რა ხდება ბიზნესში?- #ბიზნესისსიახლეები (www.bm.ge) / 30.01.2025 freebusiness.ge ხელმომწერებისთვის ისევ გაიხსნება - ჩუგოშვილი პლატფორმის გეგმებზე; „ფქვილის საიმპორტო გადასახადის გაუქმებას გამოვრიცხავთ“ - რა მოლოდინები აქვთ წისქვილკომბინატებს? „თუ საშუალო ფასს განვიხილავთ, ზრდის დიდი რესურსია“ - რამდენით შეიძლება გაძვირდეს ბათუმის უძრავი ქონება? KFC-ს მე-20 რესტორანი "გლდანი პლაზაში" გაიხსნა; რუსულმა და ჩინურმა ონლაინ მაღაზიებმა შეიძლება ქართული e-commerce-ის დიდი ნაწილი ჩაყლაპოს - ასოციაცია; ქვეყანაში განვითარებული მდგომარეობიდან გამომდინარე, ტურისტებს შემოსვლის ეშინოდათ - "სამი მთა ვინოტელ რეზიდენსი”; #ახალიამბები #BusinessMediaGeorgia
224 მლნ 603 ათასი ლარი - ასეთია საქართველოს საფონდო ბირჟაზე 2024 წელს დადებული გარიგებების ღირებულება. საფონდო ბირჟაზე აქტივობა კვლავ ობლიგაციებზე მოდის. 2024 წელს ბირჟაზე 59 მლნ დოლარის, 2.2 მლნ ევროს და 57.5 მლნ ლარის ობლიგაციებზე დაიდო გარიგება. Galt & Taggart-ის მონაცემებით, გასული წელი ობლიგაციების ბაზრისთვის იმითაც იყო გამორჩეული რომ 21 საჯარო კორპორაციული ობლიგაციის ემისია მოხდა, რაც ადგილობრივი ბაზრისთვის ისტორიული მაქსიმუმია. ჯამურად სავალო ფასიანი ქაღალდებით კომპანიებმა 570 მლნ ლარი ისესხეს. ამასთან სიახლე იყო ისიც, რომ თანხის მოზიდვას ამ გზით ახლი კომპანიებიც ცდილობენ. გასულ წელს 6 ახალი ემიტენტიც გაჩნდა, რაც ამ მცირე ბაზრისთვის ვფიქრობ, მნიშვნელოვანია. რიცხვები იმასაც აჩვენებს, რომ იმ კომპანიების 66% -მა თანხა, რომლებმაც სავალო ფასიანი ქაღალდების განათავსეს დოლარში მოიზიდეს, 14%-მა ევროში, 20%-მა კი ლარში. როგორ დაიწყო ბაზარმა 2025 წელი, არის თუ არა დაინტერესება ახალი კომპანიების მხრიდან კაპიტალის ბაზარზე გავიდნენ ინვესტიციების მოსაზიდად და როგორ აისახება კაპიტალის ბაზარზე პოლიტიკური ტურბულენტობა? სტუმარი: ნინო ქურდიანი - საფონდო ბირჟის გენერალური დირექტორის მოვალეობის შემსრულებელი; #ახალიამბები #BusinessMediaGeorgia
საქართველოში მშენებლობაზე გაცემული ნებართვები გაიზარდა. საქსტატის ცნობით, 2024 წელს გაცემულია 12 080 ნებართვა, რაც წინა წელთან შედარებით 7%-ით მეტია. ამ ნებართვების ფარგლებში 12 მლნ 40 ათას 400 კვ. მეტრი ფართობი უნდა აშენდეს, რაც 28%-იანი ზრდაა. ამ ფონზე, უძრავი ქონების სექტორის წარმომადგენლები აცხადებენ, რომ მოთხოვნა არასტაბილური ვითარების გამო კვლავ შემცირებულია, თუმცა აღნიშნავენ იმასაც, რომ ამ ეტაპზე გაზრდილი თვითღირებულების ფონზე, ფასების შემცირების რესურსი არ არსებობს. რა ტენდენციაა უძრავი ქონების სექტორში და შეიცავს თუ არა რისკებს გაზრდილი სამშენებლო ნებართვები? #ახალიამბები #BusinessMediaGeorgia
მცირე ბიზნესის ნაწილი კრიზისზე საუბრობს. კერძო სექტორის წარმომადგენლები ამბობენ, რომ 28 ნოემბრის შემდეგ გამოწვევების წინაშე აღმოჩნდა. მათი ნაწილი დაიხურა, ნაწილი კი დახურვის პირასაა. ისინი აცხადებენ, რომ ახლა მათი მთავარი გამოწვევა საფინანსო სექტორის მიმართ არსებული სასესხო ვალდებულებებია, რომელთა მომსახურებას ვეღარ ახერხებენ. #ახალიამბები #BusinessMediaGeorgia
რუსულმა და ჩინურმა ონლაინ მაღაზიებმა შეიძლება ქართული e-commerce-ის დიდი ნაწილი ჩაყლაპოს - ელექტრონული კომერციის ასოციაცია ბაზარზე მნიშვნელოვან გამოწვევად უცხოური ონლაინ მაღაზიებისგან მზარდ კონკურენციას ასახელებს. თამარ გოგოლაშვილის თქმით, ადგილობრივ ბაზარზე არაჯანსაღი გარემოა, ბაზარზე ოპერირებენ როგორც რუსული, ისე ჩინური ონლაინ მაღაზიები, კონკურენცია კი იმდენად მზარდი და ყოვლისმომცველია, რომ ფაქტობრივად მალე, შეიძლება ბევრი ქართული ონლაინ მაღაზია დაიხუროს. #ახალიამბები #BusinessMediaGeorgia
აფხაზეთიდან და სამაჩაბლოდან დევნილების ნაწილი 45-ლარიანი შემწეობის გაზრდას და საცხოვრისით დროულად დაკმაყოფილებას ითხოვს. იძულებით გადაადგილებული პირები აცხადებენ, რომ დღეს არსებული ფულადი დახმარება მათი სოციალური მოთხოვნილებების დასაკმაყოფილებლად საკმარისი არ არის. ამასთან, ისინი დევნილთა განსახლების პოლიტიკას აკრიტიკებენ. ათიათასობით ოჯახი ბინებს დღემდე ელოდება. არის თუ არა შესაძლებელი დევნილთა შემწეობის გაზრდა და რა გამოწვევებია იძულებით გადაადგილებული პირების განსახლების პოლიტიკაში? #ახალიამბები #BusinessMediaGeorgia
ეროვნულმა ბანკმა მორიგ ჯერზე რეფინანსირების განაკვეთი უცვლელად, 8%-ზე დატოვა. სებ-ი აღნიშნავს, რომ 2024 წლის დეკემბერში საქართველოში მიზნობრივ 3%-ზე დაბალი 1.9%-იანი ინფლაცია დაფიქსირდა, ხოლო 2025 წლის მეორე ნახევარში მოსალოდნელია, რომ ინფლაციამ წლიურ 3%-ს გადააჭარბოს, თუმცა შემდგომ წლის ჭრილში მაინც 3%-ის მიდამოში დასტაბილურება. თუმცა მაღალი გაურკვევლობის პირობებში, ეროვნული ბანკი მაღალინფლაციურ სცენარსაც განიხილავს, სადაც ინფლაციური წნეხი მზარდია. ეკონომისტების ნაწილი კი ამბობს, რომ შექმნილ არასტაბილურ ვითარებაში პესიმისტური სცენარის განვითარების ალბათობა მაღალია. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) / 29.01.2025 ყავის ფასი საერთაშორისო ბირჟაზე ისტორიულ მაქსიმუმზეა - ფასი გაიზარდა საქართველოშიც; მოგვიწია, ხელფასებისთვის საჭირო თანხა სასტუმროს მფლობელისთვის გვეთხოვა - "შოთა რუსთაველი"; "კოვიდის შემდეგ ასეთი ჩავარდნა არ გვქონია“ - რა დატვირთვით მუშაობს Best Western Premier Batumi? Gudauri Inn გაფართოვდა - რას სთავაზობს სასტუმრო მომხმარებელს? „ნინოს ჩირი“ ყველის საწარმოს აშენებას გეგმავს; #ახალიამბები #BusinessMediaGeorgia
რუსულმა და ჩინურმა ონლაინ მაღაზიებმა შეიძლება ქართული e-commerce-ის დიდი ნაწილი ჩაყლაპოს - ბიზნესი სახელმწიფოს რეაგირებისკენ მოუწოდებს. მათი შეფასებით, ადგილობრივი ბაზრის ექსპანსია ხორციელდება და ადგილობრივად მომუშავე მცირე თუ საშუალო ბიზნესი, ამ პროცესებში დაუცველია. დარგობრივი ასოციაციების წარმომადგენლები საუბრობენ რისკებზეც, რომლის წინაშეც შესაძლოა ჩინური და რუსული ონლაინ ვაჭრობის პლატფორმების მომხმარებლები აღმოჩნდნენ, რადგან ამ შემთხვევაში მათი პერსონალური მონაცემების უსაფრთხოების საკითხი კითხვის ნიშნის ქვეშაა. რამდენად მასშტაბურია საქართველოს ონლაინ ვაჭრობის სექტორში უცხოური კომპანიების წილი, დაიწყეს თუ არა ადგილობრივმა მცირე ბიზნესებმა ბაზრის დატოვება და რა შეიძლება იყოს ამ სიტუაციაში გამოსავალი? #ახალიამბები #BusinessMediaGeorgia
ზედიზედ მეექვსედ, ეროვნულმა ბანკმა რეფინანსირების განაკვეთი უცვლელად, 8%-ზე შეინარჩუნა. მარეგულირებელი აღნიშნავს, რომ 2023 წლის დასაწყისიდან, ინფლაცია მიზნობრივ 3%-ზე დაბლა ნარჩუნდება და 2024 წლის დეკემბერში ფასების საერთო დონე წლიურად კი 1.9%-ით გაიზარდა.თუ არსებული გაურკვევლობა მოკლევადიან პერიოდში აღმოიფხვრება, ხოლო საერთაშორისო ბაზრებზე მიმდინარე მდგომარეობა შენარჩუნდა, ცენტრალური ბანკი მოელის, რომ 2025 წლის პირველ ნახევარში ინფლაცია მიზნობრივ მაჩვენებელთან ახლოს იქნება, შემდგომ კი მიზნობრივ მაჩვენებელს დროებით გადააჭარბებს და საშუალოვადიან პერიოდში 3%-ის გარშემო დასტაბილურდება. სებ-ი გავრცელებულ პრესრელიზში იმასაც აღნიშნავს, რომ შიდა და გეოპოლიტიკური ტურბულენტობის ფონზე, გაურკვევლობა გაიზარდა,რა პირობებშიც წარმოქმნილი შესაძლო რისკების მართვისთვის ცენტრალური ბანკი რამდენიმე სცენარს განიხილავს. სტუმარი: მარინა გულედანი - კაპიტალის ბაზრის ექსპერტი; #ახალიამბები #BusinessMediaGeorgia
ეროვნულმა ბანკმა მორიგ ჯერზე რეფინანსირების განაკვეთი უცვლელად, 8%-ზე დატოვა. სებ-ი აღნიშნავს, რომ 2024 წლის დეკემბერში საქართველოში მიზნობრივ 3%-ზე დაბალი 1.9%-იანი ინფლაცია დაფიქსირდა, ხოლო 2025 წლის მეორე ნახევარში მოსალოდნელია, რომ ინფლაციამ 3%-ს გადააჭარბოს, თუმცა შემდგომ წლის ჭრილში მაინც 3%-ის მიდამოში დასტაბილურდება. მაღალი გაურკვევლობის პირობებში წარმოქმნილი შესაძლო რისკების მართვისთვის ცენტრალური ბანკი რამდენიმე სცენარს განიხილავს. რა არგუმენტებით შეინარჩუნა ეროვნულმა ბანკმა რეფინანსირების განაკვეთი უცვლელად და როგორია მოლოდინები? #ახალიამბები #BusinessMediaGeorgia
ეროვნულ ვალუტაში გაცემული იპოთეკური და სამომხმარებლო სესხების საპროცენტო განაკვეთი გაიზარდა - ამის შესახებ ეროვნული ბანკის მიერ გამოქვეყნებული სტატისტიკიდან ხდება ცნობილი. ანგარიშის თანახმად, 2024 წლის დეკემბერში იპოთეკური კრედიტების განაკვეთმა ლარში საშუალოდ 12.63% შეადგინა, რაც ნოემბერთან შედარებით 0.6 პროცენტული პუნქტით მეტია. ერთწლიან ჭრილში კი ამ სესხების განაკვეთი 1.37 პროცენტული პუნქტით არის გაძვირებული. საბანკო ასოციაციაში განმარტავენ, რომ სესხებზე განაკვეთების ზრდა მათ შორის, ბანკებისთვის გაზრდილ ხარჯებს და რისკებს უკავშირდება. რატომ იზრდება სესხებზე საპროცენტო განაკვეთები და რა მოლოდინი აქვთ ეკონომისტებს რეფინანსირების განაკვეთთან დაკავშირებით, რომელზეც ეროვნული ბანკი ხვალ მიიღებს გადაწყვეტილებას. #ახალიამბები #BusinessMediaGeorgia
ყავის ფასი საერთაშორისო ბირჟაზე ისტორიულ მაქსიმუმზეა. მიზეზი ყავის მწარმოებელ ტროპიკულ ქვეყნებში მომატებული ბუნებრივი კატაკლიზმების ფონზე გართულებული წარმოებაა, რამაც მიწოდების ჯაჭვები ჩამოშალა. ყველაზე რთულ მდგომარეობაში ბრაზილიაა, რომელიც მსოფლიოში არსებული ყავის 40%-ის წარმოებაზეა პასუხისმგებელი. გლობალურ ბაზარზე ყავაზე ფასის ზრდა უკვე აისახა ქართულ ბაზარზეც. დარგობრივი ასოციაციის ინფორმაციით, საერთაშორისო კომპანიებმაც ადგილობრივ დისტრიბუტორებს ფასი გაუზარდეს. რა გავლენა აქვს საერთაშორისო ბაზარზე ერთ-ერთ ყველაზე ხშირად მოხმარებად პროდუქტზე ფასის მნიშვნელოვან ზრდას საქართველოზე, რომელიც წლის განმავლობაში 7 ათას ტონაზე მეტ ყავას მოიხმარს. #ახალიამბები #BusinessMediaGeorgia
მცდელობა ნომერი სამი და შედეგი კვლავ უშედეგო. საჯარო მოსამსახურეები დამოუკიდებელი პროფესიული კავშირის ოფიციალურ რეგისტრაციას ვერ ახერხებენ. პროფკავშირების დაფუძნების მიზანი თავიდანვე იმ საჯარო მოხელეების მხარდაჭერა იყო, რომელთაც შესაძლოა პარტიულ ზეწოლის გამო პრობლემები შეექმნათ. ორგანიზაცია, სახელწოდებით "საჯარო მოსამსახურეთა დამოუკიდებელი პროფესიული კავშირი — კონსტიტუციის 78-ე მუხლი" ამჟამად არასრულად წარმოადგენს საჯარო სექტორში დასაქმებულ იმ პირებს, რომლებმაც საჯარო განცხადებებით გამოხატეს ერთგულება საქართველოს კონსტიტუციის 78-ე მუხლში გაცხადებული საქართველოს მოსახლეობის ნებისა და სახელმწიფოს ეროვნული ინტერესების მიმართ, რაც გულისხმობს ქვეყნის სუვერენიტეტის, ტერიტორიული მთლიანობის, ევროპული და ევრო ატლანტიკური მისწრაფებების დაცვას. ორგანიზაციის შექმნაზე გავრცელებულ პირველ განცხადებებშივე ნათქვამი იყო, რომ ორგანიზაცია დაფუძნებისთანავე დღის წესრიგში დააყენებს იმ რეპრესიული აქტის საკითხს, რომელიც მიზნად ისახავს საჯარო სამსახურებში პოლიტიკური წმენდის დაკანონებას. პროფესიული კავშირი მზად არის, მიმართოს კანონის ფარგლებში არსებულ ყველა ზომას და დაიცვას საჯარო მოსამსახურეების უფლებები. სტუმარი: კახი სამხარაძე - დამფუძნებელი #ახალიამბები #BusinessMediaGeorgia
კიდევ ერთი დაპირება ქართული ოცნებისგან- აბუ-დაბიში ჩასული ირაკლი კობახიძე ირწმუნება, რომ ემაარ ჯგუფი საქართველოში მსხვილი ინვესტიციით შემოვა. მისგან გავიგეთ, რომ საუბარია მულტიფუნქციურ დეველოპერულ პროექტებზე თბილისსა და გონიოში, მეტი დეტალით, თუმცა არა სრულად, ინფორმაცია გაავრცელა არაბთა გაერთიანებული საამიროების ბიზნეს სიახლეების პლატფორმამ. მასში აღნიშნულია, რომ საქართველოში ინვესტიციას ემაარის შვილობილი კომპანია იგლ ჰილსი ჩადებს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) / 28.01.2025 სოსო ფხაკაძის პირველი კომენტარი მის შესაძლო დასანქცირებაზე; სახელმწიფომ „კურორტ საირმეს“, ვანში მიწის ნაკვეთი საინვესტიციო ვალდებულებით გადასცა; ბათუმის პორტის ტვირთბრუნვა გაეზარდა, თუმცა საკონტეინერო ტვირთი შეუმცირდა; 2024 წელს საქართველოში ვაშლის იმპორტი 70%-ით გაიზარდა; #ახალიამბები #BusinessMediaGeorgia
კიდევ ერთი მასშტაბური დაპირება ქართული ოცნებისგან- აბუ-დაბიში ჩასული ირაკლი კობახიძე ირწმუნება, რომ ემაარ ჯგუფი საქართველოში მსხვილი ინვესტიციით შემოვა. ოცნების პრემიერისგან მხოლოდ ის გავიგეთ, რომ საუბარია მულტიფუნქციურ დეველოპერულ პროექტებზე თბილისსა და გონიოში, მეტი დეტალით, თუმცა არა სრულად, ინფორმაცია გაავრცელა არაბთა გაერთიანებული საამიროების ბიზნეს სიახლეების პლატფორმამ. მასში აღნიშნულია, რომ საქართველოში ინვესტიციას ემაარის შვილობილი კომპანია იგლ ჰილსი ჩადებს. #ახალიამბები #BusinessMediaGeorgia
ეროვნულ ვალუტაში გაცემული იპოთეკური და სამომხმარებლო სესხების საპროცენტო განაკვეთი გაიზარდა - ამის შესახებ ეროვნული ბანკის მიერ გამოქვეყნებული სტატისტიკიდან ხდება ცნობილი. ანგარიშის თანახმად, 2024 წლის დეკემბერში იპოთეკური კრედიტების განაკვეთმა ლარში საშუალოდ 12.63% შეადგინა, რაც ნოემბერთან შედარებით 0.6 პროცენტული პუნქტით მეტია. ერთწლიან ჭრილში კი ამ სესხების განაკვეთი 1.37 პროცენტული პუნქტით არის გაძვირებული. გაზრდილია სამომხმარებლო სესხების განაკვეთიც. რა არის სესხებზე საპროცენტო განაკვეთების ზრდის მიზეზი და რა მოლოდინი აქვთ ეკონომისტებს რეფინანსირების განაკვეთთან დაკავშირებით, რომელზეც მონეტარული პოლიტიკის კომიტეტის სხდომაზე იქნება გადაწყვეტილება მიღებული? სტუმარი: სალომე ჯანელიძე - Energy Community-ს წარმომადგენლობის ხელმძღვანელი საქართველოში #ახალიამბები #BusinessMediaGeorgia
ეროვნულ ვალუტაში გაცემული იპოთეკური და სამომხმარებლო სესხების საპროცენტო განაკვეთი გაიზარდა - ამის შესახებ ეროვნული ბანკის მიერ გამოქვეყნებული სტატისტიკიდან ხდება ცნობილი. ანგარიშის თანახმად, 2024 წლის დეკემბერში იპოთეკური კრედიტების განაკვეთმა ლარში საშუალოდ 12.63% შეადგინა, რაც ნოემბერთან შედარებით 0.6 პროცენტული პუნქტით მეტია. ერთწლიან ჭრილში კი ამ სესხების განაკვეთი 1.37 პროცენტული პუნქტით არის გაძვირებული. გაზრდილია სამომხმარებლო სესხების განაკვეთიც. რა არის სესხებზე საპროცენტო განაკვეთების ზრდის მიზეზი და რა მოლოდინი აქვთ ეკონომისტებს რეფინანსირების განაკვეთთან დაკავშირებით, რომელზეც მონეტარული პოლიტიკის კომიტეტის სხდომაზე იქნება გადაწყვეტილება მიღებული? #ახალიამბები #BusinessMediaGeorgia
ქართულ ავიაკომპანიებს თვითმფრინავების ლიზინგით გაცემაზე უარს ეუბნებიან. მიზეზი ისაა, რომ საქართველო ჯერ კიდევ არ არის მიერთებული საერთაშორისო კონვენციას, რომელიც სახელშეკრულებო პირობების დარღვევის შემთხვევაში სალიზინგო კომპანიების უფლებების დაცვას უზრუნველყოფს. ქართული ბიზნესი ამბობს, რომ საკითხი დღეს ავიაციის სექტორისთვის ერთ-ერთი მთავარი გამოწვევაა. კერძო სექტორი კეიპტაუნის კონვენციასთან საქართველოს მიერთების დროულ რატიფიცირებას ითხოვს. #ახალიამბები #BusinessMediaGeorgia
"განვიხილავთ მოსაზრებებს ავტოსადგურების რეფორმის ვადებზე" - ეკონომიკის სამინისტრო ავტოსადგურების წარმომადგენლებს შეხვდა, სადაც ბაზრის რეფორმასთან დაკავშირებით არსებულ გამოწვევებზე მოხდა მსჯელობა. რეფორმის ვადები ერთ-ერთი საკითხი იყო, რომელიც ბიზნესის მხრიდან იყო დაყენებული, მათი თქმით, შესაძლოა მგზავრთგადამყვანმა ოპერატორებმა დადგენილ ვადებში ავტოსატრანსპორტო საშუალებების ჩანაცვლება ვერ შეძლონ, რაც მგზავრთგადაყვანებს გარკვეულ რისკებს უქმნის. ამის პარალელურად შეხვედრაზე ბიზნესს სააგენტო "აწარმოე საქართველოს" პროგრამა შესთავაზა, რითაც ერთი მხრივ არსებული ავტოპარკის ჩანაცვლების და მეორე მხრივ ავტოსადგურების ინფრასტრუქტურის მოწესრიგებისთვის სესხების პროცენტის სუბსიდირება მოხდება. #ახალიამბები #BusinessMediaGeorgia
ბიზნესის განწყობა და მოლოდინები უარესდება. "აისეტის" თანახმად, 2025 წლის I კვარტლისთვის ბიზნესის განწყობის ინდექსი 8.8 პუნქტით შემცირდა და -5-ს გაუტოლდა. კვლევითი ორგანიზაციის ინფორმაციით, ბიზნესის მოლოდინების გაუარესების მთავარი მიზეზი ქვეყანაში შექმნილი არასტაბილური ვითარება და მოთხოვნის კლებაა. ბიზნესის განწყობის ყველაზე მკვეთრი გაუარესება მომსახურების სექტორში დაფიქსირდა. #ახალიამბები #BusinessMediaGeorgia
ქართულ ავიაკომპანიებს თვითმფრინავების ლიზინგით გაცემაზე უარს ეუბნებიან. მიზეზი ისაა, რომ საქართველო ჯერ კიდევ არ არის მიერთებული საერთაშორისო კონვენციას, რომელიც სახელშეკრულებო პირობების დარღვევის შემთხვევაში სალიზინგო კომპანიების უფლებების დაცვას უზრუნველყოფს. ქართული ბიზნესი ამბობს, რომ საკითხი დღეს ავიაციის სექტორისთვის ერთ-ერთი მთავარი გამოწვევაა. კერძო სექტორი კეიპტაუნის კონვენციასთან საქართველოს მიერთების დროულ რატიფიცირებას ითხოვს. #ახალიამბები #BusinessMediaGeorgia
"განვიხილავთ მოსაზრებებს ავტოსადგურების რეფორმის ვადებზე" - ეკონომიკის სამინისტრო ავტოსადგურების წარმომადგენლებს შეხვდა, სადაც ბაზრის რეფორმასთან დაკავშირებით არსებულ გამოწვევებზე მოხდა მსჯელობა. რეფორმის ვადები ერთ-ერთი საკითხი იყო, რომელიც ბიზნესის მხრიდან იყო დაყენებული, მათი თქმით, შესაძლოა მგზავრთგადამყვანმა ოპერატორებმა დადგენილ ვადებში ავტოსატრანსპორტო საშუალებების ჩანაცვლება ვერ შეძლონ, რაც მგზავრთგადაყვანებს გარკვეულ რისკებს უქმნის. ამის პარალელურად შეხვედრაზე ბიზნესს სააგენტო აწარმოე საქართველოს პროგრამა შესთავაზა, რითაც ერთი მხრივ არსებული ავტოპარკის ჩანაცვლების და მეორე მხრივ ავტოსადგურების ინფრასტრუქტურის მოწესრიგებისთვის სესხების პროცენტის სუბსიდირება მოხდება. რა პრობლემური საკითხები იყო ბიზნესის მხრიდან დაყენებული შეხვედრაზე და რა შესთავაზა კერძო სექტორს სააგენტომ? #ახალიამბები #BusinessMediaGeorgia
ქართულ-რუსული - საქართველოში ახალი ბიზნესასოციაცია დაფუძნდა. მისი ხელმძღვანელი ბიზნესმენი ზაზა ნიშნიანიძეა. “მეიდან ჯგუფის ერთ-ერთი დამფუძნებელი #BMG-სთან აცხადებს, რომ ასოციაციის მიზანი იქნება, იმ ბიზნესმენებს დაეხმაროს, რომლებიც რუსეთში ექსპორტით არიან დაკავებული. მისი თქმით, ასოციაციაში გაწევრიანების სურვილი როგორც საქართველოში, ისე რუსეთში მცხოვრებმა ბიზნესმენებმა გამოთქვეს. ასოციაციის შექმნის ერთ-ერთი ინიციატორი, „ბოლერო და კომპანიის“ გენერალური დირექტორი, ირაკლი ბექაურია. მისი კომპანია ღვინის მსხვილი მწარმოებელი და რუსეთში მსხვილი ექსპორტიორია. პარალელურად, კრემლიდან ისმის, რომ საქართველოსთან დიპლომატიური ურთიერთობის აღდგენისთვის მზად არიან. რას ნიშნავს ქართულ-რუსული ასოციაციის შექმნა და არის თუ არა ეს პოლიტიკურად ნაკარნახევი ნაბიჯი? სტუმარი: ვალერი ჩეჩელაშვილი - სტრატეგიული ანალიზის ცენტრის გეოპოლიტიკური კვლევების ხელმძღვანელი; #ახალიამბები #BusinessMediaGeorgia
ბიზნესის განწყობა უარესდება. 2025 წლის I კვარტლისთვის ბიზნესის განწყობის ინდექსი 8.8 პუნქტით შემცირდა და -5-ს გაუტოლდა. ISET-ის ინფორმაციით, ბიზნესის განწყობის ყველაზე დიდი გაუარესება მომსახურების სექტორში დაფიქსირდა. კვლევითი ორგანიზაციის ცნობით, მიმდინარე მდგომარეობის ინდექსი, რომელიც კომპანიების მიერ გასული კვარტლის განმავლობაში საკუთარი ეკონომიკური მდგომარეობის შეფასებას ეყრდნობა, გასული წლის IV კვარტალთან შედარებით, 22 პუნქტით შემცირდა და ამ წლის I კვარტლისთვის -18.6-ს გაუტოლდა. როგორც ორგანიზაციაში აცხადებენ, ბიზნესის განწყობის და მოლოდინების გაუარესების მთავარი მიზეზი ქვეყანაში შექმნილი არასტაბილური ვითარება და მოთხოვნის კლებაა. #ახალიამბები #BusinessMediaGeorgia
ქვეყანაში შექმნილი პოლიტიკური კრიზისი დეკემბერში დასაქმების ბაზარზეც აისახა. PMCG-ის დასაქმების თრექერის მიხედვით, დეკემბერში jobs.ge-ზე 4,964 ვაკანსია გამოქვეყნდა. ნოემბერთან შედარებით კლება 20.2%, წინა წლის შესაბამის პერიოდთან შედარებით კი 5%-ია. ვაკანსიების კლებაზე საუბრობენ ქვეყნის კიდევ ერთ მსხვილ დასაქმების სააგენტოშიც. გამოკვეთილია სტუმარ-მასპინძლობის ინდუსტრია, სადაც ფაქტობრივად ახალ კადრებს აღარ ეძებენ. როგორ მოქმედებს ქვეყანაში მიმდინარე პროცესები შრომის ბაზარზე და განსაკუთრებით რომელ სექტორებშია შემცირებული ვაკანსიები. #ახალიამბები #BusinessMediaGeorgia
საქართველოში ბიზნეს ასოციაცია "ქართულ-რუსული" შეიქმნა, რომლის ხელმძღვანელიც ბიზნესმენი ზაზა ნიშნიანიძეა. ბიზნესმენის თქმით, ასოციაციის შექმნის მიზეზი სპონტანური იყო და მასში გაერთიანებას ის ბიზნესები გეგმავენ, რომელთა პროდუქციაც რუსეთში იყიდება. ძირითადი ბიზნესები, ვინც ამ მხრივ გაერთიანებაში თავს მოიაზრებენ ღვინის ბიზნესიდან არიან, ამბობს ნიშნიანიძე. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 24.01.2025 „გადაიხადე რამდენიც გინდა“ და გამოუცხადე სოლიდარობა და მხარდაჭერა სინდისის პატიმრის, ვეფხია კასრაძის ოჯახს - პალიტრა L; "€10 მილიონის ჰოლანდიური ინვესტიცია ჩაიშალა" – ბექა ბექაია მიზეზებს განმარტავს; დეკემბერში ახალი იპოთეკური სესხების მოცულობა შემცირდა - თიბისი კაპიტალი; ევროპელიდან აზიელ ტურისტებზე გადართვა რთულია - კაფე “ლაილას” დამფუძნებელი; #ახალიამბები #BusinessMediaGeorgia
რუსეთთან ვაჭრობის ხელშეწყობისთვის საქართველოში ბიზნესასოციაცია "ქართულ-რუსული" ფუძნდება, რომლის ხელმძღვანელი ბიზნესმენი ზაზა ნიშნიანიძეა. “მეიდან ჯფუგის ერთ-ერთი დამფუძნებელი ბიემჯისთან კომენტარს აკეთებს და აცხადებს, რომ ასოციაციის მიზანი იქნება, იმ ბიზნესმენებს დაეხმაროს, რომლებიც რუსეთში ექსპორტით არიან დაკავებული. მისი თქმით, ასოციაციაში გაწევრიანების სურვილი როგორც საქართველოში, ისე რუსეთში მცხოვრებმა ბიზნესმენებმა გამოთქვეს. #ახალიამბები #BusinessMediaGeorgia
იმ ფონზე, როდესაც მთავრობა ოპტიმიზმს ინარჩუნებს და არ გამორიცხავს, რომ წელს ეკონომიკურმა ზრდამ 9%-ს გადააჭარბოს, ანალიტიკური ორგანიზაციების და ბიზნესის ნაწილის მოლოდინები, კვლავ ნეგატიურია. მაგალითად, PMC კვლევითი ცენტრის მოლოდინით, შექმნილი პოლიტიკური კრიზისის ფონზე, საბაზო სცენარით, წელს საქართველოს ეკონომიკა შესაძლოა, 2-3%-ით გაიზარდოს. ცოტა ხნის წინ ჩვენ ასევე ვიხილეთ საკონსულტაციო კომპანია Reformatics-ის პროგნოზებიც, რომლის თანახმადაც 2025 წელს საქართველოში ნულოვანი ეკონომიკური ზრდა ან 2%-იანი რეცესიაა მოსალოდნელი, რაც თავის მხრივ, "ქართული ოცნების" იზოლაციის პოლიტიკასა და მზარდ საერთაშორისო სანქციებს უკავშირდება. როგორია მიმდინარე წელთან დაკავშირებით ბიზნესის მოლოდინები და როგორი ეკონომიკური აქტივობით დაიწყო წელი? სტუმარი: ლევან ყარალაშვილი - “საქართველოს რეკონსტრუქციისა და განვითარების კომპანიის“ აღმასრულებელი დირექტორი #ახალიამბები #BusinessMediaGeorgia
ენერგო-პრო ჯორჯიას“ ქსელში მიკროსიმძლავრის ელექტროსადგურების დადგმულმა სიმძლავრემ გამანაწილებელი ქსელის პიკური დატვირთვას გადააჭარბა. სემეკმა ქსელში არსებული გამოწვევების ფონზე, მზის ელექტროსადგურებისთვის დასაშვები დადგმული სიმძლავრის შემცირების გადაწყვეტილება მიიღო. მარეგულირებელში აცხადებენ, რომ ამ გამოწვევების დასაძლევად, საქართველომ დაუყოვნებლივ უნდა დააწესოს ახალი მონაწილეებისთვის ნეტო აღრიცხვის ეტაპობრივი გაუქმების ბოლო ვადა, არაუგვიანეს 2026 წლის 31 დეკემბრისა და ამავდროულად, უნდა ჩამოყალიბდეს ეტაპობრივი გადასვლის გეგმა არსებული მომხმარებლებისთვის. როგორ ფასდება გადაწყვეტილება როგორც ბიზნესის, ისე მარეგულირებლის მხრიდან? #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 23.01.2025 დეკემბერში უნაღდო დანახარჯების ზრდის ტემპი შენელდა - თიბისი კაპიტალი; ძვირფასი ლითონების მადნების ექსპორტით საქართველომ რეკორდული შემოსავალი მიიღო; საქართველომ მინერალური წყლის ექსპორტით $163.7 მლნ-ის შემოსავალი მიიღო; "2024 წელს EBRD-ის დაფინანსების 56% მწვანე პროექტებზე მოდიოდა" - კინწურაშვილი; #ახალიამბები #BusinessMediaGeorgia
არ მგონია, ხელისუფლება იმ მდგომარეობაში იყოს, რომ დღეს შუა დერეფნის განვითარებას კოორდინაცია აქტიურად გაუწიოს - ამის შესახებ ევროკავშირი-საქართველოს ბიზნესსაბჭოს გენერალურმა მდივანმა ზვიად ჭუმბურიძემ დღეს შავი ზღვის პლატფორმის ყოველწლიურ კონფერენციაზე მედიასთან განაცხადა. შუა დერეფანში ტვირთბრუნვის ზრდის ტემპი შენელდა, რომლის განმაპირობებელ ფაქტორად ბიზნესის წარმომადგენლები გაუმართავ ინფრასტრუქტურას და მაღალ ტარიფებს ასახელებენ. #ახალიამბები #BusinessMediaGeorgia
საქართველოში საწვავი გაძვირდა. ბოლო დღეების განმავლობაში მსხვილ ბენზინგასამართ სადგურებზე ფასები 5-8 თეთრით დაკორექტირდა. შედეგად, რამდენიმე თვიანი სტაბილური ფასების შემდეგ, კომპანიების ნაწილში ევრო რეგულარის ტიპის საწვავის ფასმა 3 ლარსა და 5 თეთრს მიაღწია, ხოლო სუპერის ღირებულებამ 3 ლარს და 63 თეთრს. ბოლოდროინდელ გაძვირებას ნავთოიმპორტიორ კომპანიებში საერთაშორისო ბაზარზე ნავთობის ფასის ზრდას და ასევე ლარის გაუფასურებას უკავშირებენ. კომპანიების ნაწილში არ გამორიცხავენ, რომ ადგილობრივ ბაზარზე საწვავის გაძვირების ტენდენცია გაგრძელდეს. #ახალიამბები #BusinessMediaGeorgia
ვალუტის კურსის ცვლილების მიღმა ბიზნესების ნაწილის განწყობა და პროგნოზები რომელიც ეკონომიკის ზრდის ტემპის მინიმუმ შენელებას უკავშირდება ირაკლი კობახიძისთვის არასანდოა და 2025 წლის შედეგებსაც პოზიტიურს ელოდება. სახელმწიფო კანცელარიაში გამართულ პრესკონფერენციაზე კობახიძემ მედიის კითხვებს თბილისში ახალი სტადიონის მშენებლობის ხელშესაწყობად შექმნილი უწყებათაშორისი კომისიის პირველი სხდომის შემდეგ უპასუხა. ოფიციალური რელიზის მიხედვით, მთავრობას ახალი სტადიონის მშენებლობისთვის საკონსულტაციო მომსახურებას ჰოლანდიური კომპანია გაუწევს და სტადიონის კონცეფციის შექმნაში უეფას ექსპერტები მიიღებენ მონაწილეობას, რასთან დაკავშირებითაც უახლოეს დღეებში შესაბამისი ხელშეკრულება გაფორმდება. #ახალიამბები #BusinessMediaGeorgia
არ მგონია, ხელისუფლება იმ მდგომარეობაში იყოს, რომ დღეს შუა დერეფნის განვითარებას კოორდინაცია აქტიურად გაუწიოს - ამის შესახებ ევროკავშირი-საქართველოს ბიზნესსაბჭოს გენერალურმა მდივანმა ზვიად ჭუმბურიძემ დღეს შავი ზღვის პლატფორმის ყოველწლიურ კონფერენციაზე მედიასთან განაცხადა, სადაც დერეფნის გამოწვევებსა და შესაძლებლობებზე იმსჯელეს. ამ მულტიმოდალურ დერეფანში, რომელიც მრავალი მოთამაშის სინქრონულ მუშაობას მოითხოვს, გამოწვევები ისევ ნარჩუნდება, რა რეალობით ხვდება შუა დერეფანი 2025 წელს - ანუკა ჯოხაძე ესწრებოდა შავი ზღვის ყოველწლიურ კონფერენციას და ადგილზე გაკეთებული შეფასებებით გვიერთდება. #ახალიამბები #BusinessMediaGeorgia
„შუა დერეფანში“ ტვირთბრუნვის ზრდის ტენდენცია 2024 წელსაც შენარჩუნდა, თუმცა ზრდის ტემპი შენელდა. "ტრანსკასპიური საერთაშორისო სატრანსპორტო მარშრუტის ასოციაციის“ მონაცემებით, გასულ წელს ამ გზით 3.3 მლნ ტონა ტვირთის გადაზიდვა მოხდა, წლიურად ზრდა 20.5%-ია.მაშინ როდესაც 2023 წელს ზრდა 86%-ს შეადგენდა. საპირისპიროა ტენდენცია კონტეინერების გადაზიდვის მიმართულებით. კონტეინერების რაოდენობა წლიურად თითქმის გასამმაგდა. ამ გზით 56 500 კონტეინერი გადაიზიდა, თუმცა ზრდას საკონტეინერო გადაზიდვებში 2023 წელს მკვეთრმა კლებამაც შეუწყო ხელი. ამ მულტიმოდალურ დერეფანში, რომელ მრავალ მოთამაშის სინქრონულ მუშაობას მოითხოვს, გამოწვევები ისევ ნარჩუნდება, რომელზედ დღეს დღეს შავი ზღვის პლატფორმის ყოველწლიურ კონფერენციაზე იმსჯელეს. როგორ მუშაობს დღეს შუა დერეფანი და როგორ უნდა გამოიყენოს ქვეყანამ ეს შესაძლებლობა? სტუმარი: სალომე დანელია - ეკონომიკის დოქტორი, პროფესორი / Silk Road Consulting -ის პარტნიორი #ახალიამბები #BusinessMediaGeorgia
წინანდალში "თბილღვინოს“ პარტნიორთა ყოველწლიურ კონფერენციას მასპინძლობს, რომელსაც წელს ღვინის ინდუსტრიის წამყვანი პროფესიონალები მსოფლიოს 10-ზე მეტი ქვეყნიდან სტუმრობენ. მათ შორის დიდი ბრიტანეთიდან, კანადიდან, საფრანგეთიდან, პოლონეთიდან თუ ახალი ზელანდიიდან. კონფერენციის ფარგლებში თბილღვინო პარტნიორებს ახალ პრემიალური ხაზის ღვინოებს წარუდგენს. რა გეგმები აქვს კომპანიას და როგორი იქნება თბილღვინოს გლობალური პოზიციონირება? სტუმარი: ზურაბ მარგველაშვილი - „თბილღვინოს“ აღმასრულებელი დირექტორი; #ახალიამბები #BusinessMediaGeorgia
"სელფი მობაილი" Vodafone Group-ის პარტნიორი გახდა. ქართულმა მობილურმა ოპერატორმა ევროპის ერთ-ერთ წამყვან ტელეკომ კომპანიასთან პარტნიორობის ხელშეკრულება დღეს გააფორმა. პარტნიორობის ფარგლებში Vodafone მხარდაჭერას უწევს სელფი მობაილს გაციფრულებაში, ამასთან, თანამშრომლობის ფარგლებში პირველი პროდუქტი სელფი მობაილის მომხმარებლებისთვის უკვე ხელმისაწვდომია. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 22.01.2025 "ნანუკას ფონდი” TBC-ს გამოყოფილი ფინანსური რესურსით 100 სტუდენტს დაეხმარა; დეკემბერში jobs.ge-ზე გამოქვეყნებული ვაკანსიების რაოდენობა შემცირდა - PMCG; სანამ GMP სტანდარტი ამოქმედდებოდა 80 წარმოება იყო და ახლა, მხოლოდ ოთხია - ასოციაცია; ქართული ღვინის პოპულარიზაციისთვის 2025 წელს ბიუჯეტიდან ₾17.4 მილიონი დაიხარჯება - სააგენტო; #ახალიამბები #BusinessMediaGeorgia
ქართული ღვინის პოპულარიზაციისთვის წელს 17 მლნ 400 ათასი ლარი დაიხარჯება. ღვინის ეროვნული სააგენტოს ინფორმაციით, მარკეტინგული აქტივობები ისეთ ბაზრებზე განხორციელდება როგორიცაა აშშ, დიდი ბრიტანეთი, გერმანია, პოლონეთი და ა.შ. ამ ფონზე ქართული ღვინის ექსპორტის 66% კვლავ რუსეთზე მოდის. ღვინის მწარმოებელ კომპანიებში ამბობენ, რომ ახალი საექსპორტო ბაზრების უკეთ ასათვისებლად მეტი მარკეტინგული აქტივობებია საჭირო. ექსპორტიორ კომპანიებში ასევე აღნიშნავენ, რომ მიმდინარე წლისთვის მათთვის სტრატეგიული ბაზარი ევროპასთან ერთად აზიის ქვეყნებიც იქნება, მათ შორის სამხრეთ კორეა და იაპონია. #ახალიამბები #BusinessMediaGeorgia
2024 წელს საქართველოდან ექსპორტზე მილიარდ 200 მილიონი დოლარის 34560 ავტომობილი ყირგიზეთში გავიდა. ეს საქართველოს სტატისტიკის ეროვნული სამსახურის ინფორმაციაა, თუმცა ყირგიზეთის სტატისტიკის სამსახურის ინფორმაციით, მათი იმპორტი საქართველოდან $61 მილიონ დოლარს და 5,440 ავტომობილს შეადგენდა. ეკონომისტები არ გამორიცხავენ, რომ საქართველოდან გაგზავნილ და ჩასულ ავტომობილებს შორის ასეთი სხვაობის მიზეზი ის იყოს, რომ მანქანები საბოლოოდ არა ყირგიზეთში, არამედ სანქცირებულ რუსეთში ხვდებოდეს. ბიზნესის ნაწილის თქმით კი ამერიკისა და ევროკავშირის მხრიდან შეზღუდვების ამოქმედების შემდეგ, რამდენიმე ქართული კომპანია გაჩნდა, რომელიც რუს ბიზნესმენებს მანქანების გატანაში ეხმარება. #ახალიამბები #BusinessMediaGeorgia
ცნობადობის ნაკლებობა ფინანსებზე ხელმისაწვდომობის პრობლემა და კადრების დეფიციტი- ეს ის ძირითადი საკითხებია, რაც დღეს ქვეყანაში ბიზნესების მწვანე ტრანსფორმაციის პროცესს აფერხებს. საკითხებზე დღეს პირველ ყოველწლიურ სამიტზე- “საქართველო მწვანე სამიტი: ინოვაციური გადაწყვეტილებები მდგრადი მომავლისთვის” იმსჯელეს, რომელიც მიზნად ისახავს მწვანე ეკონომიკის განვითარებასა და მდგრადი ბიზნესის გადაწყვეტილებების წახალისებას. რამდენად ახერხებენ ბიზნესები მწვანე ინიციატივების განხორციელებას, რამდენად იზრდება ქვეყანაში განახლებადი ენერგიების წილი და რა როლი აქვს ამ პროცესში დონორ ორგანიზაციებს? #ახალიამბები #BusinessMediaGeorgia
ქართული ღვინის პოპულარიზაციისთვის წელს 17 მლნ 400 ათასი ლარი დაიხარჯება. ღვინის ეროვნული სააგენტოს ინფორმაციით, მარკეტინგული აქტივობები ისეთ ბაზრებზე განხორციელდება როგორიცაა აშშ, დიდი ბრიტანეთი, გერმანია, პოლონეთი და ა.შ. ამ ფონზე ქართული ღვინის ექსპორტის 66% კვლავ რუსეთზე მოდის. ღვინის მწარმოებელ კომპანიებში ამბობენ, რომ ახალი საექსპორტო ბაზრების უკეთ ასათვისებლად მეტი მარკეტინგული აქტივობებია საჭირო. ექსპორტიორ კომპანიებში ასევე აღნიშნავენ, რომ მიმდინარე წლისთვის მათთვის სტრატეგიული ბაზარი ევროპასთან ერთად აზიის ქვეყნებიც იქნება, მათ შორის სამხრეთ კორეა და იაპონია. #ახალიამბები #BusinessMediaGeorgia
ცნობადობის ნაკლებობა, ფინანსებზე ხელმისაწვდომობის პრობლემა და კადრების დეფიციტი- ეს ის ძირითადი საკითხებია, რაც დღეს ქვეყანაში ბიზნესების მწვანე ტრანსფორმაციის პროცესს აფერხებს. საკითხებზე დღეს პირველ ყოველწლიურ სამიტზე- “საქართველო მწვანე სამიტი: ინოვაციური გადაწყვეტილებები მდგრადი მომავლისთვის” იმსჯელეს, რომელიც მიზნად ისახავს მწვანე ეკონომიკის განვითარებასა და მდგრადი ბიზნესის გადაწყვეტილებების წახალისებას. რამდენად ახერხებენ ბიზნესები მწვანე ინიციატივების განხორციელებას, რამდენად იზრდება ქვეყანაში განახლებადი ენერგიების წილი და რა როლი აქვს ამ პროცესში დონორ ორგანიზაციებად? #ახალიამბები #BusinessMediaGeorgia
შვეიცარიაში, დავოსში ყოველწლიური ეკონომიკური კონფერენცია დაიწყო, რომელმაც მსოფლიოს წამყვანი ქვეყნების პოლიტიკურ და ეკონომიკურ ლიდერებს მოუყარა თავი. Davos 2025 ერთი თემის ქვეშ ერთიანდება: "კოლაბორაცია ინტელექტუალური ეპოქისთვის". შესაბამისად, წლევანდელ ფორუმზე დამსწრე ლიდერები იმსჯელებენ ისეთ საკითხებზე, როგორებიცაა ტექნოლოგიური განვითარება, ინოვაცია და მისი როლი კრიზისების მართვაში, ასევე მდგრადობა. დავოსში იქნებიან 350-ზე მეტი სამთავრობო ლიდერი სხვადასხვა ქვეყნიდან. მათ შორის სამიტს ჩაერთვება ამერიკის 47-ე პრეზიდენტი დონალდ ტრამპიც. იქვეა 1600-ზე მეტი ბიზნესმენი, მათ შორის 900-ზე მეტი CEO ანუ კომპანიების პირველი პირები, მსოფლიოს წამყვანი გამომგონებლები და ინდუსტრიის ლიდერები. ჩვენ იქ არ ვართ წარმოდგენილი და ეს არის პირველი შემთხვევა ბოლო ოცწლეულში, როცა საქართველო დავოსის ეკონომიკურ ფორუმზე მიწვეული არ არის. ის რომ „ოცნებას“ მოსაწვევი არ მოუღია დაადასტურა მთავრობის ადმინისტრაციამ, პირველი ვიცე-პრემიერი კი ამბობს, რომ დავოსის ეკონომიკური ფორუმი საქართველოს დელეგაციისთვის წელს პრიორიტეტული არ იყო. რას იღებს და კარგავს ქვეყანა მსგავს ფორუმებში მონაწილეობით ან არ მონაწილეობით და რატომ არის მნიშვნელოვანი იყო იქ, სადაც მსოფლიო ლიდერები მსჯელობენ? სტუმარი: ქეთი ბოჭორიშვილი - ეკონომიკის მინისტრის ყოფილი მოადგილე; #ახალიამბები #BusinessMediaGeorgia
20 იანვარს, BAG-ის ოფისში, საქართველოს ბიზნეს-ასოციაციის სამეთვალყურეო საბჭოს გაფართოებული შეხვედრა გაიმართა, სადაც განხილვის მთავარი თემა ქვეყანაში მიმდინარე პროცესებთან დაკავშირებით ყველაზე მსხვილი ბიზნესასოციაციის მიერ პოზიციის დაფიქსირება-არდაფიქსირება იყო. რაზე შეჯერდნენ BAG-ის წევრები. #ახალიამბები #BusinessMediaGeorgia
ტურიზმის სექტორმა დანაკარგების დათვლა დაიწყო. სასტუმროების ნაწილში აცხადებენ, რომ დეკემბერში მოთხოვნა თითქმის 60%-ით შეუმცირდათ, ბევრი ჯავშანი არც იანვარ-თებერვალში აქვთ. ამასთან, შემცირებულია საქმიანი კონფერენციები და შეხვედრები. აქაც კლება, ბიზნესის ნაწილის თქმით, 60%-ია. კრიზისის ფაზაშია რესტორნებიც. კერძო სექტორში ამბობენ, რომ თბილისის რესტორნების გარკვეული რაოდენობა უკვე დაიხურა. #ახალიამბები #BusinessMediaGeorgia
საქართველოში ინფლაციური მოლოდინები უარესდება- ეროვნული ბანკის თანახმად, ნოემბერთან შედარებით, 1 წლის ინფლაციური მოლოდინები დეკემბერში გაიზარდა. ეროვნული ბანკის კვლევამ აჩვენა, რომ 1 წლის მანძილზე პროდუქტებისა და მომსახურების ფასების ზრდის მოლოდინებიც გაზრდილია. რესპონდენტების უმრავლესობა აღნიშნავს, რომ ფასების ზრდას 4%-6%-ისა და 6%-8%-ის ფარგლებში მოელის. შემცირდა იმ ადამიანების რიცხვი, ვინც ფასების ზრდას 0%-2%-იან ფარგლებში ელოდება. #ახალიამბები #BusinessMediaGeorgia