დატვირთული საქმიანი გრაფიკის ფონზე, დროის დაზოგვა და პარალელურად სრულფასოვნად, გემრიელად კვება ბევრისთვის კვლავ დიდ გამოწვევად რჩება. თუმცა, კომპანია „ბალანსი“ ამტკიცებს, რომ ჯანსაღი კვება სულაც არ ნიშნავს აკრძალვებსა და ერთფეროვნებას. მსოფლიო სამზარეულოს 156 კერძი, 8-კვირიანი ერთმანეთისგან განსხვავებული მენიუ და რაციონი, რომელშიც დესერტიც კი შედის - ეს „ბალანსის“ მთავარი ხელწერაა. კომპანიამ შექმნის დღიდან, განვითარების საინტერესო, სხვადასხვა ეტაპი განვლო. რა სიახლეები აქვს "ბალანსს"? სტუმარი: ნუცა სურგულაძე - “ბალანსი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ჯანსაღი ცხოვრების წესი და სწორი კვება სულ უფრო პოპულარული ტრენდი ხდება, თუმცა თანამედროვე, დატვირთული გრაფიკის გამო ხშირად რთულია კვების რეჟიმის დაცვა. სწორედ ამ პრობლემის საპასუხოდ შეიქმნა პირველი ქართული პროტეინის ბარი „მეტი“, რომელიც მომხმარებელს ჯანსაღ, სწრაფ და გემრიელ ალტერნატივას სთავაზობს. ბრენდი ნატურალური ინგრედიენტებითა და მაღალი კვებითი ღირებულებით გამოირჩევა და უკვე აქტიურად იკიდებს ფეხს ადგილობრივ ბაზარზე. სტუმარი: თათული ოქრიაშვილი - სტარტაპი “მეტი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია "ბამბარამ" ბავშვობის ნოსტალგია, კერძოდ ბამბის ნაყინი სრულიად ახალ, პრემიუმ პროდუქტად გარდაქმნა. ათი ათასი ლარის საწყისი ინვესტიციით დაწყებულმა საქმემ სწრაფად მოიცვა სხვადასხვა რეგიონი და სუპერმარკეტების წამყვანი ქსელები. დღეს ბრენდი განვითარების სრულიად ახალ ეტაპზე გადავიდა და საცალო გაყიდვებთან ერთად ძირითადი აქცენტი ინტერაქციულ მასტერკლასებსა და ღონისძიებების სერვისზე გადაიტანა. ბავშვებისთვის შეთავაზებული ვორქშოფები და სხვადასხვა გასართობ სივრცესთან თანამშრომლობა კომპანიისთვის შემოსავლის ახალ არხად იქცა. როგორ ვითარდება კომპანიის ახალი მიმართულება და სიახლეები დაგროვდა "ბამბარას" პორტფელში? სტუმარი: ანი ბურდული - „ბამბარას“ დამფუძნებელმა #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბრენდზე რომელიც მომხმარებელს მუდმივად ახალ გემოებსა და კონცეფციებს სთავაზობს - საუბარია ბრენდ The Cone Culture-ზე , რომელმაც ქართულ ბაზარზე კრაფტ ნაყინის მიმართულებით სრულიად ახალი სიტყვა თქვა და აჯიკის, ტყემლის, ლურჯი უცხოსა თუ ქართული ღვინის უნიკალური გემოებით სტანდარტული დესერტი კულინარიულ ხელოვნებად აქცია. რა სიახლეებით ხვდება ბრენდი, წელიწადის ყველაზე ცხელ სეზონს და რას სთავაზობს, ადგილობრივ თუ საერთაშორისო ვიზიტორებს? სტუმარი: ქეთი მიქაშავიძე - The Cone Culture-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის ტურისტული სეზონი უკვე ოფიციალურად გაიხსნა და შავი ზღვის სანაპიროზე დამსვენებლების ნაკადი ყოველდღიურად იზრდება. სწორედ ახლა, როცა სეზონი ყველაზე აქტიურ ფაზაში შედის, პრემიუმ კლასის დასვენებაზე მოთხოვნა პიკს აღწევს. სწორედ ამ ფონზე, ბუნებრივია, ჩვენი ყურადღება აჭარის რეგიონის ერთ-ერთ ყველაზე მასშტაბურ საინვესტიციო პროექტზე, დრიმლენდ ოაზისზე უნდა შევაჩეროთ. ეს არის სივრცე, რომელმაც ჩაქვში სტუმარმასპინძლობის ახალი სტანდარტი დაამკვიდრა და მაღალი კლასის სასტუმრო სერვისებთან ერთად კერძო საცხოვრებელი კომპლექსები ერთ ეკოსისტემაში გააერთიანა. როგორია მიმდინარე სეზონის ტურისტული მოლოდინები და რა ახალ ინფრასტრუქტურულ სიახლეებს სთავაზობს კომპლექსი საერთაშორისო თუ ადგილობრივ დამსვენებლებს? სტუმარი: ნინა ხოტივარი - “დრიმლენდ ოაზისი”, კომერციული დეპარტამენტის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბოლო წლებში მთის კურორტების საზაფხულო დატვირთულობა შესამჩნევად იზრდება, რაც თავის მხრივ შესაბამისი ინფრასტრუქტურისა და მარკეტინგული სტრატეგიების განვითარებას მოითხოვს. სასტუმროების მმართველი კომპანია „კა ჯგუფი“ ბაზარზე საკმაოდ ძლიერ პორტფელს ფლობს. ჯგუფი ბაკურიანში „რაიმონდ პალასს“, გუდაურში „ფაინ შალესა“ და არქიტექტურულად ცნობილ „ქვადრუმს“, ხოლო ყაზბეგში „პორტა კავკასიას“ მართავს. ოთხივე ლოკაცია ტურისტებისთვის გამორჩეულ გამოცდილებას ქმნის და მთის საზაფხულო ტურიზმის ეკონომიკურ განვითარებაში მნიშვნელოვან როლს ასრულებს. სტუმარი: ნინა ჭიღლაძე - KA Group, მარკეტინგის დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გლობალურ ბიზნესში გუნდების მართვა და ურთულესი პრობლემების გადაჭრა ხშირად სრულიად არასტანდარტულ მიდგომებს მოითხოვს. სტრატეგიული კომუნიკაცია მხოლოდ საუბარს არ გულისხმობს, ის გულისყურით მოსმენისა და გააზრების ხელოვნებას წარმოადგენს. ამ პროცესის ეფექტიანობისთვის დასავლურ კორპორაციულ სამყაროში ინოვაციური მეთოდი, კერძოდ ბიზნესპროცესებში "ლეგოს" გამოყენება აქტიურად დაინერგა. აღნიშნული მეთოდოლოგია გუნდის წევრებს აზროვნების ვიზუალიზაციაში და რთული ამოცანების შემოქმედებითად გადაჭრაში ეხმარება. მიუნხენში მოღვაწე ქართველი კონსულტანტი ევროპულ კომპანიებთან მიღებული ამ საერთაშორისო პრაქტიკის საქართველოში გადმოტანას და ადგილობრივი ბიზნესებისთვის გაზიარებას გეგმავს. სტუმარი: გვანცა კიკალიშვილი - სტრატეგიული კომუნიკაციის კონსულტანტი, ფასილიტატორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რეგიონებში ავთენტური ტურისტული სივრცეების განვითარება ადგილობრივი ეკონომიკის გაძლიერებას პირდაპირ უწყობს ხელს. მარტვილში, კერძოდ სოფელ ბალდაში ეკოსოფელი „ტობა“ მდებარეობს. ეს უნიკალური ლოკაცია საოჯახო ფერმასა და აგროტურიზმის კონცეფციას აერთიანებს. ეკოსოფელში სტუმრებს მეგრული კერძების დაგემოვნებასთან ერთად პროდუქტის შექმნის სრულ ციკლში მონაწილეობის შესაძლებლობა ეძლევათ. ეს მიდგომა თანამედროვე ტურისტისთვის განსაკუთრებით მიმზიდველ გამოცდილებას ქმნის. სოფლად ბიზნესის წარმოების გამოწვევებსა და აგროტურიზმის პოტენციალზე ჩვენი შემდეგი სტუმარი ისაუბრებს. სტუმარი: აზა ნაჭყებია - “ტობა ეკო-სოფელის” თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გაეროს ტურიზმის ორგანიზაციის უახლესი ბარომეტრით 2025 წლის 1 კვარტალში საერთაშორისო მოგზაურთა რაოდენობამ 300 მილიონს მიაღწია, რაც 2019 წლის პრეპანდემიურ მაჩვენებელს 3%-ით აჭარბებს. ევროპის კონტინენტი 125 მილიონი ტურისტით კვლავ უპირობო ლიდერობას ინარჩუნებს, ხოლო შუა აღმოსავლეთში ზრდამ 44% შეადგინა. ტურისტული დანახარჯები განსაკუთრებით ხმელთაშუა ზღვის რეგიონში გაიზარდა, სადაც ფასების მატება ესპანეთში 9%-ით, საფრანგეთში კი 6%-ით ფიქსირდება. ამ ტურისტულ ბუმს თან მწვავე გლობალური საკადრო კრიზისი ახლავს. კვალიფიციური კადრების დეფიციტი განსაკუთრებულ წნეხს ლაქშერი სეგმენტზე ქმნის, სადაც მაღალი ემოციური ინტელექტი და პერსონალიზებული სერვისი ფუფუნების მთავარ საზომად რჩება. სტუმარი: ნინო ნამგალაძე - “ვია თრეველის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტრადიციული ცოდნისა და თანამედროვე მიდგომების სინთეზს "ნოეს ღვინო" წარმოადგენს, რომელიც ბაზარზე სულ ახლახან გამოჩნდა. კომპანიამ 2024 წლის მოსავლით ხუთი ენდემური ჯიშისგან პირველი თეთრი, კლასიკური ღვინო ჩამოასხა. მიმდინარე წელს კი წარმოებამ ტრადიციული, ქვევრის ქარვისფერი ღვინის დაყენებაც დაიწყო. ბრენდის ვენახები 2008 წლიდან მანავის მიკროზონაში, სოფელ კაკაბეთში მდებარეობს. სახელწოდებაც სიმბოლურია და პირველი ღვინის შემქმნელ ბიბლიურ ნოეს, ასევე ოჯახის პირველ შვილიშვილს უკავშირდება. როგორია ახალი ბრენდის საწარმოო პროცესები და სამომავლო გეგმები? სტუმარი: ხატია მაღრაძე - “ნოეს ღვინო”, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ციფრული ტექნოლოგიების საზოგადოებრივ და ეკონომიკურ პროცესებში ინტეგრაცია ჩვენი ყოველდღიურობის განუყოფელ ნაწილს წარმოადგენს. ამ მიმართულებით ბაზარზე რამდენიმე ინოვაციური პლატფორმა შეიქმნა, რომელიც მომხმარებლებს როგორც სოციალური, ისე პრაგმატული მიზნების მიღწევაში ეხმარება. პლატფორმა "სიკეთე.ჯი" საზოგადოებრივი სოლიდარობის ციფრულ სივრცეს წარმოადგენს, რომელიც ადამიანებს ურთიერთდახმარებისთვის აერთიანებს. პარალელურად ფუნქციონირებს კომერციული პროექტი "გამიგე.ქომ", რომელიც მომხმარებლებს სასურსათო და ტექნიკის მაღაზიებში ფასების შედარების საშუალებას აძლევს. გარდა ამისა, ტექნოლოგიური განათლების ხელშეწყობის მიზნით, "რე:სქულმა" ხელოვნური ინტელექტის საზაფხულო ბანაკი დააანონსა. სტუმარი: სალომე მგელაძე - re:school, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ურბანული ცხოვრებიდან სოფლის მეურნეობაში გადასვლა უდიდეს ძალისხმევასა და რისკებთან ასოცირდება. როდესაც ამ ნაბიჯს მევენახეობით ცნობილ კახეთის რეგიონში დგამ და არჩევანს მერძევეობის მიმართულებაზე აჩერებ, ეს ბიზნესის გრძელვადიან და პრაგმატულ ხედვაზე მიუთითებს. საქართველოს ფერმერთა ასოციაციის წევრის, მარიამ გამცემლიძის ისტორია ზუსტად ამ გზას ასახავს. ბავშვებისთვის ჯანსაღი და უვნებელი რძის პროდუქტების შექმნის სურვილი სრულფასოვან, სტანდარტიზებულ საოჯახო ბიზნესად იქცა. ფერმაში წარმოების სრული ციკლი დაინერგა, საწარმო HACCP-ის პრინციპების შესაბამისად მოეწყო, ხოლო პირველადი წარმოების მიმართულებით Geo GAP სტანდარტი ამოქმედდა. ამ რთულ პროცესში მეწარმეს CAPCA-ს პროექტი დაეხმარა. სულ მალე ბაზარზე "კაჭრეთის ყველის" ბრენდით ახალი, ეტიკეტირებული პროდუქცია გამოჩნდება. სტუმარი: მარიამ გამცემლიძე - ფერმერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შრომის ბაზრის თანამედროვე დინამიკა აჩვენებს, რომ აკადემიური განათლების პარალელურად, პრაქტიკაზე ორიენტირებულ პროფესიულ გადამზადებას კრიტიკული მნიშვნელობა ენიჭება. ეს განსაკუთრებით აგრარულ სექტორს ეხება, სადაც თეორიული ცოდნის რეალურ საქმეში სწრაფი ტრანსფორმაცია ქვეყნის ეკონომიკურ პროგრესს პირდაპირ განსაზღვრავს. ამ რთული ამოცანის გადასაჭრელად ინოვაციური პლატფორმა Agroskills.ge შეიქმნა. ციფრული ტექნოლოგიების ინტეგრაციით ეს ეკოსისტემა ხარისხიან აგროგანათლებაზე გეოგრაფიულ და დროით ბარიერებს ხსნის. პლატფორმა დარგის ექსპერტებს, სწავლის მსურველებსა და აგრობიზნესის წარმომადგენლებს ერთ სივრცეში აკავშირებს. განსაკუთრებით საყურადღებოა პლატფორმის სოციალურ-ეკონომიკური მისია ქალთა გაძლიერების მიმართულებით. აგრარულ სექტორში ქალების მაღალი ჩართულობის მიუხედავად, მენეჯერულ ცოდნასა და ტექნოლოგიებზე წვდომა გამოწვევად რჩება. Agroskills.ge სწორედ იმ პრაქტიკულ უნარებს იძლევა, რაც ტრადიციული საოჯახო მეურნეობის მაღალტექნოლოგიურ, შემოსავლიან ბიზნესად გარდაქმნას უზრუნველყოფს. სტუმარი: თამუნა გომიაშვილი - “საქართველოს ფერმერთა ასოციაციის” პროფესიული განათლების კოორდინატორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე მომხმარებელი პროდუქტის მიღმა საინტერესო ისტორიას მუდმივად ეძებს. ბავშვობის მოგონებებსა და ნოსტალგიაზე ქართული ტანსაცმლის ბრენდი "ლენამე" აიგო. ამ ბრენდმა ბაზარზე საკუთარი ნიშა მოკლე დროში დაიმკვიდრა. სტუმარი: ელენე გიორგაძე - Lename, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ურბანულ გარემოში გაზრდილი თაობისთვის ბუნებასთან სიახლოვე სასიცოცხლო მნიშვნელობას იძენს. ეკრანდამოკიდებულების ფონზე ბავშვების სენსორული განვითარებისთვის ალტერნატიული სივრცეების შექმნა ბიზნესში სრულიად ახალ ნიშას აჩენს. სწორედ ამ იდეას პროექტი "არგეა" ეფუძნება. აღნიშნული სივრცე მოზარდებს ბუნებრივ გარემოში თავისუფალი თამაშისა და განვითარების შესაძლებლობას აძლევს. ინოვაციურ მიდგომებსა და საგანმანათლებლო ბიზნესის სპეციფიკაზე ჩვენი სტუმარი ისაუბრებს. სტუმარი: მარიამ ლაფერაშვილი - “არგეა”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოს რთულად მისადგომ რეგიონებში ტურისტული ბიზნესის განვითარება უდიდეს ფიზიკურ ძალისხმევასა და გამბედაობას მოითხოვს. თუშეთისკენ მიმავალ ექსტრემალურ გზაზე, ზღვის დონიდან 2970 მეტრზე, სრულიად უნიკალური სივრცე მდებარეობს. კაფე „ღრუბლებს ზემოთ“ დამღლელი მგზავრობის შემდეგ ტურისტებისთვის ერთადერთ მყუდრო შესაჩერებელ ადგილს წარმოადგენს, სადაც მათ არომატული ყავითა და ხელნაკეთი ნამცხვრებით უმასპინძლდებიან. ამ ინსპირაციული სივრცის სულისჩამდგმელი ახალგაზრდა მეწარმე, დაჯი ოშორიძე გახლავთ, რომელიც დასახლებული პუნქტებიდან ათეულობით კილომეტრის მოშორებით ობიექტს ოთხფეხა მეგობართან ერთად სრულიად დამოუკიდებლად მართავს. სტუმარი: დაჯი ოშორიძე - „ღრუბლებს ზემოთ“, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მდგრადი ეკონომიკური განვითარება ბუნებრივი რესურსების გონივრულ მოხმარებასა და ცირკულარული მოდელების დანერგვას პირდაპირ უკავშირდება. ევროკავშირის მონაცემებით, თუ ევროპაში ცირკულარობის მაჩვენებელი თორმეტ პროცენტს შეადგენს, საქართველოში ეს რიცხვი ჯერჯერობით მხოლოდ ერთნახევარ პროცენტზე ფიქსირდება, რაც იმას ნიშნავს, რომ მასალების უმეტესობას ჯერ კიდევ ერთჯერადად ვიყენებთ და შემდეგ ვყრით. აღნიშნული გამოწვევის საპასუხოდ და საზოგადოების ცნობიერების ასამაღლებლად, 14 ივნისს ორბელიანის მოედანზე მასშტაბური ღონისძიება, შეკეთებისა და მეორადი გამოყენების დღე გაიმართება. ინიციატივა ევროკავშირის მხარდაჭერით ხორციელდება და მიზნად ისტორიული "პირიმზის" კულტურის გაცოცხლებას ისახავს, სადაც ნივთების გადაყრის ნაცვლად, მათი შეკეთება და მეორე სიცოცხლის მინიჭება ხდებოდა. სტუმრები: შოკო ჩაჩუა - სოციალური საწარმო "ვინტილატორი" დამფუძნებელი ანელის ვანვიმელბეკე - “საქართველოში ევროკავშირის წარმომადგენლობა", ეკონომიკური და საინვესტიციო გეგმის საკითხების გუნდის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე ტექნოლოგიები ხელოვნების აღქმისა და კომერციალიზაციის სრულიად ახალ შესაძლებლობებს ქმნის. შემოქმედებითი ინდუსტრიების მიმართულებით ერთ-ერთ გამორჩეულ და მასშტაბურ პროექტს "ხელოვან ქალთა ციფრული გამოფენის კვირეული" წარმოადგენს, რომელიც წელს უკვე მეოთხედ იმართება.პროექტი ჰიბრიდულ ფორმატს მოიცავს და ფიზიკურ სივრცესთან ერთად გლობალურ ციფრულ პლატფორმას აერთიანებს. წელს კვირეულს ახალი მიმართულებები, კერძოდ წიგნის ილუსტრაცია, გრაფიკული დიზაინი და პლაკატი დაემატა. კვირეული 12 ივნისს აუდიოვიზუალურ მუზეუმ "ჰოლოზიუმში" გაიხსნება და მსოფლიოს სხვადასხვა ქვეყნიდან ორმოცამდე ხელოვანს გააერთიანებს. სტუმარი: ნათია მეფარიშვილი - პროექტის ავტორი, “მეწარმე ქალთა საბჭო საქართველოში” აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თანამედროვე სამყაროში ხომ, ხელოვნება მხოლოდ გალერეებში აღარ ინახება, ის ჩვენს ყოველდღიურობაში და საყოფაცხოვრებო სივრცეებში აქტიურად ინაცვლებს. კერამიკის სტუდია "ნარი" ზუსტად ამ ესთეტიკურ კონცეფციას ეფუძნება. ბრენდი უნიკალური დიზაინის თეფშებსა და კერამიკის ნაწარმს ქმნის. თითოეული ნივთი დახვეწილი ვიზუალისა და პრაქტიკულობის იდეალურ სინთეზს წარმოადგენს. სტუმარი: თამარ საბახტარაშვილი - Nari კერამიკის სტუდია, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საზოგადოების განვითარების ხარისხი ხშირად იმით იზომება, თუ რამდენად ღიად შეუძლიათ ადამიანებს საკუთარ მენტალურ პრობლემებზე საუბარი. ფსიქიკური ჯანმრთელობის ირგვლივ არსებული სტიგმა და სტერეოტიპები დახმარების მიღების პროცესს მნიშვნელოვნად აფერხებს. ამ უხილავი ბარიერების მსხვრევა და საზოგადოების ფსიქოგანათლება, დღესდღეობით, მათ შორის ექსპერტების მტკიცებით, სასიცოცხლოდ მნიშვნელოვან ამოცანას წარმოადგენს. დროული დიაგნოსტირება და თერაპია კი, როგორც აღნიშნავენ, ცხოვრების ხარისხს ფუნდამენტურად ცვლის. თუმცა, ცხადია, ინფორმაციის ნაკლებობა და საზოგადოებრივი წნეხი ხშირად ბევრ ადამიანს იზოლაციაში ტოვებს… სტუმარი: ელენე ქორიძე - ფსიქიკური ჯანმრთელობის სპეციალისტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
წარმატებული კომპანიები დღეს ადამიანური რესურსების განვითარებაში უდიდეს ინვესტიციას დებენ. პროფესიული უნარების მიღმა, თანამშრომლების ემოციური ინტელექტისა და პიროვნული ზრდის ხელშეწყობა ბიზნესის მდგრადობას განაპირობებს. სწორედ ამ პროცესების მართვას ემსახურება სწავლებისა და განვითარების მიმართულება კორპორაციულ სამყაროში. ადამიანის პოტენციალის აღმოჩენასა და პროფესიული მიზნების მიღწევაში , ჩვენს თანამედროვე რეალობაში ქოუჩინგს სულ უფრო დიდი როლი და მნიშვნელობა ენიჭება. სტუმარი: ქეთო ჭარელაშვილი - ფსიქოლოგი, სწავლებისა და განვითარების მენეჯერი, სერტიფიცირებული ქოუჩი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ფინანსური ტექნოლოგიების, კერძოდ ინშურტექის განვითარება სადაზღვევო სექტორს ფუნდამენტურად ცვლის. ბაზარზე გამოჩნდა პირველი ქართული ციფრული სადაზღვევო სტარტაპი „ფრანი“, რომელიც მულტიფუნქციური ბროკერის როლს ასრულებს. პლატფორმა მომხმარებელს ინდივიდუალურ საჭიროებებზე მორგებულ პაკეტებს დამატებითი საკომისიოების გარეშე სთავაზობს. სტარტაპმა სულ ახლახან სისტემაში ხელოვნური ინტელექტის ასისტენტი დანერგა, რაც პოლისების ანალიზსა და შედარებას მნიშვნელოვნად ამარტივებს. გარდა ამისა, კომპანიამ პროდუქტების პორტფელი გააფართოვა და კორპორაციულ მიმართულებასთან ერთად, საზღვარგარეთ მოგზაურობისთვის სავალდებულო, სწრაფი დაზღვევის სერვისიც დაამატა. სტუმარი: ქეთა გოგიტიძე - "ფრანი", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
გლობალურ ბაზარზე კვების ტექნოლოგიების ინდუსტრია წარმოუდგენელი ტემპით იზრდება. ქართულ რეალობაში ამ სივრცის ათვისება ახლა იწყება და ერთ-ერთ პირველ, წარმატებულ პრეცედენტს კომპანია „Taste lab“ წარმოადგენს. სტარტაპის მიზანს ტრადიციული ქართული ინგრედიენტებისა და თანამედროვე კვების მეცნიერების სინთეზით ინოვაციური პროდუქტების შექმნა წარმოადგენს. მათი პირველი პროდუქტი, სახელწოდებით BITE, იოგურტსა და მაწონზე დაფუძნებულ ხრაშუნა სნექს წარმოადგენს. წარმოების რთული პროცესი სუბლიმაციის, ანუ სწრაფი გაყინვისა და შრობის ტექნოლოგიას ეფუძნება. პროდუქტი არ შეიცავს დამატებულ შაქარს და ჯანსაღი კვების ალტერნატივას ქმნის. სტუმრები: სანდრო კანდელაკი - Taste lab, თანადამფუძნებელი ნინო ქერდიკაშვილი - Taste lab, მარკეტინგის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტექნოლოგიური პროგრესი მოზარდების ფსიქიკაზე პირდაპირ და ძალიან ძლიერ ზეგავლენას ახდენს. ხელოვნური ინტელექტი ბავშვებისთვის სწავლის, თამაშისა და ინფორმაციის მიღების ძირითად წყაროდ იქცა. ხელსაწყოსთან მუდმივი კომუნიკაცია მათ ემოციურ ინტელექტსა და სოციალურ უნარებს ფუნდამენტურად ცვლის. ხშირ შემთხვევაში, ჩეთბოტებთან უწყვეტი ურთიერთობა ბავშვებში აგრესიას ან სრულ იზოლაციას იწვევს. თუ სამართლებრივი ჩარჩოები მოზარდის მონაცემებს გარკვეულწილად იცავს, ფსიქოლოგიური უსაფრთხოების უზრუნველყოფა მშობლებისა და სკოლის უშუალო პასუხისმგებლობად რჩება. სტუმარი: ეკა ნინოშვილი - ბავშვთა და მოზარდთა ფსიქოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საინფორმაციო ტექნოლოგიების განვითარებამ სამართლებრივ სივრცეში სრულიად ახალი გამოწვევები გააჩინა. ბავშვები დღეს ხელოვნურ ინტელექტთან აქტიურ კომუნიკაციაში შედიან, თუმცა ამ პროცესში მათი პერსონალური მონაცემების უსაფრთხოება ხშირად დაუცველი რჩება. იურიდიული კომპანია GLCC-ის იურისტი და ნიდერლანდების ლეიდენის უნივერსიტეტის მაგისტრი, ანასტასია მენაბდე სწორედ ამ საკითხებს იკვლევს. მისი შესწავლის მთავარ საგანს ევროკავშირის სამართლის ფარგლებში ბავშვთა უფლებების დაცვა და ინტელექტუალური ჩეთბოტების უსაფრთხოება წარმოადგენს.საქართველოში ხელოვნური ინტელექტის მარეგულირებელი სპეციალური კანონმდებლობა ჯერჯერობით არ არსებობს, რაც მოზარდებს კიდევ უფრო მოწყვლად ჯგუფად აქცევს. მართალია, სისტემები ზოგადი პერსონალური მონაცემების დაცვის კანონმდებლობაში ექცევა, თუმცა სპეციფიკური საკანონმდებლო მექანიზმების შემუშავება გარდაუვალ აუცილებლობას წარმოადგენს. სტუმარი: ანასტასია მენაბდე - GLCC, იურისტი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული ღვინის კულტურის განვითარება და საერთაშორისო სტანდარტებთან დაახლოება შესაბამისი პროფესიონალების არსებობას მოითხოვს. სომელიეს პროფესია სტუმარმასპინძლობის სექტორისა და ღვინის ტურიზმის ხარისხს პირდაპირ განსაზღვრავს. მესამე ივნისს სომელიეს საერთაშორისო დღესთან დაკავშირებით "საქართველოს საუკეთესო სომელიე 2026" გამოვლინდა. ამ ტიტულის მფლობელი თეონა თოხაძე გახდა. თეონა საერთაშორისო WSET3 დიპლომს ფლობს. პროფესიით კორპორატიული კომუნიკაციების სპეციალისტს საბანკო და სატელეკომუნიკაციო სფეროებში მუშაობის მრავალწლიანი გამოცდილება აქვს. მან ღვინის ტურიზმის მიმართულებით არაერთი წარმატებული პროექტი განახორციელა. შესაბამისად, საინტერესოა მისგან ანალიზი და შეფასება იმ ტენდენციებისა და დინამიკის შესახებ რაც ინდუსტრიაში შეინიშნება. სტუმარი: თეონა თოხაძე - WSET3 დიპლომირებული სომელიე #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართულმა ბრენდმა "ბლუტაბლამ" განვითარების სტრატეგიულად მნიშვნელოვან ეტაპზე გადაინაცვლა. კომპანიამ, რომელიც ეროვნულ ორნამენტიკას და ეთნოგრაფიას თანამედროვე დიზაინში აერთიანებს, დიდ ბრიტანეთში სადისტრიბუციო და სასაწყობო ცენტრი გახსნა. ლონდონში ბაზირება ევროპულ ბაზარზე ლოგისტიკური ჯაჭვის ოპტიმიზაციას უზრუნველყოფს. აღნიშნული ინფრასტრუქტურული ცვლილება ბრიტანელი მომხმარებლებისთვის პროდუქციაზე სრულ ხელმისაწვდომობას ქმნის. საერთაშორისო გაყიდვები ამაზონის გლობალური პლატფორმისა და ბრენდის ოფიციალური ვებგვერდის მეშვეობით ხორციელდება. სტუმარი: ნინი ტყემალაძე - BlueTabla, მარკეტინგის მენეჯერი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ბოლნისი ქართულ მეღვინეობის რუკაზე საკუთარ და გამორჩეულ ადგილს ეტაპობრივად იმკვიდრებს. ადგილობრივი საოჯახო მარნები მრავალწლიან ტრადიციებს თანამედროვე ბიზნეს სტანდარტებს წარმატებით უხამებენ. ამ პროცესის ერთ-ერთი თვალსაჩინო მაგალითი "თეოფან ფრუიძის მარანია", რომელმაც ბაზარზე კომერციული სახით პოზიციონირება მხოლოდ ერთი წლის წინ დაიწყო. კომპანია ამ ეტაპზე წლიურად ორ ათასამდე ბოთლ ღვინოს აწარმოებს და მომხმარებელს რქაწითელსა და საფერავისა და თავკვერის უნიკალურ კუპაჟს სთავაზობს. ბრენდის პირველი ფართო საჯარო პრეზენტაცია ბოლნისის წლევანდელ ღვინის ფესტივალზე შედგა. როგორია ბაზარზე არსებული გამოწვევები და სამომავლო საექსპორტო გეგმები? სტუმარი: ანა მანჯგალაძე - „თეოფან ფრუიძის მარანი“, წარმომადგენელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართულ ბაზარზე ნატურალურ და ტრადიციულ პროდუქტებზე მოთხოვნა სტაბილურად იზრდება. მომხმარებელი ინდუსტრიული წარმოების ალტერნატივას ეძებს და არჩევანს სწორედ ავთენტურ გემოებზე აჩერებს. ამ მოცემულობას იდეალურად პასუხობს კომპანია "შინარი", რომელიც ბაზარზე გასული წლის ბოლოს ხუთი ათასი ლარის საწყისი ინვესტიციით გამოჩნდა. მარიამ გურგულიანისა და ნიკოლოზ ჯაჭვაძის ბიზნესიდეა სვანეთიდან ჩამოტანილ სუნელებს, კახურ ზეთს, თაფლსა და სხვადასხვა ხელნაკეთ საკმაზს აერთიანებს. ამჟამად ბრენდი მხოლოდ ონლაინ გაყიდვების პლატფორმით ოპერირებს. თუმცა კომპანიის დამფუძნებლები მიმდინარე წლის ბოლომდე თბილისის ხალხმრავალ და ტურისტულ ზონაში პირველი ფიზიკური მაღაზიის გახსნას გეგმავენ. რა გზა გაიარა სტარტაპმა იდეიდან ბიზნესის გაფართოებამდე? სტუმრები: მარიამ გურგულიანი - "შინარი", დამფუძნებელი ნიკოლოზ ჯაჭვაძე - "შინარი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
თუკი, კახეთი ქართული მეღვინეობის ინდუსტრიულ ცენტრს წარმოადგენს, ქართლის რეგიონი ბოლო წლებში ბუტიკური ღვინის ტურიზმის მთავარ აღმოჩენად იქცა. მასობრივი ტურისტული სივრცეებისგან გადაღლილი მოგზაურები დღეს უკვე ავთენტურ და მშვიდ გარემოს ირჩევენ, სადაც ბუნებრივ ღვინოსთან ერთად ქართული სოფლის ნამდვილ ტრადიციებსაც ეცნობიან. კასპის მუნიციპალიტეტი და იქ მდებარე „ირმას და კატოს მეღვინეობა და მარანი“ სწორედ ამ ეკოლოგიურ კონცეფციას ეფუძნება. ობიექტი სტუმრებს ორგანულ ვენახებსა და ნამდვილ ოჯახურ მასპინძლობას სთავაზობს, რა მოდელშიც ღვინის წარმოება და აგროტურიზმი ერთმანეთს იდეალურად ერწყმის და რეგიონის ეკონომიკურ განვითარებას ეხმარება. სტუმარი: ირმა მერებაშვილი - "ირმას და კატოს მეღვინეობა და მარანი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ოჯახისგან მემკვიდრეობით მიღებული მიწა წარმატებული ბიზნესის დაწყების მთავარი ინსპირაცია აღმოჩნდა. კახეთში მდებარე ფაფრის მინდვრების მიკროზონა, რომელიც უმაღლესი ხარისხის საფერავის პოტენციალით გამოირჩევა, სწორედ ის უნიკალური ტერუარია, რომლის ათვისებითაც „ექიმის ბიო-მარნის“ ისტორია დაიწყო. დღეს კომპანია ხუთი სხვადასხვა დასახელების ღვინოს აწარმოებს, რასაც სულ ახლახან ბაზარზე სრულიად ახალი პროდუქტი, საფერავის ლიქიორიც დაემატა. თუმცა, მარნის მთავარი მიღწევა მაინც იმ საექსპორტო გეოგრაფიას უკავშირდება, რომელიც უმკაცრესი საერთაშორისო სტანდარტების დაკმაყოფილებას მოითხოვს და შესაბამისად, ქართული პროდუქცია იაპონიის, ჰონკონგისა და დიდი ბრიტანეთის პრემიუმ ბაზრებზე წარმატებით გადის. სტუმარი: მარიეტა კაკიაშვილ-რუაძე - “ექიმის ბიო-მარნის”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სოფელი გირევი, გომეწრის ულამაზესი ხეობა და ურთულესი ლოგისტიკური პირობები - სწორედ აქ მდებარეობს „შიოს ქვის სახლი“. ეს არის 7 ოთახიანი, 20 ვიზიტორზე გათვლილი სასტუმრო, რომელმაც ველურ ბუნებაში სრული კომფორტი შექმნა: სველი წერტილები, ინტერნეტი, ტრადიციული კაფე და სუვენირების მაღაზიაც კი. უახლესი სტატისტიკით, თუშეთში ტურისტების რაოდენობა გაორმაგდა, რაც ადგილობრივი ბიზნესისთვის ერთი მხრივ უზარმაზარი ეკონომიკური შანსი, ხოლო მეორე მხრივ, ოპერაციული გამოწვევაა. როგორ იმართება სასტუმრო-კომპლექსი ერთ-ერთ ყველაზე მიუვალ სოფელში და რა სერვისებს ითხოვს დღეს თუშეთში ასული ტურისტი? სტუმარი: თამთა ჩაგოშვილი - “შიოს ქვის სახლი”, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სვანეთის მაგალითზეც, მათ შორის, ხშირად ვფიქრობთ, რომ ისტორიულ რეგიონებში მხოლოდ ტრადიციული, ძველი სტილის სასტუმროებია წარმატებული, თუმცა „ვილა ჩელო“ ამ სტერეოტიპს ამსხვრევს. ეს არის მესტიის ცენტრში სულ რამდენიმე წლის წინ აშენებული, სრულიად თანამედროვე, პრემიუმ კლასის პრივატული კოტეჯების კომპლექსი. მიუხედავად მინიმალისტური დიზაინისა, ობიექტი მჭიდროდაა დაკავშირებული გარემოსთან. იტალიური სიტყვა Cielo „ცას“ ნიშნავს, რაც არაჩვეულებრივად ასახავს კოტეჯების კონცეფციას - ფართო ფანჯრებიდან სტუმრებს პირდაპირი ხედი ეშლებათ სვანეთის მაღალ მთებსა და იუნესკოს მსოფლიო მემკვიდრეობის ნუსხაში შესულ შუა საუკუნეების კოშკებზე. როგორ იქმნება პრემიუმ ტურისტული პროდუქტი ისტორიულ-ეთნოგრაფიული მუზეუმის სიახლოვეს და ვინ არის თანამედროვე სვანეთის ტურისტი? სტუმარი: თათია თეთრაშვილი - "ვილა ჩელოს" დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
რეგიონში ბიზნესის კეთება ეკონომიკურ საქმიანობასთან ერთად, არანაკლებ მნიშვნელოვანი სოციალური პასუხისმგებლობაა. ველნეს-კურორტი „განთიადი“ დღეს 60 ადამიანს ასაქმებს და სახელმწიფოს ბიუჯეტში სოლიდური კონტრიბუტორია, თუმცა, როგორც კომპანიის მენეჯმენტი აცხადებს, ადგილობრივი ბიზნესი მთავრობისგან მეტ ხელშეწყობას საჭიროებს. „განთიადი“ მკაფიოდ ჩამოყალიბებული კონცეფციის კურორტია, რომლის მთავარი სამიზნე სეგმენტი ბავშვიანი ოჯახები არიან. ობიექტი მუდმივად მუშაობს სერვისების გაუმჯობესებასა და სტაბილური დატვირთულობის შენარჩუნებაზე. რა არის დღეს ველნეს-ტურიზმის მთავარი გამოწვევა საქართველოში და რას ითხოვს რეალური სექტორი სახელმწიფოსგან? სტუმარი: დიანა ჩომახაშვილი - ველნეს-კურორტი „განთიადი", მმართველი პარტნიორი და დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
30 და 31 მაისს თბილისში რამდენიმე გამორჩეული, შემოქმედებითი და ინკლუზიური ღონისძიება გაიმართა, რომელთა მთავარი მიზანი ბავშვთა უფლებებზე, თანასწორი და უსაფრთხო გარემოზე საუბრის გააქტიურება იყო. მზიურის პარკი ორი დღის განმავლობაში ბავშვებისა და ოჯახებისთვის მრავალფეროვან, საგანმანათლებლო და გასართობ სივრცედ გადაიქცა. ფესტივალის ფარგლებში ჩატარებული ვორქშოფები, ინტერაქციული აქტივობები თუ შემეცნებითი შეხვედრები მშობლებისთვის ხელს უწყობდა თაობებს შორის დაახლოებასა და საერთო, პოზიტიური გამოცდილებების შექმნას. პარალელურად, 31 მაისს, სოციალურმა საწარმომ „კუბი კონტექსტში“ უმასპინძლა განსაკუთრებულ ინტერაქციულ გამოფენას - „როცა ადამიანი მიღიმის...“. ეს იყო მულტიმედიური სივრცე, სადაც მისულ ბავშვებს საშუალება მიეცათ, არა მხოლოდ დაეთვალიერებინათ სხვების შემოქმედება, არამედ თავადაც დაეხატათ, ჩართულიყვნენ პროცესში და გამოფენის თანაავტორები გამხდარიყვნენ. პროექტი, რომელიც World Vision Georgia-ს, სოციალური პლატფორმა „სინათლის მანდალასა“ და საქველმოქმედო ფონდ „ალუბალას“ კოლაბორაციით განხორციელდა, მთავარ კითხვაზე - „რა გიხარია და გაღიმებს შენ?“ - პასუხად შექმნილ გულწრფელ ნამუშევრებს აერთიანებდა. სტუმარი: ანუკა ლომიძე - თანამედროვე ხელოვნების სივრცე “კუბი კონტექსტში” თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ექსპერიმენტორიუმი“ არის უნიკალურ სამეცნიერო მუზეუმი, რომელიც უკვე 10 წელია თეორიულ ცოდნასა და მეცნიერებას ბავშვებისთვის რეალურ, ხელშესახებ გამოცდილებად აქცევს. ეს არის ადგილი, სადაც ფიზიკის რთული კანონები, მექანიკა, ოპტიკა თუ გრავიტაცია პატარებს მარტივად, თამაშ-თამაშით აეხსნებათ. აქ სიჩუმეს არავინ ითხოვს, რადგან სივრცის მთავარი მისია მხოლოდ გართობა კი არა, ლოგიკური აზროვნების განვითარება, ცნობისმოყვარეობის წახალისება და აღმოჩენებით გამოწვეული გულწრფელი სიხარულია. „ექსპერიმენტორიუმში“ სჯერათ, რომ არ არსებობს არასწორი კითხვა და ბავშვებს ეძლევათ სრული თავისუფლება, დამოუკიდებლად შეეხონ და შეიცნონ სამყარო. სივრცე მალევე იქცა ბავშვებისთვის და სხვათაშორის მშობლების საყვარელ ადგილად. სტუმრები: ელენე ბაბაკიშვილი - “ექსპერიმენტორიუმის” ოპერაციული დირექტორი სოფიკო ბიგვავა - “ექსპერიმენტორიუმის” განვითარების დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რაჭა ადგილობრივი თუ საერთაშორისო ტურიზმისთვის სულ უფრო მიმზიდველი მიმართულება ხდება, განსაკუთრებით კი მათთვის, ვინც ავთენტურ გასტრონომიულ გამოცდილებასა და აგროტურიზმის განვითარებას გულშემატკივრობს. სწორედ ამ იდეის გარშემო აერთიანებს სტუმრებს მულტიფუნქციური ტურისტული და გასტრონომიული სივრცე „კესანე - არ დამივიწყო“, რომელიც 2023 წლის ზაფხულიდან რაჭაში, სტუმარმასპინძლობის სფეროში, გამორჩეულ სიტყვას ამბობს. კონცეფცია „ფერმიდან სუფრამდე“, ადგილობრივი მეწარმეების აქტიური მხარდაჭერა და უნიკალური ღვინის ჰაბის განვითარება - ეს ის მთავარი პრიორიტეტებია, რომლებზეც პროექტი დგას. რაც მთავარია, „კესანემ“ ახალი ტურისტული სეზონი უკვე ოფიციალურად გახსნა და განახლებული ენერგიით ელის სტუმრებს, რათა მათ ტრადიციული რაჭული კერძებისა და ადგილობრივი ღვინის დაუვიწყარი გამოცდილება გაუზიაროს. როგორ ხვდება სივრცე ახალ სეზონს, რა როლს ასრულებს ის რეგიონის გაძლიერებაში და როგორია ბიზნესის გაფართოების სტრატეგია, რომელიც თბილისში ახალი ფილიალის გახსნასა და, გრძელვადიან პერსპექტივაში, სასტუმრო კონცეფციის დანერგვასაც გულისხმობს? სტუმარი: გვანცა ყრუაშვილი - "კესანე - არ დამივიწყო", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული მეღვინეობა და ქართული მეღვინეები ცდილობენ - დღეს უკვე გლობალური ინდუსტრიის თანამედროვე მოთხოვნებს უპასუხონ. ადგილობრივი მწარმოებლებისთვის, განსაკუთრებით კი მცირე მარნებისთვის მთავარი ორიენტირი ახლა უკომპრომისო ხარისხი და პრემიუმ პოზიციონირებაა. სწორედ ამ ახლებური ხედვითა და საერთაშორისო სტანდარტებით გამოირჩევა „ღვინის კომპანია 91“ - ბრენდი, რომლის მთავარი ინსპირაცია დამოუკიდებელი, თავისუფალი საქართველოს კონცეფციაა. დროის მცირე მონაკვეთის მიუხედავად, კომპანიამ უმოკლეს ვადებში შეძლო უცხოურ ბაზრებზე საკუთარი სიტყვის თქმა და დაამტკიცა, რომ მისი პროდუქტი გლობალურად კონკურენტუნარიანია. წარმატებული სტარტისა და საერთაშორისო აღიარების შემდეგ კი, ბრენდი განვითარების კიდევ ერთ, ძალიან საინტერესო ეტაპზე გადადის - „ღვინის კომპანია 91“-მა მომხმარებელს სრულიად ახალი, გამორჩეული ხაზი და თანამედროვე, დახვეწილი ვიზუალური იდენტობა წარუდგინა, რომელიც მათ პროდუქციას კიდევ უფრო პრემიუმ და დასამახსოვრებელ იერს სძენს. სტუმარი: თამარ მარკოზაშვილი - “ღვინის კომპანია 91”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თბილისის ზოოპარკი წლების შემდეგ ლოკაციას იცვლის. ბოლო ინფორმაციით, როგორც ჩვენთვის იყო ცნობილი თბილისის ახალი ზოოპარკი თბილისის ზღვის ტერიტორიაზე ივლისში უნდა გაიხსნას. ამჟამად ინფრასტრუქტურის მოწესრიგების სამუშაოები, მათ შორის ტერიტორიების გამწვანება მიმდინარეობს. ახალი ზოოპარკში დამთვალიერებლებს გაცილებით დიდი ვოლიერები და განახლებული ექსპოზიციები დახვდებათ. რაც ყველაზე სასიხარულო ამბავია, ახალ ლოკაციაზე ჟირაფების ჩამოყვანაც იგეგმება. აქვე შეგახსენებთ რომ თბილისის ზოოპარკის ახალი ადგილი თბილისის ზღვის ტერიტორიაზე 2015 წლის 13 ივნისის ტრაგედიის შემდეგ აირჩიეს. ახალი ზოოპარკის ფართობი 48 ჰექტარს შეადგენს და მისი სრულად აღჭურვა დაახლოებით $50 მილიონი დოლარის ინვესტიციას მოითხოვდა. როგორ მიმდინარეობს ახალი ზოოპარკის მოწყობის პროცესი, მანამდე კი როგორია ამჟამად არსებული ზოოპარკის დატვირთულობა? სტუმარი: მზია შარაშიძე - “თბილისის ზოოპარკი”, საზოგადოებასთან ურთიერთობის მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გვიანი სეზონი და Air balloon Tbilisi-ს დატვირთულობა Air balloon Tbilisi-ს მოლოდინები და სამომავლო გეგმები სტუმარი: მეა კაპანაძე - Air balloon Tbilisi, დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მთაწმინდის პარკი - არის ადგილი სადაც უამრავ ატრაქციონთან ერთად, საკვები ობიექტები, ისტორიული ფუნიკულიორი და ბევრი სხვა ისეთი სივრცე დაგხვდებათ, რომელიც დროის საუკეთესოდ გატარების შესაძლებლობას მოგცემთ. მთაწმინდის პარკი თბილისის ყველაზე მაღალი პარკია. იგი 770 მეტრის სიმაღლეზე მდებარეობს და 20 ჰექტარზე მეტ ტერიტორიას იკავებს. პარკის ისტორია 80 წელს აჭარბებს და ბუნებრივია, რომ იგი დედაქალაქის ერთ-ერთ სიმბოლოა. პარკში ვიზიტი წელიწადის ყველა დროს სასიამოვნოა, თუმცა აქტიური სეზონი მზიან დღეებთან ერთად იხსნება. როგორც მთაწმინდის პარკის წარმომადგენლები ამბობენ აქტივობა ყოველწლიურად იზრდება, მაგალითად 2025 წელს, 2024 წელთან შედარებით 50%-ით გაიზარდა უნიკალური ბარათით მოსარგებლე მომხმარებლების რაოდენობა, რომლებმაც პარკში თანხა დახარჯეს. რაც შეეხება მიმდინარე წელს, როგორც პარკში აცხადებენ, 26 აპრილიდან ღონისძიებების სეზონი აქტიურად დაიწყეს და 2026 წელს პროგრამა კიდევ უფრო დატვირთული და მრავალფეროვანი იქნება. რა სიახლეებით ხვდება პარკი წლევანდელ სეზონს? სტუმარი: ია თარხან-მოურავი - "მთაწმინდის პარკი", მარკეტინგისა და გაყიდვების დეპარტამენტის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„საქართველო, როგორც ქეისი: დემოკრატიიდან ავტორიტარულ მმართველობამდე“ - 26 მაისს ბერლინში ღონისძიება იმართება ✔️ „ქართულ-გერმანული ქალთა ალიანსი” - ბერლინში მოქმედი ქართული სამოქალაქო საზოგადოების შექმნის ისტორია სტუმარი: სოფო შაბურიშვილი - „ქართულ-გერმანული ქალთა ალიანსი“, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტექნოლოგიური პროექტი - ArtEast–ArtWest - არის მასშტაბური შემოქმედებით-ტექნოლოგიური ინიციატივა, რომელიც საქართველოს ინოვაციებისა და ტექნოლოგიების სააგენტოს მხარდაჭერითა და Aker Tbilisi-ის ორგანიზებით ხორციელდება. პროექტი უპრეცედენტოა - ის მიზნად ისახავს პირველი ეროვნული ანიმაციური ანთოლოგიის შექმნას, რომელიც ქართულ მითოლოგიასა და რეგიონულ ისტორიებს თანამედროვე ტექნოლოგიებთან აერთიანებს. პროცესში საქართველოს 13 რეგიონიდან 150-ზე მეტი ადამიანი ჩაერთვება და შეისწავლის ანიმაციის შექმნის სრულ ციკლს, მათ შორის ხელოვნური ინტელექტის ინსტრუმენტების გამოყენებით. ამასთანავე, კომპანია რეგიონული განვითარების კიდევ ერთ მნიშვნელოვან მიმართულებაზე მუშაობს. ოთხ რეგიონში: სამეგრელოში, ქვემო ქართლში, შიდა ქართლსა და გურიაში პრე-აქსელერაციის პროგრამა იწყება, რომელიც ინოვაციური იდეების მქონე გუნდებს რეალური სტარტაპების შექმნაში დაეხმარება. როგორ გაცოცხლდება ქართული მემკვიდრეობა ციფრულ ფორმატში, რა პოტენციალი აქვს მას საერთაშორისო ბაზარზე და როგორ შეუძლიათ რეგიონში მცხოვრებ ადამიანებს პროგრამებში ჩართვა? სტუმარი: ანი მიხანაშვილი - Aker Tbilisi-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ანა ფაშალიშვილი უნდა გაგაცნოთ - განვითარებისა და გენდერული თანასწორობის სპეციალისტი, რომელსაც ადამიანის უფლებების, მმართველობისა და ქალთა ეკონომიკური გაძლიერების მიმართულებით მუშაობის 17-წლიანი გამოცდილება აქვს. ამჟამად ანა გაეროს ქალთა ორგანიზაციის ევროპისა და ცენტრალური აზიის რეგიონული ოფისის პროგრამების სპეციალისტია. სწორედ ის უდგას სათავეში ისეთ მასშტაბურ რეგიონულ ინიციატივებს, როგორებიცაა „Women’s Entrepreneurship Expo 2025“ - უმნიშვნელოვანესი პლატფორმა, რომელიც ქალ მეწარმეებს ბიზნესის გაფართოებაში, ინვესტიციების მოზიდვასა და კერძო სექტორთან დაკავშირებაში ეხმარება. სანამ რეგიონულ ოფისში გადაინაცვლებდა, ანა 10 წლის განმავლობაში მუშაობდა UN Women-ის საქართველოს ოფისში და არაერთ მილიონიან პროექტს ხელმძღვანელობდა. მას აქვს სტრასბურგის უნივერსიტეტის მაგისტრის ხარისხი საბანკო-საფინანსო და კერძო სამართალში. ყველაზე შთამბეჭდავი კი ის არის, რომ ამ უზარმაზარი პროფესიული პასუხისმგებლობისა და საერთაშორისო ასპარეზზე საქმიანობის პარალელურად, იგი სამი შვილის დედაა. სტუმარი: ანა ფაშალიშვილი - “გაეროს ქალთა ორგანიზაცია”, ეკონომიკური გაძლიერების პროექტების ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
დღევანდელ გადაცემაში ქეთევან ხუსკივაძე უნდა გაგაცნოთ, გამორჩეული ქართველი ისპანისტი, მკვლევარი, მთარგმნელი და თბილისის სახელმწიფო უნივერსიტეტის ლექტორი. იგი გახლავთ საქართველოს ისპანისტთა საზოგადოების დამფუძნებელი და პრეზიდენტი, არაერთი საერთაშორისო სამეცნიერო პროექტის მონაწილე და საქართველოში ესპანური ენის პოპულარიზატორი. სულ ახლახან, 2026 წლის მაისში, ქეთევანი თბილისის პირველი იბეროამერიკული ლიტერატურის ფესტივალის ერთ-ერთი ორგანიზატორიც გახლდათ. გარდა მდიდარი აკადემიური საქმიანობისა, ქეთევანი აქტიურად მუშაობს მხატვრულ თარგმანზე. მისი წყალობით ქართველმა მკითხველმა მშობლიურ ენაზე გაიცნო გაბრიელ გარსია მარკესის, როდოლფო ჰასლერისა და სხვა ესპანელენოვანი ავტორების ნაწარმოებები.დღეს კი ჩვენი სტუმრობის მთავარი მიზეზი მისი უახლესი ნამუშევარია - 2026 წელს თარგმნილი ნატი კარდოსოს წიგნი „დასაბამი“. ეს არის წიგნი, რომელიც პატივს მიაგებს ძირძველ, აბორიგენ ხალხებსა და მათ სიბრძნეს. სტუმარი: ქეთევან ხუსკივაძე - ქართველი ისპანისტი, მკვლევარი, მთარგმნელი, განათლების სფეროს სპეციალისტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მთავრობა „ტყის მცველის“ პოზიციას ქმნის - აღნიშნულს „ტყის კოდექსში“ შესატანი ცვლილებების პაკეტი ითვალისწინებს. გარემოს დაცვისა და სოფლის მეურნეობის სამინისტროს მიერ პარლამენტში ინიციირებული ცვლილებების თანახმად, ტყის ფიზიკური დაცვის ფუნქციის აღდგება და ამ მიზნით „ტყის მცველის“ პოზიციაზე 400-ზე მეტი ადამიანის დასაქმება იგეგმება. სამინისტროში ამბობენ, რომ დღეისთვის ერთ-ერთ მთავარ გამოწვევად ტყის უკანონო ჭრა რჩება. ასევე, იცვლება ხე-ტყის დამზადებისა და რეალიზაციის წესი და ტყის მართვის ორგანო ხე-ტყის დამზადების უფლებას პირდაპირ აუქციონზე გაიტანს. სპეციალისტები „ტყის მცველის“ ინსტიტუტის შემოღებას დადებითად აფასებენ, თუმცა კითხვები აქვთ ხე-ტყის დამზადების წესის ცვლილებასთან დაკავშირებით. რას ითვალისწინებს ტყის კოდექსში დაგეგმილი ცვლილებები და როგორ აფასებენ მას სპეციალისტები? #ახალიამბები #BusinessMediaGeorgia
Mercedes-Benz Fashion Week Tbilisi-ს წლევანდელ სეზონზე თავისი ახალი კოლექცია აუდიტორიის წინაშე წარადგინა ბრენდმა „ტატუნამ“. 2015 წელს თბილისში დაარსებული ეს ბრენდი ტანსაცმელს მხოლოდ ყოველდღიურ მოხმარების საგნად არ განიხილავს, მათთვის ეს თვითგამოხატვის მძლავრი საშუალებაა. „ტატუნა“ ძალიან საინტერესოდ პოულობს გადაკვეთას მოდასა და ხელოვნებას შორის - ტრადიციული ჩვენებების მიღმა, ბრენდი ხშირად ქმნის კონცეპტუალურ გამოფენებსა და ინსტალაციებს, სადაც სამოსი არტ-ობიექტის დატვირთვას იძენს. ის, რაც ამ ბრენდს ნამდვილად გამოარჩევს, არის ტანსაცმლის კონსტრუქციისადმი ღრმა პატივისცემა და ოსტატობა. თითოეული ნივთი თბილისში, 15 პროფესიონალი ოსტატისგან შემდგარი გუნდის მიერ, სრულიად ხელით იქმნება. ეს უზრუნველყოფს უმაღლეს ხარისხს და პირდაპირ კავშირს საწყის იდეასა და საბოლოო შედეგს შორის. სტუმარი: ტატუნა ნიკოლაიშვილი - TATUNA ბრენდის დამფუძნებელი და დიზაინერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
7-10 მაისს Factory Tbilisi-მ მოდის, მუსიკისა და ხელოვნების პლატფორმას - Mercedes-Benz Fashion Week Tbilisi-ს უმასპინძლა. სეზონზე საკუთარი კოლექციები 11-მა დამკვიდრებულმა, ისევე როგორც ახალი თაობის დიზაინერმა წარადგინა. ღონისძიებას მრავალი საერთაშორისო სტუმარი - მედიის წარმომადგენლები, ინფლუენსერები და მოდის კრიტიკოსები დაესწრნენ, რამაც თბილისის პოზიცია გლობალურ მოდის რუკაზე კიდევ უფრო გაამყარა. ჩვენებების პარალელურად, გაიმართა ახალგაზრდა ტალანტების ყოველწლიური საერთაშორისო კონკურსი BENEXT. გარდა ამისა, სივრცეში შედგა ჯეი-ჯეი იოჰანსონისა და ნიკოლოზ რაჭველის გამორჩეული ერთობლივი მუსიკალური პროექტი ეროვნული სიმფონიური ორკესტრისა და ანსამბლ „შავნაბადას“ მონაწილეობით. ეს სეზონი ქართული მოდის ინდუსტრიისთვის და ახალი აღმოჩენებისთვის მნიშვნელოვანი წინგადადგმული ნაბიჯი აღმოჩნდა. 11 დიზაინერს შორის - Mercedes-Benz Fashion Week-ის ერთ-ერთ ყველაზე განხილვად მონაწილე - ბრენდი „ინგოროყვა“ გახლდათ, რომლის უკანაც დიზაინერი თამუნა ინგოროყვა დგას. უკვე ოცი წელია, ბრენდი კლასიკურ თარგსა და ორიგინალურ ქსოვილებს აერთიანებს, ქმნის ძლიერ, თანამედროვე სილუეტებს და აყალიბებს ქალურობის სრულიად ახალ, დახვეწილ და ძალაუფლებით სავსე ხედვას. „ინგოროყვას“ კოლექციები მინიმალიზმით, გეომეტრიული ხაზებითა და მონოქრომული პალიტრით გამოირჩევა, რაც იდეალურად პასუხობს თავდაჯერებული, დამოუკიდებელი ქალების ესთეტიკას. განსაკუთრებით საყურადღებოა ბრენდის მიდგომა ბიზნესის მდგრადობის კუთხითაც - გარემოზე ზრუნვისა და ჭარბწარმოების თავიდან აცილების მიზნით, მათი თითოეული სამოსი ხელითა და მკაცრად შეზღუდული რაოდენობით იქმნება., როგორი იყო „ინგოროყვას“ ხედვა ამ სეზონზე? სტუმარი: თამუნა ინგოროყვა - INGOROKVA, ბრენდის დამფუძნებელი და დიზაინერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia