მთავრობა სოფლის მეურნეობის მხარდამჭერი სახელმწიფო პროგრამების მიმართულებით ცვლილებებს აანონსებს. როგორც გარემოს დაცვისა და სოფლის მეურნეობის მინისტრი აცხადებს, სოფლის განვითარების სააგენტოს მიმართულებით რეფორმა გატარდება და აპრილიდან ფერმერებისთვის სახელმწიფო პროგრამების ფარგლებში ახალი მიმართულებები იქნება ხელმისაწვდომი. როგორც დავით სონღულაშვილი აცხადებს, საქართველოში აგროპროდუქციის მნიშვნელოვანი ნაწილი კვლავ შინამეურნეობებში იწარმოება, სადაც პროდუქტიულობა ჩამორჩება თანამედროვე კომერციულ წარმოებას. პროდუქტიულობის ზრდა კი შეუძლებელია ტექნოლოგიების და შესაბამისი ცოდნის გარეშე. აღსანიშნავია, რომ საქართველო ძირითადი აგროპროდუქტების მიმართულებით კვლავ იმპორტზეა დამოკიდებული. გალტ & თაგარტის სოფლის მეურნეობის განვითარების ინდექსის თანახმად, სოფლის მეურნეობის ძირითადი პროდუქტების მოხმარებამ გასულ წელს ₾6.4 მილიარდს მიაღწია, საიდანაც ₾2.8 მლრდ იმპორტზე მოდიოდა. მათ შორის, ხორცის მოხმარებაში ადგილობრივი წარმოების წილი 39%-ია. რა გამოწვევების წინაშეა ადგილობრივი აგროპროდუქტების წარმოება და როგორ უნდა შეიცვალოს სოფლის მეურნეობის მხარდამჭერი სახელმწიფო პროგრამები?

სტუმარი: ბექა გონაშვილი - აგროქიზიყის დამფუძნებელი

#ახალიამბები #BusinessMediaGeorgia