1-ელი მარტიდან საქართველოში უცხოელთა დასაქმების წესები მკაცრდება. ერთ-ერთი მთავარი სიახლე „შრომითი საქმიანობის უფლებაა“, რომლის გარეშეც უცხო ქვეყნის წარმომადგენელთან შრომითი ან მომსახურების ხელშეკრულების გაფორმება აკრძალული იქნება. შესაბამისი უფლების გამცემ უწყებად ჯანდაცვის სამინისტრო განისაზღვრა, რომელსაც დამსაქმებელმა უნდა მიმართოს. შესაბამისი უფლების გარეშე მუშაობა როგორც უცხოელი თანამშრომლის, ისე დამსაქმებლის დაჯარიმებას გამოიწვევს. ამასთან, კანონის თანახმად, თუკი „უცხოელის პროფესია/კვალიფიკაცია და პოზიცია არ შეესაბამება საქართველოს შრომის ბაზრის მოთხოვნებსა და საჭიროებებს, ჯანდაცვის სამინისტროს უფლება ეძლევა, ამ მიზეზით უცხო ქვეყნის მოქალაქეზე „შრომითი საქმიანობის უფლება“ არ გასცეს. რა იცვლება 1 მარტიდან საქართველოში უცხოელთა დასაქმების წესებში და რა კითხვები აქვს ბიზნესს?

სტუმარი: ენრი აბულაძე - იურიდიული ფირმა GLCC-ის იურისტი

#ახალიამბები #BusinessMediaGeorgia