2024 წლის იანვარ-თებერვალში საქართველომ თაფლის ექსპორტიდან $86.2 ათასის შემოსავალი მიიღო, რაც 53.2%-ით ნაკლებია გასული წლის ანალოგიურ პერიოდზე. შეცვლილია გაყიდვის გეოგრაფიაც. თუკი 2023 წელს, მთავარი საექსპორტო ბაზარი საფრანგეთი და ჩეხეთი იყო, რომელზეც რეალიზაციის 83.6% მოდიოდა. წელს ევროკავშირის ვერცერთი ქვეყანა ექსპორტის ჩამონათვალში ვერ მოხვდა. 2024 წელს საქართველომ თაფლი 5 ქვეყანაში გაყიდა. ჩამონათვალია ასეთია: აზერბაიჯანი - $25.8 ათასი; აშშ - $22.8 ათასი; ერაყი - $21.8 ათასი; კატარი - $8.5 ათასი; იაპონია - 7 ათასი. აღსანიშნავია, რომ თაფლის ექსპორტის მაჩვენებელი 2023 წელსაც შემცირდა 2022 წელთა შედარებით. კლება 35,1% იყო, თუმცა, გასულ წელსაც საფრანგეთი და ჩეხეთი საექსპორტო ბაზრის მთავარი აქტორები იყვნენ. რატომ ვერ გადის ქართული თაფლი წევს ევროკავშირის ბაზარზე? სტუმარი: ერეკლე ჩიკვაიძე - "აპიჯეოს" გაყიდვების და მარკეტინგის სამსახურის ხელმძღვანელი; #ახალიამბები #BusinessMediaGeorgia
გარემოსდაცვითი ორგანიზაცია Ember-ის გლობალური ელექტროენერგიის ყოველწლიური ანგარიშის თანახმად, ევროკავშირი, მწვანე ელექტროენერგიის გენერაციით, მნიშვნელოვნად ასწრებს გლობალურ საშუალო მაჩვენებელს. კვლევის თანახმად, ბლოკის ფარგლებში 2023 წელს მოხმარებული ელექტროენერგიის 44% განახლებადი წყაროებიდან იყო გენერირებული. Ember-ის ინფორმაციით, ქარისა და მზის ენერგიის გენერაცია EU-ს მასშტაბით გაცილებით სწრაფი ტემპით იზრდება, ვიდრე მსოფლიოს სხვა რეგიონებში. მეტიც, 2023 წელს განახლებადი ენერგიის გლობალური ზრდის 17% სწორედ ევროკავშირზე მოდიოდა. ამავე მონაცემების თანახმად, მსოფლიოს მასშტაბით, მოხმარებულ ელექტროენერგიაში განახლებადი რესურსების წილი ყველაზე მაღალი, 20%, ჩილეში იყო. მას სამი ევროპული ქვეყანა მოსდევს: საბერძნეთი, უნგრეთი და ნიდერლანდები - შესაბამისად, 19%, 18% და 17%-ით. როგორც Ember-ის ევროპული პროგრამის ხელმძღვანელი, სარა ბრაუნი აღნიშნავს, ევროკავშირს აქვს საშუალება, 2030 წლისთვის ბლოკის მასშტაბით წარმოებული ელექტროენერგიის 72% განახლებადი წყაროებიდან დააგენერიროს. რისი შესაძლებლობა აქვს საქართველოს და როგორია ევროკავშირის მხარდაჭერის პოლიტიკა ჩვენს ქვეყანასთან მიმართებით? სტუმარი: თორნიკე დარჯანია - მზის ენერგიის განვითარების ასოციაციის ხელმძღვანელი; #ახალიამბები #BusinessMediaGeorgia
ტურისტულმა ბიზნესმა უკვე აქტიურად დაიწყო იმაზე საუბარი, რომ მიმდინარე პროცესების ფონზე ჯავშნები უქმდება და ტურისტები უფრო უსაფრთხო ქვეყნებს ეძებენ სამოგზაუროდ. სექტორისგან განსხვავებული მოლოდინი აქვთ მთავრობაში. "საქართველოში ტურიზმის ინდუსტრია წელს რეკორდულ ნიშნულზე იქნება" - ამის შესახებ ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა „TV იმედის“ ეთერში განაცხადა. კითხვას, როგორია გეგმები, რამაც ტურიზმის ინდუსტრია რეკორდულ ნიშნულზე უნდა გაიყვანოს, შემდეგნაირად უპასუხა: „ ჩვენ 3 ძირითადი მიმართულებით ვმუშაობთ: 1. ტურიზმის სწორი პოლიტიკის აღსრულება და ქვეყნის სწორი პოპულარიზაცია. აქტიური მარკეტინგული კამპანიები გვაქვს ჩვენს სამიზნე ქვეყნებში. ანუ ევროპის ქვეყნები, ყურის ქვეყნები, ისრაელი, ჩინეთი, აშშ. 2. პირდაპირი ფრენები - ეს არის ის უმთავრესი ამოცანა რომელიც განაპირობებს ტურიზმის მდგრადობას და მეტი ტურისტის შემოყვანას, ისეთ ქვეყნებიდან რომელიც ჩვენი ქვეყნისთვის მნიშვნელოვანია, ანუ რომლებიც მსყიდველუნარიანობით გამოირჩევიან. 3. ასევე ვმუშაობთ რომ დაიხვეწოს ჩვენი ქვეყნის ტურისტული ინფრასტრუქტურა, ისევე როგორც მუნიციპალური რადგან ჩვენი მთავარი ამოცანა, რომ ყოველი მომდევნო დღე ტურიზმში და არა მარტო, იყოს უკეთესი ვიდრე გუშინდელი", - განაცხადა მან. სტუმარი: თამარ დავითულიანი - სასტუმრო "გარემო" დამფუძნებელი; #ახალიამბები #BusinessMediaGeorgia
2023 წელი დედამიწისთვის ყველაზე ცხელი იყო - როგორი იქნება ჰაერის ტემპერატურა ამ ზაფხულს? #ახალიამბები #BusinessMediaGeorgia
#ავიაციისსიახლეები: ქუთაისის აეროპორტს ახალი ასაფრენი ბილიკი ექნება; თბილისის აეროპორტში მგზავრთნაკადი 23.1%-ით, ბათუმში 25.3%-ით გაიზარდა; Flydubai ბათუმის მიმართულებით ფრენებს იწყებს; სინგაპურის ავიახაზები Neste-სგან 100%-ით მდგრად საავიაციო საწვავს შეიძენს - Reuters; Airbus-ს ავიახომალდების შეკვეთების რაოდენობა შეუმცირდა; გასული კვირის ყველაზე მნიშვნელოვანი და საინტერესო სიახლეები საავიაციო სექტორიდან - მარიამ იზორია მიმოხილვით #ახალიამბები #BusinessMediaGeorgia
2024 წლის განახლებული მონაცემების მიხედვით, საერთაშორისო სავალუტო ფონდისგან 100 ქვეყანას ჯამში 110 მილიარდ 200 მილიონი დოლარის ვალი აქვს აღებული და ამ თანხის 69%-ი 10 ქვეყანაზე ნაწილდება. რომელ ქვეყნებს აქვთ IMF-ისგან ყველაზე დიდი თანხა ნასესხები და მათ შორის, როგორ პოზიციონირებს საქართველო? #ახალიამბები #BusinessMediaGeorgia
“რუსული კანონის” ეფექტი განათლებაზე სტუმარი: ლიკა ღლონტი - ევროკავშირის პროექტების კოორდინატორი, EU4Dialogue; #ახალიამბები #BusinessMediaGeorgia
რუსული კანონის მესამე მოსმენით დამტკიცების შემდეგ, საპარლამენტო დეპუტატები და კანონის მიღებაში მონაწილე პირები, სანქციების საფრთხის ქვეშ აღმოჩნდნენ. რას ნიშნავს ეს საფრთხე, რას მოგვიტანს ის და როგორია სანქციების საერთაშორისო პრაქტიკა? თიკო ნატმელაძე - #BMG-ის რეპორტიორი; #ახალიამბები #BusinessMediaGeorgia
ე.წ. რუსული კანონი მესამე მოსმენით მხარდაჭერილია, პრეზიდენტის მხრიდან ვეტოც დადებულია, თუმცა როგორც აღმოჩნდა, კანონში შეტანილი ცვლილებები, რომელიც ამა თუ იმ არასამთავრობო ორგანიზაციის შესახებ ინფორმაციის მიწოდების ნაწილში ფიზიკური პირების დავალდებულებასაც ეხება, მეორე მოსმენის დროს მიიღეს. პარლამენტის თავმჯდომარის, შალვა პაპუაშვილის განცხადებით, ცალკეულ ორგანიზაციასთან დაკავშირებით, საჭიროა ინფორმაციის მოპოვება და ყველა ვალდებულია ის სათანადო ორგანოს მიაწოდოს. საქმე ისაა, რომ კანონის აღნიშნული რედაქციით ამოქმედების შემთხვევაში იუსტიციის სამინისტროს კონკრეტული ორგანიზაციის შესახებ მონიტორინგის ფარგლებში შეეძლება ინფორმაცია გამოითხოვოს მათ შორის ფიზიკური პირებისგანაც, ხოლო ამ ინფორმაციის 10 სამუშაო დღის წარუდგენლობის შემთხვევაში, მას ფიზიკური პირების დაჯარიმება შეეძლება. ე.წ. რუსული კანონი ფიზიკური პირებისთვის ინფორმაციის არ მიწოდებასთან დაკავშირებით 5,000 ლარის ჯარიმას ითვალისწინებს. ორგანიზაციების მიერ რეგისტრაციისთვის თავის არიდება კი 25,000 ლარის ჯარიმას ითვალისწინებს. სტუმარი: საბა ბრაჭველი - სისხლის სამართლის იურისტი; #ახალიამბები #BusinessMediaGeorgia
BMG და Tegeta Holding-ი წარმოგიდგენთ #BMGAuto-ს:
დღევანდელი გადაცემისთვის მოგიმზადეთ სიუჟეტი, ზეთისხილის კულტურის პოტენციალთან დაკავშირებით. როგორია მოთხოვნა და ზეთისხილის ბაღების ზრდა საქართველოში. BMG გიორგი სვანიძეს, ზეთისხილის საერთაშორისო საბჭოს საპატიო პრეზიდენტს ესაუბრა, რომელიც კახეთში, კერძოდ კი დედოფლისწყაროში 1000 ჰექტარზე მეტი ფართობის ზეთისხილის ბაღს ფლობს. სიახლეები აქვთ კომპანიაში, მეტი მოსავლის მიღების მიზნით, რისთვისაც ინოვაციურ მეთოდს მიმართეს. გიორგი სვანიძე - ზეთისხილის საერთაშორისო საბჭოს საპატიო პრეზიდენტი; #ახალიამბები #BusinessMediaGeorgia
კავკასიის მედიცინის ცენტრი ქვეყნის წამყვანი პროფესიონალებით ჯანდაცვის საერთაშორისო კონფერენციაზე წარსდგა. გიმფას სამედიცინო კონფერენციას თბილისი უკვე მეცხრედ მასპინძლობს და მიზნად ისახავს მსოფლიოს უახლესი სამედიცინო მიღწევების განხილვას, რთული შემთხვევების იდენტიფიცირებასა და ინოვაციების გაცნობას. ორ დღიანი კონფერენცია პარალელური სესიებით იყო დაყოფილი. კავკასიის მედიცინის ცენტრი კონფერენციას 3 მსხვილი სამედიცინო მიმართულებით შეუერთდა. გასტროინტესტინალური ონკოლოგიის განხრით კლინიკური მოხსენებებით ჰოსპიტლის კლინიკური ონკოლოგების გუნდი ივანე კილაძის ხელმძღვანელობით წარსდგა. ყურადღება გამახვილდა კოლორექტულ კიბოზე, კომბინირებულ ქიმიოთერაპიასა და მკურნალობის პროცესში საინფუზიო პორტების გამოყენებაზე. კონფერენციაზე ასევე მოხსენებით წარსდგა ტრავმატოლოგი მიხეილ ლოლაძე, რომელმაც ქირურგიული ჩარევებისას პერიპროტეზული ინფექციის რისკებსა და მართვაზე გაამახვილა ყურადღება. ნეიროქირურგიის მიმართულებით კი თავის ტვინის სიმსივნეების ქირურგიაზე პროფესორმა ვლადიმერ წიქარიშვილმა ისაუბრა.საერთაშორისო სამედიცინო კონფერენციაზე, წამყვან ქართველ პროფესიონალებთან ერთად, მონაწილეობა მიიღეს სხვადასხვა მიმართულების ექიმებმა საფრანგეთიდან, ჰოლანდიიდან, გერმანიიდან და დანიიდან. ქართველი და ევროპელი ექიმების კოლაბორაცია ცოდნისა და გამოცდილების გაზიარებას ისახავს მიზნად. საბოლოოდ ეს ყველაფერი მედიცინის განვითარებას ემსახურება და ხელს უწყობს თანამედროვე მიდგომებისა და სტანდარტების დანერგვას მკურნალობის მეთოდებში. #ახალიამბები #BusinessMediaGeorgia
TKT.GE-ის აფიშა #BMG #საქმიანიდილა #ახალიამბები #BusinessMediaGeorgia
რუსეთმა საიუბილეო სმარტფონი გამოუშვა - ფასი: $5500 #ახალიამბები #BusinessMediaGeorgia
კანონის ქურდობა ტაივანის პარლამენტში; #ახალიამბები #BusinessMediaGeorgia
#საქმიანიდილა - 20 მაისი - პროლოგი #ახალიამბები #BusinessMediaGeorgia
მეცნიერები გრიპის საწინააღმდეგო ისეთ ვაქცინაზე მუშაობენ, რომელიც იქნება არა ერთ სეზონზე გათვლილი, არამედ უფრო ხანგრძლივი მოქმედების. ჟურნალ Science Translational Medicine-ში გამოქვეყნებულ კვლევაში ნათქვამია, რომ ვაქცინა უკვე გამოიცადა თაგვებსა და ნუტრიებზე და აღმოჩნდა, რომ ის უზრუნველყოფს უკეთეს დაცვას, ვიდრე - არსებული ვაქცინები .ახალი ვაქცინა უფრო ეფექტიანია ერთი დოზისა და განმეორებითი ინექციის შემდეგ და არ უნდა დავჯერდეთ მხოლოდ ერთ დოზას. #ახალიამბები #BusinessMediaGeorgia
რუსული კანონი უპირობოდ უნდა იქნეს გაწვეული, - ამის შესახებ არასამთავრობო ორგანიზაციების განცხადებაშია აღნიშნული, რომელსაც ხელს 120 ორგანიზაცია აწერს. მათ შორისაა გიორგი აგირბაიას ორგანიზაცია. სტუმარი: გიორგი აგირბაია - Proactive Group Georgia-ს დამფუძნებელი; #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
#ანალიტიკა-ს ამერიკელი იურისტი რობერტ ამსტერდამი ესაუბრა. ამსტერდამი დღეს თანაინვესტირების ფონდის ყოფილი გენერალური დირექტორის გიორგი ბაჩაიშვილის ადვოკატია. ბაჩიაშვილს ბიძინა ივანიშვილი თაღლითობა უჩივის. რა ხდება ამ საქმეში და რა პარალელების გავლებაა შესაძლებელი დღეს არსებულ რეალობასთან-რუსული კანონი და გლობალური ომის პარტიის აჩრდილი ქართული ოცნების პოლიტიკაში. რობერტ ამსტერდამი - ადვოკატი #საქმიანიდილა-ს #ანალიტიკა ელენე კვანჭილაშვილთან ერთად #ახალიამბები #BusinessMediaGeorgia
საქართველოს ეროვნული ბანკის მხრიდან 60 მლნ-იანი ინტერვენციის მიუხედავად, გუშინ ლარი მთავარ სავაჭრო პარტნიორებთან მიმართებით კვლავ გაუფასურდა. დოლარის მიმართ კურსის ცვლილებამ 2.73 თეთრი შეადგინა, ევროსთან კი გაუფასურება 4.25 თეთრი იყო. რა ასახვა ექნება ლარის გაუფასურებას პროდუქტების ფასებზე? #ახალიამბები #BusinessMediaGeorgia
15 მაისს ბოლო პერიოდის ერთ-ერთი მკვეთრი გაუფასურების შემდეგ bloomberg-ის სავაჭრო სისტემაში ეროვნული ვალუტის პოზიციების დაკარგვა გუშინაც გაგრძელდა. დღის ბოლოს ოფიციალური კურსით ლარი დოლართან მიმართებით 2 და 759 ის ნიშნულზეა . დოლარი ოფიციალური კურსით 2.73 თეთრით გაძვირდა. ეს იმ ფონზე რომ ეროვნულმა ბანკმა აჟიოტაჟური პროცესების შეჩერების არგუმენტით 60 მლნ დოლარის ინტერვენცია განახორციელა. ცენტრალური ბანკის განმარტებით დოლარის ფასი ამ ვაჭრობისას 2.7580 შეადგენდა. სებ-ი რეზერვებიდან 60 მილიონის გაყიდვას იმით ხსნის, რომ ვალუტაზე ჭარბი მოთხოვნა იყო დაფიქსირებული. ეკონომისტების ნაწილი ლარის ბოლოდროინდელ მკვეთრ გაუფასურებას პარლამენტის მიერ ე.წ რუსული კანონის მესამე მოსმენით მიღებას და მიმდინარე მოვლენების ფონზე ბიზნესისა და ინვესტორების განწყობის გაუარესებას უკავშირებს. #ახალიამბები #BusinessMediaGeorgia
გაურკვეველია ვითარება და რთულია მოლოდინებში პროგნოზები კერძო სექტორის წარმომადგენლებისთვის. ქართული კომპანიების პოზიციები ლონდონის საფონდო ბირჟაზე პლუსისკენ წამოვიდა, თუმცა ერთდროულად ყველა კომპანიის ტრენდის უარყოფითისკენ ერთდროული ცვლილება შეუძლებელია არ დაუკავშირდეს ე.წ რუსული კანონის მიღებას და ამერიკის სახელმწიფო მდივნის თანაშემწის განცხადებას, როცა მან თქვა, რომ თუ კანონი ევროკავშირის ნორმებთან შესაბამისობაში არ იქნება შტატების მხრიდან აუცილებლად იქნება შეზღუდვები, რაც გულისხმობს ფინანსურ და/ან სამოგზაურო შეზღუდვებს ამ ქმედებებზე პასუხისმგებელ პირებისა და მათი ოჯახების მიმართ რა რისკებია ეკონომიკისათვის დღევანდელი მოცემულობით ? სტუმარი: ერეკლე პირველი - ეკონომიკის მეცნიერებათა დოქტორი, პროფესორი; #ახალიამბები #BusinessMediaGeorgia
ყოველწლიური მუსიკალური ფესტივალი 4GB წელს არ გაიმართება - მიზეზი ქვეყანაში შექმნილი ვითარებაა. "გაუმართლებლად მიგვაჩნია ამ დღეებში ფესტივალის ჩატარება. ჩვენი სრული მხარდაჭერა საქართველოს ევროპული მომავლისთვის მებრძოლ თითოეულ ადამიანს!" - წერენ ფესტივალის ორგანიზატორები ფესტივალის ფეისბუკგვერდზე. გეტყვით იმასაც, რომ სოლიდარობის ნიშნად, ფესტივალზე დამსწრე საზოგადოების ნაწილმა ბილეთების დაბრუნებაზე უარი თქვა. რა გავლენა აქვს რუსულ კანონს და თანმდევ მოვლენებს საქართველოში დაგეგმილ ღონისძიებებზე, როგორც ფესტივალებზე, ასევე კონფერენციებზე, სიმპოზიუმებზე და ა.შ.? #ახალიამბები #BusinessMediaGeorgia
ბედნიერებაა გაგაჩნდეს ის, რისთვისაც ღირს ბრძოლა.- დაწერა რამდენიმე დღის წინ საქმიანი დილას ამ ბლოკის სტუმარმა, რომელსაც თავისი საქმით და ბიზნესით საქართველოს ეკონომიკისთვის არაერთი აგური აქვს დადებული და მისი პოზიცია არც გამკვირვებია, როცა აუდიტორიებიდან პროტესტზე გამოსული სტუდენტებისთვის განათლების მიცემა რუსთაველის გამზირზე გადაწყვიტა. სხვადასხვა სექტორის წარმომადგენელი ბიზნესები საქართველოდან, რეგიონის ქვეყნებიდან, ევროპიდან თუ სხვა და სხვა კონტინენტებიდან ყოველწლიურად საგამოფენო სივრცეში სხვა და სხვა თემატურ გამოფენებზე იყრიან თავს. ათეულობით ბიზნესის შეკრებით და ზოგჯერ ერთეულებთან ერთად დაწყებული გამოფენებიც გვახსოვს და რამდენიმე ასეულამდე გაზრდილი ინტერესიც. რა აინტერესებთ ბიზნესებს საქართველოში და რა საფრთხეებს ხედავენ დღეს? სტუმარი: რესან ქიქავა - Expo Georgia-ს აღმასრულებელი დირექტორი #ახალიამბები #BusinessMediaGeorgia
#ბრენდის ხმა - სალობიე ბია გიორგი იოსავა - "სალობიე ბიას" დამფუძნებელი; #ახალიამბები #BusinessMediaGeorgia
31 უნივერსიტეტის სტუდენტები გაფიცულები არიან. ისინი რუსულ კანონს აპროტესტებენ და თვლიან, რომ ლექციებზე ყოფნის ნაცვლად ახლა ქვეყნის სამსახურში უნდა იდგნენ. ორი დღის წინ კი განათლების ხარისხის უზრუნველყოფის ცენტრმა განცხადება გაავრცელა, სადაც ისინი უნივერსიტეტებს სტუდენტების აუდიტორიებში დაბრუნებისკენ მოუწოდებენ. რას ფიქრობენ გაფიცული სტუდენტები? #ახალიამბები #BusinessMediaGeorgia
ოქროს მარაგების არსებობა, აძლიერებს ქვეყნის კრედიტუნარიანობას და ასევე, მას მნიშვნელოვანი როლი აქვს საერთაშორისო ვაჭრობასა და ფინანსებში, ზოგიერთო ქვეყანა ოქროს სავაჭრო დისბალანსის მოსაგვარებლადაც იყენებს. მეტსაც გეტყვით, ოქრო კრიზისების დროს ჰეჯის ფუნქციას ასრულებს. მისი ღირებულება ეკონომიკური ვარდნის ან გეოპოლიტიკური გაურკვევლობის დროს ხშირად იზრდება, ინფლაციისა და ვალუტის დევალვაციის რისკებს ამცირებს. ოქროს გლობალური საბჭოს 2024 წლის პირველი კვარტლის მონაცემებით, რომელი ქვეყნები ფლობენ ოქროს ყველაზე დიდი მოცულობის რეზერვებს? #ახალიამბები #BusinessMediaGeorgia
#საქმიანიდილა - 17 მაისი - პროლოგი #ახალიამბები #BusinessMediaGeorgia
ხევსურეთში საქმეების 80% გრანტებითა და უცხოური დაფინანსებით გაკეთდა - ამის შესახებ ინფორმაციას შატილში მცხოვრები მარგარეტ დაიაური ავრცელებს. მისი თქმით, ერთადერთი შანსი რომ მთა განვითარდეს და როგორც ქართველებისთვის, ასევე ტურისტებისთვის კიდევ უფრო საინტერესო გახდეს, ადგილობრივი კულტურის ხელშეწყობა და განვითარებაა, ამისთვის კი ბოლო წლების განმავლობაში განსაკუთრებული წვლილი სწორედ დასავლელ პარტნიორებზე მოდის. რა გაკეთდა და რამდენად დიდი ტურიზმისთვის გრანტების საჭიროება? სტუმარი: მარგარეტ დაიაური - ხევსურეთის წარმომადგენელი #ახალიამბები #BusinessMediaGeorgia
ექიმები, რეზიდენტები და ექთნები საქართველოსთვის - ამ სახელწოდებით შაბათს 18სთ-ზე ექიმების საპროტესტო აქცია დაანონსდა. როგორც ორგანიზატორების მიერ გავრცელებულ განცხადებაშია ნათქვამი რომ პარლამენტის წინ ხელისუფლებას თეთრხალათიანები საკუთარ ხმას გააგებინებენ და კიდევ ერთხელ ეტყვიან, რომ საქართველოს მომავალი მხოლოდ ევროპაშია! სტუმარი: ნიკა ჯინიყაშვილი - ანესთეზიოლოგ რეანიმატოლოგი; #ახალიამბები #BusinessMediaGeorgia
"ISET-ის კვლევითი ინსტიტუტი, რომელიც 2011 წლიდან ემსახურება ქვეყანაში ეკონომიკური პოლიტიკის დიალოგს და ქვეყნის განვითარებას კვლევითი საქმიანობითა და ეკონომიკური ექსპერტიზით, გმობს მთავრობის მიერ ქვეყნის ევროპული ინტეგრაციის კურსის რისკის ქვეშ დაყენებას და ‘რუსულ კანონს’ - ორგანიზაციის მიერ ცოტა ხნის წინ გავრცელებულ განცხადებაში ნათქვამი იყო, რომ ინსტიტუტი წყვეტს მთავრობასთან თანამშრომლობას იმ მომენტამდე, სანამ საქართველოს მთავრობა კვლავ ქვეყნის ევროპული გზის სამსახურში არ დაბრუნდება. რა ფიქრობენ ISET-ში კანონის მიღების შემდეგ? სტუმარი: გიორგი პაპავა - ISET-ის კვლევითი ინსტიტუტის წამყვანი ეკონომისტი #ახალიამბები #BusinessMediaGeorgia
დასავლელი პარტნიორების გზავნილები სტუმარი: კახა გოგოლაშვილი - რონდელის ფონდის ევროპული კვლევების ცენტრის დირექტორი; #ახალიამბები #BusinessMediaGeorgia
"რუსული კანონის" გავლენა საქართველოს საერთაშორისო იმიჯზე სტუმარი: ელგუჯა ხოკრიშვილი - ბერლინის თავისუფალი უნივერსიტეტის ჟან მონეს კათედრის მიწვეული ლექტორი; #ახალიამბები #BusinessMediaGeorgia
ლონდონის საფონდო ბირჟაზე ქართული კომპანიების აქციების ფასის ვარდნას და იმ არასახარბიელო ვითარებას ავხსნით ახლა ჩვენი მაყურებლებისთვის, რომელიც საქართველოს ეკონომიკას მიადგა ლონდონის საფონდო ბირჟაზე ე.3. რუსული კანონიდან გამომდინარე. სტუმარი: გიორგი კეპულაძე - "საზოგადოება და ბანკების" გამგეობის თავმჯდომარე #ახალიამბები #BusinessMediaGeorgia
უცხოური გავლენის გამჭვირვალობის შესახებ კანონპროექტი დამტკიცებულია. მოტივირებული შენიშვნების მოლოდინში ვართ. პარალელურად არ წყდება პროტესტი ახალგაზრდების მხრიდან, მიმდინარე მოვლენები ასახულია უკვე ლარის კურსზე, ასახულია ქართულ კომპანიების აქციებზე, ლონდონის საფონდო ბირჟაზე, წინ არჩევნებია. როგორ აისახება ეს ყველაფერი ქართულ ეკონომიკაზე და ჯამში რა გავლენა აქვს ე.წ. რუსულ კანონს, ქვეყნის ეკონომიკაზე? სტუმარი: ზურაბ ლალაზაშვილი - BDO-ს მმართველი პარტნიორი; #ახალიამბები #BusinessMediaGeorgia
ტექტნოჯიმი პრემიუმ ხარისხის იტალიური ბრენდია, რომელიც 1983 წლიდან ფიტნეს აღჭურვილობას აწარმოებს. ბრენდის მთავარი ღირებულება ხარისხი და დახვეწილი დიზაინია, ამას დღეს უკვე მსოფლიო აღიარებს. ტექნოჯიმის ფინტეს ინვენტარის შეძენა ქართველ მომხმარებელს 2008 წლიდან შეუძლია. კომერციული თუ პერსონალური გამოყენებისთვის განკუთვნილი ფიტნეს აღჭურვილობა, ქართველი მომხმარებლისთვისაც გამორჩეული არჩევანია. აღსანიშნავია, რომ ტექნოჯიმმა გასულ უქმეებზე ბათუმში, ტურიზმისა და სასტუმროს აღჭურვილობის მე-15 საერთაშორისო გამოფენაშიც მიიღო მონაწილეობა. გამოფენაზე კომპანიამ პრემიუმ ხაზის პროდუქცია წარადგინა. ნინო ნიკოლაიშვილი - “ტექნოჯიმ საქართველოს” მარკეტინგისა და გაყიდვების მენეჯერი; #ახალიამბები #BusinessMediaGeorgia
ქართული სოფლის მეურნეობის პროდუქტების ექსპორტზე ევროკავშირის წევრ ქვეყნებში. საქართველოს გარემოს დაცვისა და სოფლის მეურნეობის სამინისტროს მონაცემით აგროსასურსათო პროდუქციის ექსპორტი 2023 წელს 2022-თან შედარებით 15%-ით გაიზარდა და მილიარდ 437 მილიონი ამერიკული დოლარი შეადგინა. 2023 წელს საქართველოდან ევროკავშირის ქვეყნებში ექსპორტზე გავიდა 163 მილიონი ამერიკული დოლარის ღირებულების აგროსასურსათო პროდუქცია, რაც მთლიან ექსპორტში 11 პროცენტს შეადგენს. ძირითადად ექსპორტირებული იყო თხილი (40%), ღვინო (19%), სპირტიანი სასმელები (19%) და მინერალური და მტკნარი წყლები (7%). რა სტანდარტები უნდა გაითვალისწინონ მეწარმეებმა ევროკავშირის ბაზარზე პროდუქციის განთავსებისას, მათ შორის, მდგრადობის მიმართულებით, რატომ არის საინტერესო მათთვის ევროკავშირის წევრი ქვეყნები და როგორ შეგვიძლია მეტად გამოვიყენოთ შესაძლებლობები, რაც აღნიშნულ ბაზარზე არსებობს? სტუმრები: სალომე ზურაბიშვილი - გაეროს გლობალური შეთანხმების საქართველოს ქსელის აღმასრულებელი დირექტორი; ნინო ზამბახიძე - საქართველოს ფერმერთა ასოციაცია, თავმჯდომარე; ნინო მერის მაძღარაშვილი - მცირე ბიზნესი "ნინო მერის" დამფუძნებელი #ახალიამბები #BusinessMediaGeorgia
“რუსული კანონის” მიღების პარალელურად არ წყდება მოქალაქეების მშვიდობიანი პროტესტი. აქციის მონაწილეები კეტავენ გზებს და ცდილობენ მთავრობას კიდევ ერთხელ შეახსენონ, რომ ეს კანონი ქვეყნის ევროინტეგრაციას ხელს უშლის. ქართული ოცნების მიერ მიღებული კანონის შედეგებს ტურისტული ინდუსტრია უკვე გრძნობს. მანიფესტაციები სასტუმროებზე, განსაკუთრებით კი ცენტრალურ გამზირზე მდებარე ობიექტების ჯავშნებზე აისახა. ტურისტული სექტორის წარმომადგენლები კონკრეტულ ზარალზეც საუბრობენ. Რა მდგომარეობაა ქვეყნის ტურისტულ სექტორში და მოვლენების ფონზე რა მოლოდინები აქვთ სასტუმრო ბიზნესის წარმომადგენლებს? #ახალიამბები #BusinessMediaGeorgia
შეჩერებული საინვესტიციო პროექტები და გაუარესებული ბიზნესგარემო - ასეთია ე.წ. რუსული კანონის პირველადი შედეგები. მიუხედავად იმისა, რომ კანონი ჯერ ძალაში არ შესულა, ბიზნესი უკვე საუბრობს მის უარყოფით გავლენაზე და აცხადებს, რომ ქვეყანაში მიმდინარე პროცესების ფონზე, ინვესტორების ნაწილი გადაწყვეტილებების მიღებისგან თავს იკავებს, ხოლო პროექტები შეფერხებულია. კერძო სექტორი ამბობს, რომ თუკი მთავრობა დასავლელი პარტნიორების მოწოდებებს არ გაითვალისწინებს და უარს არ იტყვის ე.წ. რუსულ კანონზე, საინვესტიციო გარემო უფრო მეტად დაზიანდება. რა რისკებზე საუბრობს ბიზნესი? #ახალიამბები #BusinessMediaGeorgia
Coca-Cola Bottlers Georgia EURO 2024-ის საგზურის მოგების შანსს გვაძლევს #ახალიამბები #BusinessMediaGeorgia
თვეზე მეტია სტუდენტები რუსულ კანონს აპროტესტებენ. ქვეყანაში მიმდინარე მოვლენების გამო 31 უნივერსიტეტის სტუდენტი გაიფიცა. ხელისუფლებამ კი გამაფრთხილებელი მექანიზმები აამოქმედა და გუშინ განათლების ხარისხის განვითარების ეროვნულმა ცენტრმა განცხადება გაავრცელა, სადაც უნივერსიტეტებს სასწავლო პროცესის აღდგენისკენ მოუწოდა. #ახალიამბები #BusinessMediaGeorgia
#საქმიანიდილა - 16 მაისი - პროლოგი #ახალიამბები #BusinessMediaGeorgia
სლოვაკეთის პრემიერი ცეცხლსასროლი იარაღით დაჭრეს #ახალიამბები #BusinessMediaGeorgia
სურსათის უვნებლობის რეფორმა საქართველოში 2010 წელს დაიწყო, მასში დიდი როლი შეასრულა ევროკავშირისა და სხვა დონორი ორგანიზაციების დაფინანსებამ და ეს პროცესი დღემდე მიმდინარეობს. დაფინანსება, რომელსაც ევროკავშირისგან სახელმწიფო იღებს, კანონის მიღებით, ცხადდება უცხოური გავლენის გამავრცელებლად, შესაბამისად, ის დონორი ორგანიზაციები და პარტნიორი ქვეყნები აღარ იქნებიან მოტივირებულები, ისეთივე დახმარება აღმოუჩინონ საქართველოს, როგორც აქამდე. რა საფრთხე ექმნება ამით სურსათის უვნებლობის მხრივ არსებულ პროექტებს და რა იქნება ე,წ რუსული კანონის გავლენის შედეგი? სტუმარი: ვახტანგ კობალაძე - სტრატეგიული კვლევისა და განვითარების ცენტრის“ პროგრამის კოორდინატორი #ახალიამბები #BusinessMediaGeorgia
საქართველოში ბოლო ერთი თვის განმავლობაში საწვავის ღირებულება გაიზარდა. ბრენდირებულ საცალო ქსელში ყველაზე მოთხოვნადი რეგულარის ტიპის საწვავი საშუალოდ 10 თეთრით გაძვირდა. ფასი არ შეცვლილა დიზელზე ან თუ შეიცვალა, აქ ზრდა მინიმალური იყო. ამ დროისთვის ბრენდირებულ ბენზინგასამართ სადგურებზე რეგულარის ტიპის საწვავი 3 ლარი და 15 თეთრი, 3 ლარი და 17 თეთრი ღირს, დიზელის ფასი კი 3 ლარი და 29 თეთრია. საწვავის ფასზე მოქმედი ფაქტორებიდან, რა შეიცვალა ბოლო პერიოდში, რამაც საწვავზე ფასის კორექტირება გამოიწვია და ზოგადად რა ტენდენციაა ნავთობპროდუქტების ბაზარზე? სტუმარი: ზაალ იაკობიძე - "სენტა პეტროლიუმის" დამფუძნებელი და ხელმძღვანელი; #ახალიამბები #BusinessMediaGeorgia
ბოლო წლებში კლინიკების წინააღმდეგ სამედიცინო დავების რიცხვი იზრდება. სასამართლო პრაქტიკა აჩვენებს, რომ პაციენტები უმეტეს შემთხვევაში სამედიცინო დაწესებულებისგან გადაცდომის შემთხვევაში მორალური და მატერიალური ზიანის ანაზღაურებას მოითხოვენ. როგორც იურისტები აცხადებენ, ბოლო წლების განმავლობაში საკმაოდ დიდი მასშტაბი შეიძინა სამედიცინო დავებმა, მიუხედავად იმისა, რომ ეს მიმართულება ქართული სასამართლო სისტემისთვის მაინც ახალია. იურისტები ამბობენ, რომ „განსაკუთრებით ბოლო 4-5 წლის განმავლობაში ძალიან გაიზარდა პაციენტთა სარჩელები და პრეტენზიები კლინიკების მიმართ, რომელიც განპირობებულია არაჯეროვანი თუ არასათანადო სამედიცინო მომსახურეობიდან გამომდინარე. დავა ეხება როგორც მორალური ზიანის, ისე მატერიალური ზიანის ანაზღაურებას. რამ განაპირობა პაციენტთა მომართვიანობის გაზრდა და ძირითადად რატომ უჩივიან პაციენტები კლინიკებს? სტუმარი: მეგი საჯაია - საქართველოს ჯანმრთელობის ფედერაციის ხელმძღვანელი; #ახალიამბები #BusinessMediaGeorgia
84 მომხრე, 30 წინააღმდეგი - პარლამენტმა გუშინ ე.წ რუსული კანონი მესამე მოსმენით მიიღო. სანამ კანონი საბოლოო სახეს მიიღებს წინ ვეტოს პროცედურებია. პრეზიდენტმა უკვე თქვა, რომ ის გამჭვირვალობის სახელით ინიცირებულ კანონს ვეტოს დაადებს. მესამე მოსმენიდან 10 დღეში კანონი პრეზიდენტს გადაეცემა, მას კი 2-კვირიანი ვადა აქვს ვეტოს მოსამზადებლად. მმართველმა პარტიამ მხედველობაში არ მიიღო არც მრავალათასიანი პროტესტი, არც ევროპელი და ამერიკელი პარტნიორების მოწოდებები. გუშინ, დღის ბოლოს ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწემ ჯიმ ო'ბრაიენმა პირდაპირ თქვა, რომ თუ „უცხოური გავლენის გამჭვირვალობის შესახებ“ კანონპროექტი არ მოვა ევროკავშირის სტანდარტებთან შესაბამისობაში, თუ ძალადობა განხორციელდება დემონსტრანტებზე და შესუსტდება დემოკრატია, აშშ-ის მხრიდან გარკვეული შეზღუდვები დაწესდება. ქვეყნის პრემიერი კი სამართლებრივ არგუმენტებს ითხოვს, ორგანიზაციების მიერ დეკლარაციის შევსება რატომ მოდის წინააღმდეგობაში სტანდარტებთან და მხოლოდ ამის მერე განიხილავენ ამ კანონის ცვლილებას. არის თუ არა გამჭვირვალობის სახელით მიღებული კანონი ქვეყნის წინააღმდეგ მიმართული ცვლილებები? სტუმარი: ქეთევან ჩხატარაშვილი - ჯანდაცვის სპეციალისტი; #ახალიამბები #BusinessMediaGeorgia
რას ნიშნავს აშშ-ის სახელმწიფო მდივნის თანაშემწის გზავნილები? სტუმარი: ნინო დოლიძე - სამართლიანი არჩევნების (ISFED) აღმასრულებელი დირექტორი; #ახალიამბები #BusinessMediaGeorgia
გუშინ დილიდან, რამდენიმე უნივერსიტეტმა ერთობლივი განცხადება გაავრცელა. სიაში ჯამში 38 კერძო და საჯარო უნივერსიტეტია, რომელთაც ხელი მოაწერეს განცხადებას, რომლის მიხედვითაც, მათთვის მიუღებელია ფაქტი, რომ აკადემიური პერსონალის ზოგიერთი წარმომადგენელი უარს აცხადებს საკუთარი მოვალეობის შესრულებაზე. ხელმომწერებს შორის არ არის 11 უნივერსიტეტი და მათ შორის ერთ-ერთია სულხან საბა ორბელიანის უნივერსიტეტი. სულხან-საბა ორბელიანის უნივერსიტეტის აკადემიური საბჭო დაუშვებლად მიიჩნევს აკადემიური პერსონალისა და სტუდენტების გამოხატვის თავისუფლების რაიმე ფორმით შეზღუდვას.სიტყვისა და გამოხატვის თავისუფლება აკადემიური თავისუფლების განუყოფელი ნაწილია. წერია განცხადებაში, რომელიც სულხან საბა ორბელიანის უნივერსიტეტმა გაავრცელა.უნივერსიტეტის გადაწყვეტილებით, 20 მაისამდე, საბაუნიში სასწავლო პროცესი შეჩერებულია. სტუმარი: დიმიტრი გეგენავა - სულხან-საბა ორბელიანის უნივერსიტეტის პრორექტორი; #ახალიამბები #BusinessMediaGeorgia
„სამოქალაქო თავისუფლების შეზღუდვა მოიტანს დიდ ეკონომიკურ ზიანს მთელი საქართველოსთვის“, - ამის შესახებ ბანკირი ნიკოლოზ შურღაია Linkedin-ზე წერს. მისი თქმით, „უცხოური გავლენის გამჭვირვალობის შესახებ“ კანონის უარყოფითი შედეგი საქართველოს ეკონომიკაზე არაუგვიანეს მომავალ წელს გამოიკვეთება. სტუმარი: ნიკოლოზ შურღაია - ბიზნესის მრჩეველი, ვიდეობლოგერი, დამლაგებელი #ახალიამბები #BusinessMediaGeorgia