ემანუელ მაკრონის მიწვევით, 17 თებერვალს, პარიზში ევროპელი ლიდერების საგანგებო სამიტი გაიმართა. შეხვედრას ესწრებოდნენ საფრანგეთის, გერმანიის, იტალიის, ესპანეთის, დიდი ბრიტანეთის, პოლონეთის, დანიისა და ნიდერლანდის ლიდერები, ასევე ევროკომისიისა და ევროპული საბჭოს ხელმძღვანელები და ნატოს გენერალური მდივანი მარკ რუტე. სამიტის შემდეგ გაკეთებული კომენტარების თანახმად, ლიდერებმა უკრაინის სამშვიდობო მოლაპარაკებებში ევროპის როლზე და მომავალში თავდაცვის გაძლიერებაზე იმსჯელეს. თუმცა ითქვა ისიც, რომ შეხვედრა გარკვეულწილად აზრთა არაფორმალური გაცვლა იყო და ლიდერები არაფერზე შეთანხმებულან. რა გზავნილები გაისმა ელისეის სასახლიდან და რისთვის ემზადება ევროპა?

#ახალიამბები #BusinessMediaGeorgia