ჯანდაცვის მსოფლიო ორგანიზაციის დირექტორი, ტედროს ადანომ გებრეისუსი აცხადებს, რომ მომდევნო პანდემია გარდაუვალია. მისი თქმით, ეს არა თეორიული რისკი, არამედ "ეპიდემიოლოგიური ჭეშმარიტებაა" და ნებისმიერ წამს შეიძლება მოხდეს, იქნება ეს 20 წლის შემდეგ, თუ - ხვალ.
ჯანმოს შეხვედრაზე გებრეისუსმა აღნიშნა, რომ ჯანდაცვის მომდევნო გლობალური კრიზისი გარდაუვალად დადგება და მას მომზადებულები უნდა შევხვდეთ.

ჯანმოს დირექტორმა შეხვედრაზე ორგანიზაციის "პანდემიის შეთანხმების" დასრულების მნიშვნელობაზე ისაუბრა და ხაზი გაუსვა, რომ შეთანხმება ჯანმოს წევრი ქვეყნების სუვერენიტეტს ხელს არ შეუშლის: "პირიქით, ის გააძლიერებს ეროვნულ სუვერენიტეტსა და საერთაშორისო რეაგირებას".

რა ვისწავლეთ წინა პანდემიიდან და რამდენად მომზადებული შეიძლება შეხვდეს მსოფლიო პოტენციურ პანდემიებს?

სტუმარი: ზაზა წერეთელი - WHO-ს უნივერსალური ჯანმრთელობისა და პანდემიებისთვის მზადყოფნის მიმოხილვის მრჩეველთა ჯგუფის წევრი, ჯანდაცვის ექსპერტი

#ახალიამბები #BusinessMediaGeorgia