,,მთის კურორტების განვითარების კომპანია" გუდაურში 2018 - 2019 წლების სათხილამურო სეზონისათვის მოსამზადებლად სახელმწიფო შესყიდვების სააგენტოს 92 მილიონი ლარის პირდაპირი წესით განკარგვის ნებართვას სთხოვს. მიზეზი ღონისძიების შეზღუდულ ვადებში შეუფერხებლად ჩატარებაა.
ეკონომიკური ზრდა საქსტატის წინასწარი მონაცემების მიხედვით, აპრილში 6.5%-იან ნიშნულამდე გაიზარდა, რაც ბოლო წლების საუკეთესო მაჩვენებლად შეგვიძლია ჩავთვალოთ. თუმცა, მეორე მხრივ, ამავე კვირაში გამოქვეყნდა საერთაშორისო რესპუბლიკური ინსტიტუტის კვლევა, რომელიც აჩვენებს, რომ ეკონომიკური ზრდის გაუმჯობესებული სტატისტიკა მაინც ვერ მიდის კონკრეტულ ინდივიდამდე ისე, რომ მისი მოლოდინები გრძელვადიანი პერსპექტივის მიმართ ცალსახად დადებითი იყოს. სტუმრები: გიორგი პაპავა - ილიაუნის ბიზნესის სკოლა, ეკონომიკის ასოცირებული პროფესორი ზვიად ხორგუაშვილი ეკონომისტი
წინასწარი მონაცემებით, 2018 წლის პირველ კვარტალში საქართველოს ეკონომიკა 5.2%-ით გაიზარდა. საქართველოს ეკონომიკურ ზრდას ევროკავშირისგან და საერთაშორისო სავალუტო ფონდისგან დადებითი შეფასებები მოჰყვა. სტუმარი: რევაზ ვაშაკიძე - კომპანია ”ჩირინა”; დამფუძნებელი
სახელმწიფო ბიუჯეტის პირველი კვარტლის შესრულებიდან ირკვევა, რომ საგადასახადო შემოსავლების ყველა კომპონენტი გადაჭარბებით შესრულდა გარდა აქციზისა. ფინანსთა სამინისტროს ხაზინის ინფორმაციით, 2018 წლის სამ თვეში მთავრობა აქციზიდან 328 მილიონ 500 ათასი ლარის მიღებას ელოდა, მაგრამ ბიუჯეტში 305 მილიონი შევიდა ანუ აქციზის გეგმა 92.9%-ით შესრულდა.
რუსთავში საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის გასვლით სხდომას გაიმართა, სადაც ძირითადი განსახილველი თემა საქართველოში თავისუფალი ინდუსტრიული ზონების განვითარების მდგომარეობა და საქართველოს ინდუსტრიული პოლიტიკის მიმართულებები იყო.
My Way Airlines - ახალი ავიაკომპანიაა, რომელიც ქართული ბაზრის სრულფასოვანი მოთამაშე უკვე ივნისიდან გახდება. მანამდე ახალი ავიაკომპანია საქართველოს დამოუკიდებლობის აღნიშვნას ორიგინალური გზით უერთდება.
როდის აისახება ეკონომიკური ზრდა ქვეყნის განვითარებაზე ?
ვალერი ხანიშვილი - ხელს აწერს წერილს, რომელიც საქართველოს პრემიერის, ფინანსთა მინისტრის, საფინანსო-საბიუჯეტო კომიტეტის, დარგობრივი ეკონომიკისა და ეკონომიკური პოლიტიკის კომიტეტის, ეროვნული ბანკის, კონკურენციის სააგენტოსა და ბიზნესომბუდსმენის სახელზეა გაგზავნილი. სტუმარი: ვალერი ხანიშვილი - დამოუკიდებელი ანალიტიკოსი
,,პატივის, ღირსების და საქმიანი რეპუტაციის შელახვა - სამართლებრივი ასპექტები და პრობლემები”
გახდებიან თუ არა საერთაშორისო საფინანსო ინსტიტუტები საგარანტიო ფონდის აქციონერები
ეკონომიკის სამინისტრომ არ იცის, რამდენი ბილეთი იყიდეს უცხოელებმა ,,CHECK IN GEORGIA“-2017-ის კონცერტებზე
სტუმარი: ლევან კანადაძე - ბიზნესომბუდსმენის მოადგილე
როგორ უნდა მოეხსნას დაფინანსების ბარიერები მცირე და საშუალო ბიზნესს? - ახალი რეგულაციები
ქართული საგარანტიო ფონდი თურქეთის მაგალითზე
გვინდა, რომ სამუშაო რეგისტრირებული გახდეს და ადამიანები, რომლებიც საქართველოდან თურქეთში სეზონურ სამუშაოზე მიდიან, კანონით იქნებიან დაცული - სიტყვები თურქეთის ელჩს ეკუთვნის. რა იგულისხმება ამ ინიციატივაში უფრო კონკრეტულად?
როგორი იქნება საგარანტიო ფონდი საქართველოში და რა სქემას ირჩევს საქართველო მცირე და საშუალო ბიზნესისთვის ფინანსებზე ხელმისაწვდომობის გაზრდის კუთხით?
როგორ აფასებს საბანკო სექტორის რეგულატორი ქვეყანაში ფინანსურ სტაბილურობას და აქვს თუ არა ცენტრალურ ბანკს კონკრეტული გათვლები როგორ შეიძლება ბაზარზე ახალი თამაშის წესები აისახოს ქვეყნის ეკონომიკაზე? ეროვნული ბანკის წლიურ 300 გვერდიან ანგარიშში ცალკე ჩანართი დაეთმო მოსახლეობის ჭარბვალიანობის რისკებს.
სადაზღვევო სექტორის ნაწილი ბანკებზე კონკურენციის შესახებ კანონმდებლობის გავრცელებას მოითხოვს. სადაზღვევო ასოციაციის გამგეობის სხდომაზე კომპანია ,,უნისონის“ ინიციატივას მომხრე უფრო მეტი ჰყავდა, ვიდრე მოწინააღმდეგე . რას ითხოვს სექტორი და რა ნაბიჯებს უნდა ველოდოთ დაზღვევის ასოციაციისგან?
BMG ექსკლუზივი - ეროვნული ბანკის რეგულაციები მურთაზ კიკორია - ეროვნული ბანკის ვიცე-პრეზიდენტი
მოსალოდნელია თუ არა ბაზარზე პურის ფასის მატება? სტუმარი: ლევან სილაგავა - ფქვილის მწარმოებელთა ასოციაციის აღმასრულებელი დირექტორი
10 000-ზე მეტი გადამზადებული ბიზნესი და 12 000-ზე მეტი ბენეფიციარი სტარტაპერი - ასეთია თიბისი ბანკის მიერ ბიზნესის მხარდასაჭერად განხორციელებული პროექტების შედეგი. ბიზნესგანათლება და სტარტაპერების მხარდაჭერა ბანკის სოციალური პასუხისმგებლობის და ლოიალობის ზრდისკენ მიმართული სტრატეგიის ნაწილია. ბანკის ეგიდით ტარდება ტრენინგები, კონფერენციები, მასტერკლასები, B2B და აგროფორუმები და მათში მონაწილეობა ყველა მსურველისთვის სრულიად უფასოა. ბიზნესის მხარდასაჭერად თიბისი ბანკმა მომხმარებლებს კიდევ ერთი პროექტი - www.tbcbusiness.ge შესთავაზა. ვებგვერდზე შეგიძლიათ მოუსმინოთ ონლაინსემინარებს, ჩამოტვირთოთ ბიზნესლიტერატურა, გაიაროთ ონლაინკურსები და გაეცნოთ სტარტაპისტორიებს. თიბისი ბანკი რეგიონებშიც ჩავიდა. თელავში, დედოფლისწყაროსა და საგარეჯოში, ფერმერებისთვის უკვე ჩატარდა აგროფორუმები. დაინტერესებულმა პირებმა სტარტაპ აგროპროექტების, მეცხოველეობის, რძის პროდუქციის წარმოების, სასოფლო-სამეურნეო კოოპერატივების შექმნისა და უპირატესობების, ასევე მათთვის საინტერესო სხვა საკითხების შესახებ კვალიფიციური ინფორმაცია ექსპერტებისგან მიიღეს. სტუმარი: ნიკა ქურდიანი - TBC ბანკი; გენერალური დირექტორის მოადგილე
საფინანსო-საბიუჯეტო კომიტეტში ბიზნეასოციაციასთან შეხვედრაზე ბიზნესთან ერთად განიხილება საპენსიო რეფორმა და ზოგადად, კაპიტალის ბაზრის განვითარებასთან დაკავშირებული საკითხებია. რა ხდებოდა პარლამენტში და რა საკითხებზე გაამახვილა ყურადღება ბიზნესმა?
რა წერია ცვლილებების სამუშაო დოკუმენტში, რომელიც ეროვნულმა ბანკმა იმისთვის მოამზადა, რომ კომერციულმა ბანკებმა და მიკროსაფინანსო ორგანიზაციებმა მეტი პასუხისმგებლობა იგრძნონ მოქალაქეების დაკრედიტებისას. ანალიტიკამ ექსკლუზიურად მოიპოვა სამუშაო დოკუმენტი, რომელიც ჯერ არ გასაჯაროვებულა.
შეიზღუდება თუ არა საქართველოს ფარმაცევტულ ბაზარზე პარალელური იმპორტი? ეს კითხვა მას შემდეგ გაგვიჩნდა, რაც მთავრობის ინიციატივით მომზადდა ცვლილებები კანონში წამლისა და ფარმაცევტული საქმიანობის შესახებ. კანონმდებლების ნაწილს მიაჩნია, რომ პარალელური იმპორტის შეზღუდვა ფარმაცევტული ბაზრის გაჯანსაღების და კონკურენტუნარიანობის ზრდის საწინდარი გახდება, თუმცა ასე არ ფიქრობენ ისინი, ვინც წამლების იმპორტს ეწევა. მათი რიცხვი კი ადგილობრივ მწარმოებლებთან შედარებით, გაცილებით დიდია. სტუმარი: ვახო მეგრელიშვილი - გირჩის წევრი
ჭარბვალიანობა - ეს ალბათ უდავოდ ამ კვირის მთავარი სიტყვა იყო. მისი სხვადასხვა ინტერპრეტაციებიც უხვად ისმოდა - როცა ერთ ადამიანს ბევრი ვალი აქვს; როცა ბევრ ადამიანს აქვს ბანკის ვალი და ა.შ. ჩვენ გადავწყვიტეთ, საბანკო-საფინანსო სისტემის მთავარ რეგულატორს ვკითხოთ - რას გულისხმობს ის ჭარბვალიანობაში და არსებობს თუ არა რაიმე ინდექსი, რომელიც გვაჩვენებდა, რომ პრობლემურ ზღვრებში ვართ. „ჩვენ ერთი მხრივ უნდა შევამციროთ ჭარბვალიანობა და მეორე მხრივ გავაკეთოთ პრევენცია, რომ მომავალში ეს პრობლემა დღის წესრიგში აღარ დადგეს“, - ამ განცხადების ავტორი ფინანსთა მინისტრია. მამუკა ბახტაძე ასევე ირწმუნება, რომ დიდი ძალების ფიკუსირება ხდებოდა, რათა მოსახლეობას შემოსავლების დადასტურების გარეშე მიეღო სესხები. „ეს ერთგვარ მოდად იქცა, შემდეგ ტრენდად და შედეგად მივიღეთ ჭარბვალიანობის სერიოზული პრობლემა“, - ასკვნის ბახტაძე და გამოსავალს კონკრეტული ახალი თამაშის წესების დადგენაში ხედავს.
სავალდებულო დაზღვევის ცენტრი პირველ შედეგებს აჯამებს. მესამე პირის მიმართ სამოქალაქო პასუხისმგებლობის სავალდებულო დაზღვევა უცხოური ავტომფლობელებისთვის პირველი მარტიდან მოქმედებს.
უცხოელი სტუნდეტების ეფექტი - 1 სტუდენტი წლის განმავლობაში საშუალოდ ხარჯავს 10 ათას დოლარს. უნივერსიტეტებს მათთვის 20 ათასი ადგილი აქვთ, რაც იმას ნიშნავს, რომ თუ ყველა ადგილი დაიტვირთება, სახელმწიფოს შეუძლია დამატებით 200 მილიონი დოლარის შემოსავლის მიღება.
დუბაიმ საინვესტიციო ფორუმს უმასპინძლა. ფორუმში მონაწილეობა საქართველომაც მიიღო. წლევანდელ გამოფენაზე საქართველო წარმოდგენილი იყო როგორც „აწარმოე საქართველოში“ საინვესტიციო ჯგუფით, ასევე კერძო სექტორით. გაიმართა შეხვედრები პოტენციურ ინვესტორებთან, სადაც განხილული იყო საქართველოს საინვესტიციო შესაძლებლობები, განსაკუთრებით უძრავი ქონების და ტურიზმის მიმართულებით. საქართველოს მონაწილეობა იმითაც იყო გამორჩეული, რომ ფორუმის ფარგლებში პირველად გაიმართა პრეზენტაცია, სადაც ეკონომიკისა და მდგრადი განვითარების მინისტრმა და კერძო კომპანიებმა წარმოადგინეს საქართველოს საინვესტიციო შესაძლებლობები და მიმდინარე პროექტები. პრეზენტაციაში მონაწილეობა ათმა კომპანიამ მიიღო. სტუმარი: ფადი ასლი - Freedoom House
ორგანული კანონი, რომელმაც უნდა დაარეგულიროს ვინ და რა პირობებით შეძლებს საქართველოში სასოფლო-სამეურნეო მიწის შეძენას. სტუმარი: ოთარ დანელია - პარლამენტის აგრარულ საკითხთა კომიტეტი; თავმჯდომარე
„სამწუხაროდ, ჩვენს ქვეყანაში მივიღეთ რეალობა, სადაც ბანკები არ ასრულებენ ამ (იგულისხმება ეკონომიკის) მამოძრავებელი ძალის ფუნქციას“ - მამუკა ბახტაძე.
კულტურა და დაზღვევა - არსებობს თუ არა კულტურული წინასწარი განწყობები, რომლებიც ხელს უშლის ინდუსტრიის განვითარებას და რა უნდა გააკეთოს თავად ინდუსტრიამ იმისთვის, რომ მეტმა ადამიანმა გაიგოს - დაუზღვეველი რისკები არ არსებობს. ბენეფიტსი, ალდაგი, იმედი ელი - დაზღვევის მნიშვნელოვანი ნიუანსების შესახებ - ბიზნეს მედია ლანჩზე.
თბილისის მერიამ აფხაზეთის დაკარგვის თემით გამსჭვალული კომიქსის - დაჩაგრულების შექმნაში მიიღო მონაწილეობა. მერიასთან ერთად ქართულ-აფხაზური მანგას გამოცემაში მონაწილეობდა შერიგებისა და სამოქალაქო თანასწორობის მინისტრის აპარატიც.
სახელმწიფო შესყიდვების სააგენტო აჯამებს ბიზნესმენებთან შეხვედრის პრაქტიკას, რომლის შემდეგაც საკუთარ მუშაობაში გარკვეული ცვლილებებიც შეაქვს. 2016 წლიდან ასეთი შეხვედრები თვეში ორჯერ იმართებოდა. ზაზა ნანობაშვილი - შესყიდვების სააგენტოს თავმჯდომარის მოადგილე
2018 წლის ჩექ-ინ-ჯორჯიას ბიუჯეტი და სუბსიდირების უცვლელი კურსი. რას მოხმარდება ამ პროგრამისთვის გამოყოფილი 6 მილიონი ლარი, რომელსაც ადმინისტრირებას ტურიზმის ეროვნული ადმინისტრაცია გაუწევს? რაც ამ ეტაპზე ვიცით, შავი ზღვის ჯაზფესტივალი, ღვინისა და ჯაზის ფესტივალი, ოფენ ეარი და ცნობილი ქართული ანსამბლები, მათ შორის, სუხიშვილები და ერისიონი - იმ ჩამონათვალში არიან, რომელთა კონცერტებსაც სახელმწიფო დააფინანსებს.
თბილისის მერმა კახა კალაძემ განაცხადა, რომ ლისის მიმდებარედ განაშენიანება უნდა შეჩერდეს იმ კომპანიების მხრიდან, რომლებიც მშენებლებლობის დროს გამწვანების კომპონენტს უგულებელყოფენ. კომპანია გრინ დეველოპმენტი არის დღევანდელი ჩვენი გადაცემის სტუმარი. რამდენად სამართლიანად მიაჩნია მას თბილისის მერის გადაწყვეტილება და იღებს თუ არა საკუთარ თავზე იმ კრიტიკას, რაც კახა კალაძის მხრიდან გაისმა ზოგიერთი დეველოპერის მისამართით. სტუმარი: მელანია კუჭუხიძე - გრინ დეველოპმენტის კომერციული დირექტორი
დეველოპერულ კომპანიებს კუთვნილი ტერიტორიის 10%-ის გამწვანებას კანონი აქამდეც ავალდებულებდა, თუმცა კა 3 კოეფიციენტით დაკისრებულ ვალდებულებებს მშენებლების უდიდესი ნაწილი არ ითვალისწინებდა. გამწვანების კოეფიციენტები სულ ორჯერ დადგინდა: ერთხელ -1983 წელს, როცა ყველაზე მაღალი მაჩვენებელი მივიღეთ - 13 კვ.მ 1 სულ მოსახლეზე და ბოლოს, 15-16 წლის წინ - როცა 1 სულ მოსახლეზე გამწვანებული ფართი 5.4 კვ.მ იყო. ამ რიცხვებს მეტი შინაარსი რომ შევძინოთ, აქვე გეტყვით, რომ მსოფლიო ჯანდაცვის ორგანიზაცია ამ მიმართულებით ერთგვარ გლობალურ სტანდარტს ადგენს, რომლის მიხედვითაც, იმისთვის, რომ ჯანსაღად ცხოვრება შევძლოთ, ერთ სულ მოსახლეზე 50 კვ.მ გამწვანებული ტერიტორია უნდა მოდიოდეს.
საქართველოში ჩრდილოვანი ეკონომიკის წილი ერთ-ერთი ყველაზე მაღალია - ამას ამტკიცებს საერთაშორისო სავალუტო ფონდის ვებ-გვერდზე გამოქვეყნებული კვლევა. ამ კვლევის მიხედვით, გამოდის, რომ იატაკქვეშა ეკონომიკის წილი საქართველოში უფრო მაღალია ვიდრე მის ყველა მეზობელ ქვეყანაში - სომხეთში, აზერბაიჯანში, რუსეთსა და თურქეთში. მეტიც, კვლევის მიხედვით, საქართველოში ჩრდილოვანი ეკონომიკის წილი მთლიან შიდა პროდუქტთან მიმართებით დაახლოებით 65%-ია. ამ მაჩვენებლით კი ის ზიმბაბვესა და ბოლივიას გვერდით დგას. ცხადია, კითხვები გაგვიჩნდა და ამ კითხვებით, პირველ რიგში, საქართველოში საერთაშორისო სავალუტო ფონდის წარმომადგენელს ფრანსუა პეჰშოს მივაკითხეთ. მან სატელევიზიო ინტერვიუზე უარი გვითხრა და მხოლოდ მოკლე კომენტარით შემოიფარგლა - ეს კონკრეტული კვლევის სამუშაო ვერსიაა და მისი ავტორების აზრი შეიძლება არ გამოხატავდეს საერთაშორისო სავალუტო ფონდის პოზიციასო. უნდა ვთქვათ, რომ ვებგვერდზეც, კვლევა სამუშაო დოკუმენტის სახელით პოზიციონირებს და სათაურის და ავტორების ჩამონათვალის ქვეშ, დისქლეიმერიც არის განთავსებული, რომელიც იგივე აზრს იმეორებს, რაც ჩვენ ფრანსუა პეჰშომ გვითხრა კამერის მიღმა. თუმცა კითხვები მაინც დაგვრჩა: რამდენად ამოწმებს საერთაშორისო სავალუტო ფონდი იმ დოკუმენტებს, რომლებსაც საკუთარ ვებგვერდზე ათავსებს? მკვლევართა ჯგუფს, მაგალითად, საქართველოდან რომ მოუნდეს საკუთარი კვლევა დაკიდოს ამ საიტზე, მათაც ნებას დართავენ? თუ არსებობს, რაიმე კონკრეტული კრიტერიუმები კვლევის სანდოობის შესამოწმებლად - რადგან საქმე იატაკქვეშა ეკონომიკას და მის ზომას ეხება, ამან კი შეიძლება ინვესტორების თვალში საქართველოს გამოუსწორებელი ზიანი მიაყენოს. ასეთ დროს ალბათ ის ის უფრო მნიშვნელოვანი იქნება, რომ ამა თუ იმ ფორმით საერთაშორისო სავალუტო ფონდი ლეგიტიმაციას ანიჭებს ამ კვლევის შედეგებს, რადგან თავის ვებგვერდზე ათავსებს და არა იმას - კონკრეტულად ვინ დაწერა ეს კვლევა, ის სამუშაო დოკუმენტია თუ არა და ა.შ. სტუმარი: რუსლან ხოროშვილი - EY Georgia-ს მმართველი პარტნიორი
ბრექსიტის ფონზე ბრიტანეთის საელჩო საქართველოსთან ურთიერთობების მხოლოდ გაღრმავებას და გააქტიურებას ელოდება. განსაკუთრებით საგანმანათლებლო კუთხით. ამ მიზნით, საელჩომ ახალ ტრადიციას ჩაუყარა საფუძველი და წელიწადში ერთხელ ბრიტანეთის მთავრობის მთავარი სასტიპენდიო პროგრამის სტიპენდიანტებს საელჩოს შენობაში ერთად შეკრებს და ამით მათ მტკიცე ქსელად ჩამოყალიბებას შეუწყობს ხელს. ჩივნინგის პროგრამას უკვე წლებია მხარს უჭერს საქართველოს ბანკი. 250 ჩივნინგელს შორის ანალიტიკის სტუმრად კი თიბისი ბანკის გენერალური დირექტორის მოადგილე გოგა თხელიძე შევარჩიეთ. სამი სტუმარი ერთ მაგიდასთან პროგრამის შესახებ, რომელსაც ქვეყანაში ბრიტანული განათლება შემოაქვს.
პარტრიოტთა ალიანსის ახალი საკანონმდებლო ინიციატივა გაგაცანით რამდენიმე კვირის წინ ანალიტიკაში. ამ ინიციატივას შემოაქვს ახალი ცნება - „ბოლო საცხოვრისი“ ანუ უძრავი ნივთი, რომელიც წარმოადგენს მოვალისა და მისი ოჯახის წევრზე საჯარო რეესტრში რეგისტრირებულ ერთადერთ უძრავ ნივთს და იმ შემთხვევაში, თუ მაგალითად, ფიზიკურ პირს ერთადერთი სახლი აქვს ბანკში ჩადებული ან კერძო მევახშესთან იპოთეკის ხელშეკრულება აქვს გაფორმებული და თანხას ვერ დაფარავს, ბანკი ან მევახშე ამ ქონებას 3 წლის განმავლობაში ვერ გაყიდის. ახლა ირკვევა, რომ პატრიოტთა ალიანსი კიდევ დამატებით გარანტიებს ითხოვს და ცდილობს ხელისუფლებასთან მიაღწიოს შეთანხმებას, რომ სასამართლოს გადაწყვეტილებების მიუხედავად, რამდენიმე თვის განმავლობაში იმ პირთა გამოსახლებაზე, რომელთათვისაც ეს უძრავი ქონება ბოლო საცხოვრისია, მორატორიუმი გამოცხადდეს. რა შედეგები შეიძლება მივიღოთ ამ ინიციატივის დაკანონების შემთხვევაში. შევეცდებით მოვისმინოთ არგუმენტებიც და კონტრარგუმენტებიც. დებატები ანალიტიკაში სტუმრები: ბექა ფერიძე - პატრიოტთა ალიანსის მოწვეული იურისტი; ლევან ალაფიშვილი - იურისტი
ერთი რაც ვიცით ის არის, რომ პირდაპირი უცხოური ინვესტიციების მოზიდვა საქართველოს მთავრობის გაცხადებული მიზანია. აშშ, გერმანია, თურქეთი, დიდი ბრიტანეთი, ჩინეთი, არაბთა გაერთიანებული საემიროები - ეს ის 6 ქვეყანაა, სადაც საქართველოს კომერციული ატაშეები ეყოლება. ატაშეების შესარჩევის კონკურსი უკვე გამოცხადებულია. მათი მთავარი მისია სწორედ უცხოური ინვესტიციების მოზიდვასა და ექსპორტის ხელშეწყობას ითვალისწინებს. ეკონომიკის მინისტრი დიმიტრი ქუმსიშვილი ირწმუნება, რომ ატაშეების ეფექტიანობა გაზომვადი იქნება, რადგან მათ კონკრეტული დავალებების შესრულება მოუწევთ. საქართველოს მთავრობის ამ ინიციატივის შეფასება ეკონომიკის ყოფილ მინისტრს ვთხოვეთ. ვერა ქობალიამ თელარა გელანტიასთან ინტერვიუში გაიხსენა, რომ კომერციული ატაშეების ინსტიტუტის შექმნის იდეა ჯერ კიდევ მისი მინისტრობის დროს გაჩნდა. ერთად მოვისმინოთ, რამ შეუშალა ხელი ინიციატივის განხორციელებას და ასევე, კომერციული ატაშის ინსტიტუტის რომელ მოდელს ანიჭებს უპირატესობას ყოფილი მინისტრი.
პირდაპირი უცხოური ინვესტიციების ოფიციალური სტატისტიკა ასეთია: პირდაპირი უცხოური ინვესტიციები წინა წელთან შედარებით, 16.2 პროცენტით გაიზარდა. ეს მაჩვენებელი თავისი არსით რეკორდულია, თუმცა რამდენად ზუსტია - ამაზე კითხვები მას შემდეგ გაჩნდა, რაც ფეისბუქმა კიდევ ერთხელ გააქტიურა თემა: სტატისტიკური მონაცემების გადასინჯვის პრაქტიკა, რომელიც საქსტატმა გასული წლიდან დაიწყო.
რატომ შეჩერდა ჰესის მშენებლობა მესტიაში არჩილ გაჩეჩილაძე - Georgia Global Utilities -ის (GGU) აღმასრულებელი დირექტორი
ამჟამად თბილისში 3 მილიონი კვადრატული მეტრის განაშენიანება მიმდინარეობს, რაც 33 385 სახლი და 525 პროექტია. თბილისის მერიის არქიტექტურის სამსახური სამშენებლო ნებართვებს ისე გასცემს, რომ არ იცის, თბილისის რომელ რაიონში რამდენი ობიექტი შენდება. BMG-ის ჯგუფი 2 კვირის განმავლობაში ცდილობდა თბილისის რაიონების მიხედვით მშენებლობის ნებართვების და ტიპების შესახებ ინფორმაციის მოპოვებას, თუმცა არქიტექტურის სამსახურიდან ოფიციალური წერილით გვაცნობეს, რომ მსგავს ანალიტიკურ სტატისტიკას მერიის შესაბამისი სამსახური არ ფლობს. შევეცადეთ სამსახურის უფროსთან გაგვერკვია მიზეზები, თუმცა მიმდინარე რეორგანიზაციის მიზეზით თემურ ბოლოთაშვილთან შეხვედრა ვერ მოხერხდა. ამიტომ ინფორმაცია თბილისში მიმდინარე მშენებლობების შესახებ ალტერნატიული წყაროებიდან მოვიპოვეთ. მათ შორის ერთი, მერიის ზედამხედველობის სამსახურია, მეორე კი უკვე დამტკიცებული გრგ-ები - ანუ განაშენების რეგულირების გეგმები. ნახეთ სიუჟეტი ქალაქზე სადაც მშენებლობის ბუმია, თუმცა ეს კიდევ არაფერია ბეტონის ჩონჩხების იმ რაოდენობასთან შედარებით, რაც თბილისს კანონიერად ემუქრება.
ჯეოსელმა და მაგთიმ კომუნიკაციების ეროვნული კომისიისგან გაფრთხილება მიიღო