ქართველ ავტოიმპორტიორებს, რომლებსაც ავტომობილები ევროპიდან თურქეთის გავლით სახმელეთო გზით შემოჰყავთ, ბულგარეთი-თურქეთის საზღვარზე პრობლემები შეექმნათ. ავტოიმპორტიორების ინფორმაციით, თურქული მხარე მძღოლებისგან დამატებითი საბაჟო დეკლარაციების შევსებას ითხოვს, რაც ავტოიმპორტის პროცესს აფერხებს და ხარჯებს მნიშვნელოვნად ზრდის. თურქეთის საბაჟოზე ოფიციალური გადასახადი 150 ევროს შეადგენს, თუმცა საბაჟო დეკლარაციის შევსება, რომელსაც ადგილზე ითხოვენ, ავტოიმპორტიორებს დამატებით 450 ევრომდე უჯდებათ. თურქეთის გავლით, საქართველოში ავტომობილები ძირითადად, გერმანიიდან შემოდის და უმეტეს შემთხვევაში, რეექსპორტზე გადის. ავტოიმპორტიორები დახმარების თხოვნით საგარეო საქმეთა სამინისტროს მიმართავენ. რა ვითარებაა ბაზარზე და რატომ შეიქმნა პრობლემა ევროპიდან ავტომობილების ტრანსპორტირებისას?

#ახალიამბები #BusinessMediaGeorgia