#საქმიანიდილა - 4 ივნისი - პროლოგი #ახალიამბები #BusinessMediaGeorgia
Ripple Space საერთო სამუშაო სივრცეა რომელმაც ზღვისპირა ქალაქში ოპერირება სულ ახლახან დაიწყო. თუმცა დიდი გეგმებით და მიზნებით. თავდაპირველი იდეა მეწარმეების ხელშეწყობას უკავშირდებოდა და დღემდე ამ კონცეფციას მიჰყვება. დღეს Ripple Space საერთო სამუშაო სივრცესთან ერთად, საინტერესო ღონისძიებების მასპინძელია. აღსანიშნავია, რომ რიფლი სფეისს არაერთი წარმატებული თანამშრომლობა ჰქონდა საქართველოს ბანკთან. ეს პროცესი კი სამომავლოდაც გაგრძელდება. ანა ავეჩბა - Ripple Space-ის დამფუძნებელი #ახალიამბები #BusinessMediaGeorgia
ხევსურეთში რუსული ჭურვის შედეგად დაზიანებული კოშკის აღდგენის ქართულმა პროექტმა მემკვიდრეობის სფეროში ევროპის უმაღლესი აღიარების ჯილდო მოიპოვა. საქართველოს ეროვნული ფონდის მიერ გავრცელებული განცხადების მიხედვით, „ევროპა ნოსტრას“ ერთ-ერთი გამარჯვებული ქართული კულტურული მემკვიდრეობის - ცისკარაულების კოშკის რეაბილიტაციაა, რომელიც დასავლელი პარტნიორების დაფინანსებით გახდა შესაძლებელი და ამასთან, "ქართველი და ევროპელი პროფესიონალებისა და ახალგაზრდა მოხალისეების ერთობლივი მუშაობის შედეგია". "ევროპა ნოსტრა“ ევროპის ყველაზე მასშტაბური და წარმომადგენლობითი ორგანიზაციაა მემკვიდრეობის დაცვის საკითხებში. ის პარიზში 1963 წელს დაარსდა და 40-ზე მეტ ქვეყანას აერთიანებს. სტუმრები: ლელა ნინოშვილი - პროექტის რესტავრატორი; სალომე ცისკარაული - პროექტის თანამენეჯერი; #ახალიამბები #BusinessMediaGeorgia
ჭარბთმიანობა ანუ ჰირსუტიზმი არის მამაკაცური ტიპით თმიანობის განვითარება ქალებში. ხშირად ის აღიქმება როგორც კოსმეტიკური (ანუ გარეგნობის) პრობლემა, მაშინ როდესაც ის შეიძლება იყოს არა ერთი ენდოკრინული დაავადების გამოვლინება. რატომ უნდა მივმართოთ პირველ რიგში ექიმს კოსმეტიკური პროცედურების დაწყებამდე და რა დაავადებები იწვევს თმიანობის მატებას ქალებში? სტუმარი: ნინო ხაბეიშვილი - ექიმი ენდოკრინოლოგი #ახალიამბები #BusinessMediaGeorgia
საქსტატის წინასწარი შეფასებით, 2024 წლის აპრილში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) ზრდამ 11.8 პროცენტი შეადგინა, ხოლო 2024 წლის პირველი ოთხი თვის საშუალო მაჩვენებელი 9.0 პროცენტით განისაზღვრა. აპრილის განმავლობაში კერძო სექტორის, ანუ დღგ-ის გადამხდელი კომპანიების ბრუნვა წლიურად 19%-ით გაიზარდა და მან 12.8 მილიარდ ლარს მიაღწია. 2024 წლის აპრილში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: დამამუშავებელი მრეწველობა, მშენებლობა, ინფორმაცია და კომუნიკაცია, ტრანსპორტი და დასაწყობება, ვაჭრობა, პროფესიული, სამეცნიერო და ტექნიკური საქმიანობები. კლების ტენდენცია დაფიქსირდა ენერგეტიკის სექტორში. სტუმარი: აკაკი ცომაია - ეკონომისტი; #ახალიამბები #BusinessMediaGeorgia
გასული თვე, ანუ მაისი, ევროზონაში ბიზნეს აქტივობის თვალსაზრისით საკმაოდ ნაყოფიერი აღმოჩნდა და ერთწლიან პერიოდში ევროზონის 19 ქვეყნის ეკონომიკის საერთო სიჯანსაღის ინდექსი ყველაზე მაღალ, 52.3 პუნქტიან ნიშნულზე დაფიქსირდა. რამ განაპირობა ეს მოცემულობა და ამ შედეგის კვალდაკვალ როგორია სურათი ევროპის უმსხვილეს ეკონომიკებში, გერმანიასა და საფრანგეთში, ასევე რა პროგნოზებზე საუბრობენ ეკონომისტები? #ახალიამბები #BusinessMediaGeorgia
#ავიაციისსიახლეები: ✈️ თბილისი-ურუმჩის მიმართულებით პირდაპირი ავიარეისი შესრულდა; ✈️ TAV Georgia-მ შანხაიშიITB China 2024 – ში მიიღო მონაწილეობა; ✈️ “თუ ევროპა არ იქნება, არც რუსული ავიარეისები იქნება”- გიორგი კოდუა; ✈️ Singapore Airlines-ი უსაფრთხოების წესებს ცვლის; ✈️ Saudia Group-მა Airbus-ს 105 თვითმფრინავი შეუკვეთა; ✈️ ძაღლების გადამყვანმა პირველმა ავიაკომპანიამ ოპერირება დაიწყო; გასული კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
ISET-ის კვლევითი ცენტრის შეფასებით, ე.წ ოფშორების კანონი საქართველოს საგადასახადო ხვრელად ქცევის რისკებს წარმოშობს. როგორც ორგანიზაციის მიერ გამოქვეყნებულ სამართლებრივ შეფასებაშია ნათქვამი, ოფშორული ზონებიდან საქართველოში აქტივების გადმოტანის საგადასახადო შეღავათი ქმნის რისკებს, რომ ქვეყანაში საეჭვო წარმომავლობის კაპიტალი შემოვიდეს. ორგანიზაცია მიიჩნევს, რომ მსგავსი ცვლილებები საკანონმდებლო ბაზაში ქმნის მარეგულირებელ გაურკვევლობას ქვეყანაში, რამაც შეიძლება, თავის მხრივ, შეაჩეროს ლეგიტიმური ინვესტორები, რომლებიც პრიორიტეტს ანიჭებენ სტაბილურ და გამჭვირვალე ბიზნეს გარემოს. ორგანიზაციაში არ გამორიცხავენ, რომ ოფშორების საგადასახადო შეღავათმა შეიძლება დაარღვიოს ისეთი ორგანიზაციების სტანდარტები, როგორიცაა მაგალითად OECD-ი. სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი; #ახალიამბები #BusinessMediaGeorgia
ბავშვთა დაცვის საერთაშორისო დღე ავერსმა განსაკუთრებული შეთავაზებებით აღნიშნა. ყველა ფილიალში როგორც ბავშვის კვების ისე მოვლის საშუალებებზე ფასდაკლებები მოქმედებდა, ასევე 50 პროცენტიანი ფასდაკლება ორი დღის განმავლობაში მომხმარებლების საყვარელ ბრენდ ჩიპოლინოზე მოქმედებდა. აღსანიშნავია, რომ პირველიდან ათი ივნისის ჩათვლით მოქმედებს გათამაშებებიც. ყველა მომხმარებელს აქვს შანსი, რომ ბავშვისთვის განკუთვნილი პროდუქციის შეძენის შემთხვევაში დასაჩუქრდეს ჩიპოლინოს სკუტერით, ველოსიპედით, ბაიკით, ფოტო აპარატით და 100 ლარიანი ვაუჩერით. როგორც თბილისის ისე რეგიონების ფილიალებში პატარებს ხვდებათ მათთვის საყვარელი ჟირაფი ჟოზე, რომელიც მათ განწყობაზე იზრუნებს და ასევე, გათამაშებაში მიღებულ პროდუქციასაც სწორედ ის გადასცემს მომხმარებელს. ავერსში სადღესასწაულო განწყობა დღემდე გრძელდება და 10 ივნისამდე მომხმარებლებს ამ შეთავაზებების მიღება შეეძლებათ. #ახალიამბები #BusinessMediaGeorgia
ბოლნისში, ძველ გერმანულ უბანში არემჯის მხარდაჭერით ბოლნისის ადგილწარმოშობის ღვინის ფესტივალი გაიმართა. აღსანიშნავია, რომ დაცული ადგილწარმოშობის დასახელება ღვინის მახასიათებლების ერთ-ერთი მნიშვნელოვანი მანიშნებელია, რომელიც ამ ნიშნით აღიარებულ ღვინოებს სხვა ღვინოებისგან უპირატესად წარმოაჩენს. ფესტივალის მიზანი მეღვინეთა შორის ადგილწარმოშობის ოფიციალური ნიშნის შესახებ პოპულარიზაცია და ცნობადობის გაზრდაა. მიღმა გამოფენისა, ბოლნისში კონკურსში გამარჯვებული ღვინოებიც გამოვლინდა. ინფორმაციისთვის: არემჯი 2022 წელს ოფიციალურად შეუერთდა გაეროს გლობალური შეთანხმების პრინციპებს და გახდა გლობალური შეთანხმების საქართველოს ქსელის წევრი. კომპანიის ყველა მსხვილი კორპორაციული პასუხისმგებლობის პროექტები მდგრადი განვითარების მიზნებთან არის თანხვედრაში. ბოლნისელი მეღვინეების მხარდაჭერის პროგრამა, სწორედ მე-8 მიზანს ეხმიანება და ბოლნისის ადგილწარმოშობის დასახელების ღვინის ფესტივალი ამ პროგრამის ფარგლებში განხორციელებული პროექტია. #ახალიამბები #BusinessMediaGeorgia
კომპანია ტრანსპორტერის მხარდაჭერითა და ტრანსპორტერ კლუბის ორგანიზებით 2 ივნისს, რუსთავის საერთაშორისო ავტოდრომზე, ტრანსპორტერ ლიგის პირველი ეტაპი - მოტო დრაგში ჩატარდა. მასში მონაწილეობა 70-მდე მოტოოყვარულმა მიიღო, რომლებიც მოტოების ტექნიკური მახასიათებლების მიხედვით, 6 კლასში იყვნენ გადანაწილებულები. მოტო დრაგი რუსთავში მთელი დღის განმავლობაში მიმდინარეობდა და საბოლოოდ 6 გამარჯვებულის გამოვლენით დასრულდა. #ახალიამბები #BusinessMediaGeorgia
1 ივნისს, ბავშვთა დაცვის საერთაშორისო დღეს, მაკდონალდს საქართველომ Mac Happy Day-ის ტრადიციული საქველმოქმედო კამპანია დაიწყო. კამპანიის მთავარი მიზანი, წინა წლების მსგავსად, სხვადასხვა განსაკუთრებული საჭიროების მქონე ბავშვთა გარემოს გაუმჯობესება, საზოგადოებასთან ინტეგრაცია და მათი განათლების ხელშეწყობაა. წელს, კამპანიის ფარგლებში მაკდონალდს საქართველო თბილისის აუტიზმის ცენტრის „პირამიდას“ ბენეფიციარებს დაეხმარება. #ახალიამბები #BusinessMediaGeorgia
#საქმიანიდილა - 3 ივნისი - პროლოგი #ახალიამბები #BusinessMediaGeorgia
"ოფშორების კანონი": რისკები სტუმარი: ფადი ასლი - ICC- Georgia-ს თავმჯდომარე; საუბარს სინქრონულად თარგმნის NG Georgia #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
რა განწყობა აქვთ საქართველოს სტარტაპ ეკო სისტემის ინვესტორებს? სტუმარი: გური ქოიავა - "აქსელის" და "სტარტაპ ბიუროს" თანადამფუძნებელი; #ახალიამბები #BusinessMediaGeorgia
დედაქალაქში განაშენიანება როგორც ხდება ბოლო ორი ათწლეულია არავისთვის დამალული და უცხო არ არის თუმცა ის რაც ვიზუალურად არც ისე კარგი სანახავია უსაფრთხო გარემოსთანაც კონფლიქტში მოდის. 2023 წლის გეოლოგიური ბიულეტენის მიხედვით, გამომდინარე იქიდან, რომ დედაქალაქში ოპტიმალურად ასათვისებელი ფართობი თითქმის აღარ არის, ქალაქის გაფართოება იმ არეალებში დაიწყო, სადაც ადრე გეოლოგიური და საინჟინრო ნორმებიდან გამომდინარე, მშენებლობა დაუშვებლად ითვლებოდა.დოკუმენტში საუბარია იმ საფრთხეებზეც, რომელიც შესაბამისი პირობების წარმოქმნის შემთხვევაში, შესაძლოა, განვითარდეს. ამასთან, თბილისში დასახელებულია უბნები, სადაც გეოლოგიური პროცესების გააქტიურებაა მოსალოდნელი. სტუმარი: ზურაბ ჯავახიშვილი - ილიას უნივერსიტეტის პროფესორი, სეისმოლოგი; #ახალიამბები #BusinessMediaGeorgia
ბავშვთა დაცვის საერთაშორისო დღეს ავერსი გამორჩეულად ხვდება. 1 ივნისთან დაკავშირებით კომპანიამ მომხმარებლისთვის პროდუქციაზე ფასდაკლებები მოამზადა. გარდა ამისა, ავერსის სააფთიაქო ქსელში ბავშვების განწყობაზეც იზრუნებენ. რა შეთავაზებები აქვს კომპანიას პირველ ივნისთან დაკავშირებით? ეკა ხაფავა - “ავერსის” ბრენდის წარმომადგენლების ხელმძღვანელი; მარიამ იზორია - #BMG-ის რეპორტიორი; #ახალიამბები #BusinessMediaGeorgia
მსოფლიოს არაერთ ქვეყანაში და მათ შორის საქართველოში, ხვალ ბავშვთა დაცვის საერთაშორისო დღე აღინიშნება. სწორედ ამ დღესთან დაკავშირებით, ფარმაცევტული კომპანია "ჯიპისი" მომხმარებელს განსაკუთრებულ პირობებს სთავაზობს. რა შეთავაზებები დახვდებათ "ჯიპისის" ფილიალებში მისულ მომხმარებელს? ლიკა მეგუთნიშვილი - #BMG-ის რეპორტიორი; #ახალიამბები #BusinessMediaGeorgia
2024 წლის I კვარტალში ადგილობრივი ტურიზმი გაიზარდა. საქსტატის მონაცემებით, იანვარ-მარტში საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა წლიურად 8.8%-ით გაიზარდა. ვიზიტების რაოდენობა კი წინა წლის ანალოგიური პერიოდის მაჩვენებელს 6.8%-ით აღემატებოდა. ვინ და რა მიზნობრიობით მოგზაურობს საქართველოში და როგორია მიმდინარე სეზონისთვის ფასები #ახალიამბები #BusinessMediaGeorgia
ბათუმი ტურისტული, აქტიური სეზონისთვის ემზადება, შესაბამისად, ხალხმრავლობა ქალაქის ქუჩებში უკვე შეინიშნება. ადგილობრივებთან ერთად, ბათუმს უკვე სტუმრობენ საერთაშორისო ვიზიტორები, თუმცა ყველაფერი ჯერ კიდევ წინაა. ლამაზი სანაპიროსთან თუ სასტუმროებთან ერთად, ბათუმს გასართობი ობიექტები გამოარჩევს. შეიძლება ითქვას, რომ ქალაქს საკმაოდ მიმზიდველი ღამის ცხოვრება აქვს, რომლითაც ყოველწლიურად უფრო და უფრო მეტი ტურისტი ინტერესდება. როგორია ღამის ბათუმი დამ არის თუ არა გართობა ქალაქში უკვე აქტიურ ფაზაში? #ახალიამბები #BusinessMediaGeorgia
ჯორჯიან უოთერ ენდ ფაუერმა, ქალაქ რუსთავში, წყალმომარაგების სისტემური გაუმჯობესების პროექტის 2024 წლის შედეგები BNG-ის გააცნო. პროექტის ფარგლებში 2024 წელს 18 მილიონი ლარის ინვესტიცია ხორციელდება. 2024 წლის მაისის მდგომარეობით, ბოლო 6 თვის განმავლობაში GWP-მ ქალაქ რუსთავის წყალმომარაგების და წყალარინების ქსელებზე16 სარეაბილიტაციო პროექტი უკვე დაასრულა და ამ ეტაპზე დამატებით 6 პროექტზე მუშაობს. GWP-ის მფლობელმა, ესპანურმა კომპანია Aqualia-მ დეტალურად შეისწავლა, რუსთავის წყალმომარაგების სისტემა და არსებული გამოწვევები. #ახალიამბები #BusinessMediaGeorgia
"როდესაც ბიზნესში ჰიგიენა ყველაზე მნიშვნელოვანია" - ამ იდეით - კომპანია კერხერმა ჰორეკა და სამშენებლო სექტორის წარმომადგენლებისთვის ბათუმში გამოფენა მოაწყო. ღონისძიებაზე პარტნიორ კომპანიებს 50-მდე საყოფაცხოვრებო, ასევე შიდა და გარეგამოყენების პროფესიონალური დასუფთავების ტექნოლოგია წარუდგინეს. გამოფენას 200-მდე სტუმარი ესწრებოდა, მათ საშუალება ჰქონდათ კერხერის მაღალი ხარისხის პროდუქცია თავადვე გამოეცადათ. როგორ ჩაიარა ღონისძიებამ და რა უპირატესობები გამოარჩევს გერმანულ ბრენდს? #ახალიამბები #BusinessMediaGeorgia
მოტო მოყვარულებისთვის, ტრანსპორტერ ბაიკერს კლუბი 2 ივნისს გასამართი მოტო დრაგისთვის მზადებას აგრძელებს. კვირის ბოლოსკენ „ტრანსპორტერის ლიგა“ - საქართველოს ჩემპიონატი, რომელიც ტრანსპორტერ ბაიკერს კლუბის ორგანიზებითა და ფედერაციის ეგიდით ტარდება, მოიცავს მთელი წლის განმავლობაში 5 შეჯიბრს. დაგეგმილია შეჯიბრება, როგორც დრაგში, ისე წრიულ რბოლაში. #ახალიამბები #BusinessMediaGeorgia
რას წერს უცხოური მედია საქართველოზე? თიკო ნატმელაძე - BMG-ის რეპორტიორი; #ახალიამბები #BusinessMediaGeorgia
TKT.GE-ის აფიშა: ბასტი ბუბუს და ვარსკვლავების კონცერტი ფილარმონიაში; იტალიური საღამო ქვინს თბილისში; STASI SANLIN-ის საღამო 13TSAMETI-ში; სოფო მურუსიძის და ჯაზის კვარტეტის კონცერტი არტერიაში; #ახალიამბები #BusinessMediaGeorgia
EURO 2024 ის დაწყებამდე 14, საქართველოს საფეხბურთო ნაკრების ისტორიულ შეხვედრამდე კი 18 დღე დარჩა. ყველა მოლოდინში ვართ… პირველ რიგში იმ ემოციის გამოცდა გვინდა, რაც დიდ საფეხბურთო ფორმუმზე ეროვნული ნაკრების გულშემატკივრობას უკავშირდება. ამ უმნიშვნელოვანეს მოვლენას მიტანის სერვისის ერთ-ერთი მსოფლიო ლიდერი კომპანია, ვოლტი განსაკუთრებულ პროექტს უძღვნის. კონკრეტულად კი "ვოლტი საქართველო" ყველაზე გრძელი მანძილის შეკვეთის შესასრულებლად ემზადება და თბილისიდან დიუსელდორფში ნაკრების მხარდასაჭერად ემოციებით და სურვილებით სავსე, საქართველოს დროშას ჩაიტანს. #ახალიამბები #BusinessMediaGeorgia
თბილისში, თიბისის მხარდაჭერით, უზბეკეთის აუთსორსინგის კონფერენცია ჩატარდა, რომელიც საქართველოსა და უზბეკეთს შორის არსებული კავშირის შედეგია. კონფერენციამ ერთგვარი პლატფორმის როლი შეასრულა დამსწრე ბიზნესებისთვის პოტენციური პარტნიორების აღმოსაჩენად და სრული ინფორმაციის მისაღებად უზბეკეთის ბაზარზე არსებული სტრატეგიული უპირატესობების შესახებ. უზბეკეთი მზადაა უზრუნველყოს მნიშვნელოვანი რესურსები და გამოცდილი სამუშაო ძალა იმ ქართული ბიზნესებისთვის, რომლებიც დივერსიფიცირებას და აუთსორსინგის ოპერაციების გაძლიერებას გეგმავენ. კონფერენციაზე დამსწრე ბიზნესები გაეცნენ უზბეკეთის ხელსაყრელ საგადასახადო გარემოს, რომელიც მათ 0%-იან განაკვეთებს სთავაზობს კორპორაციულ, სოციალურ, ქონებისა და მიწის გადასახადებზე; ასევე, მიიღეს წვდომა შრომისუნარიანი ფიზიკური პირების 20 მილიონიან ჯგუფზე, რომლის დიდი ნაწილიც კარგად ფლობს ინგლისურ ენას; მიიღეს ინფორმაცია მრავალჯერადი ვიზის შესახებ, რომელიც 3 წლამდე ვადითაა ხელმისაწვდომი ინვესტორებისთვის, ბიზნესების დამფუძნებლებისა და საინფორმაციო ტექნოლოგიების პროფესიონალებისთვის; ასევე მიიღეს ინფორმაცია, როგორ უნდა დააფუძნონ ბიზნესი 3-6 კვირის განმავლობაში, ისარგებლონ უფასო საოფისე ფართით ერთი წლის განმავლობაში, ხელფასის ანაზღაურებისა და პროფესიული განვითარების შესაძლებლობებით და მიიღეს ინფორმაცია ცენტრალური აზიის ბაზარზე შესვლის შესახებ, IT სერვისების კომპანიების უზბეკეთის IT პარკში გაწევრიანების გზით. #ახალიამბები #BusinessMediaGeorgia
32 ლოკაცია თბილისში სტიქიის მაღალი რისკით 2024 წელს; #ახალიამბები #BusinessMediaGeorgia
#საქმიანიდილა - 31 მაისი - პროლოგი #ახალიამბები #BusinessMediaGeorgia
მსოფლიოში ბაზრებზე ხორბლის ფასი იზრდება. როგორც სექტორის წარმომადგენლები აცხადებენ, რუსეთში ხორბლის მოსავლის აღება ერთი თვის განმავლობაში უნდა დაიწყოს, თუმცა მოსავლის გარკვეული რაოდენობა დაზიანებულია. გაუარესებული მოლოდინების ფონზე სავარაუდოა, რომ სტრატეგიულ პროდუქტზე ფასი კიდევ გაიზრდება. როგორც ცნობილია, საქართველო ხორბლის 99,9%-ს რუსეთიდან ყიდულობს. დღეისათვის ქართულ ბაზარზე ერთი ტომარა ფქვილის ღირებულება 47 ლარია. რა მოლოდინებია ქართულ ბაზარზე, უნდა ველოდოთ თუ არა ძირითად პროდუქტზე ფასის მატებას? სტუმარი: ლევან სილაგავა - საქართველოს ხორბლისა და ფქვილის მწარმოებელთა ასოციაციის აღმასრულებელი დირექტორი #ახალიამბები #BusinessMediaGeorgia
იურიდიულ საკითხთა კომიტეტმა პირველი მოსმენით განიხილა „საგზაო მოძრაობის შესახებ“ კანონში ცვლილება, რომელიც ავტოსატრანსპორტო საშუალებების ინსპექტირების მართვის მონიტორინგის პროცესის შემოღებას ითვალისწინებს. კანონპროექტით, სახმელეთო ტრანსპორტის სააგენტოს ენიჭება უფლებამოსილება განახორციელოს დაკვირვება და მონიტორინგი ავტოსატრანსპორტო საშუალებების ტექნიკური ინსპექტირების პროცესზე. შესაბამისი ცვლილება შედის „ადმინისტრაციულ სამართალდარღვევათა კოდექსში“, რომელიც ავტოსატრანსპორტო საშუალებებისა და მათი მისაბმელების პერიოდული ტექნიკური ინსპექტირების შესახებ ტექნიკური რეგლამენტის დარღვევის შემთხვევაში განსაზღვრავს ჯარიმების ოდენობებს: ა) სახიფათო ხარვეზის შემთხვევაში - 5000 ლარის ოდენობით; ბ) მნიშვნელოვანი ხარვეზის შემთხვევაში - 2000 ლარის ოდენობით; გ) უმნიშვნელო ხარვეზის ან ინსპექტირების ანგარიშში დაფიქსირებული სხვა უზუსტობების შემთხვევაში - 500 ლარის ოდენობით. სტუმარი: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი; #ახალიამბები #BusinessMediaGeorgia
2023 წელს საქართველოში აბსოლუტური სიღარიბის მაჩვენებელი წინა წელთან შედარებით 3.8 პროცენტული პუნქტით შემცირდა და 11.8% შეადგინა. ოფიციალური სტატისტიკის მიხედვით, გასულ წელს აბსოლუტური სიღარიბის მაჩვენებელი ქალაქის ტიპის დასახლებებში 2.9 პროცენტული პუნქტით შემცირდა და 9.4% შეადგინა, ხოლო სოფლის ტიპის დასახლებებში 5.0 პროცენტული პუნქტით შემცირდა და 15.6%-ს გაუტოლდა. საქსტატის ცნობით, სიღარიბის აბსოლუტური მაჩვენებელი წინა წელთან შედარებით შემცირებულია მოსახლეობის ყველა ასაკობრივ ჯგუფში. კერძოდ, 18 წლამდე ასაკობრივ ჯგუფში მაჩვენებელმა 16% შეადგინა (-4.3 პროცენტული პუნქტი), 18-64 წლის ასაკობრივ ჯგუფში - 11.5% (-3.8 პროცენტული პუნქტი), ხოლო 65 წლის და უფროს ასაკობრივ ჯგუფში - 8% (-2.5 პროცენტული პუნქტი). აბსოლუტური სიღარიბის მაჩვენებელი ქალებისათვის შემცირებულია 3.9 პროცენტული პუნქტით და 11.5%ს შეადგენს, ხოლო კაცებისათვის მაჩვენებელი შემცირებულია 3.7 პროცენტული პუნქტით და 12.2%-ს შეადგენს. გუშინ გამოქვეყნებული მონაცემების მიხედვით, საქართველოში საშუალო თვიური შემოსავლები, რაც გულისხმობს ფულად და არაფულად სახსრებს, ერთ შინამეურნეობაზე, წინა წელთან შედარებით გაზრდილია 18.4%-ით გაიზარდა და 1 722 ლარს შეადგინს. ხოლო საშუალო თვიური შემოსავლები ერთ სულზე 20.5%-იან ზრდას აჩვენებს და 521 ლარს უტოლდება. შინამეურნეობების შემოსავლების ძირითად წყარო ფულადი შემოსავლები და ტრანსფერტები სახელდება. დასახლების ტიპის მიხედვით, ქალაქში საშუალო თვიური შემოსავლები ერთ ოჯახზე 24.9%-ით 1 756 ლარამდე გაიზარდა, ხოლო სოფლად - 8.4%-ით 1 664 ლარამდე. სტუმარი: ირაკლი მაკალათია - ეკონომისტი; #ახალიამბები #BusinessMediaGeorgia
ეკონომიკური თავისუფლების შესახებ ორგანულ კანონსა და პარლამენტის დადგენილების პროექტში „ენერგოდამოუკიდებლობის სახელმწიფო კონცეფციის დამტკიცების შესახებ“ ცვლილებები შედის. აღნიშნული ცვლილებების შესახებ დარგობრივი ეკონომიკისა და ეკონომიკური პოლიტიკის კომიტეტმა 27 მაისს იმსჯელა. რა ცვლილებები შედის კანონში და რამდენად შესრულებადია კანონს დამატებული ცვლილებები? სტუმარი: მერაბ ლომინაძე - "თრეიდინგ სოლუშენის" მმართველი პარტნიორი; #ახალიამბები #BusinessMediaGeorgia
ანაკლიის პორტს ჩინური კომპანია ააშენებს სტუმარი: იოსებ ძამუკაშვილი-სეხნიაშვილი - აღმოსავლეთ ევროპის პოლიტიკის ექსპერტი #ახალიამბები #BusinessMediaGeorgia
ჩინელი ინვესტორები ანაკლიის პორტში - ღრმაწყლოვანი პორტის პროექტში სახელმწიფოს პარტნიორი, სავარაუდოდ, ჩინური ჰოლდინგი ხდება. სახელმწიფო კონგლომერატ Сhina Communication Construction-ის და China Harbor Investment-ის მონაწილეობის შექმნილი კონსორციუმი ერთადერთი იყო, რომელმაც ინვესტორის შესარჩევ კონკურსში საბოლოო წინადადება წარადგინა და როგორც პირველმა ვიცე-პრემიერმა თქვა, დიდი შანსია, რომ გამარჯვებულადაც გამოცხადდება. აღსანიშნია, რომ ანაკლიის პორტის სავარაუდო ინვესტორი ჩინური კონსორციუმის შვილობილი კომპანიები აშშ-ის მიერ არის სანქცირებული. ლევან დავითაშვილმა განმარტა, რატომ გამოეთიშა პროცესს მეორე მონაწილე ლუქსემბურგულ-შვეიცარიული კომპანია. მისი თქმით, მათთვის სახელმწიფოს 51%-იანი ჩართულობაც არასაკმარისი იყო. როგორ აფასებენ შავ ზღვაზე ჩინური კომპანიის გამოჩენას კანონმდებლები და ექსპერტები? #ახალიამბები #BusinessMediaGeorgia
როგორია “რუსული კანონის” გავლენა ეკონომიკაზე? სტუმარი: დავით მაისურაძე - "ღრმა სტრუქტურული რეფორმების ცენტრის" დირექტორი; #ახალიამბები #BusinessMediaGeorgia
კანონი „უცხოური გავლენის გამჭვირვალობის შესახებ“ და მისი შესაძლო შედეგები ბიზნესისთვის / #საუბრები ბიზნესსა და ევროკავშირზე ინტერვიუერი: ბაკურ კვარაცხელია - გაეროს გლობალური შეთანხმების საქართველოს ქსელის პროექტებისა და ფონდების მოძიების მიმართულების ხელმძღვანელი; სტუმრები: სოფო ჩაჩანიძე - ACT-ის მმართველი პარტნიორი, განვითარების კონსალტინგის მიმართულების ხელმძღვანელი; ზურაბ ლალაზაშვილი - BDO-ს მმართველი პარტნიორი; #ახალიამბები #BusinessMediaGeorgia
რას დაკარგავს ბიზნესი აშშ-სთან თავისუფალი ვაჭრობის ამოქმედების შანსის ხელიდან გაშვებით? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
2024 წლის იანვარ-აპრილში საქართველოს სავაჭრო ბრუნვამ 6 მილიარდ 563 მილიონი დოლარი შეადგინა რაც წინა წლის ანალოგიურ პერიოდთან შედარებით 2.7%-ით ნაკლები მაჩვენებელია. თუკი გასული წლის მონაცემებით, საქართველოს მთავარ სავაჭრო პარტნიორებს შორის თურქეთისა და რუსეთის შემდეგ აშშ-ი პოზიციონირებდა, პირველი კვარტლის შედეგებით მოცემულობა შეცვლილია და აშშ-ს ა ჩინეთი ანაცვლებს. რამ განაპირობა სავაჭრო ბრუნვის შემცირება, რა ეტაპზეა დღეს საქართველოსა და აშშ-ს შორის სავაჭრო ურთიერთობა და რას ვკარგავთ იმ შესაძლებლობის ხელიდან გაშვებით, რასაც აშშ-თან თავისუფალი ვაჭრობა ჰქვია? #ახალიამბები #BusinessMediaGeorgia
საქართველოს IT სექტორში შემოსავლები და ანაზღაურება რეკორდულ ნიშნულზეა - რისკები და პოტენციალი #ახალიამბები #BusinessMediaGeorgia
#საქმიანიდილა - 30 მაისი - პროლოგი #ახალიამბები #BusinessMediaGeorgia
გუშინ, საქართველოს პარლამენტმა დაძლია საქართველოს პრეზიდენტის ვეტო და აღნიშნული ცვლილებებიც საგადასახადო კოდექსში უკვე შალვა პაპუაშვილის ხელმოწერით ამოქმედდება. მმართველი გუნდის წარმომადგენლები კანონის მიზნად ქვეყანაში ინვესტიციების მოზიდვას ასახელებენ, თუმცა ვერ აკონკრეტებენ, აღნიშნული საგადასახადო შეღავათებით, რა პოტენციური ეკონომიკური სარგებელი შეიძლება მიიღოს ქვეყანამ. ოპოზიცია და სპეციალისტები კი .ე.წ ოფშორების კანონთან დაკავშირებულ რისკებზე საუბრობენ. #ახალიამბები #BusinessMediaGeorgia
2024 წლის პირველ 4 თვეში საქართველომ რუსეთიდან 183.7 მილიონი დოლარის, 240 ათასი ტონა ნავთობი შემოიტანა. თუკი გასულ წელს ნავთობის იმპორტში რუსეთზე 67% მოდიოდა, 2024 წელს კი რუსეთზე ნავთობის იმპორტის 43% მოდის, რაც საწვავის ექსპორტზე თავად რუსეთის მიერ დაწესებულ საექსპორტო შეზღუდვას უკავშირდება. შესაბამისად სტატისტიკა აჩვენებს, რომ საქართველოში საწვავის იმპორტი წინა წლის ანალოგიურ პერიოდთან შედარებით უფრო დივერსიფიცირებული გახდა. თუმცა ეს მხოლოდ პირველი 4 თვის შედეგია, როდესაც რუსეთიდან საწვავის ექსპორტზე შეზღუდვები იყო, რომელიც ივლისის თვემდე მოხსნილია და Senta Petroleum-ის დამფუძნებელი, ზაალ იაკობიძე აცხადებს, რომ, კომპანიებმა რუსულ ბაზარზე გადაწყობა დაიწყეს. ზაალ იაკობიძის თქმით, რუსეთიდან საწვავის შემოტანა საქონელს გააიაფებს. სტუმარი: ვახტანგ იობაშვილი - საქართველოს ნავთობპროდუქტების იმპორტიორთა კავშირის თავმჯდომარე; #ახალიამბები #BusinessMediaGeorgia
ენერგო-პრო ჯორჯია იწყებს ახალ კამპანიას, მოუსმინე ენერგეტიკოსს. კამპანიის ფარგლებში, ენერგო-პრო ჯორჯია, თავის აბონენტებს მიაწვდის ინფორმაციას უსაფრთხოების შესახებ, როგორ უნდა მოიქცნენ ისინი თუ აღმოჩნდებიან ელექტროქსელის სიახლოვეს. ყველამ იცის, რომ დენგამტარ მოწყობილობებთან მიახლოება სიცოცხლისთვის სახიფათოა. თუმცა, კონკრეტული მაგალითების წარმოჩენით, აბონენტები მეტი სიფრთხილით მოეკიდებიან საკუთარ ჯანმრთელობას და სიცოცხლეს. ამასთან კამპანიას აქვს საგანმანათლებლო დანიშნულებაც. იმისათვის, რომ თავიდან იქნას აცილებული ტრავმული შემთხვევები, დაახლოებით 30 წამიანი ვიდეოებით პროფესიონალი ენერგეტიკოსები აბონენტებს გააცნობენ იმ წესებს, რომლებიც აუცილებელია დაიცვან ქსელის სიახლოვეს მოხვედრისას. სტუმარი: ავთო დვალიშვილი - ,,ენერგო-პრო ჯორჯია ჰოლდინგის“ საზოგადოებასთან ურთიერთობის განყოფილების უფროსი #ახალიამბები #BusinessMediaGeorgia
რუსული კანონი მიღებულია. დღეს საქართველომ განსხვავებულ რეალობაში გაიღვიძა და აგრძელებს ცხოვრებას. ამასთან არ წყვეტს პროტესტს და მიუხედავად ყველაფრისა გამარჯვების იმედით მიუყვება გზას. სანამ კანონი დამტკიცდებოდა, რამდენიმე არასამთავრობო ორგანიზაცია ამბობდა, რომ სპეციალურ რეესტრი არ დარეგისტრირდებოდა და შესაბამისად საქმიანობას შეწყვეტდა. ეს პრინციპული გადაწყვეტილებაა, რომელსაც არასამთავრობო ორგანიზაციების ნაწილი მიიღებს. თუმცა არის ბრძოლის სხვა გზებიც. როგორ აპირებენ საქმიანობის გაგრძელებას არასამთავრობო სექტორის წარმომადგენლები? სტუმარი: ნინო დოლიძე - სამართლიანი არჩევნების (ISFED) აღმასრულებელი დირექტორი; #ახალიამბები #BusinessMediaGeorgia
ვეტო დაძლეულია - “რუსული კანონის” ნეგატიური ეკონომიკური ეფექტები #ახალიამბები #BusinessMediaGeorgia
სესხის აღების პროცედურები & მთავარი რისკები რა უნდა გავითვალისწინოთ? სტუმრები: ვლად ბეჟაშვილი - ებიტ ჯგუფის პარტნიორი; თამარ ჩხატარაშვილი - ებიტ ჯგუფის პარტნიორი. #ახალიამბები #BusinessMediaGeorgia
HR პროფესიონალები მოხალისეობრივად გაერთიანდნენ იმ ადამიანების მხარდასაჭერად, ვინც რუსული კანონის პროტესტის გამო სამსახური დაკარგა ან მისი დაკარგვის საფრთხის წინაშეა. ეს პროექტი მათთვის არის, ვისაც კარიერული ნაბიჯისთვის კოლეგა პროფესიონალების კონსულტაცია გამოადგებათ. მსურველებს შეუძლიათ, დაჯავშნონ ერთი ერთზე ინდივიდუალური შეხვედრა HR მენტორთან/კონსულტანტთან, რომლის დროსაც თქვენ მიიღებთ პრაქტიკულ რჩევებსა და რეკომენდაციებს, როგორ მოიძიოთ ახალი სამსახური, რა უნდა გაითვალისწინოთ ინტერვიუს დროს, როგორ გააუმჯობესოთ და დახვეწოთ თქვენი რეზიუმე და სამოტივაციო წერილი ინდივიდუალური შეხვედრის ჩასანიშნად? სტუმრები: ნინო ნიაური - HR და ორგანიზაციული განვითარების კონსულტანტი; სანათა ჩარგაზია - HR პროფესიონალი; თეონა კუპატაძე - ACT-ის მენეჯმენტ კონსულტანტი ორგანიზაციული განვითარების მიმართულებით; #ახალიამბები #BusinessMediaGeorgia
ევროკავშირთან სავაჭრო ურთიერთობები ქართული ბიზნესისა და ეკონომიკის ერთ-ერთი მთავარი მამოძრავებელი ძალაა. ახლა, როცა ეგრეთ წოდებული რუსული კანონი უკვე მიღებულია, დასავლეთისგან ჩვენთან ურთიერთობების გადახედვის საფრთხეც უკვე რეალურია, შესაბამისად, გადავწყვიტეთ სიუჟეტი მოგვემზადებინა იმის შესახებ თუ რა უპირატესობები მოაქვს ევროპასთან სავაჭრო ურთიერთობებს, რა სარგებელი მოგვიტანა DCFTA-ის ამოქმედებამ და რატომ უნდა შევინარჩუნოთ ეს კურსი. შესაბამისად, დეტალებს სიუჟეტიან გიზიარებთ. #ახალიამბები #BusinessMediaGeorgia