თანხა, რაც სხვადასხვა სექტორების სუბსიდირებისთვის თუ სხვა სახით დახმარებისთვის იხარჯება - ვალია, რომელიც მომავალში უნდა დავფაროთ. ამ დროისთვის კანონის მიერ დადგენილი ზღვრები - აქ საქართველოს ორგანულ კანონს ვგულისხმობ ეკონომიკური თავისუფლების შესახებ - დარღვეულია და მთავრობას 3 წელი აქვს იმისთვის, რომ ამ ზღვრებში დაბრუნდეს. საერთაშორისო სავალუტო ფონდის მისიის ერთ-ერთი ყველაზე მკაფიო რეკომენდაციაა, რომ მთავრობამ დაიწყოს ფისკალურ კონსოლიდაციაზე ფიქრი და ქამრები თანმიმდევრულად შემოიჭიროს. ამ ფონზე და პანდემიის პირობებში, კულტურის სამინისტრო დაგვიბრუნდა - ისევ გამოეყო განათლებას და ცალკე უწყების სახით გააგრძელებს ფუნქციონირებას. რა აკლდება ან ემატება კულტურას იმით, საკუთარი სამინისტრო ექნება თუ არა? ერთი, რაც შეიძლება ვიფიქროთ ის არის, რომ გადასახადების გადამხდელთა ფულზე ხელმისაწვდომობა ამით უფრო გაიზრდება. რა დააკლდა ქვეყანას და კულტურას იმით, რომ ცალკე სამინისტრო არ ჰქონდა? #ახალიამბები #BusinessMediaGeorgia
ეკონომიკის მინისტრს და ქვეყნის მთავარ ეპიდემიოლოგს რესტორნების გასაჭირი ესმით, მაგრამ გადაწყვეტილებას არ ცვლიან და საკვები ობიექტები კვლავ დახურული რჩება. მთავრობას ეკონომიკის ეტაპობრივი გახსნის გარკვეული გეგმა აქვს, მაგრამ ამ გეგმაში რესტორნები ვერ მოხვდნენ. მინისტრი ირწმუნება, რომ რესტორნების მფლობელებს ესმით მთავრობის ლოგიკა, რომ გახსნა დამოკიდებულია ინფიცირების მაჩვენებლის შემცირებაზე. #ახალიამბები #BusinessMediaGeorgia
ხვალ 24 საათით დელივერი სერვისი ჩერდება. 80-მდე რესტორანი და კაფე უარს აცხადებს თავისი კერძების მიწოდებაზე. მათ ჩვენი - მომხმარებელების საწინააღმდეგო არაფერი აქვთ. ამ ფორმით ისინი მთავრობის დამოკიდებულებას აპროტესტებენ, რომ მიუხედავად რამდენიმე შეხვედრისა, კომპრომისი მათი სექტორის გახსნასთან დაკავშირებით მაინც ვერ მოიძებნა. რა განწყობები შეინიშნება ადგილზე აქციისთვის მზადების პროცესში და როგორია მოლოდინი - რა შედეგის მიღწევა უნდათ რესტორნებს და კაფეებს ამ ჯერჯერობით ერთჯერადი აქციით? #ახალიამბები #BusinessMediaGeorgia
"მოდით, ნუ ვედრებით ევროპულ ქვეყნებს, ჩვენს თავზე ვიფიქროთ" - ცოტნე ჯაფარიძე ანალიტიკაში სტუმარი: ცოტნე ჯაფარიძე - „ტრაფიკ ტრეველის" მმართველი პარტნიორი #ახალიამბები #BusinessMediaGeorgia
რას მოიცავს ეკონომიკის „წერტილოვანი გახსნა“ #ახალიამბები #BusinessMediaGeorgia
ტურიზმის ინდუსტრიის წარმომადგენლების ინიციატივით, როგორც თავიანთ მიერ გავრცელებულ განცხადებაში უწერიათ - ტურიზმის სფეროში მეტად სავალალო სიტუაციიდან გამომდინარე, სამუშაო შეხვედრა ამ წუთებშიც მიმდინარეობს. შეხვედრის მიზანია, მთავრობას წარუდგინონ ტურიზმის აღდგენისა და განვითარების 2021 წლის სამოქმედო გეგმა. ინდუსტრიას 5 პრიორიტეტი აქვს იდენტიფიცირებული. როგორ დარეგულირდეს საზღვრების გახსნა; სავალდებულო კოვიდ-დაზღვევა საერთაშორისო მოგზაურებისთვის; ზამთრის კურორტების გახსნა 1 თებერვლიდან; რესტორნების ოპერირების ნებართვა; ტურიზმის სტრატეგიის ჩამოყალიბების პროცესში კერძო სექტორის ჩართულობა. ამასობაში, უკვე განახლებულია კოვიდ-სტატისტიკა stopcov.ge-ზე და შეგვიძლია ამ მონაცემებსაც შევხედოთ. ბოლო 24 საათში ინფიცირებულთა რაოდენობა 903-ით, ხოლო გამოჯანმრთელებულების 636-ით გაიზარდა. ბოლო 24 საათში ჩატარებული კვლევა ტესტით - 14 ათას 827-ია. სტუმარი: მაია მურაჩაშვილი - გუდაური ლოფტი , გეოგრაფი და ანაკლია რეზორტი მმართველი , ტურისტული კომპანიის იბერია ტურს პლიუსი დამფუძნებელი #ახალიამბები #BusinessMediaGeorgia
#FDI-ის მოზიდვა „წესების გარეშე“ #ახალიამბები #BusinessMediaGeorgia
რა ვალდებულებები აქვს საქართველოს - #5G #ახალიამბები #BusinessMediaGeorgia
დღეს მეწარმეებმა პრესკონფერენცია გამართეს და საახალწლო დღეებში გარევაჭრობის დაშვების შესახებ მერიას მიმართეს. მოჰყვა თუ არა რაიმე გამოხმაურება მათ პრესკონფერენციას და რა მოლოდინი აქვთ, შეძლებენ თუ არა ვაჭრობას წინასაახალწლო დღეებში? სტუმარი: გოგა ციცქიშვილი - საქართველოს მეწარმეთა კავშირის პრეზიდენტი #ახალიამბები #BusinessMediaGeorgia
რამდენმა სასტუმრომ ისარგებლა პროცენტის სუბსიდირებით? #ახალიამბები #BusinessMediaGeorgia
როგორ მუშაობს 330-მილიონიანი საკრედიტო-საგარანტიო სქემა? #ახალიამბები #BusinessMediaGeorgia
უნდა მოიხსნას თუ არა შეზღუდვები 24 დეკემბრიდან? -ჯანდაცვის სპეციალისტის მოსაზრება სტუმარი: ნინო მირზიკაშვილი - ჯანდაცვის სპეციალისტი #ახალიამბები #BusinessMediaGeorgia
რა შედეგებით დასრულდა ტექნოპარკში მოლების წარმომადგენლებთან ეკონომიკისა და მდგრადი განვითარების მინისტრის შეხვედრა? მოლები ამბობენ, რომ ეკონომიკა თანდათან და სწორი წესებით უნდა გაიხსნას, წინააღმდეგ შემთხვევაში, დღის წესრიგში ბევრი ბიზნესის არსებობა-არ არსებობის საკითხი დადგება. #ახალიამბები #BusinessMediaGeorgia
გაძვირდება თუ არა ტარიფები? - მურმან მარგველაშვილი ანალიტიკში სტუმარი: მურმან მარგველაშვილი - „მსოფლიო გამოცდილება საქართველოსთვის“ დირექტორი
რა უჯდება დღეს ჯანდაცვის სისტემას ერთი კოვიდ-ინფიცირებულის ჰოსპიტალში მკურნალობა? - როცა ეს კითხვა BMG-იმ პირველად დასვა, ჯანდაცვის მინისტრისგან გვიპასუხა რომ თითოეული პაციენტის მკურნალობა არის ინდივიდუალური და ერთი კონკრეტული თანხა არ არსებობს. როცა იგივე კითხვა BMG-იმ მეორედაც დასვა ჯანდაცვის მინისტრის მოადგილისგან პასუხად მივიღეთ, რომ სახელმწიფოს ინფიცირების ერთი შემთხვევის მართვა, რაშიც ჰოსპიტალური მართვა იგულისხმება, საშუალოდ 2000 ლარი უჯდება. თამარ გაბუნიამ ისიც განგვიმარტა, რომ ეს არ ითვალისწინებს იმ ინვესტიციას, რომელიც სახელმწიფომ უკვე გაწია და კიდევ უნდა გაწიოს ჟანგბადის უზრუნველყოფისთვის, სუნთქვის აპარატების მობილიზებისთვის, პერსონალის ტრენინგისთვის, ანუ - საინვესტიციო ხარჯი სისტემის მომზადებისთვის ცალკე ხარჯია. 2021 წელს ყველაზე მეტი თანხით კვლავ ჯანდაცვის სამინისტროს დაფინანსებაა დაგეგმილი - უწყების ბიუჯეტი 48 მილიონი ლარით იზრდება და ის 5 მილიარდ 560 მილიონ ლარს შეადგენს. ბიუჯეტის ზრდას განაპირობებს როგორც პენსიის ინდექსაციის ახალი კანონი, რომლითაც პირველი იანვრიდან ასაკობრივი პენსია გაიზრდება. ასევე - ქვეყანაში დაწესებული - როგორც მთავრობა უწოდებს, წერტილოვანი შეზღუდვების გამო - ბიუჯეტი სოციალურად დაუცველთათვის 6 თვით 100-ლარიან დახმარებებსაც დააფინანსებს. როგორ იმართება დღეს ჯანდაცვის სისტემა, კოვიდ-19 და რა არის მთავარი გამოწვევა? სტუმარი: თენგიზ ვერულავა - ჯანდაცვის სპეციალისტი #ახალიამბები #BusinessMediaGeorgia
საქართველოში საარსებო შემწეობას მთლიანი მოსახლეობის 13,7% იღებს, რაც იმას ნიშნავს, რომ ქვეყანაში ყოველი მე-7 ადამიანი უკიდურესად გაჭირვებულია. დღეს კი რიცხვებში დავინახეთ, რომ უკიდურესად გაჭირვებული ადამიანების რიცხვი 16%-ით გაიზარდა და და ოქტომბრის მონაცემებით, საარსებო შემწეობას უკვე 510 ათას 343-ი ადამიანი იღებს. ნოემბრის მონაცემები ჯერ ხელმისაწვდომი არაა. ერთი, რასაც ბოლოდროინდელი დინამიკა ნათლად აჩვენებს ის არის, რომ 2020 წლის თებერვლიდან ოქტომბრის ჩათვლით უკიდერუსად გაჭირვებული ადამიანების რაოდენობა სულ მზარდია. ამასთან, ამავე პერიოდში, თებერვლიდან ოქტომბრის ჩათვლით, ბაზაში რეგისტრირებული ადამიანების რაოდენობაც გაიზარდა. კერძოდ, 2020 წლის თებერვალში სოციალური მომსახურების სააგენტოს მიზნობრივი სოციალური პროგრამების ბაზაში რეგისტრირებული იყო 921 ათას 430-ი ადამიანი, ოქტომბერში კი ამ მაჩვენებელმა 993 ათას 935-ს მიაღწია. გამოდის, გაიზარდა მათი რაოდენობა, ვინც თვლის, რომ იმდენად გაჭირვებულია, რომ არსებობა უჭირს და შემწეობას სახელმწიფოსგან ითხოვს. კოვიდ-19-ის პირობებში უსახსროდ დარჩნენ ისინიც, ვინც თვითდასაქმებული იყო და თავი ასე გაჰქონდა - მათ შორის: ბაზრობის მოვაჭრეები, გიდები, ძიძები, რესტორნების თუ სასტუმროების დამხმარე პერსონალი - მათ ყველას, ლოქდაუნი ან წერტილოვანი შეზღუდვები შეეხოთ. სტუმარი: სოსო ბერიკაშვილი - ეკონომისტი #ახალიამბები #BusinessMediaGeorgia
რამდენად პასუხობს ბიუჯეტით გათვლილი დახმარება ბიზნესის საჭიროებებს? - სოფო ნაცვლიშვილი ანალიტიკაში სტუმარი: სოფო ნაცვლიშვილი - „ქლიქ ივენთის“ დამფუძნებელი. #ახალიამბები #BusinessMediaGeorgia
გაძვირდება თუ არა პური? - ლადო ბიძინაშვილი ანალიტიკაში სტუმარი: ლადო ბიძინაშვილი, კომპანია ბარაქას დირექტორი #ახალიამბები #BusinessMediaGeorgia
6 სავაჭრო მოლი გიორგი გახარიას მთავრობას 6 მოთხოვნით მიმართავს #ახალიამბები #BusinessMediaGeorgia
სავაჭრო მოლები მთავრობას მიმართავენ. მათ დღეს პრესკონფერენცია გამართეს და განაცხადეს, რომ სრული "ლოქდაუნის" წინაშე აღმოჩენა ძალიან დიდი დარტყმაა. როგორც მოლების განცხადებაშია ნათქვამი, არანაირი ინფორმაცია იმაზე, რომ იკეტებოდა სავაჭრო ცენტრები და იზღუდებოდა ტრანსპორტი, არ არსებობდა. ისინი ამბობენ, რომ ყოველი დღე მათთვის ამ პირობებში 10 მილიონიან ზარალს უდრის. როგორ შეიძლება დავიცვათ ბალანსი 5000-მდე დღიურ ინფიცირებასა და უკვე სტაბილურად ყოველდღიურად 40 დაკარგულ სიცოცხლეს, ერთ მხარეს და მეორე მხარეს, ეკონომიკურ შედეგებს შორის - სიღარიბე, დაკარგული შემოსავლები, უსამსახუროდ დარჩენილი ადამიანები და პერსპექტივა, რომელიც გრძელ ვადაში, შეიძლება არანაკლებ დამანგრეველი შედეგების მომტანი იყოს უკვე ყველასთვის? სტუმარი: ლევან ყარალაშვილი - თბილისი ცენტრალი; დირექტორი #ახალიამბები #BusinessMediaGeorgia
მთავრობა არჩევანის ზღვარზე - „წერტილოვანი შეზღუდვები“ vs ეპიდსიტუაცია სტუმრები: შოთა ბურჯანაძე - რესტორნების ასოციაციის დამფუძნებელი და ვიცეპრეზიდენტი; ნინო მირზიკაშვილი - ილიაუნის მედიცინის სკოლის ასოცირებული პროფესორი, ჯანდაცვის სპეციალისტი #ახალიამბები #BusinessMediaGeorgia
საქართველოს მთავრობის გადაწყვეტილებით, კომუნალური შეღავათების პროგრამა გრძელდება და ფიზიკურ პირებს კომუნალური გადასახადები 4 თვის მანძილზე - ნოემბერში, დეკემბერში, იანვარსა და თებერვალში დაეფარებათ. როგორც სემეკის მიერ გავრცელებულ ინფორმაციაშია ნათქვამი, სახელმწიფოს მიერ დაეფარებათ კომუნალური გადასახადები იმ აბონენტებს, რომლებიც: თვეში მოიხმარენ 200 კვტ/სთ-ის ჩათვლით ელექტროენერგიას. მათ დაეფარებათ დასუფთავებისა და სასმელი წყლის გადასახადიც. ასეთი აბონენტების რაოდენობა მილიონ 200 ათასს აღემატება ან თვეში მოიხმარენ 200 კუბური მეტრის ჩათვლით ბუნებრივ გაზს. ასეთი აბონენტების რაოდენობა 650 ათასზე მეტია. მეორე მხარეს სულ უფრო აქტუალური ხდება კითხვა - მომავალი წლიდან გაძვირდება თუ არა ელექტროენერგია. ამ კითხვის მთავარი საფუძველი ის არის, რომ 2017 წელს სემეკის მიერ სამი წლით დადგენილ სამომხმარებლო ტარიფებს ვადა წელს ეწურება. ეს კი იმას ნიშნავს, რომ წლის ბოლომდე ახალი ტარიფები უნდა დადგინდეს. ტარიფები ეკონომიკურთან ერთად პოლიტიკური საკითხიც არის. 2021 წელი კი ჯერ კიდევ არ ჩანს მკაფიოდ ისეთ წლად, სადაც მოვიხედავთ და ვიტყვით, რომ პანდემიამ სრულად გადაიარა და მოსახლეობასაც და ბიზნესსაც აქვს იმის შესაძლებლობა, რომ გაზრდილი ტარიფი გადაიხადოს. თუმცა მედალს კიდევ ერთი მხარეც აქვს - თუ ტარიფი არ გაიზრდება, ინვესტირება კრიტიკულ ინფრასტრუქტურაში შეიძლება შემცირდეს ან საერთოდ გაჩერდეს, რადგან როგორც წესი, პირველი სწორედ ასეთი გრძელვადიანი ხარჯები იკვეცება. კონტექსტის გათვალისწინებით, ენერგოგამანაწილებელი კომპანიები - თელასი და ენერგო პრო ჯორჯია ტრადიციულად კომენტარებისგან თავს იკავებენ, ამიტომ ანალიტიკამ გადაწყვიტა დარგის სპეციალისტებისთვის ეკითხა, რა იქნებოდა უფრო ლოგიკური და ზოგადად, რა მოლოდინები არსებობს ტარიფებთან დაკავშირებით? #ახალიამბები #BusinessMediaGeorgia
გაძვირდა თუ არა მედიკამენტები? #ახალიამბები #BusinessMediaGeorgia
6 ნოემბრის ვაჭრობის შედეგად, საქართველოს ეროვნულმა ვალუტამ გუშინდელი გაუფასურებით დაკარგული პოზიციები ნაწილობრივ აღიდგინა. დღეს დოლართან მიმართებით კურსის ცვლილებამ 3 ლარი და 87 თეთრი შეადგინა, რის შედეგადაც ერთი დოლარის ოფიციალური ღირებულება 3 ლარი 36 თეთრი გახდა. ევროსთან მიმართებით კურსის ცვლილებამ 2 თეთრზე ოდნავ მეტი შეადგინა, შედეგად ერთი ევროს საფასური 3 ლარი და 99 თეთრი გახდა. გუშინ განსხვავებული სურათი გვქონდა. ლარი დოლართან და ევროსთან მიმართებით მკვეთრად გაუფასურდა. შედეგად დოლარის ღირებულება 3 ლარი და 40 თეთრი, ევროს ღირებულება კი დაახლოებით 4 ლარი გახდა. 6 ნოემბრის გაცვლითი კურსით ერთი დოლარი დაახლოებით 13 თეთრით უფრო ძვირი ღირს, ვიდრე 2 ნოემბერს ანუ ორშაბათს ღირდა. ეს არის მშრალი რიცხვები - თუმცა, ამ რიცხვების უკან დგას გაძვირებული წამლები, პურის შესაძლო გაძვირებაზე გახშირებული საუბრები, გაძვირებული საწვავი, თან ეს მიუხედავად იმისა, რომ გლობალური ფასი ქვევით ჩამოდის, გაძვირებული სესხები დოლარში და ევროში. ამის ფონზე კი გვესმის, რომ წერტილოვანი შეზღუდვები ეფექტურობის თვალსაზრისით ცოტა გადასახედი გვექნება - რაც სრულ ლოქდაუნს - არა, მაგრამ შეზღუდვების გამკაცრებას, გახშირებას და რაოდენობის ზრდას გულისხმობს. ლარის გაუფასურების შემთხვევაში პირველადი მოხმარების პროდუქტებზე ფასის შენარჩუნების მიზნით, გამოსავალი უნდა მოიძებნოს ან სუბსიდირების სახით ან სხვა კუთხით - ეს არის პურის მცხობელთა ასოციაციის თავმჯდომარის მალხაზ დოლიძის პოზიცია. მისი თქმით, დღეს მეპურეები პურზე ფასის შენარჩუნებას ჯერ-ჯერობით ახერხებენ, რადგან ტომარა ფქვილის ფასი ჯერ კიდევ ძველი - 53-54 ლარის ნიშნულზეა და ქარხნული პურის ღირებულებაც ნარჩუნდება. რამდენ ხანს შეძლებენ მწარმოებლები პურზე ფასის შენარჩუნებას? სტუმარი: მალხაზ დოლიძე - პურის მცხობელთა ასოციაციის თავმჯდომარე #ახალიამბები #BusinessMediaGeorgia
დედაქალაში მუნიციპალურ ტრანსპორტს ცვლილებები შეეხება და ხვალიდან უკვე ახალი ქსელის იმპლემენტაცია იწყება. დღეს სატრანსპორტო მიმართულებით რამდენიმე სიახლის შესახებ შევიტყვეთ - მათ შორისაა, მაგალითად ის, რომ მიკროავტობუსების მძღოლები ხელფასებს განახლებული სისტემით აიღებენ და თუ აქამდე გამომუშავებაზე იყვნენ, ახლა ფიქსირებული ხელფასი ექნებათ. სხვათაშორის, ამ გადაწყვეტილებებზე კოვიდ-19-ის გავლენაც იგრძნობა - ამ კონკრეტულმა გადაწყვეტილებამ ის უნდა მოიტანოს, რომ მძღოლებმა ე.წ. მარშრუტკებში მგზავრები ფეხზე აღარ უნდა დააყენონ. რა სიახლეები გველოდება და რატომ? #ახალიამბები #BusinessMediaGeorgia
"საქართველოს ბანკი" მთელ ქსელში დაცვის სისტემას აძლიერებს. ამის შესახებ ინფორმაცია რამდენიმე წყარომ დაგვიდასტურა, თუმცა უფრო მეტი კონკრეტიკა, თუ რას გულისხმობს დაცვის სისტემის გაძლიერება, უცნობია. როგორც ჩანს, აღნიშნული გადაწყვეტილების მიღება ბანკის მენეჯმენტმა 21 ოქტომბერს ზუგდიდის ფილიალში განვითარებული მოვლენების შემდეგ გადაწყვიტა. ამ დღეს "საქართველოს ბანკის“ ზუგდიდის ფილიალში შეჭრილმა პირმა მძევლად 43 მოქალაქე აიყვანა და სანაცვლოდ, ნახევარი მილიონი დოლარი მოითხოვა. რამდენიმე საათიანი სპეცოპერაციის შემდეგ, ყველა მძევალი გაათავისუფლეს, მაგრამ ბოროტმოქმედმა თან წაიღო ნახევარი მილიონი დოლარი და მას სამართალდამცველები ამ დრომდე ეძებენ. სტუმარი: ანზორ მეხრიშვილი - კიბერ და ინფორმაციული უსაფრთხოების განყოფილების ხელმძღვანელი #ახალიამბები #BusinessMediaGeorgia
#ბიუჯეტი2021 - ირაკლი კოვზანაძე ანალიტიკაში სტუმარი: ირაკლი კოვზანაძე - პარლამენტის საფინანსო-საბიუჯეტო კომიტეტის თავმჯდომარე #ახალიამბები #BusinessMediaGeorgia
მართალია, 2021 წლის სახელმწიფო ბიუჯეტს ახალი, მე-10 მოწვევის პარლამენტი დაამტკიცებს, მაგრამ მთავარი საფინანსო დოკუმენტის განხილვა მე-9 მოწვევის პარლამენტს მაინც უწევს. დღეს სწორედ ამ პროცესს ვადევნებდით თვალს და ვნახეთ, რომ დოკუმენტი მოწონებულია იმ დათქმით, რომ მომავალი წლის ბიუჯეტის საბოლოო ვარიანტში, დიდი ალბათობით, მნიშვნელოვანი ცვლილებები შევა, რადგან ის, ჯერჯერობით, არ მოიცავს არც კოვიდ19-ის გამო ჯანდაცვისთვის გასათვალისწინებელ სავარაუდო ხარჯებს და არც ბიზნესის საგადასახადო შეღავათებისთვის თუ სხვა სოციალური მიმართულებით გასაწევ ხარჯებს. ამაზე გუშინ პრემიერმა კონკრეტული არაფერი თქვა, მაგრამ ბიემჯის კითხვის პასუხად განაცხადა, რომ მთავრობა ბიზნესის მხარდაჭერას გაგრძელებს და ასევე, კომპენსაციებს გასცემს მოქალაქეებისთვის, თუ კრიზისი გაღრმავდა. მოკლედ ეს ხარჯები ბიუჯეტში ჯერჯერობით არ ჩანს. #ახალიამბები #BusinessMediaGeorgia
კოვიდ-19-ის დღევანდელი მონაცემები ასეთია: კორონავირუსის დადასტურებულ შემთხვევათა რიცხვი 15 327-მდე, 887-ით გაიზარდა. აქედან 277 თბილისშია, რაც მცირედ კლებაზე მიუთითებს. ამასთან ბოლო 24 საათში თბილისში გარდაიცვალა 5 მოქალაქე, თუმცა ჯამურად რომ შევხედოთ მთელი საქართველოს მასშტაბით, გამოვა, რომ გამოჯანმრთელებულთა რაოდენობა ამ ეტაპისთვის მზარდია და ამ მაჩვენებელმა 246-ით მოიმატა. გუშინ გავიგეთ, რომ კორონავირუსის მართვაში კერძო სადაზღვევო კომპანიები ერთვებიან. ამ თემაზე პირველად ჯანდაცვის მინისტრმა - ეკატერინე ტიკარაძემ გუშინ განაცხადა, როცა მინისტრი სადაზღვევო კომპანიებს შეხვდა. მინისტრის განმარტებით, კერძო სადაზღვევო კომპანიების ჩართულობა პროცესში იმან განაპირობა, რომ მათ აქვთ საკმაოდ კარგი გამოცდილება ონლაინ კლინიკების მართვის კუთხით. სტუმარი: დევი ხეჩინაშვილი - სადაზღვევო ასოციაცია; ხელმძღვანელი #ახალიამბები #BusinessMediaGeorgia
რამდენად ეფექტიანია ჩვენს ქვეყანაში ინვესტორთა საბჭო, რომელიც იბიარდის ინიციატივით რამდენიმე წლის წინ ჩამოყალიბდა და მთავრობის წევრებთან ერთად, თითქმის ყველა მსხვილ ბიზნესასოციაციას აერთიანებს. მიზანი, როგორც ეს გარე პირებს გვესმის, კერძო-საჯარო დიალოგის წახალისება და გადაწყვეტილებების მიღების პროცესში ბიზნესის ხმის გათვალისწინებაა. თუმცა, პრინციპში შეგვიძლია ვთქვათ, რომ კოვიდ-რეალობაში ინვესტორთა საბჭო ყველაზე ჩუმად იყო. როგორ აფასებს ბიზნესი საბჭოს, რომელშიც ყველაზე დიდი თეორიული შანსია მნიშვნელოვან საკითხებზე მსჯელობის და დიალოგის? #ახალიამბები #BusinessMediaGeorgia
ზეთის ფასი მკვეთრად იზრდება - როგორც გლობალურად, ისე საქართველოს ბაზარზეც. როგორც იმპორტიორები გვეუბნებიან, ბოლო რამდენიმე დღეში ზეთის ფასი მაღაზიებსა და სუპერმარკეტებში 20-30%-ით არის გაზრდილი. ადგილობრივ კონტექსტზე სულ ცოტა ხანში სტუმართან ერთად ვისაუბრებთ, თუმცა მანამდე მოდი შევხედოთ FAO-ს ინდექსებს - რას აჩვენებს გაეროს სურსათისა და სოფლის მეურნეობის ორგანიზაცია. ორგანიზაციის ანგარიშის თანახმად, გასული თვის განმავლობაში მცენარეული ზეთის ღირებულება 6%-ით, ზეთოვანი კულტურების ფასი კი 7.8%-ით გაიზარდა მან 2018 წლის მაისის შემდგომ მაქსიმალურ მაჩვეებელს მიაღწია. FAO აღნიშნავს, რომ სოიოს, მზესუმზირისა და პალმის ზეთის ნედლეულის გაძვირებას სხვადასხვა ფაქტორი, მათ შორის მოსალოდნელი მოსავლის შემცირება და COVID-19-ის მიერ მიწოდების ჯაჭვში შეტანილი კორექტირებები განაპირობებენ. სტუმარი: ივა ჭყონია - დისტრიბუტორთა ასოციაცია; ხელმძღვანელი #ახალიამბები #BusinessMediaGeorgia
კონსორციუმი ანაკლიის პორტის პროექტის განხორციელებისთვის კვლავ მზად არის - თედ ჯონასი ანალიტიკაში სტუმარი: თედ ჯონასი - ანაკლიის განვითარების კონსორციუმის სამეთვალყურეო საბჭოს წევრი #ახალიამბები #BusinessMediaGeorgia
სახელმწიფო საწარმოების რეფორმა #ახალიამბები #BusinessMediaGeorgia
ტურისტული კომპანიები დამატებით შეღავათებს ითხოვენ. ამის შესახებ ღიად საუბრობენ გრატა დიემსის გენერალური დირექტორი ირმა კოდუა და კომპანია ბითიელი-ს მმართველი პარტნიორი მაია ბიბილური. ეს კომპანიები კვლევებზე დაყრდნობით აცხადებენ, რომ ტურიზმის ინდუსტრიას რეაბილიტაციისთვის 3 წელიწადი დასჭირდება, ამიტომ კარგი იქნება, თუკი ხელისუფლება მხარდაჭერის მომავალ პაკეტებში გაითვალისწინებს იმ ფაქტს, რომ ზოგი ინდუსტრია მეტად დაზარალდა პანდემიის გავლენით და ზოგიც - ნაკლებად. ტურიზმის ინდუსტრია ყველა შეფასებით, ყველაზე კრიტიკულ ვითარებაში აღმოჩნდა. ამიტომ სექტორი დავობს, უნდა იყოს თუ არა თანაბარი ის მხარდაჭერა, რასაც სახელმწიფო გასცემს კოვიდის პირობებში ყველა სექტორისთვის. მათი მოსაზრებაა, რომ ტურიზმის ინდუსტრიას განსაკუთრებული ყურადღება უნდა მიექცეს და ამ სექტორისთვის დამატებითი შეღავათები უნდა შემუშავდეს. სტუმრები: ირმა კოდუა - Grata DMC გენერალური დირექტორი მაია ბიბილური - კომპანია BTL მმართველი პარტნიორი #ახალიამბები #BusinessMediaGeorgia
ანალიტიკა - 02.10.2020_13:40 - გადაცემა სრულად კომუნიკაციების კომისიის გადაწყვეტილებით, კავკასუს ონლაინის“ სპეციალური მმართველი სახელმწიფოს კუთვნილი "ოუფენ ნეტის" დირექტორი მარიამ სულაბერიძე გახდა. როგორც კომუნიკაციების კომისიის თავმჯდომარე კახა ბექაურმა განმარტა, გადაწყვეტილება დროებითი მმართველის დანიშვნის შესახებ განპირობებულია იმით, რომ კომპანიის წინააღმდეგ საჯარიმო სანქციის დაწესებამ შედეგი ვერ გამოიღო, ხოლო კომპანიისთვის საქმიანობის შეჩერება კარგი გადაწყვეტილება არ იქნება. საქართველოს კომუნიკაციების კომისიამ 20 აგვისტოს სხდომაზე "კავკასუს ონლაინს" კიდევ ერთი 270,000 ლარიანი ჯარიმა დააკისრა და ერთი თვე მისცა, რათა შებრუნდეს გარიგება, რომლითაც კომპანიის 49%-იანი წილის მფლობელი NEQSOL ჰოლდინგი გახდა. ამასთან, კომისიის გაფრთხილების თანახმად, თუკი ერთი თვის განმავლობაში შესაბამისი მოთხოვნა არ იქნებოდა შესრულებული, ჯარიმის ნაცვლად სხვა სახის სანქცია იქნებოდა განხილული. ვადა ისე ამოიწურა, რომ კავკასუს ონლაინმა“ კომისიის მიერ დაკისრებული მოთხოვნები არ დააკმაყოფილა. სტუმარი: რევაზ კოპალაძე “კავკასუს ონლაინის” გენერალური დირექტორი #ახალიამბები #BusinessMediaGeorgia
სადაზღვევოებისთვის მინიმალური კაპიტალის ზღვრის გაზრდის მოთხოვნა ერთი წლით გადავადდა - რა იცვლება სადაზღვევო კომპანიებისთვის? სტუმრები: ნინა კობახიძე - Global Benefits Georgia ; ბიზნესასოციაცია ჯანდაცვის კომიტეტი; თავმჯდომარე პაატა ლომაძე - “ჯიპიაი ჰოლდინგის“ გენერალური დირექტორი #ახალიამბები #BusinessMediaGeorgia
დაზღვევის სახელმწიფო ზედამხედველობის სამსახურის გადაწყვეტილებით, სადაზღვევო კომპანიებისთვის მინიმალური კაპიტალის ზღვრის გაზრდის მოთხოვნა ერთი წლით გადავადდა. ამის შესახებ დავით ონოფრიშვილმა საქართველოს ბიზნეს ასოციაციაში სადაზღვევო სექტორთან გამართულ შეხვედრაზე განაცხადა. დაგეგმილი ცვლილებების თანახმად, მიმდინარე წლის ბოლოს სადაზღვევო კომპანიების საწესდებო კაპიტალის მინიმალური სავალდებულო მოცულობა 4 მილიონ 200 ათასი ლარიდან 7 მილიონ 200 ათას ლარამდე უნდა გაზრდილიყო. ზედამხედველის ამ გადაწყვეტილებას წინ უძღოდა 15 სადაზღვევო კომპანიის მიერ მათდამი გაგზავნილი მიმართვა, სადაც სექტორი ცვლილებების ძალაში შესვლის გადავადებას ითხოვდა. დაზღვევის ზედამხედველობის სააგენტოსა და ბიზნესის შეხვედრას პრემიერის მრჩეველი ეკონომიკურ საკითხებში ბექა ლილუაშვილიც ესწრებოდა. #ახალიამბები #BusinessMediaGeorgia
შპს აკურა თავის ძველ მფლობელს უბრუნდება - ეს ინფორმაცია ექსკლუზიურად სოფლის მეურნეობის სამინისტრომ დაუდასტურა ანალიტიკას. სწორედ სოფლის მეურნეობის სამინისტროს გადაეცა მართვაში სულ ცოტა ხნის წინ 2020 წლის 4 აგვისტოს დაფუძნებული მოსავლის მართვის კომპანია, რომლის 100%-იანი წილის მფლობელიც სახელმწიფოა. როგორც სოფლის მეურნეობის სამინისტროში bmg-ის განუცხადეს, კომპანიას მესაკუთრე იმ აქტივებით დაიბრუნებს, რომელიც ჩამორთმევამდე ჰქონდა, ხოლო მოსავლის მართვის კომპანიას შპს აკურას ბოლო წლებში გაზრდილი აქტივები გადაეცემა. საჭიროების შემთხვევაში, „მოსავლის მართვის კომპანია“ „აკურას“ მსგავსად ჩაერთვება რთველის დროს მოსავლის დაბინავების პროცესში. “შპს „აკურა“, რომელიც დღეს სახელმწიფო საკუთრებაშია, წლების წინ, უკანონოდ ჩამოერთვა კერძო მესაკუთრეს. ამ ეტაპზე მიმდინარეობს კომპანიის კანონიერი მესაკუთრისთვის გადაცემის პროცესი, რითაც აღდგება სამართლიანობა” - ასე უპასუხეს bmg-ის სამინისტროში. #ახალიამბები #BusinessMediaGeorgia
ინტერვიუ დიმიტრი ქუმსიშვილთან დიმიტრი ქუმსიშვილი - ყოფილი ვიცე-პრემიერი თელარა გელანტია - BM.GE, მთავარი რედაქტორი #ახალიამბები #BusinessMediaGeorgia
ნათია თურნავა პარლამენტში #ახალიამბები #BusinessMediaGeorgia
მეფრინველეობის დარგში კვერცხისა და ქათმის ხორცის მწარმოებელმა ადგილობრივმა კომპანიებმა მიწერეს პრემიერმინისტრს გიორგი გახარიას და სოფლის მეურნეობის მინისტრს ლევან დავითაშვილს. მწარმოებელი კომპანიები ამბობენ, რომ იმპორტირებული პროდუქციისთვის კონკურენციის გაწევა უჭირთ, რადგან ბაზარზე არასამართლიანი პირობებია, რაც საფრთხეს უქმნის არა მხოლოდ ქართული კვერცხის და ქათმის პროდუქტის წარმოებას, არამედ მასზე მიბმულ ბევრს დარგს. რას ითხოვს კონკრეტულად სექტორი? სტუმარი: დავით შალამბერიძე - ინვეტის დირექტორი #ახალიამბები #BusinessMediaGeorgia
"იმუშავე საქართველოდან“ - რას ითხოვენ ტუროპერატორები ტურიზმის ადმინისტრაციისგან - მაია მურაჩაშვილი ანალიტიკაში სტუამრი: მაია მურაჩაშვილი - ტურისტული კომპანია „იბერია ტურს პლიუსის“ დამფუძნებელი #ახალიამბები #BusinessMediaGeorgia
კონკურენციის სააგენტომ კომპანია ,,ალგორითმის'' მიმართვის საფუძველზე მოკვლევა დაიწყო - დეტალებით დავით კორახაშვილი ანალიტიკაში სტუმარი: დავით კორახაშვილი - კომანია ალგორითმი, ხელმძღვანელი #ახალიამბები #BusinessMediaGeorgia
საპროტესტო აქცია პარლამენტის წინ - დავით გაფრინდაშვილი ანალიტიკაში სტუმარი: დავით გაფრინდაშვილი - საბავშვო გასართობი ცენტრი; წარმომადგენელი #ახალიამბები #BusinessMediaGeorgia
საქართველოს საინვესტიციო კლიმატი ბრიტანეთის ყურადღების ცენტრში ექცევა - გოგა ხიშტოვანი ანალიტიკაში სტუმარი: გოგა ხიშტოვანი - PMCG კვლევითი ცენტრი; დირექტორი #ახალიამბები #BusinessMediaGeorgia
საერთაშორისო სარეიტინგო კომპანია სტანდარტ ენდ პურსმა აგვისტოში გამოქვეყნებულ ბოლო ანგარიშში, სადაც საქართველოს - რეიტინგი - პანდემიის პირობებშიც შეუნარჩუნა პროგნოზირებს, რომ საქართველოს ეკონომიკა 2019 წლის დონეს 2022 წელს დაუბრუნდება. თუმცა მანამდე სარეიტინგო სააგენტო 2020 წელს საქართველოში 6%-იან რეცესიას პროგნოზირებს. რა პოზიცია აქვს საქართველოს მთავრობას. აპირებს თუ არა ის ეკონომიკური ზრდის მაჩვენებლის გადახედვას? #ახალიამბები #BusinessMediaGeorgia
საერთაშორისო სავალუტო ფონდმა დღეს საქართველოს მიკროსაფინანსო სექტორის შესახებ მიმოხილვა გამოაქვეყნა. ანგარიშში საუბარია იმ სისტემურ გამოწვევებზე, რომლებიც მიკროსაფინანსო სექტორის წინაშეა. სამი მთავარი აქცენტი, რასაც აიემეფი თავის ანგარიშში სვამს. პირველი ციტატა - “მიკროსაფინანსო სექტორის დეტალური ანალიზი აჩვენებს, რომ ორგანიზაციები, რომლებიც ამჟამად მიკროსაფინანსო ორგანიზაციების სტატუსს ატარებენ, უფრო მეტად საფინანსო კომპანიებად შეიძლება შეფასდნენ”. მეორე - “საერთაშორისო ინვესტორები ქართულ მიკროსაფინანსო სექტორში ნაკლებად არიან ჩართული, ისინი უფრო მეტად სამხრეთ აზიის ბაზრით ინტერესდებიან, რადგან იქ უფრო მაღალი ამონაგების მიღების შესაძლებლობას ხედავენ.” და მესამე - როგორც აიემეფი ამბობს, მისო-ებმა ფონდ მიაწოდეს ინფორმაცია, სადაც ისინი აღნიშნავენ, რომ საპროცენტო განაკვეთებზე დაწესებული 50%-იანი ჭერის პირობებში მათ უჭირთ მომგებიანობის მაჩვენებლის შენარჩუნება. სტუმარი: არჩილ ბაკურაძე - "კრისტალი", გამგეობის თავმჯდომარე #ახალიამბები #BusinessMediaGeorgia
ჯიემპი ანუ კარგი საწარმოო პრაქტიკის ევროპული სტანდარტის დანერგვა. კომპანიები ამბობენ, რომ ამ სტანდარტის დანერგვა მათგან სოლიდურ ფინანსურ რესურსს მოითხოვს და ჯანდაცვის სამინისტროს დროის გადავადების თხოვნით მიმართავს - წინააღმდეგ შემთხვევაში, ფარმაცევტული კომპანიების ასოციაციის მტკიცებით, 2022 წლიდან შესაძლოა კომპანიების ნაწილმა საქმიანობა შეაჩეროს, ხოლო მედიკამენტები მნიშვნელოვნად გაძვირდეს. ჯიემპი-ს დანერგვის ვადების გადახედვის საკითხი ევროკავშირი-საქართველოს ბიზნესსაბჭომ ინვესტროთა საბჭოზეც რამდენჯერმე დასვა. პრემიერის დავალებით სამუშაო ჯგუფიც შეიქმნა, რომელშიც ბიზნესის გარდა, ჯანდაცვის და ეკონომიკის სამინისტროს წარმომადგენლებიც შედიოდნენ. თუმცა, როგორც ამ ეტაპზე BMG-იმ გაარკვია, ამ ზომებმა შედეგი ვერ გამოიღო და კომპანიებს მაინც მოუწევთ ჯიემპი სტანდარტი დათქმულ ვადებში დანერგონ. სტუმარი: ლევან გოგიბერიძე - ფარმაცევტთა ასოციაციის პრეზიდენტი #ახალიამბები #BusinessMediaGeorgia
უმუშევრობა პანდემიის პირობებში ფაქტობრივად ყველა ქვეყნისთვის კიდევ უფრო მწვავე პრობლემა გახდა ვიდრე ეს წლის დასაწყისში იყო. კონკრეტული რიცხვები საქართველოს რეალობაშ დღეს ასეთია. ივლისში ფინანსთა სამინისტრომ საშემოსავლო გადასახადის სახით 226 მილიონი ლარის მობილიზება მოახდინა, რაც 2019 წელთან შედარებით 33 მილიონი ლარით ანუ 13%-ით ნაკლებია. საშემოსავლო გადასახადის შემცირება კი თავის მხრივ, ქვეყანაში გაცემული ხელფასების ვარდნაზე მეტყველებს. თავისმხრივ, საშემოსავლო გადასახადის 33 მილიონით შემცირება გაცემული ხელფასების 165 მილიონი ლარით შემცირებას ნიშნავს. საქართველოში დღე „სამუშაოს ბევრად მეტი ეძებს, ვიდრე ვაკანსიებია“ - ამ შეფასებას აკეთებს HR.GE-ის რეგიონულმა მენეჯერი იმ მონაცემებზე დაყრდნობით რასაც ერთ ერთი უმსხვილესი დასაქმების პორტალი ყოველდღიურად ამუშავებს. სტუმარი: ინგა შახბაზიანი - HR.GE-ის რეგიონული მენეჯერი #ახალიამბები #BusinessMediaGeorgia
COVID -ის ეკონომიკა - საქართველო 2020 #ახალიამბები #BusinessMediaGeorgia