ელექტროენერგიის ექსპორტი 10 წლიან მინიმუმზეა, ბაზარზე სიჭარბის გამო კი, მაისში გენერაცია 10%-ით შემცირდა - 2026 წელი ელექტროენერგიის ბაზრისთვის რთული აღმოჩნდა. Galt & Taggart-ის მონაცემებით, მაისში, რომელიც ექსპორტისთვის ერთ-ერთი მნიშვნელოვანი თვეა თურქეთში ელექტროენერგიის ექსპორტი რაოდენობრივად 4.8-ჯერ, ხოლო ღირებულებით 7.8-ჯერ შემცირდა. მიზეზი თურქეთის ბაზარზე ფასების მკვეთრი კლებაა. გასულ თვეში თურქეთში ექსპორტის საშუალო ფასი კვტ.სთ-ზე თითქმის 40%-ით 2.7 ცენტამდე იყო შემცირებული, რაც ექსპორტს არამიმზიდველს ხდის. ბაზარზე ჭარბი ელექტროენერგიის გამო კი, მაისში შემცირდა ჰიდროგენერაციაც - წლიურად 9.9%-ით. ამ იძულებითი ნაბიჯის გარეშე მიწოდება მოთხოვნას გადააჭარბებდა. მოლოდინია, რომ გენერაციის შეზღუდვების გაგრძელებას ივნის-ივლისშიც ელოდება, თუმცა შედარებით ნაკლები მოცულობით. კომერციულად არამიმზიდველი ექსპორტს ფონზე ესკომ თურქეთთან ბარტერის შეთანხმება გააფორმა და ამ ბარტერისთვის ელექტროენერგიას ჰესისგან 4 თეთრად შეიძენს.

რა სიგნალია არსებული ვითარება ბაზრისთვის და როგორ უნდა გადალაგდეს ბაზარი თუ დაგეგმილი პროექტები ამ ტენდენციებზე მოსარგებად?

სტუმარი: მაია მელიქიძე - განახლებადი ენერგიის განვითარების ასოციაციის აღმასრულებელი დირექტორი

#ახალიამბები #BusinessMediaGeorgia