ინფრასტრუქტურის სამინისტრო თბილისში სამშენებლო მასალების ხარისხის კონტროლის ლაბორატორიას ქმნის. სამინისტროს ინფორმაციით, ახალი მრავალფუნქციური ხარისხის მაკონტროლებელი ლაბორატორია სამშენებლო მასალებისა და ინფრასტრუქტურული ობიექტების ხარისხის შემოწმებას უზრუნველყოფს. უწყებაში აცხადებენ, რომ ეს მნიშვნელოვნად გააძლიერებს ქვეყნის ინფრასტრუქტურული პროექტების ხარისხის მართვის სისტემას. საავტომობილო გზების დეპარტამენტმა უკვე ჩაატარა ტენდერი ტექნიკური დოკუმენტაციის მომზადებისა და საავტორო ზედამხედველობის მომსახურებაზე. ტენდერში გამარჯვებული კომპანია „ტასჰაბი“ დეპარტამენტის წარმომადგენლებთან ერთად გერმანიაში იმყოფებოდნენ, სადაც ადგილობრივი ლაბორატორიების გამოცდილებას გაეცნენ. რა როლი ექნება სახელმწიფო ლაბორატორიას ბაზარზე და იქნება თუ არა ის უკვე არსებული კერძო ლაბორატორიების კონკურენტი?

სტუმარი: ტიტე ჯიშიაშვილი - Caucasian Infrastructure Technology-ის დირექტორი

#ახალიამბები #BusinessMediaGeorgia