17 დეკემბერს ბიზნესისა და ტექნოლოგიების უნივერსიტეტმა წარმატებით დაასრულა ევროკავშირის მიერ დაფინანსებული ფართომასშტაბიანი პროექტის - „ქალების მენტორობა ტექ პროგრამებში“ მეორე ეტაპი. ღონისძიება დაეთმო პროგრამის მნიშვნელოვანი მიღწევების აღნიშვნას, რომელიც მიზნად ისახავს გენდერული თანასწორობის ხელშეწყობას და ქალების ჩართულობის ზრდას ტექნოლოგიურ სექტორში ქვეყნის მასშტაბით.

ხუთთვიანი პროგრამის ფარგლებში, ევროკავშირის მხარდაჭერით, 100 მენტორი და 350 ბენეფიციარი ჩაერთო სტრუქტურირებულ მენტორულ სესიებში შემდეგ 5 მიმართულებაში: კიბერუსაფრთხოება, ფრონტ-ენდ დეველოპმენტი, გრაფიკული დიზაინი, ციფრული მარკეტინგი და UX/UI დიზაინი. პროგრამის სამართლიანმა და ინკლუზიურმა შერჩევის პროცესმა, უზრუნველყო ფართო რეგიონული ჩართულობა - მონაწილეთა მინიმუმ ერთ მესამედს დედაქალაქის გარეთ მცხოვრები პირები წარმოადგენდნენ.

მონაწილეების მოთხოვნადი ციფრული უნარ-ჩვევებით აღჭურვით, ინიციატივა ხელს უწყობს ადგილობრივი სამუშაო ძალის განვითარებას, ეკონომიკურ ზრდას და აძლიერებს ICT სექტორს. პროგრამა ასევე ხელს უწყობს რეგიონების განვითარებას, აფართოებს დასაქმების შესაძლებლობებს და აძლიერებს ქალებს, რათა ისინი აქტიურად ჩაერთონ ქვეყნის ციფრულ ტრანსფორმაციაში.


#ახალიამბები #BusinessMediaGeorgia