საწარმოების მხრიდან მდინარეების ჩამდინარე წყლებით დაბინძურება ხდება, რომლის მონიტორინგიც არ ხორციელდება- ამის შესახებ საქართველოს მწვანეთა მოძრაობის თავმჯდომარემ ნინო ჩხობაძემ განაცხადა. მისი თქმით დღეს ქვეყანაში გამწმენდი ნაგებობების სიმცირეა, არადა არსებული კანონმდებლობით წყალმოსარგებლე ვალდებულია აღნიშნული ნაგებობა ჰქონდეს. შეცვლის თუ არა მდგომარეობას წყლის მართვის შესახებ ახალი კანონი, რომელიც ძალაში 2026 წლიდან უნდა შევიდეს და როგორ უნდა გადალაგდეს ბაზარზე პროცესები, რომ ერთი მხრივ ზიანი არ მიადგეს ბუნებას და მეორე მხრივ ბიზნესს არ შევუქმნათ დამატებითი წნეხი? #ახალიამბები #BusinessMediaGeorgia
საქართველოში 100 მბ/წმ-იანი ფიქსირებული ინტერნეტი 136%-ით, ხოლო 10 გბ მობილური ინტერნეტი სასაუბრო დროსთან ერთად 35%-ით ძვირია ვიდრე ევროპის ქვეყნებში. შედეგები ევროკავშირის წევრი 22 ქვეყნისა და დიდი ბრიტანეთის ანალოგიურ მაჩვენებლებთან, საქართველოს სატელეკომუნიკაციო მომსახურებების ფასების შედარებითმა ანალიზმა აჩვენა, რომელიც კომუნიკაციების კომისიის დაკვეთით 2023 წლის აპრილში ჩატარდა. “ბენჩმარკინგის” კვლევის შედეგების მიხედვით, საქართველოში დაბალი მოცულობის და სიჩქარის მომსახურებები, როგორც მობილურ, ისე ფიქსირებულ ბაზარზე, კვლევაში შემავალი ქვეყნების ფასების თითქმის ანალოგიური ან უფრო იაფია. ხოლო, რაც შეეხება მაღალი მოცულობის და სიჩქარის მომსახურებების ფასებს - ევროპული ქვეყნების საშუალოს მნიშვნელოვნად აჭარბებს. #ახალიამბები #BusinessMediaGeorgia
აუდიტორული და ბიზნეს საკონსულტაციო კომპანია Kreston Georgia რომელიც საქართველოს ბაზარზე 2010 წლიდან ოპერირებს და საერთაშორისო ქსელის – Kreston Global-ის წევრია საკმაოდ დატვირთული წლის ბოლოს შედეგებს ითვლის. კომპანიამ 2023 ში ხარისხის მართვის სისტემის ორი სრული მონიტორინგი დაამატა. ბუღალტრული აღრიცხვის ანგარიშგებისა და აუდიტის ზედამხედველობის სამსახურის მიერ ჩატარებული ხარისხის მართვის სისტემის სრული მონიტორინგის შედეგად, საჯარო დაინტერესების პირების (სდპ) აუდიტის განხორციელების უფლებამოსილება და აუდიტორული ფირმებისთვის საქართველოს კანონმდებლობით დადგენილი კატეგორიების შკალის გათვალისწინებით, მეორე კატეგორია მიენიჭა. Kreston Global-ი მსოფლიოს ბაზარზე 115 ქვეყანაში 820 ოფისით ყველა კონტინენტზეა წარმოდგენილი. იგი აერთიანებს 25 000 პროფესიონალს და 160 წევრ ფირმას, თუმცა მათი მიზანი მაქსიმალური საერთაშორისო დაფარვის უზრუნველყოფა და ქსელის კიდევ უფრო გაფართოებაა, მათ შორის საქართველოში. სტუმარი: ლევან პაპიაშვილი - აუდიტორული კომპანია „კრესტონ ჯორჯიას“ მმართველი პარტნიორი; #ახალიამბები #BusinessMediaGeorgia
წერეთლის გამზირის რეაბილიტაციამ მნიშვნელოვანი გამოწვევები შექმნა ბიზნესისთვისაც. ის სავაჭრო ობიექტები, რომლებიც სწორედ აქ არიან განთავსებული, მომხმარებლების რაოდენობისა და შემოსავლების შემცირების წინაშე არიან. #ახალიამბები #BusinessMediaGeorgia
თბილისის მერიამ წერეთლის გამზირის რეაბილიტაციის ორ კვირაში დასრულებისთვის 4 ახალი კონტრაქტი გააფორმა. ჯამური ბიუჯეტით 17,5 მილიონი ლარი „ჯეუ გრუპი“, „ენკო“, „პარმა“ და „ბლექ სი გრუპი“ როგორც დედაქალაქის მთავრობაში ამბობენ თვის ბოლოს საავტომობილო გზაზე სამუშაოების დასრულებას ისე უზრუნველყოფენ, რომ ავტომობილებს გადაადგილებაზე შეფერხება არ იქნება. კახა კალაძე ამბობს რომ სულ რომ მას და მის თანამშრომლებს მოუწიოთ სამუშაო პროცესში ჩართვა მოსახლეობის წინაშე აღებული ვალდებულება შესრულდება. ბიზნესი დაპირების შესრულებად სრულად შესაძლებელ რეალობად განიხილავს, ერთადერთ შემაფერხებელ ფაქტორად ამინდი სახელდება. წერეთლის გამზირზე სამუშაოები 24 საათიანი რეჟიმში განახლდა, თუმცა ეს არ ნიშნავს, რომ დამკვეთს ყველაფერი იანვრის ბოლოს მოწესრიგებული ჩაჰბარდება. საბოლოო სახეს გამზირი გაზაფხულის დადგომასთან ერთად მიიღებს. #ახალიამბები #BusinessMediaGeorgia
#ბიზნესსიახლეები bm.ge-სგან / 17.01.2024 რუსთაველის გამზირის რეაბილიტაციის შემდეგ უძრავი ქონების ფასი მინიმუმ 400%-ით გაიზრდება - თბილისის განვითარების ფონდი; რამ განაპირობა მანდარინის ფასის კლება? "ქართული ღვინის განვითარებისთვის, რუსული ბაზრებისგან დისტანცირებაა საჭირო" -„გოცირიძის მეღვინეობა“; ბრჭყვიალა ღვინო „ციალი“ 2024 წელს ევროპასა და აზიაში გაიყიდება; ვინ მოგზაურობს საქართველოში? #ახალიამბები #BusinessMediaGeorgia
საქართველოში 100 მეგაბაიტიანი ფიქსირებული ინტერნეტი 136%-ით, ხოლო 10 გბ მობილური ინტერნეტი სასაუბრო დროსთან ერთად 35%-ით ძვირია ვიდრე ევროპის ქვეყნებში. შედეგები ევროკავშირის წევრი 22 ქვეყნისა და დიდი ბრიტანეთის ანალოგიურ მაჩვენებლებთან, საქართველოს სატელეკომუნიკაციო მომსახურებების ფასების შედარებითმა ანალიზმა აჩვენა, რომელიც კომუნიკაციების კომისიის დაკვეთით 2023 წლის აპრილში ჩატარდა. “ბენჩმარკინგის” კვლევის შედეგების მიხედვით, საქართველოში დაბალი მოცულობის და სიჩქარის მომსახურებები, როგორც მობილურ, ისე ფიქსირებულ ბაზარზე, კვლევაში შემავალი ქვეყნების ფასების თითქმის ანალოგიური ან უფრო იაფია. ხოლო, რაც შეეხება მაღალი მოცულობის და სიჩქარის მომსახურებების ფასებს - ევროპული ქვეყნების საშუალოს მნიშვნელოვნად აჭარბებს. #ახალიამბები #BusinessMediaGeorgia
საქმეთა გაჭიანურება სასამართლო სისტემაში გადაუჭრელ პრობლემად რჩება - რა იწვევს განხილვების გაჭიანურებას საერთო სასამართლოებში? - დემოკრატიის ინდექსი - საქართველომ ახალი კვლევა წარადგინა, რომლის ფარგლებში ჩატარდა ინტერვიუ 30-ზე მეტ პრაქტიკოსთან. გამოიკითხა 200 მდე რესპონდენტი, მათ შორის მოსამართლეები, ადვოკატები, არბიტრები, საჯარო უწყებების იურისტები. „გამოიკვეთა, რომ მოსამართლეთა ნაკლებობა არ არის საქმეთა გაჭიანურების ერთადერთი ან გადამწყვეტი მიზეზი“, - ნათქვამია კვლევაში, სადაც ასევე აღნიშნულია, რომ გასულ წლებში სასამართლოს მენეჯმენტის ერთიანი სისტემის შექმნამ საქმეთა გაჭიანურების პრობლემის დაძლევის მიმართულებით წინსვლა ვერ გამოიწვია. გამოიკვეთა, რომ არ არსებობს საქმეთა ნაკადის ეფექტიანი მართვის ერთიანი პოლიტიკა და სისტემა, რომლის ფუნქცია გაჭიანურების თავიდან აცილებისთვის რეგულარულად ზომების მიღება უნდა იყოს. რამდენად მასშტაბურია პრობლემა სასამართლოებში? სტუმარი: მაია ბაქრაძე - კვლევის ხელმძღვანელი, ყოფილი მოსამართლე; #ახალიამბები #BusinessMediaGeorgia
სადღესასწაულო პერიოდში თბილისში ტურისტების სიმრავლე შეინიშნებოდა. ამის მიზეზად კი შესაძლოა ის განწყობაც ჩაითვალოს, რომელსაც დედაქალაქში განსაკუთრებულად მორთული საახალწლო ინფრასტრუქტურა ქმნიდა. ახლა როცა დღესასწაულები დასრულდა წინასწარ შედეგებზე საუბარიც შეგვიძლია. რომელი ქვეყნის ვიზიტორები სტუმრობდნენ წელს დედაქალაქს? #ახალიამბები #BusinessMediaGeorgia
ქართული მანდარინის ფასი შემცირდა, ფერმერებს მოსავალი დაუკრეფავი რჩებათ, რადგან მის დასაკრეფად არც ადამიანური რესურსი აქვთ და შემდგომში მის რეალიზებასაც ვეღარ ახერხებენ. დავინტერესდით, რა გახდა ფასის კლებისა და მანდარინის რეალიზაციის პროცესის შეფერხების მიზეზი? #ახალიამბები #BusinessMediaGeorgia
თბილისის მერიამ წერეთლის გამზირის რეაბილიტაციის ორ კვირაში დასრულებისთვის 4 ახალი კონტრაქტი გააფორმა. ჯამური ბიუჯეტი 17,5 მილიონი ლარია. მთავარი პირობაა, რომ კონტრაქტორებმა სამუშაოები 24-საათიან რეჟიმში უნდა აწარმოონ. კახა კალაძემ მთავრობის დღევანდელ სხდომაზე პირობა დადო, რომ სულ რომ მას და მის თანამშრომლებს მოუწიოთ მუშაობა წერეთლის გამზირის რეაბილიტაცია იანვრის ბოლომდე დასრულდება. ვინ გააგრძელებს წერეთლის რეაბილიტაციას და რა ბედი ელის ძველ კონტრაქტორებს? #ახალიამბები #BusinessMediaGeorgia
#ბიზნესსიახლეები bm.ge-სგან / 16.01.2024 გასულ წელს საქართველოში 360 Porsche გაიყიდა - “პორშე ცენტრი თბილისი”; რეკორდული მოთხოვნა დაფიქსირდა მალდივებზე დასვენებასთან დაკავშირებით - სად გაატარეს ქართველებმა ახალი წელი? „ქართული ღვინო ხარისხით, მსოფლიოს ნებისმიერ მაღალი ხარისხის ღვინოს არ ჩამოუვარდება“-„გოცირიძის მეღვინეობა“; ტრანსპორტირების ხარჯი გაორმაგდა, რაც პროდუქციის ფასებზე აისახება - ICR; “ქართველი მშენებლები იმპორტირებულ მასალებზე არიან ორიენტირებული“ - ანა საბახტარიშვილი; #ახალიამბები #BusinessMediaGeorgia
პირველი მარტიდან ძალაში შედის პერსონალურ მონაცემთა დაცვის შესახებ ახალი კანონი რომლის ამოქმედებამდეც ბიზნესმა შესაბამისობაში უნდა მოიყვანო პერსონალურ მონაცემთა დამუშავების მათ მიერ დანერგილი პრაქტიკა. კანონთან შესაბამისობაში მოყვანა გულისხმობს სხვადასხვა წერილობითი პოლიტიკა-პროცედურების შემუშავებას, მონაცემთა დაცვის ოფიცრის დანიშვნას, მონაცემთა დამუშავებაში ჩართული თანამშრომლებისთვის ტრენინგების ჩატარებას, მომსახურების გამწევ კონტრაქტორებთან მონაცემთა დაცვასთან დაკავშირებული შეთანხმებების გაფორმებას და ა.შ. კანონით დადგენილი წესების დარღვევისთვის მნიშვნელოვნად მკაცრდება პასუხისმგებლობაც. #ახალიამბები #BusinessMediaGeorgia
თბილისის განვითარების ფონდმა რუსთაველის გამზირსა და კოსტავას ქუჩაზე შენობების იერსახის რეაბილიტაციისთვის ტენდერები გამოაცხადა. ტენდერები მოიცავს ფასადების გაუმჯობესებას და დაზიანებული სახურავების რეაბილიტაციას რუსთაველის გამზირის მთელ გაყოლებაზე. ახალი ტენდერების მთლიანი ღირებულება 3.3 მილიონი ლარია და ის რუსთაველის გამზირის რეაბილიტაციის ერთ-ერთ ეტაპს წარმოადგენს, რომლის მთლიანი ღირებულებაც 90 მილიონ ლარამდე იქნება. რა მიმდინარე პროექტები აქვს თბილისის განვითარების ფონდს, როდის იგეგმება მათი დასრულება და რა ეკონომიკური ეფექტის მომტანია გამზირების რეაბილიტაცია? სტუმარი: გიორგი პაპავა - თბილისის განვითარების ფონდის დირექტორი; #ახალიამბები #BusinessMediaGeorgia
ახალი ვალდებულება ბიზნესს - პერსონალურ მონაცემთა დაცვის შესახებ ახალი კანონი მიმდინარე წლის 1 მარტიდან კერძო სექტორს ახალ მოთხოვნებს უწესებს. კანონი ვრცელდება იმ პირებზე, რომლებიც ჩართულნი არიან პერსონალურ მონაცემთა დამუშავებაში. კომპანიებს საკმაოდ ცოტა დრო რჩებათ იმისთვის, რომ კანონის ამოქმედებამდე შესაბამისობაში მოიყვანონ პერსონალურ მონაცემთა დამუშავების მათ მიერ დანერგილი პრაქტიკა. კანონთან შესაბამისობაში მოყვანა გულისხმობს სხვადასხვა წერილობითი პოლიტიკა-პროცედურების შემუშავებას, მონაცემთა დაცვის ოფიცრის დანიშვნას, მონაცემთა დამუშავებაში ჩართული თანამშრომლებისთვის ტრენინგების ჩატარებას, მომსახურების გამწევ კონტრაქტორებთან მონაცემთა დაცვასთან დაკავშირებული შეთანხმებების გაფორმებას და ა.შ. კანონით დადგენილი წესების დარღვევისთვის მნიშვნელოვნად მკაცრდება პასუხისმგებლობაც. როდის ამოქმედდება ახალი რეგულაციები და ვისთვის რა იცვლება ახალი კანონით? #ახალიამბები #BusinessMediaGeorgia
გაწყვეტილი კონტრაქტები - რატომ ვერ არჩევს სახელმწიფო სანდო კომპანიებს? გამოწვევები სახელმწიფო შესყიდვებში ბადრი ნიაური - იურისტი #ახალიამბები #BusinessMediaGeorgia
ლარის კურსი & გლობალური საფონდო ბირჟების მიმოხილვა / 15.01.2024 ➡გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
ჩინეთიდან გაძვირებული საზღვაო ტრანსპორტირების ფონზე საქართველოში მოქმედი ბიზნესები სამშენებლო მასალების, ტექნიკისა და ტანსაცმლის გაძვირებას აანონსებენ. მათი განცხადებით, ტრანსპორტირების ღირებულება 200%-ზე მეტად არის გაზრდილი, რაც პროდუქციის ღირებულებაზე მომდევნო 3 თვის განმავლობაში აისახება. #ახალიამბები #BusinessMediaGeorgia
მთავრობამ ჩინურ კომპანია "სინოჰიდროსთან" არსებული 95-მილიონიანი კონტრაქტის გაწყვეტის გადაწყვეტილება მიიღო. საქმე კომპანიის მიმდინარე პროექტს - ხულო-ზარზმის გზის 47-კილომეტრიანი მონაკვეთის მშენებლობას უკავშირდება. როგორც ეკონომიკის მინისტრმა მთავრობის სხდომის შემდეგ განაცხადა, კონტრაქტორ კომპანიას ადგილზე საკმარისი პროგრესი არ გააჩნდა, ამიტომაც ხელშეკრულების მოშლის გადაწყვეტილება მიიღეს. ამასთან, ინფრასტრუქტურის სამინისტროს ინფორმაციით, გამოცხადდება ახალი ტენდერი, რათა სწრაფად მოიძებნოს სამშენებლო კომპანია, რომელიც 2024 წელსვე შეასრულებს ამ საგზაო სამუშაოებს. მთავრობის სხდომის შემდეგ ჟურნალისტების კითხვებს მხოლოდ ვიცე-პრემიერმა და ეკონომიკის მინისტრმა ლევან დავითაშვილმა უპასუხა. #ახალიამბები #BusinessMediaGeorgia
4 მილიარდ 400 მილიონი ლარის საპენსიო დანაზოგებიდან 841 მილიონი ლარი ამჟამად გლობალურ ფასიან ქაღალდებში დევს. საპენსიო სააგენტოს მონაცემებით, გლობალურ აქციებში მთლიანი დანაზოგების 19%-ია განთავსებული. ეს ის თანხაა, რომლის ინვესტირების შესაძლებლობასაც სააგენტოს კანონი აძლევს. საერთაშორისო ფასიან ქაღალდებში დაბანდებული თანხიდან ამჟამად ყველაზე მეტი - 41.5% ამერიკის შეერთებული შტატების წამყვან საფონდო ინდექს S&P 500-შია ჩადებული, რომელიც ისეთ კომპანიებს მოიცავს, როგორებიცაა Microsoft, Google, Amazon, NVIDIA და სხვა. რაც შეეხება სამხრეთ ამერიკულ ინდექსს - , მასში გლობალური აქციების წილის მხოლოდ 8.3% არის ინვესტირებული, რაც 70 მილიონ ლარს შეადგენს. როგორც სააგენტო თავის ანგარიშში წერს, განსაკუთრებით კარგი 2023 წელი ლათინური ამერიკის აქციებისთვის აღმოჩნდა, რომლებიც 25.1%-ით გაიზარდა. რა საინვესტიციო სტრატეგიას ირჩევს წელს საპენსიო სააგენტო და როგორ განაწილდება დაბალრისკიან პორტფელში დაბრუნებული დანაზოგები? სტუმარი: გოგა მელიქიძე - საპენსიო სააგენტოს უფროსი საინვესტიციო ოფიცერი; #ახალიამბები #BusinessMediaGeorgia
საქართველოში ფიქსირებული ინტერნეტის ფასი მაღალია - ამის შესახებ OECD-ის მიერ გამოქვეყნებული ახალ ანგარიშშია აღნიშნული. ანგარიშში წერია, რომ ქვეყანაში ფიქსირებული ინტერნეტის ფასი ტელეკომუნიკაციის საერთაშორისო კავშირის მიერ რეკომენდირებულ ზღვარს, კერძოდ, მთლიანი ეროვნული შემოსავლის 2%-ს აღემატება და 2.35%-ს შეადგენს. ამასთან, ქვეყნისთვის მნიშვნელოვან გამოწვევას მაღალსიჩქარიან ინტერნეტზე ხელმისაწვდომობის პრობლემა წარმოადგენს. - კვლევის თანახმად, საქართველოში ინტერნეტთან დაკავშირებული კომპანიების უმრავლესობა 30 მეგაბიტ წამზე დაბალი სიჩქარის ინტერნეტით სარგებლობს. სტუმარი: უჩა სეთური - მცირე და საშუალო ტელეკომოპერატორების ასოციაციის აღმასრულებელი დირექტორი; #ახალიამბები #BusinessMediaGeorgia
ავტოინდუსტრიის კვლევითი ცენტრის Focus2Move-ის ინფორმაციით, რომელიც გლობალური საავტომობილო ბაზრის 2023 წლის შედეგებში ყველაზე გაყიდვად ავტომობილებს ითვლის 100-ეული შეადგინა. 162 ქვეყნის მონაცემზე დაყრდნობით რომელი ავტომობილები მოხვდნენ რეიტინგის სათავეში და როგორია მათ მიმართ ინტერესი? #ახალიამბები #BusinessMediaGeorgia
კერძო სექტორი ახალი წელს შეცვლილი კომუნალური ტარიფით შეხვდა. ბიზნესს წყალი და გაზი გაუძვირდა, თუმცა ელექტროენერგია გაუიაფდა. კომპანიების ნაწილში აცხადებენ, რომ გაზრდილი გადასახადები პროდუქციას გააძვირებს, ნაწილი კი აღნიშნავს, რომ ხარჯებს ელექტროენერგიის შემცირებული გადასახადით დააკომპენსირებს. როგორ აისახება გაზრდილი გადასახადები ბიზნესზე და როგორია მოლოდინები? #ახალიამბები #BusinessMediaGeorgia
სააგენტო „აწარმოე საქართველოში ბიზნესის ხელშეწყობის პროგრამა გაფართოვდა. კერძოდ, ბიზნეს უნივერსალის პროგრამას აგროტურისტული და ეკოტურისტული ინდუსტრიების მიმართულება დაემატა. პრიორიტეტულ საქმიანობათა ნუსხას დაემატა ასევე „მზა საკვების წარმოება შინაური ცხოველებისთვის“. პროგრამის ფარგლებში ბენეფიციარებს სახელმწიფო 50 ათასიდან 10 მილიონ ლარამდე სესხისა თუ ლიზინგის გარკვეულ პროცენტს დაუსუბსიდირებს. კონკრეტულად რა იცვლება პროგრამაში და რა მოთხოვნების დაკმაყოფილება მოუწევთ ბენეფიციარებს? #ახალიამბები #BusinessMediaGeorgia
OGP-ის მოთხოვნის შემდეგ, საქართველოს მთავრობამ ღია მმართველობის ეროვნული გეგმა დაამტკიცა. საქართველოს მთავრობამ ოთხი წლის შემდეგ პირველად, დაამტკიცა ღია მმართველობის ეროვნული სამოქმედო გეგმა. უკანასკნელი ასეთი სტრატეგია 2018-2019 წლებს მოიცავდა, მას შემდეგ კი ეროვნული სტრატეგიები არ გამოქვეყნებულა, რისთვისაც საქართველომ OGP-ის კრიტიკა დაიმსახურა. “ღია მმართველობის პარტნიორობა” არის გლობალური ქსელი, რომლის მიზანიც მსოფლიოს ქვეყნებში ინფორმაციის საჯაროობისა და ღია მმართველობის ხელშეწყობაა. ორგანიზაციამ 2023 წლის თებერვალში საქართველოს მთავრობის ადმინისტრაციას მიმართა წერილით, რადგანაც საქართველომ არ დაიცვა OGP-ის პროცესი სამოქმედო გეგმის ორი ციკლის პერიოდში და არ წარადგინა 2021-2023 და 2022-2024 წლების სამოქმედო გეგმები. აღნიშნულ წერილში OGP-ის აღმასრულებელი დირექტორი სანჯეი პრადანი აცხადებდა, რომ საქართველომ 2022 წელს დაარღვია ვადები, რაც საქართველოს OGP-ში მონაწილეობის საკითხს კითხვის ნიშნის ქვეშ აყენებდა. ღია მმართველობის ეროვნულ სტრატეგიაში საუბარია ისეთ სისტემებზე და პროცესებზე, რომლებსაც საქართველოს მთავრობა ამჟამადაც აქვეყნებს, მათ შორისაა საჯარო მოხელეთა ქონებრივი დეკლარაციების გამჭვირვალობის, სისტემაზე. რას მოიცავს სტრატეგია, რამდენად მნიშვნელოვანია მისი შესრულება? სტუმარი: გიორგი კლდიაშვილი - IDFI-ის აღმასრულებელი დირექტორი; #ახალიამბები #BusinessMediaGeorgia
კერძო სექტორი ახალი წელს შეცვლილი კომუნალურების ტარიფით შეხვდა. ბიზნესს წყალი და გაზი გაუძვირდა, თუმცა ელექტროენერგია გაუიაფდა. კომპანიების ნაწილში აცხადებენ, რომ გაზრდილი გადასახადები პროდუქციას გააძვირებს, ნაწილი კი აღნიშნავს, რომ ხარჯებს ელექტროენერგიის შემცირებული გადასახადით დააკომპენსირებს. როგორ აისახება გაზრდილი გადასახადები ბიზნესზე და როგორია მოლოდინები? #ახალიამბები #BusinessMediaGeorgia
აშშ-ს სოფლის მეურნეობის დეპარტამენტის ამჟამინდელი მონაცემებით, 2023/24 წლების სეზონში ვაშლის გლობალური წარმოება 175 ათასი ტონით გაიზრდება და 80 მილიონ ტონას გადააჭარბებს. რომელ ქვეყნებში ელოდებიან წელს ხილის განსაკუთრებით კარგ მოსავალს, სად არის ნავარაუდევი მოსავლის შემცირება და რა პროგნოზები იკვეთება გლობალურ ბაზარზე. როგორ ვითარდება საქართველოში ეს სფერო და რა გამოწვევები აფერხებთ ფერმერებს მეტად განვითარებაში?#ახალიამბები #BusinessMediaGeorgia
მთავრობა CFD აუქციონის მეორე რაუნდს იწყებს - განახლებული პირობებით წარმოდგენილი პროექტების ჯამური სიმძლავრე 800 მეგავატია. მთავრობას სურს აუქციონის ფარგლებში მარეგულირებელი სადგურებიც აშენდეს. კერძოდ, 300 მეგავატის მარეგულირებელი ჰესები ქარისა და მზის ელექტროსადგურები 125- 125 მგვტ, მათ შორის ქარის და მზის ელექტროსადგურები ენერგიის შემნახველი მოწყობილობებით. ბიზნესის წარმომადგენლები ფიქრობენ, რომ ამ შემთხვევაში საინვესტიციო ღირებულება პროექტს 60%-ით მაინც იზრდება. რამდენად არის მზად ბიზნესი ახალ აუქციონში ჩაერთოს და რა სჭირდება კერძო სექტორს იმისთვის რომ განახლებადი ენერგიის მიმართულებით ინვესტიციები გაზარდოს? #ახალიამბები #BusinessMediaGeorgia
გასულ წლებში საქართველოს უნივერსიტეტებზე უცხოელი სტუდენტების მხრიდან მოთხოვნა გაიზარდა. მხოლოდ 2022-23-ს სასწავლო წელს ქვეყანაში 25 ათასზე მეტი უცხოელი სწავლობდა, რაც 7568-ით მეტია გასულ სასწავლო წელთან შედარებით. აკადემიურ დაწესებულებებში აცხადებენ, რომ უცხო ქვეყნის მოქალაქეების მხრიდან მოთხოვნა წელსაც მზარდი იქნება, რაც ქვეყნის ეკონომიკური ზრდაში მნიშვნელოვან კონტრიბუციას შეიტანს. რომელი ქვეყნიდან ჩამოდიან უცხოელი სტუდენტები საქართველოში და რატომ ირჩევენ ისინი ქართულ უნივერსიტეტებს? #ახალიამბები #BusinessMediaGeorgia
ასეულობით საქმე სასამართლოებში და დაზარალებული მოქალაქეები, რომლებიც საკუთრებაში არსებული უძრავი ქონებიდან არაკეთილსინდისიერ მოქირავნე თუ მოიჯარე პირებს ვერ ასახლებენ. მას შემდეგ, რაც პარლამენტის გადაწყვეტილებით, ე.წ საპოლიციო გამოსახლება გაუქმდა, უძრავი ქონების მესაკუთრეებს ასეთ დროს ერთადერთი ბერკეტი აქვთ, სასამართლოში წავიდნენ და იდავონ. რა მასშტაბი აქვს პრობლემას დღეს, რომელიც განსაკუთრებით აქტიური მიგრაციის დროს გამწვავდა და როდის გამოიტანს იუსტიციის სამინისტრო საჯაროდ კანონპროექტს, რომელმაც მოქალაქეები უძრავი ქონების იჯარა/ქირავნობის დროს სახელშეკრულებო რისკებისგან უნდა დაიცვას? #ახალიამბები #BusinessMediaGeorgia
გასულ წლებში საქართველოს უნივერსიტეტებზე უცხოელი სტუდენტების მხრიდან მოთხოვნა გაიზარდა. მხოლოდ 2022-23-ს სასწავლო წელს ქვეყანაში 25 ათასზე მეტი უცხოელი სწავლობდა, რაც 7568-ით მეტია გასულ სასწავლო წელთან შედარებით. აკადემიურ დაწესებულებებში აცხადებენ, რომ უცხო ქვეყნის მოქალაქეების მხრიდან მოთხოვნა წელსაც მზარდი იქნება, რაც ქვეყნის ეკონომიკური ზრდაში მნიშვნელოვან კონტრიბუციას შეიტანს. რომელი ქვეყნიდან ჩამოდიან უცხოელი სტუდენტები საქართველოში და რატომ ირჩევენ ქართულ უნივერსიტეტებს? #ახალიამბები #BusinessMediaGeorgia
საქართველოს IT სექტორის საგარეო შემოსავალი ისტორიულ მაქსიმუმამდე გაიზარდა საგადასახდელო ბალანსის მიხედვით, გასული წლის 9 თვეში საქართველოს IT სექტორმა 608 მილიონი დოლარის შემოსავალი მიიღო. 2022 წლის ანალოგიურ პერიოდთან შედარებით ეს თანხა 283 მილიონით, ანუ 87%-ით მეტია. ასევე მკვეთრად აღემატება 2022 წლის წლიურ მაჩვენებელს, როდესაც სექტორს შემოსავალი 512 მლნ დოლარი იყო. IT სექტორის შემოსავლების მატება პირველ რიგში მიგრაციულ ეფექტს უკავშირდება, რა დროსაც საქართველოში დროებით საცხოვრებლად ათასობით რუსი, უკრაინელი და ბელარუსი სპეციალისტი გადმოვიდა, შესაბამისად, მათი საქმიანობაც ამჟამად საქართველოდან მიწოდებულ IT სერვისებად ითვლება. თუკი 2021 წლის ბოლოს ინფორმაციისა და კომუნიკაციის სექტორში 30 600 ადამიანი იყო დასაქმებული, 2023 წლის მესამე კვარტალის მდგომარეობით სექტორში დასაქმებულთა რაოდენობა 45 500 კაცს აღემატებოდა. თუ უფრო დეტალურ სურათს შევხედავთ, IT სექტორის შემოსავლები ყველაზე მსხვილი 2023 წლის პირველ კვარტალში იყო და 231 მილიონ დოლარს შეადგენდა, მეორე კვარტალში 198 მილიონ დოლარამდე შემცირდა, მესამე კვარტალში კი 178 მილიონი დოლარი იყო,, თუმცა მთლიანობაში სექტორის ზომა და შემოსავლები რეკორდულად მასშტაბურია. ინფორმაციისა და კომუნიკაციის სექტორი ბოლო 5 წლის განმავლობაში სამჯერ გაიზარდა და გალტ ენდ თაგარტის შეფასებით, 2023 წელს ინფორმაციისა და კომუნიკაციის სექტორის შემოსავალი 1 მილიარდ დოლარს მიაღწევს. საინვესტიციო ბანკი მიიჩნევს, რომ სექტორი როგორც უცხოური ვალუტის შემოდინების ახალ ყველაზე სწრაფად მზარდი წყაროდ ჩამოყალიბდა და ეკონომიკის სტრუქტურაშიც მნიშვნელოვან წილს დაიკავებს. რა ნიშა უჭირავს დღეს საქართველოს გლობალურ IT ბაზარზე, რა არის განვითარების მთავარი შემაფერხებელი ფაქტორები და როგორ შეიძლება სექტორი მოთხოვნადი და დინამიურად განვითარებადი დარჩეს? სტუმარი: დავით კიზირია - საქართველოს ICT კლასტერის ბორდის წევრი; #ახალიამბები #BusinessMediaGeorgia
კრიპტოინდუსტრია ახალ გარდამტეხ ეტაპზეა - აშშ-ის ბირჟებისა და ფასიანი ქაღალდების მარეგულირებელმა კომისიამ ბიტკოინის რამდენიმე სავაჭრო ფონდი, იგივე ETF-ი დაამტკიცა, რაც ერთ-ერთი ყველაზე მნიშვნელოვანი მოვლენაა, რომელიც კრიპტოინდუსტრიაში ოდესმე მომხდარა და ნიშნავს, რომ ამიერიდან, ბიტკოინის ფასიანი ქაღალდების შეძენას ინვესტორები ამერიკული ბირჟებიდან შეძლებენ. რას ნიშნავს ეს მოვლენა კრიპტობაზრისთვის, რამდენი სავაჭრო ფონდია დამტკიცებული და და როგორია დღეს ფასები კრიპტოვალუტაზე? #ახალიამბები #BusinessMediaGeorgia
მთავრობა CFD აუქციონის მეორე რაუნდს იწყებს- განახლებული პირობებით წარმოდგენილი პროექტების ჯამური სიმძლავრე 800 მეგავატია. შეთავაზება მარეგულირებელი ჰესების პროექტებსაც მოიცავს, ასევე მზის და ქარის ელექტროსადგურების ნაწილი ენერგიის შემნახველი მოწყობილობების თანხლებით უნდა აშენდეს. მთავრობას სურს რომ ასეთი მოწყობილობებით ჯამში 70 მეგავტი ქარის და 70 მეგავატი მზის სადგურები აღიჭურვოს. ბიზნესი აცხადებს, რომ ამ შემთხვევაში საინვესტიციო ღირებულება პროექტს 60%-ით მაინც იზრდება. რამდენად არის მზად ბიზნესი ახალ აუქციონში ჩაერთოს და რა სჭირდება კერძო სექტორს იმისთვის რომ განახლებადი ენერგიის მიმართულებით ინვესტიციები გაზარდოს? #ახალიამბები #BusinessMediaGeorgia
სადაზღვევო სექტორისთვის მოგების გადასახადის ე.წ. ესტონური მოდელი ამოქმედდა. ეს იმას ნიშნავს, რომ სადაზღვევო კომპანიებს განაწილებული მოგების გადასახადი 20–დან 15%-მდე შეუმცირდებათ, მოგების რეინვესტირების შემთხვევაში კი კომპანია ამ გადასახადისაგან გათავისუფლდება. სადაზღვევო სექტორის წარმომადგენლები აცხადებენ, რომ მათი ყოველწლიური მოგების გათვალისწინებით, ეს მნიშვნელოვანი ნაბიჯი იქნება ქვეყანაში სადაზღვევო სფეროს განვითარებისთვის. ნაწილი კი აღნიშნავს, რომ პირველ ეტაპზე ე.წ. ესტონური მოდელი დადებითად მხოლოდ ბანკებთან აფილირებულ კომპანიებზე გავრცელდება. #ახალიამბები #BusinessMediaGeorgia
2024 წელს თბილისის ბიუჯეტი 200 მილიონი ლარით გაიზრდება და რეკორდულ 1.96 მილიარდ ლარს მიაღწევს. 2023 წლის 15 დეკემბერს თბილისის საკრებულომ დაამტკიცა თბილისის ბიუჯეტი 1.76 მილიარდი ლარის ოდენობით, თუმცა როგორც დღეს კახა კალაძემ განაცხადა, გასულ წელს ბიუჯეტის საშემოსავლო ნაწილი გადაჭარბებით შესრულდა, რის გამოც წელს ბიუჯეტს 100 მილიონი ლარი გადმოჰყვა, ასევე 100 მილიონი ლარი არის გადმოსული სხვადასხვა პროექტის ათვისების ბიუჯეტიდან, რომელთა შესრულებაც წელსაც გაგრძელდება. შესაბამისად, ბიუჯეტის მოცულობა 200 მილიონი ლარით იზრდება. მერიის პრესსამსახურის ინფორმაციით, შესაბამისი ცვლილებები დედაქალაქის ბიუჯეტში თებერვალში აისახება და მასზე საკრებულო იმსჯელებს. დღესვე დედაქალაქის მერმა დააანონსა ახალი პროექტი, რომელსაც მერია აფინანსებს. საუბარია პროექტზე, რომლითაც ბაგები საბურთალოს ხიდის, შემდეგ კი, გვირაბის საშუალებით უნდა დაუკავშირდეს. ეს რა თქმა უნდა ერთად ერთი პროექტი არ არის, რომელიც თბილისში წლის განმავლობაში დაიწყება ან დასრულდება. #ახალიამბები #BusinessMediaGeorgia
სადღესასწაულო დღეები ბიზნესისთვის განსაკუთრებულად დატვირთულია, ამ დროს მომატებული გაყიდვები კომპანიებს სხვადასხვა კამპანიების დაგეგმვისკენ უბიძგებს და თავისთავად ზრდის კონკურენციასაც. გამონაკლისი ცხადია, არც სუპერმარკეტების ქსელებია, რომლებმაც საახალწლო პერიოდში როგორც მომხმარებელთა, ისე პროდუქციის მაჩვენებელი ფაქტობრივად გააორმაგეს. გარდა სადღესასწაულო პერიოდში დატვირთულობისა, ქსელური სუპერმარკეტებისთვის არანაკლებ დატვირთული გასული წელი იყო და ბიზნესის წარმომადგენლების თქმით ზრდა, ფაქტობრივად ყველა მიმართულებით ჰქონდათ. რა შედეგებით დახურა FMCG სექტორმა გასული წელი და რა გეგმებს სახავენ მიმდინარე წლისთვის? #ახალიამბები #BusinessMediaGeorgia
პირდაპირი უცხოური ინვესტიციები ქვეყნისთვის ეკონომიკური ზრდის მიღწევის ერთ-ერთი გზაა. FDI ქვეყანაში ზრდის კაპიტალს, რაც უფრო მაღალ მწარმოებლურობასა და დასაქმების მაღალ დონეს განაპირობებს. პირდაპირი უცხოური ინვესტიციები განვითარებად ქვეყნებს ასევე საშუალებას აძლევს გაეცნონ და გამოიყენონ უახლესი ტექნოლოგიები, რომელიც განვითარებული ეკონომიკის მქონე ქვეყნებში იწარმოება და გამოიყენება. რომელია დღეს ყველაზე მიმზიდველი მიმართულებები პირდაპირი უცხოური ინვესტიციებისთვის? #ახალიამბები #BusinessMediaGeorgia
სადაზღვევო სექტორისთვის მოგების გადასახადის ე.წ. ესტონური მოდელი ამოქმედდა. ეს ნიშნავს, რომ სადაზღვევო კომპანიებს განაწილებული მოგების გადასახადი 20–დან 15%-მდე შეუმცირდებათ, მოგების რეინვესტირების შემთხვევაში კი კომპანია ამ გადასახადისაგან გათავისუფლდება. სადაზღვევო სექტორის წარმომადგენლები აცხადებენ, რომ მათი ყოველწლიური მოგების გათვალისწინებით, ეს მნიშვნელოვანი ნაბიჯია ქვეყანაში სადაზღვევო სფეროს განვითარებისთვის. ნაწილი კი აღნიშნავს, რომ პირველ ეტაპზე ე.წ. ესტონური მოდელი დადებითად მხოლოდ ბანკებთან აფილირებულ კომპანიებზე გავრცელდება. რას მოუტანს ესტონური მოდელი სადაზღვევო ინდუსტრიას და როგორია მოლოდინები? #ახალიამბები #BusinessMediaGeorgia
Airbnb -ზე აქტიური განცხადებების რაოდენობა იზრდება. ამ დროისათვის ბინების გაქირავების საიტზე საქართველოდან 50 ათასამდე აქტიური განცხადებაა, მათ შორის 18 ათასამდე აქტიური განცხადებაა თბილისიდან, ხოლო 20 000-მდე ბათუმიდან. როგორია მოთხოვნა ბინების მოკლევადიანი დაქირავების სერვისზე, როგორია დატვირთულობის კოეფიციენტი და როგორ ვითარდება ბაზარი საქართველოში განთავსების ობიექტების ზრდის ფონზე? სტუმარი: ნიკა ანჯაფარიძე "ვიჰოსტის" დამფუძნებელი; #ახალიამბები #BusinessMediaGeorgia
უნივერსიტეტის ქუჩა ქავთარაძეს გვირაბით დაუკავშირდება- მერია ტენდერს უახლოეს კვირებში გამოაცხადებს - შესაბამისი განცხადება დღეს თბილისის მერის მოადგილემ bm.ge-ის კითხვის საპასუხოდ გააკეთა. ირაკლი ბენდელიანი ამბობს, რომ მზა პროექტი მერიას რამდენიმე დღეში ჩაბარდება. რომელი პრიორიტეტული ინფრასტრუქტურული პროექტები ექნება თბილისის მერიას 2024 წელს და როდის დასრულდება ქალაქში მიმდინარე სამუშაოები? #ახალიამბები #BusinessMediaGeorgia
ლარის კურსი & გლობალური საფონდო ბირჟების მიმოხილვა / 09.01.2024 #ახალიამბები #BusinessMediaGeorgia
სიახლეები და სირთულეები იყო ასევე 2023 წლის ბიზნეს სექტორშიც, დღეისთვის რამდენიმე ბიზნეს ასოციაციასთან გადაწყდა ამბების მოკითხვა გასული 12 თვის შესაჯამებლად. #ახალიამბები #BusinessMediaGeorgia
კონკურენციისა და მომხმარებელთა უფლებების დაცვის სააგენტოს მხრიდან განახლებული უფლებების პირობებში 2022 წლის ნოემბრიდან გასული წლის ბოლომდე სააგენტომ სულ 340 განაცხადი მიიღო. ამავე მონაცემები 22 საქმეზე 21 283 ლარის ოდენობით ჯარიმაა დაწესებული. როგორ მოერგო ბიზნესი ამ მიმართულებით განახლებულ კანონმდებლობას და რა სირთულეებს ხედავენ კერძო ბიზნესის წარმომადგენლები არსებულ საკანონმდებლო ჩარჩოში. #ახალიამბები #BusinessMediaGeorgia
ე.წ ჩრდილოვანი ეკონომიკა მცირდება - ასეთია საქსტატის შეფასება, რომლის მიხედვითაც საქართველოში აღურიცხავი ეკონომიკის წილი 13%-ია. საქართველოს კანონმდებლობის შესაბამისად სტატისტიკის წარმოებისა და სტატისტიკური ინფორმაციის გავრცელების მიზნით შექმნილ დაწესებულების საქსტატის პირველი პირის შეფასებით, დაუბეგრავი ეკონომიკის წილი ყველაზე მაღალი სტუმარმასპინძლობისა და უძრავი ქონების სექტორებშია. თავად ბიზნესს ამ შედეგებზე ახსნა მარტივი აქვს - მაღალი გადასახადები. რაც უფრო მეტია საგადასახადო ტვირთი მით მეტია ცდუნება ვალდებულებებზე თავის არიდებისა - განმარტავენ კერძო სექტორში. როგორ შეიძლება ჩრდილოვანი ეკონომიკის წილი, თუ ისე ჩრდილოვანია რეალურად იყოს დათვლილი და რატომ ვერ ხერხდება ყველა მიმართულების ლეგალიზება? რა წილი და რა წვლილი აქვს რეალურად ჩრდილოვან ეკონომიკას ქვეყნის მთლიან შიდა პროდუქტში. #ახალიამბები #BusinessMediaGeorgia
რა ზრდის ეკონომიკას? და რისი და ვისი წვლილია ამ ზრდაში? - უფრო დეტალურად ჩაშლილი და შეფასებული რომ უნდა იყოს და ზრდაში მონაწილე გადასახადის გადამხდელი კომპანიების თუ მოქალაქეების წვლილი დაფასებული, ეს ერთ-ერთი საკითხი იყო რაზეც ბიმეჯის მთავარმა რედაქტორმა თელარა გელანტიამ ბიზნესმენ თემურ ჭყონიასთან ინტერვიუსას ისაუბრა. ერთ წელიწადში 120 მილიონზე მეტი გადახდილი გადასახადი - ეს მხოლოდ 2 კომპანიისგან, კოკა კოლა ბოთლერს ჯორჯიას და მაკდონალდს საქართველოს საბიუჯეტო შენატანებია. #ახალიამბები #BusinessMediaGeorgia
#ბიზნესსიახლეები bm.ge-სგან / 29.03.2023 რამდენი მილიონი ლარის გაყიდვები აქვს ქართულ ბრენდ Crosty-ის? „მთის წყალში“ ₾27 მილიონია ინვესტირებული“ - როდის გაიხსნება ახალი ქარხანა? “კავეა“ კონკურენციის სააგენტოს ჯარიმას არ ეთანხმება და სასამართლოში გაასაჩივრებს; "საქართველოს ფოსტაში" ირწმუნებიან, რომ ტარიფები საშუალოდ 15%-ით გაიზარდა; „კუნძული“ - რას სთავაზობს დამსვენებელს კახეთში გახსნილი ახალი ტურისტული ობიექტი? "საახალწლოდ სასტუმრო „ალიანს ვილამ“ 100%-იანი დატვირთვით იმუშავა"; #ახალიამბები #BusinessMediaGeorgia
საქსტატის შეფასებით, საქართველოში ე.წ ჩრდილოვანი ეკონომიკის წილი იკლებს და ის დღეისათვის მთლიანი ეკონომიკის 13%-ს შეადგენს. საქსტატის აღმასრულებელი დირექტორი ამბობს, რომ დაუბეგრავი ეკონომიკის წილი ყველაზე მაღალი სტუმარმასპინძლობისა და უძრავი ქონების სექტორებშია. კერძო სექტორში აღნიშნავენ, რომ ტურიზმის სექტორში დაუბეგრავი საქმიანობის მიზეზი მაღალი გადასახადებია, უძრავი ქონების სექტორში კი კანონის არ არსებობა, რომელიც ამ კუთხით მომუშავე პირების საქმიანობას დაარეგულირებს. #ახალიამბები #BusinessMediaGeorgia
განახლებული რეგულაციები ბიზნესებისთვის ძალაში 2022 წლის ნოემბერში შევიდა და მას შემდეგ კონკურენციისა და მომხმარებელთა დაცვის შესულ 340 განცხადებაზე საქმის შესწავლა დაიწყო. სააგენტოს ინფორმაციით, აღნიშნულ პერიოდში, სააგენტოს გადაწყვეტილებით, 84 საქმეზე მომხმარებელთა ჯგუფის უფლების 56 დარღვევის ფაქტი დადასტურდა, ხოლო 7 შემთხვევაში დარღვევა არ დადასტურდა. ამასთან, სააგენტოს მიერ დაკისრებული ვალდებულების არშესრულების გამო 11 მოვაჭრეს, 22 საქმეზე 21 283 ლარის ოდენობით ჯარიმა დაეკისრა. როგორ მოერგო ბიზნესი ამ მიმართულებით განახლებულ კანონმდებლობას და რა სირთულეებს ხედავენ კერძო ბიზნესის წარმომადგენლები არსებულ საკანონმდებლო ჩარჩოში? სტუმარი: თამარ გოგოლაშვილი - "ელექტრონული კომერციის ასოციაციის" პრეზიდენტი; #ახალიამბები #BusinessMediaGeorgia
საქართველოს კონკურენციის სააგენტოს გადაწყვეტილებას Cavea და biletebi.ge-ის მფლობელები გაასაჩივრებენ - როგორც ცნობილია, საქართველოს კონკურენციის და მომხმარებლის დაცვის სააგენტომ კინოთეატრების ბილეთების ონლაინ რეალიზაციის ბაზარზე მოკვლევა დაასრულა და „კონკურენციის შესახებ“ საქართველოს კანონის მე-7 მუხლის (კონკურენციის საწინააღმდეგო შეთანხმება) დარღვევა დაადგინა. სააგენტოს გადაწყვეტილებით, როგორც მომჩივან ასევე მოპასუხე მხარეებს - 3 კომპანიას, ჯამურად, 1.6 მილიონ ლარზე მეტი სანქცია დაეკისრათ. დაჯარიმებული სამი სუბიექტიდან, ყველაზე მეტი, 1 120 562 ლარით სააგენტომ ,,კავეა" დააჯარიმა. bm.ge-სთან საუბრისას "კავეას" წარმომადგენელი ამბობს, რომ კომპანია არ ეთანხმება ჯარიმას და გეგმავს, პროცესი სასამართლოში გააგრძელოს. "არ ვეთანხმებით და აუცილებლად გავასაჩივრებთ. ამ ეტაპზე მხოლოდ ამის თქმა შემიძლია. სხვა დეტალები, როგორ გაგრძელდება პროცესი უკვე იურისტების კომპეტენციაა", - ამბობენ ,,კავეაში". Biletebi.ge-ის თანადამფუძნებელი დავით მიზანდარი კი bm.ge-სთან ამბობს, რომ სააგენტოს გადაწყვეტილება ნაწილობრივ სამართლიანია. მისივე თქმით, გადაწყვეტილების შედეგად biletebi.ge შეძლებს დაბრუნდეს ბაზარზე. სტუმარი: ირაკლი ლექვინაძე - "კონკურენციისა და მომხმარებლის დაცვის სააგენტოს" თავმჯდომარე; #ახალიამბები #BusinessMediaGeorgia