საქართველოში წარმოებული ალკოჰოლური სასმელების ხარისხის კონტროლის მიმართულებით, ღვინის ეროვნული სააგენტო აქტიურად ახორციელებს საწარმოების შემოწმებას და საინსპექციო კონტროლს. იანვარ-აგვისტოში ღვინის კომპანიები ჯამში 25 ათასი ლარით დაჯარიმდნენ, სააგენტოს მონაცემებით, 5 კომპანიაში 15 შემოწმება ჩატარდა, ხოლო სხვადასხვა კონტროლის ფარგლებში დარღვევები 10 კომპანიის 19 ნიმუშში გამოვლინდა და სულ 17 ჯარიმა გამოიწერა.

ასევე კიდევ ერთი სიახლეა, ღვინის სექტორში. 1-ელი სექტემბრიდან საქართველოში წარმოებული და ადგილობრივ ბაზარზე გასაყიდი ღვინის შესაბამისობის სერტიფიკატის საფასური 10 ლარი გახდა. აქამდე ეს მომსახურება უფასო იყო. მეღვინეები ამბობენ, რომ ახალი რეგულაცია მათთვის მხოლოდ დამატებით ხარჯს არ ნიშნავს და სერტიფიცირების პროცედურა მნიშვნელოვნად ართულებს ღვინის რეალიზაციის პროცესს. რა გავლენას ახდენს ცვლილება მცირე მარნებზე და რამდენად ზრდის ის ღვინის თვითღირებულებას?

სტუმარი: შალვა ქურდაძე - ღვინის მარანი „ფაფრის ველის“ დამფუძნებელი

#ახალიამბები #BusinessMediaGeorgia