ქართული დროშა ანტარქტიდაზე და კლიმატის ცვლილების შესახებ ცნობიერების ამაღლება - ამ მისიით ნოემბრის ბოლოს სამკაციანი ქართული ჯგუფი ანტარქტიდისკენ გაემგზავრება. ექსპედიციაში GeoGraphic-ის მმართველი პარტნიორი, გიორგი გოცირიძე, ლეგენდარული ქართველი ალპინისტი ბიძინა გუჯაბიძე და მთამსვლელი, ოპერატორი ნიკა ლებანიძე მონაწილეობენ. პროექტის მიზანია ანტარქტიდაზე მიღებული გამოცდილება გადაიქცეს საზოგადოებისთვის გასაგებ ცოდნად და საგანმანათლებლო ინიციატივებად, რომლებიც კლიმატის ცვლილების, გარემოს დაცვისა და ადაპტაციის საკითხებზე ცნობიერების ამაღლებას შეუწყობს ხელს. აღსანიშნავია, რომ ექსპედიციის ბაზაზე მუდმივმოქმედი ციფრული პლატფორმა - "ცისკარი" შეიქმნა. როგორც პლატფორმის დამფუძნებლები აცხადებენ, პლატფორმა არის გრძელვადიანი ინიციატივა, რომელიც მსოფლიოს ყველაზე გამორჩეულ ადგილებში განხორციელებულ ექსპედიციებს საზოგადოებისთვის ცოდნის, შთაგონებისა და განათლების წყაროდ აქცევს. რა მიზანი აქვს პირველ ქართულ ექსპედიციას ანტარქტიდაზე და როგორია პლატფორმა "ცისკარის" გეგმები?

სტუმარი: გიორგი გოცირიძე - GeoGraphic-ის მმართველი პარტნიორი და პლატფორმა “ცისკარის” თანადამფუძნებელი

#ახალიამბები #BusinessMediaGeorgia