ევროპულ სკოლაში, უახლესი ტექნოლოგიების ციფრული სამრეწველო აპარატურით აღჭურვილი ინოვაციების ლაპორატორია Fab lab-ი გაიხსნა. სკოლის მოსწავლეები, სასწავლო პროცესში ახალ ტექნოლოგიებს კიდევ უფრო აქტიურად გამოიყენებენ.. რა შესძლებლობებს სთავაზობს ევროპული სკოლის fab lab-ი მოსწავლეებს ? სტუმრები: შორენა აბესაძე - ევროპული სკოლის ინოვაციური ტექნოლოგიების დეპარტამენტის ხელმძღვანელი; გიორგი ხაჩიძე - Future Laboratory-ს ოპერაციული დირექტორი 07.11.2018
ამერიკამ ირანზე ახალი სანქციები დააწესა, რაც 2015 წელს ბირთვული შეთანხმების დროს გაუქმებული ყველა პირობის თავიდან ამოქმედებას გულისხმობს.ინფორმაციის გაცვლისა და გადასახადების შესრულებისთვის განკუთვნილმა საბანკო სისტემამ SWIFT-მა რამდენიმე ირანული ბანკი სისტემიდან გათიშა. „ირანული ბანკების მხრიდან სისტემაზე წვდომის შეჩერება იწვევს სინანულს, თუმცა ჩვენ ამ გადაწყვეტილებამდე მსოფლიო ფინანსური სისტემის სტაბილურობისა და ერთიანობის შენარჩუნების მიზნით მივედით“, - წერია განცხადებაში. სააგენტოს ინფორმაციით, ტექსტში არ არის ნახსენები, რომ ეს გადაწყვეტილება ნაწილია ამერიკის მხრიდან ირანის წინააღმდეგ დაწესებული სანქციებისა. სტუმარი: ალექსი პეტრიაშვილი - BMG-ის საერთაშორისო მიმომხილველი 07.11.2018
საქართველოში პირველი მაღაზიათა ბიზნეს ასოციაცია შეიქმნა, რომლის მთავარი მიზანი სექტორის პრობლემების განხილვა და მათი გადაჭრა იქნება. როგორ იმუშავებს ორგანიზაცია და როგორ აფასებს ბიზნესი ამ გადაწყვეტილებას? სტუმრები: თათია ნანობაშვილი - "ქართულ მაღაზიათა ასოციაციის" დამფუძნებელი; ელენე ზაუტაშვილი - "ქართულ მაღაზიათა ასოციაციის" დამფუძნებელი; ბექა მიდელაური - "ქართულ მაღაზიათა ასოციაციის" დამფუძნებელი; ლევან სურამელაშვილი - "ქართულ მაღაზიათა ასოციაციის" დამფუძნებელი; 07.11.2018
რუსთავში მე-6 და მე-11 მიკრო რაიონების საერთო საცხოვრებლის მობინადრეებს ბინები კანონიერად დაუმტკიცდებათ. საცხოვრებელი ბინები ოფიციალურად საკუთრებაში 350-მდე მაცხოვრებელს სიმბოლურად 1 ლარად გადაეცემა. აღნიშნულ საკითხთან დაკავშირებით ქალაქის მერმა ირაკლი ტაბაღუამ და ქვემო ქართლის გუბერნატორის მოადგილეებმა ზვიად ჭუნაშვილმა და კახა კობერიძემ მოსახლეობა მოინახულეს და ის დეტალები გააცნეს რის საფუძველზეც მათ ქონება საკუთრებაში გადაეცემათ. 07.11.2018
ზაფხულში ჯანდაცვის სამინისტრომ მედიკამენტების ჭარბად დანიშვნის პრევენციის მექანიზმი დანერგა და უწყების ახალი ინსტრუმენტის საშუალებით, მოქალაქეებს 16 ივლისიდან 5 და მეტი მედიკამენტის გამოწერის შემთხვევაში დანიშნულების გადამოწმებაშუიძლიათ. სულ ცოტა ხნის წინ BMG იმ სტატისტიკა მოიკითხა, მიმათვიანობა ამ თემაზე არის 0. ნული, ანუ არავის არ შეჰპარვია ეჭვი იმაში რომ მას შეიძლება ზედმეტი მეტიკამენტი გამოუწერეს. არადა თითქოს გარშემო ყველა სამედიცინო მომსახურების ხარისხზე და ექიმების არაკვალიფიციურობაზე ჩივის. დადგენილება, რომელიც ჯანდაცვის სამინისტრომ მიიღო, ჯანდაცვის მინისტრის მიერ დადგენილი კრიტერიუმების შესაბამისად, სპეციალურად შექმნილი კომისიის მხრიდან შესაძლო გადაცდომების კონკრეტულ მოკლვევას და შესწავლას გულისმობს. სამაგიეროდ ამ დრომდე ყოველგვარი კონტროლის მიღმაა ლაბორატორიული კვლევების ხარისხი ქვეყანაში. ეს კი იმას ნიშნავს რომ არასწორი ანალიზით, შესაბამისად არასწორი ინფორმაციით, არასწორი დასკვნით და არასწორი დანიშნულებით პაციენტი განწირულია. სტუმარი: შაჰრაზად ტუსინზადე - "ერმედ-ჯორჯიას" გაყიდვების დირექტორი 07.11.2018
გუშინ საქართველოს ტექნიკური უნივერსიტეტის გადამზადების ცენტრის ახალი შენობა გაიხსნა. პროექტი სახელმწიფო და კერძო სექტორის ერთობლივი ძალისხმევით განხორციელდა და მისი ჯამური ინვესტიცია რამდენიმე მილიონს შეადგენს.
შემოდგომის ლეგენდის ფინალისტები ცნობილია და ისინი უქმეებზე უკვე კახეთს ეწვივნენ. წელს საიუბილეო წელი აქვს შემოდგომის ლეგენდას. ის უკვე 10 წლისაა. 06.11.2018
ტურიზმის ეროვნული ადმინისტრაცია დღეს განახლებულ სტატისტიკას გამოაქვეყნებს. 10 თვის შედეგებს BMG-ის ეთერებში ჩვენი რეპორტიორები აუცილებლად გაგაცნობენ, თუმცა იქამდე, მონაცემები და უფრო მეტად მიმართულებები რომელიც საქართველსო ტურიზმის მიმართულებით მახასიათებლებად ჩამოყალიბდა სტუმრებთან ერტად უნდა მიმოვიხილოთ. 9 თვის ჯამში, ტურისტების რაოდენობა 18%-ით არის გაზრდილი და , ხოლო ვიზიტორების რაოდენობა 11%-ით. აქ საინტერესოა ის, რომ ყველაზე მეტი მოგზაური ქვეყნის დედაქალაქში, თბილისში ჩავიდა. სტუმრებს განსაკუთრებით იზიდავს ძველი თბილისი - ორიგინალური, ვიწრო ქუჩებით, ისტორიული ადგილებითა და ეკლესია-მონასტრებით. ტურიზმის ეროვნული ადმინისტრაციის ინფორმაციით, დედაქალაქის შემდეგ ყველაზე მეტი მოგზაური ბათუმს ეწვია. ტურისტებს განსაკუთრებით აინტერესებთ - კვარიათი, ბოტანიკური ბაღი, გონიოს ციხესიმაგრე და სხვა. ათეულში ასევე შევიდა მარნეული. შეიძლება ითქვას აქ არის კულტურების კვეთა, სადაც განსხვავებული ეროვნების ადამიანები მეგობრულად ცხოვრობენ. საქართველოს უძველეს დედაქალაქში, მცხეთაში დიდი რაოდენობით ტურისტი ჩავიდა. ტურისტებს ყველაზე მეტად ამ ქალაქის ისტორიული სიძველეები იზიდავს, როგორიცაა სვეტიცხოველი, ჯვრის მონასტერი, არმაზის ციხესიმაგრე, სამთავრო და სხვა. პოპულარობით სარგებლობს ყაზბეგიც, აქ ტურისტებს განსაკუთრებით გერგეთის სამება აინტერესებთ. სტუმრებისთვის საინტერესოა გუდაური. მიუხედავად იმისა, რომ გუდაური ზამთრის კურორტად ითვლება, ის მიმზიდველია ზაფხულშიც. იგი დამსვენებლებს სხვადასხვა ტიპის ლაშქრობებს სთავაზობს. ასევეა სიღნაღი, რომელიც უცხოელებში განსაკუთრებულ ინტერესს იწვევს. ათეულში ასევე შევიდა რუსთავი, რომელიც თბილისთან ახლოს მდებარეობს. ათეულს ამთავრებს კახეთის ადმინისტრაციული ცენტრი თელავი. უგემრიელესი კერძები და ღვინო კახეთის სავიზიტო ბარათია და მაგნიტივით იზიდავს როგორც ადგილობრივ, ისე უცხოელ სტუმრებს. სტუმრები: მაია სიდამონიძე - ილიაუნის ბიზნესის სკოლის ტურიზმის ცენტრის ხელმძღვანელი; მამუკა ბერძენიშვილი - "ტურიზმის ინსტიტუტი", ხელმძღვანელი 06.11.2018
4 წელი და მეტი, ასე შეგვიძლია ავთვალოთ ევროკავშირთან გაფორმებული ასოცირების ხელშეკრულების ამოქმედების ვადა, რომელმაც 4 წლის და კიდევ ცოტა მეტი ხნით ადრე საქართველოს ძალიან მმნიშვნელოვან სარგებელტან ერთად რიგი ვალდებულებების შესრულებაც დააკისრა. კალენდარული ცრილით გაწერილ ვალდებულებებში ძალიან ბევრი თემა ხვდება, მათი ნაწილი უდავოდ ვადამდე შესრულებულია და ამ სტუდიაშიც ცალკეულ შემთხვევებზე ბევრი გვისაუბრია, თუმცა არის მიმართულებები, რომლებიც გამოწვევად რჩება. დღეს არც მხოლოდ ზოგადი ფრაზებით შემოვიფარგლებით და ვერც იმაას შეგპირდებით რომ ასოცირების ხელშეკრულების რამდენიმე ასეულ გვერდს სრულად გადავხდავთ, იმისთვის რომ ზუსტად ვიცოდეთ პასუხი: საშინაო დავალების რამდენად კარგი შემსრულებლები ვართ. რა შევასრულეთ და რა დაგვრჩა შესასრულებელი. სტუმარი: გიორგი ჩიტაძე - საქართველოს სავაჭრო-სამრეწველო პალატა, სერვისების და რეგიონალური განვითარების დეპარტამენტის უფროსი 06.11.2018
ეს ქონება ჩვენს ბალანსზეა, მაგრამ ჩვენ რა უფლებით უნდა დავუბრუნოთ, ეს არის გიორგი ქობულიას პასუხი თბილავიამშენის ანუ საავიაციო ქარხნის აქციონერების განაცხადზე,რომლითაც „ჩამორთმეული ქონების“ უკან დაბრუნებას ითხოვენ. როგორც დღეს ქარხანაში გამართულ სპეციალურ ბრიფინგზე აქციონერების ადვოკატებმა განაცხადეს, მეწილეებს წინა ხელისუფლებამ ძალით დაათმობინა ქონება, ახალი ხელისუფლების პირობებში კი „კანონიერ მფლობელებს“ ქონებას არ უბრუნებენ. დავა და სასამართლო პროცედურები 70 თვეზე მეტია მიმდინარეობს,რაც საავიციო ქარხნის ადვოკატებს ყველაზე დიდ პრობლემად მიაჩნიათ,თავად ამ საქმის ირგვლივ რომელსაც ქარხნის აქციონერების ადვოკატები თავისი ღირებულებითა და მნიშვნელობით წინა ხელისუფლების პირობებში „ღამის ნოტარიუსების“ მეშვეობით სახელმწიფოს მიერ წართმეულ ყველაზე მასშტაბურ ქონებას წარმოადგენს. სტუმარი: მიხეილ ჯახუა - საია-ს იურისტი, ანალიტიკოსი 06.11.2018
ოქტომბერი ზოგიერი მილიარდერისთვის მძიმე თვე აღმოჩნდა. ბლუმბერგის მონაცემებით IT კომპანიების დამფუძნებლებმა გასულ თვეში 61 მილიარდი ამერიკული დოლარი დაკარგეს. ნასდაქის ინდექსი კი 9,2%-ით შემცირდა, რაც ეკონომიკური კრიზისის შემდეგ ყველაზე მაღალი მაჩვენებელია. 06.11.2018
EBRD მიმდინარე წელს საქართველოში 4.5%-იან ეკონომიკურ ზრდას პროგნოზირებს. ევროპის რეკონსტრუქციისა და განვითარების ბანკის პროგნოზი უცვლელია, როგორც 2018 წლისთვის, ასევე 2019 წლისთვისაც (4.5%). EBRD აღნიშნავს, რომ გასულ წელს ქვეყნის ეკონომიკა 5%-ით გაიზარდა, მიმდინარე წლის პირველ ნახევარში კი ზრდა 5.4%-მდე დაჩქარდა. თუმცა, წლის პირველ 9 თვეში ზრდა 4.8%-მდე შენელდა, ხოლო აგვისტოში მშპ მხოლოდ 2%-ით გაიზარდა. ბანკი აღნიშნავს, რომ ეკონომიკურ ზრდაზე დადებით გავლენას ახდენს ტურისტების ნაკადი და FDI, მიუხედავად წლიური შემცირებისა. რაც შეეხება ეროვნულ ვალუტას, EBRD თავის ანგარიშში მიუთითებს, რომ წლის პირველი 10 თვის განმავლობაში ლარი სტაბილურობას ინარჩუნებდა, მიუხედავად დროის გარკვეულ მონაკვეთში არსებული არასტაბილურობისა. რაც შეეხება რეგიონის ქვეყნებს, აღმოსავლეთ ევროპისა და კავკასიის რეგიონში EBRD-მა პროგნოზი აზერბაიჯანს და თურქეთს შეუმცირა. ჯამში, წინა პროგნოზთან შედარებით, EBRD-ის საშუალო პროგნოზი 38 ეკონომიკაში შემცირდა მიმდინარე წლისთვის 0.1%-ით, მომდევნო წლისთვის კი 0.6%-ით, რასაც ბანკი თურქეთის ეკონომიკური შენელებით ხსნის. 2018 წლისთვის 40-მდე ქვეყანაში ზრდის საშუალო პროგნოზი 3.2%-ს შეადგენს, მომდევნო წლისთვის კი 2.6%-ს. ეს ევროპის რეკონსტრუქციისა და განვიტარების ბანკის განახლებული ანგარიშიდან ამოღებული ინფორმაციაა. სტუმარი: ევა ბოჭორიშვილი - “Galt&Taggart;”, კვლევების დეპარტამენტის უფროსი
KutaisiToday.com-ი დაინტერესდა თუ რამდენი დახარჯა მედია- ორგანიზაციებში საკუთარი პიარისთვის მმართველმა პარტიის პრეზიდენტობის კანდიდატმა სალომე ზურაბიშვილმა . ვეყრდნობით ოფიციალურ მონაცემებს, კერძოდ ,სახელმწიფო აუდიტის დასკვნას, სადაც წერია: 1-შპს ,, ჩემი ხარაგაული“ გაუფორმდა ხელშეკრულება ინტერნეტ- რეკლამისთვის.საერთო ჯამში 2300 ლარის ხელშეკრულება. 2 -შპს P.S (პოსტკრიპტუმი) გაუფორმდა ხელშეკრულება ინტერნეტ რეკლამისთვის. საერთო ჯამში 2000 ლარი, ხოლო ბეჭდური რეკლამისთვიის 2000 ლარის ხელშეკრულება. 3-შპს ,,ახალი გაზეთი’’ გაუფორმდა ხელშეკრულება ინტერნეტ რეკლამისთვის, საერთო ჯამში 2500 ლარი, ხოლო ბეჭდური რეკლამისთვის 2000 ლარის ხელშეკრულება.
მომავლის პროეფესიებზე მომზადებულ მასალებს თუ ჩავხედავთ, რომელთან დაკავშირებითაც საერთაშორისო ბიზნეს გამოცემებიც აქტიურად წერენ და საგანგებოდ შერჩეული მეცნიერთა ჯგუფებიც აქტიურად მუშაობენ, ყველგან იპოვით პუნქტს, რომელშიც აღნიშულია რომ IT სფერო მომავლის პროფესიებს შორის ერთ ერთია. მისი განსაზღვრება უკვე არსებულ რეალობაში ძალიან პრაქტიკული და მრავალფეროვანია. მას პროგრამისტები, ვებ-დიზაინერები, თანამედროვე მიმართულების SEO – ოპტიმიზატორები, მობილური აპარატებისთვის განკუთვნილი თამაშების და გასართობი ტიპის ვიზუალური პროგრამების შემქმნელები და ა.შ. იმის თქმა რომ თუნდაც საქართველოში აიტი სფეროს წარმომადგენლების საჭიროება მხოლოდ მომავალში დადგება მცდარი იქნება. წლების შემდეგ მოთხოვნა ალბათ შეიცვლება, თუმცა დღესაც წარმოუდგენელია ნებისმიერი ტიპის კომპანია აიტი სპეციალისტის ან მეტიც ამ დარგის პროფესიონალებისგან დაკომპლექტებული კომპანიის მომსახურების გარეშე. დღეს ერთ ერთ ასეთს, კომპანია „აი ნოუ“-ს გაგაცნობთ, რომელიც 2012 წელს დაარსდა და პროგრამული უზრუნველყოფის საკონსულტაციო კომპანია. სტუმარი: ირაკლი გოგოლაძე - I know -ის დამფუძნებელი და დირექტორი 06.11.2018
კერძო ავტონომია, როგორც კერძო სამართლის ფუძემდებლური სტუმრები: ბესო ზოიძე - საკონსტიტუციო სასამართლოს წევრი; თამარ ზარანდია - იურიდიული ფაკულტეტი, დეკანი
თბილსისი ტურიზმის და მასპინძლობის მესამე კონფერენციისთვის Welcome to Georgia- ემზადება! ტურიზმის ეროვნული დაჯილდოება დეკემბერში შედგება და დღეს უკვე ნომინანტები შეგვიძლია წარმოგიდგინოთ. სტუმრები: გიორგი ჩოგოვაძე, ტურიზმის ეროვნული ადმინისტრაციის თავმჯდომარე; ზურაბ მასურაშვილი, "საქართველოს ბანკი", საცალო ბიზნესის საბანკო მომსახურების დეპარტამენტის დირექტორი; მარინა ჩაიკა-Welcome to Georgia! ტურიზმის ეროვნული დაჯილდოების თანადამფუძნებელი და მმართველი პარტნიორი 05.11.2018
ახლა საქართველოში ბიზნესის კეთება აშშ-სა და ბრიტანეთზე მარტივია. Doing Business 2019-ის კვლევას გამოცემა Bloomberg ეხმაურება. სტატიაში ნათქვამია, რომ ახლა საქართველოში ბიზნესის კეთება უფრო მარტივია, ვიდრე ამერიკის შეერთებულ შტატებსა და დიდ ბრიტანეთში. ეს ერთი ამბავი. გასული კვირის ბოლოს კიდევ ცალკე განსახილველია ის ერთდგვარი დაპირებები, რომელიც მეორე ტურამდე მთავრობის სხდომის პარასკევის სხდომაზე მოვისმინეთ და რომლის მიხედვითად მომავალი წლის ბიუჯეტში მცირე კორექტირება უნდა შევიდეს. სტუმარი: ირაკლი კოვზანაძე - საფინანსო-საბიუჯეტო კომიტეტის თავმჯდომარე 05.11.2018
გადამზიდავი კომპანიები, საქართველოს რკინიგზას, საქმიანობის ხელისშეშლაში ადანაშაულებენ. Crossline Logistics და David & Company-ს წარმომადგენლები აცხადებენ, რომ საქართველოს რკინიგზა მათ არ აძლევთ ტვირთების გადაზიდვის უფლებას, წერილობითი განაცხადები კი, რომელიც უწყებას თვეების განმავლობაში ეგზავნება, სრულად იგნორირებულია. კომპანიების წარმომადგენლები BMGსთან საუბარში ამტკიცებენ, რომ ყველა დოკუმენტი წესრიგში აქვთ, თუმცა, მათ არ ეძლევათ ტვირთების გადაზიდვის უფლება, რის გამოც პარტნიორებთან არსებულ ვალდებულებებს ვერ ასრულებენ და ზარალდებიან. პირდაი კომუნიკაცია უპასუხოდ რამდენიმე თქვე დარჩა სატელევიზიო ეთერებში აქტიურობამ კი უპასუხო რეჟიმში მყოფი საქართველო რკინიგზა მედიის საშუალებით გამოეხმაურა კონკრეტულ ბიზნესმენებს. სტუმრები: დავით დოლიძე - “დავითი და კომპანია”, დამფუძნებელი; ლაშა ფარულავა - “Crossline Logistics”, ხელმძღვანელი 05.11.2018
კომპანია „მეგადორსმა“ შაბათს, 3 ნოემბერს კარებების გერმანული საიზოლაციო პანელების პრეზენტაცია გამართა. პრეზენტაციაზე მოწვეულ სტუმრებს ის უპირატესობები გააცნეს, რაც ამ პანელით შექმნილ კარებებს ახასიათებს. განსაკუთრებით აღსანიშნავია კარებების ხმაგაუმტარობა და ცეცხლმედეგობა. 05.11.2018
სიახლე სამედიცინო ცენტრ ციტოში. თუ თქვენ 65 წელს ზემოთ იმყოფებით ციტო საშუალებას გაძლევთ უფასო ოჯახის ექიმის კონსულტაციითა და სამედიცინო კლუბების მომსახურებით ისარგებლოთ. პროგრამის ფარგლებშს ხანდაზმულებზე სხვადასხვა ტიპის შეღავათების მოქმედებს. 05.11.2018
ქუთაისის აეროპორტში ახალი სამგზავრო ტერმინალის მშენებლობა აქტიურ ფაზაშია. ქუთაისითუდეის ინფორმაციით, ამ დროისათვის ჩასხმულია 15 ათასი კუბური მეტრი ბეტონი, დასრულებულია 10 ათასი კვადრატული მეტრის სართულის მშენებლობა -1 ნიშნულზე, სადაც ძირითადად საბარგო სისტემა განთავსდება. ასევე მოწყობილია ნული სართულის (ე.წ. Ground floor) ფილა, დამონტაჟებულია ლითონკონსტრუქციის კოლონები და რიგელების ნაწილი. ქუთაისის საერთაშორისო აეროპორტის განახლებული ტერმინალის დიზაინი ჰოლანდიურ არქიტექტურულ კომპანია UN Studio-ს ეკუთვნის. აეროპორტის განვითარების ანალიზი IATA ქონსალთინგის მიერ იქნა მომზადებული, რომელმაც ყველა იმ მომსახურების სტანდარტი განსაზღვრა, რასაც აეროპორტი უნდა აკმაყოფილებდეს. მშენებლობა გეგმის მიხედვით მიმდინარეობს და დასრულება 2019 წელს არის დაგეგმილი. სამშენებლო სამუშაოებს კომპანია „ანაგი“ ახორციელებს. მშენებლობაზე ამ ეტაპზე 105 ადამიანია დასაქმებული. 05.11.2018
შაბათს საქართველოს ბანკის კურსდამთავრებულთათვის დიპლომების გადაცემის ოფიციალური ცერემონიალი გაიმართა სადაც 33-მა სტუდენტმა მიიღო მაგისტრის ხარისხი.
დღეიდან „პროფესიული განათლების კვირეული 2018” იხსნება, რომელიც 9 ნოემბრამდე გაგრძელდება და ამ პროექტის ფარგლებში დაფინანსებული ათი პროფესიული საგანმანათლებლო დაწესებულება „ღია კარის“ დღეებს უმასპინძლებს, კვირეული კი 9 ნოემბერს, „პროფესიული განათლების ეროვნული ჯილდოს 2018“ გამარჯვებულების დაჯილდოების ცერემონიალით დასრულდება. პროფესიული განათლების მესამე ყოველწლიური საერთაშორისო კონფერენცია, „ინვესტირება ადამიანურ კაპიტალში“ სასტუმრო ბილტმორში რამდენიმე საათში გაიხსნება და მთავარი მომხსენებლები არიან დიდი ბრიტანეთიდან - ბრიტანეთის ავიახაზების განათლების მიმართულებით აღმასრულებელი დირექტორი და ა.შ.შ-დან კორპორაცია ინტელის გლობალური განათლების სექტორის გენერალური მენეჯერი ბრაიან გონსალესი. სტუმრები: მაგდა მაღრაძე - "ათასწლეულის გამოწვევის ფონდი -საქართველოს" დირექტორი; ბრაიან გონსალესი - კორპორაციის "ინტელი", გლობალური განათლების სექტორის გენერალური მენეჯერი 05.11.2018
საქართველოს საფონდო ბირჟის კვირის მიმოხილვა
2 ნოემბერს საქართველოს ბანკის უნივერსიტეტში პროექტ გურიელის პრეზენტაცია შედგა სადაც უნივერსიტეტმა და კომპანია გურიელმა სტუდენტებს სამომავლო გეგმები გააცნეს. სტუდენტები გურიელთან ერთად ახალი პროდუქტის შექმნას შეეცდებიან და პარალელურად სხვადასხვა სახის პრაქტიკულ ცოდნასაც მიიღებენ.
ახლა საქართველოში ბიზნესის კეთება აშშ-სა და ბრიტანეთზე მარტივია- როცა ასეთი სათაურით კითხულობ ბლუმბერგზე ნამდვილად საამაყოა და დამატებით მხოლოდ ის შეიძლება თქვა რომ კიდევ უკეთესი შედეგისთვის გვჭირდება მუშაობის გაგრძელება. ყველა მთავრობა საქართველოში მმართველობის ამა თუ იმ ეტაპზე, აუცილებელ მიზნად რეიტინგების გაუმჯობესებას და პრაქტიკაში კი ქვეყანაში წარმოების განვითარებას ისახავს, რისთვისაც სხვადასხვა გზას ირჩევს: გადასახადების შემცირება, მოგების გადასახადის რეფორმა თუ დღგ-ს ავტომატური დაბრუნების სისტემის ამოქმედება - მეთოდები და მიდგომები განსხვავებულია. ამ ყველაფრის ფონზე რა იცვლება ბიზნესისათვის პრაქტიკაში კიდე ცალკე თემაა. სტუმარი: რევაზ ვაშაკიძე - "ჩირინა", დამფუძნებელი 02.11.2018
როგორ შეიძლება სტრატაპების წახალისება, როგორ შეიძლება დამწყებ ბიზნესებს ხელი შეუწყო და ამავე დროს შექმნა პლატფორმა, რომელიც განვითარების საწყის ეტაპზე მყოფ ბიზნესსა და სერვისის მომხმარებელს ერთმანეთთან დააკავშირებს- ამ კითხვას პასუხი TBC ბანკმა- Businesstools.ge-ის საშუელბით უკვე გასცა. ბიზნესთულს ჯი ეს პლატფორმაა რომელიც ბიზნესისათვის ერთგვარ სივრცეს ქმნის, სადაც ტექნოლოგიურ პროდუქტებზე ინფორმაციის მიღება, გაცვლა და შედარება არის შესაძლებელი. სტუმარი: თაკო ჯაფარიძე - "თიბისი ბანკი", პროექტების მენეჯერი 02.11.2018
2019 წლის პირველი იანვრიდან, 1995 წელს მიმოქცევში შემოსული 50 თეთრის , უფრო სახალხოდ რომ ვთქვა, მრავალ ჭირნახული პატარა და ოქროსფერი 50-თეთრიანი მონეტების გამოცვლა მხოლოდ საქართველოს ეროვნულ ბანკში იქნება შესაძლებელი. კიდევ ერთი სიახლე, რომელიც ძალაში სულ მალე შევა ანგარიშსწორებისას ფასის დამრგვალების ახალ მეთოდს უკავშრდება. მაგალითისთვის, თუ აქამდე 9 ლარის და 99 თეთრი ღირებულების საქონლის ყიდვისას, გამყიდველს 1 თეთრის დაბრუნების ვალდებულება ჰქონდა, 2019 წლის პირველი იანვრიდან ეს ასე აღარ იქნება. ნაღდი ფულით ანგარიშსწორებისას, ერთი თეთრის სიზუსტით განხორციელების პრინციპი, ფასის დამრგვალების მეთოდით შეიცვლება. სტუმარი: ვახტანგ ბურკიაშვილი, საქართველოს ეროვნული ბანკის აღმასრულებელი დირექტორი 02.11.2018
გაციფრულებული სამყაროს თანამედროვეოაბში დღეს ალბათ რთული წარმოსადგენია ადამიანი, ახალგაზრდა ან სულაც ბავშვი, რომელსაც წიგნის წაკითხვა უნდა და ამას წიგნის არ ქონის გამო ვერ ახრხებს. რაც უნდა რთულად წარმოიდგინდეთ რეალობაში პრობლემა არც გამოგონილი და არც მხოლოდ სენტიმენტებზე თამაშია. სამწუხაროდ კონკრეტულ რიცხვებს ვერც ერთი წყაროდან ვერ მოვიყვან, მაგრამ უამრავი მოზარდი წიგნებთან ხელმისაწვდომობის პრობლემის წინაშე დგას. პრობლემა რეალურია და ერთი ხელის მოსმით ვერც გადაჭრადი იქნება. თუმცა არსებობს შესაძლებლობები რომელიც ძალიან ბევრი ადამიანის მასში ჩართვის შესაძლებლობას მოითხოვს და ამავე დროს საშუალებაა ვიყოთ თანამონაწილეები ძალიან კარგი საქმის. 10 დღიანი კამპანიის ფარგლებში მომავალზე ზრუნვისთვის და საოკუპაციო ხაზთან ახლოს მცხოვრები ბავშვებისთვის წიგნების შეგროვება იწყება. სტუმარი: ნაზი მაზანიშვილი, "ნოვა", მარკეტინგის და პიარის დეპარტამენტის უფროსი 02.11.2018
სოფლის მეურნეობისა და სოფლის განვითარების კუთხით, ევროკავშირი საქართველოს უმსხვილესი დონორია, რომელიც ევროპის სამეზობლო პროგრამა ENPARD-ით გვეხმარება. სოფლის განვითარების ევროპული მოდელი საქართველოს 8 საპილოტე მუნიციპალილტეტში ინერგება. ამ დროისთვის ევროკავშირის მიერ უკვე 122 ადგილობრივი ინიციატივაა დაფინანსებული, აქედან 60-ზე მეტი ყაზბეგის მუნიციპალიტეტში. ყაზბეგს ჩვენი ჟურნალისტი სალომე ჭიპაშილი თავად ესტუმრა და ახლა სწორედ ის გაგვაცნობს იმ ბიზნესინიციატივების არასრულ ჩამონათვალს, რომელიც ევროკავშირის დახმარებით განხორციელდა. 02.11.2018
ისი პარის დახლებზე, ქალბატონებისთვის ახალი სუნამო გამოჩნდა. ფრანგული არომატი ზედიგ ენდ ვოლტერს ეკუთვნის, სახელწოდებით girls can do anything. სურნელი პირველად მედიის წარმომადგენლებისთვის ჯერ კიდევ გუშინ გახდა ცნობილი, დღეიდან კი ის ყველა ქალბატონისთვის, ან მამაკაცისთვის ხელმისაწვდომია. 02.11.2018
მოქალაქეები, რომლებიც საცხოვრებელ ფართს დღიურად აქირავებენ, "ჯორჯიან უეთერ ენდ ფაუერს" მარეგულირებელ კომისიაში უჩივიან. მიზეზი წყლის გადასახადის საყოფაცხოვრებოს ნაცვლად კომერციული ტარიფით დარიცხვა და დაკისრებული ჯარიმებია. მოქალაქეების ინტერესს სემეკში ენერგოომბუდსმენი იცავს. სალომე ვარდიაშვილი აცხადებს, რომ იმ შემთხვევაში თუ მარეგულირებელი მოქალაქეებისთვის მისაღებ გადაწყვეტილებას არ გამოიტანს, კომპანიის წინააღმდეგ დავა აუცილებლად სასამართლოში გაგრძელდება. ენერგოომბუდსმენის შენიშვნებს არ ეთანხმებიან ჯივიპიში. კომპანიის კომერციული დირექტორი ამბობს, რომ ყველა იმ ფიზიკურმა თუ იურიდიულმა პირმა, რომელიც კომერციულ საქმიანობას ახორციელებს, შესაბამისი გადასახადი უნდა გადაიხადოს. სხდომა ამ თემაზე და განხილვა მარეგულირებელ კომისიაში გუშინ უნდა გამართულიყო, თუმცა გადაიდო. შეკრება 8 ნოემბრისთვის ჩაინიშნა. სტუმარი: სალომე ვარდიაშვილი - ენერგოომბუდსმენი 02.11.2018
შვეიცარიული ბანკის, UBS-ის ახალი ანგარიშის თანახმად გასულ, 2017 წელს მსოფლიოს მილიარდელებმა, ისტორიაში ყველაზე მეტი შემოსავლების მიღება შეძლეს. მათი ქონება დაახლოებით 20%-ით გაიზარდა. ვინ და რამდენით შეძლო თავისი ქონების გაზრდა? 02.11.2018
ქუთაისის საკრებულომ ტერიტორიების გამოყენებისა და განაშენიანების რეგულირების წესი დაამტკიცა. ქუთაისის მერიის არქიტეტურის სამსახურის უფროსის, ზაზა ჩხიკვაძის თქმით, დოკუმენტში განაშენიანების კოეფიციენტის დაწევა მოხდა, რომელიც ხელოვნურად იყო გაზრდილი და საქართველოს მთავრობის დადგენლებას არ შეესაბამებოდა. "საქართველოს მასშტაბით ქუთაისში ყველაზე მაღალი კოეფიციენტები იყო, რომლებიც შეგნებულად იქნა გაზრდილი. ამ ახალი წესით, კოეფიციენტები დაუბრუნდება ძველ მაჩვენებელს და იქნება მთავრობის დადგენილების შესაბამისი. ქუთაისი აღარ დაემგვანება ბეტონის ქალაქს", – ამბობს ზაზა ჩხიკვაძე. განაშენების რეგულირების წესს აუცილებელ დოკუმენტად მიიჩნევს ოპოზიცია, თუმცა, თვლის, რომ მშენებლობებზე ნებართვის გაცემის დროს პირადი ინტერესითა და სუბიექტური შეხედულებებით სარგებლობის რისკი კვლავ მაღალია, ამიტომ, ყველა ასეთ ნებართვაზე კონტროლია საჭირო. ქუთაისიპოსტის ინფორმაციით, რეგულირების წესის შემდეგ, საკრებულომ მიწათსარგებლობისა და განაშენიანების გეგმა უნდა დაამტკიცოს, რის შემდეგაც, მერიამ ქალაქის მთავარ დოკუმენტზე, გენერალური განვითარების გეგმაზე მუშაობა უნდა დაიწყოს. 02.11.2018
კომპლექსში "დირსი" - "ქალაქი ქალაქში" სტარტაპებისთვისდა მეწარმეებისთვის სამუშაო სივრცე მოეწყობა. სამშენებლო კომპანიამ გადაწყვეტილება დამწყები ბიზნესების ხელშესაწყობად მიიღო. სტუმრები: ლიკა ქარდავა - "propertygeorgia.ge", დამფუძნებელი და მმართველი; ქეთი ფაჩულია - "ას ჯორჯია-დირსი", საზოგადოებასთან ურთიერთობის მენეჯერი 01.11.2018
არსებობს თუ არა სახელმწიფო ზედამხედველობის სერვისის კანონმდებლობაში ხარვეზი, რაც კომპანიებს პრობლემებს უქმნის? ამ კითხვაზე შევეცდებიტ პასუხის გაცემას ადვოკატ მარიკა არევაძესთან ერთად რომელიც სტუდიაში შემოგვიერთდა. კანონმდებლობით, როგორც იურისტები განმარტავენ, სერვისი რომელიც რამდენიმე პაკეტს აერთიანებს შემოწმების რამდენიმე ფორმას მოიცავს. იურისტები ამბობენ, რომ რიგ შემთხვევებში პრობლემა კომპანიის საქმიანობის ორჯერადი შემოწმებისას დგება, როცა პირველი შემოწმების 120 დღიან ვადაში ვერ ჩატევის შემთხვევაში კომპანია ჯარიმდება. არადა რეალურად თავად კომპანიას უწევს აქტის მისაღებად ხვეწნა. სტუმარი: მარიკა არევაძე, ადვოკატი 01.11.2018
სპილო გრანდმა ურთულესი ოპერაცია წარმატებით გადაიტანა. ის დაძინებიდან დაახლოებით 3 საათში თავისით წამოდგა ფეხზე, რაც 5 ტონიანი სპილოსთვის გმირობის ტოლფასია. თურმე, სპილო საერთოდ ვერ იტანს წოლას, რადგან მერე ადგომა უჭირს, გრანდმა კი, ყველა ძალა მოიკრიბა და ნარკოზის შემდეგ მაყურებლები, ვეტერიანერები და ბიბისის ჟურნალისტებიც კი გაახარა. 01.11.2018
თბილისის მერიამ მოამზადა კანონპროექტი, რომლის ამოქმედების შემდეგაც ჰაერის დაბინძურების მიმართულებით, სანქციები გამკაცრდება. დოკუმენტი პარლამენტში უახლოეს მომავალში შევა და წინასწარი ინფორმაციით ამ კანონპროექტში სანქციების მოცულობა 200-დან 1000 ლარამდე გაიზრდება. ამ საკითხზე კახა კალაძემ გუშინ ისაუბრა და შემდეგი რამ განაცხადა: მისი თქმით, თბილისის ტერიტორიაზე აიკრძალება ამტვერებადი მასალის სველი მეთოდის გარეშე დამუშავება, ანუ პროცედურა, როდესაც მტვერის ჩახშობა ვერ ან არასათანადოდ ხერხდება. აგრეთვე, ამტვერებადი მასალის გადაუხურავი ან არასათანადოდ გადახურული ავტოსატრანსპორტო საშუალებით გადაზიდავა. სანქციის ქვეშ მოექცევა სამშენებლო მოედნიდან ძარაგაურეცხავი ან საბურავგაურეცხავი ავტოსატრანსპორტო საშუალების გადაადგილებაც. მსგავსი ფაქტების დაფიქსირების შემთხვევაში, პასუხისმგებელი პირის მიმართ მკაცრი სანქცია იქნება გამოყენებული. რა უფრო პრობლემურია, სანქციის დაწესება თუ შემდეგ მისი აღსრულება? სტუმარი: მაია ბითაძე - თბილისის მერის მოადგილე 01.11.2018
ახლა ის დროა როცა ჯერ კვერცხია და მერე ქათამი- ასეთი რიგი ეროვნული ვალუტის გაუფასურების გამო პროდუქტზე შესაბამისად ფასების მატებაზე განისაზღვრა, "საქართველოს მეფრინველეობის განვითარების ასოციაციის" ხელმძღვანელის ინფორმაციით, ლარის კურსის გაუფასურების გამო, ქათმის კვერცხი 4%-ით გაძვირდა, უახლოეს დღეებში კი ქათმის ხორცზეც მოიმატებს ფასი. როგორც ზურაბ უჩუმბეგაშვილი BMG- სთან ამბობს კვერცხის მწარმოებლებმა სადისტრიბუციო კომპანიებს პროდუქცია უკვე გაზრდილი ფასით მიაწოდეს, კერძოდ, კვერცხზე ფაბრიკიდან გასაყიდმა ფასმა 1,5 თეთრით მოიმატა. მალე კი ქათმის ხორციც გაძვირდება, ზრდა აქაც სავარაუდოდ 4-5%-ის ფარგლებში იქნება. საქსტატის მონაცემებით, დღეისთვის ქართულ ბაზარზე 10 კვერცხის საშუალო ღირებულება 3 ლარსა და 22 თეთრს შეადგენს, ანუ ერთი კვერცხის ღირებულება 32.2 თეთრია. რაც შეეხება ქათმის ხორცს, ბაზარზე ერთი კგ. გაყინული ქათმის ხორცის ღირებულება 6 ლარსა და 56 თეთრს შეადგენს. წლების მიხედვით დინამიკას თუ შევხედავთ, 1999 წელს 10 კვერცხის ფასი 1 ლარი და 34 თეთრი იყო. მთლად ასე შორს ნუ წავალთ და ბოლო წლების ფასებს რომ ჩავხედოთ, 2007 წელს 10 კვერცის ფასი 1 ლარი და 90 თეთრი იყო. 2008 წელს 2 ლარი და 45 თთრი. 2011 ში 3 ლარი და 6 თეთრი. 2014 ში 2 ლარი და 60 თეთრი და 2015 ში 2 ლარი და 90 თეთრი. წლევანდელი ფასი ყველა დროის რეკორდია. ძროხის და ღორის ხორცის ფასებიც წელს მაქსიმალურია ძროხის ხორცი 14 ლარი და 39 თეთრო ღირს, ხოლო ღორის ხორცი 13 ლარი და 11 თეთრი. გრაფიკზეც დაინახავთ, შესაბამის წითელ და ყვითელ ზოლებს. რეკორდული მაჩვენებელი ყველის შემთხვევაში, როგოც ეკრანზე ჩანს ცისფერი ხაზით, 2017 წელს იყო 7 ლარი და 90 თეთრი. ქათმის ხორცი კი ყველაზე ძვირი 2006 წელს ღირდა 7 ლარი და 44 თეთრი. რეკორდული არც რძისა და ზეთის ფასებია. ყველაძე ძვირი ზეთი 10 წლის წინ იყო. 2008 წელს ერთი ლიტრი ზეთი 4 ლარი და 44 თეთრი ღირდა დღეს მისი საშუალო ფასი საქსტატის მონაცემებით 4 ლარია. რძის მაქსიმუმი 2015 წელს იყო 2 ლარი და 36 თეთრი , 2018 ში კი მისი ფასი 1 ლარი და 91 თეთრია. სტუმარი: ოთარ ნაჭყებია, "მზეთამზე", თანამაფუძნებელი
დეველოპერული კომპანია “ორთაჭალა სტუდიო” ზუსტად ორი წლის წინ დაჰპირდა მოსახლეობას რომ 2018 წლის ბოლოს შენობა შევიდოდა ექსპლუატაციაში და დაკმაყოფილდებოდა ყველა, ვისაც ფული ჰქონდა ჩადებული უძრავ ქონებაში. დღეს მშენებლობა დასრულებულია და ათვისებულია სრულად. 01.11.2018
#საქმიანები - "როცა ეტლით მყარად დგახარ"
საქართველო Doing Business-ის რეიტინგში დაწინაურდა და მეექვსე ადგილზე გადაინაცვლა. გასულ წელს ქვეყანა რეიტინგში მე-9 ადგილს იკავებდა. საუკეთესო შედეგი ქვეყანას მინორიტარი აქციონერების დაცვის კრიტერიუმში აქვს და მსოფლიოში მეორე ადგილს იკავებს. ასევე მეორე ადგილს იკავებს ბიზნესის დაწყების კრიტერიუმში საქართველო მსოფლიოში . ყველაზე ცუდი პოზიცია საქართველოს „ვაჭრობა საზღვრების გარეშე“ კრიტერიუმში რჩება, რომლის მიხედვითაც ქვეყანა 62-ე ადგილზეა. სად გავიუმჯობესეთ რეიტინგი, რისგან შედგება 190 ქვეყანას შორის ამ პოზიციის კრიტერიუმები და რაში ხედავს მთავრობა მუშაობის შედეგს ? სტუმრები: გიორგი ბერიძე - ეკონომისტი; გიორგი ხიშტოვანი - PMC კვლევითი ცენტრის დირექტორი 01.11.2018
რა მოსწონთ ტურისტებს ყველაზე მეტად შემოდგომის ბათუმში?
ბათუმის საკრებულომ საბუღალტრო წარმოების განყოფილება გააუქმა. დღეიდან მის ფუნქციას მერიის შესაბამისი სამსახური შეასრულებს. საბუღალტრო განყოფილებაში ორი ადამიანი იყო დასაქმებული. როგორც საკრებულოს 31 ოქტომბრის სხდომაზე ითქვა, ეს გადაწყვეტილება საკრებულომ მთავრობის აპარატიდან მიღებული რეკომენდაციის საფუძველზე მიიღო. საკრებულოს იურიდიულ და საპროცედურო საკითხთა კომისიის თავმჯდომარის განცხადებით, განსაკუთრებული აუცილებლობის შემთხვევაში საკრებულო ერთ შტატგარეშე მოსამსახურეს შრომითი ხელშეკრულებით აიყვანს . სხვა შემთხვევაში, საკრებულოს საბუღალტრო, საგადასახადო დოკუმენტაციების, ასევე, გადასახდელი ოპერაციებისთვის შესაბამისი დოკუმენტაციის წარმოებას, მერიის საბუღალტრო საქმის წარმოების სამსახური შეასრულებს. საკრებულოს ამ გადაწყვეტილებას ოპოზიციამ მხარი არ დაუჭირა. მათი განცხადებით, საკრებულო და მერია არსობრივად სხვადასხვა ორგანოებია და ამ ფუნქციის მერიაზე გადაცემით, საკრებულოს უფლებამოსილება კიდევ უფრო სუსტდება.