თეო ქობალია, ქართული პრემიუმ ბრენდ MOLMAUNI-ს დამფუძნებელი და კრეატიული დირექტორია, რომლის შემოქმედებაც თანამედროვე ტექნოლოგიური პროგრესისა და ღრმა, სულიერი ესთეტიკის გადაკვეთაზე დგას. როგორც ამბობს მისთვის, მოდა სულის გაგრძელებაა, სადაც ვიქტორიანული ელეგანტურობა და ძველი სამყაროს დახვეწილობა ქალის შინაგან ძალასა და სინაზეს ერწყმის. ბრენდის სახელი, რომელიც მეგრულად „გამომყევი“-ს ნიშნავს, სიმბოლური მოწვევაა იმ პიროვნული გზის გასაზიარებლად, რომელიც დიზაინერმა აფხაზეთიდან დევნილობისა და რთული გამოწვევების ფონზე გაიარა. სწორედ ნარჩენი ქსოვილებისგან შექმნილმა პირველმა სამოსმა და დანაკარგის სილამაზედ გარდაქმნის გამოცდილებამ ჩაუყარა საფუძველი ბრენდს, რომელიც რამდენიმე თვის წინ მაღალი მოდის ჩვენებაზე მსოფლიოს ბრენდების გვერდით ვიხილეთ. სტუმარი: თეო ქობალია - Molmauni, დამფუძნებელი და კრეატიული დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საერთაშორისო ორგანიზაციების მათ შორის, მსოფლიო ეკონომიკური ფორუმის და სხვადასხვა კვლევითი ინსტიტუტის მონაცემებზე დაყრდნობით, ბოლო წლებში რადიკალურად იზრდება მოზარდებსა და ახალგაზრდებში ტექნოლოგიური პროფესიების ათვისების ტენდენცია, რაც ციფრულ უნარებზე გლობალური მოთხოვნის უპრეცედენტო მატებით არის განპირობებული. ადრეულ ასაკში პროგრამირების, ხელოვნური ინტელექტისა თუ მონაცემთა მეცნიერების შესწავლა ახალგაზრდებს უვითარებს კრიტიკულ და ალგორითმულ აზროვნებას. თავის მხრივ, ახალგაზრდა ტექ-ტალანტების გაჩენას და ბაზარზე მათ ინტეგრაციას უდიდესი ეკონომიკური უკუგება აქვს. ისინი აჩქარებენ ბიზნესის ციფრულ ტრანსფორმაციას, ხელს უწყობენ ინოვაციური სტარტაპ-ეკოსისტემების ჩამოყალიბებას, იზიდავენ უცხოურ ინვესტიციებს და ქვეყნის ეკონომიკა გადაჰყავთ მაღალანაზღაურებად, ცოდნაზე დაფუძნებულ მოდელზე, რაც გრძელვადიან პერსპექტივაში ქვეყნის კონკურენტუნარიანობისა და მთლიანი შიდა პროდუქტის ზრდის ფუძეა. სწორედ ამ გლობალურ ტენდენციებსა და ეკონომიკურ საჭიროებებს ეხმიანება „რესქულის“ ახალი ინიციატივები, რომლებმაც თანამედროვე განათლება კიდევ უფრო ხელმისაწვდომი და მრავალფეროვანი გახადა. კომპანია „გალფთან“ სტრატეგიული პარტნიორობით დაიწყო რეგიონებში მცხოვრები ახალგაზრდების ტექნოლოგიური ცოდნით გაძლიერების უფასო პროექტი, რომლის პირველი სამიზნე გურია გახდა - იანვარში 25-მა ოზურგეთელმა მოზარდმა ვებ-პროგრამირების 18-თვიანი კურსი დაიწყო. ამასთან, „გალფის“ დაფინანსებითვე, თბილისში 25 სოციალურად დაუცველი ახალგაზრდა ხელოვნური ინტელექტის 18-თვიან შემსწავლელ პროგრამაში ჩაერთო. რე სქულს სიახლეები აქვს პროგრამების მიმართულებითაც? სტუმარი: სალომე მგელაძე - re:school, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
უცხოელი კონსტრუქტორები&გიდები საქართველოში ოპერირებას ვეღარ გააგრძელებენ - დარგის სპეციალისტების შეფასება სტუმარი: ქეთევან ბურნაძე - “ტურიზმის პროფკავშირები”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მუდმივი ბინადრობის არ მქონე უცხოელები საქართველოში კურიერებად, ტაქსის მძღოლებად და გიდებად ვეღარ დასაქმდებიან, სხვა დანარჩენ შემთხვევაში კი შესაბამისი საქმიანობის ნებართვის აღება მოუწევთ. შესაბამისი დადგენილება ირაკლი კობახიძის ხელმოწერით უკვე გამოქვეყნებულია. ახალი წესით, კონკრეტულ საქმიანობებზე ნულოვანი კვოტა დაწესდა, რაც დასახელებულ სფეროებში უცხოელების დასაქმებას სრულად ზღუდავს. თვითდასაქმებულებისთვის, ვინც უკვე საქმიანობს საქართველოში, აღსრულების მექანიზმები მათ მიმართ 2026 წლის 1 მაისიდან ამოქმედდება. უკვე რეგისტრირებული იმიგრანტებისთვის: მათ, ვისაც 2026 წლის 1 მარტისთვის აქტიური სტატუსი აქვთ ბაზაში, უფლებისა და ბინადრობის მოსაპოვებლად ვადა 2027 წლის 1 იანვრამდე ეძლევათ..ამ საკითხს დღეს კონკრეტულად გიდების ჭრილში განვიხილავთ და აქვე გავიხსენებთ იმასაც, რომ ქართველი გიდების ნაწილი წლებია უცხოელი გიდების საქმიანობის აკრძალვას ითხოვს. რამდენად მისაღებია ახლა მათთვის ქართული ოცნების გადაწყვეტილება, თუ არსებობს კითხვები, რომლებიც კერძო სექტორის კვლავ პასუხგაუცემლად დარჩა? სტუმარი: ნუცა ცქიმანაური - გიდი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს შრომის ბაზარი დღეს - მდგომარეობა & ტენდენციები სტუმარი: მედეა ტაბატაძე - საკონსულტაციო და რეკრუტინგული კომპანია Insource, მმართველი პარტნიორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
✔️ 2022 წლამდე რეგისტრირებულ კომპანიებს რეესტრში ამონაწერის განახლებისთვის ვადა 31 მარტამდე აქვს ✔️ თამთა მარგველაშვილის პროფესიული არჩევანი და კარიერული გზა ✔️ "ნოდია, ურუმაშვილი და პარტნიორები" - სიახლეები და სამომავლო გეგმები ✔️ რჩევები მომავალ იურისტებს პროფესიონალისგან სტუმარი: თამთა მარგველაშვილი - "ნოდია, ურუმაშვილი და პარტნიორები", კონკურენციის, კაპიტალისა და ფინანსური ბაზრების მიმართულების დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე ცხოვრების რიტმიდან გამომდინარე, შინაური ცხოველების პატრონებს ხშირად უწევთ მივლინებაში ან შვებულებაში წასვლა, ოთხფეხა მეგობრის დატოვება კი ერთ-ერთი ყველაზე დიდი სტრესია. სწორედ ამ პრობლემის გადასაჭრელად წლების წინ ბაზარზე ახალი და როგორც აღმოჩნდა ძალიან მოთხოვნადი სერვისი- ძაღლების სასტუმრო გამოჩნდა. როგორ უნდა შექმნა ბიზნესი, სადაც მთავარი პროდუქტი ნდობაა და რა პასუხისმგებლობებთან არის დაკავშირებული ათეულობით უცხო ცხოველის ერთ სივრცეში მართვა? სტუმარი: ხათუნა მელიქიშვილი - ძაღლების სასტუმრო "ები", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ნათია ბერიძე ექიმების ოჯახში გაიზარდა, თუმცა 1991 წელს გადაწყვიტა, რომ მისი პაციენტები არა ადამიანები, არამედ ცხოველები იქნებოდნენ. ეს არჩევანი შემთხვევითი არ ყოფილა - 11 წლის ასაკში ის სწორედ ძაღლმა გადაარჩინა სიკვდილს. მას შემდეგ, უკვე 35 წელია ვეტერინარია და 22 წელია, საკუთარ კერძო კლინიკას მართავს. სტუმარი: ნათია ბერიძე - “ნათია ბერიძის ვეტ კლინიკა", დამფუძნებელი, ვეტექიმი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
"ჯულსი" არის ბრენდი, რომელიც 2017 წლიდან ოპერირებს ქართულ ბაზარზე და მისმა დამფუძნებელმა, ჯულიეტა ადანაიამ, საყვარელი შემოქმედებითი პროცესი წარმატებულ ბიზნესად აქცია. „ჯულსი“ მომხმარებელს ექსკლუზიურ ხელნაკეთ ფეხსაცმელებს, ჩანთებსა და საფულეებს სთავაზობს, 2024 წლიდან კი კომპანიამ ძველი და საყვარელი ნივთების რესტავრაციაც დაიწყო. გარდა წარმოებისა, ბრენდი გამორჩეულია საავტორო მასტერკლასებითაც, სადაც ტყავზე მუშაობის შესწავლა და საკუთარი ხელით ნივთების შექმნა ნებისმიერ მსურველსა შეუძლია. როგორ ვითარდება ბრენდი, რამდენად იზრდება ქართულ ნაწარმზე მოთხოვნა და რა გეგმები აქვს კომპანიას? სტუმარი: ჯულიეტა ადანაია - “ჯულს”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სამკაულების ახალი, ქართული ბრენდი „ბიზუ“ ბაზარზე მხოლოდ ერთი წლის წინ გამოჩნდა, თუმცა მაშინვე მიიქცია ყურადღება თავისი ძლიერი, ექსპრესიული ვიზუალური იდენტობითა და ფერთა თამამი პალიტრით. ბრენდის სავიზიტო ბარათად იქცა ბეჭედი Candy და მისი ელეგანტური ვერსია Lulu, რომელთა ათეულობით ფერადი ვარიაცია მომხმარებელს საკუთარი სტილის შექმნის სრულ თავისუფლებას აძლევს. „ბიზუს“ თითოეული ნივთი ხელოვნებაა.. პირველივე წელს შექმნილი განსხვავებული კოლექციები და გამორჩეული, კრეატიული ვიზუალური კამპანიები ნათლად აჩვენებს ბრენდის უწყვეტ დინამიკას. სტუმარი: ანუშკა ხაჩიძე - BIZU, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
დღეს საქართველოს ფარგლებს მიღმა არაერთი საინტერესო კონცეფციის, რაც მთავარია ხარისხისა და მიმართულების რესტორანი ოპერირებს, რომელსაც ქართული კულტურა, გემოები, იდენტობა საერთაშორისო ბაზრებზე გააქვს. სწორედ ერთ-ერთი ასეთი ობიექტია პეპელა, გერმანიაში კერძოდ ქალაქ დიუსელდორფში მდებარე რესტორანი, რომელიც 2017 წელს გაიხსნა და მას შემდეგ სტუმრებს ქართულ გემოს აცნობს. როგორია პეპელას 2025 წლის შედეგები, გეგმები და მიზნები? სტუმარი: ქეთი პიატკოვსკი - რესტორანი "პეპელა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოში ევროპული ყაიდის პირველი რესტორნები და კვების ესთეტიკა მე-19 საუკუნის მეორე ნახევრიდან დამკვიდრდა, როდესაც სუფრამ უბრალო „პურობიდან“ კულტურული დიალოგისა და დახვეწილი მასპინძლობის რანგში გადაინაცვლა. ძველი ქუთაისი ყოველთვის იყო ადგილი, სადაც სტუმრის დახვედრა ხელოვნებად, ხოლო სამზარეულო - ქალაქის სავიზიტო ბარათად ითვლებოდა. ეს ისტორიული ხაზი არ გაწყვეტილა და დღეს ის ცალკეულ ადამიანებს მოაქვთ, რომლებიც საკუთარი საქმით გვახსენებენ, რომ ნამდვილი გემო დროს არ ექვემდებარება. სწორედ ასეთი ავთენტური, იმერული და რაც მთავარია, „შინაურული“ სტუმართმოყვარეობის სიმბოლოა ადამიანი, რომელმაც შეძლო და თავისი საქმიანობით ქუთაისური გასტრონომიული რუკის განუყოფელი ნაწილი შექმნა. რესტორანი დები დღეს თითქმის ყველამ იცის და არამარტო ქუთაისში არამედ საქართველოში. სტუმარი: მარიკა თვარაძე - რესტორანი "დები", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ბრენდი "რექლესი" ქართველმა მომხმარებელმა პირველად 2020 წელს გაიცნო. ეს არის ტანსაცმლის ბრენდი, რომელიც სპეციალურად თინეიჯერებისთვის შეიქმნა და მათ გემოვნებას, სურვილებს, ყოველდღიურ პრობლემებსა თუ ცვალებად განწყობებს ეფუძნება. ბრენდი რომელიც მხოლოდ სამოსს კი არ ქმნის, არამედ ახალი თაობის ცხოვრების სტილისა და მათი ღირებულებების შესახებ ჰყვება მნიშვნელოვან ამბავს. ბრენდის 6-წლიანი განვითარების ისტორია სწორედ ამ იდეებისა და ახალგაზრდული სულისკვეთების გარშემო ერთიანდება, რაც მას თანამედროვე ქართულ ბაზარზე გამორჩეულ ადგილს უმკვიდრებს. სტუმარი: სალომე გველესიანი - RECKLESS, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ფეხსაცმლის წარმოების ისტორია მეოცე საუკუნის დასაწყისში გლიკერია ჯანელიძის სახელს უკავშირდება, რომელმაც თბილისში პირველი სახელოსნო-ფაბრიკა გახსნა და საკუთარი გამორჩეული ხელწერით ევროპული აღიარებაც მოიპოვა, რაც 1910-იან წლებში პარიზის გამოფენაზე მიღებული ოქროს მედლით დაგვირგვინდა. ეს საუკუნოვანი ტრადიცია დღეს ახალ სიცოცხლეს იძენს და ბაზარზე ჩნდებიან ბრენდები, რომლებიც ისტორიულ ხარისხს თანამედროვე მხატვრულ ხედვასა და ინდივიდუალიზმს უხამებენ. სწორედ ასეთია ბრენდი „ხუხუა“, რომლის მთავარი სლოგანია „ფეხსაცმელი, რომელიც შეუმჩნეველი არ დარჩება“. არასრული ორი წელია, რაც კომპანია ქართველი მომხმარებლისთვის ხარისხიან, ფერად და განსხვავებულ ფეხსაცმელს ქმნის, რომლის თითოეული დიზაინის უკან პროფესიით მხატვარი დგას. ბრენდის იდეა საქართველოს კუთხეების, განსაკუთრებით კი აფხაზეთის გამორჩეული სილამაზით არის შთაგონებული, რაც მის პროდუქციას კიდევ უფრო ემოციურსა და ავთენტურს ხდის. წარმატებული სტარტიდან სულ მოკლე დროში „ხუხუას“ საერთაშორისო ბაზარზე გასვლის გეგმებიც ჰქონდა. სტუმარი: ნათია ლატარია - “ხუხუა”, ბიზნესის განვითარების მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„გოგორა“ - ეს არის ბრენდი, სადაც ბავშვებზე ზრუნვა და თანამედროვე დიზაინი ერთმანეთს ხვდება. კომპანიის საქმიანობა მხოლოდ მაღალი ხარისხის საბავშვო ავეჯის წარმოებით არ შემოიფარგლება; ეს არის სოციალური მისია, რომელიც მიზნად ისახავს ქვეყანაში ბავშვის განვითარებაზე ორიენტირებული გარემოს შექმნასა და ამ მიმართულებით ცნობიერების ამაღლებას. „გოგორას“ თითოეული ნივთი პატარების შემეცნებითი და ფიზიკური ზრდისთვის იქმნება, რაც მათ ყოველდღიურობას უფრო საინტერესოსა და უსაფრთხოს ხდის. სტუმარი: ნინო რაზმაძე - "გოგორა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Proxima Solutions-ი 11-წლიანი გამოცდილების მქონე ERP-სისტემების დეველოპერული კომპანიაა. Proxima-ს სერვისების პორტფელშია, როგორც სამუშაო პროცესების მართვის სისტემების დანერგვა, ასევე მობილური აპლიკაციების დეველოპმენტი, მონაცემთა ანალიზი და ბიზნესისთვის აუცილებელი სხვა სერვისები. Proxima Solutions-ი საქართველოში ორი დიდი დასავლური კომპანიის - Microsoft-ის და Odoo-ს პარტნიორია… როგორ ეხმარება Proxima ქართულ კომპანიებს და რა საინტერესო გადაწყვეტებს სთავაზობს ის Odoo-ს პლატფორმის მეშვეობით? სტუმარი: ნინო კაკაბაძე - Proxima Solutions, odoo-ს პროდუქტის განვითარების ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ხელოვნური ინტელექტის დანერგვა სამუშაო გარემოში დღეს არა მხოლოდ ტექნოლოგიური, არამედ ღრმა კულტურული ტრანსფორმაციაა, სადაც ლიდერ პოზიციებს საინფორმაციო ტექნოლოგიების, ფინანსური სექტორისა და მარკეტინგის სფეროები იკავებენ, თუმცა პროცესის ეპიცენტრში სულ უფრო მეტად HR დეპარტამენტები ექცევიან. LinkedIn-ის უახლესი გლობალური კვლევების ანალიზი აჩვენებს, რომ HR პროფესიონალთა 70%-ზე მეტი AI-ს განიხილავს როგორც „ნიჭის მართვის“ რევოლუციურ ინსტრუმენტს, რომელიც მათ საშუალებას აძლევს, რუტინული ადმინისტრირებიდან სტრატეგიულ პარტნიორობაზე გადავიდნენ; კერძოდ, ეიჩარების როლი დღეს ტრანსფორმირდება „ცვლილებების აგენტად“, რომელმაც უნდა უზრუნველყოს თანამშრომელთა გადამზადება (upskilling), ეთიკური ბალანსის დაცვა ალგორითმულ გადაწყვეტილებებსა და ადამიანურ ინტუიციას შორის, და რაც მთავარია, იმგვარი გარემოს შექმნა, სადაც AI არა ადამიანის შემცვლელად, არამედ მისი შესაძლებლობების გამაფართოებელ პარტნიორად აღიქმება. კვლევები ადასტურებს, რომ იმ ორგანიზაციებში, სადაც HR აქტიურად მართავს AI-ს ინტეგრაციის პროცესს და ფოკუსირებულია „მომავლის უნარების“ განვითარებაზე, თანამშრომელთა ჩართულობა და პროდუქტიულობა საგრძნობლად მაღალია, რადგან ტექნოლოგიური პროგრესი აქ არა შიშს, არამედ განვითარების ახალ პერსპექტივას უკავშირდება. რა როლი აქვს სამუშაო პროცესებში ეიაის ჩართულობას და რა ვითარებაა დღეს ამ მიმართულებით საქართველოში? სტუმარი: სალომე ღაჭავა - HRPA-ს აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ვაუჩი“ - საჩუქრის ჩუქების ვებ-პლატფორმა როგორია მოთხოვნა wowchy-ზე მოახლოებულ დღესასწაულებთან დაკავშირებით? wowchy – 2025 წლის შეჯამება და სამომავლო გეგმები სტუმარი: თათია ხაინდრავა - “ვაუჩი”, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
პროფესია - სტომატოლოგი; როგორ ვითარდება სტომატოლოგიური დარგი საქართველოში? - რჩევები მომავალ ექიმებს; სტუმრები: ნუცა ზურაბიანი - ექიმი, იმპლანტოლოგი-ორთოპედი ნანა სულაძე - ექიმი, ბავშვთა სტომატოლოგი. #ქალებისნარატივი მარიამ იზორიასთან ერთად #ახალიამბები #BusinessMediaGeorgia
პროფესია - ექიმის - უკან ადამიანები დგანან, ადამიანები, რომლებიც ცდილობენ თავიანთი ცოდნა, ენერგია და მზრუნველობა სხვების ჯანმრთელობასა და სილამაზეს მოახმარონ, პარალელურად კი შეინარჩუნონ ოჯახური ჰარმონია და იყვნენ საუკეთესო მაგალითი შვილებისთვის. სტუმარი: დაკო სუდაძე - დერმატოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საბავშვო ტანისამოსისა და აქსესუარების მწარმოებელი ბრენდი „უნიკი“ უკვე 6 წელია სტაბილურად იზრდება და სამკერვალოსთან ერთად, ბაზარზე უკვე შოურუმითაც არის წარმოდგენილი. როგორ იქცა ონლაინ-გაყიდვები ბიზნესის მთავარ მამოძრავებელ ძალად და როდის გავა ქართული საბავშვო სამოსი ექსპორტზე? სტუმარი: მაგდა ზაქარიაშვილი - “უნიკი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორი იყო თბილისელების ჩაცმულობა საუკუნეების წინ - ანნა მერკვილაძის სამკერვალო #ახალიამბები #BusinessMediaGeorgia
მაღაზიათა ქსელები, ბანკები, სამედიცინო დაწესებულებები თუ სამშენებლო სექტორი ეს იმ ინდუსტრიების მცირე ჩამონათვალია, რომლის ვიზუალურ მხარეზეც კომპანია სტიჩი ზრუნავს. ბრენდი აწარმოებს ნებისმიერი სირთულისა და დანიშნულების უნიფორმებსა და სპეცტანსაცმელს. თუმცა, „სტიჩი“ მხოლოდ სამკერვალო არ არის ,კომპანია მომხმარებელს სთავაზობს სრული ციკლის მომსახურებას: დიზაინის შემუშავებიდან დაწყებული, ეკომეგობრული ბეჭდვითა და ქარგვით დამთავრებული. მათი პორტფელი მოიცავს აქსესუარების დამზადებასაც - იქნება ეს შარფები, დროშები თუ ბრენდირებული ჩანთები. „სტიჩის“ მთავარი ხელწერა, როგორც კომპანიაში აღნიშნავენ, ხარისხი და გუნდური მუშაობაა, რაც საბოლოო ჯამში დამკვეთ კომპანიას ეხმარება, გაზარდოს ცნობადობა და დაიცვას საერთაშორისო სტანდარტები. როგორ ვითარდება ბრენდი და რა მონაგარს ასახავს 2025-ის შედეგები? სტუმარი: ეკა კამკამიძე - "სტიჩი", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში საქორწინო ტურიზმის პოპულარიზაცია და
საქართველოში საქორწინო ტურიზმის პოპულარიზაციისთვის ტურიზმის ეროვნულმა ადმინისტრაციამ კომპანია VIVAAH WEDDING PARTIES ORGANAZING-ს 592 613 დოლარის ღირებულების ხელშეკრულება გაუფორმა. VIVAAH WEDDING-ი ქორწილების დაგეგმვისა და ორგანიზების წამყვანი კომპანიაა, რომელიც კლიენტებს სთავაზობს ქორწილთან დაკავშირებით ყველა ტიპის მომსახურებას: ადგილის შერჩევას, გადაღებას, საქორწილო დეკორაციებს და სხვა სახის მომსახურებას. ასევე საკმაოდ ფართოა იმ ქვეყნების ჩამონათვალი, სადაც როგორც საიტზე ვკითხულობთ, კომპანია ქორწინების ცერემონიას აორგანიზებს. როგორც ირკვევა, დუბაიში რეგისტრირებული კომპანიისგან ტურიზმის ადმინისტრაცია მარკეტინგულ სარეკლამო მომსახურებას სამ ეტაპად ერთი წლის განმავლობაში მიიღებს. ხელშეკრულების დანართების თანახმად, სარეკლამო ღონისძიებები ძირითად საქორწინო მიმართულებით საქართველოს პოპულარიზებას ეხება. ღონისძიებები დუბაისა და ინდოეთის სამ ქალაქში გაიმართება: მუმბაიში, დელიში და აჰმედაბადში. კიდევ ერთი ღონისძიების ჩატარება იგეგმება დუბაიში. შესყიდვების სააგენტოზე გამოქვეყნებული დოკუმენტის მიხედვით, ხელშეკრულების ღირებულება მოიცავს, როგორც მომსახურების, ასევე ხელშეკრულების შესრულებასთან დაკავშირებით გაწეულ ყველა ხარჯს. აქვე იმასაც შეგახსენებთ, რომ 2025 წელს, ტურიზმის ადმინისტრაციამ ინდურ ბაზარზე ტურიზმის მარკეტინგის წარმართვისთვის 407 ათას დოლარად კომპანია THINKSTRAWBERRIES LUXURY TRAVEL MARKETING PVT-ი დაიქირავა. სტუმარი: ანა კირკიტაძე - OA Global DMC Georgia, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
იცით თუ არა, რომ მე-19 საუკუნის 80-90-იან წლებში, გორი ნამდვილი სამოთხე იყო ტკბილეულის მოყვარულთათვის? ქალაქში დიდი რაოდენობით და ფართო ასორტიმენტით იყიდებოდა სხვადასხვა სახის კანფეტები, შოკოლადები, კარამელები, კრემიანი ნამცხვრები თუ „კულიჩები“. გორის პირველი კონდიტერები კი სპეციალურად მოწვეული ოსტატები იყვნენ თბილისიდან, რუსეთიდან და საზღვარგარეთიდანაც კი. მათ შორის გამორჩეული იყო ტრაპზონიდან ჩამოსული, სომხური წარმოშობის თურქი - ჟაკ ოვანიანი. მას ჭავჭავაძის ქუჩაზე ჰქონდა პატარა, მაგრამ ძალიან კარგად მოწყობილი საკონდიტრო, რომელსაც მარტივად და ლაკონიურად - „ჟაკი“ ერქვა. რატომ გავიხსენე ეს ისტორია? იმიტომ, რომ ტკბილეულის კეთება მხოლოდ რეცეპტების ცოდნა არ არის, ეს არის ტრადიცია, სტუმარზე ზრუნვა და მუდმივი განვითარება. სწორედ ამ ტრადიციის თანამედროვე გამგრძელებელია ჩვენი დღევანდელი სტუმარი. კომპანია „ტკბილი“ სულ რაღაც 2022 წელს დაარსდა. მათმა ისტორიამ სტარტი ონლაინ სივრცეში აიღო. თუმცა, დიდი შრომისა და უწყვეტი განვითარების შედეგად, დამფუძნებელმა და მისმა გუნდმა შეძლეს, რომ დღეს უკვე საკუთარი საკონდიტროებითა და ორი ფილიალით იყვნენ წარმოდგენილნი. სტუმარი: სალომე ბიწაძე - “ტკბილი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოში შაქრის წარმოება ძმებ ზუბალაშვილებთან არის დაკავშირებული. 1837 წლის დასაწყისში ქართველმა მეწარმემ იაკობ ზუბალაშვილმა მიიღო ნებართვა რუსეთის იმპერიის მთავრობისგან შაქრის საწარმოს ასაშენებლად. საწარმოს პირველი შენობა თბილისში აშენდა , კონკრეტულად ვერაზე - პეტრიაშვილის ქუჩაზე, რომელიც ახლა ღვინის ქარხნის ფუნქციას ეწევა. #ახალიამბები #BusinessMediaGeorgia
საქართველოში რამდენიმე თვეა შაქრის ახალი ბრენდი "შაქარი მარგებელი" გამოჩნდა, მისი მწარმოებელი კომპანია ჯანი პლიუსია სადაც აცხადებენ, რომ „შაქარი მარგებელი“ 6-ჯერ ტკბილია, რაც იმას ნიშნავს, რომ მომხმარებელი 6-ჯერ ნაკლებ კალორიას იღებს. კომპანიაში ისიც აღნიშნეს რომ „შაქარი მარგებელის“ უსაფრთხოება და ეფექტიანობა შეისწავლეს თსსუ-ის ფარმაკოლოგიური და სამკურნალო საშუალებების კვლევის ჯგუფმა და თსუ-ის მორფოლოგიის ინსტიტუტმა, რაც საბოლოოდ საქართველოს ჯანდაცვის სამინისტროს მიერ დადასტურდა. რამდენად იზრდება მოთხოვნა შაქარი მარგებელზე და სად იყიდება პროდუქტი? სტუმარი: ია ბახტურიძე - “ჯანი პლიუსის” კომერციული დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
PMC კვლევითი ცენტრის განახლებული სტატისტიკა აჩვენებს, რომ იანვარში სასტუმროებში ფასი წლიურად 9%-ით გაიზარდა - მათი ინფორმაციით წლიურად კი ზრდაა, თუმცა იანვარში საქართველოს სასტუმროს ფასების ინდექსი წინა თვესთან შედარებით, 0.8%-ით არის შემცირებული. სტუმარი: მარიამ ჯაში - PMCG, უმცროსი მკვლევარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
იანვარში სასტუმროებში ფასი წლიურად 9%-ით გაიზარდა - PMC კვლევითი ცენტრი განახლებულ სტატისტიკას აქვეყნებს. მათი ინფორმაციით წლიურად კი ზრდაა, თუმცა იანვარში საქართველოს სასტუმროს ფასების ინდექსი წინა თვესთან შედარებით, 0.8%-ით არის შემცირებული. PMC კვლევითი ცენტრის ცნობითვე, ყველაზე მაღალი საშუალო ფასი 5-ვარსკვლავიან სასტუმროებზე მცხეთა-მთიანეთში - 1016 ლარი, თბილისში - 535 ლარი და კახეთში - 518 ლარი იყო. კახეთში პრემიუმ კლასის სასტუმრო ბოდბე, 2024 წელს გაიხსნა. ბოდბე 130ზე მეტ ნომერს - სპა და ფიტნეს ცენტრებს, ღია და გარე აუზებს, ღვინის ბარს, მარანს, მაღალი კლასის რესტორანს, ლაუნჯ ბარს 360 გრადუსიანი ხედით და საკონფერენციო დარბაზს აერთიანებს. ჩვენი დღევანდელი სტუმარი ქეთი ბახტურიძეა, ის ბოდბეს მარკეტინგის მიმართულებას ხელმძღვანელობს, აქვე გეტყვით, რომ მას მარკეტინგისა და კომუნიკაციების სფეროში 15-წლიანი გამოცდილება. მისი პროფესიული პორტფოლიო აერთიანებს როგორც ადგილობრივ, ისე საერთაშორისო ბაზრებს , მათ შორის სრულიად განსხვავებულ ინდუსტრიებში - იქნება ეს F&B, ხელოვნება, წარმოება, ელექტრონული კომერცია თუ ღვინის სექტორი. სტუმარი: ქეთი ბახტურიძე - “ბოდბე”, მარკეტინგის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
PMC კვლევითი ცენტრის უახლესი მონაცემები საქართველოს სასტუმრო სექტორში საინტერესო, არაერთგვაროვან დინამიკაზე მიუთითებს. 2026 წლის იანვარში ფასების საერთო ინდექსი წინა თვესთან შედარებით მცირედით შემცირდა, თუმცა წლიურ ჭრილში სურათი რადიკალურად განსხვავებულია და თითქმის 9%-იანი ზრდა ფიქსირდება. საგულისხმოა კონტრასტი სეგმენტებს შორისაც: სანამ ბრენდირებულ და მაღალი კლასის სასტუმროებში ღირებულების კლება შეინიშნება, საოჯახო ტიპის განთავსების ობიექტებში ფასები, პირიქით, იზრდება. ამასთან, ყველაზე მაღალი ღირებულება 5-ვარსკვლავიან სეგმენტში კვლავ მცხეთა-მთიანეთში ნარჩუნდება, სადაც ნომრის ფასი საშუალოდ 1000 ლარს აჭარბებს. Best Western Premier Batumi 14 სართულისგან შემდგარი 5 ვარსკვლავიანი სასტუმროა, რომელიც ბათუმში, ზურაბ გორგილაძის ქუჩაზე მდებარეობს. 100-ზე მეტი ნომერი, სპა, საცურაო აუზი, რესტორნები. როგორია სასტუმრო სექტორში არსებულ ვითარება? სტუმარი: თამარ მაზიაშვილი - Best Western Premier Batumi დირექტორი და გენერალური მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
1872 წელს თბილისში საპნისა და სანთლების ქარხანა გაიხსნა. მისი მფლობელი ანა ტოლე - გრინერი იყო. საწარმოში ქარხნული წესით ამზადებდნენ საპონს და სტეარინის სანთლებს. 1880 წელს ქარხანაში 600 ფუთი სტეარინის სანთელი და 15 000 ფუთი საპონი დამზადდა. ხელნაკეთი სანთლების დამზადების წესს და ისტორიას დღეს ქართველი მეწარმეებიც აგრძელებენ და ბოლო წლების ჭრილში არაერთი, ახალი, ორიგინალური კომპანიაც გაჩნდა, მათგან ერთ-ერთი GlowcandleGeo-ა, ეს არის კომპანია, რომელიც დეკორატიულ სურნელოვან სანთლებს ქმნის. როგორია კომპანიის ისტორია, განვითარება და გეგმები? სტუმარი: ნანუკა ქობულაძე - GlowcandleGeo-ს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ხელნაკეთი პროდუქციის მრავალფეროვნებასა და ბუნებრიობაზე საუბრისას, გვერდს ვერ ავუვლით ბრენდს „კუმპიტო“, რომელიც ბაზარზე 2020 წელს გამოჩნდა და ამ ინდუსტრიაში მალევე დაიკავა საკუთარი ნიშა. ეს არის კომპანია, რომელიც მომხმარებელს ნატურალური ინგრედიენტებისგან დამზადებულ, უმაღლესი ხარისხის საპნებსა და თავის მოვლის საშუალებების ფართო ასორტიმენტს სთავაზობს. ბრენდი აქტიურ კომუნიკაციას ინარჩუნებს მომხმარებელთან და მუდმივად მონაწილეობს სხვადასხვა თემატურ გამოფენა-გაყიდვებში, რაც კიდევ უფრო უსვამს ხაზს მათ მზარდ ცნობადობასა და განვითარებას. სტუმარი: ნინო გუნია - “კუმპიტოს” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული სოციალური საწარმო „გახდი ჩემი მეგობარი“ ამტკიცებს, რომ ბიზნესი შეიძლება იყოს ორიენტირებული არა მხოლოდ მოგებაზე, არამედ ადამიანების გაძლიერებაზე. ეს არის სივრცე, სადაც ფუნქციონირებს სახელოსნო და იქ დასაქმებული შეზღუდული შესაძლებლობის მქონე პირები საკუთარი ხელით ქმნიან გამორჩეული დიზაინის სანთლებსა და სხვა ხელნაკეთ ნივთებს. სტუმარი: ლია ასანიშვილი - სოციალური თერაპევტი, სანთლების სახელოსნოს ხელმძღვანელი, კავშირის გამგეობის წევრი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
1821 წლის სამ თებერვალს ელიზაბეთ ბლეკუელი დაიბადა, ის იყო პირველი ამერიკელი მედიკოსი ქალი, რომელმაც მიიღო სამედიცინო ხარისხი აშშ-ში. ის ასევე გახლდათ ქალთა სამედიცინო განათლების პიონერი, სოციალური და მორალური რეფორმატორი აშშ-სა და ბრიტანეთში. #ახალიამბები #BusinessMediaGeorgia
ყველის წარმოების მრავალსაუკუნოვანი ისტორია დღეს ახალ სიცოცხლეს პოულობს იმ ახალგაზრდა მეწარმეებთან, რომლებიც ტრადიციასა და კრეატივს ერთმანეთს სრულყოფილად უხამებენ. სწორედ ასეთი ამბავია „ჩიზუკა“ - ბრენდი, რომლის ფესვებიც ჯერ კიდევ 1996 წელს, წალკის რაიონის სოფელ სანთაში დაწყებულ საოჯახო ბიზნესს უკავშირდება. თითქმის სამი ათწლეულის წინ დათესილი მარცვალი დღეს უკვე თანამედროვე, ინოვაციურ წარმოებად იქცა, რომელიც ქართულ ბაზარზე დამოუკიდებლად მეორე წელია ოპერირებს და მომხმარებელს არა მხოლოდ კლასიკურ გემოებს, არამედ სრულიად უნიკალურ, ფერად ყველს სთავაზობს. „ჩიზუკას“ წარმატების ფორმულა საკუთარ ფერმასა და ადგილობრივ ფერმერებთან მჭიდრო თანამშრომლობაშია, რაც ნედლეულის უმაღლეს ხარისხს განაპირობებს. განსაკუთრებული აღნიშვნის ღირსია ბრენდის გამბედაობა და მუდმივი ძიების პროცესი - მათ უკვე მოახერხეს ბაზრის გაოცება ვიზუალურად და გემოვნურად გამორჩეული პროდუქციით, ახლა კი კიდევ ერთ ექსპერიმენტულ სიახლეს, იასამნისფერი ლავანდას ყველს წარადგენენ. სტუმარი: ვიკა იობიძე - "ჩიზუკა", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყველაფერი 1815 წელს, 3 თებერვალს, შვეიცარიაში დაიწყო, როდესაც პირველი კომერციული ყველის ქარხნის გახსნამ სამუდამოდ შეცვალა რძის პროდუქტების ინდუსტრია და საფუძველი ჩაუყარა იმ ლეგენდარულ ხარისხს, რომლითაც ეს ქვეყანა დღემდე ამაყობს. შვეიცარიული ყველის ისტორია სათავეს ალპების მაღალმთიან საძოვრებზე, ადგილობრივი ფერმერებისა და ბერებისგან იღებს, რომლებიც ჯერ კიდევ შუა საუკუნეებში რძის შენახვის უნიკალურ გზებს ეძებდნენ და პირველ "მაგარ ყველს" ამზადებდნენ. მას შემდეგ, რაც 1815 წელს იოჰან ემანუელ ეფინგერმა ბერნის კანტონში პირველი კომერციული საწარმო გახსნა, ამ პროდუქტმა ლოკალური მეურნეობებიდან გლობალურ ბაზრებზე გადაინაცვლა. მე-19 საუკუნეში შვეიცარიელმა ემიგრანტებმა თავიანთი ცოდნა და ტექნოლოგია ამერიკაში, რუსეთსა და აღმოსავლეთ ევროპაში გაავრცელეს, რამაც საფუძველი ჩაუყარა ყველის წარმოების დღევანდელ გლობალურ მასშტაბებს. ორსაუკუნოვანი განვითარების შემდეგ, თანამედროვე ყველის წარმოება უკვე გასცდა მხოლოდ ტრადიციული რეცეპტების ჩარჩოებს და მაღალტექნოლოგიურ, ზუსტ მეცნიერებად იქცა, სადაც გადამწყვეტი მნიშვნელობა ენიჭება როგორც ნედლეულის ხარისხს, ისე უსაფრთხოების სტანდარტებსა და პროფესიულ განათლებას. დღეს მსოფლიო ტენდენცია სწორედ "ფერმიდან სუფრამდე" ჯაჭვის სრულ კონტროლსა და ეკოლოგიურად სუფთა, პრემიუმ კლასის პროდუქციის შექმნას გულისხმობს. სწორედ ამ მრავალსაუკუნოვანი შვეიცარიული გამოცდილებისა და თანამედროვე სტანდარტების საქართველოში დანერგვის საუკეთესო მაგალითია დმანისში მდებარე „შვეიცარიული აგრარული სკოლა კავკასია“, რომელსაც ჩვენი სტუმარი ხელმძღვანელობს. სასიამოვნოა, რომ 2021 წელს განხორციელებული 13-მილიონიანი ინვესტიციის შედეგად, საქართველოში გაჩნდა სივრცე, რომელიც ერთდროულად აერთიანებს თანამედროვე ფერმას, ყველის ქარხანასა და რაც მთავარია, სასწავლო შენობას ახალი თაობის პროფესიონალებისთვის. სტუმარი: თინა მახარაძე - შვეიცარიული სკოლა "კავკასია", დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia