საგრანტო პროგრამა, ანაზღაურებადი სტაჟირება, სტუდენტური ფესტივალი და ახალგაზრდული ბანაკები- განათლების მეცნიერებისა და ახალგაზრდობის მინისტრმა გიორგი ამილახვარმა, საქართველოს პრემიერ-მინისტრ ირაკლი კობახიძესთან ერთად, საზოგადოებას ახალგაზრდული პოლიტიკის ხედვა წარუდგინა. რა ძირითად მიმართულებებზე გააკეთებს განათლების მინისტრი ახალგაზრდების ხელშეწყობის მიზნით აქცენტს და რა არის ის ძირითადი პროექტები, რომელიც სამინისტროს მხრიდან განხორციელდება? #ახალიამბები #BusinessMediaGeorgia
საქართველოს უმაღლესი თანამდებობის პირების ანაზღაურებები მნიშვნელოვნად გაიზრდება - "საჯარო დაწესებულებაში შრომის ანაზღაურების შესახებ“ კანონში შესატანი ცვლილებებით, 2025 წლიდან პრემიერ-მინისტრისა და პრეზიდენტის ხელფასი თვეში 13,300 ლარი, წელიწადში 159,600 ლარი იქნება. მინისტრის ხელფასი - 11,305 ლარი, წელიწადში 135,660 ლარი, მინისტრის პირველი მოადგილის ხელფასი თვეში - 9,975 ლარი ანუ წლიურად 119,700 ლარი, ხოლო რიგითი მოადგილის ხელფასი 9,642 ლარი თვეში ანუ წელიწადში 115 710 ლარი იქნება. საკანონმდებლო ცვლილებები პარლამენტში უკვე დარეგისტრირდა. რა კრიტერიუმით უნდა განისაზღვრებოდეს საჯარო სექტორში თანამდებობის პირთა და საჯარო მოხელეთა ხელფასები, რომ ის შრომის ადეკვატურ ანაზღაურებად ჩაითვალოს იმ ქვეყანაში, სადაც საშუალო ხელფასი 1855 ლარია და როგორ უნდა იზომებოდეს გაწეული ხარჯის ეფექტიანობა? სტუმარი: გოგა თუშურაშვილი - IDFI-ს კვლევითი მიმართულების ხელმძღვანელი; #ახალიამბები #BusinessMediaGeorgia
მიკროსაფინანსო ორგანიზაციები, რომლებმაც მიკრობანკის ლიცენზიაზე განაცხადი შეიტანეს, კანონმდებლობაში ცვლილებებს ელიან. როგორც MBC-ში აცხადებენ, გასული წლის ბოლოს ეროვნული ბანკის ხელმძღვანელობასთან შეხვედრა ჰქონდათ, სადაც მათ რამდენიმე საკითხი, მათ შორის, სავალუტო სესხების გაცემის უფლების მიღებაც დააყენეს. დარგის წარმომადგენლები ელიან, რომ შესაბამისი საკანონმდებლო ინიციატივა პარლამენტში განსახილველად მიმდინარე წლის განმავლობაში შევა. ამასთან, სექტორის წარმომადგენლებს მიაჩნიათ, რომ მიკრობანკებისთვის რიგი რეგულაციები უნდა გამარტივდეს. რა მოთხოვნები აქვს ბიზნესს და რატომ? #ახალიამბები #BusinessMediaGeorgia
6.8 მლნ მგზავრთნაკადი ავიაციის სექტორში, 4.5 მილიარდის შემოსავლები და 5.2 მლნ ტურისტული ვიზიტი - ეკონომიკის სამინისტრო ტურიზმის სექტორის 2024 წლის სამიზნე მაჩვენებლებს აქვეყნებს. უწყებამ საქართველოს ტურიზმისა და ავიაციის 2023 წლის შემაჯამებელი ანგარიში წარადგინა. ანგარიშის მიხედვით, გასულ წელს საქართველოს ტურიზმისა და ავიაციის ინდუსტრიაში რეკორდული შედეგები დაფიქსირდა: ქვეყანამ ტურიზმიდან 4.1 მლრდ დოლარის შემოსავალი მიიღო, საქართველოს აეროპორტები 6 მილიონ მგზავრს მოემსახურა მოემსახურა, ხოლო ქვეყანაში 4,669,467 საერთაშორისო ტურისტული ვიზიტი შედგა, რაც პანდემიამდელი 2019 წლის მონაცემის 91.9% აღდგენაა. რა მაჩვენებლებზე გასვლა აქვს დაგეგმილი მთავრობას და რა განცხადებები გაკეთდა ღონისძიების შემდეგ? #ახალიამბები #BusinessMediaGeorgia
#ბიზნესსიახლეები bm.ge-სგან / 04.03.2024 როგორ მიმდინარეობს სეზონი მესტიაში? ვცდილობთ, ლოიალური თანამშრომლები არ დავკარგოთ, ახლების მოზიდვა გამოწვევაა - დავით ჩხეიძე; “საქართველოს ფოსტას" არსებობისთვის ხარკი უნდა ვუხადოთ” – კერძო საფოსტო კომპანიები ახალ კანონპროექტს აკრიტიკებენ; გვსურს, ხელნაკეთი შოკოლადის ჩუქების კულტურა დავამკვიდროთ - თამთა ბენაშვილი; ჩანთები ბრენდული ნაჭრების "ნარჩენებისგან" - Eya წარმოების ზრდას გეგმავს; #ახალიამბები #BusinessMediaGeorgia
კანონპროექტი, რომელზეც ეკონომიკის სამინისტრო 10 წელია მუშაობს, დღის წესრიგს უბრუნდება. საფოსტო რეფორმით საფოსტო სექტორი, რომელიც 2005 წლიდან ლიბერალიზებულია, კვლავ რეგულირებადი სექტორი ხდება. ამას „ფოსტის შესახებ“ კანონპროექტის განახლებული ვერსია ითვალისწინებს. ამასთან, თუ დოკუმენტი არსებული სახით დამტკიცდება, საფოსტო ოპერატორებს ორი ტიპის გადასახადის გადახადა მოუწევთ. საფოსტო რეფორმასთან დაკავშირებით კერძო სექტორმა დღეს ეკონომიკის სამინისტროს რამდენიმე გვერდიანი შენიშვნების დოკუმენტი გაუგზავნა. რა არ მოსწონს კერძო სექტორს და რა პასუხი აქვს ამაზე ეკონომიკის სამინისტროს? #ახალიამბები #BusinessMediaGeorgia
საბანკო სექტორი და ანალიტიკური ორგანიზაციები მიმდინარე წლის განმავლობაში ეროვნული ვალუტის სესხებზე საპროცენტო განაკვეთების კლებას ელიან. შემცირებული ინფლაციის ფონზე, მოლოდინია, რომ წლის ბოლომდე ეროვნული ბანკი რეფინანსირების განაკვეთს დამატებით დაახლოებით ერთი პროცენტული პუნქტის ფარგლებში შეამცირებს, რაც ლარის სესხებსაც გააიაფებს. რაც შეეხება სავალუტო სესხების განაკვეთებს, უახლოეს თვეებში ამ მიმართულებით ცვლილებები ნაკლებად მოსალოდნელია. რა მოლოდინები უნდა გვქონდეს ლარის და უცხოური ვალუტის სესხების საპროცენტო განაკვეთებთან მიმართებაში მიმდინარე წლისთვის. #ახალიამბები #BusinessMediaGeorgia
კანონპროექტი, რომელზეც ეკონომიკის სამინისტრო 10 წელია მუშაობს, დღის წესრიგს უბრუნდება. საფოსტო რეფორმით საფოსტო სექტორი, რომელიც 2005 წლიდან ლიბერალიზებულია, კვლავ რეგულირებადი სექტორი ხდება. ამას „ფოსტის შესახებ“ კანონპროექტის განახლებული ვერსია ითვალისწინებს. ამასთან, თუ დოკუმენტი არსებული სახით დამტკიცდება, საფოსტო ოპერატორებს ორი ტიპის გადასახადის გადახადა მოუწევთ. საფოსტო რეფორმასთან დაკავშირებით კერძო სექტორმა დღეს ეკონომიკის სამინისტროს რამდენიმე გვერდიანი შენიშვნების დოკუმენტი გაუგზავნა. რა არ მოსწონს კერძო სექტორს და რა პასუხი აქვს ამაზე ეკონომიკის სამინისტროს? #ახალიამბები #BusinessMediaGeorgia
კვალიფიციური კადრების განვითარება დეველოპერულ სექტორში აქტივობის ზრდის პროპორციულად ვერ ხდება, რის გამოც კომპანიებს სპეციალისტების საზღვარგარეთიდან შემოყვანა უწევთ. - ამის შესახებ გასულ კვირას საქართველოს ბიზნეს ასოციაციის მხრიდან ორგანიზებულ კონფერენციაზე ორბი ჯგუფის გენერალურმა დირექტორმა განაცხადა. როგორც ბიზნესის წარმომადგენლები ამბობენ, დღეს მათთვის მთავარ გამოწვევად კადრების მწვავე დეფიციტი და პროფესიონალი კადრების ნაკლებობა სახელდება, რომლის მოკლევადიან პერსპექტივაში გადაწყვეტად მუშახელის რეგიონის ქვეყნებიდან შემოყვანა სახელდება. დეველოპერული კომპანიების წარმომადგენლების თქმით, დღეს სამშენებლო ობიექტზე დასაქმებული კადრების 20-40% უცხოელია. რა პრობლემებს აწყდებიან კომპანიები, რომლებსაც კადრები უცხოეთიდან შემოჰყავთ და როგორ უნდა გახდეს ეს პროცესი უფრო მარტივი და მოქნილი? სტუმარი: ზურაბ ლალაზაშვილი - BDO-ს მმართველი პარტნიორი #ახალიამბები #BusinessMediaGeorgia
საბანკო სექტორი და ანალიტიკური ორგანიზაციები მიმდინარე წლის განმავლობაში ეროვნული ვალუტის სესხებზე საპროცენტო განაკვეთის კლებას ელიან. ინფლაციის ტემპის შენელების ფონზე, მოლოდინია, რომ წლის ბოლომდე ეროვნული ბანკი რეფინანსირების განაკვეთს დამატებით დაახლოებით ერთი პროცენტული პუნქტით შეამცირებს, რამაც ლარის სესხებიც უნდა გააიაფოს. როგორი მოლოდინები უნდა გვქონდეს ლარის და უცხოური ვალუტის საპროცენტო განაკვეთებთან მიმართებაში მიმდინარე წლისთვის? #ახალიამბები #BusinessMediaGeorgia
#ბიზნესსიახლეები bm.ge-სგან / 01.03.2024 ვადაგადაცილებული სესხების ყველაზე დიდი წილი სარესტორნო სექტორშია; მაისიდან რუსეთში ღვინის იმპორტზე აქციზი 3-ჯერ იზრდება; „10% გამოგვეხმაურა, რომ სურს SMS-რეკლამის მიღება“ - რეზო მაღალაშვილის მოლოდინები; „2023 წელს სრული დატვირთვით ვიმუშავეთ“ - მთაწმინდის პარკი; ბახმაროში გამოწვევები ბევრია, მაგრამ ვცდილობთ გავუმკლავდეთ - ადგილობრივის შეფასება; #ახალიამბები #BusinessMediaGeorgia
გალტ & თაგარტმა, USAID-ის ეკონომიკური მმართველობის პროგრამის მხარდაჭერით, საქართველოში სეკურიტიზაციის განვითარების შესახებ კვლევის შედეგები წარადგინა. გალტ & თაგარტის კვლევა მოიცავს სეკურიტიზაციის განვითარების ტენდენციებს როგორც განვითარებულ, ისე განვითარებად ქვეყნებში და ამ ანალიზის საფუძველზე განიხილავს სეკურიტიზაციის პერსპექტივებს საქართველოში. რა შესაძლებლობებს აჩენს ამ ინსტრუმენტის გამოყენება და რა მნიშვნელობა აქვს მსგავსი ინსტრუმენტების დანერგვას კაპიტალის ბაზრის განვითარებისთვის. #ახალიამბები #BusinessMediaGeorgia
ბიზნესთან კომუნიკაცია რომ აქტიური იქნება ეს დღეს პრემიერმა საჯაროდ განაცხადა და კერძო სექტორში ამის სურვილი და მზაობა რომ არის კიდევ ერთხელ ითქვა. ბიზნესი მთავრობას კონკრეტული რეფორმების ინიციატივით და გეგმით სხვა და სხვა მიმართულებით მუშაობას სთავაზობს. რა დაახვედრა ბიზნესმა მთავრობას დღევანდელ პრეზენტაციაზე და რა გამოწვევებზე ელის ხელისუფლებისაგან რეაგირებას ქვეყნის მთლიანი შიდა პროდუქტის 80% ის შემქმნელი ბიზნესი. #ახალიამბები #BusinessMediaGeorgia
ხელისუფლებისა და ბიზნესის თანამშრომლობას, ბიზნესის განვითარებას, ქვეყნის წინსვლისთვის, განვითარებისთვის განსაკუთრებული, საკვანძო მნიშვნელობა ენიჭება - ეს განცხადება გააჟღერა დღეს ირაკლი კობახიძემ საქართველოს ბიზნესასოციაციის კონფერენციაზე. პრემიერ-მინისტრს მსხვილი კომპანიების წარმომადგენლები პრემიერ-მინისტრს მათ წინაშე არსებულ პრობლემებზე ესაუბრნენ, მთავარი გამოწვევად კადრების დეფიციტი დასახელდა. ირაკლი კობახიძე ირწმუნება, რომ ბიზნესთან თანამშრომლობას მუდმივ რეჟიმში გააგრძელებს . #ახალიამბები #BusinessMediaGeorgia
არაჯეროვანი კომუნიკაცია და გადაწყვეტილება პროგრესისათვის - ასეთია მიზეზები და განმარტება ზურაბ აზარაშვილის თანამდებობიდან გათავისუფლებასთან დაკავშირებით. პრემიერი რომელიც მინისტრთა კაბინეტში ცვლილებებს არ გეგმავდა ჯანდაცვის მინისტრს დაემშვიდობა. ახალს ბიძინა ივანიშვილთან ერთად შეარჩევს იქამდე მინისტრის მოვალეობას ყოფილი პირველი მოადგილე შეასრულებს. დარგის სპეციალისტებთან კომუნიკაციის ხარისხი რომ იყო პრობლემა საჯაროდ ითქვა თუმცა მხოლოდ რესპუბლიკური საავადმყოფოს თემა რომ არ იყო მიზეზი ესეც აღინიშნა. რას შეეწირა ზურაბ აზარაშვილი და რა უნდა გაითვალისწინოს წინამორბედის შეცდომებიდან უკვე ახალმა ჯანდაცვის მინისტრმა; #ახალიამბები #BusinessMediaGeorgia
„ჩვენ არ გვაქვს არცერთი დღე დასაკარგი... საქართველოს შუა დერეფანში შეუძლია გახდეს მთავარი კოორდინატორი ქვეყანა“ - ეს განცხადება ევროკავშირ-საქართველოს ბიზნეს საბჭოს გენერალურმა მდივანმა შავი ზღვის პლატფორმის ფარგლებში კერძო და საჯარო დიალოგის პირველ შეხვედრაზე გააკეთა, სადაც შუა დერეფანზე, შესაძლებლობებზე და სატრანსპორტო მიმართულებით არსებულ გამოწვევებზე იყო საუბარი.საერთაშორისო პარტნიორებთან ერთად ბიზნესიც აქტიურად საუბრობს. #ახალიამბები #BusinessMediaGeorgia
საქართველოში მოქმედ უნივერსიტეტებს სურვილის შემთხვევაში შესაძლებლობა ეძლევათ ხელოვნების, ბიზნესისა და ადმინისტრირების სასწავლო პროგრამები სამწლიანი გახადონ. საქართველოს განათლების, მეცნიერებისა და ახალგაზრდობის მინისტრის შესაბამისი ბრძანება 29 თებერვალს საქართველოს საკანონმდებლო მაცნეზე გამოქვეყნდა და ის 2019 წელს გამოცემულ ბრძანებაში ითვალისწინებს ცვლილებებს. როგორც BM.GE-ს განათლების სამინისტროში განუმარტეს, ცვლილება ამ ბრძანებით მხოლოდ ბრძანებაში დასახელებულ კონკრეტულ საბაკალავრო პროგრამებს შეეხება. სტუმარი: თამარ სანიკიძე - აღმასრულებელი დირექტორი, „ინოვაციის, ინკლუზიურობის და ხარისხის პროექტი - საქართველო, აღმასრულებელი დირექტორი; #ახალიამბები #BusinessMediaGeorgia
დღეს ბიზნესი არამხოლოდ თავისუფალია, არამედ ხელისუფლების მხრიდან ფართო მხარდაჭერით სარგებლობს- ამის შესახებ პრემიერ მინისტრმა ირაკლი კობახიძემ საქართველოს ბიზნესასოციაციის კონფერენციაზე სიტყვით გამოსვლისას განაცხადა, სადაც ქვეყნის ეკონომიკისა და სწრაფად მზარდი სექტორების პერსპექტივები განიხილეს. კობახიძე ამბობს, რომ ზედიზედ მე-4 წელია საქართველოს აქვს სწრაფი ეკონომიკური წინსვლა. რა არის ის ძირითადი პრობლემური საკითხები, რომელიც დღეს საქართველოს ბიზნეს ასოციაციის კონფერენციაზე გაჟღერდა და რა გამოსავლის გზებს ხედავს ბიზნესი? #ახალიამბები #BusinessMediaGeorgia
ხელისუფლების და ბიზნესის თანამშრომლობას, ბუნებრივია, ბიზნესის განვითარებას, ქვეყნის წინსვლისთვის, განვითარებისთვის განსაკუთრებული, საკვანძო მნიშვნელობა ენიჭება, - ამის შესახებ პრემიერ-მინისტრმა ირაკლი კობახიძემ საქართველოს ბიზნესასოციაციის კონფერენციაზე სიტყვით გამოსვლისას განაცხადა, სადაც ქვეყნის ეკონომიკისა და სწრაფად მზარდი სექტორების პერსპექტივები განიხილეს. კონფერენციაზე საუბარი შეეხო ბიზნესსექტორის წინაშე მდგარ გამოწვევებსაც, რა განცხადებები გაკეთდა ღონისძიებაზე? #ახალიამბები #BusinessMediaGeorgia
მეორე ცვლილება კობახიძის მინისტრთა კაბინეტში - ჯანდაცვის მინისტრმა პოსტი დატოვა. პრემიერმა კი ფაქტობრივად დაადასტურა, რომ არსებული ხარვეზების გამო, რაც მართვის და დარგის წარმომადგენლებთან კომუნიკაციაში გამოიხატა,აზარაშვილი თანამდებობიდან მოხსნა. რა თქვა პრემიერმა გადამდგარ მინისტრზე, როგორ აფასებენ კერძო სექტორის წარმომადგენლები და სპეციალისტები ზურაბ აზარაშვილი თანამდებობიდან გადადგომას და რა მოლოდინები აქვთ უკვე ახალ ჯანდაცვის მინისტრთან? ნუცა შუბაშვილი - #BMG-ის ჟურნალიტი; #ახალიამბები #BusinessMediaGeorgia
#ბიზნესსიახლეები bm.ge-სგან / 29.02.2024 რომელ უბნებში გაიყიდა ყველაზე მეტი ბინა იანვარში? - TBC კაპიტალი; საჩხერეში, USAID-ის მხარდაჭერით, ქართული სტუმარმასპინძლობის სკოლა იხსნება; გუდაურში პარაპლანით ფრენის ფასი გაზრდილია - Traffic travel-ი მოთხოვნაზე; საქართველოში ტურიზმი არ მუშაობს - Traffic travel; #ახალიამბები #BusinessMediaGeorgia
იანვარში საქართველოს ეკონომიკა თითქმის 6%-ით გაიზარდა. საქსტატის წინასწარი შეფასებით, იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 5.8 პროცენტი შეადგინა. ეკონომიკურ აქტივობაში მნიშვნელოვანი წვლილი შეიტანა მშენებლობის საფინანსო და სადაზღვევო საქმიანობის და კომუნიკაციების სექტორებმა, კლებაა ვაჭრობის, უძრავი ქონების და დამამუშავებელ მრეწველობაში. გასულ თვეში შემცირდა მსხვილ საწარმოთა ბრუნვის ზრდის ტემპი, რამაც მხოლოდ 1.4% შეადგინა, ჯამში ბრუნვა კი 10.5 მლრდ ლარამდე იყო. რაც შეეხება ახლადრეგისტრირებულ საწარმოთა რაოდენობას, სულ 5 527 კომპანია დარეგისტრირდა, კლება 14.5%-ია. #ახალიამბები #BusinessMediaGeorgia
1-ელი მაისიდან, რუსეთში იმპორტირებული ალკოჰოლური სასმლის ზოგიერთ სახეობაზე, მათ შორის, ღვინოზე, აქციზი 3-ჯერ გაიზრდება. ზრდა მომდევნო წლებშიც გაგრძელდება. Tass-ის ცნობით, შესაბამის განკარგულებას ვლადიმირ პუტინმა ხელი გასული წლის ნოემბერში მოაწერა. რა გავლენა ექნება რუსეთის მხრიდან ღვინოზე აქციზის ზრდას, მაშინ როცა რუსეთი საქართველოს ღვინის საექსპორტო ქვეყნების ლიდერია. #ახალიამბები #BusinessMediaGeorgia
რა ეტაპზეა დღეს საქართველო - ამერიკის ურთიერთობები, შეიცვალა თუ არა გეოპოლიტიკური ინტერესები, როგორ ხედავენ ვაშინგტონში საქართველოსთან ურთიერთობებს, ვინ უნდა იყოს პროაქტიული? სტუმარი: გიორგი ციკოლია - Lineate-ს ვიცე-პრეზიდენტი / საქართველოს ყოფილი დესპანი აშშ-ში; #ახალიამბები #BusinessMediaGeorgia
კრიპტო ბაზარზე აღმავალი ტრენდია... მიმდინარე კვირის განმავლობაში ბიტკოინის ფასმა 64,000 დოლარს მიაღწია, კრიპტოვალუტის საბაზრო კაპიტალიზაცია კი 1 ტრილიონ 230 მილიარდი დოლარი გახდა, რაც 2021 წლის შემდეგ დაფიქსირებული მაქსიმალური მაჩვენებელია და ერთკვირიან პერიოდში 21%-იან ზრდას წარმოადგენს. ეთერიუმის ფასი 3,500 დოლარი გახდა, მისმა საბაზრო შეფასებამ კი 417 მილიარდი დოლარი შეადგინა. ამ შემთხვევაში, ზრდის მაჩვენებელი 15%-ს აღწევს. რა განაპირობებს ბიტკოინის ასეთ მკვეთრ გაძვირებას? რა ხდება კრიპტობაზარზე? #ახალიამბები #BusinessMediaGeorgia
იანვარში საქართველოს ეკონომიკა თითქმის 6%-ით გაიზარდა. საქსტატის წინასწარი შეფასებით, იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 5.8 პროცენტი შეადგინა, რაშიც ყველაზე დიდი წვლილი მშენებლობამ, საფინანსო და სადაზღვევო საქმიანობამ, ასევე კომუნიკაციების სექტორმა შეიტანა. რას გვიჩვენებს 2024 წლის პირველი თვის ზრდის მაჩვენებელი, ამოიწურა თუ არა მიგრანტების ეფექტი საქართველოს ეკონომიკაზე და რამ უნდა შეუწყოს წელს ხელი ეკონომიკურ აქტივობას. რას გვაჩვენებს იანვრის ეკონომიკური ზრდა და როგორია მოლოდინები? #ახალიამბები #BusinessMediaGeorgia
1 მარტიდან არასასურველი სარეკლამო SMS-ები მოქალაქეებს აღარ მიუვათ და შეტყობინებების გასაგზავნად კომპანიებს მომხმარებელთა წინასწარი თანხმობა დასჭირდებათ.რეგულაციის დაცვა მოუწევს ყველას, მათ შორის იმ საშუამავლო კომპანიებსაც, რომლებიც დამკვეთის მოთხოვნით ამუშავებდნენ მოქალაქეთა პირად მონაცემებს და SMS მარკეტინგში იყვნენ ჩართულნი. ამ რეალობაში დარჩებიან თუ არა ბაზარზე საშუამავლო კომპანიები საერთოდ ეს რთული საპროგნოზო გახდა. #ახალიამბები #BusinessMediaGeorgia
აშშ-ს ელჩი საქართველოში ამბობს რომ აშშ მზად არის მხარი დაუჭიროს საქართველოს ევროკავშირში გაწევრიანებისთვის გასავლელ გზაზე და 9 პირობის შესრულებაში. მისი თქმით, ელჩად დანიშვნის შემდეგ პირველი ნაბიჯი ბრიუსელში ვიზიტი იყო, რათა მხარი დაეჭირა ქვეყნის ევროპული მისწრაფებისთვის. აშშ-ს ელჩი საქართველოში ორი ქვეყნის პარტნიორულ მეგობრული დიპლომატიური ურთიერთობების მიღმა ეკონომიკური კავშირების მნიშვნელობაზეც საუბრობდა დღეს და ამ მხრივ ინტერესი საქართველოში ბიზნესს რომ აქვს ცალსახაა. #ახალიამბები #BusinessMediaGeorgia
#ბიზნესსიახლეები bm.ge-სგან / 28.02.2024 2025 წლიდან „ჭრელი აბანო & სპა“ სარესტორნო სივრცის გახსნას გეგმავს; თხილის ფასი გაიზარდა; მოცვის ექსპორტის 90%-ზე მეტი რუსეთზე მოდის - კონკურენციის სააგენტო; "შაპო პლასტი": ჩვენი მიზანი, იმპორტირებული პროდუქციის ჩანაცვლებაა; სასტუმრო Greenwood: ბაკურიანს ბოლო პერიოდში ძალიან უჭირს; #ახალიამბები #BusinessMediaGeorgia
“ამერიკა-საქართველოს შორის სავაჭრო-ეკონომიკური ურთიერთობები იმაზე მეტი იქნება, ვიდრე ოდესმე”. განცხადება ამის შესახებ საქართველოში ამერიკის ელჩმა რობინ დანიგანმა დღეს პარლამენტში გააკეთა. დიპლომატის თქმით, ამერიკის მთავრობა მხარს უჭერს ქართულ ბიზნესს, რათა ორ ქვეყანას შორის სავაჭრო-ეკონომიკური ურთიერთობა კიდევ უფრო გაღრმავდეს. აღსანიშნია, რომ გასულ წელს საქართველო-ამერიკის შეერთებული შტატების სავაჭრო ბრუნვამ 2 მილიარდ 46 მილიონი დოლარი შეადგინა, რაც აშშ-სთან ვაჭრობის ისტორიაში რეკორდული მაჩვენებელია. დიპლომატი ამბობს, რომ საქართველოს პრემიერთან, ირაკლი კობახიძესთან შეხვედრისას ორ ქვეყანას შორის სტრატეგიული პარტნიორული ურთიერთობების გაღრმავების მზაობა დაადასტურა. #ახალიამბები #BusinessMediaGeorgia
2 დღეში საქართველოში „პერსონალურ მონაცემთა დაცვის შესახებ“ ახალი კანონი ამოქმედდება. ერთ-ერთი მთავარი სიახლე არის ის, რომ 1 მარტიდან არასასურველი სარეკლამო SMS-ები მოქალაქეებს აღარ მიუვათ და შეტყობინებების გასაგზავნად კომპანიებს მომხმარებელთა წინასწარი თანხმობა დასჭირდებათ.რეგულაციის დაცვა მოუწევს ყველას, მათ შორის იმ საშუამავლო კომპანიებსაც, რომლებიც დამკვეთის მოთხოვნით ამუშავებდნენ მოქალაქეთა პირად მონაცემებს და SMS მარკეტინგში იყვნენ ჩართულნი.„პერსონალურ მონაცემთა დაცვის შესახებ“ ახალ კანონს შემოაქვს პერსონალურ მონაცემთა დაცვის ოფიცრის პოზიცია, რომლის მთავარი ფუნქცია იქნება ორგანიზაციას პერსონალურ მონაცემთა დაცვის კანონმდებლობასთან შესაბამისობის უზრუნველყოფაში დაეხმაროს. მისი დანიშვნის ვალდებულება აქვთ, სადაზღვევო ორგანიზაციებს, ბანკებს, სამედიცინო დაწესებულებებს, საჯარო დაწესებულებებს და ყველა იმ პირს, რომელიც საქართველოს მოსახლეობის არანაკლებ 3 %-ის პერსონალურ მონაცემებს ამუშავებს. რა იცვლება კომპანიებისთვის და მოქალაქეებისთვის? სტუმარი: ანზორ მეხრიშვილი - BDO-ს კიბერ და ინფორმაციული უსაფრთხოების განყოფილების ხელმძღვანელი; #ახალიამბები #BusinessMediaGeorgia
საქართველოს არც ერთი ქვეყანა არ უჭერს მხარს ისე მყარად, როგორ შეერთებული შტატები - ეს განცხადება დღეს საქართველოში აშშ-ს ელჩმა რობინ დანიგანმა პარლამენტში საგარეო ურთიერთობათა კომიტეტში მოხსენების დროს გააკეთა. რობინ დანიგანმა თქვა, რომ 32 წლიანი პარტნიორობის ფარგლებში, ოფიციალური ვაშინგტონის მიერ საქართველომ 6 მლრდ დოლარის დახმარება მიიღო და ამ პარტნიორობამ მრავალი ქართველის ცხოვრება შეცვალა. დიპლომატი ამბობს, რომ საქართველოს პრემიერთან, ირაკლი კობახიძესთან შეხვედრისას სტრატეგიული პარტნიორული ურთიერთობების გაღრმავების მზაობა დაადასტურა. კიდევ რა საკითხებზე გაკეთდა ელჩის მხრიდან განცხადებები? რობინ დანიგანი - აშშ-ს ელჩი საქართველოში; #ახალიამბები #BusinessMediaGeorgia
#ბიზნესსიახლეები bm.ge-სგან / 27.02.2024 Europcar Georgia-მ 2023 წელი წარმატებით დაასრულა და შემოსავლების ნაწილში 30%-იანი ზრდა აჩვენა; “ჩინეთთან ფრენების სიხშირე უნდა გაიზარდოს” - ალექსანდრე გიორგიძე; სასტუმრო “არგე“ : სასტუმროს განახლება 1 თვეში დასრულდება; „აჭარული ხაჭაპური, ხინკალი, შქმერული, ნიგვზიანი ბადრიჯანი“ - გერმანელების ყველაზე პოპულარული ქართული კერძები; ფერმერები თხილის სუბსიდირების თანხას არამიზნობრივად ვეღარ დახარჯავენ - სექტორის შეფასება; #ახალიამბები #BusinessMediaGeorgia
გალტ & თაგარტმა, USAID-ის ეკონომიკური მმართველობის პროგრამის მხარდაჭერით, საქართველოში სეკურიტიზაციის განვითარების შესახებ კვლევის შედეგები წარადგინა. გალტ & თაგარტის კვლევა მოიცავს სეკურიტიზაციის განვითარების ტენდენციებს როგორც განვითარებულ, ისე განვითარებად ქვეყნებში და ამ ანალიზის საფუძველზე განიხილავს სეკურიტიზაციის პერსპექტივებს საქართველოში. რა შესაძლებლობებს აჩენს ამ ინსტრუმენტის გამოყენება და რა მნიშვნელობა აქვს მსგავსი ინსტრუმენტების დანერგვას კაპიტალის ბაზრის განვითარებისთვის. #ახალიამბები #BusinessMediaGeorgia
შუა დერეფანს დიდი პოტენციალი აქვს და მას დიდი როლი ეკისრება ყაზახეთის, აზერბაიჯანისა და საქართველოს გზების დივერსიფიკაციაში- ეს ამონარიდია მსოფლიო ბანკის ახალი ანგარიშიდან, რომელთან დაკავშირებითაც მსჯელობა ფართო შემადგენლობით დღეს გაიმართა. მსოფლიო ბანკი მიუთითებს, რომ შუა დერეფნის პოტენციალის ასათვისებლად ინფრასტრუქტურის მოწყობა და დიგიტალიზაცია სწრაფად უნდა შესრულდეს, მიზანმიმართული პოლიტიკით კი ყაზახეთს, აზერბაიჯანსა და საქართველოს ექსპორტის მოცულობის და პროდუქციის დამატებითი ღირებულების გაზრდა შეუძლიათ საწარმოო საქმიანობის აგლომერაციის ხელშეწყობის გზით. #ახალიამბები #BusinessMediaGeorgia
გალტ & თაგარტმა, USAID-ის ეკონომიკური მმართველობის პროგრამის მხარდაჭერით, საქართველოში სეკურიტიზაციის განვითარების შესახებ კვლევის შედეგები წარადგინა. გალტ & თაგარტის კვლევა მოიცავს სეკურიტიზაციის განვითარების ტენდენციებს როგორც განვითარებულ, ისე განვითარებად ქვეყნებში და ამ ანალიზის საფუძველზე განიხილავს სეკურიტიზაციის პერსპექტივებს საქართველოში. რა შესაძლებლობებს აჩენს ამ ინსტრუმენტის გამოყენება და რა მნიშვნელობა აქვს მსგავსი ინსტრუმენტების დანერგვას კაპიტალის ბაზრის განვითარებისთვის? #ახალიამბები #BusinessMediaGeorgia
„ჯორჯიან დაინემიკ ფაუერი“ წყლის ზედაპირზე მზის ელექტრო სადგურის მშენებლობას გეგმავს. საქართველოში პირველი ასეთი მზის სადგური სავარაუდოდ, სიონის წყალსაცავზე განთავსდება. კომპანიამ წყალზე მოტივტივე მზის სადგურის პროექტის განხორციელებისთვის წინა საპროექტო სამუშაოები უკვე დაიწყო. რა სიმძლავრის სადგურის მშენებლობა განიხილება, რა სარგებელი აქვს წყლის ზედაპირზე ელექტროსადგურების განთავსებას და რა პოტენციალი აქვს საქართველოს ამ კუთხით? სტუმარი: ნატა ჯაოშვილი - „ჯორჯიან დაინემიკ ფაუერი“ დირექტორი; #ახალიამბები #BusinessMediaGeorgia
რუსეთის მთავრობა 1-ელი მარტიდან ბენზინის ექსპორტის 6 თვით აკრძალვას გეგმავს, - ამის შესახებ საინფორმაციო სააგენტო TASS-ს რუსეთის ვიცე-პრემიერის, ალექსანდრე ნოვაკის წარმომადგენელმა განუცხადა. ტასის განცხადებით, ინფორმაცია მათ მინისტრთა კაბინეტის პრესსამსახურშიც დაუდასტურეს. დროებითი აკრძალვის დაწესების მიზანი გაზაფხულსა და ზაფხულში მოთხოვნის ზრდის დარეგულირებაა. „გადაწყვეტილება საჭიროა საზაფხულო არდადეგების და საველე სამუშაოების დროს მოთხოვნის გაზრდის კომპენსაციისთვის, ასევე ნავთობგადამამუშავებელი ქარხნის დაგეგმილი რემონტის დროს“, - განაცხადა ნოვაკის წარმომადგენელმა. „შეზღუდვა არ შეეხება ევრაზიის ეკონომიკური კავშირის ქვეყნებს, ასევე ე.წ. სამხრეთ ოსეთს, აფხაზეთს, მონღოლეთსა და უზბეკეთს“. აღსანიშნავია, რომ 2023 წელს ბენზინისა და დიზელის საწვავის იმპორტის ყველაზე დიდი მოცულობა საქართველოში რუსეთიდან განხორციელდა, რაც მთელი მთელი იმპორტის 60,9%-ს შეადგენდა. რა გავლენა შეიძლება ჰქონდეს რუსეთის მხრიდან საწვავის ექსპორტის შესაძლო აკრძალვას საქართველოს ბაზარზე და რომელ ბაზრებზე შეიძლება გადაეწყონ ადგილობრივი ნავთობიმპორტიორები? სტუმარი: ზაალ იაკობიძე - Senta Petroleum-ის დამფუძნებელი და დირექტორი; #ახალიამბები #BusinessMediaGeorgia
შუა დერეფანს დიდი პოტენციალი აქვს და მას დიდი როლი ეკისრება ყაზახეთის, აზერბაიჯანისა და საქართველოს გზების დივერსიფიკაციაში. შესაბამისი შეფასება მსოფლიო ბანკის ახალ ანგარიშშია გვხვდება. ბანკი მიუთითებს, რომ შუა დერეფნის პოტენციალის ასათვისებლად ინფრასტრუქტურის მოწყობა და დიგიტალიზაცია სწრაფად უნდა შესრულდეს, მიზანმიმართული პოლიტიკით კი ყაზახეთს, აზერბაიჯანსა და საქართველოს ექსპორტის მოცულობის და პროდუქციის დამატებითი ღირებულების გაზრდა საწარმოო საქმიანობის აგლომერაციის ხელშეწყობის გზით შეუძლიათ. რას აჩვენებს კვლევა და რა არის საჭირო შუა დერეფნის პოტენციალის ათვისებისთვის? #ახალიამბები #BusinessMediaGeorgia
მომავალი წლიდან საქართველოში ენერგოეფექტურობის ახალი მოთხოვნები ამოქმედდება. საჯარო სექტორს შენობების 3%-ის განახლების ვალდებულება ექნებათ. 4 წელიწადში ერთხელ კი ენერგოაუდიტის ჩატარება მოუწევთ. აღნიშნული სავალდებულოდ შესასრულებელი კერძო სექტორისთვის 2028 წლიდან გახდება. ეკონომიკის სამინისტრო, რომელიც კანონპროექტის ავტორია, დოკუმენტის განმარტებით ბარათში უთითებს, რომ კანონპროექტში ევროკავშირის კონსოლიდირებული ვერსიის გამოყენება საჭირო გახდა მსოფლიო ბანკთან მიღწეული შეთანხმებით, რომელიც მიზნად ისახავს საქართველოსთვის ფინანსურ მხარდაჭერას, 50 მილიონი დოლარის ოდენობით. სასესხო პირობად დირექტივის შესაბამისად ადგილობრივ კანონმდებლობაში ცვლილებების შეტანას ითხოვს მწვანე და მდგრადი განვითარების პოლიტიკის ღონისძიებათა პაკეტიც. რა იცვლება „შენობების ენერგოეფექტურობის“ და „ენერგოეფექტურობის შესახებ“ კანონებში და რა ვალდებულებები აქვს კერძო და საჯარო სექტორს. #ახალიამბები #BusinessMediaGeorgia
ჩინეთში მოგზაურობა უვიზოდ ხდება შესაძლებელი. საქართველოს მოქალაქეები ჩინეთში დამატებითი სავიზო ნებართვების გარეშე 30 დღე მოგზაურობის უფლებას კონკრეტულად რა დროიდან მიიღებენ ჯერ არ დაკონკრეტებულა, თუმცა პრემიერ მინისტრმა მთავრობის სხდომის დაწყებისას დიდი კედლის, აკრძალული ქალაქის, წითელი სანაპიროსა და ჰარბინის ქვეყნის მთავრობასთან ხელმოწერილი პარტნიორობის შეთანხმების მორიგ წარმატებულ შედეგად წარმოადგინა. ჩინეთიდან მოგზაურების უვიზოდ ქვეყანაში შემოსვლის შესაძლებლობა საქართველოში სექტემბრიდან ძალაშია. რამდენად შეიცვლება მოგზაურებისათვის დანიშნულების ადგილი დასვენების თუ საქმიანი ვიზიტების დასაგეგმად უვიზო მიმოსვლის ორმხრივად ამოქმედების შემდეგ საქართველოს მოქალაქეებისთვის რთული სათქმელია, თუმცა მოკლე ვადიანი შედეგების შესაფასებლად საქართველოში ჩამომსვლელი ჩინელი ტურისტების ნაკადის დაკვირვებაზე უკვე ხელმისაწვდომი უნდა იყოს. #ახალიამბები #BusinessMediaGeorgia
#ბიზნესსიახლეები bm.ge-სგან / 26.02.2024 2023 წელს, საქართველომ რეკორდული ღირებულების შოკოლადი იყიდა; ბუღალტრული და ფინანსური მომსახურების კომპანია "ენთებმა" ახალი ოფისი გახსნა; “ბაბალე” სამკერვალოს ხსნის; "2023 წელს ევროპაში გაყიდვები 50%-ით გავზარდეთ” - "ოჯახური" ექსპორტზე 15-მდე ქვეყანაში გადის; XL-დან 7XL-მდე - ქართულ ბაზარზე ტანსაცმლის ახალი ბრენდი „უზომო“ გამოჩნდა; #ახალიამბები #BusinessMediaGeorgia
საქართველოს მოქალაქეები ჩინეთში უვიზოდ ჩასვლას შეძლებენ - ამის შესახებ საქართველოს პრემიერ-მინისტრმა ირაკლი კობახიძემ მთავრობის სხდომაზე განაცხადა. მისი თქმით, საქართველოს მოქალაქეები ჩინეთში უვიზოდ გაჩერებას ზედიზედ 30 დღის განმავლობაში შეძლებენ. როგორც ცნობილია, წლის სექტემბერში იგივე გადაწყვეტილება საქართველოს მთავრობამ ჩინეთის მოქალაქეებისთვისაც მიიღო. ჰქონდა თუ არა არსებული ეფექტი ჩინეთის მოქალაქეებისთვის უვიზო რეჟიმის ამოქმედებას და რა იცვლება ქართველებისთვის დღეს მიღებული გადაწყვეტილებით? #ახალიამბები #BusinessMediaGeorgia
რუსეთი ფქვილის ექსპორტის რეკორდულ ზრდას ელოდება. სოფლის მეურნეობის ბაზრის კვლევის ინსტიტუტის, IKAR-ის გენერალურმა დირექტორის განცხადებით, რუსეთიდან იანვრისთვის 560 ათას ტონაზე მეტი ხორბლის ფქვილი გავიდა ექსპორტზე, მაშინ, როცა მთელ გასულ სეზონზე 830 ათასი ტონა ფქვილი ექსპორტირდა. კერძო სექტორში ელიან, რომ საქართველოში, რომელიც ძირითადად რუსულ მარცვლეულს მოიხმარს, შესაძლოა, ფქვილის იმპორტი გაიზარდოს, რაც ქართველი ფერმერებისთვის რისკის შემცველია. ბაზრის მოთამაშეები ფქვილის დროებითი საიმპორტო მოსაკრებლის ვადის გახანგრძლივებას ითხოვენ. სტუმარი: ლევან სილაგავა - “ფქვილის მწარმოებელთა ასოციაციის” აღმასრულებელი დირექტორი; #ახალიამბები #BusinessMediaGeorgia
ენერგოეფექტურობის ბაზრის განვითარების მიზნით, მთავრობა მორიგი რეგულაციის შემოღებას აპირებს. შესაბამისი კანონპროექტი უკვე პარლამენტშია. პროექტის მიხედვით, ადმინისტრაციულმა ორგანომ ყოველწლიურად მის საკუთრებასა და სარგებლობაში არსებული გათბობის ან გაგრილების საჭიროების მქონე შენობების საერთო სასარგებლო ფართობის 3% უნდა განაახლოს. ამასთან, ობიექტებს აშენების შემდეგ შესაბამისი სერტიფიკატი უნდა მოჰყვეს, რომელსაც ენერგოაუდიტი შეამოწმებს. პროექტის განხილვას ელენე გოგბერაშვილი ესწრებოდა. რა იცვლება პროექტის მიხედვით და საინტერესოა ბიზნესის როლიც? შეეხება თუ არა რეგულაცია კერძო სექტორს? #ახალიამბები #BusinessMediaGeorgia
ჩინეთში საქართველოს მოქალაქეები უვიზოდ მიმოსვლას შეძლებენ, - ამის შესახებ პრემიერ - მინისტრმა მთავრობის სხდომაზე განაცხადა, ირაკლი კობახიძის თქმით, საქართველოს მოქალაქეები ჩინეთში ერთდროულად 30 დღით დარჩენას შეძლებენ. დღეს მთავრობის სხდომაზე 25 საკითხი განიხილეს, საიდანაც 17 ეკონომიკისა და მდგრადი განვითარების მინისტრმა წარადგინა. სხდომის დასრულების შემდეგ მედიასთან განცხადებები ლევან დავითაშვილმა და განათლების მინისტრმა, გიორგი ამილახვარმა გააკეთეს. შავი ზღვის ელექტროკაბელის პროექტი, მსხვილი ჰესები და სხვა საკითხები მოიკითხა BMG-ის მთავარმა რედაქტორმა. #ახალიამბები #BusinessMediaGeorgia
ირაკლი კობახიძის თქმით მისი ინიციატივით შედგა შეხვედრა გუშინ ლიბერთი ბანკის და ეროვნული ბანკის მენეჯმენტთან, რის შემდეგაც 150 000-ზე მეტ პენსიონერს სესხის პროცენტი შეუმცირდება. გუშინდელი შეხვედრის მონაწილეები საქართველოს პრემიერ-მინისტრი ირაკლი კობახიძე, ეროვნული ბანკის პრეზიდენტის მოვალეობის შემსრულებელი ნათია თურნავა და „ლიბერთი ბანკის“ გენერალური დირექტორი ბექა გოგიჩაიშვილი იყვნენ. პრემიერის ინიციატივით გამართული შეხვედრა, ლიბერთის სურვილი და პენსიონერებისთვის დაზოგილი 8 მლნ ლარია. #ახალიამბები #BusinessMediaGeorgia
#ბიზნესსიახლეები bm.ge-სგან / 23.02.2024 უზბეკეთში Setanta Sports-თან, Zara-სთან და Massimo Dutti-სთან ვთანამშრომლობთ - გეგა წურწუმია PAYZE-ზე; მომხმარებლების დღიური რიცხვი 13 000-მდე შემცირდა - "გალერია თბილისი"; მიგრანტების და ტურისტების წილი საერთო ვიზიტორებში განახევრებულია - "თბილისი ცენტრალი"; "მოკლევადიან პერიოდში ავტომობილებზე მოთხოვნა გაიზრდება, შემდეგ კი შემცირდება" - ავტოიმპორტიორი; „ატენის ტერასები“ ახალი საწარმოს აშენებას გეგმავს - ინვესტიცია $0,5 მლნ-ია; „სოციალური მეწარმეობის შესახებ კანონი, რომელმაც სფერო უნდა დაარეგულიროს, თაროზეა შემოდებული“ - ბაბალე; #ახალიამბები #BusinessMediaGeorgia
სააპელაციო სასამართლოებში საარბიტრაჟო საკითხების განხილვის გაჭიანურების შემაშფოთებელი ტენდენციაა - ამის შესახებ საქართველოს არბიტრთა ასოციაციის მომზადებულ ანგარიშშია საუბარი. როგორც საარბიტრაჟო საკითხებში ექსპერტი ჯაბა გველებიანი აცხადებს, დავების განხილვის ეფექტურობა წლების განმავლობაში მცირდება. 2018 წელს არბიტრაჟთან დაკავშირებული საქმეები დასრულებული საქმეების 68%-ს შეადგენდა, რაც სხვა სამოქალაქო საქმეების დასრულების მაჩვენებელს თითქმის უთანაბრდებოდა. თუმცა, 2022 წლისთვის ეს მონაცემი 34%-ზე ჩამოვიდა. რატომ ჭიანურდება საარბიტრაჟო დავები და რა ნაბიჯებია საჭირო ვითარების გამოსასწორებლად? #ახალიამბები #BusinessMediaGeorgia
მიკროსაფინანსო სექტორს მოგება გაეზარდა. გასულ წელს, მიკროსაფინანსო ორგანიზაციებმა 125.3 მლნ ლარის წმინდა მოგება მიიღეს, რაც წლიურად 11.6 მლნ-ით ანუ 10%-ით არის გაზრდილი. გაიზარდა მისო-ების საკრედიტო პორტფელიც. ამ დროისათვის მიკროსაფინანსო ორგანიზაციებს 1.7 მილიარდი ლარის სესხები აქვთ გაცემული. 2022 წელს ეს მაჩვენებელი 1. 573 მლრდ ლარი იყო. სულ გაცემული სესხების რაოდენობა 850 554-ს შეადგენს. გაცემული სესხების წმინდა ზრდა 23 373 -ია. მიკროსაფინანსო სექტორის დაკრედიტების ძირითად სეგმენტს კვლავ ფიზიკური პირები წარმოადგენენ. სწორედ მათზეა გაცემული 1.67 მლრდ ლარის სესხები. პორტფელის უდიდესი წილი - 831 მლნ კი სალომბარდე სესხებს უჭირავს. გაიზარდა მისოების აქტივების მოცულობაც, რამაც 2 მილიარდ ლარს გადააჭარბა - როგორი იყო 2023 წელი სექტორისთვის, რა ტენდენციებია ბაზარზე და როგორია მოლოდინები? სტუმარი: ნინო დევდარიანი - „საქართველოს მიკროსაფინანსო ასოციაციის“ თავმჯდომარე; #ახალიამბები #BusinessMediaGeorgia