გუშინ გავრცელდა ინფორმაცია, რომ ნიუ იორკის ბრონქსის ზოოპარკში კორონავირუსით ვეფხვი დაინფიცირდა. შესაბამისად მოჰყვა ამ ფაქტს მოქალაქეების მხრიდან რეაქცია და გაჩნდა კითხვები, რამდენად გადამტანები არიან ცხოველები ვირუსის და არის თუ არა საშიშროება. BMG -იმ მოიკითხა თემა და გავარკვიეთ, რომ ჯერჯერობით არ არის დადასტურებული შესაბამისი ორგანოების მხრიდან ვეფხვის დაინფიცირება, კონკრეტულად კოვიდ 19-ით. ამასთან, საქართველოს წვრილი ცხოველების ვეტერინართა ასოციაციის პრეზიდენტის, ვეტერინარ მარიამ ჩხიკვიშვილის განცხადებით, ამ ეტაპზე შინაური ცხოველები არ ავადობენ კორონავირუსით და ისინი საშიშროებას არ წარმოადგენს საზოგადოებისთვის.


#ახალიამბები #BusinessMediaGeorgia