2025 წელს ბიტკოინის გამომუშავებაზე საქართველოს ელექტროენერგიის 5% დაიხარჯა. სემეკისთვის წარდგენილი სტატისტიკის თანახმად, ამ საქმიანობით დაკავებული კომპანიების გამომუშავება სამჯერ გაიზარდა და 752 მილიონი კილოვატ საათი შეადგინა. რაც შეეხება 2026 წლის მონაცემებს, სემეკის ინფორმაციით, წელს იანვარ-თებერვალში ამ კომპანიების ჯამური მოხმარება 86.7 მილიონი კილოვატ საათი იყო, რაც საქართველოს ელექტრომოხმარების 3%-ს შეადგენდა. ენერგეტიკოსების ნაწილი მიიჩნევს, რომ მაინინგს საქართველოს ეკონომიკისთვის სარგებელი არ მოაქვს. მათი განმარტებით, კომპანიების უმეტესობა, რომელიც მაინინგითაა დაკავებული, თავისუფალ ინდუსტრიულ ზონებში მუშაობს და გადასახადებს თითქმის არ იხდის. მათივე შეფასებით, ასეთი საწარმოები დიდი ოდენობით იაფ ელექტროენერგიას მოიხმარენ, რაც ქსელების გადატვირთვას იწვევს. როგორია კრიპტომაინინგის გავლენა ქვეყნის ელექტროენერგეტიკულ მდგრადობაზე და რა სახის ადმინისტრირებას ითხოვენ ენერგეტიკოსები?


#ახალიამბები #BusinessMediaGeorgia