არასამთავრობო ორგანიზაცია „იურისტთა საერთაშორისო საზოგადოება“ უნდა გაგაცნოთ, რომელიც 2025 წლის 1 ივლისს დაარსდა და მისი მიზანი მსოფლიო მასშტაბით სამართლის უზენაესობის განმტკიცება და მომავალი თუ მოქმედი იურისტების ერთიანი გლობალური ქსელის შექმნაა. ორგანიზაცია ორიენტირებულია საქართველოში მოღვაწე სამართალმცოდნეებისა და სტუდენტებისთვის საერთაშორისო გამოცდილების გაზიარებაზე, რაც კონფერენციების, ტრენინგებისა და გაცვლითი პროგრამების მეშვეობით ხორციელდება. ამასთანავე, იურისტთა საერთაშორისო საზოგადოების ბაზაზე ფუნქციონირებს იურიდიული დახმარების ცენტრი, რომელიც საქართველოს მოქალაქეებს ქვეყნის შიგნით და მის ფარგლებს გარეთ სამოქალაქო, ადმინისტრაციულ და სისხლის სამართლის საკითხებზე ცხელი ხაზით უწევს კონსულტაციას. აღსანიშნავია, რომ ცენტრში დასაქმების შესაძლებლობა ეძლევათ იმ პირებს, რომლებიც წარმატებით გაივლიან ორგანიზაციის მიერ შემოთავაზებულ სპეციალურ გადამზადების კურსებსა და საერთაშორისო პროექტებს. „იურისტთა საერთაშორისო საზოგადოება“ სრული პასუხისმგებლობით ეკიდება ქართული სამართლებრივი სფეროს გაძლიერებას და ხელს უწყობს ქართველ იურისტებს გლობალური ცოდნისა და პროფესიული ურთიერთობების მოპოვებაში.

სტუმარი: ირმა კახიძე - ,,იურისტთა საერთაშორისო საზოგადოება", დირექტორი

#ქალებისნარატივი მარიამ იზორიასთან ერთად

#ახალიამბები #BusinessMediaGeorgia