ზამთრის კურორტებზე არსებული დატვირთულობა და ფასები იყო გასული კვირის მიწურულს ერთ-ერთი უმთავრესი თემა, რაზეც დარწმუნებული ვარ თქვენც არაერთ პოსტს შეხვდებოდით როგორც მედია პლატფორმებზე, ისე სოციალურ ქსელშიც. ბიზნესის ნაწილი აცხადებს, რომ თოვლიანი სეზონის მიუხედავად მსყიდველუნარიანი ტურისტების რაოდენობა შემცირებულია და მაგ. გუდაურში დამსვენებლების უმრავლესობას რუსები წარმოადგენენ. მეორე მხრივ კი ტურისტების შემცირების მიზეზად კვებასა და სერვისზე მნიშვნელოვნად გაზრდილი ფასები სახელდება, რის გამოც საქართველო არც ისე მიმზიდველ კურორტად მოიაზრება. რა იწვევს გაძვირებულ ფასებს საქართველოს კურორტებზე? სტუმარი: მალხაზ კუნელაური - "რედკოს" აღმასრულებელი დირექტორი #ახალიამბები #BusinessMediaGeorgia
PMCG კვლევითმა ცენტრმა, ტურიზმის ყოველთვიური მიმოხილვა გამოაქვეყნა, რომლის მიხედვითაც, საქართველოში სასტუმროების ფასების ინდექსი 2023 წლის დეკემბერში, 2023 წლის ნოემბერთან შედარებით 10.9%-ით გაიზარდა, მათ შორის 3, 4 და 5-ვარსკვლავიანი სასტუმროების ფასების ინდექსი 10%-ით, ხოლო საოჯახო ტიპის სასტუმროების ფასები 7%-ით გაიზარდა. თუმცა წლიურ ჭრილში, ფასები შემცირებულია. თუ მონაცემებს 2022 წლის დეკემბერს შევადარებთ, ვნახავთ, რომ სასტუმროების ფასების ინდექსი 7%-ით შემცირდა, მათ შორის 3, 4 და 5-ვარსკვლავიანი სასტუმროების ფასების ინდექსი 10%-ით, ხოლო საოჯახო ტიპის სასტუმროების ფასები 5.5%-ით ნაკლებია. #ახალიამბები #BusinessMediaGeorgia
#ავიაციისსიახლეები: ✈ ქუთაისის საერთაშორისო აეროპორტი 1,671,016 მგზავრს მოემსახურა (2023); ✈ 2023 წელს ყველაზე მეტი მგზავრს Wizz Air მოემსახურა - სამოქალაქო ავიაციის სააგენტო; ✈ “ჯორჯიან ეარვეისმა” 2023 წელს 327 ათასი მგზავრი გადაიყვანა, ზრდა 120%-ია; ✈ ქუთაისის აეროპორტში ავტოსადგომი გაფართოვდა - ბიუჯეტი ₾3.9 მილიონი; ✈ რამდენი შემოსავალი აქვს თბილისის აეროპორტის ოპერატორ TAV-ს? ✈ Wizz Air-ის ქუთაისიდან რომის ფიუმიჩინოს აეროპორტის ნაცვლად, ჩამპინოს აეროპორტში ჩაფრინდება; კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ავიაცია #ახალიამბები #BusinessMediaGeorgia
ზამთრის კურორტებზე არსებული დატვირთულობა და ფასები იყო გასულ კვირას ერთ-ერთი ძირითადი განსახილველი თემა და საკითხი. სოციალურ ქსელებში, ძირითადი ვნებათაღელვა გუდაურში HoReCa ბიზნესში არსებულ ფასებს მოჰყვა. რა სიტუაციაა დღეს კურორტზე, როგორია დატვირთულობა მიმდინარე წელს და როგორ აფასებენ წლევანდელ სეზონს ადგილობრივი თუ საერთაშორისო ვიზიტორები? სტუმარი: მირანდა ესაკია - მთის კურორტების ბიზნეს ასოციაციის თანადამფუძნებელი; #ახალიამბები #BusinessMediaGeorgia
კომპანია არემჯის საწარმოო ტერიტორიაზე 2018 წლიდან გარემოსდაცვითი პროექტები ხორციელდება. ღონისძიებები წყლისა და ჰაერის დაბინძურების შემცირებას ეხება, რომელიც საწარმო პროცესებიდან გამომდინარე წლების განმავლობაში ხდებოდა. საყდრისის კომიტეტისა და სხვა არასამთავრობო ორგანიზაციების ჩართულობით, საკითხი აქტუალური გახდა და არემჯის კაზრეთში ეკოლოგიური მდგომარეობის გაუმჯობესება დაევალა. ამ მიზნით, კომპანიამ არაერთი ინფრასტრუქტურა გამართა და დღეის მდგომარეობით თითქმის აღარ არსებობს როგორც ჰაერის, ასევე წყლის დაბინძურების საფრთხეები. თუმცა მთავარი შენარჩუნებაა. სამუშაოები მუდმივ მონიტორინგს ექვემდებარება, მონიტორინგის პროცესს კი არემჯის და სახელმწიფოს გარდა არასამთავრობო ორგანიზაციები და დამოუკიდებელი ექსპერტები უძღვებიან. რა სამუშაოები ჩატარდა ადგილზე? სტუმარი: გურანდა ავქოფაშვილი - თსუ-ს მეცნიერი, დამოუკიდებელი ექსპერტი გარემოს დაცვით საკითხებში; #ახალიამბები #BusinessMediaGeorgia
Forbes საბაზრო კვლევით კომპანია Statista-სთან თანამშრომლობით საუკეთესო დამსაქმებელი კომპანიების ყოველწლიურ რეიტინგს აქვეყნებს. რა კრიტერიუმით შედგა წლევანდელი რეიტინგი და ვინ დაიმსახურა 2023 წელს საუკეთესო დამსაქმებლის ტიტული? ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
სამეგრელოში, ზუგდიდში მდებარე ხის კოტეჯებისა და სახლების საწარმო „კოტეჯები სამეგრელო ჯგუფი“ მიმდინარე წელს კონვეინური მიმართულების ამოქმედებას გეგმავს. ამის შესახებ BM.GE-ის კომპანიაში განუცხადეს. კომპანიაში ხის კოტეჯები და სახლები სკანდინავიური, კარკასული მეთოდით შენდება, ხოლო მიმდინარე წელს, გადასატანი, ასაწყობი სახლების წარმოება იგეგმება. შესაბამისად, მომხმარებელს შეეძლება საწარმოდან ასაწყობი სახლი წაიღოს, რომელსაც თავად ააწყობს, ან კომპანია თავად უზრუნველყოფს ამ სახლის აწყობას. ამ ეტაპზე, ხის კოტეჯებისა და სახლების მინიმალური კვადრატულობა 40 კვ.მ-დან იწყება და კვადრატულის ღირებულება განისაზღვრება იმით, თუ სად უნდა აშენდეს კოტეჯი. თუმცა, მისი მინიმალური ღირებულება $280-დან იწყება. სტუმარი: გიორგი შამუგია - „კოტეჯები სამეგრელო ჯგუფის“ აღმასრულებელი დირექტორი; #ახალიამბები #BusinessMediaGeorgia
ექსპორტის მონაცემები ყოველწლიურად იცვლება. საგარეო ვაჭრობა ქვეყნის ეკონომიკის ზრდის მთავარი კომპონენტია და ყველაზე დიდ ეკონომიკას სწორედ ის ქვეყნები ფლობენ, რომლებიც საერთაშორისო ბაზრებზე ვაჭრობაში დაწინაურებული არიან. თუმცა, გლობალურ ბაზარზე ტოპ ექსპორტიორი ქვეყნების მონაცემები მუდმივად ცვლადია და ამაზე გავლენას სხვადასხვა ფაქტორი ახდენს. როგორია უკანასკნელი 150 წლის განმავლობაში განხორციელებული ცვლილებები? #ახალიამბები #BusinessMediaGeorgia
“ტესლას” ჰუმანოიდი რობოტის ახალი შესაძლებლობები; რობოტი SLIM-ის “შეუსრულებელი მისია” მთვარეზე. #ახალიამბები #BusinessMediaGeorgia
#საქმიანიდილა - 22 იანვარი - პროლოგი #ახალიამბები #BusinessMediaGeorgia
განდაგანა პარიზის მოდის კვირეულზე; ბაზელში ნიკო ფიროსმანის გამოფენა გრძელდება; აფხაზეთის სამხატვრო გალერეაში 4 ათასი ნამუშევარი დაიწვა. #ახალიამბები #BusinessMediaGeorgia
როგორ შეიქმნა საფონდო ბირჟები? #ახალიამბები #BusinessMediaGeorgia
10 გბ. მობილური ინტერნეტი და 1795 წუთი სასაუბრო დრო, 24 ევროპული ქვეყნის საშუალო ფასთან შედარებით, 35%-ით უფრო ძვირია. აღნიშნული შედეგები საქართველოს სატელეკომუნიკაციო მომსახურებების ფასების შედარებითმა ანალიზმა აჩვენა, რომელიც კომუნიკაციების კომისიის დაკვეთით 2023 წელს ჩატარდა. "ბენჩმარკინგის” კვლევის შედეგების მიხედვით, საქართველოში დაბალი მოცულობის და სიჩქარის მომსახურებები, როგორც მობილურ, ისე ფიქსირებულ ბაზარზე, კვლევაში შემავალი ქვეყნების ფასების თითქმის ანალოგიური ან უფრო იაფია. ხოლო, რაც შეეხება მაღალი მოცულობის და სიჩქარის მომსახურებების ფასებს - ევროპული ქვეყნების საშუალოს მნიშვნელოვნად აჭარბებს. კვლევის მიხედვით მაღალი მოცულობის და სიჩქარის მომსახურებებზე მაღალი ფასები განსაკუთრებით მნიშვნელოვანი და პრობლემურია, ვინაიდან 2022 წლის მონაცემებით, მობილური ინტერნეტის მოხმარება მკვეთრად მზარდია და საშუალოდ ერთი აბონენტის მოხმარება თვეში 12 გბ-ს აღწევს. „ვიდრე საქართველოში შენარჩუნდება მაღალსიჩქარიანი და მაღალი მოცულობის ინტერნეტის მაღალი ფასები, მომხმარებლები კვლავ იძულებული იქნებიან აირჩიონ დაბალსიჩქარიანი და დაბალი მოცულობის მომსახურებები ან გადაიხადონ მნიშვნელოვნად მაღალი, პრემიუმ ფასები და ასე მიიღონ მაღალი სიჩქარე/მოცულობა“, - წერია დასკვნაში. კვლევა ბრიტანულმა კვლევითმა ორგანიზაციამ, Strategy Analytics-მა საერთაშორისოდ აღიარებული და აპრობირებული მეთოდოლოგიის შესაბამისად განახორციელა, რომელიც ეკონომიკური თანამშრომლობისა და განვითარების ორგანიზაციის (OECD) მიერ არის შემუშავებული. სწორედ ამ მეთოდოლოგიის მიხედვით, ევროპის ქვეყნებთან შესადარებლად, გამოყენებულია ორი მსხვილი ოპერატორის, “მაგთიკომისა” და “სილქნეტის” მომსახურებების ფასები, ვინაიდან აღნიშნული კომპანიები ფლობენ საქართველოს სატელეკომუნიკაციო ბაზრის 70%-ზე მეტს და მომხმარებელს სთავაზობენ როგორც ფიქსირებულ, ასევე მობილურ ინტერნეტს. კვლევაში გამოყენებული მონაცემები კი, 2023 წლის აპრილის მდგომარეობით, საქართველოში არსებული შეთავაზებებიდან, ყველაზე დაბალ ფასიანს ასახავს. ფასები მსყიდველობითი უნარიანობის პარიტეტის (PPP) შესაბამისად არის დაანგარიშებული და წარმოდგენი #ახალიამბები #BusinessMediaGeorgia
მსოფლიო ბანკის განახლებული გლობალური ეკონომიკური პროგნოზების მთავარი წუხილი ის არის, რომ 2020 წლიდან მოყოლებული ახალი ათწლეული შესაძლოა ხელიდან გაშვებული შესაძლებლობების ათწლეულად ჩამოყალიბდეს. ამ ხაზს გავყევით ჩვენც ინტერვიუში და რამდენიმე აქცენტი დავსვით – გავაანალიზეთ გლობალური ეკონომიკური ზრდის ტემპის შენელების მიზეზები; ვისაუბრეთ იმ მოლოდინებზე, რაც 2020 წლიდან ახალი ათწლეულის მიმართ ტრანფორმაციული გავლენის თვალსაზრისით ჰქონდა მსოფლიო ბანკს; განვიხილეთ ის მიდგომები და რეფორმები, რაც შეიძლება ქვეყნებმა გაატარონ იმისთვის, რომ მაღალი ხარისხის ინვესტიციები მოიზიდონ და ინვესტიციების სტაბილური ზრდის ფონზე ერთი მხრივ დააბალანსონ საგარეო გამოწვევები და მეორე მხრივ, გაზარდონ ეკონომიკა, ერთ სულზე შემოსავალი და დააგროვონ დოვლათი. რას აფუძნებს მსოფლიო ბანკი თავის პროგნოზებს და რა განსხვავებებს ხედავს განვითარებული და განვითარებადი ქვეყნების მიდგომებში? აიჰან კოსე - მსოფლიო ბანკის ანალიტიკური ჯგუფის დირექტორი; #საქმიანიდილა-ს #ანალიტიკა ელენე კვანჭილაშვილთან ერთად; #ახალიამბები #BusinessMediaGeorgia
20 იანვარს, თბილისში მიხეილ მესხის სახელობის სტადიონზე ჩელენჯ თასის ეგიდით პირველი ქართული პროფესიონალური სარაგბო კლუბი „შავი ლომი“ ფრანგულ „კლერმონს“ დაუპირისპირდება. საქართველო ჩელენჯ თასის ტურნირში პირველად მონაწილეობს. რატომ არის მნიშვნელოვანი ეს ქვეყნისთვის, რა შესაძლებლობებს მისცემს საქართველოს რაგბს, საქართველოს ეკონომიკას და ტურიზმს? სტუმრები: დომინიკ მაქკაი - ევროპული პროფესიონალური საკლუბო რაგბის მმართველი; ნიკოლოზ ალავიძე - საქართველოს რაგბის კავშირის პრეზიდენტის მრჩეველი; საუბარს სინქრონულად თარგმნის NG Georgia; #ახალიამბები #BusinessMediaGeorgia
ბრენდის ხმა - კაცები ირაკლი კაკაბაძე - პროდიუსერი; "კაცები", წამყვანი; #BrandVoice #ბრენდისხმა #BMG #BMGTV #ახალიამბები #BusinessMediaGeorgia
თიბისიმ ბიზნესის მხარდაჭერის პროექტში ბიზნეს დაჯილდოება 2023-ის ფინალისტი კომპანიები გამოავლინა. ფინალისტები 5 ნომინაციაში 400-ზე მეტი კომპანიიდან შეირჩა, რომლებიც წლევანდელ დაჯილდოებაში მონაწილეობდნენ. ბიზნეს დაჯილდოება თიბისის ბიზნესის მხარდაჭერის პროექტია, რომელიც უკვე მეშვიდედ იმართება და მასში მონაწილეობა 3000 - ზე მეტმა კომპანიამ მიიღო. დღეს გაგაცნობთ ბიზნეს დაჯილდოება 2023-ის 2 ფინალისტს. სერიალი ცვალებადი ნიშნები, რომელიც ფინალისტად წარდგენილია ნომინაციაში საუკეთესო პროდუქტის შექმნისთვის და Signify, რომელიც წარდგენილია ნომინაციაზე საუკეთესო ინოვაციური სტარტაპისთვის. სტუმრები: ზვიად წოწკოლაური - Signify-ის აღმასრულებელი დირექტორი; გვანცა გარმელია - "ცვალებადი ნიშნების" კრეატიული პროდიუსერი #ახალიამბები #BusinessMediaGeorgia
ყველაზე მსხვილი საფონდო ბაზრები 50 წლის განმავლობაში როგორ შეიქმნა საფონდო ბირჟები? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
ხელოვნური ინტელექტის გავლენა შრომით ბაზარზე - დავოსში მიმდინარე მსოფლიო ეკონომიკურ ფორუმზე ეს ერთ-ერთი განსახილველი თემა იყო. მსოფლიოს მსხვილი კომპანიების წარმომადგენლების ნაწილი აცხადებს, რომ ხელოვნური ინტელექტი დედამიწაზე უფრო დიდ ტრანსფორმაციას მოახდენს, ვიდრე მობილური ტელეფონი. ამასთან, IMF-ის შეფასებით, ხელოვნური ინტელექტი საზოგადოების უთანასწორობის პრობლემას კიდევ უფრო მეტად გაამწვავებს, სამუშაოების 40%-ში კი ადამიანებს ხელოვნური ინტელექტი ჩაანაცვლებს. რა გავლენა ექნება ხელოვნურ ინტელექტს გლობალურ და ქართულ შრომით ბაზარზე? სტუმარი: ზაალ გაჩეჩილაძე - AI Lab-ის თანადამფუძნებელი, Pulsar AI-ის თანადამფუძნებელი; #ახალიამბები #BusinessMediaGeorgia
ლიკა მეგუთნიშვილმა დაითვალა და მოამზადა რეიტინგი, სადაც არის საუბარი ფისკალურ წლის მონაცემებზე დაყრდნობით, რომელიც 2023 წლის 31 მარტს დასრულდა, მასზე რომ მსოფლიოს 500-მა უმსხვილესმა კომპანიამ ერთობლივად 41 ტრილიონი დოლარის შემოსავალი მიიღო, ხოლო ჯამური მოგება 2.9 ტრილიონი დოლარით განისაზღვრა. ეს კომპანიები 700 მილიონზე მეტ ადამიანს ასაქმებენ პლანეტაზე, თითოეულ თანამშრომლებზე საშუალო მოგება კი, 41.3 ათასი დოლარით განისაზღვრა. რომელ ინდუსტრიაში მოქმედი კომპანიის თანამშრომლებს აქვთ მოგების ყველაზე მაღალი მაჩვენებელი? ლიკა მეგუთნიშვილი - BMG-ის რეპორტიორი; #ახალიამბები #BusinessMediaGeorgia
მსოფლიოში მოგზაურობაზე მოთხოვნა კი განუხრელად იზრდება. ან რა შეაჩერებს მის ზრდას, ვერ წარმომიდგენია.შესაბამისად, ავიაკომპანიები სხვადასხვა ქვეყნის მიმართულებით ფრენების სიხშირეებს ზრდიან. ფრენების სიხშირეებთან ერთად იზრდება ავიაკომპანიების ფლოტიც. ავიაკომპანიები ინვესტიციებს ახორციელებენ კომერციული თვითმფრინავების შესყიდვის მიმართულებითაც. ყველაზე მეტი თვითმფრინავი 2023 წელს ინდოეთის ავიაკომპანიებმა შეიძინეს. კიდევ რომელმა ავიაკომპანიებმა შეუკვეთეს კომერციული თვითმფრინავები 2023-ში? #ახალიამბები #BusinessMediaGeorgia
გაციფრულებული სტომატოლოგია “ალბიუსისგან” - ინტერვიუ ქეთი გოგილაშვილთან ქეთი გოგილაშვილი - სტომატოლოგიის ცენტრი “ალბიუსის" დამფუძნებელი; #ახალიამბები #BusinessMediaGeorgia
მართვის მოწმობის აღების მაჩვენებელი შემცირდა - მიზეზები #ახალიამბები #BusinessMediaGeorgia
#საქმიანიდილა - 19 იანვარი - პროლოგი #ახალიამბები #BusinessMediaGeorgia
ამერიკელი მსახიობი და კალიფორნიის ყოფილი გუბერნატორი არნოლდ შვარცენეგერი მიუნხენის აეროპორტში რამდენიმე საათით დააკავეს. როგორც გერმანული მედია წერს, დაკავების მიზეზი 26 000 ევროს ღირებულების Audemars Piguet-ის საათი გახდა, რომელიც შვარცენეგერმა არ დაადეკლარირა.საბაჟო წესების დარღვევის გამო, მსახიობს 35 000 ევროს ოდენობის ჯარიმის გადახდა მოუწია. გერმანული საბაჟო კანონმდებლობის მიხედვით, ჯარიმის ნახევარი მსახიობს ნაღდი ფულის სახით უნდა გადაეხადა, რის გამოც შვარცენეგერს ბანკში მებაჟის თანხლებით მისვლა და თანხის გამოტანა მოუხდა. #ახალიამბები #BusinessMediaGeorgia
ავტოსაგზაო შემთხვევების დროს მძღოლებს შესაძლოა, ავტომობილის გადაადგილების უფლება მიეცეთ. როგორც გასული წლის მიწურულს თბილისის საკრებულოში დედაქალაქის მერის მიერ წლიური ანგარიშის წარდგენისას გახდა ცნობილი, ახალი კანონის შემოღებაზე საუბარი გასული 2023 წლის ბოლოს დაიწყო. ცვლილებებზე შსს თბილისის მერიასთან ერთად მუშაობს. რას შეცვლის ავარიის დროს მძღოლებს გზის გათავისუფლებისა და მანქანის ადგილიდან დაძვრის უფლება საცობების თვალსაზრისით? სტუმარი: ირაკლი იზორია - „პარტნიორობა საგზაო უსაფრთხოებისთვის“ დირექტორი; #ახალიამბები #BusinessMediaGeorgia
შესაძლოა, ექიმი ვალდებული გახდეს ფარმაცევტული კომპანიისგან მიღებული თანხის შესახებ ინფორმაცია გაასაჯაროოს. ამის შესახებ ჯანდაცვის სამინისტროს სტრატეგიული განვითარებისა და ანალიტიკის დეპარტამენტის უფროსმა ლელა სულაბერიძემ პალიტრასთან ისაუბრა. მისი თქმით, სამინისტრო რეცეპტების მონიტორინგს ახორციელებს, სადაც საკვები დანამატებისა და ვიტამინები საკმაოდ დიდი რაოდენობით ხვდება, შესაბამისად სამინისტრო გეგმავს, რომ ამ კუთხით ანალიზი კიდევ უფრო აქტიური გახდეს, ექიმებთან კი სარეკომენდაციო ხასიათის შეხვედრები გაიმართოს. როგორ უნდა იქცეს რეცეპტების მონიტორინგი ეფექტიანი? სტუმარი: ვატო სურგულაძე - ჯანდაცვის მენეჯმენტის სპეციალისტი; #ახალიამბები #BusinessMediaGeorgia
„მთლად რომ ჩვენ მოგვიწიოს მუშაობა, მე, ჩემს მოადგილეებს, ჩემს თანამშრომლებს, წერეთლის გამზირზე საგზაო ინფრასტრუქტურის სამუშაოები იანვრის ბოლოს უნდა დასრულდეს“ - ეს პირობა გუშინდელ მთავრობის სხდომაზე თბილისის მერმა კახა კალაძემ დადო, რომელიც ირწმუნება, რომ წერეთლის გამზირზე საავტომობილო მოძრაობა 2-კვირიან ვადაში აღდგება. სარეაბილიტაციო სამუშაოები წერეთელზე გასული წლის 20 აპრილს დაიწყო, მერიამ კი ვადების შეუსრულებლობისთვის კომპანიას ხელშეკრულება რამდენიმე დღის წინ გაუწყვიტა. გამოცხადდა გამარტივებული შესყიდვა და ამჯერად სამუშაოებს 4 სხვა კომპანია აგრძელებს. რატომ ვერ ასრულებს მერია დათქმულ ვადებში ტენდერებს? სტუმარი: ცოტნე კობერიძე - „გირჩი – მეტი თავისუფლება“; #ახალიამბები #BusinessMediaGeorgia
„კოლიერს ჯორჯიას“ წლიური მონაცემების მიხედვით კი, 2023 წელს თბილისში საცხოვრებელი ბინების ტრანზაქციების რაოდენობამ 41,061 ერთეული შეადგინა, რაც წინა წელთან შედარებით 8%-ით შემცირებული მაჩვენებელია. მიუხედავად რაოდენობის კლებისა, ბაზრის ზომა 5%-ით, 2.5 მილიარდ აშშ დოლარამდეა გაზრდილი, რაც გაძვირებული ფასით იხსნება. გასულ წელს თბილისში ახალ პროექტებში ტრანზაქციების მხოლოდ 4%-იანი კლება ფიქსირდება. ძველ პროექტებში კი 2022 წელთან შედარებით მაჩვენებელი 16%-ით არის შემცირებული. რაც შეეხება ბათუმს, 2023 წელს ბათუმში საცხოვრებელი ბინების ტრანზაქციების რაოდენობამ 15,826 ერთეული შეადგინა და წინა წელთან შედარებით 9%-იანი კლება აჩვენა. ბათუმის შემთხვევაში 6%-ით, 690 მილიონ აშშ დოლარამდეა შემცირებული ბაზრის ზომა. ძველ და ახალ პროექტებში კი ტრანზაქციების კლება შემდეგნაირად ნაწილდება - ახალ პროექტებში გაყიდვებით 8%-ით, ძველ პროექტებში კი 15%-ით შემცირდა. როგორ ფასდება უძრავი ქონების ბაზარზე არსებული სურათი კოლიერს ჯორჯიას მიერ? სტუმარი: ლეო ჩიქავა - „კოლიერს ჯორჯიას“ კვლევებისა და მონაცემთა სერვისების ხელმძღვანელი; #ახალიამბები #BusinessMediaGeorgia
ეროვნული ბანკის საბაზისო სცენარის მიხედვით, უძრავი ქონება მომავალ წლებშიც გაძვირდება. თუკი 2023 წელს ზრდა ლარში 12,5% იყო, მიმდინარე წელს 6%, ხოლო 2025-2026 წწ-ში 5,5% იქნება. სებ-ი მოელის, რომ გეოპოლიტიკური ვითარების დასტაბილურების კვალდაკვალ, უძრავ ქონებაზე საგარეო მოთხოვნას შიდა მოთხოვნა ჩაანაცვლებს, ეს კი საშუალოვადიან პერიოდში უძრავი ქონების ფასების ზრდას ნომინალური ეკონომიკური ზრდის პროპორციულს გახდის. როგორც სებ-ის ფინანსური სტაბილურობის ანალიზისა და მაკროფინანსური მოდელირების განყოფილების უფროსმა მარიამ ხარაიშვილმა გადაცემა „უძრავი ქონების პროსპექტში“ სტუმრობისას განმარტა, უძრავ ქონებაზე ფასის მაღალი ზრდა განპირობებული იყო ისეთი ფაქტორებით, როგორიც არის მაღალი ეკონომიკური აქტივობა, წლის დასაწყისში გაზრდილი სამშენებლო მასალის ფასები გლობალურად გამკაცრებული ფინანსური პირობების ფონზე და ამასთან გაზრდილი მოთხოვნის ხარჯზე, როგორც ადგილობრივი მოსახლეობის, ისე მიგრანტების მხრიდან. #ახალიამბები #BusinessMediaGeorgia
ნუშისა და კაკლის მწარმოებელთა ასოციაციამ 200-მდე ნუშის და კაკლის მწარმოებელი ფერმერი გამოჰკითხა. გამოკითხვის შედეგებით: კომერციული ბაღებიდან ფერმერებმა 2,500 ტონა კაკლის მოსავალი მიიღეს, ნუშის მოსავალმა კი 2,000 ტონა შეადგინა. კაკლის გამოსავლიანობა, ანუ ნიგოზი 48 % იყო, ხოლო ნუშის გამოსავლიანობა 30% . ასოციაციამ კაკლის და ნუშის მწარმოებელი ფერმერების გამოკითხვა სოფლის განვითარების სააგენტოსთან თანამშრომლობის ფარგლებში ჩაატარა. გასულ წელს ნუშის და კაკლის აგროინდუსტრიაში ჩართულმა 180-მა ფერმერმა საერთო ჯამში, კომერციული ბაღებიდან, დაახლოებით 1,300 ტონა ნუში და 2,000 ტონა კაკლის მოსავალი მიიღო. რამდენად კარგ შედეგებზე გავიდა სექტორი და როგორია მიმდინარე წლის მოლოდინები, განსაკუთრებით მაშინ, როდესაც აგროკულტურა USAID-ის სოფლის მეურნეობის პროგრამის მხარდაჭერით კიდევ უფრო იზრდება. სტუმრები: ლევან ქვარიანი - USAID-ის სოფლის მეურნეობის პროგრამის წარმომადგენელი; ანა ქევხიშვილი - ნუშის და კაკლის მწარმოებელთა ასოციაციის სამეთვალყურეო საბჭოს წევრი; ნიკო ნიკოლაძე - ნუშის და კაკლის მწარმოებელთა ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
არქიტექტურული წახნაგები - ნიკა ლეკვეიშვილი ნიკა ლეკვეიშვილი - არქიტექტორი; ავტორები: მანანა მანჯგალაძე, გიორგი მაისურაძე, ლადო ცხადაია #ახალიამბები #BusinessMediaGeorgia
ერთი წელი გავიდა მას შემდეგ, რაც თბილისის ერთ-ერთ უბანში ლიფტის შახტში ჩავარდნის შედეგად მომხდარი ტრაგედია, რომელსაც 2 ადამიანის სიცოცხლე ემსხვერპლა. ლიფტები, კიდევ ბევრ სხვა რამესთან ერთად დღემდე სისტემური პრობლემაა ჩვენი ქალაქისთვის, თბილისის საცხოვრებელ კორპუსებში დაახლოებით 13 000-მდე ლიფტია, სადაც ინსპექტირება მხოლოდ მინიმალურ რაოდენობაზე ხდება. ძირითადად მონიტორინგი ხორციელდება ახალ კორპუსებში რომლის წილიც საკმაოდ მცირეა. რა შეიცვალა მას შემდეგ თბილისში, გაიზარდა თუ არა მიმართვიანობა ლიფტების ტექნიკურ ინსპექტირებაზე და რამდენად უსაფრთხოა ჩვენი ყოველდღიურობა? სტუმარი: სანდრო შელია - "სი ეი ინთერნეიშენალის" გენერალური დირექტორი #ახალიამბები #BusinessMediaGeorgia
S&P 500 ინდექსი, რომელიც 11-ვე ინდუსტრიას მოიცავს, 24% ით გაიზარდა. ცხადია, ამ ინდუსტრიებს შორის იყვნენ ისეთებიც, რომლებმაც წელი განსაკუთრებით კარგი შედეგებით დახურეს და ისეთებიც, რომელთათვისაც 2023 წელი, საკმაოდ არასახარბიელო შედგებით დასრულდა. ლიკა მეგუთნიშვილი - #BMG-ის რეპორტიორი #ახალიამბები #BusinessMediaGeorgia
ქართულ არქიტექტურულ კომპანია ტასჰაბსა და სინგაპურულ კომპანია სურბანა ჯურონგ-ს შორის მემორანდუმი ფორმდება. ორმხრივი თანამშრომლობით, ქართული კომპანია მათ დაეხმარებათ პროექტების შეთანხმებაში, დოკუმენტების მომზადებაში, ისინი კი თავისი სერვისებით მოამარაგებენ, მათ შორის არქიტექტურული სერვისებით და კონსულტაციებით, როცა და თუ დადგება ამის საჭიროება. სტუმრები: სერგი გიორგაია - "ტასჰაბის" დამფუძნებელი; კავა ბაჰა - Surbana Jurong Group-ის აღმასრულებელი დირექტორი ცენტრალური აზიის, კავკასიის რეგიონისა და აღმოსავლეთ ევროპის ქვეყნებში; გიორგი კაკალაძე - Surbana Jurong Group-ის ოპერაციების დირექტორი ცენტრალური აზიის, კავკასიის რეგიონისა და აღმოსავლეთ ევროპის ქვეყნებში; საუბარს სინქრონულად თარგმნის NG Georgia #ახალიამბები #BusinessMediaGeorgia
კლიმატური ცვლილებები რომ 54-ე ფორუმის მთავარი თემაა, ეს უკვე ვიცით. გლობალურ რისკებში კიდევ ბევრი მიმართულებაა, რაც დასაძლევია. აი, რა იქნება წელს მთავარი რისკები გლობალური ეკონომიკისთვის? - ამ კითხვაზე საპასუხოდ Visual Capitalist-მა 1490 ექსპერტის გამოკითხვის საფუძველზე შეადგინა მიმოხილვა, რომელშიც ყველა ის რისკებია გაანალიზებული რომელიც როგორც მიმდინარე, ისე მომდევნო წლების განმავლობაში მსოფლიოსთვის მთავარი გამოწვევები იქნება. #ახალიამბები #BusinessMediaGeorgia
წერეთლის გამზირის რეაბილიტაცია 2023 წლის 20 მაისიდან დაიწყო, შესაბამისად, ურთულებს ვითარებაში უწევდათ იქ მომუშავე ბიზნესებს ანუ წერეთლის გამზირზე განთავსებულ ბიზნესებს საქმიანობა. როგორი იყო მათთვის გასული 8 თვე, იზარალეს თუ არა სარეაბილიტაციო სამუშაოების გამო და როგორი მოლოდინები აქვთ უკვე გახსნილი და ახალი გამზირის პირობებში? #ახალიამბები #BusinessMediaGeorgia
წერეთლის გამზირის რეაბილიტაცია 2023 წლის 20 მაისიდან დაიწყო, შესაბამისად, ურთულებს ვითარებაში უწევდათ იქ მომუშავე ბიზნესებს ანუ წერეთლის გამზირზე განთავსებულ ბიზნესებს საქმიანობა. როგორი იყო მათთვის გასული 8 თვე, იზარალეს თუ არა სარეაბილიტაციო სამუშაოების გამო და როგორი მოლოდინები აქვთ უკვე გახსნილი და ახალი გამზირის პირობებში? #ახალიამბები #BusinessMediaGeorgia
"ჯი თი გრუპმა" მარნეულში კასტროლის სერვის ცენტრი გახსნა. კომპანიის ახალი სერვისცენტრი ზეთის გამოცვლისა და ავტომობილების მსუბუქი სერვისებისთვის არის გათვლილი. ობიექტზე განთავსებული უახლესი ტექნიკა ყველა ტიპის ავტომობილის მომსახურების შესაძლებლობას იძლევა. აღსანიშნავია ისიც, რომ სერვის ცენტრი განახლებად ენერგიას იყენებს. გარდა ამ სიახლისა, რომლითაც ჯი თი გრუპმა ახალი წელი დაიწყო, წინ კიდევ ბევრი გეგმაა. როგორ ჩაიარა კასტროლის სერვის ცენტრის გახსნამ და რა სამომავლო გეგმები აქვს კომპანიას? #ახალიამბები #BusinessMediaGeorgia
#საქმიანიდილა - 18 იანვარი - პროლოგი #ახალიამბები #BusinessMediaGeorgia
ბელგიის პოლიციამ ქალაქ ანტვერპენში, ერთ-ერთი სახლის სარდაფში ცნობილი მხატვრების, პაბლო პიკასოს და მარკ შაგალის ნახატები იპოვა. სამართალდამცველების თქმით, ნამუშევრები დაზიანებული არ არის. პიკასოს "ტეტე" და შაგალის "მამაკაცი ლოცულობს" ისრაელში, თელ-ავივში 2010 წელს ერთ-ერთ კოლექციონერს მოპარეს.ნამუშევრების ღირებულება 900 000 აშშ დოლარს შეადგენს. კოლექციონერის სახლიდან ქურდებმა ნახატებთან ერთად 680 000 აშშ დოლარის ღირებულების ძვირფასეულობაც წაიღეს, თუმცა, სამართალდამცველებმა ამ ეტაპზე მხოლოდ ნახატები იპოვეს. #ახალიამბები #BusinessMediaGeorgia
Eye Gallery, ასე ჰქვია მარიამ გომურაშვილის წამოწყებას, რომელიც მომხმარებელს ხელოვნებისა და ტექნოლოგიების შერწყმის შედეგად შექმნილ არაჩვეულებრივ გამოცდილებას სთავაზობს. ეს სტარტაპი თითოეულ თქვენგანს გაძლევთ შესაძლებლობას, რომ საკუთარი თვალების უნიკალური ნიმუშები დაამზადოთ. სტუმარი: მარიამ გომურაშვილი - Eye Gallery-ს დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
ნეტო აღრიცხვის პროგრამაში ჩართული მიკროსიმძლავრის ელექტროსადგურების რაოდენობა გაიზარდა. სემეკის მიმდინარე წლის მონაცემებითნეტო აღრიცხვის პროგრამაში ჩართული მიკროსიმძლავრის ელექტროსადგურების რაოდენობა გაიზარდა. სემეკის მიმდინარე წლის მონაცემებით, განახლებადი ენერგიების განვითარების ხელშეწყობის მიზნით, ნეტო აღრიცხვის ქსელში 1039 სადგურია ჩართული, რომელთა ჯამური დადგმული სიმძლავრე 64 მეგავატს შეადგენს. მათ შორის „თელასის“ გამანაწილებელ ქსელში ჩართულია 314 სადგური, ხოლო სს „ენერგო პრო ჯორჯიას“ ქსელში - 725. სემეკის რეგულაციების შესაბამისად, საკუთარი მოხმარებისათვის, მომხმარებელს ან მომხმარებელთა ჯგუფს შეუძლია ელექტროენერგია გამოიმუშაოს განახლებადი ენერგიების - მზის, ქარის, წყლის, მათ შორის ჩამდინარე წყლის გამოყენებით, ხოლო ჭარბად გამომუშავებული ენერგია მიყიდოს გამანაწილებელი ქსელის მფლობელ კომპანიას. აღსანიშნია, რომ ნეტო აღრიცხვა არ წარმოადგენს სამეწარმეო საქმიანობას და ჭარბი ელექტროენერგიის რეალიზაციიდან მიღებული შემოსავალი გათავისუფლებულია საშემოსავლო გადასახადისგან. სემეკმა ნეტო აღრიცხვის რეგულაცია 2016 წელს დანერგა. რამ განაპირობა სისტემაში ჩართული მიკროსიმძლავრის ელექტროსადგურების ზრდა და როგორ წარმოუდგენია მარეგულირებელს ამ სქემის შემდგომი ცვლილება? სტუმარი: ნუგზარ ბერიძე - ენერგეტიკის სასწავლო ცენტრის დირექტორი; , განახლებადი ენერგიების განვითარების ხელშეწყობის მიზნით, ნეტო აღრიცხვის ქსელში 1039 სადგურია ჩართული, რომელთა ჯამური დადგმული სიმძლავრე 64 მეგავატს შეადგენს. მათ შორის „თელასის“ გამანაწილებელ ქსელში ჩართულია 314 სადგური, ხოლო სს „ენერგო პრო ჯორჯიას“ ქსელში - 725. სემეკის რეგულაციების შესაბამისად, საკუთარი მოხმარებისათვის, მომხმარებელს ან მომხმარებელთა ჯგუფს შეუძლია ელექტროენერგია გამოიმუშაოს განახლებადი ენერგიების - მზის, ქარის, წყლის, მათ შორის ჩამდინარე წყლის გამოყენებით, ხოლო ჭარბად გამომუშავებული ენერგია მიყიდოს გამანაწილებელი ქსელის მფლობელ კომპანიას. აღსანიშნია, რომ ნეტო აღრიცხვა არ წარმოადგენს სამეწარმეო საქმიანობას და ჭარბი ელექტროენერგიის რეალიზაციიდან მიღებული შემოსავალი გათავისუფლებულია საშემოსავლო გადას #ახალიამბები #BusinessMediaGeorgia
მიმდინარე წლის 1 მარტიდან ძალაში შედის პერსონალურ მონაცემთა დაცვის ახალი კანონის ძირითადი ნაწილი, რომელიც არაერთ დამატებით ვალდებულებას აწესებს იმ პირებისათვის, რომლებიც ჩართულნი არიან პერსონალურ მონაცემთა დამუშავებაში. ასეთი ქვეყანაში მოქმედი არც თუ ცოტა საჯარო თუ კერძო დაწესებულებაა. მათ რამდენიმე თვე რჩებათ იმისთვის, რომ კანონის ამოქმედებამდე პერსონალურ მონაცემთა დამუშავების დანერგილი პრაქტიკა კანონთან შესაბამისობაში მოიყვანონ. პერსონალურ მონაცემთა დაცვის შესახებ ახალმა კანონმა გააჩინა პერსონალურ მონაცემთა დაცვის ოფიცრის პოზიცია. ოფიცრის ძირითადი ფუნქციაა დაეხმაროს ორგანიზაციას პერსონალურ მონაცემთა დაცვის კანონმდებლობასთან შესაბამისობის უზრუნველყოფაში. მისი დანიშვნის ვალდებულება აქვთ, სადაზღვევო ორგანიზაციებს, ბანკებს, სამედიცინო დაწესებულებებს, საჯარო დაწესებულებებს და ყველა იმ პირს, რომელიც საქართველოს მოსახლეობის არანაკლებ 3 %-ის პერსონალურ მონაცემებს ამუშავებს. კანონით მონაცემთა დამუშავებისთვის პასუხისმგებელმა პირმა, უნდა შეიმუშაოს წერილობითი, მათ შორის, ელექტრონული დოკუმენტი რომელშიც დეტალურად იქნება აღწერილი მონაცემთა დამუშავების მიზნები, მონაცემთა სუბიექტების კატეგორიები, შენახვის ვადები, ვისთვის ხდება მონაცემთა გადაცემა და ა.შ. კანონით დადგენილი წესების დარღვევისთვის მნიშვნელოვნად მკაცრდება პასუხისმგებლობაც. დადგენილი ჯარიმების ოდენობა განსხვავდება სამართალდარღვევის ტიპების მიხედვით და ძირითადად 1,000 – 6,000 ლარის ფარგლებში მერყეობს. რამდენად მზად არის კერძო და საჯარო სექტორი კანონის მოთხოვნების დასაკმაყოფილებლად და რა სამუშაო გასწია პერსონალურ მონაცემთა დაცვის სამსახურმა მათი სათანადო ინფორმირებისთვის? სტუმარი: არჩილ ჯაველიძე - პერსონალურ მონაცემთა დაცვის სამსახურის კერძო სექტორზე ზედამხედველობის დეპარტამენტის უფროსი; #ახალიამბები #BusinessMediaGeorgia
5 წელზე მეტია, საქართველოს ტერიტორიაზე უცხო სახელმწიფოში რეგისტრირებული ტრანსპორტის გადაადგილება ადმინისტრაციულ პასუხისმგებლობას დაექვემდებარა. 2018 წლის 1 მარტიდან, უცხო სახელმწიფოში რეგისტრირებული ავტოსატრანსპორტო საშუალების საქართველოს ტერიტორიაზე შემოსვლისას ავტოსატრანსპორტო საშუალების მფლობელი/მძღოლი ვალდებულია მისი სამოქალაქო პასუხისმგებლობა დააზღვიოს. სავალდებულო დაზღვევის გარეშე გადაადგილება 100-დან 200 ლარამდე საჯარიმო სანქციას ითვალისწინებს. ამ ტიპის სავალდებულო დაზღვევიდან ინდუსტრიამ 2022 წელს 42 მილიონი ლარის პრემია მოიზიდა, 30 მილიონი ლარის ფარგლებში იყო მოგების მაჩვენებელი. კოვიდ პანდემიის შემდეგ სავალდებულო დაზღვევის ცენტრის შემოსავლების ზრდა მეტწილად რუსეთ-უკრაინის ომის ფონზე საქართველოს სატრანზიტო დერეფანში გაზრდილ ტვირთბრუნვას უკავშირდებოდა. როგორი იყო უკვე 2023 წელი ზრდის კუთხით? სტუმარი: გიორგი ჩაჩუა - სავალდებულო დაზღვევის ცენტრის გენერალური დირექტორი; #ახალიამბები #BusinessMediaGeorgia
წითელი ზღვის კრიზისი და მისი გავლენა ჩინეთში ექსპორტზე - შედეგი, რაც თვალნათლივ ჩანს, გართულებულია ტრანსპორტირება, გაზრდილია გადაზიდვის დრო და ხარჯი. წითელ ზღვაში სატრანზიტო გემებზე გახშირებული თავდასხმების გამო ევროპასა და აზიას შორის ტვირთის ტრანსპორტირების მარშრუტი შეიცვალა. გადამზიდავებს სუეცის არხზე გამავალი მარშრუტის ჩანაცვლება სამხრეთ აფრიკის ქვეყნების გავლით უწევთ. გემების მარშრუტის ამგვარი დაგრძელება, ავტომატურად იწვევს ტრანსპორტირების გაძვირებას. ქართველი გადამზიდავები ამბობენ, რომ შავი ზღვიდან ჩინეთის მიმართულებით საექსპორტო კონტეინერების გადაზიდვის ფასი 600-900 დოლარით, ხოლო საიმპორტო კონტეინერების ღირებულება 2-2.5-ჯერ გაიზარდა. შესაბამისად, მწარმოებლებს ჩინეთამდე გადაზიდვა გაუძვირდათ, რაც ლოგიკურია ნაკლებ შემოსავლიანობას და მოგებიანობას გამოიწვევს. კილის ეკონომიკის ინსტიტუტის მონაცემებით, წითელი ზღვის კრიზისმა 2023 წლის ნოემბრიდან დეკემბრამდე გლობალური ვაჭრობა 1,3%-ით შეამცირა. მათი განცხადებით, ამჟამად წითელი ზღვის გავლით ყოველდღიურად დაახლოებით 200 ათასი კონტეინერის ტრანსპორტირება ხდება, რა მაჩვენებელიც კრიზისის დაწყებამდე დაახლოებით 500 ათასი იყო. კრიზისს ასახვა ექნება საქართველოს ეკონომიკაზეც. ჩინეთი საქართველოს ერთ-ერთი უმსხვილესი სავაჭრო პარტნიორი ქვეყანაა. გასული წლის 11 თვის მდგომარეობით ქვეყნებს შორის სავაჭრო ბრუნვა 1,5 მილიარდ დოლარს აჭარბებს. როგორ რეაგირებენ ქართველი ექსპორტიორები შექმნილ კრიზისზე? სტუმარი: ნუცა აბრამიშვილი - "შუხმან ვაინს ჯორჯიას" გენერალური დირექტორი; #ახალიამბები #BusinessMediaGeorgia
ქართულმა მობილურმა ოპერატორმა, სელფი მობაილმა, რომელიც საქართველოს მასშტაბით 1.3 მილიონზე მეტ აბონენტს ემსახურება, კორპორაციული კლიენტების მზარდი ბიზნესების მხარდაჭერის მიზნით, პარტნიორობა გააფორმა ოპტიმოსთან - საქართველოში წამყვანი მენეჯერული აღრიცხვის პროგრამის მიმწოდებელთან. შედეგად, სელფის მომხმარებელი ისარგებლებს სპეციალური პირობებით ოპტიმოს მრავალფეროვან კორპორაციულ პაკეტებზე. ოპტიმო მენეჯერული აღრიცხვის ქართული პროგრამაა, რომელიც მოქნილი ფუნქციონალით ამარტივებს გაყიდვებისა და მარაგების მენეჯმენტს. ოპტიმოს დახმარებით, ნებისმიერი ადგილიდან და ნებისმიერი მოწყობილობით მარტივადაა შესაძლებელი ბიზნესის მართვა და კონტროლი. „სელფის მიზანია გახდეს მისი კორპორატიული კლიენტების ბიზნეს პარტნიორი და მათ შესთავაზოს თანამედროვე ციფრული ტექნოლოგიები და პლატფორმები, მათი ბიზნესის მხარდასაჭერად. სტუმრები: მალხაზ ჟორჟიკაშვილი - "სელფის" ბიზნეს ოპერაციების დირექტორი; ნიკოლოზ ფოფხაძე - "ოპტიმოს" დირექტორი; #ახალიამბები #BusinessMediaGeorgia
გუშინ გარემოს დაცვისა და სოფლის მეურნეობის სამინისტროში დაცული ტერიტორიების სააგენტოს საკონსულტაციო საბჭოს სხდომა გაიმართა. როგორც bm.ge-ის გარემოს დაცვის სამინისტროდან აცნობეს, საბჭოს წევრებმა ბალდის კანიონის განვითარების პროექტთან დაკავშირებული საკითხები განიხილეს. საბჭოს წევრები შეთანხმდნენ, რომ უახლოეს პერიოდში გასვლითი შეხვედრა გაიმართება ბალდის კანიონის ტერიტორიაზე და ადგილზე მოხდება გარემოზე ზემოქმედების ასპექტების გაცნობა. შეგახსენებთ, რომ 2023 წლის მიწურულს, ბალდის კანიონის მოწყობის სამუშაოები შეჩერდა. მიზეზი, ადგილობრივი მოსახლეობის პროტესტი იყო. საქმე ის არის, რომ ბალდის კანიონი დაცული ტერიტორიების სააგენტოს დაქვემდებარებაში 2013 წელს გადავიდა. მიმდინარე პროექტი სწორედ სააგენტომ შეიმუშავა და 2022 წელს ტენდერი გამოაცხადა. ტენდერში კომპანიამ სახელწოდებით „კანიონი 350“ გაიმარჯვა, რომელსაც ხეობის 2500-მეტრიანი მონაკვეთის ნაწილზე - 500 მეტრის სიგრძის მონაკვეთზე 40-წლიანი იჯარით კონკრეტული ეკოტურისტული ინფრასტრუქტურული პროექტის განსახორციელებლად გადაეცა. რა შედეგებით დასრულდა გუშინდელი შეხვედრა და როგორია გეგმა მიმდინარე წლისთვის? სტუმარი: ნინო ჩხობაძე - საქართველოს მწვანეთა მოძრაობა/დედამიწის მეგობრების თავმჯდომარე; #ახალიამბები #BusinessMediaGeorgia
ჯერ კიდევ გასულ წლის დეკემბერში გახდა ცნობილი "თიბისის" ბიზნეს დაჯილდოება 2023-ის ფინალისტი კომპანიები. ფინალისტები 5 ნომინაციაში 400-ზე მეტი კომპანიიდან შეირჩა. ბიზნეს დაჯილდოება თიბისის ბიზნესის მხარდაჭერის პროექტია, რომელიც უკვე მეშვიდედ იმართება და მასში მონაწილეობა 3000 - ზე მეტმა კომპანიამ მიიღო. სტუმრები: ლია ტაბატაძე - "ბაბალეს" დამფუძნებელი; ქეთი მესხი - "პეტიტ ბაზრის" დამფუძნებელი; #ახალიამბები #BusinessMediaGeorgia
ღია ბანკინგის ინიციატივა როგორც საქართველოში, ისე ევროკავშირში ე.წ. მარეგულირებელ მიდგომას ემყარება - კომერციულ ბანკებს ევალებათ, ღია ბანკინგთან დაკავშირებული გარკვეულ ფარგლებში სერვისები უსასყიდლოდ მიაწოდოს მესამე მხარის პროვაიდერებს, რათა მათ შეძლონ სხვადასხვა ინოვაციური სერვისის მიწოდება ბაზრისათვის. სერვისებში იგულისხმება პროვაიდერების ელექტრონული სისტემებისათვის ანგარიშის ინფორმაციის გაზიარებასთან და გადახდების ინიციირებასთან დაკავშირებული გაზიარება. ღია ბანკების შესაძლებლობაზე კიდევ ბევრი შეგვიძლია მოვყვეთ, თუმცა სტუმარს დავუთმობთ ახლა დროს და კიდევ ერთხელ ვიმსჯელებთ საკითხზე, რატომ ციფრული ბანკი? სტუმარი: მიხეილ კაპანაძე - საქართველოს საბანკო ასოციაციის ღია ბანკინგის პროექტის დირექტორი; #ახალიამბები #BusinessMediaGeorgia