თბილისის მერიამ ₾416.5-მილიონიანი საერთაშორისო ტენდერი გამოაცხადა, რომლითაც დიდი დიღმიდან მეტრო დიდუბემდე ტრამვაის 7.5-კილომეტრიანი ხაზის დაპროექტება და მშენებლობა იგეგმება. პროექტი ასევე მოიცავს ტრამვაის დეპოს მშენებლობას და მის ტექნიკურ აღჭურვას. ტრამვაის ახალ ხაზს 11 გაჩერება უნდა ჰქონდეს. ის ძირითადად დავით აღმაშენებლის ხეივნის შუა, გამწვანებულ მონაკვეთს გაივლის.

პროექტის განხორციელებისთვის კონტრაქტორს 36 თვის ვადა, ანუ 3 წელი ექნება. აქედან უშუალოდ სამშენებლო სამუშაოებისთვის 24 თვეა გამოყოფილი.

ამასთან, ტენდერში არ შედის უშუალოდ ტრამვაის 10 ერთეული მოძრავი შემადგენლობის შესყიდვის საფასური, რისთვისაც თბილისის სატრანსპორტო კომპანია სავარაუდოდ არანაკლებ 200 მილიონი ლარის ტენდერს გამოაცხადებს. შესაბამისად მთლიანობაში თბილისში ტრამვაის დაბრუნების ღირებულებამ შესაძლოა 600 მილიონ ლარსაც გადააჭარბოს.

რამდენად რეალისტურია პროექტის თბილისში განხორციელება?

სტუმარი: ირაკლი იზორია - ფონდის „პარტნიორობა საგზაო უსაფრთხოებისთვის“ დირექტორი;

#ახალიამბები #BusinessMediaGeorgia