN-ის მოსკოვის ბიუროს ყოფილ ხელმძღვანელთან ინტერვიუ: ჯილ დოერთი - ამერიკელი ჟურნალისტი, CNN-ის მოსკოვის ბიუროს ყოფილი ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia