სასწავლო გარემო, რომელიც ბავშვებს მომავალთან აკავშირებს. სივრცე, სადაც განათლება ინოვაციას ხვდება და ცოდნა რეალურ შესაძლებლობებად გარდაიქმნება. სწორედ ასე პოზიციონირდება „ქინდერლაბი“, რომელიც მის მესვეურებივე რომ დავეყრდნოთ, განათლების ახალი სტანდარტის დამკვიდრებას იწყებს. 1-ელ ოქტომბერს თელავში ოფიციალურად გაიხსნება კემბრიჯის პროგრამებზე დაფუძნებული ინოვაციური სასწავლო ცენტრი, რომელიც მოსწავლეებს თანამედროვე ცოდნისა და უნარების მრავალფეროვან მიმართულებას შესთავაზებს. სწავლა ხუთ ძირითადი მიმართულებით წარიმართება და მისი მთავარი მიზანი ახალგაზრდებში ტექნოლოგიების, მეცნიერების, მეწარმეობისა და კრეატიული აზროვნების განვითარების ხელშეწყობაა. სტუმარი: ხათუნა არწივიძე - "ქინდერლაბი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართულ ბაზარზე წარმოების დინამიკა წლიდან წლამდე ძლიერდება - ადგილობრივი ბრენდები არა მხოლოდ ზრდიან პროდუქციის მრავალფეროვნებას, არამედ კონკურენტუნარიანობასაც უზრუნველყოფენ. ამ პროცესში განსაკუთრებული გამოწვევაა ფეხსაცმლის წარმოება, რადგან ეს სეგმენტი ერთდროულად მოითხოვს ინოვაციურ დიზაინს, პრაქტიკულობასა და უმაღლეს ხარისხს. სწორედ ამ რთულ, მაგრამ პერსპექტიულ ნიშაში პოზიციონირდება „პერეკრესტი“- ქართული ფეხსაცმლის ბრენდი, რომელიც ცდილობს ბაზარზე შექმნას განსხვავებული სტანდარტი. სტუმარი: ეკა პერეკრესტ - ბრენდი "პერეკრესტ"-ის დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გაცვლითი პროგრამები ხშირად ყველაზე ფასეულ ცოდნასა და გამოცდილებას აძლევს ახალგაზრდებს, განსაკუთრებით მაშინ, როცა საქმე საერთაშორისო მეწარმეობას ეხება. სწორედ ასეთ შესაძლებლობას იყენებს ანა ზვიადაური – ფინალისტი საქართველოდან, რომელიც ამჟამად ამერიკაში, YTILI-ის ფარგლებში იმყოფება.ანა „ზიოდი დისტილერის“ დამფუძნებელია და ამჟამად ორმოცამდე სხვა ევროპელ ახალგაზრდა მეწარმესთან ერთად შეერთებულ შტატებში, მსოფლიოს წამყვან ბიზნესგარემოში იღრმავებს ცოდნასა და პრაქტიკულ უნარებს. ქალაქ სიეტლში ანას მენტორობას დისტილერიის სფეროს გამოცდილი პროფესიონალები გაუწევენ. ის უშუალოდ ადგილზე მიიღებს პრაქტიკულ გამოცდილებას, შეისწავლის ბრენდირების სტრატეგიებს და ახალ საერთაშორისო პარტნიორებსაც შეიძენს. სტუმარი: ანა ზვიადაური - „ზიოდი დისტილერის" დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უკვე ექვს წელზე მეტია, „სმარტ აკადემია“ განათლების ბაზარზე აქტიურად მოღვაწეობს და 40-ზე მეტი კურსით ათასობით მსურველს სთავაზობს პროფესიული განვითარების შესაძლებლობას. კურსები ხუთ ძირითად მიმართულებად არის დაყოფილი, რაც სტუდენტებს აძლევს საშუალებას, აირჩიონ მათთვის საინტერესო და პრაქტიკულად საჭირო პროფესიები. რამდენად ზრდად დინამიკაშია მოთხოვნა ადგილობრივ ბაზარს და როგორ იყენებენ შესაძლებლობას ემიგრაციაში მცხოვრები ქართველები? რა არის „სმარტ აკადემიის“ წარმატების მთავარი საიდუმლო – სწორი სტრატეგია, მოქნილი პროგრამები თუ თანამედროვე მიდგომა სასწავლო პროცესში? სტუმარი: მაკო ქურთიაშვილი - “სმარტ აკადემიის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
21 სექტემბერს, ტოტოს ლავანდებში ერთი ძალიან საინტერესო ღონისძიებაა მონიშნული. ანარეკლი - დიალოგი ადამიანსა და ბუნებას შორის” - ასე ჰქვია გამოფენას, რომელსაც მომდევნო კვირას ლავანდების ველში ვიხილავთ. ნამუშევრებში ცენტრალურ თემად წარმოდგენილია მცენარეები, როგორც ბუნების და ადამიანის თანაცხოვრების სიმბოლო. გამოფენის მეორე ნაწილი არის ხელით დამზადებული კერამიკული სარკეების სერია, რომელიც 2025 წლის შემოდგომის სეზონის კოლექციას წარმოადგენს. გამოფენის მთავარი შემოქმედი, რომლის ნამუშევრებიც იქნება წარმოდგენილი ქართველი მულტიდისციპლინარული არტისტი ია ლიპარტელიანია. სტუმარი: ია ლიპარტელიანი - მხატვარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხული 2025 დასრულდა, რაც იმას ნიშნავს, რომ ტურიზმისთვის ერთ-ერთმა ყველაზე აქტიურმა სეზონმა უკვე ჩაიარა და სამზადისი უკვე ზამთრის სეზონისთვის უნდა დაიწყოს. სხვადასხვა ტურისტული ობიექტების წარმომადგენლები, ამბობენ, რომ წელს მთის კურორტებზე აქტივობა შეინიშნებოდა, განსაკუთრებით კი ადგილობრივი დამსვენებლის მხრიდან. როგორი სეზონი ჰქონდა ყაზბეგს და რამდენად მოახერხეს მაჩვენებლების გასულ წელთან შედარებით ზრდა? სტუმარი: ანი ალიბეგაშვილი - სასტუმრო Step Inn-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ვიცით, რომ ღამის ცხოვრების კუთხით, თბილისი ერთ-ერთი მოწინავე ქალაქია მსოფლიოში, რაც დასტურდება, როგორც დედაქალაქში არსებული მრავალფეროვანი კლუბების რაოდენობით, ასევე ხარისხით, რომელსაც არაერთი საერთაშორისო გამოცემა აღიარებს. ცოტა ხნის წინ, საქართველოში ახალი აპლიკაცია — clubnparty გამოჩნდა, რომლის მიზანი გართობის მაძიებელი ადამიანების წვეულებების ორგანიზატორებთან დაკავშირებაა. თუმცა ბილეთების გაყიდვის ტრადიციული პლატფორმებისგან განსხვავებით, clubnparty სახლის წვეულებების გაციფრულებას გეგმავს. მარტივად რომ ვთქვათ, ეს არის პლატფორმა სადაც მომხმარებელს შეუძლია მისთვის სასურველი წვეულება მოიძიოს, მეორე მხრივ კი საკუთარი ღონისძიება განათავსოს და სტუმრები დაპატიჟოს. ბოლო მონაცემებით, რომელიც სტარტაპის დამფუძნებლებმა რამდენიმე თვის წინ გაგვიზიარეს, აპლიკაციას 700-მდე აქტიური მომხმარებელი ჰყავდა, რომლებიც პლატფორმაზე განთავსებულ 60-ზე მეტ წვეულებას დაესწრნენ. რა შედეგები აქვს Clubnparty-ს ამ დროისთვის და როგორია განვითარების გეგმა? #ახალიამბები #BusinessMediaGeorgia
საქართველომ 30 ქვეყანათა შორის მასშტაბურ საერთაშორისო კონკურსში მიიღო მონაწილეობა და ამასთან, წელს პირველად უმასპინძლა მსოფლიო ფინალს SAGE World Cup 2025-ს. SAGE Georgia საერთაშორისო დონის პლატფორმა და გლობალური ქსელის ნაწილია, რომელიც მიზნად ისახავს ახალგაზრდების გაძლიერებას სოციალური პასუხისმგებლობის მქონე მეწარმეობის გზით და ანტერპრენერული აზროვნებით. მსოფლიო ფინალის ღონისძიებები სამი დღის განმავლობაში გაგრძელდა. სტუმარი: მარიკა კლდიაშვილი - SAGE Georgia-ს აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თუშეთი გასულ წლებთან შედარებით ტურისტული ვიზიტების კუთხით განსაკუთრებით გააქტიურდა. ამ აქტიურობის მიზეზი კი ის ობიექტებია, რომლებიც დამსვენებელს თუშეთში ვიზიტისას განთავსებას თუ სხვა სერვისებს სთავაზობენ. სწორედ ასეთი ერთ-ერთი სასტუმრო - შიოს ქვის სახლია, რომელიც გარდა საცხოვრებლისა,ტურისტებს მასტერკლასებსა და სხვადასხვა სამეურნეო საქმიანობაში მონაწილეობას სთავაზობს, რაც სტუმრებს ადგილობრივ კულტურასთან და ცხოვრებასთან უშუალო შეხების შესაძლებლობას აძლევს. როგორი სეზონი ჰქონდა შიოს ქვის სახლს და რა გეგმები აქვს ტურისტულ ობიექტს? სტუმარი: თამთა ჩაგოშვილი - “შიოს ქვის სახლი”, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საბავშვო ბაღების საკონსულტაციო ცენტრი - kidsoffice პანდემიის პერიოდში დაფუძნდა და მთავარ მიზნად საბავშვო ბაღებისათვის კრიზისის დაძლევაში დახმარება დაისახა. ვიცით, რომ პანდემიის პერიოდში საბავშვო ბაღების ძირითად სირთულეებს: საიჯარო გადასახადი, თანამშრომლების შენარჩუნება, საბანკო ვალდებულებები და აღსაზრდელების შენარჩუნება წარმოადგენდა, kidsoffice კი ცდილობდა ამ რთული პროცესის დაძლევაში თავისი როლი შეეტანა... დღეს, მისი მთავარი ფუნქცია იმ სერვისების გაერთიანება და მიწოდებაა, რომელიც ბაღს ყველაზე ჯანსაღ, უსაფრთხო და სასურველ გარემოდ აქცევს. სტუმარი: თეკლე კაპანაძე - საბავშვო ბაღების საკონსულტაციო ცენტრი Kidsoffice, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოში ბავშვთა პროდუქტების მწარმოებელთა ასოციაცია დაფუძნდა! ახალი პლატფორმა აერთიანებს საბავშვო პროდუქციის ადგილობრივ მწარმოებლებს, რომლის მიზნებიცაა სექტორის ინტერესების დაცვა და წარმოება, ხარისხისა და უსაფრთხოების სტანდარტების ხელშეწყობა, ცოდნისა და გამოცდილების გაზიარება და ბაზრის განვითარება და კონკურენტუნარიანობის ამაღლება. სტუმრები: ვივია გურგენიშვილი - "საქართველოში ბავშვთა პროდუქტების მწარმოებელთა ასოციაცია", თანადამფუძნებელი; მარიამ მაისურაძე - "საქართველოში ბავშვთა პროდუქტების მწარმოებელთა ასოციაცია", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
IT აკადემია STEP სასწავლო წელს 15 სექტემბრიდან განაახლებს. რაც იმას ნიშნავს, რომ კიდევ უფრო მეტი ადამიანი დაუკავშირდება ტექნოლოგიურ სფეროს და მისთვის საჭირო უნარებს შეიძენს, სხვათა შორის არამხოლოდ ტექნოლოგიურ სფეროში. როგორ მიმდინარეობს სამზადისი რა სიახლეებს უმზადებს ტექნოლოგიების სკოლა მოსწავლეებს, მეორე მხრივ კი რა სიახლეები დახვდებათ აიტი აკადემიაში სწავლის მსურველებს? სტუმარი: მაკა მახათაძე - IT აკადემია STEP-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხული 2025 დასრულდა და მოგზაურობისთვის ყველაზე აქტიურმა პერიოდმაც ჩაიარა. სეზონის დაწყებამდე ტურისტული კომპანიების წარმომადგენლები ერთი მხრივ გაზრდილ მომართვიანობასა და მეორე მხრივ - ტურპაკეტების გაძვირებაზე საუბრობდნენ. მათ შორის ფასის ზრდა დაფიქსირდა ქართველი მოგზაურებისთვის ერთ-ერთ ყველაზე მოთხოვნად მიმართულებაზე, თურქეთზეც, სადაც დასვენება და ტურპაკეტის შეკვრა, აღარ არის ისეთი ბიუჯეტური როგორიც ადრე იყო.. როგორ ჩაიარა 2025 წლის ზაფხულის სეზონმა, რა მიმართულებებზე გააკეთეს არჩევანი ქართველმა მოგზაურებმა და ზოგადად როგორია ტენდენცია? სტუმარი: სოფო დარბაიძე - Milky Way Travel, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართულ საკონდიტრო ბაზარზე რამდენიმე წლის წინ ახალი მოთამაშე, სახელწოდებით “გაამოს” გამოჩნდა, რომელმაც თავისი ხელწერით და გამორჩეული ნიშით თავი მალევე დაიმკვიდრა. კომპანიაში ამბობენ იმასაც, რომ მათი წარმატება არა მასშტაბთ არამედ დეტალებით - კრეატიული რეცეპტები, უმაღლესი ხარისხის ინგრედიენტები და მომხმარებელთან უშუალო კავშირით განისაზღვრება, რაც ქმნის იმ ფუნდამენტს რომელზეც გაამოს ისტორია შენდება.
ქუთაისის ისტორიულ უბანში ახალი ბუტიკური სასტუმრო - 7 Doors იცსნება. სივრცე მოიცავს შვიდ ინდივიდუაკურ აპარტამენტს, რომლებიც გათვლილია ნებისმიერი დროის ხანგრძლივობით დარჩენის მსურველთათვის. სასტუმროს კონცეფცია მორგებულია როგორც ინდივიდუალურ სტუმრებზე, ისე ჯგუფურ ტურებზე და როგორც აღნიშნავენ, სრულად არიან მზად იმისთვის რომსტუმრებს, ქუთაისის ავთენტურ გარემოსთან ერთად, თანამედროვე კომფორტიც შესთავაზონ. სტუმარი: ქრისტინე მესხაძე - 7 Doors -ის დამფუძნებელი #ახალიამბები #BusinessMediaGeorgia
გამყვანი ტურიზმის მიმართულებით ზრდაა. საქართველოს სტატისტიკის ეროვნულმა სამსახურის მიერ გამოქვეყნებული 2025 წლის მეორე კვარტალის მონაცემებით, რომელიც საქართველოს რეზიდენტების საზღვარგარეთ მოგზაურობას ასახავს,ირკვევა, რომ ამ პერიოდში საქართველოდან საზღვარგარეთ 715.1 ათასი გასვლა დაფიქსირდა, რაც 2024 წლის ანალოგიურ პერიოდთან შედარებით 2.5%-ით მეტია. ამასთან, ტურისტული ტიპის ვიზიტებმა 385.8 ათასი შეადგინა, რაც გასულ წელთან შედარებით 7.1%-იანი ზრდაა. სტუმარი: სალომე ბერაია - “პეგას ტურისტიკ საქართველოს” და “პეგას ტურისტიკ აზერბაიჯანის” დირექტორი #ახალიამბები #BusinessMediaGeorgia
დრო და ისტორია აჩვენებს, რომ ქართველი მეღვინე ქალები სულ უფრო მეტად იმყარებენ პოზიციას, თავისი გამორჩეული ნიშით და ხელწერით ღვინის ინდუსტრიაში. ისინი არა მხოლოდ სტერეოტიპებს ამსხვრევენ, არამედ საკუთარ ხედვასა და ცოდნას იყენებენ ისე, რომ შექმნან კონკურენტუნარიანი, უნიკალური ღვინო როგორც ადგილობრივი, ასევე საერთაშორისო ბაზრისთვის.ამ ყველაფრის თვალსაჩინო მაგალითია ხატია ჯახუა, თავისი მეღვინეობით, რომელსაც საზოგადოება არგვანის სახელით იცნობს. ის, მარტვილის ცენტრიდან დაახლოებით ცხრა კილომეტრში, სოფელ აბედათში მდებარეობს. აღსანიშნავია, რომ ხატიას ოჯახი მევენახეობას დიდი ხანია მისდევს, ტრადიციული წესით იმართებოდა ყოველთვის რთველიც, თუმცა, თანამედროვე მიდგომებთან სინქრონიზაციამ პროცესს სულ სხვა მასშტაბი შესძინა და სამეგრელოდან სრულიად ახალი ღვინის ბრენდის ისტორიის წერა დაიწყო. სტუმარი: ხატია ჯახუა - „არგვანი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
კახეთში რთველი 2025 აქტიურად მიმდინარეობს. როგორც მსხვილი ღვინის კომპანიები, ასევე მცირე, ბიო მარნები, უკვე აჯამებენ პირველ შედეგებს და აღნიშნავენ, რომ წლევანდელი მოსავალი გამორჩეულია – რაოდენობითაც და ხარისხითაც. პროგნოზი ოპტიმისტურია: ბიზნესს წარმატებული სეზონის მოლოდინი აქვს. თუმცა, ამავე დროს ბიზნესი სახეცვლილი რეალობის წინაშეც აღმოჩნდეს წელს, რაც სუბსიდირების წესის ცვლილებით არის განპირობებული. უფრო კონკრეტულად, რთველის დაწყებამდე რამდენიმე კვირით ადრე ღვინის ეროვნულმა სააგენტომ სუბსიდირების მოდელი წარადგინა. უწყების ცნობით, კერძო კომპანიებზე, სახელმწიფო ყურძნის შესასყიდ სუბსიდიას აღარ გასცემს და ჭარბ ყურძენს მხოლოდ სახელმწიფო მოსავლის მართვის კომპანია შეიძენს, რისთვისაც ბიუჯეტიდან წელს 50 მილიონი ლარია გამოყოფილი. სახელმწიფოს მიერვე დადგენილი ფასით კი, წელს რქაწითელის ჯიშის ყურძნის მინიმალური ღირებულება კილოგრამზე 1.20 ლარით, საფერავის კი. 1.50 -ით განისაზღვრება. როგორ აფასებს იფასებს ინდუსტრიის ერთ-ერთი უმსხვილესი მოთამაშე ამ ცვლილებებს და როგორ ხვდება “ჩელთი” 2025 წლის რთველს? სტუმარი: ანა მირიანაშვილი - "ჩელთი", კომერციული დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში ღვინის ინდუსტრია განვითარების ახალ ეტაპზეა – ადგილობრივი მწარმოებლები აქტიურად ინვესტირებენ ხარისხში, ინოვაციებში და გლობალურ ბაზრებზე პოზიციონირებაში. ამ ახალი ტალღის ერთ-ერთი გამორჩეული წარმომადგენელია „ღვინის კომპანია 91“ – ბრენდი, რომელიც თავისუფალი საქართველოს იდეით არის შთაგონებული. მიუხედავად ხანმოკლე ისტორიისა, კომპანიამ უკვე მოახერხა საერთაშორისო ბაზრებზე შესვლა და აჩვენა, რომ ქართული ღვინო კონკურენტუნარიანია როგორც ხარისხით, ასევე ბრენდის განვითარებით.როგორ ყალიბდება სტრატეგია და როგორ ხედავს კომპანია საკუთარი როლს ინდუსტრიის მომავალში? სტუმარი: თამარ მარკოზაშვილი - “ღვინის კომპანია 91", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ახალი სასწავლო წლის დაწყების კვალდაკვალ, საინტერესოა როგორ იქოქება პროცესი ტექნოლოგიური მიმართულების საგანმანათლებლო დაწესებულებებში. ჩვენს დღევანდელ ეთერსაც სწორედ ამ მიმართულებას ვუთმობთ და სფეროს ერთ-ერთი გამორჩეულად მზარდი ტექნოლოგიური საგანმანათლებლო ცენტრის, რე სქულის მაგალითზე მოვიკითხავთ, რამდენად ზრდად დინამიკაშია ახალგაზრდები მხრიდან მოთხოვნა მომავლის პროფესიებზე. რე სქული სასწავლო პროცესს 20 სექტემბერს განაახლებს, მანამდე კი მის დამფუძნებელთან, სალომე მგელაძესთან ერთად მიმოვიხილავთ, როგორც სტატისტიკას, ისე პროგრამებს პორტფელს, რომელიც გაფართოების მასშტაბებს ნამდვილად არ უჩივის. სტუმარი: სალომე მგელაძე - re:school-ის დამფუძნებელი #ქალებისნარატივი ლიკა მეგუთნიშვილთან #ახალიამბები #BusinessMediaGeorgia
ღვინის კრისტალები ახლა სამკაულებზეც ბრწყინავს - ამ სათაურით გამოაქვეყნა აგვისტოდ მიწურულს მსოფლიოში ერთ-ერთმა ყველაზე გავლენიანმა გამოცემა, The New York Times-მა სტატია, რომელიც არც მეტი არც ნაკლებ ქართულ ბრენდს, wine diamond-ს მიუძღვნა და მის ისტორიას გლობალურ აუდიტორიას გააცნო. როგორ მოხვდა ბრენდი, ავტორიტეტული გლობალური პრესის ფურცლებზე და საერთაშორისო წარმატების მიღმა, როგორია მისი ლოკალური განვითარების დინამიკა, სტუმარი: თამარ აბულაძე - Wine Diamond-ის დამფუძნებელი #ქალებისნარატივი ლიკა მეგუთნიშვილთან #ახალიამბები #BusinessMediaGeorgia
"ბრეს საქართველო" არის საქველმოქმედო ჰუმანიტარული ფონდი, რომელიც მართავს მძიმე და ღრმა ჯანმრთელობის პრობლემების მქონე ბავშვების საოჯახო სახლების ქსელს კახეთში, სამეგრელოსა და ქუთაისში, ასევე „განვითარებისა და ზრუნვის ცენტრს“ ჩხოროწყუში. ეს სახლები წარმოადგენს მუდმივ საცხოვრებელ სივრცეებს მძიმე და ღრმა ჯანმრთელობის პრობლემების მქონე ბავშვებისთვის, სადაც ისინი იზრდებიან უსაფრთხო გარემოში, იღებენ მზრუნველობას და ღირსეულ პირობებში აგრძელებენ ცხოვრებას. სტუმარი: ჟანა ბაბუნაშვილი - „ბრეს საქართველოს“ აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბოლო წლების განმავლობაში საზღვარგარეთ სწავლაზე მოთხოვნა მნიშვნელოვნად გაიზარდა. ახალგაზრდები სულ უფრო ხშირად ეძებენ შესაძლებლობებს, რათა მიიღონ ხარისხიანი განათლება, გაეცნონ განსხვავებულ კულტურებს და გააფართოონ საკუთარი ჰორიზონტი. ამ პროცესში, Erasmus+ პროგრამები უდიდეს როლს თამაშობენ, რადგან ისინი სტუდენტებს საშუალებას აძლევენ, მიიღონ საერთაშორისო გამოცდილება ფინანსური ტვირთის გარეშე. Erasmus+ პროგრამებმა განათლება უფრო ხელმისაწვდომი გახადა და მათ ევროპულ ქვეყნებში სწავლის შესაძლებლობა მისცა. ერასმუსის პროგრამები საქართველოშიც ხელმისაწვდომია და უამრავ სტუდენტს ხარისხიან განათლებაზე წვდომას აძლევს. რამდენად იზრდება მოთხოვნა ერასმუსის პროგრამებზე და რომელ ქვეყნებს ირჩევენ ქართველი სტუდენტები განათლების მისაღებად? სტუმარი: თათია რუსიშვილი - “ერასმუსის სტუდენტთა ქსელი”, პრეზიდენტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
არასრულ ორ კვირაში საბავშვო ბაღებში სააღმზრდელო პროცესი განახლდება, ზაფხულის არდადეგების შემდგომ კი კერძო ბაღების ნაწილმა მუშაობა უკვე დაიწყო. აქტიური სამზადისის პირობებში განსაკუთრებით საინტერესოა მოთხოვნა და კერძო ბაღების ღირებულებაც. რა ვითარებაა ბაზარზე და რა სიახლეებით ხვდება ბიზნესი ამ პერიოდს? სტუმარი: ნათია გურგენიძე - "ალუბლები", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სულ მალე ახალი სასწავლო წელი აიღებს სტარტს, სკოლების ნაწილში პროცესი უკვე განახლდა. ეს პერიოდი განსაკუთრებულ სამზადისთან ასოცირდება რადგან ძალიან ბევრი ბავშვი წელს სკოლაში პირველად მივა, 2024-2025 წლებში პირველკლასელთა რაოდენობამ 50 000 შეადგინა, მოსალოდნელია რომ წელს ეს რიცხვი კიდევ უფრო გაიზრდება. პირველკლასელებთან ერთად სასწავლო პროცესს დაწყებითი თუ დამამთავრებელი კლასის მოსწავლეებიც უბრუნდებიან. ხანგრძლივი არდადეგების შემდგომ კი დაბრუნება საკმაოდ სტრესულია, რადგან მოსწავლეები იმ რუტინას უნდა დაუბრუნდნენ, რომელსაც სამი თვის განმავლობაში გადაეჩვივნენ. ემოციური მზაობა დიდი შესვენების შემდგომ უმნიშვნელოვანესია, ემოციურ განწყობას კი ერთი მხრივ გარემო ქმნის. როგორ უნდა მოემზადონ მოსწავლეები ახალი სასწავლო წლისთვის, რა როლი აქვს ამ დროს მშობელს და რა როლი აქვს თავად სკოლას მენტალური განწყობის შექმნაში? სტუმარი: სოფი მოსიაშვილი - ფსიქოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სუბლიმირებული ხილისა და კერძების საწარმო IZY ექსპორტზე გავიდა. ადგილობრივი წარმოების პროდუქციით საერთაშორისო ბაზრები მომარაგდება. "იზი" სულ ახლახან გამოჩნდა ბაზარზე და მომხმარებელს - ნოყიერ, ჯანსაღ, გემრიელ გაყინულ-გამომშრალ კერძებს სთავაზობს. Izy -ს პროდუქტი, მათ შორის კერძები, ხემსები და სხვადასხვა სახეობის ხილი, დამზადებულია 100%-ით ნატურალური კომპონენტებით და ინგრედიენტებით, ყოველგვარი ხელოვნური დანამატებისა და კონსერვანტების გარეშე. წარმოებისთვის 100%-ით ნატურალურ ხილს, ბოსტნეულს და სხვადასხვა სახის კენკრას იყენებენ, რომელიც საქართველოში ადგილობრივი ფერმერებისგან არის შეძენილი. სტუმარი: ანა შაქარაშვილი - IZY-ს დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
აშშ იწყებს საპილოტე პროგრამას, რომლის ფარგლებშიც ტურისტული და ბიზნესს ვიზის მფლობელებს შესაძლოა, 15 ათას დოლარამდე გარანტია მოსთხოვონ. როგორც Reuters წერს, ამით აშშ-ის ახალ ადმინისტრაციას იმ კატეგორიის ვიზიტორების შემცირება უნდა, რომლებიც ვიზით განსაზღვრული დროის შემდეგაც რჩებიან. საპილოტე პროგრამა აშშ-ის საკონსულო ოფიცრებს აძლევს დისკრეციას მოითხოვოს ფულადი გარანტია იმ ქვეყნებიდან ჩამოსულ ვიზიტორებს, სადაც ვიზების ვადაგადაცილების მაღალი მაჩვენებელია. გარანტიას ასევე მოსთხოვენ იმ ქვეყნების მოქალაქეებსაც, სადაც სკრინინგი და შემოწმება სათანადოდ ვერ ხდება. ამერიკის შეერთებულ შტატებთან დაკავშირებით, სიახლეა ისიც, რომ აშშ-ში შესვლა შესაძლებელია სამუდამოდ აგიკრძალონ, თუ ჩადენილი გაქვთ სისხლის სამართლის დანაშაული, - ამის შესახებ ინფორმაცია საქართველოში აშშ-ის საელჩომ გაავრცელა. ინფორმაციის მიხედვით, შესაძლებელია წვრილმანი დანაშაულიც კი გახდეს მიზეზი იმისა, რომ მოქალაქეზე ვიზა არ გაიცეს. სტუმარი: თინათინ გოგუაძე - e-Consul-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული სტარტაპი - Tasteit-ი ადამიანებს გასტრონომიული გემოვნების მიხედვით აკავშირებს. Taste it ხშირად გვანებივრებს სხვადასხვა საერთაშორისო კონკურსში წარმატებული შედეგებით თუმცა ამჯერად ამბავი კიდევ უფრო მასშტაბურია. Tasteit-ი TechCrunch-ის მიერ შერჩეულ 200 ყველაზე პერსპექტიულ სტარტაპს შორის მოხვდა. 2025 წლის Startup Battlefield-ის სია TechCrunch-მა ცოტა ხნის წინ გამოაქვეყნა. Startup Battlefield 200-ში მოხვედრა ნიშნავს, რომ სტარტაპი მსოფლიო მასშტაბით აღიარებულია, როგორც ერთ-ერთი ყველაზე ინოვაციური და პერსპექტიული კომპანია. 200 საუკეთესოდან Top 20 ფინალისტი 27 ოქტომბერს გამოვლინდება. სტუმარი: თეო გონგლაძე - Tasteit-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის ხანგრძლივი შვებულების, პასიური თუ აქტიური დასვენების შემდეგ პირველი სექტემბრიდან, ბევრი ადამიანი სამუშაო გარემოს და ჩვეულ რუტინას უბრუნდება. სამუშაო სივრცეში დაბრუნება ზოგისთვის სწრაფი და ბუნებრივი პროცესია, ადამიანების ნაწილისთვის კი ამ დროს – სტრესი, ენერგიის ნაკლებობა ან ადაპტაციასთან დაკავშირებული სირთულეები ჩნდება. ყველა ამ პროცესში მენტალური მზაობა ერთ-ერთი მნიშვნელოვანი ფაქტორია. იმ ფონზე, რომ ფსიქოლოგიური კეთილდღეობა ორგანიზაციებში უდიდესი გამოწვევაა. რა მეთოდები არსებობს მენტალური well-being-ის გასაუმჯობესებლად? ზაფხულის საშვებულებო პერიოდიდან სამუშაო გარემოში დაბრუნება რა გამოწვევებთან არის დაკავშირებული? Talent Flow არის კომპანია, რომელიც ორგანიზაციების გაძლიერებაზე, მენტალური კეთილდღეობის გაუმჯობესებაზე და არა მარტო ამაზე - ზრუნავს. ამ მიმართულებით კი არაერთ სერვისს აერთიანებს. სტუმარი: ლიკა ნოზაძე - Talent Flow-ს დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ქორენა“ - ადგილი საინტერესო თავგადასავლების მაძიებელთათვის სტუმარი: მაიკო კეზევაძე - "ქორენა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტურიზმისა და სტუმარ-მასპინძლობის ინდუსტრიაში ციფრული ტექნოლოგიების განვითარების როლი და მნიშვნელობა - ეს ის მთავარი თემაა, რომელიც Bewise Georgia-სა და საქართველოს ტურიზმის ასოციაციის მიერ გამართულმა ფოტუმმა დაფარა. თავის მხრივ ეს ყველაფერი ტურიზმის ინდუსტრიის სრულიად ახალ ეტაპზე გადაყვანას ემსახურება, სადაც ციფრული გადაწყვეტილებები, საჯარო-კერძო პარტნიორობა და გლობალურ ტენდენციებზე მორგებული ადამიანური უნარები გადამწყვეტ როლს ასრულებენ. ღონისძიება არა მხოლოდ პლატფორმაა ინდუსტრიის წარმომადგენლებისთვის, არამედ სტრატეგიული დიალოგის სივრცეც – ფორუმზე აქცენტი გაკეთდა ისეთ საკვანძო საკითხებზე, როგორიცაა: ინდუსტრიის გაციფრულების დაჩქარება, ინოვაციური მიდგომების დანერგვა, საჯარო და კერძო სექტორებს შორის თანამშრომლობის გაძლიერება, ადამიანური კაპიტალის განვითარება და ა.შ. სტუმრები: ია ნადირაშვილი -
კახეთის შუაგულში, თელავიდან სულ რაღაც 3 კილომეტრში, სოფელ შალაურში, კავკასიონის ქედების ფონზე იპოვით ადგილს, რომელიც აგროტურიზმს სრულიად ახლებურად განმარტავს და ქართულ-ევროპული კულინარიული კულტურების სინქრონიზაციით, გამორჩეულ თავგადასავალშიც გამოგზაურებთ. საუბარია მარლეტას ფერმაზე - სივრცეზე, რომელიც ერ სივრცეში ფერმას, ყველის საწარმოს, ღია კაფეს, ბიბლიოთეკასა თუ სადეგუსტაციო ზონას აერთიანებს, ისევე როგორც ამ ყველაფერთან არაჩვეულებრივად მოჰყავს კორელაციაში ელექტრონული თუ აკუსტიკური მუსიკა თუ თანამედროვე კინო. სტუმარი: სოფო გორგაძე - "მარლეტას ფერმა", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ფინანსური განათლებიდან - ივენთინდუსტრიაში, თბილისიდან — ნიუ იორკამდე. ანა ღვინიაშვილი გამორჩეული კარიერული სითამამით და ხედვის სიზუსტით ახერხებს სრულიად ახალი სივრცეების ათვისებას.მრავალწლიანი მენეჯერული გამოცდილების შემდეგ, ანამ გადაწყვიტა, კრეატიულობა, ადამიანებთან ურთიერთობა და კულტურული მრავალფეროვნება ერთ პროფესიაში გაეერთიანებინა და ივენთმენეჯმენტი მისთვის სწორედ ასეთ სფეროდ იქცა. ნიუ იორკის უნივერსიტეტში სწავლას პარალელურად მან ამავე უნივერსიტეტში დაიწყო პროგრესული გზის გაკვალვაც, ჯერ იყო ივენთმენეჯერის ასისტენტი პოზიცია, მერე კი, მთლად “მარიოტის” საერთაშორისო ქსელში ივენთმენეჯერის გამყარებული სტატუსი. ამჟამად საკუთარი ივენთკომპანიის დასაფუძნებლად ემზადება სტუმარი: ანა ღვინიაშვილი - ივენთ მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„თავისუფლების ხმა ციხიდან“ - ასე ჰქვია იმ ისტორიული მნიშვნელობის გაზეთს გაზეთს, რომელიც ოთხი ქართველი პოლიტიკოსი ქალის - თეონა ჭალიძის, ბარბარა ჯიმელი სულაშვილის, ასევე ანა გოგოლაძისა და დეა მეტრეველის ინიციატივით გამოიცა და უმოკლეს დროში 300 000 მკითხველამდე მოაღწია. ამ დროსთვის გაზეთის ორი ნომერია გამოცემული და ორივე მათგანში დაბეჭდილია გისოსებს მიღმა მყოფი სინდისის 23 პატიმრის წერილი, ისევე როგორც პატიმრების ოჯახის წევრების, უმეტესად დედების წერილები და სათქმელი საქართველოს მოქალაქეებისადმი. სტუმრები: თეონა ჭალიძე - გაზეთი ,,თავისუფლების ხმა ციხიდან", გამომცემელი ბარბარა ჯიმელი სულაშვილი - გაზეთი ,,თავისუფლების ხმა ციხიდან", გამომცემელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
“ქართულმა ოცნებამ” უცხოელებისთვის საქართველოში ცხოვრების, ბინადრობისა და მუშაობის უფლების მოპოვებისთვის პირობები გაამკაცრა. უკვე ძალაშია „შრომითი მიგრაციის კანონში” დაჩქარებული წესით მიღებული ცვლილებები, რომლის მიხედვითაც უცხო ქვეყნის მოქალაქეებმა დასაქმებისთვის სპეციალური ნებართვა უნდა მიიღონ. მთავრობა კი თავად განუსაზღვრავს ბიზნესს შეეძლება თუ არა უცხოელის დასაქმება. უკანონო მიგრაციასთან ბრძოლის ეგიდით, "ოცნება" უცხოელების დასაქმებას ამკაცრებს იმ პირობებში, როცა ქვეყანაში სამუშაო ძალის დეფიციტია და არის პროფესიები, სადაც ძირითადად სწორედ უცხოელები არიან დასაქმებულები. ბიზნესის ნაწილი იმასაც ამბობს, რომ მაგალითად, სტუმარ-მასპინძლობის ინდუსტრიაში ასეთი არაერთი პოზიციაა, სადაც ბაზარზე კადრები სიმცირის ან დაბალი კვალიფიკაციის გამო ბიზნესი იძულებულია სამუშაო ძალა უცხოეთიდან ჩამოიყვანოს. როგორ რეაგირებს კერძო სექტორი, ქართული ოცნების მიერ დაჩქარებული წესით მიღებულ ცვლილებებზე, რომელიც წესით 2026 წლის მარტში უნდა ამოქმედდეს. სტუმარი: სოფიო დუღაშვილი - "რუსთავის აზოტი ინდორამა", იურიდიული მიმართულების ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თბილისიდან სულ რაღაც 25 კილომეტრის დაშორებით, კიკეთის ტყის წიაღში, მულტიფუნქციური სარეკრეაციო სივრცე დაგხვდებათ, რომელიც ურბანული ქაოსისგან მოშორებით, სრულ სიმშვიდეში დასვენების, გართობისა თუ უბრალოდ დროის ნაყოფიერად გატარებისთვის, მრავალფეროვან გამოცდილებას გთავაზობთ. საუბარია კიკეთის ფერმაზე, რომელიც 10 ჰექტარ ფართობზე გადაჭიმულ სივრცეზე, რომელიც, მარანს, თავლას ვარდების სანერგეს, ასევე შემოქმედებით და საგანმანათლებლო კერებს აერთიანებს და ცხადია არა მხოლოდ - ეს ყველაფერი მხოლოდ ნაწილია იმ აქტივობების, რასაც კიკეთის ფერმა აერთიანებს და ადგილობრივ თუ საერთაშორისო ვიზიტორებს საინტერესო აგროტურისტულ თავგადასავალში ამოგზაურებს. როგორ იქცა საბჭოთა ფერმა კიკეთში მულტიფუნქციურ სივრცედ და აგროტურისტულ კომპლექსად? სტუმარი: ნინო ნამგალაძე - VIA Travel, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
✈️ Via Travel - სამოგზაურო გზამკვლევი საქართველოსა და ქვეყნის ფარგლებს მიღმა
ხელისუფლებამ „შრომითი მიგრაციის შესახებ“ კანონი გასულ თვეს გაამკაცრა, რომლის თანახმად, ქვეყანაში უცხოელების დასაქმება რთულდება. კერძოდ, უცხოელის დასაქმებისთვის სპეციალური სამუშაო უფლების გაცემის მექანიზმი დაინერგება. გათვალისწინებულია კანონის 2026 წლის 1 მარტს ამოქმედება. მანამდე კი უნდა მოესწროს შრომითი საქმიანობის უფლების სისტემის დანერგვა და მისი აღსრულებისთვის საჭირო მექანიზმების შემუშავება. რა პირობებით მიეცემა უცხოელ სამუშაო ძალას დასაქმების უფლება და როდიდან შედის ცვლილებები ძალაში? სტუმარი: სალი ბეჟაშვილი - ადვოკატი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მაკა ხაჩოშვილის ნარატივი სტუმარი: მაკა ხაჩოშვილი - მედიატორი/თარჯიმანი; ნეაპოლში ქართული ბიბლიოთეკის თანადამფუძნებელი და ხელმძღვანელი; "ელიავას ფაგოთერაპიის კლინიკის" კოორდინატორი იტალიაში; აკრედიტირებული თარჯიმანი ნეაპოლის სასამართლო, პროკურატურა და პრეფექტურის საემიგრაციოში. #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბრენდი, რომელიც მაღალი ხარისხის ქსოვილებით - ნებისმიერ სივრცეში, იქნება ეს სახლი, რესტორანი, სასტუმრო, ოფისი თუ სხვა - ქმნის მყუდრო და ფუნქციურ გარემოს. საუბარია კომპანია Tessuto-ზე, რომელიც ხარისხზე მთავარ აქცენტს აკეთებს, თუმცა როგორც კომპანიაში ამბობენ, ჩვენი ქსოვილების უნიკალური მახასიათებლები დაგიცავთ სინათლისგან, ბაქტერიებისგან, გააუმჯობესებენ ოთახში აკუსტიკას, დაზოგავს ენერგიას. ბრენდი განვითარების მუდმივ პროცესშია და სიახლეებიც ამ პროცესის ნაწილია. სტუმარი: თამუნა მალაყმაძე - “ტესსუტო”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მსოფლიოს მასშტაბით ჩინური ენის მცოდნე პროფესიონალებზე — განათლების, ბიზნესის, ტექნოლოგიების თუ კულტურის სფეროში მუდმივად იზრდება. ჩინეთის გლობალური გავლენის ზრდამ ჩინური ენის ცოდნა აქცია არა მხოლოდ ინტელექტუალურ გამოწვევად, არამედ პრაქტიკულ უპირატესობადაც. თუმცა ენის შესწავლა მარტივი არ არის — ტონალობა, იეროგლიფები და სრულიად განსხვავებული ლინგვისტური სტრუქტურა ხშირ შემთხვევაში სტუდენტებისთვის ერთგვარ თავგადასავლად იქცევა. ამ მოთხოვნისა და გამოწვევის საპასუხოდ, საქართველოში ახალი პლატფორმა შეიქმნა. საუბარია Educhino-ზე, რომელიც ჩინური ენის სწრაფად შესწავლის ონლაინ პლატფორმაა და მისი იდეა ამ პროცესის გამარტივებას ეფუძნება. ნახევარი წლის წინ ამოქმედებულ პლატფორმას უკვე ჰყავს მომხმარებლები. Educhino-ზე სწავლა ინგლისურიდან ჩინურზე მიმდინარეობს, ვინაიდან ის არამხოლოდ ქართველებისთვის, არამედ სხვა ქვეყნის მოქალაქეებისთვისაც ხელმისაწვდომი იყოს. ამ ამბავს ყველაზე მეტად გამოარჩევს ის, რომ Educhino-ს იდეის ავტორი, მოსწავლე - 15 წლის მარიამ გამგებელია. სტუმარი: მარიამ გამგებელი - Educhino, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
"მირელი" ახალი ქართული ბრენდი ბაზარზე ახლახან გამოჩნდა და უკვე იპყრობს ყურადღებას თავისი კონცეფციით, რომელიც ხელნაკეთ სუნამოებსა და საპნებს ქმნის. ქართული კომპანია მარტივ, ბუნებრივ სილამაზესა და თავის მოვლას ეფუძნება.. როგორც ბრენდის შემქმნელები ამბობენ, „მირელის“ პროდუქცია არა მხოლოდ ჰარმონიულად ერწყმის ბუნებას, არამედ ქმნის განსაკუთრებულ გამოცდილებას ყოველდღიური თავის მოვლის პროცესში. სტუმრები: ნატალია მელქაძე - "მირელი", თანადამფუძნებელი მარიკა ბახტაძე - "მირელი", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კუნძული ზანზიბარი თავისი თვალწარმტაცი პლაჟებით, ფირუზისფერი წყლებითა და კუნძულის უნიკალური კულტურით, ნამდვილად სამოთხეა დედამიწაზე. სწორედ ამ ეგზოტიკურ გარემოში იპოვა ქართველმა, წარმატებულმა ქალმა თავისი ადგილი და ახლა სასტუმროს მართვას წარმატებით აგრძელებს. საუბარი მაქვს - Seashore Villaზე და მის მმართველსა და მფლობელ თიკო ჭუბაბრიაზე. სასტუმრო ზანზიბარის ბაზარზე სამი წელია ოპერირებს, ბოლო ერთი წლის განმავლობაში, თიკოს ხელმძღვანელობით კი მნიშვნელოვნად გაფართოვდა და უკვე დამატებით კოტეჯებსაც აერთიანებს. 4-ვარსკვლავიანი ბუტიკური სასტუმრო Seashore Villa ერთ-ერთი გამორჩეული ადგილია განტვირთვისთვის, ახალი თავგადასავლებისთვისა და რაც მთავარია ხარისხიანი დასვენებისთვის. სტუმარი: თიკო ჭუბაბრია - Seashore Villa-ს დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თბილისის კერძო სკოლების 27%-ში სწავლის წლიური საფასური 6 000 ლარზე ნაკლებია, 46%-ში - 6 000-დან 12 000 ლარამდე მერყეობს, ხოლო 27%-ში - 12 000 ლარზე მეტია. ამის შესახებ თიბისი კაპიტალის მიერ მომზადებულ ზოგადი და უმაღლესი განათლების სექტორის მიმოხილვაში წერია. როგორც მიმოხილვაშია აღნიშნული, კერძო სკოლებში სწავლის საფასურზე რამდენიმე ცვლადია პასუხისმგებელი, მათ შორის, პერსონალი და მათი კვალიფიკაცია, სასწავლო გეგმა, ინფრასტრუქტურა, ადგილმდებარეობა, დამატებითი აქტივობები მოსწავლეებისთვის და სხვა. მიმოხილვაში ასევე წერია, რომ კერძო სკოლების რაოდენობა წლების განმავლობაში მცირდება, როგორც თბილისში, ასევე სხვა დიდ ქალაქებში. კერძოდ, 2018/2019 სასწავლო წელს, ქვეყანაში 228 კერძო სკოლა ფუნქციონირებდა, 2024/2025 სასწავლო წელს კი მათი რაოდენობა 208-მდე შემცირდა. თიბისი კაპიტალის მიხედვით, კერძო სკოლების რიცხვის კლება შერწყმა-გაერთიანების ტრანზაქციებსა და ავტორიზაციასთან დაკავშირებულ პრობლემებს უკავშირდება. მეორე მხრივ კი, კერძო სკოლების მოსწავლეთა რაოდენობა იზრდება, თუმცა, ძირითადად, თბილისის და ბათუმის ხარჯზე. ზრდას აჩვენებს, კერძო სკოლების შემოსავლები, მაგალითად კერძო სკოლების შემოსავლებმა 2023 წელს 242 მლნ ლარს მიაღწია, რაც წლიურად 21%-ით გაზრდილი მაჩვენებელია. როგორც მიმოხილვაშია აღნიშნული, სწავლის გაზრდილი გადასახადი და მოსწავლეთა რაოდენობის ზრდა შემოსავლების ზრდის განმაპირობებელ ფაქტორებს შორისაა. მიღმა თიბისი კაპიტალის მიმოხილვისა, კერძო სკოლები ახალი სასწავლო წლისთვისაც სულ მალე აქტიურ სამზადისს დაიწყებენ. რა ვითარებაა სექტორში - ძვირდება თუ არა კერძო სკოლებში სწავლა? სტუმარი: თინათინ თოფურია - UG სკოლა, ადმინისტრაციის უფროსი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2025 წლის 25 სექტემბერს, Welcome to georgia-ს, საიუბილეო მე-10 დაჯილდოების ცერემონია გაიმართება. ეს არის ტურიზმის ეროვნული დაჯილდოება - უნიკალური და უკვე ტრადიციად ქცეული პლატფორმა, რომელიც უკვე 10 წლის განმავლობაში ხელს უწყობს საქართველოს ტურიზმის სექტორის სისტემურ განვითარებას. პროექტი აერთიანებს სექტორის წამყვან მოთამაშეებს, მცირე და საშუალო ბიზნესს, ინდივიდუალურ პროფესიონალებს, სფეროს ახალი მოთამაშეებს და წლების განმავლობაში მოქმედ კომპანიებს. რიგით მეათე დაჯილდოებასთან დაკავშირებით აპლიკაციების მიღება უკვე დაწყებულია და ის ტურიზმის ინდუსტრიის 30-ზე მეტ კატეგორიას მოიცავს. წლევანდელ კონკურსს რამდენიმე სიახლეც გამოარჩევს, მათ შორის ერთ-ერთი Welcome to Georgia-ს და გრანთ თორნთონის პარტნიორობაა. 2025 წლის 9 ივლისს, ბრენდებმა ხელი ურთიერთთანამშრომლობის მემორანდუმს მოაწერეს. პარტნიორობის ფარგლებში, გრანთ თორნთონი, როგორც დამოუკიდებელი, საერთაშორისო აუდიტორული და ბიზნეს-საკონსულტაციო კომპანია, აქტიურად ჩაერთვება კონკურსის შეფასების პროცესის დაგეგმვაში და განხორციელებაში, რაც უზრუნველყოფს პროცესის გამჭვირვალედ და სამართლიანად წარმართვას. მაია სიდამონიძე - WELCOME TO GEORGIA, მმართველ პარტნიორი ხატია გიორგობიანი - Grant Thornton Georgia, ბიზნეს საკონსულტაციო განყოფილების უფროსი მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველო, როგორც მრავალფეროვანი კლიმატური ზონებისა და მდიდარი სოფლის მეურნეობის ქვეყანა, დიდ პოტენციალს ფლობს აგროტურიზმის განვითარების კუთხით. ღვინო, უნიკალური კულინარია, ადგილობრივი პროდუქტების წარმოება და სტუმართმოყვარეობის უნიკალური კულტურა ქვეყნის სხვადასხვა რეგიონში ქმნის ავთენტურ და მიმზიდველ გარემოს საერთაშორისო ვიზიტორებისთვის. აგროტურიზმი საქართველოში არა მხოლოდ ეკონომიკური განვითარების დამატებითი წყაროა, არამედ სოფლის გაძლიერებისა და ადგილობრივი მეწარმეების ხელშეწყობის ძლიერი ბერკეტიც. სწორი პოლიტიკის, ინფრასტრუქტურული მხარდაჭერისა და საერთაშორისო სტანდარტების დანერგვის პირობებში, საქართველოს აგროტურიზმს ნამდვილად შეუძლია რეგიონში ერთ-ერთ ლიდერ მიმართულებად ჩამოყალიბდეს.. პარალელურად კი მოიზიდოს უამრავი საერთაშორისო ვიზიტორი. სტუმრები: ირინა თხელიძე - "საქართველოს აგროტურიზმის რეგიონული ასოციაცია", დირექტორი თამთა ჩაგოშვილი - თუშეთის საოჯახო სასტუმრო და ჩაი “უშარო”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
"Worldchefs" არის პროფესიონალური ორგანიზაცია, რომლის ოპერირების მიზანია მსოფლიო სამზარეულოების სტანდარტების დაცვა და აღდგენა. ეს ყველაფერი კი განათლების, სწავლებისა და პროფესიული განვითარების პროგრამების საშუალებით ხდება. როგორც ავტორიტეტი კულინარიის სფეროში, “Worldchefs” არის საერთაშორისო პლატფორმა პროფესიული გამოწვევების აღმოჩენისა და ინოვაციური გადაწყვეტილებების მისაღებად. “Worldchefs” ქართველი ოფიციალური წევრიც ჰყავს, საუბარია მია კუპრავაზე, რომელიც საქართველოს შეფთა ასოციაციის დამფუძნებელი და გენერალური მმართველია. სტუმარი: მია კუპრავა - Gault&Millau; საქართველო, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ველნესის, ბუნებისა და სილამაზის დღესასწაული პირველად დედაქალაქში! გუშინ თბილისში, ბალნეოლოგიურ სპა კურორტზე სტარტი, პირველმა ყოველწლიურმა Bloom Festival-მა აიღო, რომელიც დღესაც გრძელდება იმ მიზნით რომ საზოგადოებას უფრო ვრცლად და დეტალურად გააცნოს ქართული კურორტების მთელი სიკეთეები, ისევე როგორც ადგილობრივი ბუნებრივად დამზადებული პროდუქტები, სპა და ველნეს ბრენდები. ამავე დროს, ადგილობრივი თუ საერთაშორისო ვიზიტორებისთვის წარადგინოს საქართველოს თერმული და ეკოკლიმატური კურორტები, როგორც ის მნიშვნელოვანი რესურსი, რაც ჩვენს ქვეყანას ველეს ტურიზმის ერთ-ერთ გამორჩეულ მიმართულებად აქცევს. სტუმრები: ⤵️