თეთრი სახლის ინფორმაციით, 25%-იანი ტარიფების დაწესება კანადასთან და მექსიკასთან ავტოინდუსტრიაზე ერთი თვით გადავადდება. შტატების 47-ე პრეზიდენტის გადაწყვეტილება თეთრმა სახლმა გაავრცელა. ცნობისთვის, 4 მარტს ძალაში შევიდა აშშ-ის ახალი ტარიფები კანადის, მექსიკისა და ჩინეთის პროდუქციის მიმართ. ტრამპის ადმინისტრაციამ კანადას და მექსიკას 25%-იანი ტარიფები დაუწესა, ჩინეთის პროდუქციის იმპორტზე გადასახადები კი 10%-დან 20%-მდე გაიზარდა. კანადამ გამოაცხადა, რომ სარკისებურად 25%-იან გადასახადს უწესებს აშშ-ს და მოუწოდა მას, გადახედოს მის მიერ ახლად დაწესებულ ტარიფებს. კანადამ ასევე ვაჭრობის მსოფლიო ორგანიზაციაში აშშ-ის წინააღმდეგ სარჩელი შეიტანა.


#ახალიამბები #BusinessMediaGeorgia