საქართველოში მანქანების რაოდენობა თვეში დაახლოებით 8.1 ათასით იზრდება. აღნიშნული მაჩვენებელი მომსახურების სააგენტოს ოფიციალურ სტატისტიკაზე დაკვირვებამ გამოკვეთა. კერძოდ, ოფიციალური მონაცემებით, წელს იანვრის დასაწყისში საქართველოში 1 870 657 ერთეული ავტომობილი იყო რეგისტრირებული, ამ დროისთვის კი უკვე 1 886 918 ერთეული შეადგინა. შესაბამისად, 2 თვეში ქვეყანაში მანქანების რაოდენობა დაახლოებით, 16.2 ათასით გაიზარდა.

მომსახურების სააგენტოს მონაცემებით, 2 თვეში 4 479 ერთეულით გაიზარდა მართვის მოწმობების რაოდენობაც. წელს იანვარში მართვის უფლება 1 656 259 მოქალაქეს ჰქონდა, ამ დღეისთვის კი - 1 660 738-ს.

რატომ იზრდება ავტოპარკის რიცხვი ქვეყანაში და როგორ მუშაობს საზოგადოებრივი ტრანსპორტის რეფორმა?

სტუმარი: ირაკლი იზორია - „პარტნიორობა საგზაო უსაფრთხოებისთვის“ დირექტორი;

#ახალიამბები #BusinessMediaGeorgia