ეროვნული ბანკი მიიჩნევს, რომ საბანკო სექტორში არაუზრუნველყოფილი სამომხმარებლო სესხების ზრდის დინამიკა საყურადღებოა. როგორც მარეგულირებელი ფინანსური სტაბილურობის კომიტეტის სხდომის შემდეგ გავრცელებულ პრესრელიზში აღნიშნავს, მსგავსი ტიპის სესხები საკრედიტო აქტივობის საერთო ტენდენციას უსწრებს, თუმცა ამ ეტაპზე სებ-ს სესხების ვადიანობის შეზღუდვის გადაწყვეტილება არ მიუღია. ამ ფონზე ეკონომისტების ნაწილი არ გამორიცხავს, რომ მომდევნო თვეებში ეროვნულ ბანკს დაჩქარებული დაკრედიტების ტემპის მოსათოკად გარკვეული რეგულაციების დაწესება მოუწიოს და სამომხმარებლო სესხების ვადიანობა კვლავ შემცირდეს. რა ტენდენციებია საფინანსო სექტორში და მოსალოდნელია თუ არა სამომხმარებლო სესხების ვადიანობის ისევ შემცირება?


#ახალიამბები #BusinessMediaGeorgia