მზად ვართ, რეალური საბაზრო ღირებულება გადავიხადოთ სამშენებლო პროექტებში - ისე აღარ მოხდება, რომ სამშენებლო პროექტი, რომელიც დავაფინანსეთ, ორ წელიწადში ისევ რეაბილიტაციას საჭიროებდეს, რაშიც გადავიხდით თანხას, ის აუცილებლად იქნება ხარისხიანი, შესაბამისი საგარანტიო ვადების დაცვით, - ამის შესახებ მთავრობის ადმინისტრაციის ეფექტიანობის დეპარტამენტის უფროსმა გურამ დუმბაძემ განაცხადა.

მისი თქმით, როდესაც სახელმწიფო საბაზრო ღირებულებით გადაუხდის ბიზნესმენს კონკრეტული სამუშაოებისთვის, მას აღარ ექნება იმის საჭიროება, რომ მასალებზე ან მანქანა-მექანიზმებზე დაზოგოს და დამატებითი მოგება ნახოს. დუმბაძის თქმით, ფასების ფორმირების პროცესი დასრულდება 2026 წელს და ეტაპობრივად მოხდება ფასების განახლება. “სადაც ზრდა იქნება იქ გაიზრდება ფასი, სადაც შემცირება იქნება, იქ აუცილებლად შემცირდება”, - ამბობს გურამ დუმბაძე.

სტუმარი: ირაკლი გიორგობიანი - ინფრასტრუქტურის მშენებელთა ასოციაცია, ხელმძღვანელი

#ახალიამბები #BusinessMediaGeorgia