თელავის მუნიციპალიტეტის სოფელ ლაფანყურში მოსახლეობას პარასკევს მთელი დღის განმავლობაში სოფლის შესასვლელში გზა ჰქონდა გადაკეტილი. საქმე ეხება ლოპოტა ჰესის მშენებლობას, სადაც, კომპანია ართანა ლოპოტას წარმომადგენლებს ხეობაში ტექნიკის შეყვანის და ჰესის მშენებლობის დაწყების საშუალებას არ აძლევდნენ. ჩვენი გადამღები ჯგუფი ადგილზე იმყოფებოდა და გაეცნო სიტუაციას.
საუბარია არათანა ლოპოტას 5.9 მეგავატიანი სიმძლავრის ჰესზე რომლის მშენებლობაც სოფლიდან რამდენიმე კილომეტრის მოშორებით ხეობაშია დაგეგმილი. ლაფანყურის მოსახლეობა ცდილობდა ხელის შეშლას და გზის გადაკეტვას,თუმცა სამართალდამცველები ჩაერივნენ რამაც მათ შორის სიტყვიერი დაპირისპირება გამოიწვია. ჰესის მშენებელ კომპანიაში აცხადებენ, რომ მათ სახელმწიფოსგან შესაბამისი ნებართვა აქვთ და ჰესის მშენებლობას უახლოს პერიოდში დაიწყებენ.



#ახალიამბები #BusinessMediaGeorgia