2026 წლის 1 იანვრიდან იმპორტირებულ სიგარეტზე აქციზის განაკვეთი კოლოფზე 85 თეთრით, 2.75 ლარამდე იზრდება. პარლამენტში წარდგენილი კანონპროექტით, ადგილობრივი წარმოების სიგარეტზე აქციზის განაკვეთი რაც ამჟამად იმპორტულის თანაბარი იყო და 1.9 ლარს შეადგენდა, 1.3 ლარით განისაზღვრება. ამასთან, კანონპროექტის თანახმად, ადგილობრივი თამბაქოს ნაწარმზე შეღავათი ვრცელდება პირველ 35 მილიონ კოლოფზე, რის შემდეგაც სტანდარტული ტარიფი იმოქმედებს. იქიდან გამომდინარე, რომ საქართველოში ძირითადად იმპორტირებული თამბაქოს ბრენდებს მოიხმარენ, მოსალოდნელია, რომ სიგარეტის საშუალო ფასი 2026 წლიდან გაიზრდება. თამბაქოს მწარმოებელ საერთაშორისო კომპანიებში კი აცხადებენ, რომ იმპორტირებული და ადგილობრივი ინდუსტრიის დიფერენცირებული დაბეგვრის რეჟიმი საქართველოს მიერ აღებულ საერთაშორისო ვალდებულებებს ეწინააღმდეგება.


#ახალიამბები #BusinessMediaGeorgia